ടൊവിനോ തോമസ് – കീർത്തി സുരേഷ് എന്നീ താരങ്ങളെ ഒന്നിപ്പിച്ച് കൊണ്ട് നവാഗതനായ വിഷ്ണു ജി. രാഘവിന്റെ സംവിധാനത്തിൽ ഒരുക്കിയ മിത്രമാണ് വാശി. ജൂൺ പതിനേഴിന് പുറത്തിറങ്ങിയ ഈ ചിത്രത്തിലെ ഒരു വീഡിയോ ഗാനം ഇപ്പോൾ റിലീസ് ചെയ്തിരിക്കുകയാണ്. തിങ്ക് മ്യൂസിക് ഇന്ത്യ എന്ന യൂടൂബ് ചാനലിലൂടെയാണ് ഈ വീഡിയോ റിലീസ് ചെയ്തിരിക്കുന്നത്.

ഹെയ് കൺമണി എന്ന വരികളോടെ തുടങ്ങുന്ന ഗാനമാണ് ഇപ്പോൾ പുറത്തുവിട്ടിരിക്കുന്നത്. കീർത്തി സുരേഷും ടൊവിനോയുമാണ് ഈ ഗാനരംഗത്തിൽ നിറഞ്ഞു നിൽക്കുന്നത്. ഇരുവരുടേയും വിവാഹത്തിനുള്ള തയ്യാറെടുപ്പും ഒപ്പം ജോലി സംബന്ധമായ വാശിയുമാണ് ഈ ഗാനരംഗത്തിൽ ഉൾക്കൊള്ളിച്ചിരിക്കുന്നത്. വിനായക് ശശികുമാർ വരികൾ രചിച്ച ഈ ഗാനത്തിന് ഈണം നൽകിയിരിക്കുന്നത് കൈലാസ് ആണ്. അഭിജിത്ത് അനിൽകുമാർ , ഗ്രീഷ്മ തറവത്ത് എന്നിവർ ചേർന്നാണ് ഈ ഗാനം ആലപിച്ചിരിക്കുന്നത്.

പുറത്തിറങ്ങി മണിക്കൂറുകൾ പിന്നിടുമ്പോഴേക്കും ഒട്ടേറെ കാഴ്ചക്കാരെയാണ് ഈ വീഡിയോ സ്വന്തമാക്കിയത് . നിരവധി ആരാധകരാണ് വീഡിയോയ്ക്ക് താഴെ കമന്റുകൾ നൽകിയിട്ടുള്ളത്. ഈ ചിത്രത്തിന്റെ രചന നിർവഹിച്ചിരിക്കുന്നത് സംവിധായകൻ വിഷ്ണു ജി. രാഘവ് തന്നെയാണ് . രേവതി കലാമന്ദിറിന്റെ ബാനറിൽ ഈ ചിത്രം നിർമ്മിക്കുന്നത്ജി സുരേഷ് കുമാർ , മേനക സുരേഷ് കുമാർ എന്നിവർ ചേർന്നാണ്. അർജു ബെൻ ആണ് എഡിറ്റിംഗ് കൈകാര്യം ചെയ്തിരിക്കുന്നത് .

മലയാള സിനിമയിലെ പ്രിയ താരം പൃഥ്വിരാജ് സുകുമാരൻ പ്രധാന വേഷത്തിൽ എത്തി , മലയാളത്തിലെ ശ്രദ്ധേയ സംവിധായകൻ ഷാജി കൈലാസ് ഒരുക്കിയ ബിഗ് ബഡ്ജറ്റ് മാസ്സ് ആക്ഷൻ ത്രില്ലർ ചിത്രമാണ് കടുവ. ഈ വരുന്ന ജൂൺ മുപ്പതിന് ഈ ചിത്രം പ്രദർശനത്തിന് എത്തുകയാണ്. ഇതിനോടകം പുറത്തു വന്ന കടുവയുടെ രണ്ടു ടീസറുകളും സോഷ്യൽ മീഡിയയിൽ തരംഗം സൃഷ്ടിച്ചവയാണ്. കടുവാക്കുന്നേൽ കുറുവച്ചൻ എന്ന കഥാപാത്രമായി എത്തുന്ന പൃഥ്വിരാജിന്റെ തട്ട് പൊളിപ്പൻ ഡയലോഗും കിടിലൻ സംഘട്ടനവുമാണ് ഈ ടീസറുകളിൽ നിറഞ്ഞു നിന്നത്. അതുപോലെ തന്നെ ജേക്സ് ബിജോയി ഒരുക്കിയ ചിത്രത്തിന്റെ പശ്‌ചാത്തല സംഗീതവും ആരാധകർക്ക് ആവേശം പകർന്നു .

