മലയാള സിനിമയിലെ താരരാജാവ് പ്രിയ നടൻ മോഹൻലാലിനെ നായകനാക്കി പ്രിയദർശൻ ഒരുക്കിയ ബ്രഹ്മാണ്ഡ ചിത്രമാണ് മരക്കാർ അറബിക്കടലിന്റെ സിംഹം എന്നത് . ഏറ്റവും വലിയ മുതൽ മുടക്കിൽ മലയത്തിൽ ഒരുക്കിയ ഈ ചിത്രം , ഒരു മലയാള സിനിമയിക്ക്‌ ലഭിച്ച ഏറ്റവും വലിയ റിലീസ് ആണ് സ്വന്തമാക്കിയത്. അറുനൂറിൽ പരം സ്‌ക്രീനുകളിൽ കേരളത്തിൽ നിറഞ്ഞെത്തിയ ഈ ചിത്രം വിദേശത്തും റെക്കോർഡ് പ്രദർശനം ആണ് കരസ്ഥമാക്കിയത് .

ഏറ്റവും കൂടുതൽ ആഗോള കളക്ഷൻ ആദ്യ ദിനം നേടിയ മലയാള ചിത്രമെന്ന ബഹുമതിയും , ആദ്യ ദിനം ഇരുപതു കോടി രൂപയ്ക്കു മുകളിൽ നേടുന്ന ആദ്യ മലയാള സിനിമ എന്ന റെക്കോർഡും ബ്രഹ്മാണ്ഡ ചിത്രമായ മരക്കാർ സ്വന്തമാക്കി. എന്നാൽ പ്രേക്ഷകരിൽ നിന്നും സമ്മിശ്ര പ്രതികരണം നേടി എടുത്ത ചിത്രം ആഗോള കളക്ഷൻ അമ്പതു കോടി പിന്നിട്ടപ്പോഴേക്കും പ്രദർശനം അവസാനിപ്പിക്കുകയായിരുന്നൂ. തിയറ്ററിൽ പ്രദർശനം തുടങ്ങി പതിനാലു ദിവസം കഴിഞ്ഞു ആമസോൺ പ്രൈം റിലീസ് ആയി ചിത്രം സ്ട്രീം ചെയ്തത് കൊണ്ടാണ് തീയേറ്ററുകളിൽ നിന്നും മരക്കാർ പിൻവലിച്ചത്. ഈ ചിത്രത്തിന് ലഭിച്ച ആമസോൺ റൈറ്റ്സ് നാൽപതു കോടിക്കു മുകളിൽ ആണെന്ന് റിപ്പോർട്ടുകൾ പറയുന്നു.

ഇപ്പോഴിതാ, ഈ ചിത്രത്തിൽ നിന്നും നീക്കം ചെയ്ത, ഒരു വീഡിയോ രംഗം സോഷ്യൽ മീഡിയ ശ്രദ്ധ നേടുകയാണ്. പ്രേക്ഷകർക്ക്‌ തീയേറ്ററിലോ ആമസോൺ പ്രൈമിലോ കാണാൻ സാധിക്കാത്ത ഒരു രംഗം അണിയറ പ്രവർത്തകർ പുറത്തു വിട്ടിരിക്കുകയാണ്. എന്നാൽ ഈ ഒരു രംഗം ചിത്രത്തിന്റെ തമിഴ് പതിപ്പിൽ കാണാൻ സാധിച്ചിരുന്നു. ഒരു കോമഡി രംഗമാണിത് . ആ രംഗം മനോഹരമാക്കി അവതരിപ്പിക്കുന്നത് മാമുക്കോയ ചെയ്യുന്ന കഥാപാത്രമാണ്. ഈ സീനിൽ മാമുക്കോയക്ക് ഒപ്പം മോഹൻലാൽ, സിദ്ദിഖ്, നന്ദു തുടങ്ങിയവരും അഭിനയിച്ചിട്ടുണ്ട് .

സൈനയുടെ യൂട്യൂബ് ചാനൽ വഴിയാണ് ഈ രംഗം പുറത്തു വിട്ടിരിക്കുന്നത്. ചിത്രത്തിന്റെ മ്യൂസിക് ആൻഡ് വീഡിയോ പാർട്ണർ ആണ് സൈന. ഈ ചിത്രം നാല് മണിക്കൂറോളം ദൈർഖ്യം ഉണ്ടായിരുന്നു എന്നും തീയേറ്ററുകൾക്കു വേണ്ടി ഒരു മണിക്കൂറോളം വെട്ടി ചുരുക്കിയാണ് തിയറ്ററുകളിൽ റിലീസ് ചെയ്തത് എന്നും സ്ഥിതീകരിക്കാത്ത റിപ്പോർട്ടുകൾ പറയുന്നുണ്ട്.

മലയാള സിനിമയിലെ യുവതാര സുന്ദരിമാരിൽ ഏറെ പ്രതീക്ഷ പകരുന്നതും മികവുറ്റ അഭിനയം കാഴ്ചവയ്ക്കുകയും ചെയ്യുന്ന ഒരു താരമാണ് സാനിയ ഇയ്യപ്പൻ. ഒരു ഡാന്‍സ് റിയാലിറ്റി ഷോയിലൂടെ തകർപ്പൻ പ്രകടനം കാഴ്ചവച്ച് ജനശ്രദ്ധ നേടിയെടുക്കുകയായിരുന്നു താരം . പിന്നീട് സിനിമയിൽ ബാലതാരമായി എത്തി നായിക നിരയിലേക്ക് കുതിച്ചുയർന്നു നടി സാനിയ ഇയ്യപ്പന്‍. മമ്മൂട്ടിയുടെ ‘ബാല്യകാലസഖി’ എന്ന ചിത്രത്തിൽ ബാലതാരമായിട്ടായിരുന്നു സാനിയയുടെ സിനിമയിലേക്കുള്ള കടന്നു വരവ് . പിന്നീട് താരം എത്തിയത് ക്വീൻ എന്ന ചിത്രത്തിലെ നായിക ആയിട്ടായിരുന്നു .

