അണിയറങ്ങിൽ ഒരുങ്ങി കൊണ്ടിരിക്കുന്ന മെഗാ സ്റ്റാർ മമ്മൂട്ടിയുടെ പുത്തൻ ചിത്രമാണ് സിബിഐ സീരീസിലെ അഞ്ചാം ഭാഗം. എസ് എൻ സ്വാമി രചന നിർവഹിക്കുന്ന ഈ ചിത്രം സംവിധാനം ചെയ്യുന്നത് കെ മധു ആണ്. സിബിഐയുടെ ആദ്യ ഭാഗം റിലീസ് ചെയ്തത് മുപ്പത്തിനാല് വർഷങ്ങൾ മുൻപാണ് . ഈ കഴിഞ്ഞ ഫെബ്രുവരി പതിനെട്ടിന് ആയിരുന്നു മുപ്പത്തിനാല് വർഷം തികഞ്ഞത്. ഇപ്പോഴിതാ അണിയറ പ്രവർത്തകർ അഞ്ചാം ഭാഗത്തിന്റെ ടൈറ്റിൽ പുറത്തു വിട്ടിരിക്കുകയാണ് . ഈ ടൈറ്റിൽ ലോഞ്ച്, ഒരു വീഡിയോ ആയാണ് റിലീസ് ചെയ്തിരിക്കുന്നത്.

നായകനയായ മമ്മൂക്കയുടെ ഒഫീഷ്യൽ സോഷ്യൽ മീഡിയ അക്കൗണ്ടുകളിലൂടെ ആണ് ഈ വീഡിയോ പുറത്തുവിട്ടത്. ഈ ചിത്രത്തിന്റെ ടൈറ്റിൽ സിബിഐ 5 ദി ബ്രെയിൻ എന്നാണ് . ഈ ചിത്രത്തിൽ ഏറെ പ്രേക്ഷക ശ്രദ്ധ നേടിയ സേതുരാമയ്യർ എന്ന സിബിഐ ഓഫീസർ കഥാപാത്രമായാണ് മമ്മൂട്ടി എത്തുന്നത്. അഖിൽ ജോർജാണ് ചിത്രത്തിന്റെ ക്യാമറമാൻ . എഡിറ്റിങ് കൈകാര്യം ചെയ്തിരിക്കുന്നത് ശ്രീകർ പ്രസാദുമാണ്. ഈ ചിത്രത്തിലെ അടിപൊളി തീം മ്യൂസിക്കിന്റെ പുതിയ വേർഷൻ ഒരുക്കിയിരിക്കുന്നത് ജേക്സ് ബിജോയ് ആണ് .

മമ്മൂട്ടിയെ കൂടാതെ ചിത്രത്തിൽ മുകേഷ്, രഞ്ജി പണിക്കർ, സായ്കുമാർ, സൗബിൻ ഷാഹിർ, ഇടവേള ബാബു, അനൂപ് മേനോൻ, ദിലീഷ് പോത്തൻ, രമേശ് പിഷാരടി, പ്രതാപ് പോത്തൻ, സന്തോഷ് കീഴാറ്റൂർ, അസീസ് നെടുമങ്ങാട്, ഹരീഷ് രാജു, ആശാ ശരത്ത്, കനിഹ, സ്വാസിക, മാളവിക മേനോൻ, അൻസിബ, മാളവിക നായർ, മായാ വിശ്വനാഥ്, സുദേവ് നായർ, പ്രശാന്ത് അലക്സാണ്ടർ, രമേശ് കോട്ടയം, ജയകൃഷ്ണൻ,സുരേഷ് കുമാർ, ചന്തു കരമന, സ്മിനു ആർട്ടിസ്റ്റ്, സോഫി എം ജോ, തണ്ടൂർ കൃഷ്ണ തുടങ്ങിയ വൻ താരനിര തന്നെ അണിനിരക്കുന്നു. ഈ ചിത്രം നിർമ്മിക്കുന്നത് സംവിധായകനും സ്വർഗ്ഗചിത്ര അപ്പച്ചനും ഒന്നിച്ചാണ്.

