പ്രേക്ഷകരെ ആകാംഷയുടെ മുൾ മുനയിൽ നിർത്തി വീണ്ടും നടൻ ഇന്ദ്രൻസിന്റെ മറ്റൊരു മികച്ച പ്രകടനം . ഉടൽ എന്ന ചിത്രത്തിലെ ഗംഭീര പ്രകടനത്തിന് ശേഷം ഒരുങ്ങുന്ന അദ്ദേഹത്തിന്റെ പുത്തൻ ചിത്രമാണ് വാമനൻ . ഒരു സൈക്കോ ഹൊറർ ത്രില്ലർ ആയി ഒരുക്കിയിരിക്കുന്ന ഈ ചിത്രം സംവിധാനം ചെയ്തിരിക്കുന്നത് എ ബി ബിനിൽ ആണ്.

ഈ ചിത്രത്തിന്റെ ഒഫീഷ്യൽ ടീസർ ഈ അടുത്താണ് പുറത്തിറങ്ങിയത്. ടീസർ രംഗങ്ങളിൽ നടൻ ഇന്ദ്രൻസിനേയും കുറേ പേടിപ്പെടുത്തുന്ന ദൃശ്യങ്ങളുമാണ് കാണാൻ സാധിക്കുന്നത്. കാടുകയറി കിടക്കുന്ന ഒരു പള്ളിയിലേക്ക് രാത്രി കടന്നു വരുന്ന ഇന്ദ്രൻസിനേയും തൊട്ടുപിന്നാലെ അച്ഛാ എന്ന ഒരു വിളിയും ടീസറിൽ കേൾക്കാം. തുടർന്ന് ഭയപ്പെടുത്തുന്ന രംഗങ്ങളാണ് ടീസറിൽ ഉൾക്കൊള്ളിച്ചിട്ടുള്ളത്. മൂവി ഗാങ്ങ് എന്ന യൂട്യൂബ് ചാനലിലൂടെയാണ് ഈ വീഡിയോ പുറത്തുവിട്ടിരിക്കുന്നത്. ഇന്ദ്രൻസേട്ടന്റെ മറ്റൊരു ഗംഭീര പ്രകടനം കാണാനുള്ള കാത്തിരിപ്പിലാണ് ആരാധകർ.

സംവിധായകൻ എ ബി ബിനിൽ തന്നെയാണ് ചിത്രത്തിന്റെ രചന നിർവഹിച്ചിരിക്കുന്നത് . മൂവി ഗാങ് പ്രൈവറ്റ് ലിമിറ്റഡിന്റെ ബാനറിൽ ഒരുങ്ങുന്ന ഈ ചിത്രം നിർമ്മിക്കുന്ന അരുൺ ബാബു കെ ബി , സമ അലി എന്നിവർ ചേർന്നാണ്. നിതിൻ ജോർജ് ആണ് ചിത്രത്തിലെ ഗാനങ്ങൾ ഒരുക്കിയിട്ടുള്ളത്. എഡിറ്റിംഗ് കൈകാര്യം ചെയ്തിരിക്കുന്നത് സനൽ രാജ് ആണ്.

തിയറ്ററുകളിൽ പ്രേക്ഷക ശ്രദ്ധ നേടി മുന്നേറുന്ന ചിത്രമാണ് വരയന്‍. മെയ് 20 ന് ആണ് ചിത്രം തിയേറ്ററുകളില്‍ പ്രദർശനത്തിന് എത്തിയത്. നവാഗതനായ ജിജോ ജോസഫ് ഒരുക്കിയ ഈ ചിത്രത്തിൽ സിജു വില്‍സണ്‍ ആണ് കേന്ദ്ര കഥാപാത്രത്തെ അവതരിപ്പിച്ചിരികുന്നത്. സിജു വിൽസൺ എബി കപ്പൂച്ചിൻ എന്ന വൈദികന്റെ വേഷത്തിൽ ആണ് ചിത്രത്തിൽ എത്തുന്നത്. സിജു വിൽസൺ നായകനായി എത്തുന്ന രണ്ടാമത്തെ ചിത്രമാണിത്.

കുടുംബ പ്രേക്ഷകർ ഇരുകൈയ്യും നീട്ടി സ്വീകരിച്ച ഈ ചിത്രത്തിലെ സ്നീക്ക് പീക്ക് വീഡിയോ , പ്രൊമോ വീഡിയോ എന്നിവ സോഷ്യൽ മീഡിയ വഴി പുറത്തുവിട്ടിരുന്നു. കഴിഞ്ഞ ദിവസമാണ് ചിത്രത്തിന്റെ രണ്ടാമത്തെ പ്രൊമോ വീഡിയോ പ്രേക്ഷകർക്കായി പുറത്തുവിട്ടത് . ഈ വീഡിയോയിൽ പള്ളിക്കുള്ളിൽ സംസാരിക്കുന്ന മണിയൻപിള്ള രാജുവിനേയും ജോയ് മാത്യുവിനേയും ആണ് കാണാൻ സാധിച്ചത്.

