ബേസിൽ ജോസെഫ് എന്ന സൂപ്പർ ഹിറ്റ് സംവിധായകൻ ഒരുക്കിയ സൂപ്പർ ഹീറോ ചിത്രമാണ് മിന്നൽ മുരളി . ഇപ്പോൾ ഇന്ത്യ മുഴുവൻ ട്രെൻഡിങ് മുന്നേറുകയാണ് മിന്നൽ മുരളി . ഒടിടി പ്ലാറ്റ്‌ഫോമായ നെറ്റ് ഫ്ലിക്സിലൂടെ റിലീസ് ചെയ്ത ഈ ചിത്രത്തിൽ ടോവിനോ തോമസ്, ഗുരു സോമസുന്ദരം എന്നിവരാണ് പ്രധാന വേഷത്തിൽ എത്തിയിരിക്കുന്നത് . തൊണ്ണൂറുകളുടെ പശ്ചാത്തലത്തിൽ ഒരുക്കിയിട്ടുള്ള ഈ ചിത്രം കുറുക്കൻമൂല എന്ന ഒരു ഗ്രാമത്തിൽ നടക്കുന്ന സാങ്കൽപ്പിക കഥയാണ് ഈ ചിത്രം നമ്മളോട് പറയുന്നത്. മലയാളത്തിലെ ആദ്യത്തെ സൂപ്പർ ഹീറോ ചിത്രമായ മിന്നൽ മുരളിയെ ഇരു കൈയ്യും നീട്ടിയാണ് പ്രേക്ഷകർ സ്വീകരിച്ചത് .

മികച്ച പ്രതികരണങ്ങൾ നേടി ചിത്രം മുന്നേറുകയാണ്. ഈ ചിത്രത്തിന്റെ രണ്ടാം ഭാഗം വരുo എന്നും, അത് ത്രീഡിയിൽ ആയിരിക്കുമെന്നും ഉള്ള പല വാർത്തകളും പുറത്തുവരുന്നുണ്ട്. ആക്ഷനും കോമഡിയും വൈകാരിക രംഗങ്ങളുമെല്ലാം കോർത്തിണക്കിയത് കൊണ്ടാകാം ഈ ചിത്രം വളരെയധികം പ്രേക്ഷക ശ്രദ്ധ നേടുന്നത്. പ്രേക്ഷകരിൽ നിന്നും നായകനേക്കാൾ കൂടുതൽ അഭിന്ദനം നേടിയെടുക്കുന്നത് ഇതിലെ വില്ലൻ വേഷം അവതരിപ്പിച്ച ഗുരു സോമസുന്ദരം ആണ് . വളരെ മികച്ച അഭിനയം തന്നെയാണ് താരം കാഴ്ച്ചവച്ചത്.

മിന്നൽ മുരളിധേക്ഷകർക്കിടയിൽ തരംഗമായി മാറി കൊണ്ടിരിക്കുമ്പോഴാണ് ഈ ചിത്രത്തിലെ ഒരു മേക്കിംഗ് വീഡിയോ പുറത്തുവിട്ടിരിക്കുന്നത് . തുടക്കത്തിലേ ഒരു രംഗം ഷൂട്ട് ചെയ്തതിന്റെ മേക്കിങ് വീഡിയോ ആണ് ഇപ്പോൾ പ്രേക്ഷക ശ്രദ്ധ നേടുന്നത്. ഈ ചിത്രത്തിന് വേണ്ടി ആക്ഷൻ രംഗങ്ങൾ ഒരുക്കിയത് ഹോളിവുഡ് ആക്ഷൻ ഡയറക്ടർ ആയ വ്ലാഡ് ആണ്. വളരെ ശ്രമകരമായാണ് ഇതിലെ ആക്ഷൻ രംഗങ്ങൾ അരങ്ങേറിയത്. ഈ ചിത്രത്തിന്റെ രചന നിർവഹിച്ചിട്ടുള്ളത് അരുൺ അനിരുദ്ധൻ, ജസ്റ്റിൻ മാത്യു എന്നിവർ ചേർന്നാണ് .

സോഫിയ പോൾ നിർമ്മിച്ചിരിക്കുന്ന ഈ ചിത്രം വീക്കെൻഡ് ബ്ലോക്ക്ബസ്റ്റേഴ്സിന്റെ ബാനറിൽ ആണ് പുറത്തിറങ്ങിയത് . ഫെമിന ജോർജ്, ബാലതാരം വശിഷ്ട് ഉമേഷ്, ബൈജു, പി ബാലചന്ദ്രൻ, ഹരിശ്രീ അശോകൻ, അജു വർഗീസ്, മാമുക്കോയ, ബിജു കുട്ടൻ, ജൂഡ് ആന്റണി ജോസെഫ് തുടങ്ങിയവരും ചിത്രത്തിൽ പ്രധാന വേഷങ്ങൾ അവതരിപ്പിച്ചിട്ടുണ്ട് . സമീർ താഹിറാണ് ഈ ചിത്രത്തിന് ക്യാമറ ചലിപ്പിച്ചത് . ഷാൻ റഹ്മാനും സുഷിൻ ശ്യാമും ചേർന്നാണ് ചിത്രത്തിലെ സംഗീതം ഒരുക്കിയിട്ടുള്ളത് .

