Movie Updates

സിംഗള ആർട്ടിസ്റ്റ് ആയയോഹനിയുടെ സൂപ്പർ ഹിറ്റ് ഗാനമായ മണിക്കേ മഗേ ഹിതെ എന്ന ഗാനത്തിന് ഹിന്ദി പതിപ്പാണ് ഇപ്പോൾ സോഷ്യൽ മീഡിയയിൽ വളരെ അതികം തരംഗം ആയി മാറി ഇരിക്കുന്നത്. താങ്ക് ഗോഡ് എന്ന ബോളിവുഡ് ചിത്രത്തിന് വേണ്ടി ആണ് ഈ ഗാനത്തിന്റെ ഹിന്ദി പതിപ്പ് ഒരുക്കി ഇരിക്കുന്നത്. നോറെ ഫതേഹി, സിദ്ധാർഥ് മൽഹോത്ര എന്നിവരുടെ കിടിലൻ നൃത്തമാണ് ഈ ഗാനത്തിന്റെ ഹൈ ലൈറ്റ്. അതീവ ഗ്ലാമറൊസ്സ് ആയിട്ടാണ് നോറ ഈ ഗാനത്തിൽ പ്രത്യക്ഷപെട്ടിരിക്കുന്നത്.

അജയ് ദേവാഗൻ, രാഹുൽ പ്രീത് സിംഗ് എന്നിവരും പ്രധാന വേഷങ്ങൾ കൈകാര്യം ചെയ്യുന്ന ഈ ചിത്രത്തിന് വേണ്ടി ഗാനം റെമിസ് ചെയ്തിരിക്കുന്നത് തനിഷ്‌ക് ബാഗചി, ചമത് സംഗീത് എന്നിവർ ചേർന്നാണ്. യോഹാനി, ജുബിൻ നൗറ്റിനാൽ, സൂര്യ രഘുനാഥൻ എന്നിവർ ചേർന്നിട്ടാണ് ഈ ഗാനത്തിന്റെ ഹിന്ദി റെമിസ് വേർഷൻ ആലപിച്ചിരിക്കുന്നത്.രശ്മി വിരാഗ്, ഡ്യൂളർ എ ആർ എക്സ് എന്നിവർ ചേരനാണ് ഇതിന്റെ ഹിന്ദി വരികൾ രചിച്ചത്.

ചമത് സംഗീത് ഈണം നൽകിയ ഇതിന്റെ ഒറിജിനൽ വേർഷൻ അലമ്പിച്ചിരിക്കുന്നത്യോഹാനി, സതീശൻ എന്നിവർ ചേർന്നാണ്, ഡ്യൂളർ എ ആർ എക്സ് ആണ് ഇതിന്റെ വരികൾ രചിച്ചത്. ഹിന്ദി വേർഷന് വേണ്ടി മേലോട്ട് ഡി റാപ് വരികൾ രചിച്ചപ്പോൾ ഗണേഷ് ഹെഗ്‌ടേയാണ് ഇതിനു വേണ്ടി നിർത സംവിധാനം നിർവഹിച്ചിരിക്കുന്നത്. രണ്ടു ദിവസം മുൻപാണ് ഈ വിഡിയോ റിലീസ് ആയത്. റിലീസ് ആയ ഇതിനോടകം തന്നെ രണ്ടര കോടി കാഴ്ച കാരെ ആണ് ലഭിച്ചിരിക്കുന്നത്.

ടി സീരിസിന്റെ യൂ ട്യൂബ് ചാനലിലാണ് ഈ വിഡിയോ സോങ് റിലീസ് ചെയ്തത്.
ഇന്ദ്ര കുമാർ സംവിധാനം ചെയ്തിരിക്കുന്ന ഈ കോമഡി ചിത്രം ദീവാലി സമയത്ത് റിലീസ് ആയി ആരാധകർക്ക് മുന്നിൽ എത്തും എന്നാണ് അറിയിച്ചിരിക്കുന്നത്.

ഈ വരുന്ന സെപ്റ്റംബർ മുപ്പതിന് തെന്നിന്ത്യൻ സിനിമാ പ്രേമികൾ ഏറെ ആകാംഷയോടെ കാത്തിരുന്ന ബ്രഹ്മാണ്ഡ ചിത്രമായ പൊന്നിയിൻ സെൽവൻ റിലീസ് ചെയ്യുന്നത്. രണ്ട് ഭാഗങ്ങളായി ഒരുക്കുന്ന ഈ ചിത്രത്തിന്റെ ആദ്യ ഭാഗമാണ് ഇപ്പോൾ പുറത്തിറങ്ങാൻ ഒരുങ്ങുന്നത്. ചോളന്മാർ 1000 വർഷങ്ങൾക്ക് മുൻപ് തമിഴ്‌നാടിന് വേണ്ടി നൽകിയ സംഭാവനകളും മണ്ണിന് വേണ്ടി അവർ നടത്തിയ പോരാട്ടങ്ങളുമാണ് ഈ ചിത്രത്തിൽ പറയുന്നത് . മണിരത്നത്തിന്റെ സംവിധാന മികവിൽ ഒരുങ്ങുന്ന ഈ ചിത്രം തമിഴ്, മലയാളം , തെലുങ്ക്, കന്നഡ, ഹിന്ദി തുടങ്ങി ഭാഷകളിലും പുറത്തിറങ്ങും.