ഇപ്പോഴിതാ ചിത്രത്തിലെ മൂന്നാമത്തെ പ്രൊമോ വീഡിയോയും പുറത്തു വിട്ടിരിക്കുകയാണ് . ഈ സീനിൽ ചിത്രത്തിലെ നായിക ലിയോണ ലിഷോയും മണിയൻപിള്ള രാജുവും തമ്മിലുള്ള കോമ്പിനേഷൻ സീൻ ആണ് കാണിച്ചു തരുന്നത് . ഓരോ വീഡിയോയിലൂടെയും ചിത്രത്തിലെ ഓരോ കഥാപാത്രങ്ങളയും പരിചയപ്പെടുത്തുകയാണ് അണിയറ പ്രവർത്തകർ. “ഈ നാട്ടുകാരോടും കിളവൻ അച്ചൻമാരോടും കളിച്ച കളിയും കൊണ്ട് നല്ല ചുള്ളൻ ചെക്കന്മാർടെ അടുത്ത് ചെന്നാലേ ഇസ്താക്കി അണ്ണൻ വെവരറിയും ” ലിയോണ പറയുന്ന ഈ ഡയലോഗ് ആണ് ഈ വീഡിയോയുടെ ഹൈലൈറ്റ്.

ആസിഫ് അലി , സണ്ണി വെയ്ൻ, ഷറഫുദീൻ എന്നിവർ കേന്ദ്ര കഥാപാത്രങ്ങളായി എത്തുന്ന ഏറ്റവും പുതിയ ചിത്രമാണ് കുറ്റവും ശിക്ഷയും. രാജീവ് രവി സംവിധാനം ചെയ്യുന്ന ഈ ചിത്രം മെയ് 27 ന് ആണ് തിയറ്ററുകളിൽ എത്തിയത്. ഈ ചിത്രത്തിന്റെ ഒരു സ്നീക്ക് പീക്ക് വീഡിയോ ഇപ്പോൾ റിലീസ് ചെയ്തിരിക്കുകയാണ്. ഒരു മിനിട്ട് ദൈർഘ്യമുള്ള ഈ വീഡിയോയിൽ പോലീസുകാരനായ ആസിഫ് അലിയെ ആണ് കാണാൻ സാധിക്കുന്നത് .

ഒരു ഇൻവസ്റ്റിഗേഷൻ ത്രില്ലർ ആയാണ് കുറ്റവും ശിക്ഷയും എന്ന ചിത്രം സംവിധായകൻ ഒരുക്കിയിട്ടുള്ളത്. ചിത്രത്തിൽ അലൻസിയർ ലോപ്പസ്, സെന്തിൽ കൃഷ്ണ, ദിനേഷ് പ്രധാൻ , ശ്രിദ്ധ തുടങ്ങയവരും ശ്രദ്ധേയ വേഷങ്ങളിൽ എത്തുണ്ട്.

സിബി തോമസ്, ശ്രീജിത്ത് ദിവാകരൻ എന്നിവർ ചേർന്നാണ് ഈ ചിത്രത്തിന്റെ രചന നിർവ്വഹിച്ചിരിക്കുന്നത്. സുരേഷ് രാജൻ ആണ് ചിത്രത്തിന്റെ ഛായഗ്രഹണം കൈകാര്യം ചെയ്തിരിക്കുന്നത് . അരുൺ കുമാർ വി.ആർ ആണ് ഈ ചിത്രം നിർമ്മിക്കുന്നത് . അജിത് കുമാർ ആണ് എഡിറ്റിംഗ് നിർവഹിച്ചിരിക്കുന്നത്. ഈ വീഡിയോ പുറത്തിറങ്ങി മണിക്കൂറുകൾ പിന്നിടുമ്പോഴേക്കും നിരവധി കാഴ്ചക്കാരെയാണ് നേടിയത്. ആസിഫ് അലിയുടെ അഭിനയത്തെ പ്രശംസിച്ച് നിരവധി ആരാധകരാണ് വീഡിയോയ്ക്ക് താഴെ കമന്റുകൾ രേഖപ്പെടുത്തിയിരിക്കുന്നത്.