‘മരക്കാർ: അറബിക്കടലിന്റെ സിംഹത്തി’ന്റെ എന്ന ബിഗ് ബജറ്റ് ചിത്രത്തിന്റെ വിജയത്തിന് ശേഷം, സൂപ്പർസ്റ്റാർ മോഹൻലാലിനെ നായകനാക്കി ബി ഉണ്ണികൃഷ്ണന്റെ സംവിധാന മികവിൽ ഒരുങ്ങിയ ഒരു മാസ് ആക്ഷൻ ചിത്രമാണ് ആറാട്ട് . ചിത്രം ഇപ്പോൾ മികച്ച പ്രേക്ഷക പ്രതികരണം നേടി മുന്നേറുകയാണ്. ഫെബ്രുവരി 10 ന് ആയിരുന്നു ചിത്രം പ്രദർശനത്തിന് എത്തിയത്. പ്രേക്ഷകർ ഈ ചിത്രത്തെ ഇരുകൈയ്യും നീട്ടി സ്വീകരിച്ചതിന്റെ സന്തോഷം പങ്കുവയ്ക്കുകയാണ് അണിയറപ്രവർത്തകർ. ഇതിനോട് അനുബന്ധിച്ച് ആറാട്ടിന്റെ സക്സസ് ടീസറും പുറത്തുവിട്ടു.

ചിത്രത്തില്‍ നെയ്യാറ്റിന്‍കര ഗോപന്‍ എന്ന മാസ്സ് കഥാപാത്രത്തെയാണ് മോഹന്‍ലാല്‍ അവതരിപ്പിക്കുന്നത്. ചിത്രത്തിന്റെ ടൈറ്റിൽ തന്നെ ‘നെയ്യാറ്റിന്‍കര ഗോപന്റെ ആറാട്ട്’ എന്നാണ്. ആറാട്ട് എന്ന ചിത്രത്തിന്റെ തിരക്കഥ ഉദയ്കൃഷ്ണയുടേതാണ് . ലാലേട്ടന്റെ മികച്ച ചിത്രങ്ങളായ മാടമ്പി, ഗ്രാന്‍ഡ് മാസ്റ്റര്‍, മിസ്റ്റര്‍ ഫ്രോഡ്, വില്ലന്‍, പുലിമുരുകന്‍ തുടങ്ങിയ ചിത്രങ്ങള്‍ക്ക് തിരക്കഥ തയ്യാറാക്കിയിട്ടുള്ളതും ഉദയ് കൃഷ്ണയാണ്. ശേഷം ഇരുവരും ഒന്നിക്കുന്ന ചിത്രം കൂടിയാണ് ആറാട്ട്. എന്നാൽ ഉദയ് കൃഷ്ണ- ബി ഉണ്ണികൃഷ്ണന്‍ കൂട്ടുകെട്ടില്‍ ആദ്യമായാണ് ഒരു ചിത്രമൊരുങ്ങുന്നത് .

ചിത്രത്തിൽ മോഹന്‍ലാല്‍ ഉപയോഗിക്കുന്ന കറുത്ത ബെന്‍സ് കാർ ചിത്രത്തിലെ ഒരു പ്രധാന ആകര്‍ഷണമാണ് എന്ന് തന്നെ പറയാം. ടീസറിലും ഇടം നേടിയ ഈ കാറിന്റെ നമ്പർ വളരെ ശ്രദ്ധേയമാണ്. 2255 എന്ന നമ്പറാണ് ചിത്രത്തിൽ കാറിനായി നല്‍കിയിരിക്കുന്നത്. മോഹന്‍ലാലിന്റെ കരിയറിലെ ശ്രദ്ധേയ ചിത്രമായ രാജാവിന്റെ മകന്‍ എന്ന ചിത്രത്തിൽ ഉപയോഗിച്ച വളരെ പ്രശസ്ത ഡയലോഗ് ആണ് ‘മൈ ഫോണ്‍ നമ്പര്‍ ഈസ് 2255’ എന്നത് . ലാലേട്ടന്റെ ഈ മാസ് കഥാപാത്രത്തെയും ഡയലോഗിനേയും ഒർപ്പിക്കും വിധമാണ് ആറാട്ടിൽ ഈ നമ്പർ ഉൾപ്പെടുത്തിയിട്ടുള്ളത് .

മലയാളത്തിന്റെ മഹാനടൻ മമ്മൂട്ടി കേന്ദ്രകഥാപാത്രത്തെ അവതരിപ്പിക്കുന്ന ഏറ്റവും പുതിയ ചിത്രമാണ് ഭീഷ്മ പർവ്വം. നേരത്തെ തന്നെ ഈ ചിത്രത്തിന്റെ ടീസർ പുറത്തിറങ്ങുകയും വലിയ പ്രേക്ഷക ശ്രദ്ധ നേടുകയും ചെയ്തിരുന്നു. മാർച്ച് മൂന്നിന് ആഗോള റിലീസ് ആയി എത്തുന്ന ഈ ചിത്രത്തിന്റെ ട്രെയ്ലറും ഇപ്പോൾ പുറത്തു വന്നിരിക്കുകയാണ്.

