അഭിലാഷ് എസ് കുമാർ സംവിധാനം ചെയ്ത് മലയാളത്തിലെ യുവതാരം ശ്രീനാഥ് ഭാസി നായകനായി എത്തുന്ന ഏറ്റവും പുതിയ ചിത്രമാണ് ചട്ടമ്പി. ഈ ചിത്രത്തിന്റെ ഒഫീഷ്യൽ ടീസർ ഇപ്പോൾ പുറത്തുവിട്ടിരിക്കുകയാണ്. ടീസറിൽ ഒരു വീട്ടിനകത്ത് നിന്ന് സംസാരിക്കുന്ന ശ്രീനാഥ് ഭാസിയേയും ഒരു പെൺകുട്ടിയേയുമാണ് കാണാൻ സാധിക്കുന്നത്. അവരുടെ സംഭാഷണത്തിൽ നിന്നും വസ്ത്രധാരണത്തിൽ നിന്നും ഈ സിനിമ 1994-95 കാലഘട്ടത്തിലാണ് നടന്നതെന്ന് മനസിലാക്കാം.

ശ്രീനാഥ് ഭാസിയെ കൂടാതെ ചെമ്പൻ വിനോദ് ജോസ് , ഗ്രേസ് ആന്റണി, മൈഥിലി, ഗുരു സോമസുന്ദരം, ബിനു പപ്പു എന്നിവരും പ്രധാന വേഷങ്ങളിൽ എത്തുന്നു. മ്യൂസിക്ക് 247 എന്ന യൂടൂബ് ചാനലിലൂടെയാണ് ഈ വീഡിയോ ഇപ്പോൾ പുറത്തുവിട്ടിരിക്കുന്നത്. ഒട്ടേറെ ആരാധകരാണ് വീഡിയോയ്ക്ക് താഴെ കമന്റുകൾ രേഖപ്പെടുത്തിയിരിക്കുന്നത്. ശ്രീനാഥ് ഭാസിയുടെ മറ്റൊരു മികച്ച പ്രകടനം കൂടെ കാണാനുള്ള ആകാംഷയിലാണ് പ്രേക്ഷകർ .

ഡോൺ പാലത്തറയുടെ കഥയ്ക്ക് തിരക്കഥയും സംഭാഷണവും തയ്യാറാക്കിയിരിക്കുന്നത് അലക്സ് ജോസഫ് ആണ് . ആസിഫ് യോഗിയാണ് ഈ ചിത്രം നിർമ്മിക്കുന്നത്. സിറാജ്, സന്ദീപ്, ഷനിൽ, ജെസ്ന അഷിം എന്നിവർ ചിത്രത്തിന്റെ സഹ നിർമ്മാതാക്കൾ ആണ്. ഈ ചിത്രത്തിന് സംഗീതം നൽകുന്നത് ശേഖർ മേനോൻ ആണ് . എഡിറ്റിംഗ് കൈകാര്യം ചെയ്തിരിക്കുന്നത് ജോയൽ കവി ആണ്.

ആഷിഖ് അബു സംവിധാനം ചെയ്ത് പുറത്തിറങ്ങിയ നാരദൻ എന്ന ചിത്രത്തിന് ശേഷം ടോവിനോ തോമസ് നായകനായി എത്തുന്ന ഏറ്റവും പുതിയ ചിത്രമാണ് വാശി. ഈ ചിത്രത്തിന്റെ ആദ്യ ടീസർ ഇപ്പോൾ പുറത്തു വന്നു. ഈ ടീസര്‍ റിലീസ് ചെയ്തിരിക്കുന്നത് തിങ്ക് മ്യൂസിക് ഇന്ത്യാ യൂട്യൂബ് ചാനലിലൂടെയാണ്. കീർത്തി സുരേഷ് ആണ് ഈ ചിത്രത്തിൽ നായികാ വേഷം ചെയ്യുന്നത് . ടോവിനോയും കീർത്തിയും ഈ ചിത്രത്തിൽ വക്കീൽ കഥാപാത്രങ്ങളെയാണ് അവതരിപ്പിക്കുന്നത്. ഇവർ അവതരിപ്പിക്കുന്ന കഥാപാത്രങ്ങളുടെ പേര് അഡ്വ. എബിന്‍ ആന്‍ഡ് അഡ്വ. മാധവി എന്നാണ്. ഈ ചിത്രത്തിന്റെ പോസ്റ്ററുകൾ വലിയ പ്രേക്ഷക ശ്രദ്ധ നേടിയിരുന്നു. ഇപ്പോഴിതാ പ്രേക്ഷകർ ഇതിന്റെ ആദ്യ ടീസറും ഏറ്റെടുത്തിരിക്കുകയാണ്.

