കരൺ മൽഹോത്രയുടെ സംവിധാന മികവിൽ ഒരുങ്ങുന്ന പുത്തൻ ബോളിവുഡ് ചിത്രമാണ് ഷംഷേര. ഈ ചിത്രത്തിന്റെ ഒഫീഷ്യൽ ട്രൈലർ ഇപ്പോൾ റിലീസ് ചെയ്തിരിക്കുകയാണ്. ഒരു പീരീഡ് ആക്ഷൻ പാറ്റേണിൽ ഒരുങ്ങുന്ന ഈ ചിത്രത്തിൽ കേന്ദ്ര കഥാപാത്രത്തെ അവതരിപ്പിക്കുന്നത് റൺബീർ കപൂർ ആണ്. ഈ ചിത്രം 1800 കളുടെ പശ്ചാത്തലത്തിൽ നടന്ന കഥയാണ് അവതരിപ്പിക്കുന്നത് .

ഡക്കോയിറ്റ് എന്ന ഗോത്ര വിഭാഗം ബ്രീട്ടീഷ് ഭരണത്തിനും ചൂഷണത്തിനും എതിരെ നടത്തിയ പോരാട്ടമാണ് ഷംഷേര എന്ന ചിത്രത്തിൽ കാണാൻ സാധിക്കുക. ജൂലൈ 22 ന് റിലീസ് ചെയ്യുന്ന ഈ ചിത്രം ഹിന്ദിയ്ക്ക് പുറമേ തമിഴ്, തെലുങ്ക് ഭാഷകളിലും പുറത്തിറങ്ങും.

ചിത്രത്തിൽ വില്ലൻ കഥാപാത്രത്തെ അവതരിപ്പിക്കുന്നത് നടൻ സഞ്ജയ് ദത്ത് ആണെന്ന് ട്രൈലറിൽ നിന്നും മനസിലാക്കാം. വളരെ വ്യത്യസ്തവും ശ്രദ്ധേയവുമായ ഗെറ്റപ്പിലാണ് സഞ്ജയ് ദത്തും റൺബീർ കപൂറും ചിത്രത്തിൽ എത്തുന്നത്. ഷംഷേര എന്ന നായക കഥാപാത്രത്തെയാണ് റൺബീർ കപൂർ അവതരിപ്പിക്കുന്നത് . ഇവർക്ക് പുറമെ വാണി കപൂർ, അശുതോഷ് റാണ, സൗരഭ് ശുക്ല , റോണിത് റോയ്, ത്രിധ ചൗധരി, പിറ്റോബാഷ് ത്രിപാഠി എന്നിവരും പ്രധാന വേഷങ്ങളിൽ എത്തുന്നുണ്ട്.

പ്രേക്ഷകരിൽ ആകാംഷ ഉളവാക്കുന്ന ഒരു ട്രൈലർ ആണ് ഇപ്പോൾ പുറത്തുവന്നിരിക്കുന്നത്. വൈ ആർ എഫ് എന്ന യൂടൂബ് ചാനലിലൂടെ പുറത്തിറങ്ങിയ ഈ ട്രൈലർ മണിക്കൂറുകൾ പിന്നിടുമ്പോഴേക്കും ലക്ഷക്കണക്കിന് കാഴ്ചക്കാരെയാണ് നേടിയത്. നീലേഷ് മിശ്ര, ഖില ഭിഷ്ട് എന്നിവർ ചേർന്ന് കഥ തയ്യാറാക്കിയ ഈ ചിത്രത്തിന് തിരക്കഥ തയ്യാറാക്കിയിരിക്കുന്നത് സംവിധായകൻ കരൺ മൽഹോത്രയും എക്ത പതക് മൽഹോത്രയും ചേർന്നാണ്. മിതൂൻ ആണ് ചിത്രത്തിന് വേണ്ടി സംഗീതം ഒരുക്കിയിരിക്കുന്നത്. ചിത്രത്തിന്റെ എഡിറ്റിംഗ് കൈകാര്യം ചെയ്യുന്നത് ശിവകുമാർ വി പണിക്കർ ആണ്.

നടൻ മാധവന്റെ സംവിധാനത്തിൽ ഒരുങ്ങുന്ന പുത്തൻ ചിത്രമാണ് റോക്കട്രി : ദി നമ്പി ഇഫക്ട് . ജൂലൈ ഒന്നിന് ആഗോള റിലീസായി എത്തുന്ന ഈ ചിത്രത്തിന്റെ ഹിന്ദി ട്രൈലർ ഇപ്പോൾ പുറത്തുവിട്ടിരിക്കുകയാണ്. വൈ ആർ എഫ് എന്ന യൂട്യൂബ് ചാനലിലൂടെയാണ് ഈ വീഡിയോ പുറത്തു വിട്ടിരിക്കുന്നത്.

