നവാഗതനായ വിഷ്ണു മോഹൻ അണിയിച്ചൊരുക്കുന്ന പുത്തൻ ചിത്രമാണ് മേപ്പടിയാൻ . നടൻ ഉണ്ണി മുകുന്ദൻ നായകനാകുന്ന ഈ ചിത്രത്തിന്റെ ഒഫീഷ്യൽ ട്രെയ്‌ലർ റിലീസ് ചെയ്തു .ഇപ്പോൾ പുറത്തിറക്കിയിരിക്കുന്ന ട്രെയ്‌ലർ പ്രേക്ഷകരിൽ ഏറെ ആകാംക്ഷ ഉണർത്തുന്ന ഒന്നാണ് . 2022 ജനുവരി പതിനാലിനാണ് ചിത്രം തീയറ്ററുകളിൽ റിലീസ് ചെയ്യുന്നത് . ചിത്രത്തിന്റെ പ്രൊമോഷൻ വർക്കുകളിലാണ് താരങ്ങൾ ഇപ്പോൾ .

നിർമ്മാണ രംഗത്തേക്ക് ചുവടുവയ്ക്കുന്ന ഉണ്ണി മുകുന്ദന്റെ ആദ്യ സംരംഭം കൂടിയാണ് മേപ്പടിയാൻ. ഉണ്ണി മുകുന്ദൻ ഫിലിംസിന്റെ ബാനറിലാണ് ഈ ചിത്രം പ്രേക്ഷകർക്ക് മുന്നിലേക്ക് എത്തുന്നത് . ഇന്ദ്രൻസ്, സൈജു കുറുപ്പ്, അജു വര്‍ഗ്ഗീസ്, കലാഭവൻ ഷാജോൺ, അഞ്ജു കുര്യൻ, നിഷ സാരംഗ്, അപർണ ജനാര്‍ദ്ദനനൻ, കുണ്ടറ ജോണി, മേജര്‍ രവി, ശ്രീജിത്ത് രവി, കോട്ടയം രമേഷ്, പൗളി വൽസൻ, കൃഷ്ണപ്രസാദ്, മനോഹരി അമ്മ തുടങ്ങി നിരവധി താരങ്ങളാണ് ഈ ചിത്രത്തിൽ അണിനിരക്കുന്നത് .

ജയകൃഷ്ണൻ എന്നൊരു സാധാരണക്കാരന്‍റെ ജീവിതം പറയുന്ന ഒരു ഫാമിലി എന്റർടൈനറാണ് മേപ്പടിയാൻ . ഈരാറ്റുപേട്ട, പാല എന്നിവിടങ്ങളിലായി നാൽപ്പത്തെട്ടോളം ലൊക്കേഷനുകളിലാണ് മേപ്പടിയാന്റെ ചിത്രീകരണം പൂർത്തിയാക്കിയത്. ചിത്രത്തിന്റെ സംഗീത സംവിധാനം കൈകാര്യം ചെയ്യുന്നത് രാഹുൽ സുബ്രഹ്മണ്യനാണ് . ഛായാഗ്രഹണം നിർവഹിക്കുന്നത് നീൽ ഡിക്കുഞ്ഞയാണ് . ചിത്രത്തിന്റെ എഡിറ്റിംഗ് ഷമീര്‍ മുഹമ്മദ് നിർവഹിച്ചിരിക്കുന്നു. കലാസംവിധാനം സാബു മോഹൻ , വിപിൻ കുമാര് പ്രൊഡക്ഷൻ മാനേജര്‍ അയും പ്രവർത്തിച്ചിരിക്കുന്നു.

സ്കൂൾ ജീവിതത്തിന്റെ പശ്ചാത്തലത്തിൽ പ്രണയവും നർമ്മവും കോർത്തിണക്കി നവാഗത സംവിധായകൻ ഗിരീഷ് എ ഡി ഒരുക്കിയ സിനിമയായിരുന്നു തണ്ണീർമത്തൻ ദിനങ്ങൾ. അനശ്വര രാജൻ, മാത്യു തോമസ് എന്നിവരായിരുന്നു ചിത്രത്തിലെ കേന്ദ കഥാപാത്രങ്ങളെ അവതരിപ്പിച്ചത് . സൂപ്പർസ്റ്റാറുകൾ ഒന്നും തന്നെയില്ലാതെ വെറും 2 കോടി ബഡ്ജറ്റിൽ ഒരുക്കിയ ഈ ചിത്രം 50 കോടിയിൽ അധികം കളക്ഷൻ നേടിയെടുത്തു . ആ സിനിമയിൽ വിനീത് ശ്രീനിവാസനും മറ്റൊരു പ്രധാന വേഷത്തെ അവതരിപ്പിച്ചിരുന്നു .