കേരളത്തിലെ തീയേറ്ററുകളിൽ കഴിഞ്ഞ ദിവസം പ്രദർശിപ്പിച്ച ഈ ചിത്രത്തിന്റെ ട്രൈലെർ സാമൂഹ്യ മാധ്യമങ്ങളിൽ ലീക് ആയതോടെയാണ് യൂട്യുബിൽ ഒഫീഷ്യൽ ആയി തന്നെ ഇന്നലെ രാത്രി ഈ ട്രൈലെർ പുറത്തുവിട്ടത്. അണിയറ പ്രവർത്തകർ ഇപ്പോൾ പുറത്തു വിട്ടിരിക്കുന്നത് ഒരു മാസ്സ് ട്രൈലെർ തന്നെ ആണ് .

ഈ ചിത്രത്തിന്റെ പ്രമേയം മൈക്കൽ എന്ന മമ്മൂട്ടി കഥാപാത്രത്തിന്റെ വലിയ കുടുംബത്തിൽ നടക്കുന്ന ചില ചേരിപ്പോരുകൾ ആണ് എന്ന സൂചനയാണ് ടൈലറിൽ നിന്നും മനസിലാകുന്നത്. ഈ ട്രെയ്ലറിന്റെ ഏറ്റവും വലിയ ആകർഷണം മമ്മൂട്ടിയുടെ സ്ക്രീൻ പ്രസൻസ് തന്നെയാണ്.

ഈ ചിത്ര സംവിധാനം ചെയ്യുന്നത് അമൽ നീരദ് ആണ്. ചിത്രത്തിന്റെ രചന നിർവഹിച്ചിരിക്കുന്നത് നവാഗതനായ ദേവദത് ഷാജിയും സംവിധായകൻ അമലും ചേർന്നാണ്. മമ്മൂട്ടിയെ കൂടാതെ ശ്രീനാഥ് ഭാസി, സൗബിൻ ഷാഹിർ, ഷൈൻ ടോം ചാക്കോ, സുദേവ് നായർ, ഹാരിഷ് ഉത്തമൻ, അബു സലിം, അനഘ, അനസൂയ ഭരദ്വാജ്, വീണ നന്ദകുമാർ, ശ്രിന്ദ, ലെന, നദിയ മൊയ്‌ദു, കെ പി എ സി ലളിത, ജിനു ജോസഫ്, നെടുമുടി വേണു, ദിലീഷ് പോത്തൻ, ഫർഹാൻ ഫാസിൽ, നിസ്താർ സേട്ട്, മാല പാർവതി, കോട്ടയം രമേശ്, പോളി വത്സൻ, ധന്യ അനന്യ, റംസാൻ, ഷെബിൻ ബെൻസൺ എന്നിവരും ഈ ചിത്രത്തിൽ വേഷമിടുന്നുണ്ട്. എഡിറ്റിംഗ് കൈകാര്യം ചെയ്തിരിക്കുന്നത് വിവേക് ഹർഷൻ ആണ്. ആനന്ദ് സി ചന്ദ്രൻ ആണ് ക്യാമറമാൻ . സുഷിൻ ശ്യാം ആണ് ചിത്രത്തിന് സംഗീതം നൽകിയിരിക്കുന്നത്.

മലയാളത്തിന്റെ മഹാനടനായ നെടുമുടി വേണു അന്തരിച്ചത് കുറച്ചു നാൾ മുൻപാണ്. ഇപ്പോൾ തീയേറ്ററുകളിൽ നിറഞ്ഞോടുന്ന ആറാട്ട് അദ്ദേഹം ചെയ്ത അവസാന ചിത്രങ്ങളിൽ ഒന്നാണ് . മലയാളത്തിന്റെ താരരാജാവ് മോഹൻലാൽ നയാനായ ഈ ചിത്രത്തിൽ ഒരതിഥി വേഷത്തിലാണ് നടൻ നെടുമുടി വേണു എത്തിയിരിക്കുന്നത്. മോഹൻലാലും നെടുമുടിവേണുവും ചേർന്ന് അഭിനയിക്കുന്ന ഒരു മനോഹരമായ ഗാന രംഗവും ഈ ചിത്രത്തിൽ ഉണ്ട്. അദ്ദേഹവും മോഹൻലാലും ഒന്നിച്ച ഒട്ടേറെ ഗംഭീര മലയാള ഗാനങ്ങൾ ഉണ്ട് .

ഇരുവരു അവസാനമായി ഒന്നിച്ചു സ്‌ക്രീനിൽ വന്ന ഈ ഗാനം, ബി ഉണ്ണികൃഷ്ണൻ അതിമനോഹരമായി ആണ് ചിത്രീകരിച്ചിരിക്കുന്നത്. താരുഴിയും എന്ന വരികളോടെ തുടങ്ങുന്ന ഈ ഗാനരംഗത്തിൽ കഥകളിയും ക്ലാസിക്കൽ നൃത്തവും കളരി പയറ്റും തെയ്യവുമെല്ലാം ഉൾപ്പെടുത്തി ഒരു ദൃശ്യ വിരുന്ന് തന്നെയാണ് ഒരുക്കിയിട്ടുള്ളത്. ഈ ഗാനം, കണ്ണിനും കാതിനും ഒരുപോലെ കുളിർമയ്ക്കുന്നു.

