Movie Updates

മലയാളത്തിലെ ശ്രദ്ധേയ നടനായ ജോജു ജോർജിനെ നായകനാക്കി നവാഗത സംവിധായകൻ സൻഫീർ കെ ഒരുക്കുന്ന ഒരു ആക്ഷേപ ഹാസ്യ ചിത്രമാണ് പീസ്. ഈ ചിത്രത്തിന്റെ രണ്ടാം ട്രൈലർ ഇപ്പോൾ പ്രേക്ഷക ശ്രദ്ധ നേടുകയാണ്. ആഗസ്റ്റ് 26 ന് ആണ് ഈ ചിത്രം തിയറ്ററുകളിൽ പ്രദർശനത്തിന് എത്തുന്നത്. ജോജുവിന്റെ വ്യത്യസ്തമായ ഒരു കഥാപാത്രം തന്നെയാണ് ഈ ചിത്രത്തിൽ കാണാൻ സാധിക്കുന്നത്.

കാർലോസ് എന്ന ഡെലിവറി ബോയ് ആയാണ് അദ്ദേഹം ഈ ചിത്രത്തിൽ വേഷമിടുന്നത്. നടി ആശ ശരത്താണ് ജോജുവിന്റെ നായികയായി ഈ ചിത്രത്തിൽ എത്തുന്നത്. ഇവരെ കൂടാതെ അതിഥി രവി , സിദ്ദിഖ്, രമ്യ നമ്പീശൻ , മാമുക്കോയ , അനിൽ നെടുമങ്ങാട്, ഷാലു റഹീം എന്നിവരും വേഷമിടുന്നുണ്ട്.

മലയാളത്തിന് പുറമേ തമിഴ്, തെലുങ്ക് , കന്നഡ , ഹിന്ദി ഭാഷകളിലും പുറത്തിറങ്ങുന്ന ഈ ചിത്രം നിർമ്മിക്കുന്നത് ജോജു ജോർജും തായപരനും ചേർന്നാണ്. സംവിധായകൻ സൻഫീർ തന്നെയാണ് ചിത്രത്തിന്റെ രചനയും നിർവഹിച്ചിരിക്കുന്നത്. ജുബൈർ മുഹമ്മദ് ആണ് ചിത്രത്തിലെ ഗാനങ്ങൾ ഒരുക്കിയിട്ടുള്ളത് . ഷമീർ ഗിബ്രാൻ ഛായാഗ്രഹണം നിർവഹിക്കുന്ന ഈ ചിത്രം എഡിറ്റ് ചെയ്യുന്നത് നൗഫൽ അബ്ദുള്ള ആണ് . കാർലോസ് എന്ന ഡെലിവറി ബോയുടെ ജീവിതത്തിൽ നടക്കുന്ന സംഭവ വികാസങ്ങളാണ് ഈ ചിത്രത്തിൽ ആവിഷ്ക്കരിച്ചിരിക്കുന്നത്.

ഓഗസ്റ്റ് പതിനെട്ടിന് തിയറ്ററുകളിൽ എത്തിയ ലാൽ ജോസ് ചിത്രമാണ് സോളമന്റെ തേനീച്ചകൾ . നടൻ ജോജു ജോര്‍ജ്ജ് ആണ് ഈ ചിത്രത്തിൽ കേന്ദ്ര കഥാപാത്രത്തെ അവതരിപ്പിച്ചത് . ഈ ചിത്രത്തിലെ ട്രൈലറും ഒരു ഗാനവും ഏറെ പ്രേക്ഷക ശ്രദ്ധ നേടിയിരുന്നു . ഇപ്പോഴിതാ ഈ ചിത്രത്തിലെ മറ്റൊരു ഗാനം കൂടി റിലീസ് ചെയ്തിരിക്കുകയാണ്. ആനന്ദമോ എന്ന ഗാനത്തിന്റെ വീഡിയോ ആണ് മനോരമ മ്യൂസിക് സോങ്സ് എന്ന ചാനലിലൂടെ റിലീസ് ചെയ്തിരിക്കുന്നത്. മനോഹരമായ ഈ പ്രണയ ഗാനത്തിൽ നായികാ നായകൻ ഷോയുടെ വിന്നേഴ്സ് ആയ ആഡിസ് ആന്റണി അക്കരയും ദര്‍ശന സുദര്‍ശനും ആണ് അഭിനയിച്ചിരിക്കുന്നത്. വിനായക് ശശികുമാർ വരികൾ രചിച്ച ഈ ഗാനത്തിന് ഈണം പകർന്നിരിക്കുന്നത് വിദ്യാസാഗർ ആണ്. അഭയ് ജോദ്പുരകർ , അന്വേഷ എന്നിവർ ചേർന്നാണ് ഈ ഗാനം ആലപിച്ചത്.

