പണത്തിന് വേണ്ടി ശരീരം വിറ്റിട്ടുണ്ട് ! പക്ഷെ ഇന്നത് ഞാൻ ചെയ്യില്ല നടി ഷക്കീല

പണത്തിന് വേണ്ടി ശരീരം വിറ്റിട്ടുണ്ട്”. ഈ തുറന്നു പറച്ചിൽ മറ്റാരുടേയുമല്ല തെന്നിന്ത്യക്കാർക്ക് സുപരിചിതയായ നടി ഷക്കീല എന്ന സി ഷക്കീല ബീഗത്തിന്റേതാണ്. ഹേമ കമ്മിറ്റി റിപ്പോര്‍ട്ട് പുറത്തു വന്നതിന് പിന്നാലെ നടി ഷക്കീലയും തന്റെ ശരീരം പങ്കിട്ടതിനെപ്പറ്റിയും സിനിമാരംഗത്തെ ലൈംഗീക ചൂഷണങ്ങളെപ്പറ്റിയും തുറന്നു പറയുകയാണ്.
പണത്തിന് വേണ്ടി ശരീരം വില്‍ക്കേണ്ട അവസ്ഥ തനിക്കുണ്ടായിട്ടുണ്ടെന്നാണ് ഷക്കീലയിപ്പോള്‍ പറയുന്നത്. ആയിരത്തി തൊള്ളായിരത്തി തൊണ്ണൂറുകളിലെ തന്റെ വ്യക്തി ജീവിതത്തെപ്പറ്റിയാണ് ഷക്കീല സംസാരിക്കുന്നത്. പണത്തിന് വേണ്ടി ശരീരം വില്‍ക്കേണ്ടി വന്നിട്ടുണ്ട്. എത്ര തവണയെന്ന് തനിക്ക് എണ്ണാന്‍ പറ്റിയിട്ടില്ല എന്നും ഷക്കീല പറയുന്നു. എന്നാല്‍ ഇപ്പോള്‍ അങ്ങനെ താൻ ചെയ്യാറില്ല. ഇതൊക്കെ നടന്നത് 1996-97 കാലഘട്ടത്തിലാണ് എന്നും ഷക്കീല വെളിപ്പെടുത്തുന്നു.

1999 അവസാനത്തില്‍ കിന്നാരത്തുമ്പി എന്ന സിനിമ ഇറങ്ങി. അവിടുന്നൊരു സ്റ്റാര്‍ട്ടപ്പ് കിട്ടിയതോടെ പിന്നെ തനിക്കങ്ങനെ പോകേണ്ടതായി വന്നിട്ടില്ല എന്നും ഷക്കീല തുറന്നു പറയുകയാണ്. തൊണ്ണൂറുകളില്‍ തന്റെ ഒരു ദിവസത്തെ ഷൂട്ടിങ്ങിന് വേണ്ടി ആളുകള്‍ കാത്തിരിക്കുമായിരുന്നു എന്നും ഷക്കീല പറയുന്നു. മാത്രമല്ല ലക്ഷങ്ങള്‍ ഇരട്ടിയാക്കി പലരും തരുമായിരുന്നു എന്നും ഷക്കീല തുറന്നു പറയുകയാണ്. അതുകൊണ്ട് അഡ്ജസ്റ്റ്‌മെന്റ് ചെയ്യേണ്ടതായിട്ടൊന്നും തനിക്ക് വന്നിട്ടില്ല എന്നും ഷക്കീല വെളിപ്പെടുത്തുന്നു.

മാത്രമല്ല തന്റെ ശരീരത്തിന്റെ പ്രത്യേകതകളെ കുറിച്ചും മലയാളത്തിലെ ഒരു വാർത്താ മാധ്യമത്തിന് നല്‍കിയ ഏറ്റവും പുതിയ അഭിമുഖത്തിലൂടെ ഷക്കീല തുറന്ന് സംസാരിച്ചിരിക്കുകയാണ്. ഷക്കീലയുടെ മേനി കൊഴുപ്പ് തന്നെയായിരുന്നു ഷക്കീലയെ തെന്നിന്ത്യൻ സിനിമകളുടെ ഹോട്ട് ഐക്കൺ ആക്കി മാറ്റിയ പ്രധാന ഘടകം. സിനിമയില്‍ അഭിനയിക്കാന്‍ വേണ്ടി തന്റെ ശരീരത്തില്‍ മാറ്റങ്ങളൊന്നും താന്‍ വരുത്തിയിട്ടില്ല. താൻ നല്ലതു പോലെ ഭക്ഷണം കഴിക്കുന്ന ആളാണെന്നും ചെറുപ്പത്തില്‍ താനൊരു ഹെല്‍ത്തി ബേബിയായിരുന്നു എന്നും ഷക്കീല പാറയുന്നു മാത്രമല്ല, എട്ടാം ക്ലാസില്‍ പഠിക്കുമ്പോള്‍ തന്നെ കാണുന്നവര്‍ പന്ത്രണ്ടാം ക്ലാസിലാണോ എന്ന് ചോദിക്കുമായിരുന്നു എന്നും ഷക്കീല പറയുന്നു.