ടീസറുകൾക്ക് ശേഷം ഇപ്പോഴിതാ ഈ ചിത്രത്തിലെ ഏറ്റവും പുതിയ ലിറിക്കൽ വീഡിയോ സോങ് റിലീസ് ചെയ്തിരിക്കുകയാണ്. നിലവിൽ ഈ ഗാനം സോഷ്യൽ മീഡിയയിൽ സൂപ്പർ ഹിറ്റായി മാറിയിരിക്കുകയാണ്. പാൽവർണ്ണ കുതിരമേൽ എന്ന വരികളോടെ ആരംഭിക്കുന്ന ഒരു ഗാനമാണ് ഇപ്പോൾ പുറത്തുവന്നിരിക്കുന്നത്. സന്തോഷ് വർമയാണ് ഈ ഗാനത്തിന്റെ രചയിതാവ്. ലിബിൻ സ്കറിയ, മിഥുൻ സുരേഷ്, ശ്വേതാ അശോക് എന്നിവർ ചേർന്ന് ആലപിച്ച ഈ ഗാനത്തിന് ഈണം നൽകിയിരിക്കുന്നത് ജേക്സ് ബിജോയ് ആണ്.

ഈ ഗാനത്തിന്റെ ലിറിക് വീഡിയോയിൽ നടൻ പൃഥ്വിരാജ് സുകുമാരന്റെ കിടിലൻ മാസ്സ് സ്റ്റില്ലുകളാണ് ഉൾപ്പെടുത്തിയിരിക്കുന്നത്. സുപ്രിയ മേനോൻ, ലിസ്റ്റിൻ സ്റ്റീഫൻ എന്നിവർ ചേർന്ന് നിർമ്മിക്കുന്ന ഈ ചിത്രം പൃഥ്വിരാജ് പ്രൊഡക്ഷൻസ്, മാജിക് ഫ്രെയിംസ് എന്നിവയുടെ ബാനറിൽ ആണ് ഒരുങ്ങുന്നത്. ഈ ചിത്രത്തിലെ വില്ലനായി എത്തുന്നത് ബോളിവുഡ് താരം വിവേക് ഒബ്‌റോയ് ആണ്. സംയുക്ത മേനോനാണ് ചിത്രത്തിലെ നായിക. ഇവരെ കൂടാതെ ചിത്രത്തിൽ സിദ്ദിഖ്, അജു വർഗീസ്, സുദേവ് നായർ,വിജയ രാഘവൻ, കലാഭവൻ ഷാജോൺ, മീനാക്ഷി, വൃദ്ധി വിശാൽ, ദിലീഷ് പോത്തൻ, സായി കുമാർ, സീമ, അർജുൻ അശോകൻ, ജനാർദ്ദനൻ, രാഹുൽ മാധവ്, റീന മാത്യൂസ്, പ്രിയങ്ക നായർ, ജൈസ് ജോസ്, കൊച്ചു പ്രേമൻ, സച്ചിൻ കടേക്കർ എന്നിവരും അഭിനയിക്കുന്നുണ്ട്. സുജിത് വാസുദേവ്, അഭിനന്ദം രാമാനുജൻ എന്നിവരാണ് ചിത്രത്തിന്റെ ക്യാമറ കൈകാര്യം ചെയ്തിരിക്കുന്നത്. ഷമീർ മുഹമ്മദാണ് ചിത്രത്തിന്റെ എഡിറ്റർ.