ഈ ഒരു ത്രില്ലർ ചിത്രത്തിൽ ജോണി ആന്റണി, വിൻസി അലോഷ്യസ് , ശംഭു, മണികണ്ഠന്‍ ആചാരി, ഷാജു ശ്രീധര്‍,റിയാസ് മറിമായം, ഷാനി, ചാക്കോച്ചി,ബിനു പപ്പു, ശിവജി ഗുരുവായൂര്‍, സുനില്‍ സുഖദ,ഹരീഷ് പേങ്ങന്‍, ദിയ, ഷൈനി വിജയന്‍, ഫെവിന്‍ പോള്‍സണ്‍, ജിഷ രജിത്, ഷഫീഖ്,ശിവ പാര്‍വതി, രശ്‍മി, പ്രസാദ് മുഹമ്മ, നേഹ റോസ്, അഭിനവ് മണികണ്ഠന്‍, ഖാലിദ് മറിമായം, ലിയോ, വിമല്‍, ഉദയന്‍, ഫെര്‍വിന്‍ ബൈതര്‍, രജീഷ് വേലായുധന്‍, അലന്‍ ജോസഫ് സിബി, രാഹുല്‍ രാജ്, ജയറാം രാമകൃഷ്‍ണ, സലീം ബാബ, മോഹനകൃഷ്‍ണന്‍, ജോജോ, ശിവരഞ്‍ജിനി, മെജോ, ആദ്യ, വൈഗ, രാജേഷ്, റോബര്‍ട്ട് ആലുവ, അഭിലോഷ്, ആലീസ്, മേരി, ബിനു രാജന്‍, അഷറഫ് ഹംസ തുടങ്ങിയവരും വേഷമിടുന്നു.

പി ജി പ്രഗീഷ് രചന നിർവഹിച്ച ഈ ചിത്രം നിർമ്മിച്ചത് എൽ ജെ ഫിലിംസ് ആണ്. അജ്മൽ സാബു ക്യാമറ കൈകാര്യം ചെയ്ത ഈ ചിത്രത്തിന്റെ എഡിറ്റിംഗ് നിർവഹിച്ചിരിക്കുന്നത് രഞ്ജൻ എബ്രഹാമാണ്. ഈ ചിത്രത്തിന്റെ ഗൾഫ് വിതരണാവകാശം സ്റ്റാർസ് ഹോളീഡേ ഫിലിംസാണ് നേടിയിരിക്കുന്നത്.

മലയാളത്തിലെ ബ്ലോക്ക് ബസ്റ്റർ ചിത്രമായ ലൂസിഫറിന്റെ തെലുങ്ക് പതിപ്പാണ് ഗോഡ്ഫാദർ. മലയാളത്തിൽ മോഹൻലാലിനെ നായകനാക്കി പൃഥ്വിരാജ് സുകുമാരൻ ആണ് ഈ ചിത്രം സംവിധാനം ചെയ്തത്. തെലുങ്കിൽ മോഹൻ രാജ ഒരുക്കുന്ന ഈ ചിത്രത്തിൽ മെഗാസ്റ്റാർ ചിരഞ്ജീവി ആണ് നായകനായി എത്തുന്നത്. ഇപ്പോഴിതാ ഗോഡ് ഫാദറിന്റെ പുതിയ ടീസർ പുറത്തുവിട്ടിരിക്കുകയാണ്. മെഗാസ്റ്റാർ ചിരഞ്ജീവിയുടെ ഗംഭീര പ്രകടനം ആണ് ആദ്യാവസാനം വരെ ഈ ടീസറിൽ നിറഞ്ഞു നിൽക്കുന്നത്. ചിത്രത്തിൽ നടൻ സൽമാൻ ഖാൻ അതിഥി താരമായെത്തുണ്ട്. അദ്ദേഹത്തെയും ഈ ടീസറിൽ കാണാം.

