റാണ ദഗ്ഗുബതി – സായ് പല്ലവി താര ജോടികൾ ഒന്നിക്കുന്ന ചിത്രമാണ് വിരാടപർവ്വം . വേണു ഉഡുഗുല സംവിധാനം ചെയ്യുന്ന ഈ ചിത്രം ജൂൺ 17 ന് ആണ് പ്രദർശനത്തിന് എത്തുന്നത്. ഇപ്പോഴിതാ ഈ ചിത്രത്തിലെ ഒരു ലെറിക്കൽ വീഡിയോ പുറത്തുവിട്ടിരിക്കുകയാണ്. നഗാദാരിലോ എന്ന വരികളോടെ തുടങ്ങുന്ന ഗാനമാണ് ഇപ്പോൾ റിലീസ് ചെയ്തിരിക്കുന്നത്.

ലഹാരി മ്യൂസിക് ടി – സീരീസ് എന്ന യൂടൂബ് ചാനലിലൂടെയാണ് ഈ വീഡിയോ പുറത്തുവിട്ടിരിക്കുന്നത്. ലെറിക്കൽ വീഡിയോ ആണെങ്കിലും ചിത്രത്തിലെ ഒന്ന് രണ്ട് രംഗങ്ങളും ഇതിൽ ഉൾപ്പെടുത്തിയിട്ടുണ്ട്. റാണ ദഗ്ഗുബതിയും സായ് പല്ലവിയും തന്നെയാണ് ഗാനരംഗത്തിൽ നിറഞ്ഞ് നിൽക്കുന്നത് . ഈ വീഡിയോയിൽ കാടിനുള്ളിലെ രംഗങ്ങളാണ് കൂടുതലായും കാണിച്ചിരിക്കുന്നത്.

ദ്യാവരി നരേന്ദർ റെഡ്ഡി, സഹാപതി എന്നിവർ വരികൾ രചിച്ച ഈ ഗാനം ഒരുക്കിയിരിക്കുന്നത് സുരേഷ് ബൊബ്ബിലി ആണ്. ഈ ഗാനം ആലപിച്ചരിക്കുന്നത് വരം ആണ് . ഈ ചിത്രത്തിന്റെ രചന നിർവഹിച്ചിരിക്കുന്നത് സംവിധായകൻ വേണു ഉഡുഗുല തന്നെയാണ്. തെലങ്കാന മേഖലയിലെ നെക്സലൈറ്റ് പ്രസ്ഥാനത്തിന്റെ പശ്ചാത്തലത്തിലാണ് ഈ ചിത്രം ഒരുക്കുന്നത്. പ്രിയാമണി, നവീൻ ചന്ദ്ര, സറീന വഹാബ്, നന്ദിത ദാസ് എന്നിവരാണ് ചിത്രത്തിലെ മറ്റ് താരങ്ങൾ .

ബോളിവുഡിൽ ഒരുങ്ങി കൊണ്ടിരിക്കുന്ന ഒരു ബ്രാഹ്മാണ്ഡ ചിത്രമാണ് ബ്രഹ്മാസ്ത്ര . ഈ ചിത്രത്തിന്റെ ഒരു സ്പെഷ്യൽ വീഡിയോ പുറത്തുവിട്ടിരിക്കുകയാണ് ഇപ്പോൾ അണിയറ പ്രവർത്തകർ . അയൻ മുഖർജി സംവിധാനം ചെയ്യുന്ന ഈ ഫാന്റസി ചിത്രത്തിൽ കേന്ദ്ര കഥാപാത്രങ്ങളെ അവതരിപ്പിക്കുന്നത് ആലിയ ഭട്ടും റൺബീർ കപൂറുമാണ്. കേന്ദ്ര കഥാപാത്രങ്ങളെ പ്രേക്ഷകർക്ക് മുന്നിൽ വെളിപ്പെടുത്തുന്ന ഈ വീഡിയോയ്ക്ക് 35 സെക്കന്റ് മാത്രമാണ് ദൈർഘ്യമുള്ളത്. ആലിയ ഭട്ട് , റൺബീർ കപൂർ എന്നിവർക്കൊപ്പം അമിതാഭ് ബച്ചൻ , മൗനി റോയ്, നാഗാർജ്ജുന എന്നിവരും ഈ വീഡിയോയിൽ എത്തുന്നുണ്ട്.