തമിഴ് സിനിമാ രംഗത്ത് ഹിറ്റായി മാറി മുന്നേറുകയാണ് കമൽ ഹാസൻ ചിത്രം വിക്രം . 350 കോടിയും ആഗോള കളക്ഷനായി മറികടന്നു മുന്നേറുന്ന ഈ ചിത്രത്തിന്റെ സംവിധാനം നിർവഹിച്ചിരിക്കുന്നത് ലോകേഷ് കനകരാജ് ആണ്. ചിത്രത്തിന്റെ ഭാഗമായ ഓരോ താരങ്ങളും ഇന്ന് പ്രേക്ഷകരുടെ കയ്യടി നേടുകയാണ്. പ്രേക്ഷക- നിരൂപക പ്രശംസ നേടുന്നതിൽ ചിത്രത്തിലെ താരങ്ങളായ കമൽ ഹാസൻ, ഫഹദ് ഫാസിൽ, വിജയ് സേതുപതി, സൂര്യ എന്നിവരും സംവിധായകൻ ലോകേഷും രചയിതാവ് രത്‌നകുമാർ, സംഗീത സംവിധായകൻ അനിരുദ്ധ് രവിചന്ദർ, കാമറമാൻ ഗിരീഷ് ഗംഗാധരൻ, എഡിറ്റർ ഫിലോമിൻ രാജ് എന്നിവ എല്ലാം തന്നെ മുൻ നിരയിലാണ്.

Oo ഈ താരങ്ങൾക്കൊപ്പം തന്നെ പ്രേക്ഷക ശ്രദ്ധ നേടിയ ഒരാൾ കൂടിയാണ് ഈ ചിത്രത്തിലെ ഏജന്റ് ടീന . വാസന്തി എന്ന നടിയാണ് ഈ കഥാപാത്രമായി എത്തിയത്. വാസന്തി ആദ്യമായി ചെയ്യുന്ന കഥാപാത്രം കൂടിയാണിത്. വൻ കരഘോഷത്തോടെ പ്രേക്ഷകർ ഏറ്റെടുത്ത രംഗമാണ് ഈ ചിത്രത്തിലെ വാസന്തിയുടെ ആക്ഷൻ സീനുകൾ.

ഇപ്പോഴിതാ വിക്രത്തിന്റെ അണിയറ പ്രവർത്തകർ സൂപ്പർ ഹിറ്റായ ഈ ആക്ഷൻ രംഗത്തിന്റെ ഒരു ചെറിയ വീഡിയോ റിലീസ് ചെയ്തിരിക്കുകയാണ് . പുറത്തുവിട്ട് നിമിഷ നേരം കൊണ്ടാണ് ഈ വീഡിയോ സോഷ്യൽ മീഡിയയിൽ വൈറലായി മാറിയത്. വാസന്തി മുപ്പത് വര്‍ഷമായി സിനിമയില്‍ ഡാന്‍സറായി ജോലി ചെയ്യുകയാണ് . ലോകേഷ് കനകരാജിന്റെ സംവിധാന മികവിൽ ഒരുങ്ങിയ മാസ്റ്റർ എന്ന വിജയ് ചിത്രത്തിൽ ദിനേശ് മാസ്റ്ററുടെ സഹായിയായി വാസന്തി ജോലി ചെയ്തിരുന്നു. അപ്പേഴാണ് ഈ താരം ലോകേഷിന്റെ ശ്രദ്ധയിൽ പെടുന്നത്. പിന്നീട് അദ്ദേഹം വിക്രം എന്ന ചിത്രത്തിലേക്ക് വാസന്തിയെ ക്ഷണിക്കുകയായിരുന്നു. കമൽ ഹാസനൊപ്പം മുൻപ് ചാച്ചി 420 യിൽ ജോലി ചെയ്തിട്ടുള്ള വാസന്തി , തമിഴ് നായികമാരായ നയന്‍താര, തൃഷ, എമി ജാക്‌സണ്‍, കീര്‍ത്തി സുരേഷ്, അനുഷ്‌ക, സാമന്ത എന്നിവരുടെ നൃത്ത സഹായിയായും ജോലി ചെയ്തിട്ടുണ്ട്.

ഈഷൻ സൂര്യയുടെ സംവിധാനത്തിൽ ഒരുങ്ങുന്ന പുത്തൻ തെലുങ്ക് ചിത്രമാണ് ഗാങ്സ്റ്റർ ഗംഗാരാജു . ലക്ഷ് ചടലവട , വേദിക ദത്ത് എന്നിവർ പ്രധാന വേഷങ്ങളിൽ എത്തുന്ന ഈ ചിത്രത്തിലെ പുത്തൻ ഗാനം ഇപ്പോൾ പുറത്തുവിട്ടിരിക്കുകയാണ്. എല്ലാ എല്ലാ എന്ന ലെറിക്കൽ വീഡിയോ ഗാനമാണ് ഇപ്പോൾ റിലീസ് ചെയ്തിട്ടുള്ളത് .