മലയാളത്തിലെ സ്റ്റീഫൻ നെടുമ്പള്ളി എന്ന മോഹൻലാലിന്റെ നായക കഥാപാത്രത്തെ ചിരഞ്ജീവി തെലുങ്കിൽ അവതരിപ്പിക്കുമ്പോൾ, സയ്ദ് മസൂദ് എന്ന പൃഥ്വിരാജിന്റെ അതിഥി വേഷമാണ് സൽമാൻ ഖാൻ തെലുങ്കിൽ ചെയ്യുന്നത്. മഞ്ജു വാര്യരുടെ കഥാപാത്രത്തിന് തെലുങ്കിൽ ജീവൻ പകരുന്നത് ലേഡി സൂപ്പർ സ്റ്റാർ നയൻതാര ആണ് . മലയാള ചിത്രത്തിലെ മറ്റ് പ്രധാന കഥാപാത്രങ്ങൾ ടോവിനോ തോമസ്, വിവേക് ഒബ്‌റോയ്, സായ് കുമാർ, കലാഭവൻ ഷാജോൺ, ഇന്ദ്രജിത് എന്നിവരായിരുന്നു. തെലുങ്കിൽ പ്രധാന വേഷങ്ങൾ ചെയ്യുന്നത് പുരി ജഗന്നാഥ്, സത്യ ദേവ്, ഹാരിഷ് ഉത്തമൻ, ജയപ്രകാശ്, സച്ചിൻ കടേക്കർ, വംശി കൃഷ്ണ, നാസർ എന്നിവരാണ്.

ഈ തെലുങ്ക് ചിത്രത്തിന്റെ നിർമ്മാതാക്കൾ കോണിഡാല പ്രൊഡക്ഷൻ കമ്പനിയും സൂപ്പർ ഗുഡ് ഫിലിംസും ആണ്. ചിത്രത്തിന്റെ റിലീസ് ഡേറ്റ് കൂടി ഉൾപ്പെടുത്തി കൊണ്ടാണ് ഈ ടീസർ പുറത്തു വിട്ടിട്ടുള്ളത്. ഈ ചിത്രം പ്രദർശനത്തിന് എത്തുന്നത് ഒക്ടോബർ അഞ്ചിനാണ്. തമൻ എസ് ആണ് ചിത്രത്തിന്റെ സംഗീത സംവിധായകൻ. നീരവ് ഷായാണ് ഈ ചിത്രത്തിന് ദൃശ്യങ്ങളൊരുക്കിയത് . പൃഥ്വിരാജ് സുകുമാരന്റെ ആദ്യ സംവിധാന സംരംഭമായിരുന്നു 2019 ഇൽ റിലീസ് ചെയ്ത ലൂസിഫർ എന്ന മലയാള ചിത്രം . ആശീർവാദ് സിനിമാസിന്റെ ബാനറിൽ ഒരുക്കിയ ഈ മലയാള ചിത്രം നിർമ്മിച്ചത് ആന്റണി പെരുമ്പാവൂർ ആണ്. മുരളി ഗോപി ആണ് ഈ ചിത്രത്തിന്റെ തിരക്കഥ ഒരുക്കിയത്. ലൂസിഫറിന്റെ രണ്ടാം ഭാഗത്തിന്റെ ഷൂട്ടിംഗ് വൈകാതെ ആരംഭിക്കും എന്ന് പറയപ്പെടുന്നു.