മെയ് 20 ന് തിയേറ്ററുകളില്‍ പ്രദർശനത്തിന് എത്തിയ ചിത്രമാണ് വരയന്‍ . ഈ ചിത്രത്തിൽ നായകനായി ശോഭിച്ചത് നടൻ സിജു വില്‍സണ്‍ ആണ് . മികച്ച പ്രേക്ഷക പ്രതികരണമാണ് ഈ കുടുംബ ചിത്രം സ്വന്തമാക്കിയത്. ഇപ്പോഴിതാ ഈ ചിത്രത്തിന്റെ രണ്ടാമത്തെ പ്രൊമോ വീഡിയോ ഇപ്പോൾ റിലീസ് ചെയ്തിരിക്കുകയാണ്. പള്ളിക്കുള്ളിൽ ഒരുക്കിയ ഈ സീനിൽ കാണാൻ സാധിക്കുന്നത് മണിയൻപിള്ള രാജുവിനേയും ജോയ് മാത്യുവിനേയും ആണ്. ഒരു വൈദികന്റെ വേഷത്തിലാണ് ജോയ് മാത്യു ചിത്രത്തിൽ എത്തുന്നത്.

നവാഗതനായ ജിജോ ജോസഫ് ആണ് ഈ ചിത്രത്തിന്റെ സംവിധായകൻ. ചിത്രത്തിൽ സിജു വിത്സൺ എബി കപ്പൂച്ചിൻ എന്ന വൈദികന്റെ വേഷത്തിൽ ആണ് എത്തുന്നത്. സിജു വില്‍സണ്‍ ആദ്യമായി നായകനായി എത്തുന്നത് ഒമര്‍ ലുലു ചിത്രം ഹാപ്പി വെഡ്ഡിംഗിൽ ആണ് .

സിജു ഇതുവരെ അവതരിപ്പിച്ച കഥാപാത്രങ്ങളിൽ നിന്നും വ്യത്യസ്തമായി ഒരു ഒരു കിടിലൻ ഹീറോ ആയാണ് വരയനിൽ എത്തിയിരിക്കുന്നത്. ഡാനി കപ്പുചിൻ ആണ് ഈ ചിത്രത്തിന്റെ തിരക്കഥയും സംഭാഷണങ്ങളും ഒരുക്കിയിരിക്കുന്നത് . സത്യം സിനിമാസിന്റെ ബാനറിൽ ഒരിങ്ങിയ ഈ ചിത്രം പ്രേമചന്ദ്രൻ എ.ജിയാണ് നിർമ്മിച്ചിരിക്കുന്നത് . ചിത്രത്തിൽ മണിയൻപിള്ള രാജു, ജോയ് മാത്യു, വിജയരാഘവൻ ,ജൂഡ് ആന്തണി ജോസഫ് , അരിസ്റ്റോ സുരേഷ് എന്നിവരും അഭിനയിക്കുന്നുണ്ട്. ലിയോണ ലിഷോയ് ആണ് ഈ ചിത്രത്തിലെ നായിക.

ബിസിനസ്സ്മാൻ ലെജൻഡ് ശരവണൻ ഒട്ടേറെ പരസ്യങ്ങളിലൂടെ ശ്രദ്ധേയനായ താരമാണ് . ഇദ്ദേഹം നായകനായെത്തുന്ന ആദ്യ ചിത്രമാണ് ദി ലെജൻഡ്. ഈ ചിത്രം സംവിധാനം ചെയ്യുന്നത് ജെ ഡി ആൻഡ് ജെറി എന്നീ സംവിധായകർ ചേർന്നാണ് . നായകനായ ലെജൻഡ് ശരവണൻ തന്നെയാണ് ഈ ചിത്രം നിർമ്മിക്കുന്നത്. ഈ ചിത്രത്തിന്റെ ടീസറും ഇതിലെ ഗാനങ്ങളും നേരത്തെ തന്നെ റിലീസ് ചെയ്യുകയും അവ വളരെയധികം പ്രേക്ഷക ശ്രദ്ധ നേടുകയും ചെയ്തിരുന്നു. ഇപ്പോഴിതാ പ്രേക്ഷകർക്കായി ഈ ചിത്രത്തിന്റെ ട്രൈലെർ പുറത്തു വിട്ടിരിക്കുകയാണ്. പതിനാറു മണിക്കൂർ മുൻപ് തിങ്ക് മ്യൂസിക് ഇന്ത്യയുടെ യൂട്യൂബ് ചാനലിലൂടെ പുറത്തുവിട്ട ഈ ട്രെയിലറിന് ഇതിനോടകം കൊണ്ട് 36 ലക്ഷത്തോളം കാഴ്ചക്കാരെ സ്വന്തമാക്കാൻ സാധിച്ചു .