ഈ ചിത്രത്തിന്റെ ടീസർ , ട്രൈലർ , ഗാനങ്ങൾ എന്നിവയെല്ലാം വമ്പൻ ഹിറ്റുകളായിരുന്നു. അവയെല്ലാം ഇരു കൈയ്യും നീട്ടി സ്വീകരിച്ച പ്രേക്ഷകർക്ക് മുന്നിലേക്ക് ചിത്രത്തിലെ മറ്റൊരു ഗാനം കൂടി പുറത്തുവരിക്കുകയാണ്. അലൈകടൽ എന്ന തമിഴ് ഗാനത്തിന്റെ ലെറിക്കൽ വീഡിയോ ആണ് ഇപ്പോൾ സോഷ്യൽ മീഡിയ കീഴടക്കുന്നത്. ശിവ ആനന്ദ് വരികൾ രചിച്ച ഈ ഗാനം ആലപിച്ചിരിക്കുന്നത് അന്താര നന്ദി ആണ്. ചിത്രത്തിലെ ഗാനങ്ങൾ എല്ലാം
ഒരുക്കിയിരിക്കുന്നത് എ.ആർ റഹ്മാൻ ആണ്. മലയാളത്തിന്റെ യുവ നടി ഐശ്വര്യ ലക്ഷ്മിയാണ് ഈ ഗാനത്തിൽ നിറഞ്ഞ് നിൽക്കുന്നത് . തമിഴ് താരം കാർത്തിയേയും വീഡിയോയിൽ കാണാം. ഇരുവരുടേയും ചിത്രത്തിലെ സ്റ്റിൽസ് ഉൾപ്പെടുത്തി കൊണ്ടാണ് ഈ വീഡിയോ ഗാനം പുറത്തുവിട്ടിരിക്കുന്നത്. ഈ ഗാനരംഗത്തിൽ അതീവ ഗ്ലാമറസ് ആയി തന്നെ ഐശ്വര്യ ലക്ഷ്മിയെ കാണാം. തെന്നിന്ത്യയിൽ ശോഭിച്ച് കൊണ്ടിരിക്കുകയാണ് താരം ഇപ്പോൾ.

അഞ്ച് ഭാഗങ്ങൾ ഉള്ള കൽക്കി കൃഷ്ണമൂർത്തി എഴുതിയ പൊന്നിയിൻ സെൽവനെന്ന ബ്രഹ്മാണ്ഡ നോവലിനെ അടിസ്ഥാനമാക്കിയാണ് ഈ ചിത്രം തയ്യാറാക്കിയിരിക്കുന്നത്. നടൻ ചിയാൻ വിക്രം ഈ ചിത്രത്തിൽ ഒരു പ്രധാന കഥാപാത്രത്തെ അവതരിപ്പിക്കുന്നുണ്ട്. ചോള സാമ്രാജ്യത്തിന്റെ രാജാവായ ആദിത്യ കരികാലൻ ആയാണ് വിക്രം ഈ ചിത്രത്തിൽ എത്തുന്നത്. ഇവരെ കൂടാതെ ഒരു വമ്പൻ താരനിര തന്നെ ഈ ചിത്രത്തിൽ അണിനിരക്കുന്നുണ്ട്. ഐശ്വര്യ റായ്, ജയം രവി, തൃഷ, ജയറാം, ലാൽ, ബാബു ആന്റണി, റിയാസ് ഖാന്‍, റഹ്മാന്‍, ശരത് കുമാർ, പാർത്ഥിപൻ, പ്രഭു, കിഷോർ, വിക്രം പ്രഭു, ശോഭിത, നിഴൽകൾ രവി, അർജുൻ ചിദംബരം, റഹ്മാൻ, മോഹൻ റാം എന്നിവരും ഈ ചിത്രത്തിന്റെ ഭാഗമാകുന്നുണ്ട്. രവി വർമ്മൻ ആണ് ഈ ചിത്രത്തിന് കാമറ കൈകാര്യം ചെയ്തത് . ഈ ചിത്രം എഡിറ്റ് ചെയ്തിരിക്കുന്നത് ശ്രീകർ പ്രസാദ് ആണ്. മണി രത്‌നത്തിന്റെ മദ്രാസ് ടാകീസ്, ലൈക്ക പ്രൊഡക്ഷൻസ് എന്നിവർ ചേർന്നാണ് ചിത്രത്തിന്റെ നിർമ്മാണം നിർവഹിച്ചത് .

