പ്രിയദര്‍ശന്‍ ചിത്രം ‘മരക്കാര്‍: അറബിക്കടലിന്റെ സിംഹം’ തീയേറ്ററുകളില്‍ മികച്ച അഭിപ്രായം നേടിയെടുത്ത് മുന്നേറുകയാണ്. മലയാളത്തിലെ പ്രിയ നടൻ മോഹന്‍ലാല്‍ ആണ് ഈ ചിത്രത്തിൽ കേന്ദ്രകഥാപാത്രമായെത്തുന്നത്. ഈ ചിത്രത്തിനു വേണ്ടി മോഹന്‍ലാല്‍ നടത്തിയ വാള്‍പയറ്റ് പരിശീലനത്തിന്റെ വീഡിയോ ആണ് ഇപ്പോൾ സാമൂഹ്യമാധ്യമങ്ങളിൽ തരംഗമായി മാറി കൊണ്ടിരിക്കുന്നത് . ഏതാനും ദിവസം മുന്‍പ് ആണ് അണിയറ പ്രവർത്തിക്കർ ശ്രദ്ധേയമായ സംഘട്ടന രംഗങ്ങളുടെ ദൃശ്യവല്‍ക്കരണം ഉള്‍പ്പെടുന്ന ‘മരക്കാറി’ന്റെ ഒരു മേക്കിംഗ് വീഡിയോ ആരാധകരുമായി പങ്കു വച്ചത്.
മോഹന്‍ലാലിന്റെ സംഘട്ടന രംഗങ്ങൾക്ക് വേണ്ടിയുള്ള പരിശീലന വീഡിയോയാണ് പുറത്തുവിട്ടത് ‘ . ഈ വീഡിയോയിൽ താരം പരിശീലകർ നൽകുന്ന നിര്‍ദേശങ്ങള്‍ക്കനുസരിച്ച് അനായാസം വാള്‍ ചുഴറ്റുന്ന രംഗം കാണാം. മരക്കാറിന്റെ സംഘട്ടന രംഗങ്ങള്‍ മനോഹരമായി ഒരുക്കിയത് ത്യാഗരാജനും തായ്‌ലന്‍ഡില്‍ നിന്നുള്ള കസു നെഡയും ഒന്നിച്ചായിരുന്നു .
മലയാള സിനിമ ചരിത്രത്തിൽ ഇതുവരെ നിര്‍മ്മിച്ചതില്‍ ഏറ്റവും കൂടുതൽ മുതൽ മുടക്കിൽ നിർമ്മിച്ച ചിത്രമാണ് മരയ്ക്കാർ . 100 കോടിയാണ് മരയ്ക്കാര്‍ ചിത്രത്തിന്റെ നിർമ്മാണ ചിലവ് എന്ന് പറയപ്പെടുന്നു . ദേശീയ പുരസ്കാരം ഉൾപ്പെടെ സ്വന്തമാക്കാൻ കഴിഞ്ഞ ചിതമാണ് മോഹൻലാൽ പ്രിയദർശൻ കൂട്ടുകെട്ടിൽ പിറന്ന മരയ്ക്കാർ. ഏകദേശം രണ്ടരവര്‍ഷ സമയം കൊണ്ടാണ് ഈ ചിത്രം പൂര്‍ത്തികരിച്ചത് . മഞ്ജു വാര്യര്‍, പ്രഭു, കീര്‍ത്തി സുരേഷ്, പ്രണവ് മോഹന്‍ലാല്‍, കല്യാണി പ്രിയദര്‍ശന്‍,അര്‍ജുന്‍ സര്‍ജ, സുഹാസിനി, സുനില്‍ ഷെട്ടി, നെടുമുടി വേണു, ഫാസില്‍ തുടങ്ങി ഒരു വമ്പൻ താരനിര തന്നെ ഈ ചിത്രത്തില്‍ അണിനിരന്നിട്ടുണ്ട്.