മാധവൻ തന്നെ രചനയും സംവിധാനവും നിർവഹിച്ച ഈ ചിത്രത്തിൽ അദ്ദേഹം തന്നെയാണ് കേന്ദ്ര കഥാപാത്രമായി എത്തുന്നത്. ഐ എസ് ആർ ഒ ശാസ്ത്രജ്ഞനായിരുന്ന നമ്പി നാരായണന്റെ യഥാർത്ഥ ജീവിതമാണ് ഈ ചിത്രത്തിലൂടെ തുറന്ന് കാണിക്കുന്നത്. അദ്ദേഹം രാജ്യത്തിന് സമ്മാനിച്ച സംഭാവനകളും അദ്ദേഹത്തിന്റെ ജീവിതത്തിൽ സംഭവിച്ച ദുരന്തവും ഈ ചിത്രത്തിൽ കാണിക്കുന്നു.

വൈകാരിക നിമിഷങ്ങൾ നിറഞ്ഞ ഒരു ട്രൈലറാണ് ഇപ്പോൾ പുറത്തു വിട്ടിരിക്കുന്നത്. നമ്പി നാരായണന്റെ ജീവിതത്തിലെ പല ഘട്ടങ്ങളും കാണിക്കുന്നതിനാൽ വ്യത്യസ്തമായ ഗെറ്റപ്പുകളിൽ നടൻ മാധവനെ ട്രൈലറിൽ കാണാൻ സാധിക്കും. സിമ്രാൻ ആണ് ചിത്രത്തിൽ നായികയായി എത്തുന്നത്. മലയാളം, തമിഴ്, ഹിന്ദി, തെലുങ്കു , കന്നഡ, ഇംഗീഷ് തുടങ്ങി ഒട്ടേറെ ഭാഷകളിലായാണ് ഈ ചിത്രം ഒരുങ്ങുന്നത്. വർഗീസ് മൂലൻ, വിജയ് മൂലൻ, സരിത മാധവൻ, ആർ. മാധവൻ എന്നിവർ ചേർന്നാണ് ഈ ചിത്രം നിർമ്മിക്കുന്നത്. ബിജിത്ത് ബാല ആണ് ചിത്രം എഡിറ്റ് ചെയ്തിരിക്കുന്നത്. റീലീസ് ചെയ്ത് നിമിഷങ്ങൾക്കകം നിരവധി കാഴ്ചക്കാരെയാണ് ഈ വീഡിയോ സ്വന്തമാക്കിയത്. പ്രേക്ഷകർ ഏറെ പ്രതീക്ഷയോടെ കാത്തിരിക്കുന്ന ഈ ചിത്രത്തിന് ആശംസകൾ നേർന്നുകൊണ്ടുള്ള നിരവധി കമന്റുകളും വീഡിയോയ്ക്ക് താഴെ നൽകിയിരുന്നു.

അനൂപ് ഭണ്ഡാരിയുടെ സംവിധാനത്തിൽ ഒരുങ്ങുന്ന ആക്ഷൻ – ഫാന്റസി – അഡ്വഞ്ചർ കന്നഡ ചിത്രമാണ് വിക്രാന്ത് റോണ. ഇപ്പോൾ ഈ ചിത്രത്തിന്റെ മലയാളം ഒഫീഷ്യൽ ട്രൈലർ റീലീസ ചെയ്തിരിക്കുകയാണ്.

ലഹരി മ്യൂസിക് ടി – സീരീസ് എന്ന യൂട്യൂബ് ചാനലിലൂടെയാണ് ഈ ട്രൈലർ റിലീസ് ചെയ്തിരിക്കുന്നത്. കിച്ച സുധീപിന്റെ അതി ഗംഭീര പ്രകടനം തന്നെയാണ് ട്രൈലറിൽ കാണാൻ സാധിക്കുന്നത്. കിടിലൻ ആക്ഷൻ രംഗങ്ങളും അത്ഭുതപ്പെടുത്തുന്ന അഡ്വഞ്ചർ രംഗങ്ങളുമൊരുക്കിയ അതി ഗംഭീര ട്രൈലർ ആണ് ഇപ്പോൾ പ്രേക്ഷകർക്ക് മുന്നിലേക്ക് എത്തിയിരിക്കുന്നത് . ജൂലൈ 28 ന് ആണ് ഈ ത്രീഡി ചിത്രം ആഗോള റിലീസ് ആയി എത്തുന്നത്. സുധീപിനെ കൂടാതെ നിരൂപ് ഭണ്ഡാരി, നീത അശോക്, ജാക്വിലിൻ ഫെർണാണ്ടസ് എന്നിവരും ചിത്രത്തിൽ പ്രധാന വേഷങ്ങളിൽ എത്തുന്നുണ്ട്.