സെപ്തംബർ 30 ന് റിലീസിന് ഒരുങ്ങുന്ന ബോളിവുഡ് ചിത്രമാണ് വിക്രം വേദ. ഹൃദ്വിക് റോഷൻ , സൈഫ് അലി ഖാൻ എന്നിവർ കേന്ദ്ര കഥാപാത്രങ്ങള അവതരിപ്പിക്കുന്ന ഈ ചിത്രം സംവിധാനം ചെയ്യുന്നത് പുഷകർ – ഗായത്രി ടീം ആണ് . ഈ ചിത്രത്തിലെ ഒരു കിടിലൻ ഡാൻസ് നമ്പർ ഗാനത്തിന്റെ വീഡിയോ ഇപ്പോൾ സോഷ്യൽ മീഡിയയിൽ ട്രെൻഡിംഗ് ആയി മാറുകയാണ്. ആൽക്കഹോളിയ എന്ന ഗാനത്തിന്റെ വീഡിയോ ആണ് ഇപ്പോൾ ടി സീരിസ് യൂടൂബ് ചാനലിലൂടെ റിലീസ് ചെയ്തിരിക്കുന്നത്.

നിരവധി കാഴ്ചക്കാരെ നേടിയ ഈ വീഡിയോ ഇപ്പോൾ പ്രേക്ഷകർ ഏറ്റെടുത്തിരിക്കുകയാണ്. നടൻ ഹൃദ്വിക് റോഷൻ ആണ് ഈ ഗാനരംഗത്ത് അഭിനയിച്ചിരിക്കുന്നത് . അദ്ദേഹത്തിന്റെ കിടിലൻ നൃത്ത ചുവടുകൾ തന്നെയാണ് ഈ ഗാനത്തിന്റെ ഹൈലൈറ്റും. മനോജ് മൻടാഷിർ വരികൾ രചിച്ച ഈ ഗാനത്തിന് ഈണം പകർന്നിരിക്കുന്നത് വിശാൽ , ഷേയ്ക്കർ എന്നിവരാണ് . വിശാൽ , ഷേയ്ക്കർ, സ്നിഗ്ദജിത്ത്, ഭൗമിക് , അനന്യ ചക്രബർത്തി എന്നിവരാണ് ഈ ഗാനം ആലപിച്ചിരിക്കുന്നത്. ഗണേഷ് ഹെഡ്ജെ ആണ് കൊറിയോഗ്രഫർ . മേഘ്ദീപ് ബോസ് ആണ് ഈ ഗാനം നിർമ്മിച്ചിരിക്കുന്നത്.

പുഷകർ – ഗായത്രി ടീം ഒരുക്കിയ വിക്രം വേദ എന്ന തമിഴ് ചിത്രത്തിന്റെ അതേ പേരിലുള്ള ഹിന്ദി പതിപ്പാണ് ഈ ചിത്രം. ചിത്രത്തിൽ വിക്രം എന്ന പോലീസ് ഉദ്യോഗസ്ഥനായി സൈഫ് അലി ഖാനും വേദ എന്ന ഗുണ്ട സംഘ തലവനായി ഹൃദ്വിക് റോഷനും വേഷമിടുന്നു. ഇവരെ കൂടാതെ ഈ ചിത്രത്തിൽ രാധിക ആപ്തെ, രോഹിത് സറഫ് , യോഗിത ബിഹാനി, ഷറിബ് ഹാഷ്മി, സത്യദീപ് മിശ്ര എന്നിവരും വേഷമിടുന്നു . പി.എസ്. വിനോദ് ഛായാഗ്രഹണം നിർവഹിച്ച ഈ ചിത്രം എഡിറ്റ് ചെയ്തിരിക്കുന്നത് റിച്ചാർഡ് കെൽവിൻ എ ആണ്. പുഷ്കർ – ഗായത്രി തന്നെയാണ് ഈ ചിത്രത്തിന്റെ രചന നിർവഹിച്ചിരിക്കുന്നതും. ഈ ചിത്രം നിർമ്മിക്കുന്നത് എസ്. ശശികാന്ത്, ചക്രവർത്തി , രാമചന്ദ്ര, വിവേക് അഗർവാൾ, ദൂഷൻ കുമാർ എന്നിവ ചേർന്നാണ്. ഹൃദ്വിക് റോഷൻ , സൈഫ് അലി ഖാൻ കൂട്ടുകെട്ടിന്റെ ഗംഭീര പ്രകടനം കാണാനുള്ള കാത്തിരിപ്പിലാണ് പ്രേക്ഷകർ .