ഗിരീഷ് എ.ഡി എന്ന സംവിധായകന്റെ ആദ്യ പരിശ്രമം തന്നെ ഹിറ്റായി മാറിയതോടെ അദ്ദേഹത്തിൽ ഏറെ പ്രതീക്ഷയാണ് പ്രേക്ഷകർക്ക് . ഗിരീഷിന്റെ രണ്ടാമത്തെ ചിത്രവും ഒരുങ്ങി കൊണ്ടിരിക്കുകയാണ് . അനശ്വര രാജൻ തന്നെയാണ് ഈ ചിത്രത്തിലും പ്രധാന വേഷത്തിൽ എത്തുന്നത്. സൂപ്പർ ശരണ്യ എന്നാണ് ചിത്രത്തിന്റെ പേര്. ചിത്രീകരണം പൂർത്തിയായ ഈ സിനിമയുടെ പ്രദർശനത്തിനായി കാത്തിരിക്കുകയാണ് പ്രേക്ഷകർ.

ഇപ്പോഴിതാ പ്രേക്ഷക പ്രതീക്ഷകൾക്ക് മങ്ങൽ ഏൽപ്പിക്കാതെ ഈ സിനിമയിലെ ആദ്യ ഗാനത്തിന്റെ വീഡിയോ റിലീസ് ചെയ്തിരിക്കുകയാണ് . അനശ്വര രാജനാണ് സൂപ്പർ ശരണ്യയായി ചിത്രത്തിൽ എത്തുന്നത് . ഈ ചിത്രത്തിലെ “അശുഭ മംഗളക്കാരി” എന്ന് തുടങ്ങുന്ന ഗാനമാണ് ഇപ്പോൾ പുറത്തിറങ്ങിയിരിക്കുന്നത്. ഇതിന്റെ ട്രെയിലറിൽ കോളേജ്, ഹോസ്റ്റൽ പശ്ചാത്തലത്തിൽ നടക്കുന്ന സംഭവ വികാസങ്ങളാണ് ചിത്രികരിച്ചിരിക്കുന്നത്.
മമിത ബൈജു, അർജുൻ അശോകൻ, നസ്ലെൻ എന്നീ സുപരിചിതരായ താരങ്ങളും ഈ ഗാന രംഗത്ത് പ്രത്യക്ഷപ്പെടുന്നുണ്ട് .

കൂടാതെ ഒട്ടേറെ പുതുമുഖ താരങ്ങളും ഈ ഗാന രംഗത്തിൽ ഉണ്ട് . ഒട്ടേറെ നർമ്മ മുഹൂർത്തങ്ങൾ കോർത്തിണക്കിയാണ് ഈ ഗാനം റിലീസ് ചെയ്തിരിക്കുന്നത് . സിനിമയിലും ഇത്തരത്തിലുള്ള നർമ്മരംഗങ്ങൾ ഉണ്ടാകുമെന്ന പ്രതീക്ഷയിലാണ് പ്രേക്ഷകർ. ഈ ചിത്രം ജനുവരി ഏഴിന് തിയേറ്ററുകളിൽ പ്രദർശനത്തിന് എത്തും എന്ന് റിപോർട്ടുകൾ വരുന്നുണ്ട്.

ഖാലിയുടെ ശക്തി ടെസ്റ്റിന് ശേഷം മിന്നൽ മുരളിയുടെ സ്പീഡ് ടെസ്റ്റ് ചെയ്ത് യുവരാജ് സിങ്. മലയാള സിനിമാ ചരിത്രത്തിലെ ആദ്യ സൂപ്പർ ഹീറോ ചിത്രമാണ് മിന്നൽ മുരളി . ബേസിൽ ജോസഫിന്റെ സംവിധാനത്തിൽ ടൊവിനോ നായകനായി എത്തുന്ന ചിത്രമാണ് മിന്നൽ മുരളി . നെറ്റ്ഫ്ളിക്സിലൂടെ റിലീസ് ചെയ്യുന്ന ഈ ചിത്രം ഡിസംബർ 24 ന് ഉച്ചയ്ക്ക 1.30 മുതൽ നെറ്റ് ഫ്ളിക്സിൽ സ്ട്രീം ചെയ്യും.