ഗിരീഷ് എ.ഡി സംവിധാനത്തിൽ ഒരുങ്ങുന്ന പുത്തൻ ചിത്രമാണ് ‘സൂപ്പർ ശരണ്യ’ . എന്ന സിനിമയുടെ ട്രെയിലർ പുറത്തിറങ്ങി. തണ്ണീർമത്തൻ ദിനങ്ങൾ എന്ന ഹിറ്റ് ചിത്രത്തിന് ശേഷം ഗിരീഷ് ഒരുക്കുന്ന സൂപ്പർ ശരണ്യയുടെ ട്രെയിലർ പുറത്തിറങ്ങി. തണ്ണീർ മത്തൻ ദിനങ്ങളിൽ കേന്ദ്രകഥാപാത്രമായ കീർത്തി എന്ന കഥാപാത്രത്തെ അവതരിപ്പിച്ച അനശ്വര രാജനാണ് സൂപ്പർ ശരണ്യയിലും പ്രധാന വേഷത്തിൽ എത്തുന്നത്. ശരണ്യയായി എത്തുന്ന അനശ്വരയുടെ ഒരു കിടിലം പ്രകടനം തന്നെയാണ് ഈ ചിത്രത്തിന്റെ ട്രെയിലറിൽ കാണുന്നത്.

കോളേജ് പശ്ചാത്തലത്തിൽ ഒരുങ്ങിയിരിക്കുന്ന ഈ ചിത്രത്തിന്റെ രസകരമായ ഭാഗങ്ങൾ കോർത്തിണക്കിയാണ് ട്രെയിലർ പുറത്തുവിട്ടിട്ടുള്ളത് . ഒരു ആർട്സ് കോളേജ് ലൈഫും പെൺകുട്ടികളുടെ ഹോസ്റ്റൽ ലൈഫുമെല്ലാം കൂട്ടി ചേർത്ത് മനോഹരമായ ഒരു ഫീൽ സിനിമയിലുണ്ടാകുമെന്നാണ് ട്രെയിലറിൽ നിന്നും ലഭിക്കുന്ന സൂചന . അർജുൻ അശോകനാണ് സിനിമയിൽ മറ്റൊരു കേന്ദ്ര കഥാപാത്രത്തെ അവതരിപ്പിക്കുന്നത്. ഖോ ഖോ എന്ന സിനിമയിലൂടെ പ്രേക്ഷകശ്രദ്ധ നേടിയ മമിതാ ബൈജു ഈ ചിത്രത്തിൽ പ്രധാന കഥാപാത്രമായി തന്നെ എത്തുന്നുണ്ട് .

ശരണ്യയുടെ കൂട്ടുകാരികളിൽ ഒരാളായി അഭിനയിക്കുന്നത് മമിതയാണ്.
അനശ്വരയും മമിതയും ഒപ്പം മറ്റ് രണ്ട് സുഹൃത്തുക്കളുമുള്ള ഈ ചിത്രത്തിലെ ഒരു പാട്ട് നേരത്തെ തന്നെ റിലീസ് ചെയ്യുകയും അത് സോഷ്യൽ മീഡിയയിൽ വമ്പൻ ഹിറ്റായി മാറുകയും ചെയ്തിരുന്നു . തണ്ണീർ മത്തൻ ദിനങ്ങളിൽ നർമ്മ രംഗങ്ങൾ സൃഷ്ടിച്ച് പ്രേക്ഷക ശ്രദ്ധ നേടിയ നസീലനും ഈ ചിത്രത്തിൽ അഭിനയിക്കുന്നുണ്ട്. തണ്ണീർമത്തൻ ദിനങ്ങളിലെ മറ്റു ചില താരങ്ങളും സൂപ്പർ ശരണ്യയിലും അഭിനയിക്കുന്നുണ്ട് .

ഈ താരങ്ങളയെല്ലാം ഇപ്പോൾ പുറത്തിറങ്ങിയ ട്രൈലറിൽ കാണാനാകും. ട്രെയിലർ കണ്ട് വളരെ പ്രതീക്ഷയിൽ നിൽക്കുന്ന പ്രേക്ഷക സദസ്സിലേക്ക് ജനുവരി ഏഴിന് ഈ ചിത്രം പ്രദർശനത്തിന് എത്തും. 2 കോടി മുടക്കി നിർമ്മിച്ച തണ്ണീർമത്തൻ 50 കോടിയിൽ അധികം കളക്ഷൻ നേടി ബമ്പർ ഹിറ്റായി മാറിയിരുന്നു . എന്നാൽ സൂപ്പർ ശരണ്യ , തണ്ണീർമത്തനെ കടത്തിവെട്ടും എന്ന പ്രതീക്ഷയിലാണ് പ്രേക്ഷകർ. ഷെബിൻ ബേക്കറും ചിത്രത്തിന്റെ സംവിധായകനും ചേർന്നാണ് സൂപ്പർ ശരണ്യ നിർമ്മിച്ചിരിക്കുന്നത്.