മോഹൻലാൽ, നെടുമുടി വേണു എന്നിവരെ കൂടാതെ ഈ ഗാനത്തിൽ രചന നാരായണൻ കുട്ടി, സ്വാസിക, മാളവിക, ധ്രുവൻ, കലാമണ്ഡലം ഗോപി ആശാൻ എന്നിവരും അഭിനയിച്ചിട്ടുണ്ട്. രാഹുൽ രാജ് ഈണം പകർന്ന ഈ ഗാനം ആലപിച്ചിരിക്കുന്നത് ഹരിശങ്കർ കെ എസ്‌, പൂർണശ്രീ ഹരിദാസ് എന്നിവർ ചേർന്നാണ്. ഈ ഗാനത്തിന് വരികൾ രചിച്ചിരിക്കുന്നത് നികേഷ് കുമാർ ചെമ്പിലോട് ആണ്.

ഈ സിനിമയ്ക്കു വേണ്ടി മനോഹരമായ ദൃശ്യങ്ങൾ ഒരുക്കിയത് വിജയ് ഉലഗനാഥ് ആണ്. എഡിറ്റർ ഷമീർ മുഹമ്മദാണ് ‘ . ഈ ചിത്രത്തിലെ ഇതിനോടകം സൂപ്പർ ഹിറ്റായി മാറിയ ഗാനങ്ങളാണ് ഒന്നാം കണ്ടം എന്നതും അതുപോലെ തന്നെ തലയുടെ വിളയാട്ട് എന്ന തീം സോങ്ങും .

മലയാള ചിത്രത്തിലൂടെ അരങ്ങേറ്റം കുറിച്ച് ഇന്ന് തെന്നിന്ത്യയിലെ മുൻ നിര നായികമാരിൽ ഒരാളായി മാറിയ താര സുന്ദരിയാണ് നടി അനുപമ പരമേശ്വരൻ. താരത്തിന്റെ ഏറ്റവും പുതിയ തെലുങ്കു ചിത്രമാണ് റൗഡി ബോയ്സ് . ചിത്രത്തിലെ ഒരു റൊമാന്റിക് ഗാനം ഇപ്പോൾ റിലീസ് ചെയ്തിരിക്കുന്നത്. മലയാളത്തിൽ ഒന്ന് രണ്ട് ചിത്രങ്ങൾ ചെയ്തെങ്കിലും തമിഴിലും തെലുങ്കിലും ആണ് താരം ശോഭിച്ചിട്ടുള്ളത്. അന്യഭാഷ ചിത്രങ്ങളിൽ ഗ്ലാമറസ് ആയാണ് അനുപമ എത്താറുള്ളത്. ഇപ്പോൾ പുറത്തിറങ്ങിയ തെലുങ്ക് ഗാനത്തിലും ഗ്ലാമറസ് ലുക്കിൽ തന്നെയാണ് താരം പ്രത്യക്ഷപ്പെട്ടിരിക്കുന്നത്.

ഇഴുകി ചേർന്നുള്ള പ്രണയ രംഗങ്ങൾക്കൊപ്പം ലിപ് ലോക്ക് സീനും ഈ ഗാനരംഗത്തിൽ താരം അവതരിപ്പിച്ചിട്ടുണ്ട് . ശ്രീമണി രചിച്ച പ്രേമേ ആകാശമായതേ എന്ന വരികളോടെ ആരംഭിക്കുന്ന ഈ ഗാനം ആലപിച്ചിരിക്കുന്നത് ജസ്പ്രീത് ജാസ് ആണ്. സംഗീത സംവിധാനം നിർവഹിച്ചിരിക്കുന്നത് ദേവി ശ്രീ പ്രസാദ് ആണ്.

ക്യാമറമാൻ മധിയും എഡിറ്റർ മധുവും ആണ്. ഈ ചിത്രം സംവിധാനം ചെയ്തിരിക്കുന്നത് ഹർഷ കോനുഗണ്ടി ആണ് . ചിത്രത്തിലെ ഗാനരംഗത്തിലൊക്കെ തന്നെ വളരെ ഗ്ലാമറസ് ആയാണ് നടി അനുപമ പരമേശ്വരൻ അഭിനയിച്ചിട്ടുള്ളത്.