ഈ ചിത്രത്തിന്റെ ടീസറും ട്രൈലറും ഏറെ ശ്രദ്ധ നേടിയിരുന്നു. ഇപ്പോൾ പുറത്തുവിട്ട ലെറിക്കൽ വീഡിയോയും സോഷ്യൽ മീഡിയ ശ്രദ്ധ നേടുകയാണ്. ലെറിക്കൽ വീഡിയോ ആണെങ്കിൽ കൂടിയും ഗാനരംഗത്തിന്റെ ശകലങ്ങളും മേക്കിങ് വീഡിയോയും ഉൾപ്പെടുത്തി കൊണ്ടാണ് ഈ വീഡിയോ പുറത്തുവിട്ടിരിക്കുന്നത്. നായകന്റെ കിടിലൻ നൃത്ത ചുവടുകൾക്കൊപ്പം നായികയുടെ ഗ്ലാമറസ് വേഷത്തിലുള്ള ത്രസിപ്പിക്കുന്ന പെർഫോമൻസും ഏറെ ശ്രദ്ധ നേടുന്നു.

മതുര കവി വരികൾ രചിച്ച ഈ ഗാനത്തിന് ഈണം പകർത്തിരിക്കുന്നത് സായ് കാർത്തിക് ആണ്. ദീപക് ബ്ലൂ, ദീപ്തി സുരേഷ് എന്നിവർ ചേർന്നാണ് ഈ ഗാനം ആലപിച്ചിരിക്കുന്നത്. ശ്രീ തിരുമല തിരുപതി വെങ്കടേശ്വേര ഫിലിംസിന്റെ ബാനറിൽ ഒരുങ്ങുന്ന ഈ ചിത്രം നിർമ്മിക്കുന്നത് ചടലവട പത്മാവതി ആണ്. പി.സി ഖന്ന ആണ് ചിത്രത്തിന്റെ ക്യാമറമാൻ . അനുഗോജു രേണുക ബാബു ആണ് എഡിറ്റിംഗ് കൈകാര്യം ചെയ്തിരിക്കുന്നത്. ഈ ആക്ഷൻ ചിത്രത്തിൽ ലക്ഷ് ചടലവട , വേദിക ദത്ത് എന്നിവരെ കൂടാതെ വെന്നല കിഷോർ, ചരൺദീപ്, ശ്രീകാന്ത് അയ്യങ്കാർ ,ഗോപരാജു രമണ, രാജേശ്വരി നായർ, സത്യ കൃഷ്ണൻ ,രവി തേജ ,അന്നപൂർണ , നിഹാർ കപൂർ, രാജേന്ദ്ര , അനു മാനസ , ലാവണ്യ റെഡ്ഢി എന്നിവരും അഭിനയിക്കുന്നു.

ആദി സായ്കുമാർ നായകനായി എത്തുന്ന ഏറ്റവും പുതിയ ചിത്രമാണ് ടീസ് മാർ ഖാൻ . കല്യാൺ ജി ഗോഗനയുടെ സംവിധാന മികവിൽ ഒരുങ്ങുന്ന ഈ ആക്ഷൻ ഡ്രാമ ചിത്രത്തിന്റെ ടീസർ ഇപ്പോൾ പുറത്തു വിട്ടിരിക്കുകയാണ്. ആദിത്യ മ്യൂസിക് എന്ന യൂട്യൂബ് ചാനലിലൂടെ പുറത്തുവിട്ട ഈ വീഡിയോ ഇപ്പോൾ സോഷ്യൽ മീഡിയയിൽ വൈറലാവുകയാണ്.

ആക്ഷനും റൊമാൻസും നിറഞ്ഞ അത്യുഗ്രൻ ടീസറാണ് ഇപ്പോൾ പുറത്തു വിട്ടിരിക്കുന്നത് . പായൽ രജ്പുത് ആണ് ഈ ചിത്രത്തിൽ നായികയായി എത്തുന്നത്. ടീസറിലെ ആദി സായ്കുമാറിന്റെ ആക്ഷൻ രംഗങ്ങൾക്കൊപ്പം പായൽ രജ്പുത്തിന്റെ ഗ്ലാമറസ് രംഗങ്ങളും ശ്രദ്ധ നേടുന്നുണ്ട്. ചിത്രത്തിൽ മൂന്ന് ഭാവങ്ങളിൽ ആദിയുടെ കഥാപാത്രം എത്തുന്നുണ്ട്. സ്റ്റുഡന്റ്, റൗഡി, പോലീസ് എന്നീ മൂന്ന് ഭാവങ്ങളിൽ എത്തുന്ന ആദിയെ ടീസറിൽ കാണാം. ഇവരെ കൂടാതെ സുനിൽ , പൂർണ , കബീർ സിംഗ്, അനൂപ് സിംഗ് താക്കൂർ എന്നിവരും ചിത്രത്തിൽ വേഷമിടുന്നുണ്ട് .