ഈ ചിത്രത്തിന്റെ രചന നിർവഹിച്ചിരിക്കുന്നത് സംവിധായകൻ അനൂപ് ഭണ്ഡാരി തന്നെയാണ്. ജാക്ക് മഞ്ജു നാഥ് , ശാലിനി മഞ്ജുനാഥ് എന്നിവർ ചേർന്നാണ് ഈ ചിത്രം നിർമ്മിക്കുന്ന ഈ ചിത്രം ശാലിനി ആർട്ട്സിന്റെ ബാനറിൽ ആണ് ഒരുങ്ങുന്നത് . അലങ്കാർ പാണ്ഡ്യൻ ചിത്രത്തിന്റെ സഹ നിർമ്മാതാവ് ആണ്. കന്നഡ ഇൻഡസ്ട്രിയിൽ നിന്നുള്ള അടുത്ത പാൻ ഇന്ത്യ ചിത്രമായ വിക്രാന്ത് റോണ 95 കോടി മുതൽ മുടക്കിലാണ് ഒരുക്കിയിട്ടുള്ളത്. ബി അജനേഷ് ലോക്‌നാഥ് ആണ് ചിത്രത്തിലെ സംഗീതം ഒരുക്കിയിരിക്കുന്നത്. വില്യം ഡേവിഡ് ആണ് ഛായാഗ്രാഹകൻ .

നവാഗതനായ വിഷ്ണു ജി രാഘവ് സംവിധാനം ചെയ്ത ഈ അടുത്ത് പുറത്തിറങ്ങിയ ചിത്രമാണ് വാശി . ഇപ്പോൾ നമ്മുക്ക് കാണാൻ കഴിയുന്നത് ഈ ചിത്രത്തിലെ കോടതി രംഗങ്ങൾ വലിയ ചർച്ചയായി മാറുന്ന കാഴ്ചയാണ്. ചിത്രത്തിലെ കേന്ദ്ര കഥാപാത്രങ്ങളായ ടോവിനോ തോമസും കീർത്തി സുരേഷും വക്കീൽ വേഷമാണ് ചിത്രത്തിൽ ചെയ്തിരിക്കുന്നത്. കോടതി മുറിയിൽ കൊമ്പു കോർക്കുന്ന അഡ്വക്കേറ്റ് എബിന്റെയും അഡ്വക്കേറ്റ് മാധവിയുടേയും രംഗങ്ങൾക്ക് വലിയ കയ്യടിയാണ് നേടുന്നത്. സംവിധായകൻ തന്നെയാണ് ഈ ചിത്രത്തിന്റെ തിരക്കഥ തയ്യാറാക്കിയത്. ഈ ചിത്രത്തിലെ നിർണ്ണായകമായ ഒരു ഘട്ടത്തിൽ കീർത്തി സുരേഷ് അവതരിപ്പിക്കുന്ന അഡ്വക്കേറ്റ് മാധവി എന്ന കഥാപാത്രം കോടതി മുറിക്കുള്ളിൽ ചോദിക്കുന്നുണ്ട് ; ഒരു സ്ത്രീ “സെക്സ് ഈസ്‌ നോട്ട് എ പ്രോമിസ്” എന്ന് പറയുമ്പോൾ കയ്യടിക്കുന്ന സമൂഹം എന്തുകൊണ്ടാണ് ഒരു പുരുഷൻ ഇതേ കാര്യം പറഞ്ഞാൽ അംഗീകരിക്കാൻ മടിക്കുന്നത് എന്ന് . മാധവി വിരൽ ചൂണ്ടുന്നത് നമ്മുടെ ഇന്നത്തെ സമൂഹത്തിലേക്ക് തന്നെയാണ് എന്ന കാര്യവും ഈ ഒരൊറ്റ ചോദ്യത്തിലൂടെ മനസ്സിലാക്കാം. വക്കീലിന്റെ ഈ ചോദ്യം തുറന്നു കാട്ടുന്നത് സ്ത്രീപുരുഷ സമത്വം ഇവിടെ നിഷേധിക്കപ്പെടുന്ന അവസ്ഥയിലേക്കാണ് . ഇതുപോലെ സോഷ്യൽ മീഡിയയിൽ വലിയ ചർച്ചയായി മാറിക്കഴിഞ്ഞിരിക്കുകയാണ് ഈ ചിത്രത്തിലെ പല പ്രധാന രംഗങ്ങളും അതിൽ പറയുന്ന അഭിപ്രായങ്ങളും.