വളരെ ആകാംഷയോടെ പ്രേക്ഷകർ കാത്തിരിക്കുന്ന ഈ ചിത്രത്തിന്റെ ട്രൈലർ പുറത്തിറങ്ങിയപ്പോൾ ഇരു കൈയ്യും നീട്ടിയാണ് പ്രേക്ഷകർ സ്വീകരിച്ചത്. ചിത്രത്തിന്റെ പ്രെമോഷന്റെ ഭാഗമായി പുറത്തുവിട്ട ഒരു വീഡിയോ ആണ് ഇപ്പോൾ സോഷ്യൽ മീഡിയയിൽ ശ്രദ്ധേയമാകുന്നത്. മിന്നൽ മുരളിയുടെ ശക്തി ടെസ്റ്റ് ചെയ്യാൻ എത്തിയ വാലിയുമൊത്തുള്ള പ്രെമോഷൻ വീഡിയോ സോഷ്യൽ മീഡിയയിൽ ഏറെ ശ്രദ്ധ നേടിയിരുന്നു. എന്നാൽ ഇത്തവണ മിന്നൽ മുരളിയുടെ സ്പീഡ് ടെസ്റ്റ് ചെയ്യുന്ന വീഡിയോ ആണ് പുറത്തുവിട്ടത്.

സ്പീഡ് ടെസ്റ്റിന് എത്തിയത് യുവരാജ് സിങ് ആണ്. ക്രിക്കറ്റിലെ സൂപ്പർസ്റ്റാർ എത്തിയ ഈ വീഡിയോ സോഷ്യൽ മീഡിയയിൽ പോസ്റ്റ് ചെയ്ത് മിനിറ്റുകൾ തികയുമ്പോഴേക്കും നിരവധി കാഴ്ച്ചക്കാരെയാണ് സ്വന്തമാക്കിയത്. അരുൺ അനിരുദ്ധനും ജസ്റ്റിൻ മാത്യുവും ഒന്നിച്ചാണ് മിന്നൽ മുരളിയുടെ തിരക്കഥ രചിച്ചിട്ടുള്ളത്. ഹരിശ്രീ അശോകൻ, അജുവർഗീസ്, ഫെമിന ജോർജ് തുടങ്ങിയവരും ചിത്രത്തിൽ പ്രധാന വേഷത്തിൽ എത്തുന്നുണ്ട്. മലയാളത്തിൽ ആദ്യമായി ഒരുങ്ങുന്ന ഈ സൂപ്പർ ഹീറോ ചിത്രത്തിന് വേണ്ടിയുള്ള കാത്തിരിപ്പിലാണ് പ്രേക്ഷകർ.

മലയാള സിനിമയിലെ താരരാജാവ് പ്രിയ നടൻ മോഹൻലാലിനെ നായകനാക്കി പ്രിയദർശൻ ഒരുക്കിയ ബ്രഹ്മാണ്ഡ ചിത്രമാണ് മരക്കാർ അറബിക്കടലിന്റെ സിംഹം എന്നത് . ഏറ്റവും വലിയ മുതൽ മുടക്കിൽ മലയത്തിൽ ഒരുക്കിയ ഈ ചിത്രം , ഒരു മലയാള സിനിമയിക്ക്‌ ലഭിച്ച ഏറ്റവും വലിയ റിലീസ് ആണ് സ്വന്തമാക്കിയത്. അറുനൂറിൽ പരം സ്‌ക്രീനുകളിൽ കേരളത്തിൽ നിറഞ്ഞെത്തിയ ഈ ചിത്രം വിദേശത്തും റെക്കോർഡ് പ്രദർശനം ആണ് കരസ്ഥമാക്കിയത് .

ഏറ്റവും കൂടുതൽ ആഗോള കളക്ഷൻ ആദ്യ ദിനം നേടിയ മലയാള ചിത്രമെന്ന ബഹുമതിയും , ആദ്യ ദിനം ഇരുപതു കോടി രൂപയ്ക്കു മുകളിൽ നേടുന്ന ആദ്യ മലയാള സിനിമ എന്ന റെക്കോർഡും ബ്രഹ്മാണ്ഡ ചിത്രമായ മരക്കാർ സ്വന്തമാക്കി. എന്നാൽ പ്രേക്ഷകരിൽ നിന്നും സമ്മിശ്ര പ്രതികരണം നേടി എടുത്ത ചിത്രം ആഗോള കളക്ഷൻ അമ്പതു കോടി പിന്നിട്ടപ്പോഴേക്കും പ്രദർശനം അവസാനിപ്പിക്കുകയായിരുന്നൂ. തിയറ്ററിൽ പ്രദർശനം തുടങ്ങി പതിനാലു ദിവസം കഴിഞ്ഞു ആമസോൺ പ്രൈം റിലീസ് ആയി ചിത്രം സ്ട്രീം ചെയ്തത് കൊണ്ടാണ് തീയേറ്ററുകളിൽ നിന്നും മരക്കാർ പിൻവലിച്ചത്. ഈ ചിത്രത്തിന് ലഭിച്ച ആമസോൺ റൈറ്റ്സ് നാൽപതു കോടിക്കു മുകളിൽ ആണെന്ന് റിപ്പോർട്ടുകൾ പറയുന്നു.