നവാഗതനായ ആശിഷ് റെഡ്‌ഡി ആണ് ചിത്രത്തിലെ നായക വേഷം ചെയ്യുന്നത്. ശ്രീ വെങ്കടേശ്വര ക്രിയേഷൻസ് ആണ് ഈ ചിത്രം നിർമ്മിക്കുന്നത്. ഒരു ക്യാമ്പസ് ഡ്രാമ ചിത്രമായ റൗഡി ബോയ്സ് ഒരുക്കിയിട്ടുള്ളത് ദിൽ രാജു, ശിരിഷ്, ഹര്ഷിത് റെഡ്‌ഡി എന്നിവർ ചേർന്നാണ്.ഇതിലെ നായകനായ ആശിഷ് റെഡ്‌ഡി പ്രശസ്ത തെലുങ്ക് നിർമ്മാതാവായ ദിൽ രാജുവിന്റെ അനന്തരവൻ കൂടിയാണ് . നിവിൻ പോളി- അൽഫോൻസ് പുത്രൻ കൂട്ടുകെട്ടിൽ പിറന്ന പ്രേമം എന്ന ചിത്രത്തിലൂടെയാണ് അനുപമ അഭിനയ രംഗത്തേക്ക് എത്തുന്നത് . പക്ഷേ താരം നായികവേഷങ്ങളിൽ ശ്രദ്ധിക്കപ്പെട്ടത് തമിഴ് തെലുങ്കു ചിത്രങ്ങളിലൂടെയാണ്.

മോഹന്‍ലാലിനെ നായകനാക്കി ബി. ഉണ്ണികൃഷ്ണന്‍ സംവിധാനം ചെയ്ത ആറാട്ട് എന്ന ചിത്രം നിയറ്ററുകളിൽ വമ്പൻ വിജയം നേടി പ്രദര്‍ശനം തുടരുകയാണ്. മോഹൻലാൽ ചിത്രത്തിൽ നെയ്യാറ്റിൻകര ഗോപൻ എന്ന കഥാപാത്രമായി നിറഞ്ഞാടിയിരിക്കുകയാണ്. അദ്ദേഹത്തിന്റെ കിടിലൻ പ്രകടനം തന്നെയാണ് ഈ ചിത്രത്തിന്റെ ഏറ്റവും വലിയ ഹൈലൈറ്റും . കോമഡി, സ്പൂഫ്, ആക്ഷൻ എന്നിവ നിറഞ്ഞ ഒരു കിടിലൻ എന്റെർറ്റൈനെർ ആയി ഒരുക്കിയിരിക്കുന്ന ഈ ചിത്രത്തിന്റെ രചന നിർവഹിച്ചിരിക്കുന്നത് ഉദയ കൃഷ്ണ ആണ്. ഇപ്പോഴിതാ അണിയറ പ്രവര്‍ത്തകര്‍ ഈ ചിത്രത്തിലെ ഒരു സ്‌നീക്ക് പീക്ക് വീഡിയോ പുറത്തുവിട്ടിരിക്കുകയാണ് .

ഈ വീഡിയോ റിലീസ് ചെയ്തിരിക്കുന്നത് സൈന മൂവീസിന്റെ യൂട്യൂബ് ചാനലിലൂടെയാണ് . മോഹൻലാലും ചിത്രത്തിലെ നായികാ ശ്രദ്ധ ശ്രീനാഥും ആണ് ഈ വീഡിയോയിൽ പ്രത്യക്ഷപ്പെട്ടിട്ടുള്ളത്. മോഹൻലാലിന്റെ രസകരമായ സംഭാഷണവും ഭാവ പ്രകടനങ്ങളുമാണ് ഈ വീഡിയോയുടെ ഹൈലൈറ്റ് ആയി മാറിയിട്ടുള്ളത്.

മോഹന്‍ലാലും, അതുപോലെ സംവിധായകൻ ബി ഉണ്ണികൃഷ്ണനും ആറാട്ടിന് ലഭിച്ച പ്രേക്ഷക പ്രതികരണത്തിന് നന്ദി അറിയിച്ച് കൊണ്ട് രംഗത്ത് വന്നിരുന്നു. സംവിധായകൻ കഴിഞ്ഞ ദിവസം ഈ ചിത്രത്തിനെതിരെ നടക്കുന്ന ആസൂത്രിതമായ ആക്രമണ കാര്യവും മാധ്യമങ്ങളോട് പറഞ്ഞിരുന്നു. ബി. ഉണ്ണികൃഷ്ണന്റെ ഈ ചിത്രം അവകാശവാദങ്ങളൊന്നുമില്ലാതെ എത്തുകയും ഇപ്പോൾ മോഹൻലാൽ എന്ന പ്രതിഭയുടെ പ്രകടന മികവിന്റെ ശക്തിയിൽ ഗംഭീര വിജയം നേടി മുന്നോട്ടു കുതിക്കുകയുമാണ് ചെയ്യുന്നത്.