ഇന്നലെ റിലീസ് ചെയ്ത ഈ ടീസറിന്റെ ദൈര്‍ഘ്യം ഒരു മിനുട്ടും ഇരുപത്തിയൊന്ന് സെക്കന്റ്റുമാണ്. ഈ ടീസർ മുന്നോട്ടു പോകുന്നത് കോടതി മുറിയെ കേന്ദ്രീകരിച്ചാണ് എന്നതും ശ്രദ്ധേയമാണ്. ഇതിന്റെ ഫസ്റ്റ് ലുക്ക് പോസ്റ്റർ റിലീസ് ചെയ്തത് മോഹന്‍ലാല്‍, മഞ്ജു വാര്യര്‍, എ. ആര്‍. റഹ്മാന്‍, തൃഷ, മഹേഷ് ബാബു, സാമന്ത, അഭിഷേക് ബച്ചന്‍ എന്നിവര്‍ ചേർന്നായിരുന്നു .

നവാഗതനായ വിഷ്ണു ജി. രാഘവ് ആണ് ഈ ചിത്രം സംവിധാനം ചെയ്തിരിക്കുന്നത്. ജി സുരേഷ് കുമാർ , മേനക സുരേഷ് കുമാർ എന്നിവർ ചേർന്ന് നിർമ്മിച്ചിരിക്കുന്ന ഈ ചിത്രം രേവതി കലാമന്ദിറിന്റെ ബാനറിൽ ആണ് ഒരുങ്ങുന്നത്. ജൂൺ പതിനേഴിന് പ്രദർശനത്തിന് ഒരുങ്ങുന്ന ഈ ചിത്രം കേരളത്തിൽ വിതരണം ചെയുന്നത് ഉര്‍വശി തിയേറ്റേഴ്സും രമ്യ മൂവീസുമാണ് . വിഷ്ണു ജി രാഘവ് രചന നിർവഹിച്ച ഈ ചിത്രത്തിന്റെ കഥ തയ്യാറാക്കിയിരിക്കുന്നത് ജാനിസ് ചാക്കോ സൈമൺ ആണ്. എഡിറ്റിംഗ് കൈകാര്യം ചെയ്തിരിക്കുന്നത് മഹേഷ് നാരായണന്‍ ആണ്. കൈലാസ് മേനോൻ ആണ് ഈ ചിത്രത്തിന് സംഗീതം ഒരുക്കിയത് . ചിത്രത്തിന്റെ ക്യാമറാമാൻ റോബി വര്‍ഗീസ് രാജ് ആണ് .