പി വേൽരാജ് ആണ് ഈ ചിത്രത്തിന്റെ ക്യാമറമാൻ . എഡിറ്റിംഗ് കൈകാര്യം ചെയ്തിരിക്കുന്നത് റൂബൻ ആണ്. നൃത്ത സംവിധാനം നിർവഹിച്ചിരിക്കുന്നത് രാജു സുന്ദരം, ബ്രിന്ദ മാസ്റ്റർ, ദിനേശ് മാസ്റ്റർ എന്നിവർ ചേർന്നാണ്. ഈ ചിത്രത്തിന് സംഭാഷണങ്ങൾ രചിച്ചിരിക്കുന്നത് പട്ടുകോട്ടൈ പ്രഭാകർ ആണ് .

ഈ ചിത്രത്തിൽ ഉർവശി റൗട്ടല്ല ആണ് നായികാ വേഷം ചെയ്തിരിക്കുന്നത്. പ്രഭു, വിവേക്, നാസർ, കോവൈ സരള, ഗീതിക, വിജയകുമാർ, യോഗി ബാബു എന്നിവരും പ്രധാന വേഷങ്ങളിൽ എത്തുന്നു. ഈ ചിത്രം ഒരുക്കിയിരിക്കുന്നത് സയൻസ് ഫിക്ഷന് പ്രാധാന്യമുള്ള രീതിയിലാണ് . എന്നാൽ ട്രൈലെറിൽ നിന്നും സയൻസ് ഫിക്ഷനൊപ്പം തന്നെ എല്ലാവിധ കൊമേർഷ്യൽ ചേരുവകളും ഇതിലുണ്ടെന്നു മനസ്സിലാക്കി തരുന്നുണ്ട്. ട്രൈലെർ പ്രകാരം ദി ലെജൻഡ് എന്ന ചിത്രം ആക്ഷനും കോമേഡിയും പ്രണയവും നൃത്തവുമെല്ലാം ഉൾപ്പെടുത്തിയ ഒരു മാസ്സ് എന്റെർറ്റൈനെർ തന്നെയാണ് എന്ന് മനസ്സിലാക്കാം. ഈ ചിത്രത്തിലെ മോസലോ മൊസല് എന്ന ഹാരിസ് ജയരാജ് സംഗീതമൊരുക്കിയ ഗാനത്തിന്റെ വീഡിയോ സൂപ്പർ ഹിറ്റായി മാറിയിരുന്നു.

മെഗാ സ്റ്റാർ മമ്മൂട്ടി പ്രധാന വേഷം ചെയ്യുന്ന ഏറ്റവും പുതിയ ചിത്രമാണ് റോഷാക്. ആസിഫ് അലിയെ നായകനാക്കി ഒരുക്കിയ കെട്ട്യോളാണെന്റെ മാലാഖ എന്ന സൂപ്പർ ഹിറ്റ് ചിത്രത്തിലൂടെ അരങ്ങേറ്റം കുറിച്ച് പ്രേക്ഷക ശ്രദ്ധ നേടിയ നിസാം ബഷീർ ആണ് റോഷാക് സംവിധാനം ചെയ്യുന്നത്. ഈ ചിത്രത്തിന്റെ ഫസ്റ്റ് ലുക്ക് പോസ്റ്റർ വളരെയധികം പ്രേക്ഷക ശ്രദ്ധയാണ് നേടിയെടുത്തത്. റോഷാക് നിർമ്മിക്കുന്നത് മമ്മൂട്ടി കമ്പനിയുടെ ബാനറിൽ അദ്ദേഹം തന്നെയാണ്. അദ്ദേഹത്തിന്റെ പുതിയ ബാനറായ മമ്മൂട്ടി കമ്പനി ബാനറിൽ നിർമ്മിക്കുന്ന രണ്ടാമത്തെ ചിത്രമാണ് ഇത് .

ഈ ചിത്രത്തിന്റെ ഫസ്റ്റ് ലുക്ക് പോസ്റ്റർ ഏറെ പ്രത്യേകതകൾ നിറഞ്ഞ രീതിയിലാണ് എത്തിയത്. പുറത്തു വന്ന പോസ്റ്ററിൽ മമ്മൂട്ടിയുടെ മുഖം ഒരു കവറിട്ടു മറച്ചിരിക്കുന്നതായി കാണാം. അദ്ദേഹത്തിന്റെ കണ്ണുകൾ മാത്രമാണ് പുറത്തു കാണാൻ സാധിക്കുന്നത് . ഇപ്പോഴിതാ, മമ്മൂട്ടി ആ പോസ്റ്റർ ഉണ്ടാക്കിയ ഫോട്ടോഷൂട്ട് വീഡിയോ പുറത്തുവിട്ടിരിക്കുകയാണ് . ഈ വീഡിയോ അദ്ദേഹം റിലീസ് ചെയ്തിരിക്കുന്നത് തന്റെ സോഷ്യൽ മീഡിയ പേജുകളിലൂടെയാണ് .