ഇപ്പോഴിതാ, ഈ ചിത്രത്തിൽ നിന്നും നീക്കം ചെയ്ത, ഒരു വീഡിയോ രംഗം സോഷ്യൽ മീഡിയ ശ്രദ്ധ നേടുകയാണ്. പ്രേക്ഷകർക്ക്‌ തീയേറ്ററിലോ ആമസോൺ പ്രൈമിലോ കാണാൻ സാധിക്കാത്ത ഒരു രംഗം അണിയറ പ്രവർത്തകർ പുറത്തു വിട്ടിരിക്കുകയാണ്. എന്നാൽ ഈ ഒരു രംഗം ചിത്രത്തിന്റെ തമിഴ് പതിപ്പിൽ കാണാൻ സാധിച്ചിരുന്നു. ഒരു കോമഡി രംഗമാണിത് . ആ രംഗം മനോഹരമാക്കി അവതരിപ്പിക്കുന്നത് മാമുക്കോയ ചെയ്യുന്ന കഥാപാത്രമാണ്. ഈ സീനിൽ മാമുക്കോയക്ക് ഒപ്പം മോഹൻലാൽ, സിദ്ദിഖ്, നന്ദു തുടങ്ങിയവരും അഭിനയിച്ചിട്ടുണ്ട് .

സൈനയുടെ യൂട്യൂബ് ചാനൽ വഴിയാണ് ഈ രംഗം പുറത്തു വിട്ടിരിക്കുന്നത്. ചിത്രത്തിന്റെ മ്യൂസിക് ആൻഡ് വീഡിയോ പാർട്ണർ ആണ് സൈന. ഈ ചിത്രം നാല് മണിക്കൂറോളം ദൈർഖ്യം ഉണ്ടായിരുന്നു എന്നും തീയേറ്ററുകൾക്കു വേണ്ടി ഒരു മണിക്കൂറോളം വെട്ടി ചുരുക്കിയാണ് തിയറ്ററുകളിൽ റിലീസ് ചെയ്തത് എന്നും സ്ഥിതീകരിക്കാത്ത റിപ്പോർട്ടുകൾ പറയുന്നുണ്ട്.

മലയാള സിനിമയിലെ യുവതാര സുന്ദരിമാരിൽ ഏറെ പ്രതീക്ഷ പകരുന്നതും മികവുറ്റ അഭിനയം കാഴ്ചവയ്ക്കുകയും ചെയ്യുന്ന ഒരു താരമാണ് സാനിയ ഇയ്യപ്പൻ. ഒരു ഡാന്‍സ് റിയാലിറ്റി ഷോയിലൂടെ തകർപ്പൻ പ്രകടനം കാഴ്ചവച്ച് ജനശ്രദ്ധ നേടിയെടുക്കുകയായിരുന്നു താരം . പിന്നീട് സിനിമയിൽ ബാലതാരമായി എത്തി നായിക നിരയിലേക്ക് കുതിച്ചുയർന്നു നടി സാനിയ ഇയ്യപ്പന്‍. മമ്മൂട്ടിയുടെ ‘ബാല്യകാലസഖി’ എന്ന ചിത്രത്തിൽ ബാലതാരമായിട്ടായിരുന്നു സാനിയയുടെ സിനിമയിലേക്കുള്ള കടന്നു വരവ് . പിന്നീട് താരം എത്തിയത് ക്വീൻ എന്ന ചിത്രത്തിലെ നായിക ആയിട്ടായിരുന്നു .

മഞ്ജുവാര്യരുടെ മകളായി ലൂസിഫർ എന്ന മോഹൻലാൽ ചിത്രത്തിൽ എത്തിയതോടെ സാനിയ പ്രേക്ഷകക്കിടയിൽ പ്രിയങ്കരിയായി മാറി . പതിനെട്ടാം പടി എന്ന മമ്മൂട്ടി ചിത്രത്തിലെ ഗാനരംഗത്തിലും ഗ്ലാമറസ്സ് വേഷത്തിൽ സാനിയ പ്രത്യക്ഷപ്പെട്ടിരുന്നു.
അഭിനയം പോലെ തന്നെ മോഡലിംഗിലും തന്റെ മികവ് തെളിയിച്ച താരമാണ് സാനിയ ഇയ്യപ്പന്‍. സോഷ്യല്‍ മീഡിയയില്‍ ശ്രദ്ധേയമായ താരം തന്റെ ഫോട്ടോഷൂട്ട് ചിത്രങ്ങളും വീഡിയോസും എല്ലാം ആരാധകര്‍ക്കായി പങ്കു വെക്കാറുണ്ട്. സാനിയ അവസാനം അഭിനയിച്ചത് കൃഷ്ണന്‍കുട്ടി പണി തുടങ്ങി എന്ന ചിത്രത്തിലാണ് . ദുല്‍ഖര്‍ സല്‍മാനൊപ്പം സല്യൂട്ട് എന്ന ചിത്രത്തിലും സാനിയ അഭിനയിക്കുന്നുണ്ട്.