ധനുഷ് കേന്ദ്ര കഥാപാത്രത്തെ അവതരിപ്പിക്കുന്ന പുത്തൻ തെലുങ്ക് ചിത്രമാണ് നേനെ വാസ്തുന്ന . ശ്രീ രാഘവ സംവിധാനം ചെയ്യുന്ന ഈ ചിത്രത്തിന്റെ ഒഫീഷ്യൽ ടീസർ ഇപ്പോൾ സോഷ്യൽ മീഡിയ ശ്രദ്ധ പിടിച്ചു പറ്റുകയാണ്. സരിഗമ തെലുങ്കു യൂടൂബ് ചാനലിലൂടെയാണ് ഈ ടീസർ പുറത്തു വിട്ടിരിക്കുന്നത് . ഏറെ വ്യത്യസ്തമായ ഒരു ടീസർ എന്ന് തന്നെ ഇതിനെ പറയേണ്ടി വരും. ഒന്നര മിനുട്ടോളം ദൈർഘ്യമുള്ള ഈ ടീസറിൽ കഥാപാത്രങ്ങൾ തമ്മിലുള്ള ഡയലോഗുകളോ ഒന്നുമില്ല. ഒരു പശ്ചാത്തല സംഗീതം മാത്രം ടീസറിന്റെ ആരംഭം മുതൽ അവസാനം വരെയുള്ളത്. അത് തന്നെയാണ് ഈ ടീസറിനെ വ്യത്യസ്തമാക്കുന്നത് .

ഈ ചിത്രത്തിൽ ഇരട്ട വേഷങ്ങളിലാണ് ധനുഷ് എത്തുന്നതെന്ന് മനസ്സിലാക്കാം. ഒന്ന് ഒരു ചെറുപ്പക്കാരന്റെ രൂപത്തിൽ ആണെങ്കിൽ മറ്റൊന്ന് ഒരു മധ്യ വയസ്ക്കന്റെ രൂപത്തിലും . ചിത്രത്തിൽ നായകനായും പ്രതിനായകനായും എത്തുന്നത് ധനുഷ് തന്നെ ആയിരിക്കും എന്ന സൂചനയാണ് ഈ ടീസർ നൽകുന്നത്. ധനുഷ് അവതരിപ്പിക്കുന്ന രണ്ട് കഥാപാത്രങ്ങളുടെ കുടുംബത്തേയും അവരുടെ സ്വഭാവത്തേയും ഈ ടീസറിൽ കാണിക്കുന്നുണ്ട്. ഒന്ന് ശക്തനായ കഥാപാത്രം ആണെങ്കിൽ മറ്റൊന്ന് ഭയപ്പാടോടെ ജീവിക്കുന്ന അശക്തനായ ഒരു കഥാപാത്രമാണ് . ഒരവസരത്തിൽ ഇരുവരും നേർക്കു നേർ ഏറ്റുമുട്ടുന്നുണ്ട്. ധനുഷിന്റെ വേറിട്ട മറ്റൊരു കഥാപാത്രത്തെ ചിത്രത്തിൽ കാണാൻ സാധിക്കും.

യുവാൻ ശങ്കർ രാജയാണ് ചിത്രത്തിന്റെ സംഗീത സംവിധായകൻ. ടീസറിന്റെ പശ്ചാത്തല സംഗീതം ഒരുക്കിയതും അദ്ദേഹം തന്നെയാണ്. വി ക്രിയേഷൻ നിന്റെ ബാനറിൽ ഒരുങ്ങുന്ന ഈ ചിത്രം നിർമ്മിക്കുന്നത് കലൈപ്പുളി എസ് താണു ആണ് . ഗീത ആർട്ട്സ് ആണ് ഈ ചിത്രം അവതരിപ്പിക്കുന്നത്. ഓം പ്രകാശ് ഛായാഗ്രഹണം നിർവഹിച്ച ഈ ചിത്രത്തിന്റെ എഡിറ്റിംഗ് കൈകാര്യം ചെയ്യുന്നത് ഭുവൻ ശ്രീനിവാസൻ ആണ്. ദിലീപ് സുബ്ബരയ്യൻ, സ്റ്റൺ ശിവ എന്നിവരാണ് ചിത്രത്തിലെ ആക്ഷൻ രംഗങ്ങൾ ഒരുക്കുന്നത്. ധനുഷിനെ കൂടാതെ എല്ലി അവ്‌ർ റാം, ഇന്ദുജ , യോഗി ബാബു എന്നിവരും പ്രധാന വേഷങ്ങളിൽ എത്തുന്നു. നായകനായും പ്രതിനായകനായും ധനുഷ് എത്തുന്ന ഈ ചിത്രത്തിനായുള്ള കാത്തിരിപ്പിലാണ് ആരാധകർ.