മലയാള സിനിമയിലെ യുവ താരങ്ങളിൽ ശ്രദ്ധേയനായ ഷെയിൻ നിഗം പ്രധാന വേഷത്തിൽ എത്തുന്ന ഏറ്റവും പുതിയ ചിത്രമാണ് ഉല്ലാസം. ജീവൻ ജോജോ ആണ് ഈ ചിത്രം സംവിധാനം ചെയ്യുന്നത്. കുറച്ച് നാൾ മുൻപ് ഈ ചിത്രത്തിന്റെ സെൻസറിങ് പൂർത്തിയാകുകയും ഇതിന് ക്ലീൻ യു സർട്ടിഫിക്കറ്റ് ലഭിക്കുകയും ചെയ്തിരുന്നു. ഇപ്പോഴിതാ പ്രേക്ഷകർക്കായി ഇതിന്റെ ആദ്യ ടീസർ ഇന്ന് പുറത്തു വിട്ടിരിക്കുകയാണ്. ഈ ചിത്രത്തിലെ നായികാ വേഷം ചെയ്യുന്നത് പവിത്ര ലക്ഷ്മിയാണ് . ഇതിന്റെ ഫസ്റ്റ് ലുക്ക് പോസ്റ്റർ റിലീസ് ചെയ്തത് കംപ്ലീറ്റ് ആക്ടർ മോഹൻലാൽ ആയിരുന്നു , അതിനാൽ തന്നെ പോസ്റ്റുകൾ വളരെ മികച്ച പ്രേക്ഷക ശ്രദ്ധ നേടിയെടുത്തിരുന്നു. ഒരു കംപ്ലീറ്റ് എന്റെർറ്റൈനെർ ആയ ഈ ചിത്രത്തിൽ രഞ്ജി പണിക്കർ, ദീപക് പരമ്പൊൾ, ബേസിൽ ജോസെഫ്, അജു വർഗീസ് എന്നിവരും പ്രധാന വേഷങ്ങളിൽ എത്തുന്നുണ്ട്. റിപ്പോർട്ടുകൾ പ്രകാരം ഈ ചിത്രം പ്രണയവും ആക്ഷനും കോമെഡിയുമെല്ലാം ചേർത്തൊരുക്കിയ ഒരു മനോഹ ചിത്രമാണ്. ഈ ചിത്രം നിർമ്മിച്ചിരിക്കുന്നത് ജോ കൈതമറ്റം, ക്രിസ്റ്റി കൈതമറ്റം എന്നിവർ ചേർന്നാണ് .

ഊട്ടി, മൂന്നാർ എന്നിവിടങ്ങളിലായാണ് ഈ ചിത്രം പ്രധാനമായും ഷൂട്ട് ചെയ്തിരിക്കുന്നത്. പ്രവീൺ ബാലകൃഷ്ണൻ ആണ് ചിത്രത്തിന്റെ തിരക്കഥ രചിച്ചിരിക്കുന്നത്. ഷാൻ റഹ്മാൻ ആണ് ചിത്രത്തിന് വേണ്ടി സംഗീതമൊരുക്കിയിരിക്കുന്നത്. സ്വരൂപ് ഫിലിപ്പാണ് ചിത്രത്തിന്റെ ക്യാമറമാൻ . എഡിറ്റിംഗ് കൈകാര്യം ചെയ്തിരിക്കുന്നത് ജോൺ കുട്ടിയാണ്.

ഈ അടുത്ത് പുറത്തിറങ്ങിയ ഷെയിൻ നിഗമിന്റെ ചിത്രമായിരുന്നു ശരത് മേനോൻ ഒരുക്കിയ വെയിൽ. തീരത്തിന്റെതായി പുറത്തിറങ്ങാനുള്ള പുത്തൻ ചിത്രങ്ങളാണ് കുർബാനി, ബെർമുഡ, ഖൽബ്, കൂടാതെ നാദിർഷ സംവിധാനം ചെയ്യാൻ പോകുന്ന പുതിയ ചിത്രം എന്നിവയും. ഒറ്റിറ്റി റിലീസായി എത്തിയ ഷെയിനിന്റെ ഭൂതകാലമെന്ന ചിത്രവും വലിയ വിജയം നേടിയിരുന്നു. നടി രേവതിക്ക് ആ ചിത്രത്തിലെ പ്രകടനത്തിനാണ് മികച്ച നടിക്കുള്ള സംസ്ഥാന അവാർഡ് ലഭിച്ചത്.