മൂന്ന് ഭാഗങ്ങളായാണ് ഈ ചിത്രം ഒരുങ്ങുന്നത്. ഈ ഫാന്റസി ട്രൈലോജിയിലെ ആദ്യ ഭാഗമായ “ബ്രഹ്മാസ്‌ത്ര പാർട്ട് : 1 ശിവ”യുടെ സ്പെഷ്യൽ വീഡിയോ ആണ് അണിയറ പ്രവർത്തകർ ഇപ്പോൾ റിലീസ് ചെയ്തത്. ഈ വീഡിയോയിൽ ചിത്രത്തിന്റെ ട്രൈലർ പുറത്തിറക്കുന്ന തീയ്യതിയും കാണിക്കുന്നുണ്ട്. ജൂൺ പതിനഞ്ചിനാണ് ചിത്രത്തിന്റെ ട്രൈലർ റിലീസ് ചെയ്യുന്നത്.

2022 സെപ്തംബർ 9 ന് തിയറ്ററുകളിൽ പ്രദർശനത്തിന് എത്താൻ ഒരുങ്ങുന്ന ഈ ചിത്രം ഹിന്ദി, തമിഴ്, തെലുങ്ക്, കന്നഡ, മലയാളം എന്നീ ഭാഷകളിലായാണ് റിലീസ് ചെയ്യുന്നത്. ഈ ചിത്രം നിർമ്മിക്കുന്നത് സ്റ്റാർ സ്റ്റുഡിയോസ് , സ്റ്റാർ ലൈറ്റ് പിക്ച്ചേഴ്സ് , ധർമ്മ പ്രൊഡക്ഷൻസ്, പ്രൈം ഫോക്കസ് എന്നിവ ചേർന്നാണ്. എസ് എസ് രാജമൗലി ആണ് തെന്നിന്ത്യൻ ഭാഷകളിൽ ചിത്രത്തിന്റെ വിതരണാവകാശം സ്വന്തമാക്കിയിരിക്കുന്നത്. ആ പേരിലും ഈ ചിത്രം വലിയ ഹൈപ്പാണ് നേടുന്നത്.

എസ്. ജെ സൂര്യയെ കേന്ദ്ര കഥപാത്രമാക്കി രാധാ മോഹൻ ഒരുക്കുന്ന ഏറ്റവും പുതിയ ചിത്രമാണ് ബൊമൈ . ഈ ചിത്രത്തിന്റെ ഒഫീഷ്യൽ ട്രൈലർ ഇപ്പോൾ പുറത്തു വിട്ടിരിക്കുകയാണ്. തിങ്ക് മ്യൂസിക് ഇന്ത്യ എന്ന യൂടൂബ് ചാനലിലൂടെ ഈ വീഡിയോ പുറത്തു വിട്ടിരിക്കുന്നത്.

എസ്. ജെ സൂര്യയുടെ ഒരു മനോഹര പ്രകടനം തന്നെയാണ് ഈ ട്രൈലറിൽ കാണാൻ സാധിക്കുന്നത് . ഇതൊരു റൊമാന്റിക് ത്രില്ലർ ചിത്രമാണെന്ന് ഇതിന്റെ ട്രൈലറിൽ നിന്നും മനസ്സിലാക്കാം . താൻ ജോലി ചെയ്യുന്ന കടയിലെ ഡിസ്പ്ലേ ബൊമ്മയെ ഒരു സ്ത്രീയോട് സങ്കൽപ്പിച്ച് , അതിനെ സംരക്ഷിക്കാൻ എന്തും ചെയ്യാൻ തയ്യാറാകുന്ന ഒരു കഥാപാത്രത്തെയാണ് എസ്.ജെ സൂര്യ ഈ ചിത്രത്തിൽ അവതരിപ്പിക്കുന്നത്. നായകന്റെ സങ്കൽപ്പത്തിലെ സ്ത്രീ രൂപത്തെ അവതരിപ്പിക്കുന്നത് നടി പ്രിയ ഭാവ്നി ശങ്കർ ആണ്. എസ്.ജെ സൂര്യയും പ്രിയയും ഒന്നിച്ചെത്തുന്ന രണ്ടാമത്തെ ചിത്രമാണിത് . 2019 ൽ പുറത്തിറങ്ങിയ മോൺസ്റ്റർ എന്ന ചിത്രത്തിലാണ് ഇവർ ആദ്യമായി ഒന്നിക്കുന്നത് .