ഈ ചിത്രത്തിൽ ഒരുപാട് ഹ്യൂമറും അതുപോലെ പഴയ സിനിമകളിലെ ഡയലോഗുകളുമായി പ്രേക്ഷകരെ നൊസ്റ്റാള്‍ജിയയിലേക്ക് കൊണ്ടുപോകുന്ന സീനുകളും ഒരുക്കിയിട്ടുണ്ട്. ആ രംഗങ്ങൾ എല്ലാം തന്നെ വളരെ മികച്ച രീതിയിൽ ഒരു സ്പൂഫ് പോലെയാണ് ചിത്രീകരിച്ചിരിക്കുന്നത്. ഈ ചിത്രം നിർമ്മിച്ചിരിക്കുന്നത് ആർ ഡി ഇല്ല്യൂമിനേഷൻ, എം പി എം ഗ്രൂപ്പ് എന്നിവയുടെ ബാനറിൽ സംവിധായകൻ ബി ഉണ്ണികൃഷ്ണൻ , ശക്തി എന്നിവർ ചേർന്നാണ് .

മോഹൻലാൽ പ്രധാന വേഷത്തിൽ എത്തി മിന്നുന്ന പ്രകടനം കാഴ്ചവച്ച ആറാട്ട് എന്ന ചിത്രം ഗംഭീര വിജയം നേടി ഇപ്പോൾ കേരളത്തിലെ തീയേറ്ററുകളിൽ പ്രദർശനം തുടർന്നു കൊണ്ടിരിക്കുകയാണ്. ബി ഉണ്ണികൃഷ്ണൻ സംവിധാനം ചെയ്ത ഈ മാസ്സ് മസാല കോമഡി ആക്ഷൻ എന്റെർറ്റൈനെർ ചിത്രത്തിന്റെ രചന നിർവഹിച്ചിരിക്കുന്നത് ഉദയ കൃഷ്ണ ആണ്. ഇപ്പോഴിതാ അണിയറ പ്രവർത്തകർ ഈ ചിത്രത്തിലെ ആദ്യ വീഡിയോ ഗാനം പുറത്തുവിട്ടിരിക്കുയാണ് .

ഒന്നാം കണ്ടം എന്ന് തുടങ്ങുന്ന ഈ ഗാനത്തിന്റെ ടീസർ കണ്ട് ആവേശത്തോടെ കാത്തിരുന്ന ആരാധകർക്ക് മുന്നിലേക്കാണ് അതിമനോഹരമായി ചിത്രീകരിച്ച ഈ ഗാനം പുറത്തുവിട്ടിട്ടുള്ളത്.

രാഹുൽ രാജ് ആണ് ഈ ഗാനത്തിന് സംഗീതം നൽകിയിരിക്കുന്നത്. ശ്വേതാ അശോക്, നാരായണി ഗോപൻ, യാസീൻ നിസാർ, മിഥുൻ ജയരാജ്, അശ്വിൻ വിജയൻ, രാജ്‌കുമാർ രാധാകൃഷ്ണൻ എന്നവർ ചേർന്നാണ് ഈ ഗാനം ആലപിച്ചിരിക്കുന്നത്. ഗാന രംഗത്തിലെ മോഹൻലാലിന്റെ കിടിലൻ ലുക്ക് എടുത്തു പറയേണ്ടതാണ് . ചില രംഗങ്ങളിൽ അദ്ദേഹത്തിന്റെ മനോഹരമായ ചുവടുവയ്പും ഈ ഗാനരംഗത്തിൽ ഉൾപ്പെടുത്തിയിട്ടുണ്ട്.

ഈ ഗാനം ഒരു ഗ്രാമത്തിൽ നടക്കുന്ന ആഘോഷ പാട്ട് പോലെയാണ് ഒരുക്കിയിരിക്കുന്നത്. ഈ ഗാനത്തിൽ മോഹൻലാലിന് ഒപ്പം ഒരു വലിയ താരനിര തന്നെ ആടിപാടാനായി എത്തുന്നുണ്ട്. രചന നാരായണൻകുട്ടി, സ്വാസിക, മാളവിക, നന്ദു, അശ്വിൻ കുമാർ, ലുഖ്മാൻ, ജോണി ആന്റണി, കൊച്ചുബു പ്രേമൻ തുടങ്ങി ഒട്ടേറെ താരങ്ങളെ ഈ ഗാനരംഗത്തിൽ കാണാൻ സാധിക്കും.