സൂപ്പർ ഹിറ്റ് സംവിധായകൻ ജിസ് ജോയുടെ സംവിധാന മികവിൽ ഒരുങ്ങിയ ഏറ്റവും പുതിയ ചിത്രമാണ് ഇന്നലെ വരെ. നേരിട്ടുള്ള ഒടിടി റിലീസായി പ്രേക്ഷകരിലേക്ക് എത്താൻ ഒരുങ്ങുന്ന ഈ ചിത്രം സോണി ലൈവിൽ ആണ് സ്ട്രീം ചെയ്യാൻ പോകുന്നത്. ഈ ചിത്രത്തിന്റെ സ്ട്രീമിങ് ആരംഭിക്കുന്നത് ജൂൺ ഒൻപതിനാണ് . ഇപ്പോഴിതാ ഈ ചിത്രത്തിന്റെ ട്രൈലെർ പുറത്തു വന്നിരിക്കുകയാണ്. ഇതിന്റെ ട്രൈലറിൽ നിന്നും ജിസ് ജോയ് ഈ ചിത്രം ഒരുക്കിയിരിക്കുന്നതെന്ന് ഒരു പക്കാ ത്രില്ലറായാണ് എന്ന സൂചനയാണ് നമ്മുക്ക് ലഭിക്കുന്നത്. ചിത്രത്തിൽ ആസിഫ് അലി, റീബ മോണിക്ക ജോൺ, ആന്റണി വർഗീസ്, നിമിഷാ സജയൻ, ശ്രീലക്ഷ്മി, അതുല്യ ചന്ദ്ര , ഇർഷാദ് അലി, റോണി ഡേവിഡ് തുടങ്ങി ഒരു വലിയ താരനിരതന്നെ ഈ ചിത്രത്തിന്റെ ഭാഗമാകുന്നുണ്ട്.

ജിസ് ജോയുടെ സംവിധാന മികവിൽ ഒരുങ്ങിയ സൺ‌ഡേ ഹോളിഡേ, വിജയ് സൂപ്പറും പൗർണ്ണമിയും തുടങ്ങിയ ഹിറ്റ് ചിത്രങ്ങൾക്ക് ശേഷം അദ്ദേഹം തന്റെ പതിവ് ഫീൽ ഗുഡ് ശൈലിയിൽ നിന്നും മാറി ആദ്യമായി ഒരു പക്കാ ത്രില്ലറുമായി എത്തിയിരിക്കുകയാണ്. സൂപ്പർ ഹിറ്റ് ചിത്രങ്ങൾ പ്രേക്ഷകർക്ക് സമ്മാനിച്ച ബോബി- സഞ്ജയ് ടീം ആണ് ഈ ചിത്രത്തിന്റെ തിരക്കഥ ഒരുക്കിയിരിക്കുന്നത്. വലിയ ശ്രദ്ധ നേടിയവ ആയിരുന്നു ഈ ചിത്രത്തിന്റെ ഫസ്റ്റ് ലുക്ക് പോസ്റ്ററുകൾ .

സെൻട്രൽ അഡ്വെർടൈസിങ് എന്ന ബാനറിൽ ഒരുങ്ങുന്ന ഈ ചിത്രം നിർമ്മിക്കുന്നത് മാത്യു ജോർജ് ആണ്. ബാഹുൽ രമേശാണ് ചിത്രത്തിന്റെ ക്യാമറമാൻ. മോഹൻലാൽ- പ്രിയദർശൻ കൂട്ടുകെട്ടിൽ ഇറങ്ങിയ ഒപ്പം എന്ന ബ്ലോക്ക്ബസ്റ്റർ ചിത്രത്തിലെ ഗാനങ്ങളൊരുക്കി പ്രേക്ഷക ശ്രദ്ധ നേടിയ ടീം 4 മ്യൂസിക്സ് ആണ് ഈ ചിത്രത്തിന് സംഗീതമൊരുക്കിയിരിക്കുന്നത്. രതീഷ് രാജ് ആണ് ഈ ചിത്രം എഡിറ്റ് ചെയ്തിരിക്കുന്നത് . ആസിഫ് അലി – ജിസ് ജോയ്‌ കൂട്ടുക്കെട്ടിൽ ഒരുങ്ങുന്ന അഞ്ചാമത്തെ ചിത്രമാണിത്. ജിസ് ജോയുടെ ആദ്യ ചിത്രമായ ബൈസൈക്കിൾ തീവ്സിൽ നായകനായി എത്തിയത് ആസിഫ് അലി ആണ് . തുടർന്ന് സൺ‌ഡേ ഹോളിഡേ, വിജയ് സൂപ്പറും പൗർണ്ണമിയും തുടങ്ങി ചിത്രങ്ങളിലും ആസിഫ് അലി തന്നെയാണ് നായക വേഷം ചെയ്തത്. ഇത് കൂടാതെ ജിസ് ജോയ്- കുഞ്ചാക്കോ ബോബൻ കൂട്ടുകെട്ടിൽ പുറത്തിറങ്ങിയ മോഹൻകുമാർ ഫാൻസ്‌ എന്ന ചിത്രത്തിൽ അതിഥി വേഷത്തിലും ആസിഫ് അലി എത്തി.