കർക്കി വരികൾ രചിച്ച ഈ ചിത്രത്തിലെ ഗാനങ്ങൾ ഒരുക്കിയിരിക്കുന്നത് യുവൻ ശങ്കർ രാജ ആണ്. ചിത്രത്തിന്റെ രചന നിർവഹിച്ചിരിക്കുന്നത് എം.ആർ പാർത്ഥിപൻ ആണ്. കനൽ കണ്ണൻ ആണ് ചിത്രത്തിലെ ആക്ഷൻ രംഗങ്ങൾ ഒരുക്കിയിരിക്കുന്നത്. ഏഞ്ചൽ സ്റ്റുഡിയോസ് നിർമ്മിക്കുന്ന ഈ ചിത്രത്തിന്റെ നിർമ്മാതാക്കൾ വി. മരുതു പാണ്ഡ്യൻ , ഡോ. ജാസ്മിൻ സന്തോഷ്, ഡോ. ദീപ ടി. ദുരൈ എന്നിവരാണ്. എഡിറ്റിംഗ് കൈകാര്യം ചെയ്തിരിക്കുന്നത് അന്തോണി ആണ്.

സത്യൻ അന്തിക്കാട് – ജയറാം കൂട്ടുകെട്ടിൽ പിറന്ന ചിത്രമാണ് മകൾ . ഏപ്രിൽ 29 ന് റിലീസ് ചെയ്ത ഈ ചിത്രത്തിലൂടെയാണ് നടി മീരാ ജാസ്മിൻ തന്റെ തിരിച്ചു വരവ് നടത്തിയത്. സത്യൻ അന്തിക്കാടിന്റെ സ്ഥിരം ശൈലി കുടുംബ ചിത്രമാണ് മകളും. ഈ ചിത്രത്തിലെ ഒരു രംഗത്തിന്റെ പിന്നാമ്പുറ കാഴ്ചകൾ ഒരുക്കിയ ഒരു വീഡിയോ ഇപ്പോൾ പുറത്തുവിട്ടിരിക്കുകയാണ്.

ജയറാമും യുവതാരം നസ്ലീനും തമ്മിലുള്ള കോമ്പിനേഷൻ സീനാണ് ഈ വീഡിയോയിൽ . “മാപ്പക്കണം അങ്കിൾ; ഞാൻ ബംഗാളി അല്ല , വാഴക്കാലയിൽ ഉള്ള ഒരു മലയാളിയാ…. “എന്ന് പറയുന്ന നസ്ലീന്റെ രസകരമായ സീനിന്റെ പിന്നാമ്പുറ കാഴ്ചകളാണ് ഈ വീഡിയോയിൽ . ഡയലോഗിനിടയിൽ തെറ്റുന്നതും ഓരോ തവണ വളരെയധികം ഡെടിക്കേഷനോടെ നസ്ലീൻ അത് അവതരിപ്പിക്കുന്നതും ഈ വീഡിയോയിൽ കാണാം.

നസ്ലീന് കൂടുതലും ലെങ്ത്തി ഷോട്സ് ആണ് സിനിമയിൽ ലഭിച്ചിരുന്നത്. ഡയലോഗ് കംപ്ലീറ്റ് പഠിച്ചാണ് അവതരിപ്പിച്ചിരുന്നത് , കട്ട് ഇല്ല . കൂടാതെ ഇതിന് ഡബ്ബിംഗും ഇല്ല , ഷൂട്ടിംഗ് ടൈമിൽ തന്നെയാണ് സൗണ്ട് റെക്കോർഡ് ചെയ്തിരുന്നത്. അതിനാൽ ചെറിയ തെറ്റ് വന്നാൽ പോലും വീണ്ടും ടേക്ക് എടുക്കേണ്ടി വരുമെന്നും ഓരോ തവണ എടുക്കുമ്പോഴും നസ്ലീന്റെ ഹ്യൂമർ ഒട്ടും കുറഞ്ഞിരുന്നില്ല എന്നും ഈ വീഡിയോയിൽ പറയുന്നു.