രാജീവ് ഗോവിന്ദൻ ആണ് ഈ ഗാനം രചിച്ചത്. എം പി എം ഗ്രൂപ്പിന്റെ ശക്തിയും സംവിധായകൻ ബി ഉണ്ണികൃഷ്ണനും ചേർന്നാണ് ഈ ചിത്രം നിർമ്മിച്ചിരിക്കുന്നത്. രാഹുൽ രാജ് തന്നെയാണ് ഈ ചിത്രത്തിന്റെ പശ്ചാത്തല സംഗീതമൊരുക്കിയിട്ടുള്ളത്. ആറാട്ട് കഴിഞ്ഞ ദിവസം പ്രദർശനം ആരംഭിച്ചത് മലയാള സിനിമയിൽ നിന്നുള്ള ഏറ്റവും വലിയ ആഗോള റിലീസ് ആയാണ് .

മമ്മൂട്ടി കേന്ദ്ര കഥാപാത്രത്തെ അവതരിപ്പിക്കുന്ന ഏറ്റവും പുതിയ ചിത്രമാണ് ഭീഷ്മ പർവ്വം. ഈ ചിത്രത്തിലെ പറുദീസ എന്ന് ആരംഭിക്കുന്ന ഒരു ലിറിക് ഗാന വീഡിയോ നേരത്തെ തന്നെ റിലീസ് ചെയ്യുകയും ഈ വീഡിയോ മികച്ച പ്രേക്ഷക ശ്രദ്ധ നേടുകയും ചെയ്തിരുന്നു. ഈ ഗാനം ആലപിച്ചത് നടൻ ശ്രീനാഥ് ഭാസി ആണ്. സുഷിൻ ശ്യാം ആണ് ഗാനത്തിന് ഈണം നൽകിയിരിക്കുന്നത്. ലെറിക്കൽ വീഡിയോയ്ക്ക് പിന്നാലെ ഈ ഗാനത്തിന്റെ ഒഫീഷ്യൽ വീഡിയോ കൂടി ഇപ്പോൾ റിലീസ് ചെയ്തിരിക്കുകയാണ്. ഈ ഗാനരംഗത്തിൽ പ്രധാനമായും നിറഞ്ഞു നിൽക്കുന്നത് ശ്രീനാഥ് ഭാസി, സൗബിൻ ഷാഹിർ എന്നിവരാണ് .

അമൽ നീരദ് ചിത്രീകരിച്ച ഈ ഗാനത്തിന് വരികൾ രചിച്ചിരിക്കുന്നത് വിനായക് ശശികുമാർ ആണ്. ഈ ഗാനം മൊത്തത്തിൽ വളരെയധികം ശ്രദ്ധ നേടിയിട്ടുണ്ട്.

കാരണം ഇതിന്റെ ദൃശ്യങ്ങളിൽ ഉപയോഗിച്ചിരിക്കുന്ന ലൈറ്റിങ്, ഒപ്പം കലാസംവിധാനം എന്നിവ ഏറെ പ്രേക്ഷക ശ്രദ്ധ നേടുന്നുണ്ട്. അതുപോലെ തന്നെ ശ്രദ്ധ നേടിയ മറ്റൊന്നാണ് ഈ ഗാനത്തിൽ പ്രത്യക്ഷപ്പെടുന്ന അഭിനേതാക്കളുടെ വസ്ത്രങ്ങളാണ്.

ഈ ഗംഭീര മാസ്സ് ചിത്രത്തിന്റെ നിർമ്മാണവും സംവിധാനവും നിർവഹിക്കുന്നത് അമൽ നീരദ് ആണ്. സംവിധായകനും നവാഗതനായ ദേവദത് ഷാജിയും ചേർന്നാണ് ഈ ചിത്രത്തിന്റെ രചന നിർവ്വഹിച്ചിരിക്കുന്നത്. ചിത്രത്തിൽ ഷൈൻ ടോം ചാക്കോ, സുദേവ് നായർ, ഹാരിഷ് ഉത്തമൻ, അബു സലിം, അനസൂയ ഭരദ്വാജ്, വീണ നന്ദകുമാർ, ശ്രിന്ദ, ലെന, നദിയ മൊയ്‌ദു, കെ പി എ സി ലളിത, ജിനു ജോസഫ്, നെടുമുടി വേണു, ദിലീഷ് പോത്തൻ, അനഘ,ഫർഹാൻ ഫാസിൽ, നിസ്താർ സേട്ട്, മാല പാർവതി, കോട്ടയം രമേശ്, പോളി വത്സൻ, ധന്യ അനന്യ, റംസാൻ, ഷെബിൻ ബെൻസൺ എന്നിവരും അഭിനയിക്കുന്നുണ്ട്. ആനന്ദ് സി ചന്ദ്രനാണ് ക്യാമറമാൻ . എഡിറ്റർ വിവേക് ഹർഷൻ. മാർച്ച് മൂന്നിന് ആണ് ഭീഷ്മ പർവ്വം പ്രദർശനത്തിന് എത്താൻ ഒരുങ്ങുന്നത്.