ഒട്ടേറെ ആരാധകരുള്ള ബോളിവുഡിലെ താരസുന്ദരിയാണ് നടി സണ്ണി ലിയോൺ . താരവുമായി ബന്ധപ്പെട്ട ഒരു വിവാദമാണ് ഇപ്പോൾ സോഷ്യൽ മീഡിയയിൽ കത്തി കയറുന്നത് . താരത്തിന്റെ ഏറ്റവും പുതിയ വീഡിയോ ആല്‍ബം ഈയിടെ പുറത്തിറങ്ങിയിരുന്നു . എന്നാൽ ഇതിനെതിരെ പ്രതിഷേധവുമായി എത്തിയിരിക്കുകയാണ് മഥുരയിലെ പുരോഹിതന്മാർ. ഈ വീഡിയോ നിരോധിക്കണം എന്നുള്ളതാണ് അവരുടെ ആവശ്യം . മധുബന്‍ മേം രാധികാ നാച്ചെ എന്ന ഗാനരംഗത്തിൽ താരത്തിന്റെ നൃത്ത പ്രകടനം അശ്ലീലമാണെന്നും മതവികാരങ്ങള്‍ വ്രണപ്പെടുത്തുന്നതാണെന്നുമാണ് പുരോഹിതന്മാരുടെ പ്രധാന ആരോപണം.

സണ്ണി ലിയോണ്‍ തന്റെ പുതിയ വീഡിയോ ആൽബത്തിൽ ഡാൻസ് ചെയ്യാൻ സെലക്ട് ചെയ്തത് , ഇതിഹാസ ഗായകൻ മുഹമ്മദ് റാഫി 1960ല്‍ കോഹിനൂര്‍ എന്ന ചിത്രത്തില്‍ ആലപിച്ച ഗാനമാണ്. താരത്തിന്റെ ഈ ആൽബം നിരോധിക്കുകയും , സണ്ണി ലിയോണിനെതിരെ സര്‍ക്കാര്‍ നടപടി സ്വീകരിക്കണം എന്നതുമാണ് പുരോഗതിമാരുടെ ആവശ്യം . ഇല്ലെങ്കിൽ പരാതിയുമായി കോടതിയെ സമീപിക്കുമെന്നാണ് ഇവർ പറയുന്നത്. ഈ കാര്യം വ്യക്തമാക്കി കൊണ്ട് മുന്നോട്ടു വന്നിരിക്കുന്നത് വൃന്ദാവനിലെ സന്ത് നവല്‍ഗിരി മഹാരാജ് ആണ് .

നൃത്തത്തിലെ രംഗങ്ങള്‍ പിന്‍വലിക്കുകയും ഒപ്പം നടി പരസ്യമായി മാപ്പ് പറയുകയും ചെയ്തില്ലെങ്കിൽ നടിയെ ഇന്ത്യയില്‍ തുടരാന്‍ അനുവദിക്കില്ലെന്നും പുരോഹിതന്മാരുടെ പ്രസ്താവനയിൽ ശക്തമായി പറയുന്നു. സണ്ണി ലിയോൺ അഭിനയിച്ച മധുബൻ എന്ന ആൽബം കഴിഞ്ഞ വ്യാഴാഴ്ച്ചയാണ് റിലീസ് ചെയ്തത്. മധുബൻ വീഡിയോ ആൽബത്തിന് വേണ്ടി ഗാനമാലപിച്ചിരിക്കുന്നത് കനിക കപൂറും അരിന്ദം ചക്രവർത്തിയും ചേർന്നാണ്. ഈ ഗാനം ഭഗവാൻ ശ്രീകൃഷ്ണനും രാധയും തമ്മിലുള്ള പ്രണയത്തെക്കുറിച്ച് വർണ്ണിക്കുന്ന വരികൾ നിറഞ്ഞവയാണ് .

എന്നാൽ ആ മനോഹര പ്രണയ ഗാനം അശ്ലീലം കലർത്തി നൃത്താവിഷ്കാരം ഒരുക്കി എന്നാണ് പറയുന്നത് . ഇതിന് എതിരെയാണ് ഇപ്പോൾ പ്രതിഷേധം ശക്തമാകുന്നത് . ശ്രദ്ധേയമായ മറ്റൊരു കാര്യമാണ് ഈ വീഡിയോ ആൽബത്തിന് താഴേയും ഒട്ടേറെ പേർ സണ്ണി ലിയോണിന് എതിരെ പ്രതിഷേധവുമായി എത്തുന്നുണ്ട് എന്നത് . 94 ലക്ഷത്തോളം കാഴ്ചക്കാരെ സ്വന്തമാക്കി സാരേഗാമ മ്യൂസിക്കിന്റെ യൂട്യൂബ് ചാനൽ വഴിയാണ് ഈ സോങ് വീഡിയോ ആൽബം പുറത്തുവന്നിരിക്കുന്നത് .

https://youtu.be/2WMTWbRuCsc

ആഷിഖ് അബുവിന്റെ സംവിധാനത്തിൽ ടോവിനോ തോമസിനെ നായകനാക്കി ഒരുങ്ങുന്ന പുത്തൻ ചിത്രമാണ് നാരദൻ. ഇരുവരും ഒന്നിച്ച മായാനദി എന്ന ആദ്യ ചിത്രം സൂപ്പർ ഹിറ്റായിരുന്നു. അടുത്ത വർഷം ജനുവരി ഇരുപത്തിയേഴിനു റിലീസ് ചെയ്യാൻ തീരുമാനിച്ച നാരദൻ എന്ന ചിത്രത്തിന് തിരക്കഥയും സംഭാഷണവും രചിച്ചിരിക്കുന്നത് ഉണ്ണി ആർ ആണ് . ഇപ്പോഴിതാ ഈ ചിത്രത്തിന്റെ ട്രൈലെർ ആണ് സോഷ്യൽ മീഡിയയിൽ ഒരു ചർച്ച വിഷയമായി മാറുന്നത് .