പല അവസരങ്ങളിലും നിയമം പരിരക്ഷ സ്ത്രീകൾക്ക് നൽകുന്നതിനൊപ്പം തന്നെ അർഹരായ പുരുഷന്മാരെ എപ്പോഴും കണ്ടില്ലെന്നു നടിക്കുന്ന പ്രവണതയും, പലപ്പോഴും നിരപരാധികളായ പുരുഷന്മാരെ കരിവാരി തേക്കാൻ ശ്രമിക്കുന്ന മീ ടൂ ഉൾപ്പെടെയുള്ള ആരോപണങ്ങളും അതിനുള്ള പ്രവണതയെ കുറിച്ചും ആണ് ഈ ചിത്രം ചർച്ച ചെയ്യുന്നത്. അത്കൊണ്ട് തന്നെ തീയേറ്ററുകളിൽ വലിയ കയ്യടി നേടുകയാണ് ചിത്രത്തിലെ പല ചോദ്യങ്ങളും. ടോവിനോ തോമസ്- കീർത്തി സുരേഷ് ടീം വക്കീൽ വേഷത്തിൽ ഗംഭീര പ്രകടനം തന്നെയാണ് കാഴ്ച വെച്ചിരിക്കുന്നത്. ജാനിസ് ചാക്കോ സൈമൺ ആണ് ചിത്രത്തിന്റെ കഥ രചിച്ചിരിക്കുന്നത്.

ജി സുരേഷ് കുമാർ, മേനക സുരേഷ് കുമാർ, രേവതി സുരേഷ് എന്നിവർ ചേർന്ന് നിർമ്മിച്ച ഈ ചിത്രം രേവതി കലാമന്ദിറിന്റെ ബാനറിൽ ആണ് ഒരുങ്ങിയത് . ഛായാഗ്രാഹണം നീൽ ഡി കുഞ്ഞയും എഡിറ്റിംഗ് അർജു ബെന്നും കൈകാര്യം ചെയ്തിരിക്കുന്നു. ചിത്രത്തിന് വേണ്ടി കൈലാസ് മേനോൻ ഒരുക്കിയ ഗാനങ്ങളും ഏറെ ശ്രദ്ധ നേടിയിട്ടുണ്ട്. കേന്ദ്ര കഥാപാത്രങ്ങളെ കൂടാതെ അനു മോഹൻ, റോണി ഡേവിഡ്, ബൈജു, നന്ദു, കോട്ടയം രമേശ്, മായാ വിശ്വനാഥ്, മായാ മേനോൻ, ശ്രീലക്ഷ്മി എന്നിവരും ഈ ചിത്രത്തിൽ പ്രധാന വേഷങ്ങളെ അവതരിപ്പിച്ചിട്ടുണ്ട്.

മോഹൻ ശ്രീവത്സയുടെ സംവിധാന മികവിൽ ഒരുങ്ങുന്ന പുത്തൻ തെലുങ്ക് ചിത്രമാണ് കരൺ അർജുൻ. ജൂൺ 24 ന് തിയറ്ററുകളിൽ പ്രദർശനത്തിന് എത്തുന്ന ഈ ചിത്രത്തിന്റെ റിലീസിനോടനുബന്ധിച്ചുള്ള ഒരു ട്രൈലർ ഇപ്പോൾ പുറത്തുവിട്ടിരിക്കുകയാണ്. ആദ്യത്യ മ്യൂസിക് എന്ന യൂടൂബ് ചാനലിലൂടെയാണ് ഈ വീഡിയോ റിലീസ് ചെയ്തിരിക്കുന്നു. മുപ്പത് സെക്കന്റ് മാത്രം ദൈർഘ്യമുള്ള ഒരു വീഡിയോ ആണ് ഇപ്പോൾ പുറത്തിറങ്ങിയിരിക്കുന്നത്.

ഒരു ത്രില്ലർ മൂവിയായ കരൺ അർജുനിൽ അഭിമന്യു, ഷിഫ , നിഖിൽ കുമാർ എന്നിവരാണ് കേന്ദ്ര കഥാപാത്രങ്ങളായി എത്തുന്നത്. കിടിലൻ ആക്ഷൻ രംഗങ്ങളും റേസിംഗും നിറഞ്ഞ ഒരു അത്യുഗ്രൻ ട്രൈലറാണ് ഇപ്പോൾ പുറത്തുവിട്ടിരിക്കുന്നത്. പ്രേക്ഷകരിൽ ആകാംഷയും ആവേശവും ഉണർത്തിയിരിക്കുകയാണ് ഈ ട്രൈലർ രംഗം. ചിത്രത്തിന്റെ ഫസ്റ്റ് ലുക്ക് പോസ്റ്റുകൾ തന്നെ പ്രേക്ഷകർക്കിടയിൽ ഓളം സൃഷ്ടിച്ചിരുന്നു . ഇപ്പോൾ പുറത്തിറങ്ങിയ ഈ ട്രൈലറും ചിത്രത്തെ കുറിച്ചുള്ള പ്രേക്ഷക പ്രതീക്ഷ വർധിപ്പിച്ചിരിക്കുകയാണ്.

