ബാലതാരമായി സിനിമയിൽ അരങ്ങേറ്റം കുറിച്ച് , അവിസ്മരണീയ പ്രകടനം കാഴ്ചവച്ച് പ്രേക്ഷക മനസ്സിൽ ഇടം നേടിയ താരമാണ് സനുഷ സന്തോഷ്. കേരള സംസ്ഥാന ചലച്ചിത്ര അവാർഡ് രണ്ട് തവണയാണ് താരത്തെ തേടി എത്തിയത് . ബാലതാരമായി അഭിനയിച്ച താരത്തെ തേടി 2004-ൽ ആയിരുന്നു ആദ്യത്തെ അവാർഡ് എത്തിയത്. ഈ അവാർഡ് കരസ്ഥമാക്കിയതിന് ശേഷം പിന്നീട് വർഷങ്ങൾക്ക് ഇപ്പുറം അഭിനയിച്ച സിനിമയിൽ ജൂറിയുടെ പ്രത്യേക പരാമർശത്തിന് സനുഷ അർഹയായി തീർന്നു.

ബാലതാരമായി എത്തിയപ്പോൾ താരത്തെ തേടിയെത്തിയത് ഒട്ടേറെ മികച്ച കഥാപാത്രങ്ങൾ ആയിരുന്നു . എന്നാൽ സനുഷ നായികയായി അഭിനയ ജീവിതം ആരംഭിച്ചപ്പോൾ അവസരങ്ങൾ വളരെ വിരളമായിരുന്നു. സനുഷ ബാലതാരമായി അഭിനയിച്ചിട്ടുള്ളത് സിനിമയിൽ മാത്രമല്ല സീരിയലിലും താരം ശ്രദ്ധ നേടിയെടുത്തിരുന്നു. 2019-ൽ പുറത്തിറങ്ങിയ ജേർസി എന്ന തെലുങ്ക് ചിത്രത്തിലാണ് സനുഷ എന്ന താരം അവസാനമായി അഭിനയിച്ചത്. ഇപ്പോൾ സനുഷ അഭിനയിച്ചു കൊണ്ടിരിക്കുന്നത് ബിബിൻ ജോർജ് നായകനാകുന്ന ഒരു മലയാള ചിത്രത്തിൽ ആണ്.
സിനിമകളിൽ തിളങ്ങാൻ താരത്തിന് അവസരം കുറവാണെങ്കിലും ടെലിവിഷൻ രംഗത്ത് സനുഷ ഇപ്പോൾ നിറസാന്നിധ്യമാണ് .

ചാനൽ പ്രോഗ്രാമുകളിൽ അതിഥിയായി എത്തി പ്രേക്ഷക പ്രീതി നേടിയെടുക്കുകയാണ് താരം ഇപ്പോൾ. സ്റ്റാർ മാജിക് എന്ന ടെലിവിഷൻ പ്രോഗ്രാമിൽ അതിഥിയായി ഒട്ടേറെ തവണ സനുഷ എത്തിയിരുന്നു. സനുഷയുടെ പുത്തൻ പുതിയ ചലച്ചിത്ര വിശേഷങ്ങളും ആരാധകരും പ്രേക്ഷകരും അറിഞ്ഞ് തുടങ്ങിയത് ആ ഷോയിൽ പങ്കെടുത്ത ശേഷമാണ്. ഈ ഷോയിലെ ക്രിസ്തുമസ് സ്പെഷ്യൽ എപ്പിസോഡിൽ താരം നടൻ ഉണ്ണി മുകുന്ദനൊപ്പം പങ്കെടുത്തിരുന്നു.

സനുഷയും ഉണ്ണിയും തന്നെയായിരുന്നു ന്യൂ ഇയർ എപ്പിസോഡിലും പ്രധാന അതിഥികൾ ആയി എത്തിയത്. ഈ എപ്പിസോഡിൽ വച്ച് ഇപ്പോഴത്തെ ട്രെൻഡിങ് സോങ്ങായ പുഷ്പയിലെ സാമി സാമി പാട്ടിന് വേദിയിൽ സനുഷ ചുവടുവച്ചിരുന്നു. വേദി ഇളക്കി മറിച്ച ഒരു പ്രകടനം തന്നെയായിരുന്നു സനുഷ കാഴ്ചവച്ചത്. വീഡിയോ കണ്ട ആരാധകർ ഡാൻസിൽ ഉടനീളം എന്തൊരു എനർജിയാണ് സനുഷയ്ക്ക് എന്ന് അഭിപ്രായപ്പെട്ടു.