അങ്ങനൊരു ശരീരമാണ് തനിക്കുണ്ടായിരുന്നത്. തന്റെ ബ്രെസ്റ്റിന് ഹോര്‍മോണല്‍ ഇന്‍ജെക്ഷന്‍ എടുത്തിട്ടുണ്ടോ എന്നൊക്കെയായിരിക്കും പലരും ചിന്തിക്കുന്നത്. അങ്ങനൊന്നും താന്‍ ചെയ്തിട്ടില്ല. ഇതെല്ലാം ഒര്‍ജിനലാണ് എന്നാണ് തന്റെ ശരീരത്തെ കുറിച്ച് സംസാരിച്ചു കൊണ്ട് ഷക്കീല പറയുന്നത്. തനിക്ക് വണ്ണം കുറയ്ക്കുന്നതിനെ പറ്റി പോലും ഐഡിയ ഇല്ല എന്നും ഡയറ്റ് എടുക്കാനോ ഭക്ഷണം കുറയ്ക്കാനോ തനിക്ക് പറ്റില്ല എന്നും ഷക്കീല പറയുന്നു.

താന്‍ പ്രശസ്തിയിലേക്ക് എത്തുന്നത് തന്നെ തടിയുള്ളതിന്റെ പേരിലാണ് എന്നും ഷക്കീല കൂട്ടിച്ചേർക്കുന്നു. ഈ നാട്ടില്‍ വണ്ണം ഉണ്ടായതിന്റെ പേരില്‍ പ്രശസ്തിയിലേക്ക് വന്നവരില്‍ ഒരാള്‍ താന്‍ തന്നെയായിരിക്കുമെന്നും അങ്ങനെയൊരു അംഗീകാരം ഷക്കീലയ്ക്കുള്ളതാണ് അതിനു വേണ്ടി താന്‍ വേറൊന്നും ചെയ്തിട്ടല്ല എന്നും നടി പറയുന്നു.

തന്റെ സിനിമകളെപ്പറ്റിയും ഷക്കീല മനസ്സ് തുറക്കുന്നു. സിനിമയിലെ ഹീറോയും ഹീറോയിനുമൊക്കെ താന്‍ തന്നെയാണ്. അങ്ങനെ എന്തെങ്കിലും അഡ്ജസ്റ്റ്‌മെന്റ് ചോദിച്ചാല്‍ താന്‍ അവർക്ക് ഡേറ്റ് കൊടുക്കില്ല. അന്ന് സിനിമയില്‍ തന്റെയൊരു ദിവസം മതി അവര്‍ക്ക് ആ സിനിമയെ വില്‍ക്കാന്‍. തന്നോട് ആരെങ്കിലും മോശമായി പെരുമാറിയാല്‍ താന്‍ അവനോട് പോടാ ഡേറ്റ് ഇല്ലെന്ന് പറയും. അതുകൊണ്ട് ആരും അങ്ങനെ തന്നെ സമീപിക്കാറില്ല എന്നും ഷക്കീല പറയുന്നു.

അന്ന് തന്റെ ഡേറ്റ് കിട്ടാൻ വേണ്ടി പ്രതിഫലം ഇരട്ടിയാക്കുന്നവരുണ്ടായിരുന്നു. ഡേറ്റ് തരാനില്ല, പത്ത് ദിവസത്തിന് ശേഷം ആവട്ടെ എന്ന് പറഞ്ഞാല്‍ ഇന്ന് മൂന്ന് ലക്ഷത്തിന്റെ ഷൂട്ടാണെങ്കില്‍ അതവര് ആറ് ലക്ഷമാക്കി തരാമെന്ന് പറയും. അങ്ങനെ അവര്‍ തന്നെ പൈസ ഇരട്ടിയാക്കും. പൈസ തന്നെയായിരുന്നു പ്രധാനമെന്നും ഷക്കീല പറയുന്നു.

അതേസമയം സിനിമയില്‍ സ്ത്രീകള്‍ ചൂഷണം ചെയ്യപ്പെടുന്നുവെന്നത് സത്യമാണെന്നാണ് ഷക്കീല പറയുന്നത്. തന്റെ സഹപ്രവർത്തകരിൽ പലർക്കും മോശം അനുഭവങ്ങൾ സിനിമാ മേഖലയിൽ നിന്നും ഉണ്ടായിട്ടുള്ളത് താൻ നേരിൽ കണ്ടിട്ടുണ്ടെന്നും ചില സന്ദർഭങ്ങളിൽ പ്രതികരിക്കേണ്ടതായി വന്നിട്ടുണ്ടെന്നും ഷക്കീല പറയുന്നു .