ആറാട്ടുപ്പുഴ വേലായുധപണിക്കർ എന്ന നവോത്ഥാന നായകന്റെ ജീവിത കഥയെ മുൻ നിർത്തി സംവിധായകൻ വിനയൻ അണിയിച്ചൊരുക്കുന്ന ബ്രാഹ്മാണ്ഡ ചിത്രമാണ് പത്തൊൻപതാം നൂറ്റാണ്ട് . സിജു വിൽസൺ നായകനായി എത്തുന്ന ഈ ചിത്രം ഓണം റിലീസായാണ് എത്തുന്നത്. ഇപ്പോൾ ഈ ചിത്രത്തിന്റെ ഒഫീഷ്യൽ ട്രൈലർ റിലീസ് ചെയ്തിരിക്കുകയാണ്. ഒരു യഥാർത്ഥ കഥയെ ആസ്പതമാക്കിയാണ് ഈ ചിത്രം ഒരുക്കിയിട്ടുള്ളത് . താഴ്ന്ന ജാതിക്കാർ അനുഭവിച്ച ക്രൂരതകളാണ് ഈ ചിത്രം പറയുന്നതെന്ന് ട്രൈലറിൽ നിന്നും മനസ്സിലാക്കാം. അക്കാലത്ത് താഴ്ന്ന വർഗ്ഗക്കാർക്ക് അമ്പലങ്ങളിൽ പ്രവേശിക്കാൻ അനുവാദം ഉണ്ടായിരുന്നില്ല , മാത്രമല്ല താഴ്ന്ന ജാതിയിലെ സ്ത്രീകൾക്ക് മാറു മറയ്ക്കാനും അവകാശം ഉണ്ടായിരുന്നില്ല .

ഇതിനെതിരെയെല്ലാം പോരാടിയ നവോത്ഥാനനായകനാണ് ആറാട്ടുപ്പുഴ വേലായുധപണിക്കർ . അദ്ദേഹത്തിന്റെ ശക്തമായ പോരാട്ടമാണ് ഈ ചിത്രം പറയുന്നതെന്ന് ട്രൈലർ രംഗങ്ങൾ സൂചിപ്പിക്കുന്നു.

ശ്രീ ഗോകുലം മൂവീസിന്റെ ബാനറിൽ അണിയിച്ചൊരുക്കുന്ന ഈ ചിത്രം നിർമ്മിക്കുന്നത് ശ്രീ ഗോകുലം ഗോപാലൻ ആണ്. ഈ ചിത്രത്തിൽ അനൂപ് മേനോൻ, ചെമ്പൻ വിനോദ്, ഇന്ദ്രൻസ്, കയദു ലോഹർ, ഗോകുലം ഗോപാലൻ, സുദേവ് നായർ, സെന്തിൽ കൃഷ്ണ, സുരേഷ് കൃഷ്ണ, ദീപ്തി സതി, പൂനം ബജ്വ, സുധീർ കരമന, ടിനി ടോം, വിഷ്ണു വിനയ് എന്നിവരും അഭിനയിക്കുന്നുണ്ട്. വിനയൻ തന്നെയാണ് ചിത്രത്തിന്റെ രചനയും നിർവഹിച്ചിരിക്കുന്നത്. ഷാജി കുമാർ ഛായാഗ്രഹണം നിർവഹിച്ച ഈ ചിത്രത്തിന്റെ എഡിറ്റിംഗ് കൈകാര്യം ചെയ്തിരിക്കുന്നത് വിവേക് ഹർഷൻ ആണ്. എം ജയചന്ദ്രനാണ് ചിത്രത്തിലെ ഗാനങ്ങൾ ഒരുക്കിയിട്ടുള്ളത്.

കുഞ്ചാക്കോ ബോബൻ , അരവിന്ദ് സ്വാമി എന്നിവർ കേന്ദ്ര കുപാത്രങ്ങളായി എത്തുന്ന മലയാള ചിത്രമാണ് ഒറ്റ്. സെപ്തംബർ രണ്ടിന് പ്രദർശനത്തിന് എത്താൻ ഒരുങ്ങുന്ന ഈ ചിത്രം തമിഴിൽ രണ്ടകം എന്ന പേരിലാണ് പുറത്തിറങ്ങുന്നത്. ഇപ്പോഴിതാ ഈ ചിത്രത്തിന്റെ ട്രൈലർ റിലീസ് ചെയ്തിരിക്കുകയാണ്. കുഞ്ചാക്കോ ബോബൻ , അരവിന്ദ് സ്വാമി എന്നിവരെയാണ് പ്രധാനമായും ഈ ട്രൈലർ വീഡിയോയിൽ ഉൾപ്പെടുത്തിയിരിക്കുന്നത് . ഒരു കിടിലൻ ആക്ഷൻ ത്രില്ലർ മൂവിയാണ് ഇതെന്ന സൂചനയാണ് ഈ ട്രൈലർ നൽകുന്നത് .

