KGF 2ലെ ദി മോൺസ്റ്റാർ വീഡിയോ സോങ്ങ്

റോക്കിങ് സ്റ്റാർ യാഷ് നായകനായി എത്തിയ കെ ജി എഫ് 2 എന്ന ചിത്രം ഇപ്പോൾ ഇന്ത്യ മുഴുവൻ തരംഗമായി മാറിയിരിക്കുകയാണ്. പ്രശാന്ത് നീൽ അന്നിയിച്ചൊരുക്കിയ ഈ ചിത്രം ബോക്സ് ഓഫീസിൽ ആയിരം കോടി എന്ന മാന്ത്രിക സംഖ്യയിലേക്കു കുതിക്കുകയാണ്. വിജയ് കിരാഗേന്ദുർ നിർമ്മിച്ചിരിക്കുന്ന ഈ ചിത്രം ഹോംബാലെ ഫിലിമ്സിന്റെ ബാനറിൽ ആണ് ഒരുക്കിയിട്ടുള്ളത് . പ്രേക്ഷകർ നെഞ്ചിലേറ്റിയ ഈ ചിത്രത്തിലെ ഓരോ ഡയലോഗുകളും ഇതിലെ ഗാനങ്ങളും സൂപ്പർ ഹിറ്റാണ്. ഇപ്പോഴിതാ, ആരാധകർക്കായി ഈ ചിത്രത്തിലെ ദി മോൺസ്റ്റർ സോങ് എന്ന ഗാനം പുറത്തുവിട്ടിരിക്കുകയാണ്. ഇപ്പോൾ സോഷ്യൽ മീഡിയയിൽ തരംഗം സൃഷ്ടിക്കുന്നത് ഈ വീഡിയോ ആണ്. ഇപ്പോൾ പുറത്തു വിട്ട ദി മോൺസ്റ്റർ സോങ് ഒരു പ്രൊമോഷണൽ ഗാനമായിട്ടാണ് എത്തിയിരിക്കുന്നത്.

അദിതി സാഗർ ആണ് രചനയും ആലാപനവും നിർവഹിച്ചിരിക്കുന്നത്. ഈ ഗാനത്തിന് സംഗീതമൊരുക്കിയത് രവി ബസ്‌റൂം നൃത്ത സംവിധാനം കൈകാര്യം ചെയ്തത് ഹർഷയും ആണ്. ദി മോണ്‍സ്റ്റര്‍ സോങ് ചിത്രത്തിന്റെ അവസാനം വരുന്ന ഗാനമാണ്. ഈ കന്നഡ ചിത്രം മലയാളം, തമിഴ്, തെലുങ്കു, ഹിന്ദി ഭാഷകളിലും ഡബ്ബ് ചെയ്തു പുറത്തിറക്കിയിരുന്നു. ഈ ചിത്രത്തിന്റെ ഹിന്ദി വേർഷൻ മാത്രം മുന്നൂറു കോടിക്കു മുകളിൽ ആണ് കളക്ഷൻ നേടിയെടുത്തത്. കെ ജി എഫ് ആദ്യ ഭാഗത്തിലെയും ഗാനങ്ങൾ സൂപ്പർ ഹിറ്റായി മാറിയവ ആണ്. രവി ബസ്‌റൂർ ഒരുക്കിയ ഗാനങ്ങൾക്കും പശ്‌ചാത്തല സംഗീതത്തിനും ഈ ചിത്രത്തിന്റെ രണ്ടു ഭാഗങ്ങളുടെയും വിജയത്തിൽ വളരെ നിർണ്ണായകമായ പങ്കാണ് ഉള്ളത്. ബോളിവുഡ് താരം സഞ്ജയ് ദത്ത് ആണ് ചിത്രത്തിൽ വില്ലൻ കഥാപാത്രമായി വേഷമിട്ടത്. ഇദ്ദേഹത്തെ കൂടാതെ ഈ ചിത്രത്തിൽ, രവീണ ടണ്ഠൻ, ശ്രീനിഥി ഷെട്ടി എന്നിവരും പ്രധാന വേഷങ്ങൾ ചെയ്തിട്ടുണ്ട്.

KGF 2ലെ ദി മോൺസ്റ്റാർ വീഡിയോ സോങ്ങ് Read More »