View this post on Instagram

A post shared by Sanusha Santhosh💫 (@sanusha_sanuuu)

പൃഥ്വിരാജ് സംവിധാനം ചെയ്യുന്ന പുത്തൻ ചിത്രമാണ് ബ്രോ ഡാഡി. മോഹൻലാലും പൃഥ്വിരാജും പ്രധാന വേഷത്തിൽ എത്തുന്ന ഈ ചിത്രത്തിലെ ആദ്യ ഗാനം പുറത്തിറങ്ങി. പറയാതെ വന്നെൻ ജീവനിൽ എന്നാരാംഭിക്കുന്ന പ്രണയ ഗാനമാണ് ഇപ്പോൾ സോഷ്യൽ മീഡിയയിൽ ശ്രദ്ധ നേടുന്നത്. ഗാനരംഗത്തിൽ മോഹൻലാൽ – മീന താര ജോടികളും പൃഥ്വിരാജ് – കല്യാണി താര ജോടികളുമാണ് അഭിനയിച്ചിട്ടുള്ളത്. ഈ ഗാനത്തിലെ ഹൈലൈറ്റ് ആയി മാറുന്നത് മോഹൻലാൽ – മീന താര ജോടികളുടെ റൊമാൻസ് ആണ്. പോസ്റ്റ് ചെയ്ത് നിമിഷ നേരം കൊണ്ട് തന്നെ നിരവധി കാഴ്ച്ചക്കാരെയാണ് ഈ വീഡിയോ സ്വന്തമാക്കിയത്.

മാത്രമല്ല ഒട്ടേറെ പ്രേക്ഷകരാണ് ഗാനത്തിന് മികച്ച പ്രതികരണം രേഖപ്പെടുത്തിയിട്ടുള്ളത്. ദീപക് ദേവ് സംഗീത സംവിധാനം നിർവഹിച്ച ഈ ഗാനം ആലപിച്ചിരിക്കുന്നത് എം ജി ശ്രീകുമാറും വിനീത് ശ്രീനിവാസനും ചേർന്നാണ്. ലക്ഷ്മി ശ്രീകുമാറാണ് ഗാനത്തിന്റെ രചന നിർവഹിച്ചിട്ടുള്ളത്.
ആശിർവാദ് സിനിമാസിന്റെ ബാനറിൽ ആൻറണി പെരുമ്പാവൂർ ഒരുക്കുന്ന ഈ ചിത്രത്തിൽ കനിഹ, ലാലു അലക്സ്, ജഗദീഷ് , സൗബിൻ ഷാഹിർ, ഉണ്ണിമുകുന്ദൻ, മല്ലിക സുകുമാരൻ എന്നിവരും പ്രധാന വേഷത്തിൽ എത്തുന്നു.

നേരത്തെ തന്നെ പുറത്തുവിട്ട ചിത്രത്തിന്റെ ടീസറും, ട്രൈലറും പ്രേക്ഷകർക്കിടയിൽ ഓളം സൃഷ്ടിച്ചിരുന്നു. പ്രേക്ഷകർ ആവേശത്തോടെ കാത്തിരിക്കുന്ന ഈ ചിത്രം ഓൺലൈൻ ഫ്ലാറ്റ് ഫോമായ ഡിസ്നി പ്ലസ് ഹോട്ട് സ്റ്റാറിലൂടെ ജനുവരി ഇരുപത്തിയാറിന് പ്രേക്ഷകർക്ക് മുന്നിൽ എത്തും. നവാഗതരായ ശ്രീജിത്ത്, ബിബിൻ എന്നിവർ ചേർന്നാണ് ഈ ചിത്രത്തിന്റെ രചന നിർവഹിച്ചിട്ടുളളത് .