ഒരു സൈക്കോളജിക്കൽ ത്രില്ലർ ആയി ഒരുക്കുന്ന ഈ ചിത്രത്തിൽ മമ്മൂട്ടിയോടൊപ്പം ഷറഫുദ്ധീൻ, ജഗദീഷ്, ഗ്രേസ് ആന്റണി, ബിന്ദു പണിക്കർ, കോട്ടയം നസീർ , സഞ്ജു ശിവറാം,തുടങ്ങിയവരും വേഷമിടുന്നു. നിമീഷ് രവി ആണ് ചിത്രത്തിന്റെ ഛായാഗ്രഹണം നിർവഹിച്ചിരിക്കുന്നത്. കിരൺ ദാസ്, ആണ് ഈ ചിത്രത്തിന്റെ ചിത്ര സംയോജനം നിർവഹിക്കാൻ പോകുന്നത് . ചിത്രത്തിനായി സംഗീതമൊരുക്കുന്നത് മിഥുൻ മുകുന്ദൻ ആണ്. സമീർ അബ്ദുൽ ആണ് ചിത്രത്തിന്റെ രചന നിർവഹിച്ചിരിക്കുന്നത്. ബാദുഷയാണ് ഈ ചിത്രത്തിന്റെ സഹനിർമ്മാതാവ് . ലിജോ ജോസ് പെല്ലിശ്ശേരിയൊരുക്കിയ നൻപകൽ നേരത്തു മയക്കമാണ് മമ്മൂട്ടി കമ്പനി എന്ന പുതിയ ബാനറിൽ മമ്മൂട്ടി നിർമ്മിച്ച ആദ്യ ചിത്രം . ആ ചിത്രം ഇതുവരെയും പുറത്തിറങ്ങിയിട്ടില്ല.

അഭിലാഷ് എസ് കുമാർ സംവിധാനം ചെയ്ത് മലയാളത്തിലെ യുവതാരം ശ്രീനാഥ് ഭാസി നായകനായി എത്തുന്ന ഏറ്റവും പുതിയ ചിത്രമാണ് ചട്ടമ്പി. ഈ ചിത്രത്തിന്റെ ഒഫീഷ്യൽ ടീസർ ഇപ്പോൾ പുറത്തുവിട്ടിരിക്കുകയാണ്. ടീസറിൽ ഒരു വീട്ടിനകത്ത് നിന്ന് സംസാരിക്കുന്ന ശ്രീനാഥ് ഭാസിയേയും ഒരു പെൺകുട്ടിയേയുമാണ് കാണാൻ സാധിക്കുന്നത്. അവരുടെ സംഭാഷണത്തിൽ നിന്നും വസ്ത്രധാരണത്തിൽ നിന്നും ഈ സിനിമ 1994-95 കാലഘട്ടത്തിലാണ് നടന്നതെന്ന് മനസിലാക്കാം.

ശ്രീനാഥ് ഭാസിയെ കൂടാതെ ചെമ്പൻ വിനോദ് ജോസ് , ഗ്രേസ് ആന്റണി, മൈഥിലി, ഗുരു സോമസുന്ദരം, ബിനു പപ്പു എന്നിവരും പ്രധാന വേഷങ്ങളിൽ എത്തുന്നു. മ്യൂസിക്ക് 247 എന്ന യൂടൂബ് ചാനലിലൂടെയാണ് ഈ വീഡിയോ ഇപ്പോൾ പുറത്തുവിട്ടിരിക്കുന്നത്. ഒട്ടേറെ ആരാധകരാണ് വീഡിയോയ്ക്ക് താഴെ കമന്റുകൾ രേഖപ്പെടുത്തിയിരിക്കുന്നത്. ശ്രീനാഥ് ഭാസിയുടെ മറ്റൊരു മികച്ച പ്രകടനം കൂടെ കാണാനുള്ള ആകാംഷയിലാണ് പ്രേക്ഷകർ .

ഡോൺ പാലത്തറയുടെ കഥയ്ക്ക് തിരക്കഥയും സംഭാഷണവും തയ്യാറാക്കിയിരിക്കുന്നത് അലക്സ് ജോസഫ് ആണ് . ആസിഫ് യോഗിയാണ് ഈ ചിത്രം നിർമ്മിക്കുന്നത്. സിറാജ്, സന്ദീപ്, ഷനിൽ, ജെസ്ന അഷിം എന്നിവർ ചിത്രത്തിന്റെ സഹ നിർമ്മാതാക്കൾ ആണ്. ഈ ചിത്രത്തിന് സംഗീതം നൽകുന്നത് ശേഖർ മേനോൻ ആണ് . എഡിറ്റിംഗ് കൈകാര്യം ചെയ്തിരിക്കുന്നത് ജോയൽ കവി ആണ്.