മഞ്ജുവാര്യരുടെ മകളായി ലൂസിഫർ എന്ന മോഹൻലാൽ ചിത്രത്തിൽ എത്തിയതോടെ സാനിയ പ്രേക്ഷകക്കിടയിൽ പ്രിയങ്കരിയായി മാറി . പതിനെട്ടാം പടി എന്ന മമ്മൂട്ടി ചിത്രത്തിലെ ഗാനരംഗത്തിലും ഗ്ലാമറസ്സ് വേഷത്തിൽ സാനിയ പ്രത്യക്ഷപ്പെട്ടിരുന്നു.
അഭിനയം പോലെ തന്നെ മോഡലിംഗിലും തന്റെ മികവ് തെളിയിച്ച താരമാണ് സാനിയ ഇയ്യപ്പന്‍. സോഷ്യല്‍ മീഡിയയില്‍ ശ്രദ്ധേയമായ താരം തന്റെ ഫോട്ടോഷൂട്ട് ചിത്രങ്ങളും വീഡിയോസും എല്ലാം ആരാധകര്‍ക്കായി പങ്കു വെക്കാറുണ്ട്. സാനിയ അവസാനം അഭിനയിച്ചത് കൃഷ്ണന്‍കുട്ടി പണി തുടങ്ങി എന്ന ചിത്രത്തിലാണ് . ദുല്‍ഖര്‍ സല്‍മാനൊപ്പം സല്യൂട്ട് എന്ന ചിത്രത്തിലും സാനിയ അഭിനയിക്കുന്നുണ്ട്.

അഭിനേത്രി, മോഡൽ എന്നതിനപ്പുറം മികച്ചൊരു ഡാൻസർ കൂടിയാണ് താരം. ഒരു ഡാൻസ് റിയാലിറ്റി ഷോ തന്നെയാണ് താരത്തെ ഇത്രയും ശ്രദ്ധേയയാക്കി മാറ്റിയത് . ഫാഷൻ രംഗത്തും തന്റേതായ തനത് രീതി താരത്തിനുണ്ട് . ഡാൻസ് പോലെ തന്നെ ഫിറ്റ്നസിന്റെ കാര്യത്തിലും ഏറെ ശ്രദ്ധ പുലർത്തുന്ന താരമാണ് സാനിയ . ജിമ്മിലെ വർക്ക്ഔട്ട് സെക്ഷനുകൾ താരം മുടക്കാറില്ല .

ഇപ്പോൾ പ്രേക്ഷക ശ്രദ്ധ നേടുന്നത് സാനിയ തന്റെ ഇൻസ്റ്റാഗ്രാം അക്കൗണ്ടിൽ പങ്ക് വെച്ച ഒരു വീഡിയോയാണ് . മാലിദ്വീപിൽ എത്തി അവധിക്കാലം ആഘോഷിക്കുന്ന താരം കടലിനടിയിലൂടെ നീന്തുന്ന ഒരു വീഡിയോയിലാണ് ഇപ്പോൾ ആരാധക കണ്ണുകൾ ഉടക്കുന്നത് . ഏറ്റവും മികച്ച ജന്മദിനം എന്ന അടികുറിപ്പ് നൽകി കൊണ്ടാണ് താരം ഈ വീഡിയോ ആരാധകരുമായി പങ്ക് വെച്ചിരിക്കുന്നത്.

View this post on Instagram

A post shared by Saniya Iyappan (@_saniya_iyappan_)

മലയാളികൾക്ക് ഏറെ പ്രിയങ്കരിയും സീരിയൽ മേഖലയിൽ സജീവമായ അഭിനേത്രിയാണ് നടി ശാലു മേനോൻ. ഒട്ടേറെ നല്ല സീരിയലുകളുടെ ഭാഗമാകാൻ ഇതിനോടകം തന്നെ താരത്തിന് സാധിച്ചിട്ടുണ്ട്. തനിക്ക് ലഭിക്കുന്ന ഓരോ കഥാപാത്രങ്ങളിലൂടെയും തന്റെ കഴിവ് പരമാവധി പ്രകടിപ്പിച്ചു കൊണ്ടാണ് താരം അഭിനയിക്കുന്നത്. അഭിനയത്തിൽ മാത്രമല്ല താരത്തിന് മികവുറ്റ കഴിവുള്ളത് നൃത്തത്തിലും ശാലു ഏറെ ശ്രദ്ധിക്കപ്പെട്ടിട്ടുണ്ട് .

ടെലിവിഷനിൽ സജീവമായ താരം സോഷ്യൽ മീഡിയയിലും ഏറെ സജീവമാണ്. അതിമനോഹരമായ തന്റെ ചിത്രങ്ങളും നൃത്ത വീഡിയോസും എല്ലാം ആരാധകരുമായി പങ്കുവെക്കാൻ താരം മറക്കാറില്ല. ശാലുവിൻ്റെ ഏറ്റവും പുതിയ ഡാൻസ് വീഡിയോയാണ് ഇപ്പോൾ സോഷ്യൽ മീഡിയ കീഴടക്കുന്നത്. ശാലു മേനോൻ തന്റെ യൂട്യൂബ് ചാനലിലൂടെയാണ് ഈ നൃത്ത വീഡിയോ ആരാധകർക്കായി പോസ്റ്റ് ചെയ്തിരിക്കുന്നത് .