വിഷൻ സിനിമാസിന്റെ ബാനറിൽ ഒരുങ്ങുന്ന ഈ ചിത്രം നിർമ്മിക്കുന്നത് നഗം തിരുപതി റെഡ്ഡി ആണ്. സായ് കാർത്തിക് ആണ് ചിത്രത്തിലെ ഗാനങ്ങൾ ഒരുക്കിയിരിക്കുന്നത്. ഒട്ടേറെ ആരാധകരാണ് വീഡിയോയ്ക്ക് താഴെ ആശംസകൾ നേർന്ന് കമന്റുകൾ നൽകിയിട്ടുള്ളത്.

തമിഴ് താരം ശശികുമാർ നായകനായി എത്തുന്ന ഏറ്റവും പുതിയ ചിത്രമാണ് കാരി . ഹേമന്ത് സംവിധാനം ചെയ്യുന്ന ഈ ചിത്രത്തിന്റെ ഒഫീഷ്യൽ ട്രൈലർ ഇപ്പോൾ പുറത്തു വിട്ടിരിക്കുകയാണ് . സോണി മ്യൂസിക് സൗത്ത് എന്ന യൂട്യൂബ് ചാനലിലൂടെയാണ് രണ്ട് മിനിട്ടിലധികം ദൈർഘ്യമുള്ള ഈ വീഡിയോ റിലീസ് ചെയ്തിരിക്കുന്നത്.

മാസ്സ് ആക്ഷൻ രംഗങ്ങളും ഹൃദയ സ്പർശിയായ ഇമോഷണൽ രംഗങ്ങളും നിറഞ്ഞ ഒരു ട്രൈലർ വീഡിയോ ആണ് ഇപ്പോൾ പുറത്തുവിട്ടിട്ടുള്ളത്. ട്രൈലറിൽ പാർവ്വതി അരുണിന്റെ ശ്രദ്ധേയ രംഗങ്ങളും കാണാൻ സാധിക്കും. ജെല്ലിക്കെട്ടിന്റെ കിടിലൻ രംഗങ്ങളും ഈ ട്രൈലറിൽ ഉൾപ്പെടുത്തിയിട്ടുണ്ട് . ശശികുമാർ പാർവതി അരുൺ എന്നിവരെ കൂടാതെ ജെ.ഡി ചക്രവർത്തി , ബാലാജി ശക്തിവേൽ, ആടുകളം നരേൻ , അമ്മു അഭിരാമി, റെസിൻ കിംഗ്‌സ്ലി, നാഗി നീഡു, റാം കുമാർ , സംയുക്ത എന്നിവരും പ്രധാന വേഷങ്ങളിൽ എത്തുന്നുണ്ട്.

സംവിധായകൻ ഹേമന്ത് തന്നെയാണ് ചിത്രത്തിന്റെ രചന നിർവഹിച്ചിരിക്കുന്നത് . പ്രിൻസ് പിക്ച്ചേഴ്സിന്റെ ബാനറിൽ ഒരുങ്ങുന്ന ഈ ചിത്രം നിർമ്മിക്കുന്നത് എസ്. ലക്ഷ്മൺ കുമാർ ആണ്. ലളിതാനന്ദ്, ഹേമന്ദ് എന്നിവർ ചേർന്ന് വരികൾ രചിച്ച ചിത്രത്തിലെ ഗാനങ്ങൾക്ക് ഈണം നൽകിയിരിക്കുന്നത് ഡി.ഇമ്മൻ ആണ്. അൻബറിവ്, സിൽവ , ദിനേശ് സുബ്ബരയ്യൻ എന്നിവർ ചേർന്നാണ് ചിത്രത്തിലെ സ്റ്റണ്ട് രംഗങ്ങൾ ഒരുക്കിയിരിക്കുന്നത്. ഗണേഷ് ചന്ദ്ര ക്യാമറ ചലിപ്പിച്ച ഈ ചിത്രത്തിന്റെ എഡിറ്റിംഗ് കൈകാര്യം ചെയ്യുന്നത് ടി. ശിവാനന്ദീശ്വരൻ ആണ്.