ലിറ്റിൽ ബിഗ് ഫിലിംസ് ഒരുക്കുന്ന പുത്തൻ ചിത്രത്തിന്റെ ഫസ്റ്റ് ലുക്ക് വ്യാഴാഴ്ച പുറത്തുവിടും. ഇക്കാര്യം പ്രേക്ഷകരെ അറിയിച്ചത് ലിറ്റിൽ ബിഗ് ഫിലിംസിന്റെ തന്നെ യുട്യൂബ് ചാനലിലൂടെ പുറത്തിറക്കിയ ഒരു രസകരമായ വീഡിയോയിലൂടെയാണ് . നടൻ മുകേഷിന് അസമയത്ത് എത്തുന്ന ഒരു ഫോൺ കോൾ വഴിയാണ് ഇക്കാര്യം രസകരമായി ഇവർ അവതരിപ്പിച്ചിട്ടുള്ളത്. ഇത് ഒരുക്കിയിരിക്കുന്നത് അച്ഛനും മകനുമായുള്ള സംഭാഷണരീതിയിലൂടെ ആണ്. ഫുട്ബോൾ മാച്ച് കണ്ടു കൊണ്ടിരിക്കുന്ന മകൻ , അതിനിടയിൽ ആണ് മുകേഷിന്റെ ഫോൺ റിങ്ങ് ചെയ്യുന്നത്.

ഈ അസമയത്ത് ആരാ തന്നെ വിളിക്കാൻ എന്ന ആശങ്ക മുഖത്ത് പ്രകടിപ്പിച്ചു കൊണ്ടാണ് മുകേഷ് ഫോൺ അറ്റൻഡ് ചെയ്യുന്നത്. കോളിന്റെ മറുവശത്ത് നിന്ന് ഇപ്രകാരം പറയുന്നു ; താൻ പത്താം ക്ലാസിൽ പഠിക്കുന്ന ഒരു വിദ്യാർത്ഥി ആണെന്നും , ഓഡിഷൻ കോൾ കണ്ടിട്ട് വിളിച്ചതാണെന്നും മുകേഷിനോട് പറയുന്നു. ഡയറക്ടറുടെ ഫോണിലേക്ക് വിളിച്ചപ്പോൾ സ്വിച്ച് ഓഫ് ആയിരുന്നെന്നും അതാണ് ഈ നമ്പറിൽ വിളിച്ചതെന്നും ആ വിദ്യാർത്ഥി മുകേഷിനോടായി പറഞ്ഞു. കൂടാതെ താൻ സ്കേറ്റ് ചെയ്യും, ചെസ് കളിക്കും എന്നൊക്കെ വിദ്യാർത്ഥി വിവരിക്കാൻ ആരംഭിച്ചപ്പോൾ , 18 വയസുള്ള പെൺകുട്ടിയെ ആണ് ആവശ്യമെന്ന് മുകേഷ് മറുപടി നൽകുന്നു.

എന്നാൽ പിന്നെ ആ പെൺകുട്ടിയുടെ കാമുകനായിട്ടെങ്കിലും ഒരു വേഷം തന്നാൽ മതിയെന്ന് ആ വിദ്യാർത്ഥി മുകേഷിനോടായി ആവശ്യപ്പെടുന്നു. ഇതു കൂടെ കേട്ട് കഴിഞ്ഞപ്പോൾ മുകേഷ് ആ വിദ്യാർത്ഥിയോട് കോൾ വെക്കല്ലേ, ഒന്ന് കണക്ട് ചെയ്തോട്ടെ എന്ന് പറയുന്നു. മുകേഷ് സൈബർ സെല്ലിൽ വിളിക്കുകയാണെന്ന് കരുതി ഫോൺ വിളിച്ച വിദ്യാർത്ഥി കോൾ കട്ട് ചെയ്തു രക്ഷപ്പെടുന്നു.
തുടർന്ന് മുകേഷ് മകനോട് ചോദിക്കുന്നുണ്ട് ; അഭിനയിക്കാനുള്ള പെൺകുട്ടിയെ ഇതുവരെ കിട്ടിയില്ലേ എന്ന്. അതൊക്കെ എപ്പഴേ കിട്ടി എന്നതായിരുന്നു മകന്റെ മറുപടി. എന്നാൽ പിന്നെ എന്തിനാണ് ഇനി നോക്കി നിൽക്കുന്നതെന്നും തട്ടി പോസ്റ്ററിൽ കേറ്റാൻ പറയെന്നും മുകേഷ് മകനോട് പറയുന്ന ഭാഗത്തോടെയാണ് ഈ വീഡിയോ രംഗം അവസാനിക്കുന്നത്. ലിറ്റിൽ ബിഗ് ഫിലിംസ് ഒരുക്കുന്ന പുത്തൻ ചിത്രത്തിന്റെ ഫസ്റ്റ് ലുക്ക് നാളെ വൈകുന്നേരം ഏഴു മണിക്കാണ് റിലീസ് ചെയ്യുന്നത്.