അത്യുഗ്രൻ ആക്ഷൻ സീനുകളും റൊമാന്റിക് രംഗങ്ങളും ഈ വീഡിയോയിൽ ഉൾപ്പെടുത്തിയിട്ടുണ്ട് . ഫെല്ലിനി ടി.പി സംവിധാനം ചെയ്യുന്ന ഈ ചിത്രത്തിൽ ഈഷ റെബ ആണ് നായികയായി എത്തുന്നത്. ചാക്കോച്ചനും ഈഷയും തമ്മിലുള്ള ഈ ചിത്രത്തിലെ ഒരു പ്രണയ ഗാനം സോഷ്യൽ മീഡിയയിൽ ഏറെ ശ്രദ്ധ നേടിയിരുന്നു.

ബോളിവുഡ് താരം ജാക്കി ഷറോഫും ചിത്രത്തിൽ ഒരു ശ്രദ്ധേയ വേഷം ചെയ്യുന്നുണ്ട്. കൂടാതെ ആടുകളം നരേൻ , അമൽഡ ലിസ് , ജീൻസ് ഭാസ്ക്കർ, സിയാദ് യദു , അനീഷ് ഗോപാൽ, ലബൻ , ശ്രീകുമാർ മേനോൻ എന്നിവരും പ്രധാന വേഷങ്ങളിൽ എത്തുന്നു. എസ് സഞ്ജീവ് രചന നിർവഹിച്ച ഈ ചിത്രം നിർമ്മിക്കുന്നത് ആര്യ , ഷാജി നടേശൻ എന്നിവർ ചേർന്നാണ്. അരുൾരാജ് കെന്നഡി ആണ് ചിത്രത്തിലെ ഗാനങ്ങൾ ഒരുക്കിയിട്ടുള്ളത്. ഗൗതം ശങ്കർ ഛായാഗ്രഹണം നിർവഹിച്ച ഈ ചിത്രം എഡിറ്റ് ചെയ്തിരിക്കുന്നത് അപ്പു എൻ ഭട്ടതിരി ആണ്.

തിയറ്ററുകളിൽ വമ്പൻ കുതിപ്പാണ് തല്ലുമാല എന്ന ചിത്രം കാഴ്ച വച്ചു കൊണ്ടിരിക്കുന്നത് ഖാലിദ് റഹ്മാൻ സംവിധാനം ചെയ്ത് ഈ ചിത്രം ഓഗസ്റ്റ് 12 ന് ആഗോള തലത്തിൽ പ്രദർശനത്തിന് എത്തിയത്. മലയാളത്തിന്റെ യുവതാരം ടൊവിനോ തോമസ് ആണ് ചിത്രത്തിൽ നായകനായി എത്തിയിരിക്കുന്നത്. രണ്ടാം ദിനം തന്നെ 15 കോടിയിലേറെ കളക്ഷൻ സ്വന്തമാക്കി ഒരു കോമഡി ആക്ഷൻ ചിത്രമാണ് തല്ലുമാല . ഇപ്പോഴിതാ ഈ ചിത്രത്തിലെ ഒരു വീഡിയോ ഗാനം റിലീസ് ചെയ്തിരിക്കുകയാണ്. തുപ്പാത്തു എന്ന ഗാനത്തിന്റെ വീഡിയോ ആണ് ഇപ്പോൾ പ്രേക്ഷകർ ഏറ്റെടുത്തിരിക്കുന്നത് .

വ്യത്യസ്തമായ ഒരു ശൈലി തന്നെയാണ് ഈ ഗാനം പരീക്ഷിച്ചിരിക്കുന്നത് . ലെറിക്ക്സും ഗാനാലാപനവും മൊത്തത്തിൽ പ്രേക്ഷകനെ ഒന്ന് ഞെട്ടിച്ചേക്കാം. കല്യാണിയും ടൊവിനേയും ആണ് ഈ ഗാനത്തിൽ അഭിനയിച്ചിരിക്കുന്നത്. മു. രി രചന നിർവഹിച്ച ഈ ഗാനത്തിന് ഈണം നൽകിയത് വിഷ്ണു വിജയ് ആണ് . ടൊവിനോ തോമസ്, വിഷ്ണു വിജയ് , ശക്തി ശ്രീ എന്നിവർ ചേർന്നാണ് ഈ ഗാനം ആലപിച്ചിരിക്കുന്നത്.