അഭിനേത്രി, മോഡൽ എന്നതിനപ്പുറം മികച്ചൊരു ഡാൻസർ കൂടിയാണ് താരം. ഒരു ഡാൻസ് റിയാലിറ്റി ഷോ തന്നെയാണ് താരത്തെ ഇത്രയും ശ്രദ്ധേയയാക്കി മാറ്റിയത് . ഫാഷൻ രംഗത്തും തന്റേതായ തനത് രീതി താരത്തിനുണ്ട് . ഡാൻസ് പോലെ തന്നെ ഫിറ്റ്നസിന്റെ കാര്യത്തിലും ഏറെ ശ്രദ്ധ പുലർത്തുന്ന താരമാണ് സാനിയ . ജിമ്മിലെ വർക്ക്ഔട്ട് സെക്ഷനുകൾ താരം മുടക്കാറില്ല .

ഇപ്പോൾ പ്രേക്ഷക ശ്രദ്ധ നേടുന്നത് സാനിയ തന്റെ ഇൻസ്റ്റാഗ്രാം അക്കൗണ്ടിൽ പങ്ക് വെച്ച ഒരു വീഡിയോയാണ് . മാലിദ്വീപിൽ എത്തി അവധിക്കാലം ആഘോഷിക്കുന്ന താരം കടലിനടിയിലൂടെ നീന്തുന്ന ഒരു വീഡിയോയിലാണ് ഇപ്പോൾ ആരാധക കണ്ണുകൾ ഉടക്കുന്നത് . ഏറ്റവും മികച്ച ജന്മദിനം എന്ന അടികുറിപ്പ് നൽകി കൊണ്ടാണ് താരം ഈ വീഡിയോ ആരാധകരുമായി പങ്ക് വെച്ചിരിക്കുന്നത്.

View this post on Instagram

A post shared by Saniya Iyappan (@_saniya_iyappan_)

മലയാളികൾക്ക് ഏറെ പ്രിയങ്കരിയും സീരിയൽ മേഖലയിൽ സജീവമായ അഭിനേത്രിയാണ് നടി ശാലു മേനോൻ. ഒട്ടേറെ നല്ല സീരിയലുകളുടെ ഭാഗമാകാൻ ഇതിനോടകം തന്നെ താരത്തിന് സാധിച്ചിട്ടുണ്ട്. തനിക്ക് ലഭിക്കുന്ന ഓരോ കഥാപാത്രങ്ങളിലൂടെയും തന്റെ കഴിവ് പരമാവധി പ്രകടിപ്പിച്ചു കൊണ്ടാണ് താരം അഭിനയിക്കുന്നത്. അഭിനയത്തിൽ മാത്രമല്ല താരത്തിന് മികവുറ്റ കഴിവുള്ളത് നൃത്തത്തിലും ശാലു ഏറെ ശ്രദ്ധിക്കപ്പെട്ടിട്ടുണ്ട് .

ടെലിവിഷനിൽ സജീവമായ താരം സോഷ്യൽ മീഡിയയിലും ഏറെ സജീവമാണ്. അതിമനോഹരമായ തന്റെ ചിത്രങ്ങളും നൃത്ത വീഡിയോസും എല്ലാം ആരാധകരുമായി പങ്കുവെക്കാൻ താരം മറക്കാറില്ല. ശാലുവിൻ്റെ ഏറ്റവും പുതിയ ഡാൻസ് വീഡിയോയാണ് ഇപ്പോൾ സോഷ്യൽ മീഡിയ കീഴടക്കുന്നത്. ശാലു മേനോൻ തന്റെ യൂട്യൂബ് ചാനലിലൂടെയാണ് ഈ നൃത്ത വീഡിയോ ആരാധകർക്കായി പോസ്റ്റ് ചെയ്തിരിക്കുന്നത് .

രണ്ട് ലക്ഷത്തിനു മുകളിൽ കാഴ്ചക്കാരെയാണ് ഒരു മാസം മുൻപ് പോസ്റ്റ് ചെയ്ത ഈ വീഡിയോ സ്വന്തമാക്കിയിട്ടുള്ളത്. അറിയാതെ അറിയാതെ എന്ന ഗാനത്തിന് അതി മനോഹരമായ നൃത്ത ചുവടുകളാണ് ശാലു കാഴ്ച വച്ചിരിക്കുന്നത്. ഗിരീഷ് പുത്തഞ്ചേരിയാണ് ഈ ഗാനത്തിന്റെ ലിറിക്‌സ് രചിച്ചിട്ടുള്ളത്. ജയചന്ദ്രൻ, കെ എസ്‌ ചിത്രയുമാണ് ഈ പാട്ട് ആലപിച്ചിരിക്കുന്നത്.