തമിഴകത്തിന്റെ നടിപ്പിൻ നായകൻ എന്ന് ആരാധകർ സ്നേഹത്തോടെ വിശേഷിപ്പിക്കുന്ന സൂപ്പർ താരമാണ് നടൻ സൂര്യ. രണ്ടു വർഷത്തെ ഇടവേളയ്ക്ക് ശേഷം തിയറ്റർ പ്രദർശനത്തിന് എത്തുന്ന അദ്ദേഹം നായകനായി എത്തുന്ന ചിത്രമാണ് എതർക്കും തുനിന്ദവൻ. ഇതിനു മുൻപ് താരം നായകനായ എത്തിയ കാപ്പാൻ എന്ന കെ വി ആനന്ദ് ചിത്രത്തിന് ശേഷം വന്ന ബിഗ് ബജറ്റ് ബയോപിക് ഡ്രാമയായ സൂരറൈ പൊട്ര്, അതു കഴിഞ്ഞ് പുറത്തിറങ്ങിയ സോഷ്യൽ കോർട്ട് റൂം ഡ്രാമ ചിത്രമായ ജയ് ഭീം എന്നിവ എല്ലാം തന്നെ ഒടിടി റിലീസ് ആയി ആമസോൺ പ്രൈമിലൂടെ ആണ് പ്രേക്ഷകർക്ക് മുന്നിലേക്ക് എത്തിയത്.

ഒറ്റിറ്റി റിലീസായി എത്തിയ ഈ രണ്ട് ചിത്രങ്ങളും മെഗാ വിജയങ്ങൾ ആയെങ്കിലും, തിയറ്റർ അനുഭവം ഇല്ലാത്ത സങ്കടത്തിലായിരുന്നു സൂര്യ ആരാധകർ. ഇവർക്ക് മുന്നിലേക്കാണ് എന്ന ചിത്രം തിയറ്ററുകളിൽ പ്രദർശനത്തിന് എത്തുന്നത്. മാർച്ച് പത്തിന് ആഗോള റിലീസായി എത്താൻ ഒരുങ്ങുന്ന ആയി എത്തുന്ന എതർക്കും തുനിന്ദവന്റെ ടീസർ പുറത്തു വിട്ടിരിക്കുകയാണ്. ഇന്ന് വന്ന മാസ്സ് ടീസറിൽ നിന്ന് ഒരു കിടിലൻ മാസ്സ് കഥാപാത്രമായാണ് സൂര്യ ഈ ചിത്രത്തിൽ എത്തുന്നതെന്ന് മനസിലാക്കാം.

ആക്ഷനും നൃത്തവും എല്ലാം ഒരുപോലെ കോർത്തിണക്കിയ ഒരു കംപ്ലീറ്റ് മാസ്സ് എന്റർടൈൻമെൻറ് ആണ് ഈ ചിത്രം സമ്മാനിക്കുന്നതെന്ന് ടീസറിൽ നിന്നും മനസിലാക്കാം. ചിത്രത്തിന്റെ രചനയും സംവിധാനവും നിർവഹിച്ചിരിക്കുന്നത് പാണ്ഡിരാജ് ആണ്. സൺ പിക്ചേഴ്സ് ആണ് ഈ ചിത്രം നിർമ്മിച്ചിരിക്കുന്നത്.

നേരത്തെ തന്നെ പുറത്തിറങ്ങിയ ഈ ചിത്രത്തിലെ പോസ്റ്ററുകളും ഒരു ഗാനവും സോഷ്യൽ മീഡിയയിൽ സൂപ്പർ ഹിറ്റായി മാറുകയും ചെയ്തിരുന്നു. സൂര്യയെ കൂടാതെ പ്രിയങ്ക അരുൾ മോഹൻ, സത്യരാജ്, ജയപ്രകാശ്, വിനയ് റായ്, രാജകിരൺ, ശരണ്യ പൊൻവണ്ണൻ, സൂരി, സിബി ഭുവനേ ചന്ദ്രൻ, ദേവദർശിനി, എം എസ് ഭാസ്കർ, ഇലവരശ്, എന്നിവരും വേഷമിടുന്നു. ഡി ഇമ്മാൻ ആണ് ഈ ചിത്രത്തിന് വേണ്ടി സംഗീതം ഒരുക്കിയിട്ടുള്ളത്. എഡിറ്റർ റൂബൻ ആണ് . ആർ രത്‌നവേലു ആണ് ചിത്രത്തിന് വേണ്ടി ദൃശ്യങ്ങൾ ഒരുക്കിയത് .