രണ്ട് ലക്ഷത്തിനു മുകളിൽ കാഴ്ചക്കാരെയാണ് ഒരു മാസം മുൻപ് പോസ്റ്റ് ചെയ്ത ഈ വീഡിയോ സ്വന്തമാക്കിയിട്ടുള്ളത്. അറിയാതെ അറിയാതെ എന്ന ഗാനത്തിന് അതി മനോഹരമായ നൃത്ത ചുവടുകളാണ് ശാലു കാഴ്ച വച്ചിരിക്കുന്നത്. ഗിരീഷ് പുത്തഞ്ചേരിയാണ് ഈ ഗാനത്തിന്റെ ലിറിക്‌സ് രചിച്ചിട്ടുള്ളത്. ജയചന്ദ്രൻ, കെ എസ്‌ ചിത്രയുമാണ് ഈ പാട്ട് ആലപിച്ചിരിക്കുന്നത്.

ഈ വീഡിയോയുടെ ക്യാമറ കൈകാര്യം ചെയ്തിരിക്കുന്നത് വിഷ്ണു വെഞ്ഞാറമൂട് ആണ്. ഒപ്പം അസിസ്റ്റന്റ് ക്യാമറമാൻ ആയി പ്രവർത്തിച്ചിരിക്കുന്നത് ശ്യാം ആണ്. ശാലുവിന്റെ മനോഹരനുത്ത ചുവടുകൾ നിറഞ്ഞ ഈ വീഡിയോയ്ക്ക് താഴെ ഒടേറെ പേരാണ് താരത്തെ അഭിനന്ദിച്ചും സപ്പോർട്ട് ചെയ്തു കമന്റുകൾ രേഖപ്പെടുത്തിയുള്ളത്.

മലയാള സിനിമാലോകത്ത് ആദ്യമായി ഒരുങ്ങുന്ന സൂപ്പർ ഹീറോ ചിത്രമാണ് മിന്നൽ മുരളി . ഈ ചിത്രത്തിന്റെ പശ്ചാതലത്തിൽ മുത്തൂറ്റ് ഫിൻ കോർപ്പിന്റെ പുതിയ പരസ്യ ചിത്രം സോഷ്യൽ മീഡിയയിൽ തരംഗമായി. നെറ്റ് ഫ്ളക്സും മുത്തൂറ്റും ചേർന്ന് മിന്നൽ മുരളിയെ ആഘോഷമാക്കി തീർക്കുകയാണ്. മിന്നട്ടെ ലൈഫ് എന്ന ക്യാമ്പെയ്നുമായാണ് ഈ പരസ്യചിത്രം പുറത്തു വിട്ടിരിക്കുന്നത്. ഏറെ വ്യത്യസ്തത പുലർത്തുന്ന ഈ പരസ്യചിത്രം സംവിധാനം ചെയ്തിരിക്കുന്നത് ബേസിൽ ജോസഫ് ആണ്. ഈ മ്യൂസിക്കൽ പരസ്യത്തിൽ വിനയ് ഫോർട്ട്, ഹരീഷ് കണാരൻ , മഡോണ സെബാസ്റ്റ്യൻ എന്നിവർ അഭിനയിക്കുന്നു.

കുറുക്കൻ മൂല എന്ന ഗ്രാമത്തിലെ നിവാസികളുടെ ജീവിതം ഒരു മിന്നൽ വേഗത്തിൽ മാറുന്നതായാണ് ഈ മ്യൂസിക്കൽ പരസ്യത്തിൽ കാണിക്കുന്നത്. അവസരം ലഭിക്കുമ്പോൾ ജീവിതം മെച്ചപ്പെടുത്തണം എന്ന സന്ദേശമാണ് മുത്തൂറ്റ് ഫിൻ കോർപ്പ് ഈ പരസ്യ ചിത്രത്തിലൂടെ നൽകുന്നത്. ഈ മ്യൂസിക്കൽ പരസ്യത്തിന്റെ സംഗീത സംവിധാനം നിർവഹിച്ചിട്ടുള്ളത് ഷാൻ റഹ്മാൻ ആണ്. ഈ പരസ്യത്തിന്റെ ആശയ രൂപീകരണവും രചനയും നിർവഹിച്ചിരിക്കുന്നത് മുത്തൂറ്റ് ഫിൻ കോർപ്പിന്റെ ക്രിയേറ്റീവ് ഏജൻസിയായ ഓർഗാനിക് ബി പി എസാണ് .

മണിക്കൂറുകൾ മുൻപ് സോഷ്യൽ മീഡിയയിൽ പ്രചരിപ്പിച്ച ഈ മ്യൂസിക്കൽ പരസ്യം പ്രേക്ഷകർ ഇരു കൈയ്യും നീട്ടി സ്വീകരിച്ചിരിക്കുകയാണ് . കിടിലൻ, സൂപ്പർ തുടങ്ങി ഒട്ടേറെ നല്ല കമന്റുകളും ഇതിനോടകം ഈ വീഡിയോ നേടി കഴിഞ്ഞു.