പ്രേക്ഷകരെ ആകാംഷയുടെ മുൾ മുനയിൽ നിർത്തി വീണ്ടും നടൻ ഇന്ദ്രൻസിന്റെ മറ്റൊരു മികച്ച പ്രകടനം . ഉടൽ എന്ന ചിത്രത്തിലെ ഗംഭീര പ്രകടനത്തിന് ശേഷം ഒരുങ്ങുന്ന അദ്ദേഹത്തിന്റെ പുത്തൻ ചിത്രമാണ് വാമനൻ . ഒരു സൈക്കോ ഹൊറർ ത്രില്ലർ ആയി ഒരുക്കിയിരിക്കുന്ന ഈ ചിത്രം സംവിധാനം ചെയ്തിരിക്കുന്നത് എ ബി ബിനിൽ ആണ്.

ഈ ചിത്രത്തിന്റെ ഒഫീഷ്യൽ ടീസർ ഈ അടുത്താണ് പുറത്തിറങ്ങിയത്. ടീസർ രംഗങ്ങളിൽ നടൻ ഇന്ദ്രൻസിനേയും കുറേ പേടിപ്പെടുത്തുന്ന ദൃശ്യങ്ങളുമാണ് കാണാൻ സാധിക്കുന്നത്. കാടുകയറി കിടക്കുന്ന ഒരു പള്ളിയിലേക്ക് രാത്രി കടന്നു വരുന്ന ഇന്ദ്രൻസിനേയും തൊട്ടുപിന്നാലെ അച്ഛാ എന്ന ഒരു വിളിയും ടീസറിൽ കേൾക്കാം. തുടർന്ന് ഭയപ്പെടുത്തുന്ന രംഗങ്ങളാണ് ടീസറിൽ ഉൾക്കൊള്ളിച്ചിട്ടുള്ളത്. മൂവി ഗാങ്ങ് എന്ന യൂട്യൂബ് ചാനലിലൂടെയാണ് ഈ വീഡിയോ പുറത്തുവിട്ടിരിക്കുന്നത്. ഇന്ദ്രൻസേട്ടന്റെ മറ്റൊരു ഗംഭീര പ്രകടനം കാണാനുള്ള കാത്തിരിപ്പിലാണ് ആരാധകർ.

സംവിധായകൻ എ ബി ബിനിൽ തന്നെയാണ് ചിത്രത്തിന്റെ രചന നിർവഹിച്ചിരിക്കുന്നത് . മൂവി ഗാങ് പ്രൈവറ്റ് ലിമിറ്റഡിന്റെ ബാനറിൽ ഒരുങ്ങുന്ന ഈ ചിത്രം നിർമ്മിക്കുന്ന അരുൺ ബാബു കെ ബി , സമ അലി എന്നിവർ ചേർന്നാണ്. നിതിൻ ജോർജ് ആണ് ചിത്രത്തിലെ ഗാനങ്ങൾ ഒരുക്കിയിട്ടുള്ളത്. എഡിറ്റിംഗ് കൈകാര്യം ചെയ്തിരിക്കുന്നത് സനൽ രാജ് ആണ്.

തിയറ്ററുകളിൽ പ്രേക്ഷക ശ്രദ്ധ നേടി മുന്നേറുന്ന ചിത്രമാണ് വരയന്‍. മെയ് 20 ന് ആണ് ചിത്രം തിയേറ്ററുകളില്‍ പ്രദർശനത്തിന് എത്തിയത്. നവാഗതനായ ജിജോ ജോസഫ് ഒരുക്കിയ ഈ ചിത്രത്തിൽ സിജു വില്‍സണ്‍ ആണ് കേന്ദ്ര കഥാപാത്രത്തെ അവതരിപ്പിച്ചിരികുന്നത്. സിജു വിൽസൺ എബി കപ്പൂച്ചിൻ എന്ന വൈദികന്റെ വേഷത്തിൽ ആണ് ചിത്രത്തിൽ എത്തുന്നത്. സിജു വിൽസൺ നായകനായി എത്തുന്ന രണ്ടാമത്തെ ചിത്രമാണിത്.