ശ്യാം മോഹന്റെ സംവിധാന മികവിൽ ഒരുങ്ങിയ ഏറ്റവും പുതിയ ചിത്രമാണ് കൊച്ചാൾ . ജൂൺ പത്തിന് തിയറ്ററുകളിൽ പ്രദർശനത്തിന് എത്തിയ ഈ ചിത്രത്തിലെ നായക വേഷം ചെയ്തിരിക്കുന്നത് നടൻ കൃഷ്ണശങ്കറാണ് . ഇപ്പോഴിതാ കൊച്ചാളിന്റെ ഒരു സ്നീക്ക് പീക്ക് വീഡിയോ റിലീസ് ചെയ്തിരിക്കുകയാണ്.

സത്യം വീഡിയോസ് എന്ന യൂടൂബ് ചാനലിലൂടെയാണ് ഈ വീഡിയോ റിലീസ് ചെയ്തിരിക്കുന്നത്. ഒരു ഗവൺമെന്റ് ഉദ്യോഗസ്ഥനെ ഞാൻ എന്റെ മകളെ കല്യാണം ചെയ്തു കൊടുക്കു എന്ന് നായികയുടെ അച്ഛൻ പറയുമ്പോൾ , ഞാൻ പോലീസാകും എന്ന് പറയുന്ന നടനെയാണ് ഈ സീനിൽ കാണിച്ചിരിക്കുന്നത്. ചിത്രത്തിൽ കൃഷ്ണ ശങ്കറിന്റെ കഥാപാത്രത്തെ കളിയാക്കി വിളിക്കുന്ന പേരാണ് കൊച്ചാൾ എന്നത്.

കൃഷ്ണ ശങ്കറിനെ കൂടാതെ ഷൈൻ ടോം ചാക്കോ , ഇന്ദ്രൻസ് , മുരളി ഗോപി , വിജയരാഘവൻ , ഷറഫുദ്ദീൻ, രഞ്ജിപണിക്കർ, കൊച്ചുപ്രേമൻ , ശ്രീലക്ഷ്മി, ചൈതന്യ, സേതു ലക്ഷ്മി, ആര്യ സലീം, കലാരഞ്ജിനി തുടങ്ങിയവരും ഈ ചിത്രത്തിൽ പ്രധാന കഥാപാത്രങ്ങളായി എത്തുന്നുണ്ട്. സിയാറ ടാക്കീസിന്റെ ബാനറിൽ ഒരുങ്ങുന്ന ഈ ചിത്രം നിർമ്മിച്ചിരിക്കുന്നത് ദീപ് നാഗ്ഡ ആണ്. മിഥുൻപി മദനൻ , പ്രജിത്ത് കെ. പുരുഷൾ എന്നിവർ ചേർന്നാണ് ഈ ചിത്രത്തിന്റെ തിരക്കഥ , സംഭാഷണം എന്നിവ തയ്യാറാക്കിയിരിക്കുന്നത്. ചിത്രത്തിന്റെ ഛായഗ്രഹണം നിർവഹിച്ചിരിക്കുന്നത് ജോമോൻ തോമസ്സ് ആണ് .

സർക്കാർ വാരി പാട എന്ന തെലുങ്ക് ചിത്രത്തിലെ മറ്റൊരു പുത്തൻ വീഡിയോ ഗാനം കൂടി ഇപ്പോൾ റിലീസ് ചെയ്തിരിക്കുകയാണ്. പരശുറാം രചനയും സംവിധാനവും നിർവഹിച്ച ഈ ചിത്രത്തിൽ പ്രധാന വേഷങ്ങളെ അവതരിപ്പിച്ചത് കീർത്തി സുരേഷ് , മഹേഷ് ബാബു എന്നിവരാണ്. ഈ ചിത്രത്തിലെ മുരാരി വാ…, കലാവതി എന്നീ വീഡിയോ ഗാനങ്ങൾ ഈ അടുത്താണ് പുറത്തുവിട്ടത്. ഇപ്പോഴിതാ മൂന്നാമത് ഗാനത്തിന്റെ കൂടി വീഡിയോ എത്തിയിരിക്കുകയാണ്.