ഒരു ത്രികോണ പ്രണയ കഥ പറഞ്ഞ തമിഴ് ചിത്രമാണ് കാത്ത് വാക്കുലെ രണ്ട് കാതൽ. വിഘ്നേഷ് ശിവൻ സംവിധാനം ചെയ്ത ഈ ചിത്രത്തിൽ വിജയ് സേതുപതിയാണ് കേന്ദ്ര കഥാപാത്രമായി എത്തിയത്. ചിത്രത്തിൽ താരത്തിന്റെ നായികമാരായി എത്തിയത് തമിഴിലെ ലേഡി സൂപ്പർസ്റ്റാർ നയൻ താരയും താരറാണി സാമന്ത റൂത്ത് പ്രഭുവുമാണ് . ചിത്രത്തിൽ റാംബോ എന്ന കഥാപാത്രമായി വിജയ് സേതുപതിയും കൺമണി , ഖദീജ എന്ന കഥാപാത്രങ്ങളായി നയൻ താരയും സാമന്തയും എത്തുന്നു. ഇവർ മൂവർക്കും ഇടയിൽ നടക്കുന്ന പ്രണയ കഥയാണ് ചിത്രം തുറന്നുകാട്ടുന്നത്.

ഏപ്രിൽ 28 ന് ആണ് ചിത്രം പ്രദർശനത്തിന് എത്തിയത്. പ്രേക്ഷകരിൽ നിന്ന് സമ്മിശ്ര പ്രതികരണമാണ് ചിത്രം നേടിയത്. എന്നാൽ ചിത്രത്തിലെ ഗാനങ്ങൾക്ക് എല്ലാം വലിയ സ്വീകാര്യതയാണ് ലഭിച്ചത്. ഇപ്പോൾ ചിത്രത്തിലെ നാൻ പിഴൈ എന്ന എന്ന ഗാനം റിലീസ് ചെയ്തിരിക്കുകയാണ്. സോണി മ്യൂസിക് സൗത്ത് എന്ന യൂടൂബ് ചാനലിലൂടെയാണ് ഈ ഗാനം പുറത്തുവിടിരിക്കുന്നത് .

മനോഹരമായ ഒരു റൊമാന്റിക് ഗാനമാണ് നാൻ പിഴൈ. ഗാന രംഗത്തിൽ വിജയ് സേതുപതി – നയൻതാര താരജോഡികൾക്കിടയിലെ പ്രണയമാണ് കാണാൻ സാധിക്കുന്നത് . സംവിധായകൻ വിഘ്നേഷ് ശിവൻ വരികൾ രചിച്ച ഈ ഗാനം ആലപിച്ചിരിക്കുന്നത് രവി ജി , സാഷ തിരുപതി എന്നിവർ ചേർന്നാണ്. ഗാനത്തിന് ഈണം പകർത്തിരിക്കുന്നത് അനിരുദ്ധ് രവിചന്ദറാണ്. ലളിത് കുമാർ നിർമ്മാണം നിർവഹിച്ച ഈ ചിത്രം എഡിറ്റ് ചെയ്തിരിക്കുന്നത് ശ്രീകർ പ്രസാദ് ആണ്.