കുടുംബ പ്രേക്ഷകർ ഇരുകൈയ്യും നീട്ടി സ്വീകരിച്ച ഈ ചിത്രത്തിലെ സ്നീക്ക് പീക്ക് വീഡിയോ , പ്രൊമോ വീഡിയോ എന്നിവ സോഷ്യൽ മീഡിയ വഴി പുറത്തുവിട്ടിരുന്നു. കഴിഞ്ഞ ദിവസമാണ് ചിത്രത്തിന്റെ രണ്ടാമത്തെ പ്രൊമോ വീഡിയോ പ്രേക്ഷകർക്കായി പുറത്തുവിട്ടത് . ഈ വീഡിയോയിൽ പള്ളിക്കുള്ളിൽ സംസാരിക്കുന്ന മണിയൻപിള്ള രാജുവിനേയും ജോയ് മാത്യുവിനേയും ആണ് കാണാൻ സാധിച്ചത്.

ഇപ്പോഴിതാ ചിത്രത്തിലെ മൂന്നാമത്തെ പ്രൊമോ വീഡിയോയും പുറത്തു വിട്ടിരിക്കുകയാണ് . ഈ സീനിൽ ചിത്രത്തിലെ നായിക ലിയോണ ലിഷോയും മണിയൻപിള്ള രാജുവും തമ്മിലുള്ള കോമ്പിനേഷൻ സീൻ ആണ് കാണിച്ചു തരുന്നത് . ഓരോ വീഡിയോയിലൂടെയും ചിത്രത്തിലെ ഓരോ കഥാപാത്രങ്ങളയും പരിചയപ്പെടുത്തുകയാണ് അണിയറ പ്രവർത്തകർ. “ഈ നാട്ടുകാരോടും കിളവൻ അച്ചൻമാരോടും കളിച്ച കളിയും കൊണ്ട് നല്ല ചുള്ളൻ ചെക്കന്മാർടെ അടുത്ത് ചെന്നാലേ ഇസ്താക്കി അണ്ണൻ വെവരറിയും ” ലിയോണ പറയുന്ന ഈ ഡയലോഗ് ആണ് ഈ വീഡിയോയുടെ ഹൈലൈറ്റ്.

ആസിഫ് അലി , സണ്ണി വെയ്ൻ, ഷറഫുദീൻ എന്നിവർ കേന്ദ്ര കഥാപാത്രങ്ങളായി എത്തുന്ന ഏറ്റവും പുതിയ ചിത്രമാണ് കുറ്റവും ശിക്ഷയും. രാജീവ് രവി സംവിധാനം ചെയ്യുന്ന ഈ ചിത്രം മെയ് 27 ന് ആണ് തിയറ്ററുകളിൽ എത്തിയത്. ഈ ചിത്രത്തിന്റെ ഒരു സ്നീക്ക് പീക്ക് വീഡിയോ ഇപ്പോൾ റിലീസ് ചെയ്തിരിക്കുകയാണ്. ഒരു മിനിട്ട് ദൈർഘ്യമുള്ള ഈ വീഡിയോയിൽ പോലീസുകാരനായ ആസിഫ് അലിയെ ആണ് കാണാൻ സാധിക്കുന്നത് .

ഒരു ഇൻവസ്റ്റിഗേഷൻ ത്രില്ലർ ആയാണ് കുറ്റവും ശിക്ഷയും എന്ന ചിത്രം സംവിധായകൻ ഒരുക്കിയിട്ടുള്ളത്. ചിത്രത്തിൽ അലൻസിയർ ലോപ്പസ്, സെന്തിൽ കൃഷ്ണ, ദിനേഷ് പ്രധാൻ , ശ്രിദ്ധ തുടങ്ങയവരും ശ്രദ്ധേയ വേഷങ്ങളിൽ എത്തുണ്ട്.