ഈ ചിത്രത്തിൽ ഷൈൻ ടോം ചാക്കോ , ലുഖ്മാൻ അവറാൻ , ഷറഫുദ്ദീൻ , ചെമ്പൻ വിനോദ്, വിനീത് കുമാർ , ജോണി ആന്റണി, ബിനു പപ്പു , അസിം ജമാൽ , അദ്രി ജോ, സ്വാതി ദാസ് പ്രഭു, തൻവി റാം എന്നിവരും വേഷമിടുന്നുണ്ട്. ആഷിഖ് ഉസ്മാൻ ആണ് ഈ ചിത്രത്തിന്റെ നിർമ്മാതാവ്. മുഹ്സിൻ പരാരി ആണ് ഈ ചിത്രത്തിന്റെ രചന നിർവഹിച്ചിരിക്കുന്നത് . ജിംഷി ഖാലിദ് ആണ് ചിത്രത്തിന്റെ ക്യാമറമാൻ . നിഷാദ് യൂസഫ് ആണ് എഡിറ്റിംഗ് ചെയ്തിരിക്കുന്നത്.

മലയാളത്തിലെ ആക്ഷൻ സൂപ്പർ സ്റ്റാർ സുരേഷ് ഗോപി പ്രധാന വേഷത്തിൽ എത്തിയ പുത്തൻ ചിത്രമാണ് പാപ്പൻ . ഇപ്പോഴും തിയറ്ററുകളിൽ ഗംഭീര വിജയം കരസ്ഥമാക്കി മുന്നേറുകയാണ് ചിത്രം. ജോഷിയുടെ സംവിധാന മികവിൽ പുറത്തിറങ്ങിയ ഈ ചിത്രം കേരളത്തിന് പുറത്തും മികച്ച വിജയം നേടി. ഇപ്പോഴിതാ ഈ ചിത്രത്തിലെ ഒരു വീഡിയോ ഗാനം റിലീസ് ചെയ്തിരിക്കുകയാണ്. മായാമഞ്ഞിൻ എന്ന വരികളോടെ തുടങ്ങുന്ന ഗാനത്തിന്റെ വീഡിയോ ആണ് സൈന മ്യൂസിക് യൂട്യൂബ് ചാനലിലൂടെ പുറത്തുവിട്ടത് .

സുരേഷ് ഗോപിയും നടി നൈല ഉഷയും തമ്മിലുള്ള പ്രണയ രംഗങ്ങളാണ് ഈ ഗാനത്തിൽ കാണാൻ സാധിക്കുന്നത് . ഇവരുടെ മകളായി ബാലതാരം കിയാരയേയും കാണാൻ സാധിക്കും. മനു മഞ്ജിത്ത് വരികൾ രചിച്ച ഈ ഗാനത്തിന് ഈണം പകർന്നിരിക്കുന്നത് ജേക്സ് ബിജേയ് ആണ് . ലിബിൻ സ്കറിയ ആണ് ഈ ഗാനം ആലപിച്ചിരിക്കുന്നത്.

ഈ ക്രൈം ത്രില്ലർ ചിത്രത്തിൽ എബ്രഹാം മാത്യു മാത്തൻ എന്ന റിട്ടയേർഡ് പോലീസ് ഓഫീസറായാണ് സുരേഷ് ഗോപി എത്തുന്നത്. ഈ ഗാന രംഗത്തിലും പ്രായത്തെ വെല്ലുന്ന അദ്ദേഹത്തിന്റെ അഭിനയത്തെ പ്രശംസിച്ചിരിക്കുകയാണ പ്രേക്ഷകർ നീത പിള്ളൈ, ഗോകുൽ സുരേഷ് ഗോപി, ആശ ശരത്, കനിഹ, ടിനി ടോം, മാളവിക മേനോൻ, വിജയ രാഘവൻ, ശ്രീജിത്ത് രവി, സാധിക വേണുഗോപാൽ, ചന്ദുനാഥ്, അജ്മൽ അമീർ , ഡയാന ഹമീദ്, അഭിഷേക് രവീന്ദ്രൻ, മാല പാർവതി, ജുവൽ മേരി എന്നിവരും പ്രധാന വേഷങ്ങളിൽ എത്തുന്നുണ്ട്.