ലെറിക്കൽ വീഡിയോ ഇറങ്ങിയപ്പോൾ തന്നെ റീൽസിനായി പ്രേക്ഷകർ ഏറ്റെടുത്ത മാ മാ മഹേശാ എന്ന ഗാനത്തിന്റെ വീഡിയോ ആണ് ഇപ്പോൾ റിലീസ് ചെയ്തിരിക്കുന്നത് . ഒരു ഫാസ്റ്റ് ഡാൻസ് നമ്പർ പാറ്റേണിൽ ഉള്ള ഈ ഗാനത്തിന്റെ വീഡിയോയിൽ കീർത്തി സുരേഷും മഹേഷ് ബാബുവും തകർത്താടുകയാണ്. ഗ്ലാമറസായി എത്തിയ കീർത്തി സുരേഷിന്റെ നൃത്ത ചുവടുകൾ ആരാധകരെ ത്രസിപ്പിക്കുകയാണ്. ഈ വീഡിയോ ഗാനം ഇപ്പോൾ റിലീസ് ചെയ്തിരിക്കുന്നത് സരിഗമ തെലുങ്കു എന്ന യൂട്യൂബ ചാനലാണ്.

അനന്ത ശ്രീറാം രചന നിർവഹിച്ച ഈ ഗാനത്തിന് തമൻ എസ് ആണ് സംഗീതം പകർത്തിരിക്കുന്നത്. ശ്രീകൃഷ്ണ, ജോണിതാ ഗാന്ധി എന്നിവർ ചേർന്നാണ് ഈ ഗാനം ആലപിച്ചിരിക്കുന്നത്. പ്രേക്ഷകർക്കിടയിൽ ഏറെ തരംഗം സൃഷ്ടിച്ചവയാണ് ഈ ചിത്രത്തിലെ ഓരോ ഗാനങ്ങളും . ഇപ്പോഴിതാ ഈ ഗാനവും സോഷ്യൽ മീഡിയ കീഴടക്കുകയാണ്. പോസ്റ്റ് ചെയ്ത് നിമിഷനേരം കൊണ്ട് നിരവധി കാഴ്ചക്കാരെയാണ് ഈ വീഡിയോ സ്വന്തമാക്കിയത്.

മലയാളത്തിന്റെ പ്രിയനായിക നസ്രിയ ഫഹദിന്റെ ആദ്യ തെലുങ്ക് ചിത്രമാണ് അന്റെ സുന്ദരനിക്കി . തെലുങ്ക് സ്റ്റാർ നാനിയാണ് ചിത്രത്തിൽ നായകനായി എത്തിയത് . വിവേക് ആത്രേയയുടെ സംവിധാന മികവിൽ ഒരുങ്ങിയ ഈ ചിത്രം ജൂണ് പത്തിനാണ് റിലീസ് ചെയ്തത്. ഒരു റൊമാന്റിക് കോമഡി ചിത്രമായ ഇതിലെ പുത്തൻ വീഡിയോ ഗാനം ഇപ്പോൾ റിലീസ് ചെയ്തിരിക്കുകയാണ്.

നേരത്തെ പുറത്തിറങ്ങിയ ചിത്രത്തിലെ പ്രെമോ ഗാനം പ്രേക്ഷകർ ഏറ്റെടുത്തിരുന്നു . എൻത ചിത്രം എന്ന വീഡിയോ ഗാനമാണ് ഇപ്പോൾ റിലീസ് ചെയ്തിരിക്കുന്നത് . നസ്രിയയേയും നാനിയേയുമാണ് ഈ വീഡിയോ ഗാനത്തിൽ കാണാൻ സാധിക്കുന്നത് . സരസ്വതി പുത്ര രമജോഗയ ശാസ്ത്രീയാണ് ഈ ഗാനത്തിന് വരികൾ രചിച്ചിരിക്കുന്നത്. അനുരാഗ് കുൽക്കർണിയും കീർത്തന വൈദ്യനാഥനും ചേർന്ന് ആലപിച്ച ഈ ഗാനത്തിന് ഈണം നൽകിയിരിക്കുന്നത് വിവേക് സാഗർ ആണ്.