ഈ ചിത്രം ഒരുക്കിയിരിക്കുന്നത് സമകാലിക ഇന്ത്യയിലെ മാധ്യമ ലോകത്തെ അടിസ്ഥാനമാക്കിയാണ് എന്ന സൂചനയാണ് ഇതിന്റെ ട്രൈലെ റിൽ നിന്നും ലഭിക്കുന്നത് . പല രീതിയിൽ ഈ ട്രൈലെർ സാമൂഹ്യ മാധ്യമങ്ങളിൽ ചർച്ച ആകുന്നുണ്ട് . പ്രശസ്ത ടെലിവിഷൻ ന്യൂസ് റീഡർ ആയ അർണാബ് ഗോസ്വാമിയെ അനുസ്മരിപ്പിക്കുന്ന തരത്തിലാണ് ഇതിലെ കേന്ദ്രകഥാപാത്രമായ ടോവിനോ തോമസ് അവതരിപ്പിക്കുന്ന കഥാപാത്രം എന്ന് ചിലർ അഭിപ്രായുമ്പോൾ, തോമസ് ഇരട്ട വേഷത്തിലാണോ ഇതിൽ ടോവിനോ തോമസ് എത്തുന്നത് എന്ന സംശയങ്ങളും ചിലർ ചോദിച്ചു പോകുന്നു . ഈ ട്രെയ്ലറിൽ രണ്ട് വ്യത്യസ്ത ഗെറ്റപ്പുകളിൽ ടോവിനോ തോമസിനെ കാണാൻ സാധിക്കുന്നുണ്ട് .

ഈ ചിത്രം ഒരു പൊളിറ്റിക്കല്‍ ത്രില്ലർ ആണോ എന്ന സംശയവും ട്രൈലർ കാണുമ്പോൾ തോന്നി പോകുന്നു . അന്ന ബെന്‍ ആണ് ചിത്രത്തിൽ നായികാ വേഷത്തെ അവതരിപ്പിക്കുന്നത് . കൂടാതെ ഷറഫുദ്ദീന്‍, ഇന്ദ്രന്‍സ്, ജാഫര്‍ ഇടുക്കി, വിജയ രാഘവന്‍, ജോയ് മാത്യു, രണ്‍ജി പണിക്കര്‍, രഘുനാഥ് പാലേരി, ജയരാജ് വാര്യര്‍ തുടങ്ങി താരങ്ങളും ചിത്രത്തിൽ അഭിനയിക്കുന്നുണ്ട് .

റിമാ കല്ലിങ്കലും ആഷിഖ് അബുവുംസന്തോഷ് കുരുവിളയും ചേർന്നാണ് ഈ ചിത്രം നിർമ്മിച്ചിരിക്കുന്നത് . ജാഫർ സാദിക്കാണ് ചിത്രത്തിന്റെ ക്യാമറമാൻ . എഡിറ്റിംഗ് നിർവഹിച്ചിരിക്കുന്നത് സൈജു ശ്രീധരനാണ്. ചിത്രത്തിന്റെ സംഗീതം കൈകാര്യം ചെയ്തിരിക്കുന്നത് ഡി.ജെ ശേഖര്‍ മേനോനും നേഹയും യാക്സണ്‍ പെരേരയും ചേർന്നാണ് .

മലയാളത്തിന്റെ താരരാജാവ് മോഹൻലാൽ പ്രധാന വേഷത്തിൽ എത്തി , താരം തന്നെ സംവിധാനവും നിർവഹിക്കുന്ന ആദ്യചിത്രമാണ് ബറോസ്: നിധി കാക്കും ഭൂതം . 2021 ന്റെ ആരംഭത്തിൽ തന്നെ ചിത്രീകരണം ആരംഭിച്ച ചിത്രമായിരുന്നു ഇത് . എന്നാൽ കോവിഡ് മഹാമാരിയെ തുടർന്ന് പത്തു ദിവസം മാത്രമാണ് ഈ ചിത്രം ഷൂട്ട് ചെയ്യാൻ സാധിച്ചത്. കോവിഡ് രണ്ടാം തരംഗത്തോടെ ഷൂട്ടിംഗ് മുടങ്ങിയിരുന്നു . ശേഷം ഇപ്പോഴാണ് ഈ ചിത്രത്തിന്റെ ഷൂട്ടിംഗ് വീണ്ടും ആരംഭിച്ചിട്ടുള്ളത്.