മലയാള സിനിമയിലെ പ്രമുഖ താരങ്ങൾ എല്ലാം പങ്കെടുക്കുന്ന, താര സംഘടനയായ അമ്മയുടെ ജനറൽ ബോഡി മീറ്റിംഗ് ഇന്ന് കൊച്ചിയിൽ വച്ച് തുടങ്ങി. എല്ലാ പ്രമുഖ താരങ്ങളും ഈ ചടങ്ങിൽ പങ്കെടുത്തിരുന്നു . താരരാജക്കന്മാരായ മോഹൻലാൽ, മമ്മൂട്ടി, എന്നിവരിൽ തുടങ്ങി പൃഥ്വിരാജ്, ജയസൂര്യ, ആസിഫ് അലി, സൗബിൻ, ബാബു രാജ്, മഞ്ജു വാര്യർ, കീർത്തി സുരേഷ്, അനു സിത്താര, മിയ, എസ്തർ, അന്ന ബെൻ, ഗ്രേസ് ആന്റണി, നമിത പ്രമോദ് ,ഹണി റോസ് തുടങ്ങി ഒരു നീണ്ട താര നിര തന്നെ ഈ ചടങ്ങിനായി എത്തി. അമ്മയുടെ ജനറൽ ബോഡി മീറ്റിംഗ് നടക്കുന്നത് കൊച്ചിയിലെ ക്രൗൺ പ്ലാസയിൽ വച്ചായിരുന്നു .

താരസംഘടനയുടെ എക്‌സിക്യൂട്ടീവ് കമ്മിറ്റിയിലേക്കുള്ള തെരഞ്ഞെടുപ്പും ഇന്നത്തെ ഈ ചടങ്ങിൽ നടക്കും . ഒട്ടുമിക്ക താരങ്ങളും അവരവരുടെ ആഢംബര കാറുകളിലാണ് ചടങ്ങിനായി എത്തിപ്പെട്ടത് . ശേഷം ക്രൗൺ പ്ലാസയിൽ ആഡംബര കാറുകളുടെ ഒരു നീണ്ട നിര തന്നെയാണ് കാണാൻ സാധിച്ചത് . കസവ് മുണ്ടും ഷർട്ടും ധരിച്ച് ഒരു സിംപിൾ നാടൻ ലുക്കിലാണ് നടൻ മോഹൻലാൽ ഇവിടേക്ക് എത്തിയത്. ഒരു സ്റ്റൈലിഷ് കൂളിംഗ് ഗ്ലാസും ധരിച്ച് സേതുരാമയ്യർ സ്റ്റെലിലാണ് മമ്മൂട്ടി വന്നിറങ്ങിയത് . കൂളിംഗ് ഗ്ലാസ് ധരിച്ച് മമ്മൂട്ടിയെ പോലെ തന്നെ ആയുന്നു പൃഥ്വിരാജിന്റേയും എൻട്രി .

ആഢംബരകാറുളുടെ വൻ നിര അണിനിരന്ന ചടങ്ങിൽ മോഹൻലാൽ തന്റെ ടൊയോട്ട വെല്‍ഫയറിലാണ് എത്തിയത്. മെഴ്സിഡിസ് ജി 55 ലാണ് മമ്മൂട്ടിയും ആസിഫ് അലിയും വന്നു ചേർന്നത്. വിനയ് ഫോർട്ടും സംവിധായകനും നടനുമായ ലാലും വന്നതാവട്ടെ അവരുടെ ബെൻസിൽ. കാറുകളോട് ഏറെ പ്രിയമുള്ള നടൻ പൃഥ്വിരാജ് തന്റെ ആഡംബര ബി.എം.ഡബ്ള്യൂ കാറിലാണ് വന്നത്.

നടിമാരും ഒട്ടും മോശമായിരുന്നില്ല. തെന്നിന്ത്യൻ സൂപ്പർ താരം കീർത്തി സുരേഷ് തന്റെ പുത്തൻ വോൾവോ കാറിൽ എത്തിയപ്പോൾ മലയാളത്തിന്റെ സ്വന്തം അനു സിത്താര ഓഡി കാറിലും, ടൊയോട്ട ഫോർച്ചുണറിൽ നടി അനുശ്രീയും ഈ ജനറൽ ബോഡി മീറ്റിംഗിന് കൊച്ചിയിൽ എത്തിയത്. ഇത്തവണത്തെ അമ്മ സംഘടനയിൽ വോട്ടിങ്ങിലൂടെയാണ് പ്രവർത്തക സമിതി അംഗങ്ങളെയും, വൈസ് പ്രസിഡന്‍റുമാരെയും തിരഞ്ഞെടുത്തത്.

മലയാള സിനിമാലോകത്ത് ഒരു ഫാൻ്റാസി സൂപ്പർ ഹീറോ സിനിമാ എന്ന സ്വപ്ന നിമിഷം നിറവേറാൻ ഇനി വിരലിൽ എണ്ണാവുന്ന ദിവസങ്ങൾ മാത്രം ബാക്കി . മലയാള സിനിമയിലെ യുവ താരനിരയിലെ ശ്രദ്ധേയൻ ടോവിനോ തോമസ് പ്രധാന വേഷത്തിൽ എത്തുന്ന മിന്നൽ മുരളി എന്ന ഫാന്റസി ചിത്രം റിലീസിന് തയ്യാറെടുക്കുന്നു . ഒ ടി ടി റിലീസിലെ പ്രമുഖരായ നെറ്റ് ഫ്ളിക്‌സിലൂടെയാണ് മിന്നൽ മുരളി പ്രേഷക സദസ്സിലേക്ക് എത്തുന്നത്. മിന്നൽ മുരളി എന്ന ചിത്രത്തിന് മലയാള സിനിമ ചരിത്രത്തിലെ ആദ്യത്തെ സൂപ്പർ ഹീറോ ചിത്രം എന്ന പ്രത്യേകതയും ഉണ്ട് .