സിബി തോമസ്, ശ്രീജിത്ത് ദിവാകരൻ എന്നിവർ ചേർന്നാണ് ഈ ചിത്രത്തിന്റെ രചന നിർവ്വഹിച്ചിരിക്കുന്നത്. സുരേഷ് രാജൻ ആണ് ചിത്രത്തിന്റെ ഛായഗ്രഹണം കൈകാര്യം ചെയ്തിരിക്കുന്നത് . അരുൺ കുമാർ വി.ആർ ആണ് ഈ ചിത്രം നിർമ്മിക്കുന്നത് . അജിത് കുമാർ ആണ് എഡിറ്റിംഗ് നിർവഹിച്ചിരിക്കുന്നത്. ഈ വീഡിയോ പുറത്തിറങ്ങി മണിക്കൂറുകൾ പിന്നിടുമ്പോഴേക്കും നിരവധി കാഴ്ചക്കാരെയാണ് നേടിയത്. ആസിഫ് അലിയുടെ അഭിനയത്തെ പ്രശംസിച്ച് നിരവധി ആരാധകരാണ് വീഡിയോയ്ക്ക് താഴെ കമന്റുകൾ രേഖപ്പെടുത്തിയിരിക്കുന്നത്.

മെയ് 20 ന് തിയേറ്ററുകളില്‍ പ്രദർശനത്തിന് എത്തിയ ചിത്രമാണ് വരയന്‍ . ഈ ചിത്രത്തിൽ നായകനായി ശോഭിച്ചത് നടൻ സിജു വില്‍സണ്‍ ആണ് . മികച്ച പ്രേക്ഷക പ്രതികരണമാണ് ഈ കുടുംബ ചിത്രം സ്വന്തമാക്കിയത്. ഇപ്പോഴിതാ ഈ ചിത്രത്തിന്റെ രണ്ടാമത്തെ പ്രൊമോ വീഡിയോ ഇപ്പോൾ റിലീസ് ചെയ്തിരിക്കുകയാണ്. പള്ളിക്കുള്ളിൽ ഒരുക്കിയ ഈ സീനിൽ കാണാൻ സാധിക്കുന്നത് മണിയൻപിള്ള രാജുവിനേയും ജോയ് മാത്യുവിനേയും ആണ്. ഒരു വൈദികന്റെ വേഷത്തിലാണ് ജോയ് മാത്യു ചിത്രത്തിൽ എത്തുന്നത്.

നവാഗതനായ ജിജോ ജോസഫ് ആണ് ഈ ചിത്രത്തിന്റെ സംവിധായകൻ. ചിത്രത്തിൽ സിജു വിത്സൺ എബി കപ്പൂച്ചിൻ എന്ന വൈദികന്റെ വേഷത്തിൽ ആണ് എത്തുന്നത്. സിജു വില്‍സണ്‍ ആദ്യമായി നായകനായി എത്തുന്നത് ഒമര്‍ ലുലു ചിത്രം ഹാപ്പി വെഡ്ഡിംഗിൽ ആണ് .

സിജു ഇതുവരെ അവതരിപ്പിച്ച കഥാപാത്രങ്ങളിൽ നിന്നും വ്യത്യസ്തമായി ഒരു ഒരു കിടിലൻ ഹീറോ ആയാണ് വരയനിൽ എത്തിയിരിക്കുന്നത്. ഡാനി കപ്പുചിൻ ആണ് ഈ ചിത്രത്തിന്റെ തിരക്കഥയും സംഭാഷണങ്ങളും ഒരുക്കിയിരിക്കുന്നത് . സത്യം സിനിമാസിന്റെ ബാനറിൽ ഒരിങ്ങിയ ഈ ചിത്രം പ്രേമചന്ദ്രൻ എ.ജിയാണ് നിർമ്മിച്ചിരിക്കുന്നത് . ചിത്രത്തിൽ മണിയൻപിള്ള രാജു, ജോയ് മാത്യു, വിജയരാഘവൻ ,ജൂഡ് ആന്തണി ജോസഫ് , അരിസ്റ്റോ സുരേഷ് എന്നിവരും അഭിനയിക്കുന്നുണ്ട്. ലിയോണ ലിഷോയ് ആണ് ഈ ചിത്രത്തിലെ നായിക.