എന്നാൽ ആദ്യം മുതക്കെയാണ് ചിത്രീകരണം വീണ്ടും ആരംഭിക്കുന്നത് , താരനിരയിൽ ചില മാറ്റങ്ങൾ വന്നതിനാലാണ് ഇങ്ങനെ ആരംഭിക്കേണ്ടി വന്നത് . ചിത്രത്തിന്റെ അണിയറ പ്രവർത്തകർ ബറോസിന്റെ ഒരു പ്രൊമോ ടീസർ ഇപ്പോൾ സോഷ്യൽ മീഡിയയിലൂടെ ആരാധകർക്കായി പങ്കു വച്ചിരിക്കുകയാണ് . ഒരു ത്രീഡി ഫാന്റസി ഡ്രാമ ചിത്രമാണ് മോഹൻലാലിന്റെ സംവിധാനത്തിൽ ഒരുങ്ങുന്ന ഈ ചിത്രം എന്നാണ് സൂചന.

ഈ ചിത്രം രചിച്ചിരിക്കുന്നത് ജിജോ പുന്നൂസ് ആണ് . വമ്പൻ ബഡ്ജറ്റിൽ ഒരുങ്ങുന്ന ഈ ചിത്രം നിർമ്മിക്കുന്നത് ആന്റണി പെരുമ്പാവൂരുമാണ്. ആശീർവാദ് സിനിമാസിന്റെ ബാനറിൽ ആണ് ചിത്രം പുറത്തിറങ്ങുന്നത് . മോഹൻലാൽ കേന്ദ്ര കഥാപാത്രമായി എത്തുന്ന ഈ ചിത്രത്തിൽ മായ എന്ന പെൺകുട്ടിയാണ് മറ്റൊരു പ്രധാന കഥാപാത്രത്തെ അവതരിപ്പിക്കുന്നത്.

സ്പെയിൻ, അമേരിക്ക, ഘാന, പോർട്ടുഗൽ എന്നിവിടങ്ങളിൽ നിന്നുള്ള അഭിനേതക്കളാണ് കൂടുതലായും ബറോസിന്റെ താരനിരയിലുള്ളത് . വി എഫ് എക്സ്ഉം ആക്ഷനും എല്ലാം നിറഞ്ഞ ഒരു സൂപ്പർ മാസ്സ് ചിത്രമായിരിക്കും ബറോസ് . നാനൂറു വർഷം പ്രായമുള്ള ബറോസ് എന്ന് പേരുള്ള ഒരു ഭൂതമായാണ് ഈ ചിത്രത്തിൽ മോഹൻലാൽ വേഷമിടുന്നത് . സന്തോഷ് ശിവൻ ആണ് ചിത്രത്തിന്റെ ക്യാമറമാൻ . ഈ ചിത്രത്തിന് സംഗീതം ഒരുക്കുന്നത് ലിഡിയൻ നാദസ്വരവും എഡിറ്റിംഗ് നിർവഹിച്ചിരിക്കുന്നത് ശ്രീകർ പ്രസാദുമാണ്. ആദ്യ ചിത്രീകരണ സമയത്ത് പൃഥ്വിരാജ് സുകുമാരൻ ഈ ചിത്രത്തിൽ അഭിനയിച്ചു തുടങ്ങിരുന്നു പിന്നീട് ചിത്രീകരണം നീണ്ടു പോയപ്പോൾ ഡേറ്റിൽ പ്രശ്നങ്ങൾ വന്നതിനാൽ പൃഥ്വിരാജിന് ചിത്രത്തിൽ നിന്ന് പിന്മാറേണ്ടി വരികയും ചെയ്തു എന്നാണ് റിപ്പോർട്ടുകൾ പറയുന്നത്. മിന്നൽ മുരളിയിലെ വില്ലൻ കഥാപാത്രത്തെ അവിസ്മരണിയമാക്കിയ ഗുരു സോമസുന്ദരവും ഈ ചിത്രത്തിൽ വേഷമിടുന്നുണ്ട് .

നവാഗതനായ അഖിൽ മരാർ കഥയെഴുതി സംവിധാനം ചെയ്യുന്ന. ഏറ്റവും പുതിയ ചലചിത്രമാണ് ഒരു താത്വിക അവലോകനം. ജോജു ജോർജാണ് പ്രധാന കഥാപാത്രമായി സിനിമയിൽ അഭിനയിക്കുന്നത്. എന്നാൽ ഇപ്പോൾ സമൂഹ മധ്യമങ്ങളിൽ വൈറലായി മാറിക്കൊണ്ടിരിക്കുന്നത് സിനിമയുടെ ട്രെയ്ലറാണ്. ഇന്ന് രാവിലെ പത്ത് മണിക്കാണ് ട്രെയ്ലർ യൂട്യൂബിൽ റിലീസ് ചെയ്തത്.

ചലചിത്രത്തിൽ വലിയ ഒരു താരനിര വരെ അണിനിരക്കുന്നുണ്ട്. ചിത്രം ഡിസംബർ 31ന് തീയേറ്ററുകളിൽ എത്തുന്നത്. അജു വർഗീസ്, ഷമ്മി തിലകൻ, മേജർ രവി പ്രശാന്ത് അലക്സാണ്ടർ, നിരഞ്ജൻ, അസീസ് നെടുമങ്ങാട്, ബാലാജി ശർമ, മാമൂകൊയ, പ്രേം കുമാർ തുടങ്ങിയവരാണ് ചലചിത്രങ്ങളിൽ പ്രെത്യക്ഷപ്പെടുന്നത്. ചിത്രത്തിൽ നായിക പ്രധാന്യമുള്ള വേഷമാണ് അഭിരാമി കൈകാര്യം ചെയ്തിരിക്കുന്നത്.