പേരിൽ നിരഞ്ഞ വ്യത്യസ്തത ചിത്രത്തിലുട നീളം ഉണ്ടാകും എന്നാണ് പ്രേക്ഷക പ്രതീക്ഷ . ഓൾ ഇന്ത്യാ ലെവലിൽ പുറത്തിറങ്ങാൻ തയ്യാറെടുക്കുന്ന മിന്നൽ മുരളിക്ക് രണ്ട് പാർട്ടുകൾ ഉണ്ടെന്നാണ് അറിയാൻ സാധിച്ചത് . നിരവധി സെലിബ്രിറ്റികൾ ആണ് ചിത്രത്തിന്റെ പ്രമോഷന് വേണ്ടി രംഗത്ത് എത്തിയിരിക്കുന്നത്.

ബോളിവുഡിലെ കിംഗ് എന്നറിയപ്പെടുന്ന നടൻ അക്ഷയ് കുമാർ , ബോളിവുഡ്,ഹോളിവുഡിൽ നിറഞ്ഞു നിൽക്കുന്ന താരസുന്ദരി പ്രിയങ്ക ചോപ്ര, എന്നീ പ്രമുഖർ മിന്നൽ മുരളിയുടെ പ്രമോഷന് എത്തിയത് പ്രേക്ഷകരെ ആകാംഷയുടെ നെറുകിൽ എത്തിച്ചു . മലയാള സിനിമ ലോകത്തിന് അഭിമാനിക്കാവുന്ന ഒരു വിജയം നേടി തരാൻ ഈ ചിത്രത്തിന് കഴിയും എന്നാണ് പ്രതീക്ഷ .

ഈ ചിത്രത്തിന്റെ മേക്കിംഗ് നിരവഹിക്കുന്നത് യുവ സംവിധായകരിൽ ശ്രദ്ധേയനായ ബേസിൽ ജോസഫാണ് . സംവിധാനത്തിൽ മാത്രമല്ല ഇപ്പോ അഭിനയത്തിലും തന്റെ മികവ് പ്രകടിപ്പിച്ച് ശ്രദ്ധേയനായിരിക്കുകയാണ് ബേസിൽ . ബേസിലും ടൊവിനോയും ഒന്നിച്ച ഗോദ എന്ന ചിത്രം വമ്പൻ വിജയം കരസ്ഥമാക്കിയിരുന്നു . ഇപ്പോൾ മിന്നൽ മുരളിയുടെ പ്രമോഷനിലെ താരം WWE സൂപ്പർതാരം ഗ്രേറ്റ് കാലിയ ആണ് . നെറ്റ് ഫ്ളിക്‌സിൻ്റെ യൂട്യൂബ് ചാനലിലൂടെ റിലീസ് ചെയ്ത ഈ വീഡിയോ ഇപ്പോൾ സോഷ്യൽ മീഡിയ കീഴടക്കി മുന്നേറുകയാണ് . ഈ വീഡിയോയിൽ ഗ്രേറ്റ് കാലിയ സൂപ്പർ ഹീറോ ആകാനുള്ള ടെസ്റ്റ് നടത്തുന്ന ഒരു ആളുടെ വേഷത്തിൽ ആണ് പ്രത്യക്ഷപ്പെട്ടിരിക്കുന്നത് . പ്രേക്ഷകരെ കോരിതരിപ്പിക്കുന്ന ഈ ഫാന്റസി ചിത്രം മലയാള സിനിമയുടെ വളർച്ചയെയാണ് സൂചിപ്പിക്കുന്നത് . നെറ്റ് ഫ്ളിക്സിൻ്റെ ചാനലിലൂടെ മണിക്കൂറുകൾക്ക് മുൻപ് റിലീസ് ചെയ്ത ഈ വീഡിയോ യൂടൂബിൽ ഒന്നാം സ്ഥാനത്ത് എത്തുമെന്ന കണക്കുകൂട്ടലിലാണ് നെറ്റ് ഫ്ളിക്സ് .

മലയാളത്തിന്റെ പ്രിയ സംവിധായകൻ ലാല്‍ജോസ് സംവിധാനം ചെയ്ത് സൗബിന്‍ സാഹിര്‍, മംമ്ത മോഹന്‍ദാസ് എന്നീ ശ്രദ്ധേയ താരങ്ങളെ കേന്ദ്ര കഥാപാത്രങ്ങളാക്കി അവതരിപ്പിക്കുന്ന പുതിയ ചിത്രമാണ് ‘ മ്യാവൂ ‘ . ഈ ചിത്രത്തിലെ വീഡിയോ ഗാനം ഇപ്പോൾ റിലീസ് ചെയ്തിരിക്കുന്നു . പ്രശസ്ത ഗായകൻ വിനീത് ശ്രീനിവാസനൊപ്പം സൗബിനും ചേര്‍ന്നാണ് ഈ ഗാനം ആലപിച്ചിരിക്കുന്നത്.

സംവിധായകൻ ലാല്‍ജോസിനു വേണ്ടി ഡോ. ഇക്ബാല്‍ കുറ്റിപ്പുറമാണ് ഈ ചിത്രത്തിന്റെ തിരക്കഥ തയ്യാറാക്കിയിട്ടുള്ളത് . അറബിക്കഥ, ഡയമണ്ട് നെക്ലേസ്, വിക്രമാദിത്യന്‍ എന്നീ സൂപ്പര്‍ഹിറ്റ് ലാൽ ജോസ് ചിത്രങ്ങള്‍ക്കും തിരക്കഥ തയ്യാറാക്കിയിട്ടുള്ളത് ഡോ. ഇക്ബാല്‍ തന്നെയാണ് . കേന്ദ്ര കഥാപാത്രങ്ങളായ സൗബിന്‍ ഷാഹിര്‍, മംമ്ദ മോഹന്‍ദാസ് എന്നിവർക്കൊപ്പം സലിംകുമാര്‍, ഹരിശ്രീ യൂസഫ് , രണ്ടു കുട്ടികളും ഒരു പൂച്ചയും ചിത്രത്തിലെ ശ്രദ്ധേയ കഥാപാത്രങ്ങളായി എത്തുന്നു. പ്രവാസി കുടുംബത്തിന്റെ കഥാഗതിയിൽ ഒരുങ്ങുന്ന ‘മ്യാവു’ പൂര്‍ണമായും ചിത്രീകരണം നടത്തുന്നത് റാസല്‍ഖൈമയില്‍ ആണ് .