മലയാള സിനിമയിലൂടെ അഭിനയജീവിതം ആരംഭിച്ചും സൗത്ത് ഇന്ത്യയിലെ ഒട്ടുമിക്ക എല്ലാ ഭാഷകളിലും അഭിനയിച്ച് തിളങ്ങി നിൽക്കുന്ന താരമാണ് നടി അനുപമ പരമേശ്വരൻ. 2015 ൽ പുറത്തിറങ്ങിയ പ്രേമം എന്ന സൂപ്പർ ഹിറ്റ് മലയാള ചിത്രത്തിലൂടെയാണ് താരം അഭിനയ ജീവതം ആരംഭിക്കുന്നത്. ചിത്രത്തിലെ താരത്തിന്റെ വേഷം ഏറെ പ്രേക്ഷക ശ്രദ്ധ നേടിയിരുന്നു. ഈ ചിത്രത്തിന്റെ തെലുങ്ക് പതിപ്പിലും വേഷമിട്ടത് അനുപമ തന്നെയായിരുന്നു. താരം തെലുങ്ക് പ്രേക്ഷകരുടെ ആരാധനാപാത്രമായത് ഈ ചിത്രത്തിലൂടെ ആയിരുന്നു.

അഭിനയിച്ച ചിത്രങ്ങളിൽ എല്ലാം തന്നെ താരം തന്റെ കഴിവ് മനോഹരമായി പ്രകടിപ്പിച്ചു , അതുകൊണ്ട് തന്നെ താരം ഏറെ പ്രേക്ഷക പ്രിയങ്കരിയായി മാറി.
ഏത് ഭാഷ ആണെങ്കിലും ലഭിക്കുന്ന ഓരോ വേഷവും താരം അതിമനോഹരമായി അവതരിപ്പിച്ച് പ്രേക്ഷക പ്രശംസ നേടി. നിതിൻ, സമാന്ത എന്നിവർ പ്രധാന കഥാപാത്രങ്ങളെ അവതരിപ്പിച്ച അ ആ എന്ന ചിത്രത്തിൽ താരം അവതരിപ്പിച്ച കഥാപാത്രവും ധനുഷ്, തൃഷ താരജോടികൾ പ്രധാന വേഷത്തിലെത്തിയ കൊടി എന്ന ചിത്രത്തിൽ താരം ചെയ്ത വേഷവും ഏറെ പ്രേക്ഷക ശ്രദ്ധ നേടി. താരത്തിന്റെ അഭിനയത്തിലെ മികവ് തന്നെയാണ് താരത്തെ ഇത്രയും പ്രശസ്തിയിൽ എത്തിച്ചത്.