ക്യാമറ കൈകാര്യം ചെയ്യുന്നത് വിഷ്ണു നാരായണൻ ആണെങ്കിലും എഡിറ്റ്‌ ചെയ്തിരിക്കുന്നത് ലിജോ പോൾ ആണ്. കൈതപ്രേം, മുരുകൻ കാട്ടാക്കട എന്നിവരാണ് ചിത്രത്തിനു വേണ്ടി വരികൾ രചിച്ചിരിക്കുന്നത്. സിനിമയ്ക്ക് വേണ്ടി കലാസംവിധാനം ഒരുക്കിട്ടുള്ളത് ശ്യാം കാർത്തികേയനാണ്. ചലചിത്രത്തിന്റെ സൗണ്ട് ഡിസൈൻ ഒരുക്കിട്ടുള്ളത് രാജേഷാണ്.യോഹാൻ പ്രൊഡക്ഷൻസിന്റെ ബാനറിൽ നിർമ്മിച്ച ഈ ചലചിത്രം വിതരം ചെയ്തിരിക്കുന്നത് ഈ ചൈത്രം യോഹാൻ മൂവീസാണ്.

ചുരുങ്ങിയ സമയം കൊണ്ട് നിരവധി കാണികളെയാണ് ഒരു താത്വിക അവലോകനം എന്ന സിനിമയുടെ ട്രെയ്ലറിന് ലഭിച്ചിരിക്കുന്നത്. എന്തായാലും ഈ മാസം അവസാനത്തിന് വേണ്ടി കാത്തിരിക്കുകയും സിനിമ പ്രേമികളും ആരാധകരും. ജോജു ജോർജിന്റെ അവസാനമായി ഇറങ്ങിയാ ചലചിത്രമാണ് മധുരം ആണ്.

പ്രഭാസ് – പൂജ ഹെഗ്‌ഡെ താർ ജോഡികൾ ഒന്നിക്കുന്ന ചിത്രമാണ് രാധേ ശ്യാം . ഒരു റൊമാന്റിക് ഡ്രാമ ചിത്രമായ രാധേ ശ്യാമിന്റെ രചനയും സംവിധാനവും നിർവ്വഹിക്കുന്നത് രാധാകൃഷ്ണ കുമാർ ആണ് . യുവി ക്രിയേഷൻസും ടി-സീരീസും ഒന്നിച്ചാണ് ഈ ചിത്രം നിർമ്മിക്കുന്നത്. ഈ ചിത്രത്തിന്റെ ട്രെയ്ലർ ഇപ്പോൾ പുറത്തിറങ്ങിയിരിക്കുകയാണ്. രാധേ ശ്യാം എന്ന ചിത്രത്തിലെ നേരത്തെ തന്നെ റിലീസ് ചെയ്ത ഫോട്ടോകളും പാട്ടുകളും സോഷ്യൽ മീഡിയയിൽ ശ്രദ്ധേയമായിരുന്നു .

1970-കളിലെ യൂറോപ്പ് പശ്ചാത്തലമാക്കിയാണ് ചിത്രം ഒരുങ്ങുന്നത് . ജസ്റ്റിൻ പ്രഭാകരൻ ആണ് ഈ ചിത്രത്തിന്റെ സംഗീതം ഒരുക്കുന്നത്. മനോജ് പരമഹംസനാണ് ഛായാഗ്രഹണം കൈകാര്യം ചെയ്യുന്നത് . ചിത്രത്തിന്റെ എഡിറ്റിംഗ് നിർവഹിച്ചത് കോത്തഗിരി വെങ്കിടേശ്വര റാവു ആണ് . ഭുഷൻ കുമാര്‍ നിർമിക്കുന്ന ഈ ചിത്രത്തിന്റെ ആക്ഷന്‍ രംഗങ്ങൾ ഒരുക്കിയിട്ടുള്ളത് നിക്ക് പവൽ ആണ്. ചിത്രത്തിന്റെ ശബ്‌ദ രൂപകല്‍പന മനോഹരമാക്കുന്നത് റസൂല്‍ പൂക്കുട്ടിയാണ് . നൃത്തം കൈകാര്യം ചെയ്യുന്നത് വൈഭവിയും , തോട്ട വിജയഭാസ്‌കർ, ഇഖ ലഖാനി എന്നിവർ ഒന്നിച്ച് കോസ്റ്റ്യൂം ഡിസൈനിംഗ് നിർവഹിച്ചിരിക്കുന്നത് .