ആഷിഖ് അബു സംവിധാനം ചെയ്ത് പുറത്തിറങ്ങിയ നാരദൻ എന്ന ചിത്രത്തിന് ശേഷം ടോവിനോ തോമസ് നായകനായി എത്തുന്ന ഏറ്റവും പുതിയ ചിത്രമാണ് വാശി. ഈ ചിത്രത്തിന്റെ ആദ്യ ടീസർ ഇപ്പോൾ പുറത്തു വന്നു. ഈ ടീസര്‍ റിലീസ് ചെയ്തിരിക്കുന്നത് തിങ്ക് മ്യൂസിക് ഇന്ത്യാ യൂട്യൂബ് ചാനലിലൂടെയാണ്. കീർത്തി സുരേഷ് ആണ് ഈ ചിത്രത്തിൽ നായികാ വേഷം ചെയ്യുന്നത് . ടോവിനോയും കീർത്തിയും ഈ ചിത്രത്തിൽ വക്കീൽ കഥാപാത്രങ്ങളെയാണ് അവതരിപ്പിക്കുന്നത്. ഇവർ അവതരിപ്പിക്കുന്ന കഥാപാത്രങ്ങളുടെ പേര് അഡ്വ. എബിന്‍ ആന്‍ഡ് അഡ്വ. മാധവി എന്നാണ്. ഈ ചിത്രത്തിന്റെ പോസ്റ്ററുകൾ വലിയ പ്രേക്ഷക ശ്രദ്ധ നേടിയിരുന്നു. ഇപ്പോഴിതാ പ്രേക്ഷകർ ഇതിന്റെ ആദ്യ ടീസറും ഏറ്റെടുത്തിരിക്കുകയാണ്.

ഇന്നലെ റിലീസ് ചെയ്ത ഈ ടീസറിന്റെ ദൈര്‍ഘ്യം ഒരു മിനുട്ടും ഇരുപത്തിയൊന്ന് സെക്കന്റ്റുമാണ്. ഈ ടീസർ മുന്നോട്ടു പോകുന്നത് കോടതി മുറിയെ കേന്ദ്രീകരിച്ചാണ് എന്നതും ശ്രദ്ധേയമാണ്. ഇതിന്റെ ഫസ്റ്റ് ലുക്ക് പോസ്റ്റർ റിലീസ് ചെയ്തത് മോഹന്‍ലാല്‍, മഞ്ജു വാര്യര്‍, എ. ആര്‍. റഹ്മാന്‍, തൃഷ, മഹേഷ് ബാബു, സാമന്ത, അഭിഷേക് ബച്ചന്‍ എന്നിവര്‍ ചേർന്നായിരുന്നു .

നവാഗതനായ വിഷ്ണു ജി. രാഘവ് ആണ് ഈ ചിത്രം സംവിധാനം ചെയ്തിരിക്കുന്നത്. ജി സുരേഷ് കുമാർ , മേനക സുരേഷ് കുമാർ എന്നിവർ ചേർന്ന് നിർമ്മിച്ചിരിക്കുന്ന ഈ ചിത്രം രേവതി കലാമന്ദിറിന്റെ ബാനറിൽ ആണ് ഒരുങ്ങുന്നത്. ജൂൺ പതിനേഴിന് പ്രദർശനത്തിന് ഒരുങ്ങുന്ന ഈ ചിത്രം കേരളത്തിൽ വിതരണം ചെയുന്നത് ഉര്‍വശി തിയേറ്റേഴ്സും രമ്യ മൂവീസുമാണ് . വിഷ്ണു ജി രാഘവ് രചന നിർവഹിച്ച ഈ ചിത്രത്തിന്റെ കഥ തയ്യാറാക്കിയിരിക്കുന്നത് ജാനിസ് ചാക്കോ സൈമൺ ആണ്. എഡിറ്റിംഗ് കൈകാര്യം ചെയ്തിരിക്കുന്നത് മഹേഷ് നാരായണന്‍ ആണ്. കൈലാസ് മേനോൻ ആണ് ഈ ചിത്രത്തിന് സംഗീതം ഒരുക്കിയത് . ചിത്രത്തിന്റെ ക്യാമറാമാൻ റോബി വര്‍ഗീസ് രാജ് ആണ് .