ഈ വീഡിയോയുടെ ക്യാമറ കൈകാര്യം ചെയ്തിരിക്കുന്നത് വിഷ്ണു വെഞ്ഞാറമൂട് ആണ്. ഒപ്പം അസിസ്റ്റന്റ് ക്യാമറമാൻ ആയി പ്രവർത്തിച്ചിരിക്കുന്നത് ശ്യാം ആണ്. ശാലുവിന്റെ മനോഹരനുത്ത ചുവടുകൾ നിറഞ്ഞ ഈ വീഡിയോയ്ക്ക് താഴെ ഒടേറെ പേരാണ് താരത്തെ അഭിനന്ദിച്ചും സപ്പോർട്ട് ചെയ്തു കമന്റുകൾ രേഖപ്പെടുത്തിയുള്ളത്.

മലയാള സിനിമാലോകത്ത് ആദ്യമായി ഒരുങ്ങുന്ന സൂപ്പർ ഹീറോ ചിത്രമാണ് മിന്നൽ മുരളി . ഈ ചിത്രത്തിന്റെ പശ്ചാതലത്തിൽ മുത്തൂറ്റ് ഫിൻ കോർപ്പിന്റെ പുതിയ പരസ്യ ചിത്രം സോഷ്യൽ മീഡിയയിൽ തരംഗമായി. നെറ്റ് ഫ്ളക്സും മുത്തൂറ്റും ചേർന്ന് മിന്നൽ മുരളിയെ ആഘോഷമാക്കി തീർക്കുകയാണ്. മിന്നട്ടെ ലൈഫ് എന്ന ക്യാമ്പെയ്നുമായാണ് ഈ പരസ്യചിത്രം പുറത്തു വിട്ടിരിക്കുന്നത്. ഏറെ വ്യത്യസ്തത പുലർത്തുന്ന ഈ പരസ്യചിത്രം സംവിധാനം ചെയ്തിരിക്കുന്നത് ബേസിൽ ജോസഫ് ആണ്. ഈ മ്യൂസിക്കൽ പരസ്യത്തിൽ വിനയ് ഫോർട്ട്, ഹരീഷ് കണാരൻ , മഡോണ സെബാസ്റ്റ്യൻ എന്നിവർ അഭിനയിക്കുന്നു.

കുറുക്കൻ മൂല എന്ന ഗ്രാമത്തിലെ നിവാസികളുടെ ജീവിതം ഒരു മിന്നൽ വേഗത്തിൽ മാറുന്നതായാണ് ഈ മ്യൂസിക്കൽ പരസ്യത്തിൽ കാണിക്കുന്നത്. അവസരം ലഭിക്കുമ്പോൾ ജീവിതം മെച്ചപ്പെടുത്തണം എന്ന സന്ദേശമാണ് മുത്തൂറ്റ് ഫിൻ കോർപ്പ് ഈ പരസ്യ ചിത്രത്തിലൂടെ നൽകുന്നത്. ഈ മ്യൂസിക്കൽ പരസ്യത്തിന്റെ സംഗീത സംവിധാനം നിർവഹിച്ചിട്ടുള്ളത് ഷാൻ റഹ്മാൻ ആണ്. ഈ പരസ്യത്തിന്റെ ആശയ രൂപീകരണവും രചനയും നിർവഹിച്ചിരിക്കുന്നത് മുത്തൂറ്റ് ഫിൻ കോർപ്പിന്റെ ക്രിയേറ്റീവ് ഏജൻസിയായ ഓർഗാനിക് ബി പി എസാണ് .

മണിക്കൂറുകൾ മുൻപ് സോഷ്യൽ മീഡിയയിൽ പ്രചരിപ്പിച്ച ഈ മ്യൂസിക്കൽ പരസ്യം പ്രേക്ഷകർ ഇരു കൈയ്യും നീട്ടി സ്വീകരിച്ചിരിക്കുകയാണ് . കിടിലൻ, സൂപ്പർ തുടങ്ങി ഒട്ടേറെ നല്ല കമന്റുകളും ഇതിനോടകം ഈ വീഡിയോ നേടി കഴിഞ്ഞു.