തോമസ് തിരുവല്ല നിർമ്മിക്കുന്ന ഈ ചിതം തോമസ്സ് തിരുവല്ല ഫിലിംസിന്റെ ബാനറില്‍ ആണ് ഒരുങ്ങുന്നത് . അജ്മല്‍ സാബു ഛായാഗ്രഹണം നിര്‍വഹിക്കുന്ന ഈ ചിത്രത്തിന്റെ എഡിറ്റര്‍ രഞ്ജന്‍ എബ്രാഹം ആണ് . സുഹൈല്‍ കോയയുടെ വരികള്‍ രചിച്ച ഈ ചിത്രത്തിലെ ഗാനങ്ങൾക്ക് സംഗീതം പകർത്തിരിക്കുന്നത് ജസ്റ്റിന്‍ വര്‍ഗ്ഗീസാണ് .

എല്‍ ജെ ഫിലിംസ് തിയ്യേറ്ററിലെത്തിക്കുന്ന ഈ ചിത്രം പൂർണമായും വിദേശത്ത് ചിത്രീകരിക്കുന്നു . ഈ ചിത്രത്തിലെ ചുണ്ടെലി എന്ന ഗാനത്തിന്റെ രസകരമായ വീഡിയോ ആണ് ഇപ്പോൾ പുറത്തുവന്നിരിക്കുന്നത് . ആലുവക്കാരനായ ഗ്രോസറി നടത്തിപ്പുകാരന്‍ ദസ്തകിറിന്റെയും അദ്ദേഹത്തിന്റെ കുടുംബത്തിന്റെയും കഥ പറയുന്ന മനോഹര ചിത്രമാണ് മ്യാവൂ . നേരത്തെ പുറത്തിറങ്ങിയ ഈ ചിത്രത്തിന്റെ ട്രെയിലറും ടീസറും ഏറെ പ്രേക്ഷക ശ്രദ്ധ നേടിയിരുന്നു . ഇപ്പോൾ പുറത്തിറങ്ങിയ ചുണ്ടെലി ഗാനവും സോഷ്യൽ മീഡിയ കീഴടകിയിരിക്കുകയാണ് .

ചിത്രത്തിന്റെ ലൈന്‍ പ്രൊഡ്യുസര്‍ ആയി പ്രവർത്തിച്ചിരിക്കുന്നത് വിനോദ് ഷൊര്‍ണ്ണൂര്‍ ആണ് . മേക്കപ്പ് ശ്രീജിത്ത് ഗുരുവായൂര് കൈകാര്യം ചെയ്യുന്നു . കോസ്റ്റ്യൂം ഡിസൈന്‍ സമീറ സനീഷ് ആണ് . ജയപ്രകാശ് പയ്യൂര്‍ സ്റ്റിൽസും അജയന്‍ മങ്ങാട് കലയും കൈകാര്യം ചെയ്യുന്നു . ചീഫ് അസോസിയേറ്റ് ഡയറക്ടര്‍ ആയി പ്രവർത്തിച്ചത് രഘു രാമ വര്‍മ്മ ആണ് . രഞ്ജിത്ത് കരുണാകരന് ചിത്രത്തിന്റെ പ്രൊഡക്ഷന്‍ കട്രോളര്‍.

മലയാള സിനിമയിലെ യുവ താരങ്ങളിൽ ശ്രദ്ധേയനായ നായകൻ സണ്ണി വെയ്ൻ പ്രധാന വേഷത്തിൽ എത്തുന്ന പുതിയ ചിത്രമാണ് അപ്പൻ. ഇതിന്റെ അവസാന ഘട്ട ചിത്രീകരണം കുറച്ചു നാൾ മുൻപാണ് തൊടുപുഴയിൽ വച്ച് പൂർത്തിയായത് . ഇപ്പോഴിതാ ഈ ചിത്രത്തിന്റെ ട്രയ്ലർ പുറത്തു വിട്ടിരിക്കുകയാണ് . ഈ കഴിഞ്ഞ ദിവസം പുറത്തു വന്ന ഈ ചിത്രത്തിന്റെ ട്രയ്ലറിന് മികച്ച പ്രതികരണമാണ് പ്രേക്ഷകരിൽ നിന്ന് ലഭിക്കുന്നത്. സണ്ണി വെയ്ൻ ആണ് ഈ ചിത്രത്തിലെ കേന്ദ്ര കഥാപാത്രത്തെ അവതരിപ്പിക്കുന്നത് . യുവ താരം ദുൽഖർ സൽമാൻ ആണ് ഈ ചിത്രത്തിന്റെ ടൈറ്റിൽ പോസ്റ്റർ താരത്തിന്റെ ഫേസ്ബുക്ക് പേജിലൂടെ ആരാധകർക്കായി പങ്കുവച്ചത് .