തന്റെ അഭിനയ മികവ് കൊണ്ടും കഴിവ് കൊണ്ടും മലയാള സിനിമയിൽ തന്റെതായ സ്ഥാനം നേടിയെടുത്ത നടിയാണ് ഭാവന. 2002 മുൽക്കാണ് താരം അഭിനയ രംഗത്ത് സജീവമാകുന്നത്. സഹനടിയായി അഭിനയജീവിതം ആരംഭിച്ച താരം ഇന്ന് മലയാളത്തിന് പുറമേ തമിഴ് ,തെലുങ്ക്, കന്നഡ ഭാഷ ചിത്രങ്ങളിലേയും ശ്രദ്ധേയനായികയായി മാറിയിരിക്കുകയാണ്. 2018 ൽ ആയിരുന്നു താരത്തിന്റെ വിവാഹം. വിവാഹത്തിന് ശേഷം മലയാള സിനിമ രംഗത്ത് നിന്ന് വിട്ടു നിന്നിരിക്കുകയായിരുന്നു താരം. എന്നാൽ കന്നഡ, തെലുങ്ക് ചിത്രങ്ങളിൽ താരം സജീവമായിരുന്നു.

ഇപ്പോൾ മലയാള സിനിമ രംഗത്തേക്ക് നീണ്ട ഒരു ഇടവേളയ്ക്ക് ശേഷം തിരിച്ചുവരവിന് ഒരുങ്ങുകയാണ് നടി . ഒരു ഹ്രസ്വ ചിത്രത്തിലൂടെയാണ് താരം തന്റെ വരവ് അറിയിക്കുന്നത്. “ദ സർവൈവൽ ” എന്നാണ് ചിത്രത്തിന്റെ പേര് . ചിത്രത്തിന്റെ സംവിധായകൻ മാധ്യമ പ്രവർത്തകനായ എസ്.എൻ രജീഷ് ആണ്. മൈക്രോ ചെക്ക് ആണ് ഈ ചിത്രം നിർമ്മിക്കുന്നത്.

ഈ ചിത്രത്തിന്റെ ടീസർ ഇപ്പോൾ പുറത്തുവിട്ടിരിക്കുകയാണ്. ഈ ടീസറിൽ ആഹ്വാനം ചെയ്യുന്നത് അസമത്വത്തിനെതിരെയുള്ള പോരാട്ടം ; തിരിച്ചു വരവിനായുള്ള ഈ പോരാട്ടത്തിൽ എനിക്കൊപ്പം നിങ്ങളും പങ്കുചേരു എന്നതാണ്. ഈ ടീസറിൻ പഞ്ച് ചെയ്യുന്ന ഭാവനയെയാണ് കാണാൻ സാധിക്കുന്നത്. സാമൂഹ്യ മാധ്യമങ്ങളിൽ ഈ ടീസർ വയറലായി മാറുകയാണ്.

സോഷ്യൽ മീഡിയയിൽ വൈറലായി ഡേയ് എന്ന തമിഴ് മ്യൂസിക് ആൽബത്തിലെ ഗാനം . ഗ്ലാമർ പ്രദർശനവുമായി എത്തിയ ഗാനരംഗത്തിൽ അഭിനയിച്ചിരിക്കുന്നത് നടി റിതിക സിങ് ആണ് . ഹിന്ദി, തെലുങ്ക്, തമിഴ് ഭാഷ ചിത്രങ്ങളിൽ അഭിനയിച്ച് ശ്രദ്ധ നേടിയ നടിയാണ് റിതിക . 2016 മുതലാണ് താരം അഭിനയ രംഗത്ത് സജീവമാകുന്നത്.

സതീഷ് കൃഷ്ണൻ സംവിധാനം ചെയ്യുന്ന മ്യൂസിക് ആൽബമാണ് ഡേയ് . ഇൻബരാജ് രാജേന്ദ്രൻ വരികൾ രചിച്ച ഈ ഗാനത്തിന് ഈണം നൽകിയിരിക്കുന്നത് അദ്ദേഹം തന്നെയാണ്. അനുഗ്രഹ റാഫി ആണ് ഈ ഗാനം ആലപിച്ചിരിക്കുന്നത്. തിങ്ക് മ്യൂസിക് ഇന്ത്യ എന്ന യൂട്യൂബ് ചാനലിലൂടെ ആണ് ഈ വീഡിയോ പുറത്തുവിട്ടിരിക്കുന്നത്.