ബിസിനസ്സ്മാൻ ലെജൻഡ് ശരവണൻ ഒട്ടേറെ പരസ്യങ്ങളിലൂടെ ശ്രദ്ധേയനായ താരമാണ് . ഇദ്ദേഹം നായകനായെത്തുന്ന ആദ്യ ചിത്രമാണ് ദി ലെജൻഡ്. ഈ ചിത്രം സംവിധാനം ചെയ്യുന്നത് ജെ ഡി ആൻഡ് ജെറി എന്നീ സംവിധായകർ ചേർന്നാണ് . നായകനായ ലെജൻഡ് ശരവണൻ തന്നെയാണ് ഈ ചിത്രം നിർമ്മിക്കുന്നത്. ഈ ചിത്രത്തിന്റെ ടീസറും ഇതിലെ ഗാനങ്ങളും നേരത്തെ തന്നെ റിലീസ് ചെയ്യുകയും അവ വളരെയധികം പ്രേക്ഷക ശ്രദ്ധ നേടുകയും ചെയ്തിരുന്നു. ഇപ്പോഴിതാ പ്രേക്ഷകർക്കായി ഈ ചിത്രത്തിന്റെ ട്രൈലെർ പുറത്തു വിട്ടിരിക്കുകയാണ്. പതിനാറു മണിക്കൂർ മുൻപ് തിങ്ക് മ്യൂസിക് ഇന്ത്യയുടെ യൂട്യൂബ് ചാനലിലൂടെ പുറത്തുവിട്ട ഈ ട്രെയിലറിന് ഇതിനോടകം കൊണ്ട് 36 ലക്ഷത്തോളം കാഴ്ചക്കാരെ സ്വന്തമാക്കാൻ സാധിച്ചു .

പി വേൽരാജ് ആണ് ഈ ചിത്രത്തിന്റെ ക്യാമറമാൻ . എഡിറ്റിംഗ് കൈകാര്യം ചെയ്തിരിക്കുന്നത് റൂബൻ ആണ്. നൃത്ത സംവിധാനം നിർവഹിച്ചിരിക്കുന്നത് രാജു സുന്ദരം, ബ്രിന്ദ മാസ്റ്റർ, ദിനേശ് മാസ്റ്റർ എന്നിവർ ചേർന്നാണ്. ഈ ചിത്രത്തിന് സംഭാഷണങ്ങൾ രചിച്ചിരിക്കുന്നത് പട്ടുകോട്ടൈ പ്രഭാകർ ആണ് .

ഈ ചിത്രത്തിൽ ഉർവശി റൗട്ടല്ല ആണ് നായികാ വേഷം ചെയ്തിരിക്കുന്നത്. പ്രഭു, വിവേക്, നാസർ, കോവൈ സരള, ഗീതിക, വിജയകുമാർ, യോഗി ബാബു എന്നിവരും പ്രധാന വേഷങ്ങളിൽ എത്തുന്നു. ഈ ചിത്രം ഒരുക്കിയിരിക്കുന്നത് സയൻസ് ഫിക്ഷന് പ്രാധാന്യമുള്ള രീതിയിലാണ് . എന്നാൽ ട്രൈലെറിൽ നിന്നും സയൻസ് ഫിക്ഷനൊപ്പം തന്നെ എല്ലാവിധ കൊമേർഷ്യൽ ചേരുവകളും ഇതിലുണ്ടെന്നു മനസ്സിലാക്കി തരുന്നുണ്ട്. ട്രൈലെർ പ്രകാരം ദി ലെജൻഡ് എന്ന ചിത്രം ആക്ഷനും കോമേഡിയും പ്രണയവും നൃത്തവുമെല്ലാം ഉൾപ്പെടുത്തിയ ഒരു മാസ്സ് എന്റെർറ്റൈനെർ തന്നെയാണ് എന്ന് മനസ്സിലാക്കാം. ഈ ചിത്രത്തിലെ മോസലോ മൊസല് എന്ന ഹാരിസ് ജയരാജ് സംഗീതമൊരുക്കിയ ഗാനത്തിന്റെ വീഡിയോ സൂപ്പർ ഹിറ്റായി മാറിയിരുന്നു.