ജോസ് കുട്ടി മഠത്തിൽ, രഞ്ജിത്ത് മണബ്രക്കാട്ട് എന്നിവർ ചേർന്നാണ് അപ്പൻ എന്ന ചിത്രത്തിന്റെ നിർമ്മാതാക്കൾ . മികച്ച നടനുള്ള സംസ്ഥാന പുരസ്‌കാരം നടൻ ജയസൂര്യക്ക് നേടിക്കൊടുത്ത വെള്ളം എന്ന ചിത്രത്തിന്റെ നിർമ്മാതാക്കളാണ് ഇവർ . പ്രൊഡക്ഷൻ ബാനറായ ടൈനി ഹാൻഡ്‌സ് ആണ് ഈ ചിത്രം ഒരുക്കുന്നത് . മജു ആണ് അപ്പൻ എന്ന ചിത്രത്തിന്റെ സംവിധാനം നിർവഹിക്കുന്നത് . മജുവിന്റെ സംവിധാനത്തിൽ സണ്ണി വെയ്ൻ നായകനാക്കി ഒരുക്കിയ ആദ്യ ചിത്രമായിരുന്നു ഫ്രഞ്ച് വിപ്ലവം .

സണ്ണി വെയിനെ കൂടാതെ അലെൻസിയറും ചിത്രത്തിലെ കോരു കഥാപാത്രം ആണ് . അനന്യ, ഗ്രേസ് ആന്റണി, പോളി വത്സൻ, രാധിക രാധാകൃഷ്ണൻ, അനിൽ കെ ശിവറാം, വിജിലേഷ്, ഉണ്ണി രാജ, അഷ്റഫ്, ദ്രുപദ് കൃഷ്ണ എന്നിവരും ഈ ചിത്രത്തിലെ പ്രധാന കഥാപാത്രങ്ങളെ അവതരിപ്പിക്കുന്നുണ്ട് .

സംവിധായകൻ മജുവിനൊപ്പം ആർ.ജയകുമാറും ചേർന്നാണ് ഈ ചിത്രത്തിന്റെ തിരക്കഥ തയ്യാറാക്കിയിട്ടുള്ളത് . ഈ ചിത്രത്തിന് വേണ്ടി സംഗീത സംവിധാനം നിർവഹിച്ചിരിക്കുന്നത് ഡോൺ വിൻസെന്റ് ആണ് . ചിത്രത്തിന്റെ ഛായാഗ്രഹണം നിരവഹിച്ചിരിക്കുന്നത് പപ്പു, വിനോദ് ഇല്ലമ്പള്ളി എന്നിവർ ചേർന്നാണ് . കിരൺ ദാസ് ആണ് ഈ ചിത്രം എഡിറ്റ് ചെയ്തിരിക്കുന്നത് .

അഹമ്മദ് കബീർ എന്ന സംവിധായകന്റെ പുറത്തിറങ്ങിയ ഹിറ്റ് ചിത്രമായിരുന്നു ജൂൺ. ജൂണിന് ശേഷം അദ്ദേഹത്തിന്റെ സംവിധാനത്തിൽ ഒരുങ്ങുന്ന പുതിയ ജോജു ജോർജ് ചിത്രമാണ് മധുരം. പ്രശസ്ത താരം ജോജു ജോർജ് കേന്ദ്ര കഥാപാത്രത്തെ അവതരിപ്പിക്കുന്ന ഈ ചിത്രം ഒറ്റിറ്റി റിലീസ് ആയാണ് പ്രേക്ഷകരിലേക്ക് എത്തുന്നത് . സോണി ലൈവ് വഴിയാണ് മധുരം റിലീസ് ചെയ്യുന്നത് . ഈ ചിത്രം ഡിസംബർ 24 മുതൽ സോണി ലൈവിൽ മധുരം എത്തി തുടങ്ങുമെന്നാണ് സൂചന.

ചിത്രത്തിന്റെ ട്രയ്ലർ ഏതാനും ദിവസം മുൻപ് റിലീസ് ചെയ്യുകയും വലിയ പ്രേക്ഷകശ്രദ്ധ നേടിയെടുക്കുകയും ചെയ്തിരുന്നു. എന്നാൽ ഇപ്പോൾ ചിത്രത്തിലെ ഒരു വീഡിയോ ഗാനം കൂടി റിലീസ് ചെയ്തിരിക്കുകയാണ് . ഗാനമേ എന്ന വരികളോടെ ആരംഭിക്കുന്ന ഈ പാട്ടിന് ഈണം നൽകിയിരിക്കുന്നത് ഹിഷാം അബ്ദുൽ വഹാബ് ആണ് . ഈ ഗാനം ആലപിച്ചിരിക്കുന്നത് സൂരജ് സന്തോഷ്, നിത്യ മാമൻ എന്നിവരാണ് .

വളരെ രസകരവും വൈകാരികവുമായ രംഗങ്ങൾ കോർത്തിണക്കിയ ഒരു കിടിലൻ ചിത്രമായിരിക്കും മധുരം എന്നാണ് ഇതിന്റെ ട്രയ്ലറും ഒപ്പം ഇപ്പോൾ പുറത്തിറങ്ങിയ ഗാന രംഗവും സൂചിപ്പിക്കുന്നത് . അപ്പു പാത്തു പപ്പു പ്രൊഡക്ഷൻസിന്റെ ബാനറിൽ ഈ ചിത്രം നിർമ്മിക്കുന്നത് ജോജു ജോർജ് ആണ് . സംവിധായകൻ അഹമ്മദ് കബീർ തന്നെ കഥ തയ്യാറാക്കിയ ഈ ചിത്രത്തിന്റെ തിരക്കഥ എഴുതിയിരിക്കുന്നത് ആഷിക് ഐമാർ, ഫാഹിം സഫർ എന്നിവർ ഒന്നിച്ചാണ് .