ഗാനത്തിന്റെ ഹൈലൈറ്റ് ഗ്ലാമറസ് വേഷത്തിൽ എത്തി ത്രസിപ്പിക്കുന്ന നൃത്ത ചുവടുകൾ വയ്ക്കുന്ന നടി റിതിക സിങ് തന്നെയാണ്. നിരവധി പേരാണ് വീഡിയോയ്ക്ക് താഴെ കമന്റുകൾ രേഖപ്പെടുത്തിയിരിക്കുന്നത്. നടി റിതികയെ പ്രശംസിക്കുന്നതോടൊപ്പം ഈ ഗാനത്തിന്റെ വരികളെയും മ്യൂസിക്കിനേയും പ്രേക്ഷകർ അഭിനന്ദിച്ചിട്ടുണ്ട്.

ഹ്യൂ ബോക്സ് സ്റ്റുഡിയോസ് , ഹംസിനി എന്റർടൈൻമെന്റ് എന്നിവയുടെ ബാനറിൽ പുറത്തിറങ്ങിയ ഈ മ്യൂസിക് ആൽബം നിർമ്മിക്കുന്നത് ബാലാജി എസ് , വിവേക് രവിചന്ദ്രൻ എന്നിവർ ചേർന്നാണ്. എഡിറ്റിംഗ് കൈകാര്യം ചെയ്തിരിക്കുന്നത് ആർ.സി പ്രണവ് ആണ്.

നവഗതനായ അരുൺ ഡി ജോസിന്റെ സംവിധാനത്തിൽ മാത്യൂ തോമസ്, നസീലൻ കെ. ഗഫൂർ , നിഖില വിമൽ എന്നിവരെ കേന്ദ്ര കഥാപാത്രങ്ങളാക്കി ഒരുക്കിയ പുത്തൻ ചിത്രമാണ് ജോ ആൻഡ് ജോ . മെയ് പതിമൂന്നിനാണ് ഈ ചിത്രം റീലീസ് ചെയ്തത്. മികച്ച ഒരു കോമഡി എന്റർടൈനറായതു കൊണ്ട് തന്നെ ഈ ചിത്രം ഇപ്പോഴും തിയറ്ററുകളിൽ ഗംഭീര പ്രദർശനം തുടർന്നു കൊണ്ടിരിക്കുകയാണ്.

ഈ ചിത്രത്തിലെ തൊരപ്പൻ എന്ന ഒരു ഗാനം ഇപ്പോൾ റിലീസ് ചെയ്തിരിക്കുകയാണ്. ഒരു കോമഡി വീഡിയോ ഗാനമായ തൊരപ്പനിൽ ഈ ചിത്രത്തിന്റെ രസകരമായ ചിത്രീകരണ രംഗങ്ങളാണ് ഉൾപ്പെടുത്തിയിട്ടുള്ളത് . ഏറ്റവും മനോഹരമായ ഒരു ഗാനം എന്നു തന്നെ ഇതിനെ വിശേഷിപ്പിക്കാം . ടിറ്റോ പി തങ്കച്ചൻ വരികൾ രചിച്ച ഈ ഗാനം ആലപിച്ചിരിക്കുന്നത് സിത്താരയും ഗോവിന്ദ് വസന്തയും ചേർന്നാണ്.

ഇമാജിൻ സിനിമാസ് ആൻഡ് സിഗ്‌നേച്ചർ സ്റ്റുഡിയോസിന്റെ ബാനറിൽ ഒരുങ്ങിയ ഈ ചിത്രം ഹാരിസ് ദേശം , ആദർശ് നാരായൺ , പി.ബി അനീഷ്, അനുമോദ് ബോസ് എന്നിവർ ചേർന്നാണ് നിർമ്മിച്ചിരിക്കുന്നത്. ചാമൻ ചാക്കോ ആണ് ഈ ചിത്രത്തിന്റെ എഡിറ്റർ . ചിത്രത്തിന്റെ തിരക്കഥ , സംഭാഷണം എന്നിവ ഒരുക്കിയിരിക്കുന്നത് സംവിധായകൻ അരുണും രവീഷ് നാഥും ചേർന്നാണ്.