കല്യാൺ ജി ഗോഗനയുടെ സംവിധാന മികവിൽ ആഗസ്റ്റ് 19 ന് റിലീസ് ചെയ്ത ചിത്രമാണ് ടീസ് മാർ ഖാൻ . ആദി സായ്കുമാറിനെ കേന്ദ്ര കഥാപാത്രമാക്കി ഒരുക്കിയ ഈ ആക്ഷൻ ഡ്രാമ ചിത്രത്തിലെ പുതിയൊരു വീഡിയോ ഗാനം ഇപ്പോൾ സോഷ്യൽ മീഡിയയിൽ ശ്രദ്ധ നേടുകയാണ്. പാപാ ആഗവേ എന്ന ഗാനത്തിന്റെ വീഡിയോ ആണ് ഇപ്പോൾ പ്രേക്ഷകർ ഏറ്റെടുത്തിരിക്കുന്നത്. ഭാസ്കര ഭട്ട്ല വരികൾ രചിച്ച ഈ ഗാനത്തിന് ഈണം നൽകിയത് സായ് കാർത്തിക് ആണ് .

എൻ.സി കാരുണ്യ ആണ് ഈ ഗാനം ആലപിച്ചത്. ആദി സായ്കുമാർ , പായൽ രജ്പുത് എന്നിവരാണ് ഈ മനോഹര പ്രണയ ഗാനരംഗത്തിൽ അഭിനയിച്ചിരിക്കുന്നത്. ഇരുവരും തമ്മിലുള്ള നെമാന്റിക് രംഗങ്ങളും നായകന്റെ മനോഹര നൃത്തവുമാണ് ഗാനത്തിന്റെ ഹൈലൈറ്റ് ആയി മാറുന്നത്. ആദിത്യ മ്യൂസിക് എന്ന യൂട്യൂബ് ചാനലിലൂടെയാണ് ഈ വീഡിയോ ഗാനം റിലീസ് ചെയ്തിരിക്കുന്നത്. ഒരു പഴയ കാല ഗാനത്തിന്റെ ശൈലിയിലാണ് കാർത്തിക് ഈ ഗാനം ഒരുക്കിയത് , അതിനാൽ തന്നെയാണ് ഇത്രയേറെ പ്രേക്ഷക സ്വീകാര്യത ഗാനത്തിന് ലഭിച്ചതും. റിലീസ് ചെയ്ത് ഒരു മണിക്കൂർ പിന്നിടുമ്പോഴേക്കും ഒട്ടേറെ കാഴ്ചക്കാരെയാണ് ഈ വീഡിയോ ഗാനം സ്വന്തമാക്കിയത് .

കിടിലൻ മാസ്സ് രംഗങ്ങളും അത്യുഗ്രൻ ആക്ഷനും പ്രണയ രംഗങ്ങളും ഉൾക്കൊള്ളിച്ചു കൊണ്ടുള്ള അതി ഗംഭീര ചിത്രമായിരുന്നു ടീസ് മാർ ഖാൻ എങ്കിലും ബോക്സ് ഓഫീസിൽ ചിത്രം പരാജയപ്പെട്ടു. പായൽ രജ്പുത് തന്നെയാണ് ചിത്രത്തിൽ ആദിയുടെ നായികയായി വേഷമിട്ടത്. ചിത്രത്തിൽ മൂന്ന് ഭാവങ്ങളിൽ ആദിയുടെ കഥാപാത്രം എത്തുന്നുണ്ട്. സ്റ്റുഡന്റ്, റൗഡി, പോലീസ് എന്നീ മൂന്ന് ഭാവങ്ങളും ചിത്രത്തിൽ താരം കൈകാര്യം ചെയ്തിരുന്നു. പായൽ രജ്പുത് , ആദി സായ്കുമാർ എന്നിവരെ കൂടാതെ പൂർണ , സുനിൽ , കബീർ സിംഗ്, അനൂപ് സിംഗ് താക്കൂർ എന്നിവരും ചിത്രത്തിൽ ശ്രദ്ധേയ സഹ വേഷങ്ങൾ കൈകാര്യം ചെയ്തിരുന്നു . ഇപ്പോൾ പുറത്തിറങ്ങിയ ഗാനത്തിൽ നായികയ്ക്കും നായകനും ഒപ്പം പൂർണയേയും കാണാം . വിഷൻ സിനിമാസിന്റെ ബാനറിൽ ഒരുക്കിയ ഈ ചിത്രം നിർമ്മിച്ചത് നഗം തിരുപതി റെഡ്ഡി ആണ്.