കേന്ദ്ര കഥാപാത്രം ജോജു ജോർജിന് പുറമെ ഇന്ദ്രൻസ്, അർജുൻ അശോകൻ, ശ്രുതി രാമചന്ദ്രൻ, നിഖില വിമൽ, ജഗദീഷ്, ലാൽ, ജാഫർ ഇടുക്കി, നവാസ് വള്ളിക്കുന്ന്, ഫാഹിം സഫർ, ബാബു ജോസ്, ജീവൻ ബേബി മാത്യു, മാളവിക ശ്രീനാഥ്, ജോർഡി പാലാ, സുധി മിറാഷ്, തിരുമല രാമചന്ദ്രൻ, ഐഷ മറിയം എന്നിവരാണ് ഈ ചിത്രത്തിലെ പ്രധാന കഥാപാത്രങ്ങളെ അവതരിപ്പിക്കുന്നത് . ജിതിൻ സ്റ്റാനിസ്ലാസ് ആണ് ഈ ചിത്രത്തിന്റെ ക്യാമറമാൻ . ചിത്രത്തിന്റെ എഡിറ്റിംഗ് നിർവഹിക്കുന്നത് മഹേഷ് ഭുവനേന്ദു ആണ്.

മലയാളത്തിന്റെ ഹാസ്യതാരം നടൻ ദിലീപ് പ്രധാന വേഷത്തിൽ എത്തുന്ന പുതിയ ചിത്രമാണ് കേശു ഈ വീടിന്റെ നാഥൻ. ഓൺലൈൻ റിലീസ് ആയ ഈ ചിത്രം ഡിസംബർ മുപ്പത്തിയൊന്നിന് പ്രദർശനം ആരംഭിക്കും . കേശു ഈ വീടിന്റെ നാഥൻ ഡിസ്‌നി പ്ലസ് ഹോട്ട് സ്റ്റാർ വഴിയാണ് പുറത്തിക്കുന്നത് . പ്രശസ്ത താരം നാദിർഷയാണ് ഈ ചിത്രം സംവിധാനം ചെയ്യുന്നത്. സജീവ് പാഴൂർ ആണ് ഈ ചിത്രത്തിന് തിരക്കഥ തയ്യാറാക്കിയിരിക്കുന്നത് .

തൊണ്ടിമുതലും ദൃക്‌സാക്ഷിയും എന്ന പ്രേക്ഷക- നിരൂപക പ്രശംസ നേടിയ ചിത്രത്തിന്റ തിരക്കഥയുംസജീവ് പാഴൂരിന്റേതാണ് . ഈ ചിത്രത്തിന്റെ ട്രൈലെർ, മോഷൻ പോസ്റ്റർ, ഒരു വീഡിയോ സോങ് എന്നിവ ഇതിനോടകം പുറത്തു വരികയും സോഷ്യൽ മീഡിയയിൽ വലിയ തരംഗം സൃഷ്ടിക്കുകയും ചെയ്തു. ഇപ്പോൾ സോഷ്യൽ മീഡിയ കീഴടക്കി മുന്നേറുന്നത് ഈ ചിത്രത്തിലെ പുതിയ ഗാനത്തിന്റെ വീഡിയോ ആണ്. ദിലീപ് ആലപിച്ചിരിക്കുന്നത് നാരങ്ങാ മിട്ടായി എന്ന് തുടങ്ങുന്ന ഈ ഗാനത്തിന്റെ വീഡിയോ ആണ് ഇപ്പോൾ പുറത്തുവിട്ടിരിക്കുന്നത് .

ഫ്ലവർസ് ചാനലിലെ ടോപ് സിങർ എന്ന റിയാലിറ്റി ഷോയിലൂടെ ശ്രദ്ധ നേടിയ വൈഷ്ണവി, വൈഗാലക്ഷ്മി, ബെവൻ, നിമാ എന്നീ കുരുന്നുകളും ഈ ഗാനമാലപിക്കാൻ ദിലീപിനൊപ്പം ഉണ്ട് . ചിത്രത്തിന്റെ സംവിധായകനായ നാദിർഷയാണ് നാരങ്ങ മിട്ടായി ഈ ഗാനം രചിച്ചിരിക്കുന്നതും ഇതിനു ഈണം നൽകിയിരിക്കുന്നതും . ഈ ഗാനരംഗത്തിൽ ദിലീപും നടി അനുശ്രീയുമാണ് അഭിനയിച്ചിരിക്കുന്നത് . ദിലീപ് അവതരിപ്പിക്കുന്ന രസകരമായ നൃത്തമാണ് ഈ വീഡിയോ ഗാനത്തിന്റെ ഹൈലൈറ്റ് എന്നു തന്നെ പറയാം . ഈ ചിത്രം നിർമ്മിക്കുന്നത് ദിലീപും ഡോക്ടർ സക്കറിയ തോമസും ചേർന്നാണ് . അനിൽ നായരാണ് ഈ ചിത്രത്തിന്റെ ക്യാമറാ മാൻ .

ചിത്രത്തിന്റെ എഡിറ്റിംഗ് നിരവഹിച്ചിരിക്കുന്നത് സാജനാണ് . ഈ ചിത്രത്തിലെ നായികവേഷം അവതരിപ്പിക്കുന്നത് നടി ഉർവ്വശിയാണ് . ഇവരെ കൂടാതെ കലാഭവൻ ഷാജോൺ, ഹരിശ്രീ അശോകൻ, കോട്ടയം നസീർ, ഹരീഷ് കണാരൻ, ജാഫർ ഇടുക്കി, സ്വാസിക എന്നിവരും പ്രധാന വേഷത്തിൽ എത്തുന്നുണ്ട്.