മലയാള സിനിമയിലെ യുവ താരങ്ങളിൽ ശ്രദ്ധേയനായ ഷെയിൻ നിഗം പ്രധാന വേഷത്തിൽ എത്തുന്ന ഏറ്റവും പുതിയ ചിത്രമാണ് ഉല്ലാസം. ജീവൻ ജോജോ ആണ് ഈ ചിത്രം സംവിധാനം ചെയ്യുന്നത്. കുറച്ച് നാൾ മുൻപ് ഈ ചിത്രത്തിന്റെ സെൻസറിങ് പൂർത്തിയാകുകയും ഇതിന് ക്ലീൻ യു സർട്ടിഫിക്കറ്റ് ലഭിക്കുകയും ചെയ്തിരുന്നു. ഇപ്പോഴിതാ പ്രേക്ഷകർക്കായി ഇതിന്റെ ആദ്യ ടീസർ ഇന്ന് പുറത്തു വിട്ടിരിക്കുകയാണ്. ഈ ചിത്രത്തിലെ നായികാ വേഷം ചെയ്യുന്നത് പവിത്ര ലക്ഷ്മിയാണ് . ഇതിന്റെ ഫസ്റ്റ് ലുക്ക് പോസ്റ്റർ റിലീസ് ചെയ്തത് കംപ്ലീറ്റ് ആക്ടർ മോഹൻലാൽ ആയിരുന്നു , അതിനാൽ തന്നെ പോസ്റ്റുകൾ വളരെ മികച്ച പ്രേക്ഷക ശ്രദ്ധ നേടിയെടുത്തിരുന്നു. ഒരു കംപ്ലീറ്റ് എന്റെർറ്റൈനെർ ആയ ഈ ചിത്രത്തിൽ രഞ്ജി പണിക്കർ, ദീപക് പരമ്പൊൾ, ബേസിൽ ജോസെഫ്, അജു വർഗീസ് എന്നിവരും പ്രധാന വേഷങ്ങളിൽ എത്തുന്നുണ്ട്. റിപ്പോർട്ടുകൾ പ്രകാരം ഈ ചിത്രം പ്രണയവും ആക്ഷനും കോമെഡിയുമെല്ലാം ചേർത്തൊരുക്കിയ ഒരു മനോഹ ചിത്രമാണ്. ഈ ചിത്രം നിർമ്മിച്ചിരിക്കുന്നത് ജോ കൈതമറ്റം, ക്രിസ്റ്റി കൈതമറ്റം എന്നിവർ ചേർന്നാണ് .

ഊട്ടി, മൂന്നാർ എന്നിവിടങ്ങളിലായാണ് ഈ ചിത്രം പ്രധാനമായും ഷൂട്ട് ചെയ്തിരിക്കുന്നത്. പ്രവീൺ ബാലകൃഷ്ണൻ ആണ് ചിത്രത്തിന്റെ തിരക്കഥ രചിച്ചിരിക്കുന്നത്. ഷാൻ റഹ്മാൻ ആണ് ചിത്രത്തിന് വേണ്ടി സംഗീതമൊരുക്കിയിരിക്കുന്നത്. സ്വരൂപ് ഫിലിപ്പാണ് ചിത്രത്തിന്റെ ക്യാമറമാൻ . എഡിറ്റിംഗ് കൈകാര്യം ചെയ്തിരിക്കുന്നത് ജോൺ കുട്ടിയാണ്.

ഈ അടുത്ത് പുറത്തിറങ്ങിയ ഷെയിൻ നിഗമിന്റെ ചിത്രമായിരുന്നു ശരത് മേനോൻ ഒരുക്കിയ വെയിൽ. തീരത്തിന്റെതായി പുറത്തിറങ്ങാനുള്ള പുത്തൻ ചിത്രങ്ങളാണ് കുർബാനി, ബെർമുഡ, ഖൽബ്, കൂടാതെ നാദിർഷ സംവിധാനം ചെയ്യാൻ പോകുന്ന പുതിയ ചിത്രം എന്നിവയും. ഒറ്റിറ്റി റിലീസായി എത്തിയ ഷെയിനിന്റെ ഭൂതകാലമെന്ന ചിത്രവും വലിയ വിജയം നേടിയിരുന്നു. നടി രേവതിക്ക് ആ ചിത്രത്തിലെ പ്രകടനത്തിനാണ് മികച്ച നടിക്കുള്ള സംസ്ഥാന അവാർഡ് ലഭിച്ചത്.