സംവിധായകൻ മോഹൻ ശ്രീവത്സതന്നെയാണ് ചിത്രത്തിന്റെ രചന അവഹിച്ചിരിക്കുന്നത് . റെഡ് റോഡ് ത്രില്ലേഴ്സിന്റെ ബാനറിൽ ഡോ. സോമേശ്വർ റാവു പൊന്നന , ബാലകൃഷ്ണ അക്കുള, സുരേഷ്, രാമകൃഷ്ണ , ക്രാന്തി കിരൺ എന്നിവർ ചേർന്നാണ് ഈ ചിത്രം നിർമ്മിച്ചിരിക്കുന്നത്. റോഷൻ സലൂർ ആണ് ചിത്രത്തിന് വേണ്ടി സംഗീതം ഒരുക്കിയിരിക്കുന്നത്. ചിത്രത്തിലെ കിടിലൻ ആക്ഷൻ രംഗങ്ങൾ ഒരുക്കിയിരിക്കുന്നത് റാം ശങ്കര ആണ്.

ജൂൺ പത്തിന് റിലീസ് ചെയ്ത് തിയറ്ററുകളിൽ മികച്ച രീതിയിൽ പ്രദർശനം തുടരുന്ന ഒരു ഫാമിലി എന്റർടൈനർ ചിത്രമാണ് കൊച്ചാൾ . ശ്യാം മോഹൻ സംവിധാനം ചെയ്ത ഈ ചിത്രത്തിൽ നായകനായി എത്തിയത് നടൻ കൃഷ്ണ ശങ്കർ ആണ്. ഈ അടുത്ത് ചിത്രത്തിന്റെ ചില സ്നീക്ക് പീക്ക് വീഡിയോസ് പുറത്തുവിട്ടിരുന്നു. ഇപ്പോഴിതാ കൊച്ചാളിന്റെ മറ്റൊരു സ്നീക്ക് പീക്ക് വീഡിയോ കൂടി റിലീസ് ചെയ്തിരിക്കുകയാണ്.

പതിവുപോലെ സത്യം വീഡിയോസ് എന്ന യൂടൂബ് ചാനലിലൂടെയാണ് ഈ വീഡിയോയും പ്രേക്ഷകരിലേക്ക് എത്തിയിരിക്കുന്നത്. ചിത്രത്തിലെ പ്രധാന വേഷങ്ങളിൽ എത്തുന്നവരുടെ സ്വഭാവത്തെ പ്രേക്ഷകർക്ക് പരിചയപ്പെടുത്തുന്ന വീഡിയോസ് ആയിരുന്നു ഇതുവരെ പുറത്തു വന്നിരുന്നത് . ഇപ്പോഴിതാ ചിത്രത്തിലെ കേന്ദ്ര കഥാപാത്രമായ കൃഷ്ണ ശങ്കറിന്റെ ശക്തമായ പോലീസ് വേഷത്തെയാണ് ഈ വീഡിയോയിൽ കാണാൻ സാധിക്കുന്നത് . പ്രേക്ഷകരെല്ലാം മികച്ച അഭിപ്രായമാണ് വീഡിയോയ്ക്ക് താഴെ രേഖപ്പെടുത്തുന്നത്.

കൊച്ചാൾ എന്ന കഥാപാത്രമായി എത്തുന്ന കൃഷ്ണ ശങ്കറിനൊപ്പം ഇന്ദ്രൻസ് , ഷൈൻ ടോം ചാക്കോ , മുരളി ഗോപി , വിജയരാഘവൻ , ഷറഫുദ്ദീൻ, രഞ്ജിപണിക്കർ, കൊച്ചുപ്രേമൻ , ശ്രീലക്ഷ്മി, ചൈതന്യ, സേതു ലക്ഷ്മി, ആര്യ സലീം, കലാരഞ്ജിനി തുടങ്ങിയവരും അഭിനയിക്കുന്നുണ്ട്. ദീപ് നാഗ്ഡ നിർമ്മിക്കുന്ന ഈ ചിത്രം സിയാറ ടാക്കീസിന്റെ ബാനറിൽ ആണ് പുറത്തിറങ്ങിയത്. ഏറെ നാളുകൾക്ക് ശേഷം കണ്ട മികച്ച ഫാമിലി ചിത്രം എന്നാണ് പ്രേക്ഷകർ ഈ ചിത്രത്തെ കുറിച്ച് വിശേഷിപ്പിക്കുന്നത് .

