സൈജു കുറുപ്പിനെ നായകനാക്കി കൊണ്ട് നവാഗത സംവിധായകൻ സിന്റോ സണ്ണി ഒരുക്കുന്ന പുത്തൻ ചിത്രമാണ് പാപ്പച്ചൻ ഒളിവിലാണ്. ഇതിനോടകം പ്രേക്ഷകരിലേക്ക് ഈ ചിത്രത്തിന്റെ ടീസർ വീഡിയോയും ഗാന വീഡിയോയും എത്തിയിരുന്നു. അവയ്ക്കെല്ലാം വൻ സ്വീകാര്യതയും ലഭിച്ചിരുന്നു. മനോരമ മ്യൂസിക് സോങ്സ് യൂട്യൂബ് ചാനലിലൂടെ ഇപ്പോഴിതാ പാപ്പച്ചൻ ഒളിവിലാണ് ചിത്രത്തിന്റെ ട്രൈലർ വീഡിയോ കൂടി പങ്കുവച്ചിരിക്കുകയാണ് . രണ്ട് മിനുട്ട് ദൈർഘ്യമുള്ള ഈ ട്രൈലർ വീഡിയോയിൽ നിന്നും ഈ ചിത്രം മികച്ച ഒരു ഫാമിലി കോമഡി എന്റർടൈനർ ആണെന്ന് മനസ്സിലാക്കാം .
കുടുംബ പ്രേക്ഷകർക്ക് ഇരു കൈയ്യും നീട്ടി സ്വീകരിക്കാവുന്ന ചിത്രമാണിത്. ചിത്രത്തിലെ പാപ്പച്ചൻ എന്ന ടൈറ്റിൽ റോൾ ചെയ്യുന്നത് സൈജു കുറുപ്പാണ്. ഈ കഥാപാത്രത്തിന്റെ കഥയാണ് ചിത്രം പറയുന്നത്. ഈ സിനിമയിലെ മറ്റ് പ്രധാന വേഷങ്ങൾ അവതരിപ്പിക്കുന്നത് ദർശന , ശ്രിന്ദ , അജു വർഗ്ഗീസ് , വിജയരാഘവൻ , ജഗദീഷ് , പ്രശാന്ത് അലക്സാണ്ടർ , കോട്ടയം നസീർ എന്നിവരാണ് .
പാപ്പച്ചൻ ഒളിവിലാണ് ചിത്രത്തിന്റെ രചയിതാവ് സംവിധായകൻ സിന്റോ തന്നെയാണ്. തോമസ് തിരുവല്ല നിർമ്മാണം നിർവഹിക്കുന്ന ഈ ചിത്രം തോമസ് തിരുവല്ല ഫിലിംസിന്റെ ബാനറിൽ ആണ് പുറത്തിറങ്ങുന്നത്. ചിത്രത്തിനായി ക്യാമറ ചലിപ്പിച്ചിരിക്കുന്നത് ശ്രീജിത്ത് നായരാണ്. രതിൻ രാധാകൃഷ്ണനാണ് എഡിറ്റർ . ഈ ചിത്രത്തിന്റെ സംഗീത സംവിധായകൻ ഔസേപ്പച്ചനാണ്. ഇതിലെ ഗാനങ്ങൾ തയ്യാറാക്കിയത് വി കെ ഹരിനാരായണനും സിന്റോയും ഒന്നിച്ചാണ്.