തെന്നിന്ത്യൻ സിനിമാ പ്രേമികൾ ഏറെ ആകാംഷയോടെ കണ്ണ് നട്ട് കാത്തിരിക്കുകയാണ് തമിഴകത്തിന്റെ മാസ്റ്റർ ഡയറക്ടർ മണി രത്‌ ഒരുക്കുന്ന ബ്രഹ്മാണ്ഡ ചിത്രമായ പൊന്നിയിൻ സെൽവൻ റിലീസ് ചെയ്യുന്നതിനായി. രണ്ട് ഭാഗങ്ങളായി ഒരുക്കുന്ന ഈ ചിത്രത്തിന്റെ ആദ്യ ഭാഗത്തിന്റെ കഥ റിലീസ് ചെയ്യുന്നത് ഈ വരുന്ന സെപ്റ്റംബർ മുപ്പതിനാണ്. ഇതിന്റെ ട്രൈലെർ നമ്മുക്ക് കാണിച്ചു തരുന്നത് പ്രേക്ഷകരെ ഞെട്ടിക്കുന്ന ദൃശ്യ വിസ്മയത്തിന്റെ ഒരു അത്ഭുത കാഴ്ച തന്നെയാണ് ഈ ചിത്രത്തിലൊരുക്കി വെച്ചിരിക്കുന്നത്. തമിഴിൽ മാത്രമല്ല മലയാളം, തെലുങ്ക്, കന്നഡ, ഹിന്ദി തുടങ്ങി ഭാഷകളിലും ഈ ചിത്രം റിലീസ് ചെയ്യാൻ ഒരുങ്ങുകയാണ്. തമിഴ്‌നാടിന് വേണ്ടി ചോളന്മാർ 1000 വർഷങ്ങൾക്ക് മുൻപ് നൽകിയ സംഭാവനകളും മണ്ണിന് വേണ്ടി അവർ നടത്തിയ പോരാട്ടങ്ങളുമാണ് ഈ ചിത്രം നമ്മുടെ മുന്നിലെത്തിക്കുന്ന കഥ. ഇപ്പോൾ തന്നെ ഹിറ്റായി മാറിയ ഇതിലെ ഗാനങ്ങൾ ഒരുക്കിയത് സംഗീത മാന്ത്രികൻ എ ആർ റഹ്മാൻ ആണ്. ഇപ്പോഴിതാ ഇതിലെ ഒരു ലിറിക്കൽ വീഡിയോ റിലീസ് ചെയ്തിരിക്കുകയാണ് . രാക്ഷസ മാമനെ എന്ന് തുടങ്ങുന്ന പുതിയ ഗാനത്തിന്റെ വീഡിയോ ആണ് പുറത്തുവിട്ടത് . കബിലൻ രചന നിർവഹിച്ച ഈ ഗാനം ആലപിച്ചിരിക്കുന്നത് ശ്രേയ ഘോഷാൽ, പാലക്കാട് ശ്രീറാം, മഹേഷ് വിനായക്രം എന്നിവർ ചേർന്നാണ്.

ഈ ഗാനത്തിൽ വേഷമിടുന്നത് കാർത്തി, തൃഷ, ശോഭിത ധുലിപാല എന്നിവരാണ് . കാർത്തി ഈ ഗാനത്തിൽ പ്രത്യക്ഷപ്പെടുന്നത് വ്യത്യസ്തമായ ലുക്കിലാണ്. അഞ്ച് ഭാഗങ്ങൾ ഉള്ള പൊന്നിയിൻ സെൽവനെന്ന കൽക്കി കൃഷ്ണമൂർത്തി എഴുതിയ ബ്രഹ്മാണ്ഡ നോവലിനെ അടിസ്ഥാനമാക്കിയാണ് ഈ ചിത്രം ഒരുക്കിയിരിക്കുന്നത്. നടൻ വിക്രം ഈ ചിത്രത്തിൽ എത്തുന്നത് ചോള സാമ്രാജ്യത്തിന്റെ രാജാവായ ആദിത്യ കരികാലൻ ആയാണ്. അദ്ദേഹത്തെ കൂടാതെ ഈ ചിത്രത്തിൽ കാർത്തി, ഐശ്വര്യ റായ്, ജയം രവി, തൃഷ, ഐശ്വര്യ ലക്ഷ്മി, ജയറാം, ലാൽ, ബാബു ആന്റണി, റിയാസ് ഖാന്‍, റഹ്മാന്‍, ശരത് കുമാർ, പാർത്ഥിപൻ, പ്രഭു, കിഷോർ, വിക്രം പ്രഭു, ശോഭിത, നിഴൽകൾ രവി, അർജുൻ ചിദംബരം, റഹ്മാൻ, മോഹൻ റാം എന്നിവരും പ്രധാന സഹ വേഷങ്ങളെ അവതരിപ്പിക്കുന്നുണ്ട്. ഈ ചിത്രത്തിന് കാമറ കൈകാര്യം ചെയ്തത് രവി വർമ്മൻ ആണ് . ശ്രീകർ പ്രസാദ് ആണ് ഈ ചിത്രം എഡിറ്റ് ചെയ്തിരിക്കുന്നത്. പൊന്നിയിൻ സെൽവൻ നിർമ്മിച്ചത് മണി രത്‌നത്തിന്റെ മദ്രാസ് ടാകീസ്, ലൈക്ക പ്രൊഡക്ഷൻസ് എന്നിവർ ചേർന്നാണ് .