മെയ് 20 നാണ് വരയന്‍ എന്ന ചിത്രം തിയേറ്ററുകളില്‍ പ്രദർശനത്തിന് എത്തിയത്. നടൻ സിജു വില്‍സണ്‍ ആണ് ചിത്രത്തിൽ നായകനായി എത്തിയത്. കുടുംബ പ്രേക്ഷകർക്കായി ഒരുക്കി ഈ ചിത്രം ഇപ്പോഴും മികച്ച പ്രേക്ഷക പ്രതികരണം നേടി മുന്നേറുകയാണ്. ഈ ചിത്രത്തിന്റെ ഒരു സ്നീക്ക് പീക്ക് വീഡിയോ ഇപ്പോൾ റിലീസ് ചെയ്തിരിക്കുകയാണ്. സിജോ ജോസഫ് , ജൂഡ് ആന്റണി എന്നിവരുടെ ഒരു കോമ്പിനേഷൻ സീൻ ആണ് ഇപ്പോൾ പുറത്തുവിട്ടിരിക്കുന്നത്.

ഈ ചിത്രം സംവിധാനം ചെയ്തിരിക്കുന്നത് നവാഗതനായ ജിജോ ജോസഫ് ആണ് . കപ്പുച്ചിന്‍ വൈദികന്‍ എന്ന വൈദികൻ ഗുണ്ടകളുടെയും ക്രിമിനലുകളുടെയും കേന്ദ്രമായ കലിപ്പക്കര എന്ന സ്ഥലത്തേക്ക് ഒരു എത്തുന്നതും പിന്നീട് ആ നാട്ടില്‍ ഉണ്ടാകുന്ന മാറ്റങ്ങളുടെയും കഥയാണ് ഈ ചിത്രം അവതരിപ്പിക്കുന്നത്. സിജു വിത്സൺ ചിത്രത്തിൽ എബി കപ്പൂച്ചിൻ എന്ന വൈദികന്റെ കഥാപാത്രത്തെയാണ് അവതരിപ്പിച്ചിരിക്കുന്നത്. ഒമര്‍ ലുലു ചിത്രം ഹാപ്പി വെഡ്ഡിംഗിൽ ആണ് സിജു വില്‍സണ്‍ ആദ്യമായി നായകനായി എത്തിയത്.

വരയനിൽ ഒരു കിടിലൻ ഹീറോ ആയാണ് സിജു എത്തിയിരിക്കുന്നത്. സിജു വിൽസൺ എന്ന നായകന്റെ അഭിനയ ജീവിതത്തിലെ ഒരു വഴിത്തിരിവാണ് ഈ ചിത്രം . ഈ ചിത്രത്തിന്റെ തിരക്കഥയും സംഭാഷണങ്ങളും ഒരുക്കിയിരിക്കുന്നത് ഡാനി കപ്പുചിൻ ആണ്. പ്രേമചന്ദ്രൻ എ.ജിയാണ് സത്യം സിനിമാസിന്റെ ബാനറിൽ ഒരിങ്ങിയ ഈ ചിത്രം നിർമ്മിച്ചിരിക്കുന്നത് . സിജുവിനൊപ്പം ചിത്രത്തിൽ ജൂഡ് ആന്തണി ജോസഫ് ,മണിയൻപിള്ള രാജു, ജോയ് മാത്യു, വിജയരാഘവൻ ,അരിസ്റ്റോ സുരേഷ്, എന്നിവരും ഈ ചിത്രത്തിൽ പ്രധാന വേഷങ്ങളിൽ എത്തുന്നുണ്ട്. ലിയോണ ലിഷോയ് ആണ് ഈ ചിത്രത്തിൽ നായികയായി വേഷമിട്ടിരിക്കുന്നത്.