സച്ചിൻ ഖറേഡേക്കര്‍, പ്രിയദര്‍ശിനി, മുരളി ശര്‍മ, സാഷ ഛേത്രി, കുനാല്‍ റോയ് കപൂര്‍ തുടങ്ങിയവർ പ്രധാനവേഷങ്ങളിൽ ചിത്രത്തിൽ എത്തുന്നു. വിക്രമാദിത്യ എന്ന കഥാപാത്രത്തെയാണ് പ്രഭാസ് ചിത്രത്തിൽ അവതരിപ്പിക്കുന്നത് . ‘പൂജ ഹെഗ്ഡെ’ അവതരിപ്പിക്കുന്നത് പ്രേരണ എന്ന കഥാപാത്രത്തെയാണ് . രാധാ കൃഷ്ണ കുമാറിന്റെ സംവിധാനത്തിൽ ഒരുങ്ങുന്ന ഈ ചിത്രം തെലുങ്ക്, ഹിന്ദി, തമിഴ്, മലയാളം എന്നീ ഭാഷകളിലായി എത്തുന്നുണ്ട് .

ഇന്ത്യയിലെ കോവിഡ്-19 പകർച്ചവ്യാധി കാരണം ചിത്രത്തിന്റെ റിലീസ് നീട്ടുകയായിരുന്നു . പിന്നീട് സംക്രാന്തി ഉത്സവത്തോടനുബന്ധിച്ച് 2022 ജനുവരി 14-ന് തെലുങ്ക്, ഹിന്ദി, തമിഴ്, കന്നഡ, മലയാളം എന്നീ ഭാഷകളിലായി ചിത്രം റിലീസ് ചെയ്യുവാൻ തീരുമാനിക്കുകയായിരുന്നു.

മലയാളത്തിന്റെ യുവ താരനിരയിലെ ശ്രേദ്ധേയ നടൻ ഫഹദ് ഫാസിൽ കേന്ദ്ര കഥാപാത്രത്തെ അവതരിപ്പിക്കുന്ന പുതിയ ചിത്രമാണ് മലയന്‍കുഞ്ഞ്. നവാഗതനായ സജിമോൻ സംവിധാനം ചെയ്യുന്ന ഈ ചിത്രം നിർമ്മിക്കുന്നത് ഫഹദിന്റെ പിതാവും സംവിധായകനുമായ ഫാസിൽ ആണ് . ഈ ചിത്രത്തിന്റെ ട്രൈലെർ ഇപ്പോൾ പ്രേക്ഷകർക്കായി പുറത്തു വിട്ടിരിക്കുകയാണ് .

അണിയറ പ്രവർത്തകർ പുറത്തു വിട്ടിരിക്കുന്ന ഈ ട്രൈലെർ ചിത്രത്തെ കുറിച്ചുള്ള പ്രേക്ഷക പ്രതീക്ഷകൾ വാനോളം ഉയർത്തും വിധമാണ് . മാത്രമല്ല ഫഹദ് ഫാസിൽ എന്ന അഭിനയ പ്രതിഭയുടെ മികവുറ്റ ഒരു ഗംഭീര പ്രകടനവും ഈ ചിത്രത്തിലൂടെ കാണാം എന്ന സൂചനയും ഈ ട്രൈലെർ പ്രേക്ഷകർക്ക് മുന്നിലേക്ക് വച്ചു നീട്ടുന്നു . ഈ ചിത്രത്തിന് വേണ്ടി സംഗീതമൊരുക്കുന്നത് സംഗീത മാന്ത്രികൻ സാക്ഷാൽ എ ആർ റഹ്മാൻ ആണ് .

യോദ്ധ എന്ന മോഹൻലാൽ ചിത്രത്തിനും പിന്നീട് പൃഥ്വിരാജ് സുകുമാരൻ പ്രധാന വേഷത്തെ അവതരിപ്പിച്ച ആട് ജീവിതം എന്ന ചിത്രത്തിനും ശേഷം എ ആർ റഹ്മാൻ സംഗീതമൊരുക്കുന്ന മലയാള ചിത്രമാണ് ഫഹദ് ഫാസിലിന്റെ മലയന്‍കുഞ്ഞ്. ട്രൈലറിൽ നിന്നും ലഭിക്കുന്ന സൂചന പ്രകാരം ചിത്രം ഒരു സർവൈവൽ ത്രില്ലർ ആണെന്നാണ് നിഗമനം .

സീ യു സൂണ്‍, മാലിക് എന്നീ ചിത്രങ്ങൾക്ക് ശേഷം മഹേഷ് നാരായണനും ഫഹദും ഒന്നിക്കുന്ന ചിത്രമാണ് മലയൻ കുഞ്ഞ് . ഈ ചിത്രത്തിന് വേണ്ടി തിരക്കഥ രചിക്കുന്നതും ഛായാഗ്രഹണവും നിർവഹിക്കുന്നതും മഹേഷ് നാരായണൻ ആണ് . ചിത്രത്തിന്റെ സൗണ്ട് ഡിസൈൻ കൈകാര്യം ചെയ്തിരിക്കുന്നത് വിഷ്‍ണു ഗോവിന്ദും ശ്രീ ശങ്കറുമാണ് . ഫാസിലിന്റെ സംവിധാനത്തിൽ ഒരുങ്ങിയ കയ്യെത്തും ദൂരത്തു എന്ന ചിത്രത്തിലൂടെ ആണ് ഫഹദ് ഫാസിൽ മലയാള സിനിമയിൽ അരങ്ങേറ്റം കുറിച്ചത്.