ഏറ്റവും കൂടുതൽ ഫോളോവേഴ്സ് ഉള്ള മലയാളി നടിയായ താരം ഇപ്പോൾ സൗത്ത് ഇന്ത്യയിലെ ഏറ്റവും കൂടുതൽ താര മൂല്യമുള്ള നടിമാരിൽ മുൻപന്തിയിൽ ഉണ്ട്. ഇൻസ്റ്റാഗ്രാമിൽ മാത്രം 9 മില്യൺ ആരാധകരാണ് അനുപമയ്ക്കുള്ളത്. സാമൂഹ്യമാധ്യമങ്ങളിൽ സജീവമായ അനുപമയുടെ പുത്തൻ ചിത്രങ്ങളാണ് ഇപ്പോൾ സോഷ്യൽ മീഡിയയിൽ ട്രെൻഡിംഗ് ആയി മാറിയിട്ടുള്ളത്. സാരിയിൽ അതി മനോഹരിയായി നിൽക്കുന്ന താരത്തിന്റെ ചിത്രങ്ങൾ പോസ്റ്റ് ചെയ്ത് നിമിഷ നേരം കൊണ്ടാണ് വൈറലായത്. ആരാധകർ ഏറ്റെടുത്ത ഈ ചിത്രങ്ങൾക്ക് മികച്ച അഭിപ്രായങ്ങളും അവർ രേഖപ്പെടുത്തുന്നുണ്ട്.

പറക്കും തളിക എന്ന ചിത്രവും അതിലെ ബാസന്തി എന്ന കഥാപത്രത്തെയും മലയാളി പ്രേക്ഷകർ മറക്കുകയില്ല. ഈ ഒരെറ്റ ചിത്രത്തിലൂടെ മലയാളി പ്രേക്ഷകരുടെ മനസ്സിൽ ഇടം നേടിയ നടിയാണ് നിത്യദാസ് . ഇപ്പോൾ സിനിമ രംഗത്ത് താരം സജീവമല്ലെങ്കിലും താരവും മകൾ നൈയും സോഷ്യൽ മീഡിയയിൽ വളരെ സജീവമാണ്. പ്രേക്ഷക ശ്രദ്ധ നേടുന്ന മറ്റ് ചില ചിത്രങ്ങളിൽ അഭിനയിച്ചിട്ടുണ്ട് എങ്കിലും താരത്തെ മലയാളി പ്രേക്ഷകർ ഓർക്കുന്നത് ബാസന്തി ആയിട്ടാണ്.

മോളിവുഡിൽ നടി സ്ഥിരതാമസമാക്കിയത് 2001ൽ പുറത്തിറങ്ങിയ ഈ പറക്കും തളിക സൂപ്പർ ഹിറ്റായോടെയാണ് മകളുമൊത്തുള്ള ചിത്രങ്ങളും ഡാൻസ് വീഡിയോസും ഒക്കെ താരത്തിന്റെ സോഷ്യൽ മീഡിയ അക്കൗണ്ടുകളിൽ നിറയാറുണ്ട്. ആരാധകർ കൂടുതലായും ഇതിൽ ആരാണ് മകൾ എന്ന ചോദ്യങ്ങളാണ് ഉയർത്താറ്. മലയാള സിനിമ മേഖലയിൽ കണ്ടുവരുന്ന ചടങ്ങാണ് വിവാഹത്തിനു ശേഷം നടിമാർ അഭിനയ ജീവിതത്തിൽ നിന്നും വിട്ടു നിൽക്കുന്നത്.

നിത്യ ദാസ് എന്ന നടിയും ഈ ചടങ്ങ് പിന്തുടർന്നു. വിവാഹ ശേഷം സിനിമ ലോകത്ത് നിന്ന് താരം വിട്ടു നിന്നെങ്കിലും സാമൂഹ്യ മാധ്യമങ്ങളിൽ താരം നിറസാന്നിധ്യമായി. താത്തിന്റെ എല്ലാ വീഡിയോയിലും താരത്തോടൊപ്പം മകൾ നൈനയേയും കാണാൻ സാധിക്കും. താരത്തെ പോലെതന്നെ നൈനയും ഇപ്പോൾ ആരാധകർക്ക് ഏറെ പ്രിയങ്കരിയാണ്.

സോഷ്യൽ മീഡിയ താരമായ നിത്യയുടെ ഒരു വീഡിയോ പോസ്റ്റ് ഇപ്പോൾ സാമൂഹ്യ മാധ്യമങ്ങളിൽ വൈറൽ. സാരിയിൽ അതീവ സുന്ദരിയായിട്ടണ് നിത്യ ഫോട്ടോഷൂട്ട് വിഡിയോയിൽ. ഒരു മലയുടെ മുകളിൽ താരം നിൽകുന്ന വീഡിയോയാണ് ഇൻസ്റ്റഗ്രമിൽ നിത്യ പങ്കുവച്ച്.