തെലുങ്ക് സൂപ്പർ താരം നാഗാര്‍ജുനയെ കേന്ദ്ര കഥാപാത്രമാക്കി പ്രവീണ്‍ സട്ടരു സംവിധാനം ചെയ്യുന്ന പുതിയ ചിത്രമാണ് ദി ഗോസ്റ്റ്. ബിഗ് ബഡ്ജറ്റിലൊരുക്കിയ ഈ ആക്ഷൻ ത്രില്ലർ ചിത്രത്തിന്റെ തിരക്കഥ രചിച്ചിരിക്കുന്നത് സംവിധായകൻ പ്രവീണ്‍ സട്ടരു തന്നെയാണ്. ഇതിന്റെ ടീസർ പ്രേക്ഷകർ ഏറ്റെടുത്തിരുന്നു , അതിന് ശേഷം ഇപ്പോഴിതാ ചിത്രത്തിലെ ഒരു പ്രണയ ഗാനത്തിന്റെ പ്രോമോ വീഡിയോ പ്രേക്ഷകർക്കായി റിലീസ് ചെയ്തിരിക്കുകയാണ്. അണിയറ പ്രവർത്തകർ ഇപ്പോൾ പുറത്തു വിട്ടിരിക്കുന്നത് നാളെ റിലീസ് ചെയ്യാൻ ഒരുങ്ങുന്ന വേഗം എന്ന ഗാനത്തിന്റെ പ്രോമോ വീഡിയോയാണ് . ഈ ഗാനത്തിന്റെ ഹൈലൈറ്റ് ആയി മാറിയിരിക്കുന്നത് നടൻ നാഗാർജുനയുടേയും നായികയായ സോണൽ ചൗഹാന്റേയും തീവ്ര പ്രണയ രംഗങ്ങളാണ് . ഈ ഗാനത്തിൽ സോണൽ ചൗഹാൻ അതീവ ഗ്ലാമറസ്സായാണ് എത്തുന്നത് എന്ന് ഈ പ്രോമോ വീഡിയോ നമ്മുക്ക് കാണിച്ചു തരുന്നുണ്ട്. ഈ ഗാനത്തിന് കൃഷ്ണ മദിനേനി ആണ് വരികൾ രചിച്ചത്. കപിൽ കപിലൻ, രമ്യ ബെഹ്റ എന്നിവരാണ് ഈ ഗാനം മനോഹരമായി ആലപിച്ചിരിക്കുന്നത്.

ഭരത്- സൗരഭ്‌ ടീം ആണ് ഈ ഗാനത്തിന്റെ സംഗീത സംവിധായകർ . ഈ ഗാനത്തിന്റെ നൃത്ത സംവിധാനം സീസർ ആണ് നിർവഹിച്ചത്. ഈ ചിത്രത്തിൽ മലയാളി താരം അനിഖ സുരേന്ദ്രൻ, ഗുല്‍ പനാഗ്, മനീഷ് ചൗധരി, രവി വര്‍മ, ശ്രീകാന്ത് അയ്യങ്കാര്‍, വൈഷ്‍ണവി ഗനത്ര എന്നിവരും പ്രധാന വേഷങ്ങളിൽ എത്തുന്നുണ്ട്. ശ്രീ വെങ്കിടേശ്വര സിനിമാസ്, നോർത്ത് സ്റ്റാർ എന്റർടൈൻമെന്റ് എന്നിവയുടെ ബാനറിൽ ഒരുക്കിയ ഈ ചിത്രം നിർമ്മിച്ചിരിക്കുന്നത് സുനിൽ നാരംഗ്, പുസ്ക്ർ റാം മോഹൻ റാവു, ശരത് മാരാർ എന്നിവർ ചേർന്നാണ്. മുകേഷ് ജി ഛായാഗ്രഹണം നിർവഹിച്ച ഈ ചിത്രം ധര്‍മേന്ദ്രയാണ് എഡിറ്റ് ചെയ്തിരിക്കുന്നത് . നാഗാര്‍ജുന ഈ ചിത്രത്തിൽ വിക്രം ഗാന്ധി എന്ന കഥാപാത്രമായാണ് എത്തുന്നത്. ഒക്ടോബർ അഞ്ചിനാണ് ഈ ചിത്രം പ്രദർശനത്തിന് എത്തുക. തെലുങ്ക് പ്രേക്ഷകർ ഏറെ ആകാംഷയോടെ കാത്തിരിക്കുകയാണ് ഈ ചിത്രത്തിനായി . ടീസറുകൾ എല്ലാം സോഷ്യൽ മീഡിയയിൽ വൻ ശ്രദ്ധ പിടിച്ചു പറ്റിയതോടെ ചിത്രത്തെ കുറിച്ചുള്ള പ്രേക്ഷക പ്രതീക്ഷകളും ഉയർന്നു.