മലയാളത്തിൽ ഹിറ്റ് ചിത്രങ്ങൾ സമ്മാനിച്ച പ്രശസ്ത സംവിധായകൻ ലാൽ ജോസ് ഒരുക്കുന്ന പുത്തൻ ചിത്രമാണ് സോളമന്റെ തേനീച്ചകൾ. ഈ വരുന്ന ഓഗസ്റ്റ് പതിനെട്ടിന് പ്രദർശനത്തിന് എത്താൻ ഒരുങ്ങുന്ന ഈ ചിത്രത്തിന്റെ ട്രെയ്‌ലർ ഇപ്പോൾ പ്രേക്ഷക ശ്രദ്ധ നേടുകയാണ്. ഒരു ത്രില്ലർ പാറ്റേണിൽ ഒരുക്കിയിരിക്കുന്ന ഈ ചിത്രത്തിൽ ജോജു ജോര്‍ജ്ജ്, ജോണി ആന്റണി, ദര്‍ശന സുദര്‍ശന്‍, വിൻസി അലോഷ്യസ് എന്നിവരാണ് പ്രധാന വേഷങ്ങളിൽ എത്തുന്നത്. ലാൽ ജോസിന്റെ എൽ ജെ ഫിലിംസ് തന്നെ നിർമ്മാണം നിർവഹിച്ചിരിക്കുന്ന ഈ ചിത്രത്തിൽ ജോജു ജോർജ് ഒരു പോലീസ് വേഷമാണ് അവതരിപ്പിക്കുന്നത്. പി ജി പ്രഗീഷ് ആണ് ചിത്രത്തിന്റെ രചയിതാവ്. വിദ്യാസാഗർ ആണ് ഈ ചിത്രത്തിന്റെ സംഗീത സംവിധായകൻ . അജ്മൽ സാബു ഛായാഗ്രഹണം നിർവഹിച്ച ഈ ചിത്രത്തിന്റെ എഡിറ്റർ രഞ്ജൻ എബ്രഹാമാണ്.

ശംഭു, ആഡിസ് ആന്റണി അക്കര, മണികണ്ഠന്‍ ആചാരി, ഷാജു ശ്രീധര്‍, ബിനു പപ്പു, ശിവജി ഗുരുവായൂര്‍, സുനില്‍ സുഖദ, ശിവ പാര്‍വതി, രശ്‍മി, പ്രസാദ് മുഹമ്മ, നേഹ റോസ്, അഭിനവ് മണികണ്ഠന്‍, ഖാലിദ് മറിമായം, ഹരീഷ് പേങ്ങന്‍, ദിയ, റിയാസ് മറിമായം, ഷാനി, ചാക്കോച്ചി, ഷൈനി വിജയന്‍, ഫെവിന്‍ പോള്‍സണ്‍, ജിഷ രജിത്, ഷഫീഖ്, ലിയോ, വിമല്‍, ഉദയന്‍, ഫെര്‍വിന്‍ ബൈതര്‍, രജീഷ് വേലായുധന്‍, അലന്‍ ജോസഫ് സിബി, രാഹുല്‍ രാജ്, ജയറാം രാമകൃഷ്‍ണ, സലീം ബാബ, മോഹനകൃഷ്‍ണന്‍, ജോജോ, ശിവരഞ്‍ജിനി, മെജോ, ആദ്യ, വൈഗ, രാജേഷ്, റോബര്‍ട്ട് ആലുവ, അഭിലോഷ്, ആലീസ്, മേരി, ബിനു രാജന്‍, അഷറഫ് ഹംസ തുടങ്ങി അഭിനേതാക്കളുടെ ഒരു നീണ്ട നിരതന്നെ ഈ ചിത്രത്തിൽ അണിനിരക്കുന്നുണ്ട്.

സ്റ്റാർസ് ഹോളീഡേ ഫിലിംസാണ് ഈ ചിത്രത്തിന്റെ ഗൾഫ് വിതരണാവകാശം നേടിയിരിക്കുന്നത് . ഇതിന്റെ ട്രൈലെർ പ്രേക്ഷകർക്ക് നൽകുന്ന സൂചന ലാൽ ജോസ് തന്റെ പതിവ് ശൈലിയിൽ നിന്നും മാറിയാണ് ഈ ചിത്രമൊരുക്കിയതെന്ന ഫീലാണ് .