ഷഹദ് നിലമ്പൂർ സംവിധാനം ചെയ്ത് ജൂൺ പതിനേഴിന് പുറത്തിറങ്ങിയ ഏറ്റവും പുതിയ ചിത്രമാണ് പ്രകാശൻ പറക്കട്ടെ. ധ്യാൻ ശ്രീനിവാസൻ രചന നിർവഹിച്ച ഈ ചിത്രത്തിലെ രസകരമായ ഒരു സ്നീക്ക് പീക്ക് വീഡിയോ ഇപ്പോൾ റിലീസ് ചെയ്തിരിക്കുകയാണ് . മൂവി ബഫ് മലയാളം എന്ന യൂടൂബ് ചാനലിലൂടെയാണ് ഈ വീഡിയോ പുറത്തു വിട്ടിരിക്കുന്നത് . ചിത്രത്തിലെ നായകൻ മാത്യു തോമസും, മാത്യുവിന്റെ അച്ഛനായി വേഷമിട്ട ദിലീഷ് പോത്തനും ഒന്നിച്ചുള്ള രസകരമായ ഒരു വീഡിയോ ആണ് ഇപ്പോൾ പുറത്തുവന്നിരിക്കുന്നത് .

ഈ ചിത്രത്തിന്റെ ടീസറും ഗാനവും എല്ലാം പ്രേക്ഷകർ ഏറ്റെടുത്ത് സൂപ്പർ ഹിറ്റാക്കി മാറ്റിയിരുന്നു. ഇപ്പോഴിതാ ഈ വീഡിയോയും പ്രേക്ഷകർ ഏറ്റെടുത്തിരിക്കുകയാണ് . നിരവധിപേരാണ് വീഡിയോയ്ക്ക് താഴെ കമന്റുകൾ നൽകിയിരിക്കുന്നത്. മിക്കവരും മാത്യു തോമസിന്റെ അഭിനയത്തെ പ്രശംസിച്ചും ഈ ചിത്രത്തെ പ്രശംസിച്ചുമാണ് കമന്റുകൾ നൽകിയിട്ടുള്ളത്. ഒരു ചിരി വിരുന്ന് ഒരുക്കിയ ഈ ചിത്രത്തിൽ ധ്യാൻ ശ്രീനിവാസൻ , അജു വർഗീസ്, സൈജു കുറുപ്പ്, നിഷ സാരാംഗ് , മാളവിക, ശ്രീജിത്ത് രവി, ഗോവിന്ദ്, ഋതുഞ്ജയ്, സ്മിനു സിജോ എന്നിവരും അഭിനയിക്കുന്നുണ്ട്.

ധ്യാന്‍ ശ്രീനിവാസന്റെ അസ്സോസിയേറ്റ് ഡയറക്ടറായിരുന്ന ഷഹദിന്റെ സംവിധാനത്തിലെ ആദ്യ ചുവടുവയ്പ്പാണ് ഈ ചിത്രം. ചിത്രം മികച്ച ഒരു ഫാമിലി എന്റർടൈനർ ആണെങ്കിലും ചില പോരയ്മകളും ചൂണ്ടികാണിക്കുന്നുണ്ട്. ഹിറ്റ് മേക്കേഴ്സ് എന്റര്‍ടെെയ്മെന്റ്, ഫന്റാസ്റ്റിക് ഫിലിംസ് എന്നീ ബാനറിൽ വിശാഖ് സുബ്രഹ്മണ്യം, ടിനു തോമസ്, അജു വർഗീസ് എന്നിവർ ചേർന്നാണ് ഈ ചിത്രം നിർമ്മിച്ചത്. ഗുരു പ്രസാദ് ആണ് ചിത്രത്തിന്റെ ക്യാമറ കൈകാര്യം ചെയ്തത്. എഡിറ്റിംഗ് നിർവഹിച്ചിരിക്കുന്നത് രതിൻ രാധാകൃഷ്ണൻ ആണ്.

ലോകേഷ് കനകരാജിന്റെ സംവിധാന മികവിൽ ഉലക നായകൻ കമൽ ഹാസനെ കേന്ദ്ര കഥാപത്രമാക്കി ഒരുക്കിയ വിക്രം എന്ന ചിത്രം ഇപ്പോൾ തമിഴിലെ പുതിയ ഇൻഡസ്ട്രി ഹിറ്റായി മാറിക്കഴിഞ്ഞു. ഇപ്പോൾ ഈ ചിത്രം കുതിച്ചു പാഞ്ഞു കൊണ്ടിരിക്കുന്നത് നാനൂറു കോടി ആഗോള ഗ്രോസ് എന്ന നേട്ടത്തിലേക്കാണ് . രാജ് കമൽ ഫിലിംസ് ഇന്റർനാഷനലിന്റെ ബാനറിൽ ഒരുങ്ങിയ ഈ ചിത്രം നിർമ്മിച്ചത് കമൽ ഹാസൻ തന്നെയാണ്. അദ്ദേഹത്തെ കൂടാതെ ഒരു വമ്പൻ താരനിര തന്നെ ഈ ചിത്രത്തിൽ അണിനിരന്നു. മക്കൾ സെൽവൻ വിജയ് സേതുപതി, മലയാളത്തിന്റെ പ്രിയനടൻ ഫഹദ് ഫാസിൽ എന്നിവരും പ്രധാന വേഷങ്ങളിൽ ഈ ചിത്രത്തിൽ എത്തി. എന്നാൽ ഇവരെ കൂടാതെ മറ്റൊരാൾ കൂടി ഈ ചിത്രത്തിൽ ഏറെ കയ്യടി നേടിയെടുത്തു.