മലയാള സിനിമയിലെ പ്രമുഖ താരങ്ങൾ എല്ലാം പങ്കെടുക്കുന്ന, താര സംഘടനയായ അമ്മയുടെ ജനറൽ ബോഡി മീറ്റിംഗ് ഇന്ന് കൊച്ചിയിൽ വച്ച് തുടങ്ങി. എല്ലാ പ്രമുഖ താരങ്ങളും ഈ ചടങ്ങിൽ പങ്കെടുത്തിരുന്നു . താരരാജക്കന്മാരായ മോഹൻലാൽ, മമ്മൂട്ടി, എന്നിവരിൽ തുടങ്ങി പൃഥ്വിരാജ്, ജയസൂര്യ, ആസിഫ് അലി, സൗബിൻ, ബാബു രാജ്, മഞ്ജു വാര്യർ, കീർത്തി സുരേഷ്, അനു സിത്താര, മിയ, എസ്തർ, അന്ന ബെൻ, ഗ്രേസ് ആന്റണി, നമിത പ്രമോദ് ,ഹണി റോസ് തുടങ്ങി ഒരു നീണ്ട താര നിര തന്നെ ഈ ചടങ്ങിനായി എത്തി. അമ്മയുടെ ജനറൽ ബോഡി മീറ്റിംഗ് നടക്കുന്നത് കൊച്ചിയിലെ ക്രൗൺ പ്ലാസയിൽ വച്ചായിരുന്നു .

താരസംഘടനയുടെ എക്‌സിക്യൂട്ടീവ് കമ്മിറ്റിയിലേക്കുള്ള തെരഞ്ഞെടുപ്പും ഇന്നത്തെ ഈ ചടങ്ങിൽ നടക്കും . ഒട്ടുമിക്ക താരങ്ങളും അവരവരുടെ ആഢംബര കാറുകളിലാണ് ചടങ്ങിനായി എത്തിപ്പെട്ടത് . ശേഷം ക്രൗൺ പ്ലാസയിൽ ആഡംബര കാറുകളുടെ ഒരു നീണ്ട നിര തന്നെയാണ് കാണാൻ സാധിച്ചത് . കസവ് മുണ്ടും ഷർട്ടും ധരിച്ച് ഒരു സിംപിൾ നാടൻ ലുക്കിലാണ് നടൻ മോഹൻലാൽ ഇവിടേക്ക് എത്തിയത്. ഒരു സ്റ്റൈലിഷ് കൂളിംഗ് ഗ്ലാസും ധരിച്ച് സേതുരാമയ്യർ സ്റ്റെലിലാണ് മമ്മൂട്ടി വന്നിറങ്ങിയത് . കൂളിംഗ് ഗ്ലാസ് ധരിച്ച് മമ്മൂട്ടിയെ പോലെ തന്നെ ആയുന്നു പൃഥ്വിരാജിന്റേയും എൻട്രി .

ആഢംബരകാറുളുടെ വൻ നിര അണിനിരന്ന ചടങ്ങിൽ മോഹൻലാൽ തന്റെ ടൊയോട്ട വെല്‍ഫയറിലാണ് എത്തിയത്. മെഴ്സിഡിസ് ജി 55 ലാണ് മമ്മൂട്ടിയും ആസിഫ് അലിയും വന്നു ചേർന്നത്. വിനയ് ഫോർട്ടും സംവിധായകനും നടനുമായ ലാലും വന്നതാവട്ടെ അവരുടെ ബെൻസിൽ. കാറുകളോട് ഏറെ പ്രിയമുള്ള നടൻ പൃഥ്വിരാജ് തന്റെ ആഡംബര ബി.എം.ഡബ്ള്യൂ കാറിലാണ് വന്നത്.

നടിമാരും ഒട്ടും മോശമായിരുന്നില്ല. തെന്നിന്ത്യൻ സൂപ്പർ താരം കീർത്തി സുരേഷ് തന്റെ പുത്തൻ വോൾവോ കാറിൽ എത്തിയപ്പോൾ മലയാളത്തിന്റെ സ്വന്തം അനു സിത്താര ഓഡി കാറിലും, ടൊയോട്ട ഫോർച്ചുണറിൽ നടി അനുശ്രീയും ഈ ജനറൽ ബോഡി മീറ്റിംഗിന് കൊച്ചിയിൽ എത്തിയത്. ഇത്തവണത്തെ അമ്മ സംഘടനയിൽ വോട്ടിങ്ങിലൂടെയാണ് പ്രവർത്തക സമിതി അംഗങ്ങളെയും, വൈസ് പ്രസിഡന്‍റുമാരെയും തിരഞ്ഞെടുത്തത്.

