വിഷ്ണു ശിവപ്രസാദ് സംവിധാനം ചെയ്ത് മലയാളത്തിലെ യുവ നായിക അനശ്വര രാജനെ കേന്ദ്ര കഥാപാത്രമാക്കി ഒരുക്കുന്ന പുത്തൻ ചിത്രമാണ് മൈക്ക്. ഓഗസ്റ്റ് 19 ന് തിയറ്ററുകളിൽ എത്താൻ ഒരുങ്ങുന്ന ഈ ചിത്രത്തിലെ ഒരു വീഡിയോ ഗാനം ഇപ്പോൾ റിലീസ് ചെയ്തിരിക്കുകയാണ് . അനശ്വരയെ ആണ് ഈ വീഡിയോ ഗാനത്തിൽ കാണാൻ സാധിക്കുന്നത്. ലഡ്ക്കി എന്ന വരികളോടെ തുടങ്ങുന്ന ഈ ഗാനം രചിച്ചിരിക്കുന്നത് സുഹൈൽ കോയ ആണ് . ഹെഷാം അബ്ദുൾ വഹാബ് ആണ് ഈ ഗാനത്തിന് ഈണം പകർന്നിരിക്കുന്നത്. സിത്താര കൃഷ്ണകുമാറാണ് ഈ ഗാനം മനോഹരമായി ആലപിച്ചിരിക്കുന്നത്.
ചിത്രത്തിൽ അനശ്വര അവതരിപ്പിക്കുന്നത് സാറ എന്ന കഥാപാത്രത്തെയാണ് . ഒരു ആൺകുട്ടിയായി മാറാൻ അതിയായി ആഗ്രഹിക്കുന്ന കഥാപാത്രമാണ് സാറയുടേത്. ഇത് തന്നെയാണ് ഈ ഗാനരംഗത്തിൽ കാണാൻ സാധിക്കുന്നതും. ക്രോപ് ഹെയറും ജീൻസും ടോപ്പും ധരിച്ച് പുകവലിയും മദ്യപാനവുമായി നടക്കുന്ന സാറയെ ആണ് ഈ ഗാനത്തിൽ ഉൾപ്പെടുത്തിയിരിക്കുന്നത്. ഒരു ആണായി മാറാൻ ആഗ്രഹിക്കുന്ന സാറ , മൈക്ക് എന്ന പേരിൽ അറിയപ്പെടാനും ആഗ്രഹിക്കുന്നു.
അനശ്വരയെ കൂടാതെ ജിനു ജോസഫ് , അക്ഷയ് രാധാകൃഷ്ണൻ , അഭിറാം രാധാകൃഷ്ണൻ , രഞ്ജിത്ത് സജീവ്, രോഹിണി,ഡയാന ഹമീദ്, കാർത്തിക് മണികണ്ഠൻ, നേഹൻ , റോഷൻ , ചന്ദ്ര, രാകേഷ് മുരളി, രാഹുൽ , വെട്ടുകിളി പ്രകാശ്, സിനി എബ്രഹാം എന്നിവരും ഈ ചിത്രത്തിൽ വേഷമിടുന്നു. ആഷിഖ് അക്ബർ അലി ആണ് ഈ ചിത്രത്തിന്റെ രചന നിർവഹിച്ചിരിക്കുന്നത്. ജോൺ എബ്രഹാം ആണ് ഈ ചിത്രം നിർമ്മിക്കുന്നത് . മലയാളത്തിൽ ജെഎ എന്റെ ടൈൻമെന്റ് നിർമ്മിക്കുന്ന ആദ്യ ചിത്രമാണിത്. രണദിവെ ക്യാമറ ചലിപ്പിച്ച ഈ ചിത്രത്തിന്റെ എഡിറ്റർ വിവേക് ഹർഷൻ ആണ്.