സൂപ്പർ ഹിറ്റ് സംവിധായകൻ ജിസ് ജോയുടെ സംവിധാന മികവിൽ ഒരുങ്ങിയ ഏറ്റവും പുതിയ ചിത്രമാണ് ഇന്നലെ വരെ. നേരിട്ടുള്ള ഒടിടി റിലീസായി പ്രേക്ഷകരിലേക്ക് എത്താൻ ഒരുങ്ങുന്ന ഈ ചിത്രം സോണി ലൈവിൽ ആണ് സ്ട്രീം ചെയ്യാൻ പോകുന്നത്. ഈ ചിത്രത്തിന്റെ സ്ട്രീമിങ് ആരംഭിക്കുന്നത് ജൂൺ ഒൻപതിനാണ് . ഇപ്പോഴിതാ ഈ ചിത്രത്തിന്റെ ട്രൈലെർ പുറത്തു വന്നിരിക്കുകയാണ്. ഇതിന്റെ ട്രൈലറിൽ നിന്നും ജിസ് ജോയ് ഈ ചിത്രം ഒരുക്കിയിരിക്കുന്നതെന്ന് ഒരു പക്കാ ത്രില്ലറായാണ് എന്ന സൂചനയാണ് നമ്മുക്ക് ലഭിക്കുന്നത്. ചിത്രത്തിൽ ആസിഫ് അലി, റീബ മോണിക്ക ജോൺ, ആന്റണി വർഗീസ്, നിമിഷാ സജയൻ, ശ്രീലക്ഷ്മി, അതുല്യ ചന്ദ്ര , ഇർഷാദ് അലി, റോണി ഡേവിഡ് തുടങ്ങി ഒരു വലിയ താരനിരതന്നെ ഈ ചിത്രത്തിന്റെ ഭാഗമാകുന്നുണ്ട്.

ജിസ് ജോയുടെ സംവിധാന മികവിൽ ഒരുങ്ങിയ സൺ‌ഡേ ഹോളിഡേ, വിജയ് സൂപ്പറും പൗർണ്ണമിയും തുടങ്ങിയ ഹിറ്റ് ചിത്രങ്ങൾക്ക് ശേഷം അദ്ദേഹം തന്റെ പതിവ് ഫീൽ ഗുഡ് ശൈലിയിൽ നിന്നും മാറി ആദ്യമായി ഒരു പക്കാ ത്രില്ലറുമായി എത്തിയിരിക്കുകയാണ്. സൂപ്പർ ഹിറ്റ് ചിത്രങ്ങൾ പ്രേക്ഷകർക്ക് സമ്മാനിച്ച ബോബി- സഞ്ജയ് ടീം ആണ് ഈ ചിത്രത്തിന്റെ തിരക്കഥ ഒരുക്കിയിരിക്കുന്നത്. വലിയ ശ്രദ്ധ നേടിയവ ആയിരുന്നു ഈ ചിത്രത്തിന്റെ ഫസ്റ്റ് ലുക്ക് പോസ്റ്ററുകൾ .

സെൻട്രൽ അഡ്വെർടൈസിങ് എന്ന ബാനറിൽ ഒരുങ്ങുന്ന ഈ ചിത്രം നിർമ്മിക്കുന്നത് മാത്യു ജോർജ് ആണ്. ബാഹുൽ രമേശാണ് ചിത്രത്തിന്റെ ക്യാമറമാൻ. മോഹൻലാൽ- പ്രിയദർശൻ കൂട്ടുകെട്ടിൽ ഇറങ്ങിയ ഒപ്പം എന്ന ബ്ലോക്ക്ബസ്റ്റർ ചിത്രത്തിലെ ഗാനങ്ങളൊരുക്കി പ്രേക്ഷക ശ്രദ്ധ നേടിയ ടീം 4 മ്യൂസിക്സ് ആണ് ഈ ചിത്രത്തിന് സംഗീതമൊരുക്കിയിരിക്കുന്നത്. രതീഷ് രാജ് ആണ് ഈ ചിത്രം എഡിറ്റ് ചെയ്തിരിക്കുന്നത് . ആസിഫ് അലി – ജിസ് ജോയ്‌ കൂട്ടുക്കെട്ടിൽ ഒരുങ്ങുന്ന അഞ്ചാമത്തെ ചിത്രമാണിത്. ജിസ് ജോയുടെ ആദ്യ ചിത്രമായ ബൈസൈക്കിൾ തീവ്സിൽ നായകനായി എത്തിയത് ആസിഫ് അലി ആണ് . തുടർന്ന് സൺ‌ഡേ ഹോളിഡേ, വിജയ് സൂപ്പറും പൗർണ്ണമിയും തുടങ്ങി ചിത്രങ്ങളിലും ആസിഫ് അലി തന്നെയാണ് നായക വേഷം ചെയ്തത്. ഇത് കൂടാതെ ജിസ് ജോയ്- കുഞ്ചാക്കോ ബോബൻ കൂട്ടുകെട്ടിൽ പുറത്തിറങ്ങിയ മോഹൻകുമാർ ഫാൻസ്‌ എന്ന ചിത്രത്തിൽ അതിഥി വേഷത്തിലും ആസിഫ് അലി എത്തി.