മലയാള സിനിമാലോകത്ത് ഒരു ഫാൻ്റാസി സൂപ്പർ ഹീറോ സിനിമാ എന്ന സ്വപ്ന നിമിഷം നിറവേറാൻ ഇനി വിരലിൽ എണ്ണാവുന്ന ദിവസങ്ങൾ മാത്രം ബാക്കി . മലയാള സിനിമയിലെ യുവ താരനിരയിലെ ശ്രദ്ധേയൻ ടോവിനോ തോമസ് പ്രധാന വേഷത്തിൽ എത്തുന്ന മിന്നൽ മുരളി എന്ന ഫാന്റസി ചിത്രം റിലീസിന് തയ്യാറെടുക്കുന്നു . ഒ ടി ടി റിലീസിലെ പ്രമുഖരായ നെറ്റ് ഫ്ളിക്‌സിലൂടെയാണ് മിന്നൽ മുരളി പ്രേഷക സദസ്സിലേക്ക് എത്തുന്നത്. മിന്നൽ മുരളി എന്ന ചിത്രത്തിന് മലയാള സിനിമ ചരിത്രത്തിലെ ആദ്യത്തെ സൂപ്പർ ഹീറോ ചിത്രം എന്ന പ്രത്യേകതയും ഉണ്ട് .

പേരിൽ നിരഞ്ഞ വ്യത്യസ്തത ചിത്രത്തിലുട നീളം ഉണ്ടാകും എന്നാണ് പ്രേക്ഷക പ്രതീക്ഷ . ഓൾ ഇന്ത്യാ ലെവലിൽ പുറത്തിറങ്ങാൻ തയ്യാറെടുക്കുന്ന മിന്നൽ മുരളിക്ക് രണ്ട് പാർട്ടുകൾ ഉണ്ടെന്നാണ് അറിയാൻ സാധിച്ചത് . നിരവധി സെലിബ്രിറ്റികൾ ആണ് ചിത്രത്തിന്റെ പ്രമോഷന് വേണ്ടി രംഗത്ത് എത്തിയിരിക്കുന്നത്.

ബോളിവുഡിലെ കിംഗ് എന്നറിയപ്പെടുന്ന നടൻ അക്ഷയ് കുമാർ , ബോളിവുഡ്,ഹോളിവുഡിൽ നിറഞ്ഞു നിൽക്കുന്ന താരസുന്ദരി പ്രിയങ്ക ചോപ്ര, എന്നീ പ്രമുഖർ മിന്നൽ മുരളിയുടെ പ്രമോഷന് എത്തിയത് പ്രേക്ഷകരെ ആകാംഷയുടെ നെറുകിൽ എത്തിച്ചു . മലയാള സിനിമ ലോകത്തിന് അഭിമാനിക്കാവുന്ന ഒരു വിജയം നേടി തരാൻ ഈ ചിത്രത്തിന് കഴിയും എന്നാണ് പ്രതീക്ഷ .

ഈ ചിത്രത്തിന്റെ മേക്കിംഗ് നിരവഹിക്കുന്നത് യുവ സംവിധായകരിൽ ശ്രദ്ധേയനായ ബേസിൽ ജോസഫാണ് . സംവിധാനത്തിൽ മാത്രമല്ല ഇപ്പോ അഭിനയത്തിലും തന്റെ മികവ് പ്രകടിപ്പിച്ച് ശ്രദ്ധേയനായിരിക്കുകയാണ് ബേസിൽ . ബേസിലും ടൊവിനോയും ഒന്നിച്ച ഗോദ എന്ന ചിത്രം വമ്പൻ വിജയം കരസ്ഥമാക്കിയിരുന്നു . ഇപ്പോൾ മിന്നൽ മുരളിയുടെ പ്രമോഷനിലെ താരം WWE സൂപ്പർതാരം ഗ്രേറ്റ് കാലിയ ആണ് . നെറ്റ് ഫ്ളിക്‌സിൻ്റെ യൂട്യൂബ് ചാനലിലൂടെ റിലീസ് ചെയ്ത ഈ വീഡിയോ ഇപ്പോൾ സോഷ്യൽ മീഡിയ കീഴടക്കി മുന്നേറുകയാണ് . ഈ വീഡിയോയിൽ ഗ്രേറ്റ് കാലിയ സൂപ്പർ ഹീറോ ആകാനുള്ള ടെസ്റ്റ് നടത്തുന്ന ഒരു ആളുടെ വേഷത്തിൽ ആണ് പ്രത്യക്ഷപ്പെട്ടിരിക്കുന്നത് . പ്രേക്ഷകരെ കോരിതരിപ്പിക്കുന്ന ഈ ഫാന്റസി ചിത്രം മലയാള സിനിമയുടെ വളർച്ചയെയാണ് സൂചിപ്പിക്കുന്നത് . നെറ്റ് ഫ്ളിക്സിൻ്റെ ചാനലിലൂടെ മണിക്കൂറുകൾക്ക് മുൻപ് റിലീസ് ചെയ്ത ഈ വീഡിയോ യൂടൂബിൽ ഒന്നാം സ്ഥാനത്ത് എത്തുമെന്ന കണക്കുകൂട്ടലിലാണ് നെറ്റ് ഫ്ളിക്സ് .