അത് തമിഴ് താരം സൂര്യയാണ്. ചിത്രത്തിന്റെ അവസാനം അതിഥി വേഷത്തിലാണ് ഇദ്ദേഹം എത്തിയത് . റോളക്സ് എന്ന ക്രൂരനായ വില്ലനായി ഈ ചിത്രത്തിൽ അഞ്ചു മിനിറ്റിൽ താഴെ മാത്രമുള്ള ഒരു വേഷമാണ് അദ്ദേഹം കൈകാര്യം ചെയ്തത്. എന്നാൽ പ്രേക്ഷകരെ ത്രില്ലടിപ്പിച്ച ഈ കിടിലൻ വില്ലൻ കഥാപാത്രം, വിക്രം 3 യിൽ കമൽ ഹാസനൊപ്പം മുഴുനീള വേഷമായി ഉണ്ടാകുമെന്നു കമൽ ഹാസനും സംവിധായകനായ ലോകേഷ് കനകരാജും പറഞ്ഞിരുന്നു.

ഇപ്പോഴിതാ ചിത്രത്തിന്റെ അണിയറ പ്രവർത്തകർ തീയേറ്ററുകളിൽ പ്രേക്ഷകരെ ഇളക്കി മറിച്ച സൂര്യയുടെ ആ രംഗത്തിന്റെ ഒരു ഭാഗം പുറത്തുവിട്ടിരിക്കുകയാണ് . വിക്രം ടീം റിലീസ് ചെയ്ത ഈ സ്‌നീക്ക് പീക്ക് വീഡിയോയിൽ ” അവന്റെ തല എടുക്കുന്നവര്‍ക്ക് ലൈഫ് ടൈം സെറ്റില്‍മെന്റ് ഡാ ” എന്ന റോളക്‌സിന്റെ കിടിലൻ ഡയലോഗും ഉൾപ്പെടുത്തിയിട്ടുണ്ട് . ഈ വീഡിയോ ഇപ്പോൾ സോഷ്യൽ മീഡിയയിൽ തരംഗം സൃഷ്ടിക്കുകയാണ്. ഏജന്റ് ടീന എന്ന കഥാപാത്രത്തിന്റെ സംഘട്ടനത്തിന്റെ സ്നീക്ക് പീക്ക് വീഡിയോ ഈ അടുത്താണ് റിലീസ് ചെയ്തത് . ഈ വീഡിയോയും സോഷ്യൽ മീഡിയയിൽ സൂപ്പർ ഹിറ്റായി മാറിയിരുന്നു. ലോകേഷ് സിനിമാറ്റിക് യൂണിവേഴ്സിന് തുടക്കം കുറിച്ച ഈ ചിത്രം ലോകേഷ് കനകരാജ്- രത്‌നകുമാർ എന്നിവർ ചേർന്നാണ് രചിച്ചത്.

മെയ് 27 ന് ആഗോള റിലീസ് ആയി എത്തിയ തെലുങ്ക് ചിത്രമാണ് എഫ് ത്രീ. അനിൽ രവിപുഡി സംവിധാനം ചെയ്ത ഈ ചിത്രത്തിൽ വെങ്കടേഷ്, വരുൺ തേജ്, തമന്ന ഭാട്ടിയ , മെഹ്റിൻ പിർസാദ എന്നിവരാണ് കേന്ദ്ര കഥാപാത്രങ്ങളായി എത്തിയത്. ഈ ചിത്രത്തിലെ ഒരു വീഡിയോ ഗാനം ഇപ്പോൾ സോഷ്യൽ മീഡിയയിൽ ശ്രദ്ധ നേടുകയാണ്. ആദിത്യ മ്യൂസിക്ക് എന്ന യൂട്യൂബ് ചാനലിലൂടെയാണ് ഈ വീഡിയോ ഗാനം റിലീസ് ചെയ്തത്.