മെഗാ സ്റ്റാർ മമ്മൂട്ടി പ്രധാന വേഷം ചെയ്യുന്ന ഏറ്റവും പുതിയ ചിത്രമാണ് റോഷാക്. ആസിഫ് അലിയെ നായകനാക്കി ഒരുക്കിയ കെട്ട്യോളാണെന്റെ മാലാഖ എന്ന സൂപ്പർ ഹിറ്റ് ചിത്രത്തിലൂടെ അരങ്ങേറ്റം കുറിച്ച് പ്രേക്ഷക ശ്രദ്ധ നേടിയ നിസാം ബഷീർ ആണ് റോഷാക് സംവിധാനം ചെയ്യുന്നത്. ഈ ചിത്രത്തിന്റെ ഫസ്റ്റ് ലുക്ക് പോസ്റ്റർ വളരെയധികം പ്രേക്ഷക ശ്രദ്ധയാണ് നേടിയെടുത്തത്. റോഷാക് നിർമ്മിക്കുന്നത് മമ്മൂട്ടി കമ്പനിയുടെ ബാനറിൽ അദ്ദേഹം തന്നെയാണ്. അദ്ദേഹത്തിന്റെ പുതിയ ബാനറായ മമ്മൂട്ടി കമ്പനി ബാനറിൽ നിർമ്മിക്കുന്ന രണ്ടാമത്തെ ചിത്രമാണ് ഇത് .

ഈ ചിത്രത്തിന്റെ ഫസ്റ്റ് ലുക്ക് പോസ്റ്റർ ഏറെ പ്രത്യേകതകൾ നിറഞ്ഞ രീതിയിലാണ് എത്തിയത്. പുറത്തു വന്ന പോസ്റ്ററിൽ മമ്മൂട്ടിയുടെ മുഖം ഒരു കവറിട്ടു മറച്ചിരിക്കുന്നതായി കാണാം. അദ്ദേഹത്തിന്റെ കണ്ണുകൾ മാത്രമാണ് പുറത്തു കാണാൻ സാധിക്കുന്നത് . ഇപ്പോഴിതാ, മമ്മൂട്ടി ആ പോസ്റ്റർ ഉണ്ടാക്കിയ ഫോട്ടോഷൂട്ട് വീഡിയോ പുറത്തുവിട്ടിരിക്കുകയാണ് . ഈ വീഡിയോ അദ്ദേഹം റിലീസ് ചെയ്തിരിക്കുന്നത് തന്റെ സോഷ്യൽ മീഡിയ പേജുകളിലൂടെയാണ് .

ഒരു സൈക്കോളജിക്കൽ ത്രില്ലർ ആയി ഒരുക്കുന്ന ഈ ചിത്രത്തിൽ മമ്മൂട്ടിയോടൊപ്പം ഷറഫുദ്ധീൻ, ജഗദീഷ്, ഗ്രേസ് ആന്റണി, ബിന്ദു പണിക്കർ, കോട്ടയം നസീർ , സഞ്ജു ശിവറാം,തുടങ്ങിയവരും വേഷമിടുന്നു. നിമീഷ് രവി ആണ് ചിത്രത്തിന്റെ ഛായാഗ്രഹണം നിർവഹിച്ചിരിക്കുന്നത്. കിരൺ ദാസ്, ആണ് ഈ ചിത്രത്തിന്റെ ചിത്ര സംയോജനം നിർവഹിക്കാൻ പോകുന്നത് . ചിത്രത്തിനായി സംഗീതമൊരുക്കുന്നത് മിഥുൻ മുകുന്ദൻ ആണ്. സമീർ അബ്ദുൽ ആണ് ചിത്രത്തിന്റെ രചന നിർവഹിച്ചിരിക്കുന്നത്. ബാദുഷയാണ് ഈ ചിത്രത്തിന്റെ സഹനിർമ്മാതാവ് . ലിജോ ജോസ് പെല്ലിശ്ശേരിയൊരുക്കിയ നൻപകൽ നേരത്തു മയക്കമാണ് മമ്മൂട്ടി കമ്പനി എന്ന പുതിയ ബാനറിൽ മമ്മൂട്ടി നിർമ്മിച്ച ആദ്യ ചിത്രം . ആ ചിത്രം ഇതുവരെയും പുറത്തിറങ്ങിയിട്ടില്ല.