നവാഗതനായ ചാൾസ് ജോസഫ് അണിയിച്ച് ഒരുക്കുന്ന പുത്തൻ ചിത്രമാണ് സമാർ . റഹ്മാൻ കേന്ദ്ര കഥാപാത്രത്തെ അവതരിപ്പിക്കുന്ന ഈ ചിത്രത്തിൻറെ ഫസ്റ്റ് ലുക്ക് പോസ്റ്ററുകൾ എല്ലാം വളരെയധികം ശ്രദ്ധ നേടിയിരുന്നു. ഇപ്പോഴിതാ ടി – സീരീസ് മലയാളം യൂട്യൂബ് ചാനലിലൂടെ സമാറിന്റെ മൂന്നേക്കാൽ മിനിറ്റ് ദൈർഘ്യമുള്ള ഒഫീഷ്യൽ ട്രെയിലർ വീഡിയോ പങ്കുവെച്ചിരിക്കുകയാണ്.
ഒരു ഇൻവെസ്റ്റിഗേഷൻ ത്രില്ലർ പാറ്റേണിലാണ് സമാർ എത്തുന്നത് എന്ന കാര്യം ഈ ട്രെയിലർ വീഡിയോയിൽ നിന്നും വ്യക്തമാണ്. അതിഗംഭീരമായ ഒരു ആക്ഷൻ പാക്കഡ് ട്രെയിലർ എന്നാണ് പ്രേക്ഷകർ ഈ വീഡിയോയെ വിശേഷിപ്പിച്ചിട്ടുള്ളത്. റഹ്മാൻ എന്ന താരത്തിന്റെ ഒരു മാസ് തിരിച്ചു വരവ് തന്നെയാണ് ആരാധകർ ഈ ചിത്രത്തിലൂടെ പ്രതീക്ഷിക്കുന്നത്. പ്രേക്ഷക പ്രതീക്ഷകളെ വനോളം ഉയർത്തുന്ന അതിഗംഭീര ട്രെയിലർ തന്നെയാണ് സമാറിന്റെ അണിയറ പ്രവർത്തകർ പുറത്ത് വിട്ടിട്ടുള്ളത്.
റഹ്മാനെ കൂടാതെ ചിത്രത്തിൽ ഭരത് , സഞ്ജന ദീപു, ബിനോജ് വില്ല്യ , രാഹുൽ മാധവ് , വിവിയ ശാന്ത്, ഗോവിന്ദ് കൃഷ്ണ , മിർ സർവർ , ദിനേഷ് ലമ്പ, ആര്യൻ, നീതു ചൗധരി, സോണാലി സുഡൻ എന്നിവരും പ്രധാന വേഷങ്ങളിൽ എത്തുന്നുണ്ട്. സംവിധായകൻ ചാൾസ് ജോസഫ് തന്നെയാണ് ചിത്രത്തിന്റെ രചന നിർവഹിച്ചിരിക്കുന്നത്.
സിനു സിദ്ധാർത്ഥൻ ഛായാഗ്രഹണം നിർവഹിച്ച ഈ ചിത്രത്തിന്റെ എഡിറ്റർ ആർ ജെ പാപ്പൻ ആണ്. ഗോപി സുന്ദർ ആണ് പശ്ചാത്തല സംഗീതം ഒരുക്കിയിട്ടുള്ളത്. ദീപക് വാര്യർ ആണ് ചിത്രത്തിന്റെ സംഗീത സംവിധായകൻ. പീകോക്ക് ആർ ഹൗസ് ബാനറിൽ ഒരുങ്ങുന്ന ഈ ചിത്രത്തിന്റെ നിർമ്മാതാക്കൾ എം കെ സുബ്ബകരൻ , അനുജ് വർഗീസ് എന്നിവരാണ് .