കല്യാൺ കൃഷ്ണ കുരസ്‌ല സംവിധാനം ചെയ്ത് നാഗ ചൈതന്യ കേന്ദ്ര കഥാപാത്രത്തെ അവതരിപ്പിക്കുന്ന പുത്തൻ ചിത്രമാണ് ബംഗാർരാജു. കുരസ്‌ല തന്നെ സംവിധാനം നിർവഹിച്ച് നാഗാർജുന നായകനായി അഭിനയിച്ച ” സോഗ്ഗടെ ചിന്നി നയന” എന്ന ചിത്രത്തിന്റെ രണ്ടാം ഭാഗമായാണ് ബംഗാർരാജു ഒരുക്കിയിട്ടുള്ളത്. ഈ ചിത്രത്തിലെ ബംഗാര എന്നാരാംഭിക്കുന്ന സോങ്ങ് ടീസർ ആണ് ഇപ്പോൾ സോഷ്യൽ മീഡിയ ശ്രദ്ധ പിടിച്ചു പറ്റുന്നത്.

ഒട്ടേറെ സൂപ്പർ താരങ്ങൾ അണിനിരക്കുന്ന ഈ ചിത്രത്തിന്റെ ബംഗാര ഗാനരംഗത്തിൽ പ്രത്യക്ഷപ്പെട്ടിട്ടുള്ളത് നാഗ ചൈതന്യ – കൃതി ഷെട്ടി താര ജോഡികൾ ആണ്. ലെറിക്കൽ വീഡിയോ ആയാണ് ഈ ഗാനരംഗം പുറത്തിറങ്ങിയിട്ടുള്ളത്. ഈ സോങ് ടീസർ റീലീസ് ചെയ്തിരിക്കുന്നത് സീ മ്യൂസിക് സൗത്ത് എന്ന യൂട്യൂബ് ചാനലിലൂടെയാണ് . ഇതിനോടകം തന്നെ നിരവധി കാഴ്ചക്കാരെയാണ് ഈ സോങ് ടീസർ സ്വന്തമാക്കിയത്. ഒട്ടേരെ ആരാധകരാണ് ഈ വീഡിയോയ്ക്ക് താഴെ മികച്ച പ്രതികരണങ്ങൾ രേഖപ്പെടുത്തിയിട്ടുള്ളത്.

ചിത്രത്തിന്റെ രചന കൈകാര്യം ചെയ്തിരിക്കുന്നതും സംവിധായകൻ കല്യാൺ കൃഷ്ണ കുരസ്‌ല തന്നെയാണ്. ഗാനരംഗത്തിൽ പ്രത്യക്ഷപ്പെട്ട നാഗചൈതന്യ, കൃതി ഷെട്ടി എന്നിവരെ കൂടാതെ നാഗാർജുന, രമ്യ കൃഷ്ണ, റാവൂ രമേഷ് , ബ്രഹ്മാജി, വെണ്ണില കിഷോർ, ഝാൻസി, അനിത ചൗദ്രി എന്നിവരും ചിത്രത്തിലെ പ്രധാന കഥാപാത്രങ്ങളെ അവതരിപ്പിക്കുന്നു. സീ സ്റ്റുഡിയോസ് , അന്നപൂർണ്ണ സ്റ്റുഡിയോസ് എന്നീ പ്രൊഡക്ഷൻ കമ്പനികൾ ചേർന്ന് ഒരുക്കുന്ന ഈ ചിത്രം നിർമ്മിക്കുന്നത് നടൻ നാഗാർജുനയാണ്. ഒരു ഡ്രാമ ചിത്രമായ ബംഗാർരാജുവിന്റെ തിരക്കഥ ഒരുക്കിയത് സത്യാനന്ദ് ആണ് . ചിത്രത്തിലെ സംഗീതം കൈകാര്യം ചെയ്യുന്നത് അനൂപ് റുബെൻസ് ആണ്. വിജയ് വരദൻ ആണ് ചിത്രത്തിലെ എഡിറ്റിംഗ് നിർവഹിച്ചിരിക്കുന്നത്.