വൂ ആ അഹ അഹ എന്ന ഗാനത്തിന്റെ വീഡിയോ ആണ് ഇപ്പോൾ റിലീസ് ചെയ്തിരിക്കുന്നത്. ഗാന രംഗത്തിൽ വെങ്കടേഷ്, വരുൺ തേജ്, തമന്ന ഭാട്ടിയ , മെഹ്റിൻ പിർസാദ , സോണൽ ചൗഹാൻ എന്നിവരാണ് എത്തിയിരിക്കുന്നത്. ഈ ഗാനത്തിന്റെ ഏറ്റവും വലിയ ഹൈലൈറ്റ് ആയി മാറിയിട്ടുള്ളത് നായിക തമന്ന ഭാട്ടിയയുടെ ആൺ വേഷമാണ്. ഈ ഗാനരംഗത്തിൽ ആൺ വേഷത്തിലും ഗ്ലാമറസ് വേഷത്തിലും തമന്ന തിളങ്ങുന്നുണ്ട്. ഈ ഗാനത്തിന്റെ ലെറിക്കൽ വീഡിയോ പുറത്തുവിട്ടിരുന്നപ്പോൾ തമന്നയുടെ പുരുഷ വേഷത്തെ കുറിച്ച് ഒരു സൂചനയും നൽകിയിരുന്നില്ല. മൂന്ന് നായികമാരുടെയും ഗ്ലാമറസ് നൃത്ത രംഗങ്ങൾക്കൊപ്പം തമന്നയുടെ ആൺ വേഷവും ശോഭിക്കുകയാണ് .

കസർല ശ്യാം വരികൾ രചിച്ച ഈ ഗാനത്തിന് ഈ നൽകിയിരിക്കുന്നത് ദേവി ശ്രീ പ്രസാദ് ആണ്. സുനിധി ചൗഹാൻ, ലവിത ലോബോ , സാഗർ, എസ്.പി അഭിഷേക് എന്നിവർ ചേർന്നാണ് ഈ ഗാനം ആലപിച്ചിരിന്നത്. ശേഖർ വി ജെ ആണ് കൊറിയോഗ്രഫി ചെയ്തിരിക്കുന്നത്. പുറത്തിറങ്ങി മിനുട്ടുകൾകകം നിരവധി കാഴ്ച്ചക്കാരെയാണ് ഈ വീഡിയോ സ്വന്തമാക്കിയത്.

നടൻ കൃഷ്ണ ശങ്കറിനെ കേന്ദ്ര കഥാപാത്രമാക്കി ശ്യാം മോഹൻ സംവിധാനം ചെയ്ത് പുറത്തിറങ്ങിയ ചിത്രമാണ് കൊച്ചാൾ . ജൂൺ പത്തിന് ഈ ചിത്രം തിയറ്ററുകളിൽ റിലീസ് ചെയ്തത്. ഈ ചിത്രത്തിൽ ഒരു പോലീസ് കഥാപാത്രമായാണ് കൃഷ്ണ ശങ്കർ എത്തുന്നത് . ഈ അടുത്ത് കൊച്ചാളിന്റെ ഒരു സ്നീക്ക് പീക്ക് വീഡിയോ പുറത്തുവിട്ടിരുന്നു. ഇപ്പോഴിതാ മറ്റൊരു വീഡിയോ കൂടി എത്തിയിരിക്കുകയാണ്.

ഈ വീഡിയോ റിലീസ് ചെയ്തിരിക്കുന്നത് സത്യം വീഡിയോസ് എന്ന യൂടൂബ് ചാനലിലൂടെയാണ് . മുരളി ഗോപി , ഷൈൻ ടോം ചാക്കോ , ഇന്ദ്രൻസ് , കൃഷ്ണ ശങ്കർ എന്നിവർ ഒന്നിച്ചെത്തിയ ഒരു പോലീസ് സ്റ്റേഷൻ രംഗമാണ് ഇപ്പോൾ പുറത്തുവിട്ട വീഡിയോയിൽ കാണിച്ചിരിക്കുന്നത് . ഷൈൻ ടോം ചാക്കോയുടെ നെഗറ്റീവ് റോൾ ഏറെ ശ്രദ്ധ നേടുന്നുണ്ട്.

ഈ ചിത്രത്തിൽ ഇവരെ കൂടാതെ രഞ്ജിപണിക്കർ, കൊച്ചുപ്രേമൻ , വിജയരാഘവൻ , ഷറഫുദ്ദീൻ, ശ്രീലക്ഷ്മി, ചൈതന്യ, സേതു ലക്ഷ്മി, ആര്യ സലീം, കലാരഞ്ജിനി തുടങ്ങിയവരും പ്രധാന വേഷങ്ങളിൽ എത്തുന്നുണ്ട്. സിയാറ ടാക്കീസിന്റെ ബാനറിൽ പുറത്തിറങ്ങിയ ഈ ചിത്രം ദീപ് നാഗ്ഡ ആണ് നിർമ്മിച്ചിരിക്കുന്നത്. ഈ ചിത്രത്തിന്റെ തിരക്കഥ , സംഭാഷണം എന്നിവ ഒരുക്കിയിരിക്കുന്നത് മിഥുൻപി മദനൻ , പ്രജിത്ത് കെ. പുരുഷൾ എന്നിവർ ചേർന്നാണ് . ചിത്രത്തിന്റെ ഛായഗ്രഹകൻ ജോമോൻ തോമസ്സ് ആണ് .