ഈ ചിത്രത്തിന്റെ രചയിതാവ് സംവിധായകൻ വിവേക് ആത്രേയ തന്നെയാണ് . മൈത്രി മൂവി മേക്കേഴ്സ് ആണ് ഈ ചിത്രത്തിന്റെ നിർമ്മാതാക്കൾ . ചിത്രത്തിൽ നാനി, നസ്രിയ ഫഹദ് എന്നിവർക്കൊപ്പം നാദിയ മൊയ്തു, രോഹിണി,ഹർഷ വർദ്ധന,ശ്രീകാന്ത് എൻ അളഗൻ പെരുമാൾ, ഹാരിക, അയ്യങ്കാർ, സുഹാസ്, തൻവി റാം, വിന്നി,അരുണ ഭിക്ഷു, നരേഷ്, നോമിന , രാഹുൽ രാമകൃഷ്ണ എന്നിവരും ശ്രദ്ധേയ കഥാപാത്രങ്ങളെ അവതരിപ്പിക്കുന്നുണ്ട്. നികേത് ബൊമ്മി റെഡ്ഢിയാണ് ഈ ചിത്രത്തിന്റെ ക്യാമറമാൻ. രവി തേജ ഗിരിജാലയാണ് ചിത്രത്തിന്റെ എഡിറ്റിംഗ് കൈകാര്യം ചെയ്തിരിക്കുന്നത്.

ഈ അടുത്ത് റിലീസ് ചെയ്ത മമ്മൂട്ടി ചിത്രമാണ് സി ബി ഐ 5 ദി ബ്രെയിൻ . മെയ് ഒന്നിന് തിയറ്ററുകളിൽ പ്രദർശനത്തിന് എത്തിയ ഈ ചിത്രം ജൂൺ പന്ത്രണ്ട് മുതൽ നെറ്റ് ഫ്ളക്സിലും സ്ട്രീമിങ് ആരംഭിച്ചിരുന്നു. കെ മധുവിന്റെ സംവിധാനത്തിൽ ഒരുങ്ങിയ സി ബി ഐ സീരീസിലെ അവസാന പതിപ്പായ ഈ ചിത്രം ഒട്ടേറെ നെഗറ്റീവ് കമന്റുകൾ നേരിട്ടിരുന്നു.

ഇപ്പോഴിതാ ഈ ചിത്രത്തിന്റെ മിസ്റ്റേക്കുകൾ ചൂണ്ടി കാണിച്ചു കൊണ്ട് ഒരു വീഡിയോ എത്തിയിരിക്കുകയാണ്. മൂവി മാനിയ മലയാളം എന്ന യൂട്യൂബ് ചാനലിലൂടെയാണ് ഈ വീഡിയോ പുറത്തു വിട്ടിരിക്കുന്നത് . ചിത്രത്തിന്റെ ആരംഭം മുതൽ അവസാനം വരെയുള്ള രംഗങ്ങളിൽ പറ്റിയ ഓരോ തെറ്റും ഈ വീഡിയോയിൽ ചൂണ്ടി കാണിക്കുന്നുണ്ട്. ഒപ്പം ആവശ്യകത എന്താണ് എന്ന് മനസിലാകാത്ത രംഗങ്ങളെയും കഥാപാത്രങ്ങളെയും ഈ വീഡിയോയിൽ ഉൾക്കൊള്ളിച്ചിട്ടുണ്ട്.

എസ്.എൻ സ്വാമി രചന നിർവഹിച്ച ഈ ചിത്രം നിർമ്മിച്ചിരിക്കുന്നത് സ്വർഗ്ഗചിത്ര അപ്പച്ചൻ ആണ്. മമ്മൂട്ടിയെ കൂടാതെ മുകേഷ്, സായ്കുമാർ ,ജഗതി ശ്രീകുമാർ , സൗബിൻ ഷാഹിർ , സുദേവ്, അനൂപ് മേനോൻ , രമേശ് പിഷാരടി, രഞ്ജി പണിക്കർ , അൻസിബ, ആശ ശരത്ത് എന്നിവരും ഈ ചിത്രത്തിൽ വേഷമിടുന്നുണ്ട്. അഖിൽ ജോർജ്ജ് ആണ് ചിത്രത്തിന്റെ ക്യാമറമാൻ . എ. ശ്രീകർ പ്രസാദ് ആണ് ചിത്രം എഡിറ്റ് ചെയ്തിരിക്കുന്നത്.