ശേഷം മലയൻ കുഞ്ഞ് എന്ന ചിത്രത്തിലൂടെയാണ് ഫഹദും അച്ഛൻ ഫാസിലും വീണ്ടും ഒന്നിച്ച് ഒരു ചിത്രം ചെയ്യുന്നത്. രജിഷാ വിജയൻ, ഇന്ദ്രൻസ്, ജാഫർ ഇടുക്കി, ദീപക് പറമ്പോൾ എന്നിവരും ഈ ചിത്രത്തിൽ പ്രധാന വേഷങ്ങളെ അവതരിപ്പിക്കുന്നുണ്ട് . ചിത്രത്തിന്റെ എഡിറ്റിംഗ് നിർവഹിച്ചിരിക്കുന്നത് അർജു ബെൻ ആണ് .

മലയാളത്തിന്റെ യൂത്ത് ഐക്കൺ ദുൽഖർ സൽമാൻ പ്രധാന വേഷത്തിൽ എത്തുന്ന പുത്തൻ ചിത്രമാണ് സല്യൂട്ട്. വൻ വിജയം നേടിയ കുറുപ്പ് എന്ന ചിത്രത്തിന് ശേഷം ദുൽഖർ നായകനാകുന്ന പുതിയ ചിത്രമാണിത് . ഈ ചിത്രത്തിൽ ഒരു പോലീസ് കഥാപാത്രത്തെയാണ് താരം അവതരിപ്പിക്കുന്നത് . അരവിന്ദ് കരുണാകരൻ എന്ന പോലീസ് ഓഫീസർ ആയാണ് ദുൽഖർ വേഷമിട്ടിരിക്കുന്നത് . റോഷൻ ആൻഡ്രൂസിന്റെ സംവിധാനത്തിൽ ഒരുങ്ങുന്ന സല്യൂട്ട് രചിച്ചിരിക്കുന്നത് ബോബി- സഞ്ജയ് ടീം ആണ്.

കായംകുളം കൊച്ചുണ്ണി എന്ന സൂപ്പർ ഹിറ്റ് ചിത്രത്തിന് ശേഷം സല്യൂട്ട് എന്ന ചിത്രത്തിലാണ് റോഷൻ ആൻഡ്രൂസ്- ബോബി- സഞ്ജയ് ടീം ഒന്നിക്കുന്നത് . ഡയാന പെന്റി എന്ന ബോളിവുഡ് താരമാണ് ദുൽഖറിന്റെ നായികയായി ചിത്രത്തിൽ എത്തുന്നത് . നായകൻ ദുൽഖർ സൽമാൻ തന്നെ നിർമ്മിച്ചിരിക്കുന്ന ഈ ചിത്രം വേ ഫെറർ പ്രൊഡക്ഷൻസിന്റെ ബാനറിലാണ് ഒരുങ്ങുന്നത് . നേരത്തെ തന്നെ റിലീസ് ചെയ്ത ഈ ചിത്രത്തിന്റെ ടീസർ മികച്ച പ്രേക്ഷക ശ്രദ്ധ നേടിയിരുന്നു.

ഇപ്പോൾ സല്യൂട്ടിന്റെ ട്രൈലെർ കൂടി റിലീസ് ചെയ്തിരിക്കുകയാണ് . പ്രേക്ഷകരെ ആകാംഷയുടെ മുൾ മുനയിൽ നിർത്തി ത്രില്ലടിപ്പിക്കുന്ന ഒരു മാസ്സ് ചിത്രമായിരിക്കും ഇതെന്ന സൂചനയാണ് ട്രൈലെറിൽ നിന്ന് ലഭിക്കുന്നത് . ഒപ്പം പോലീസ് വേഷങ്ങളിൽ ശ്രദ്ധ നേടാത്ത ദുൽഖർ സൽമാന്റെ ഒരു കിടിലൻ പോലീസ് വേഷമാണ് പ്രേക്ഷക സദസ്സിലേക്ക് എത്താൻ കാത്തിരിക്കുന്നത് എന്നും ട്രൈലെർ സൂചിപ്പിക്കുന്നു.

മനോജ് കെ ജയൻ, സാനിയ ഇയ്യപ്പൻ, ലക്ഷ്മി ഗോപാലസ്വാമി, സായി കുമാർ, വിജയ കുമാർ, ഗണപതി, ബിനു പപ്പു, അലെൻസിയർ, ബോബൻ ആലുമ്മൂടൻ, ഇർഷാദ്, ദീപക് തുടങ്ങി വലിയ താരനിര തന്നെ ചിത്രത്തിന്റെ ഭാഗമായി അത്തിനിരക്കുന്നുണ്ട് . ചിത്രത്തിന്റെ സംഗീത സംവിധാനം നിർവഹിച്ചിരിക്കുന്നത് ജേക്‌സ് ബിജോയ് ആണ് . അസ്ലം പുരയില്‍ ആണ് ക്യാമറ കൈകാര്യം ചെയ്തിരിക്കുന്നത്. എഡിറ്റിംഗ് നിർവഹിച്ചിരിക്കുന്നത് ശ്രീകര്‍ പ്രസാദ് ആണ്.