ഇപ്പോൾ തീയേറ്ററുകളിൽ മികച്ച പ്രേക്ഷക പ്രതികരണം നേടി നിറഞ്ഞോടുകയാണ് നവാഗതനായ ശ്രീജിത്ത് എൻ ഒരുക്കിയ പുത്തൻ ചിത്രം ഒരു തെക്കൻ തല്ല് കേസ്. ബിജു മേനോനെ കേന്ദ്ര കാപാത്രമാക്കി ഒരുക്കിയ ഈ ചിത്രം പ്രേക്ഷകർ ഇരു കൈയ്യും നീട്ടി സ്വീകരിച്ചിരിക്കുകയാണ്. ജി ആർ ഇന്ദുഗോപന്‍റെ രചനയായ അമ്മിണിപ്പിള്ള വെട്ടുകേസ് എന്ന കഥയെ ആസ്പദമാക്കിയാണ് രാജേഷ് പിന്നാടൻ ഈ ചിത്രത്തിന് തിരക്കഥ തയ്യാറാക്കിയത്. യുവ പ്രേക്ഷകരേയും കുടുംബ പ്രേക്ഷകരേയും ഒന്നും പോലെ സ്വീകരിച്ചിരിക്കുകയാണ് ഈ ചിത്രം.

ആക്ഷനും കോമഡിയും പ്രണയവും ഒരുപോലെ കോർത്തൊരുക്കിയാണ് ശ്രീജിത്ത് ഈ ചിത്രം തയ്യാറാക്കിയത്. ഈ ചിത്രത്തിന്റെ പ്രധാന ആകർഷണമായി മാറിയിരിക്കുന്നത് തെക്കൻ സ്ലാങ്ങിലുള്ള ചിത്രത്തിലെ കോമഡി രംഗങ്ങളും ബിജു മേനോന്റെ കാഴ്ച വയ്ക്കുന്ന അത്യുഗ്രൻ ആക്ഷൻ സീനുകളും അതിമനോഹരം എന്ന് വിശേഷിപ്പിക്കാവുന്ന പ്രണയ രംഗങ്ങളും കൂടാതെ ഓരോ അഭിനേതാക്കളുടേയും എടുത്ത പറയേണ്ട അഭിനയ മികവും ആണ്. ഈ ചിത്രത്തിലെ മറ്റൊരു വീഡിയോ ഗാനം കൂടി ഇപ്പോഴിതാ പ്രേക്ഷകരിലേക്ക് എത്തിയിരിക്കുകയാണ്. ഇപ്പോൾ പ്രേക്ഷകർക്ക് മുന്നിൽ എത്തിയിരിക്കുന്നത് പാതിരയിൽ എന്ന ഗാനത്തിന്റെ വീഡിയോയാണ് . ഈ ഗാനരംഗത്ത് നിറഞ്ഞു നിൽക്കുന്നത് ബിജു മേനോൻ- പദ്മപ്രിയ താര ജോടികളുടെ പ്രണയ രംഗങ്ങൾ ആണ് .

ഈ ഗാനത്തിന് വരികൾ രചിച്ചത് അൻവർ അലി ആണ്. ജസ്റ്റിൻ വർഗീസ് സംഗീതം നൽകിയിരിക്കുന്ന ഈ ഗാനം ശ്രീദേവി തെക്കേടത്ത് ആണ് ആലപിച്ചത്. ന്യൂ സൂര്യ ഫിലിംസ്, ഇ ഫോർ എന്റർടെയ്ൻമെന്റ്സ് എന്നിവയുടെ ബാനറിൽ നിർമ്മിച്ച ഒരു തെക്കൻ തല്ല് കേസിന്റെ നിർമ്മാതാക്കൾ സുനിൽ എ കെ , മുകേഷ് ആർ. മേത്ത , സി.വി. സാരഥി എന്നിവരാണ്. ബിജു മേനോൻ, പദ്മപ്രിയ എന്നിവരെ കൂടാതെ റോഷൻ മാത്യു, നിമിഷ സജയൻ, എന്നിവരും ചിത്രത്തിൽ പ്രധാന വേഷങ്ങൾ അവതരിപ്പിക്കുന്നു. ഇവരെ കൂടാതെ ഈ ചിത്രത്തിൽ പ്രമോദ് വെളിയനാട്, പ്രശാന്ത് മുരളി, അച്യുതാന്ദൻ, ശശി വാളൂരാൻ, അശ്വത് ലാൽ, അഖിൽ കവലയൂർ, അസീസ് നെടുമങ്ങാട്, റിജു ശിവദാസ്, അരുൺ പാവുമ്പ, നീരജ രാജേന്ദ്രൻ, ജയരാജ് എന്നിവരും സഹ കഥാപാത്രങ്ങളായി എത്തുന്നു.

ഈ ചിത്രത്തിന്റെ ഛായാഗ്രാഹകൻ മധു നീലകണ്ഠൻ ആണ്. മനോജ് കണ്ണോത് ആണ് എഡിറ്റിംഗ് കൈകാര്യം ചെയ്തിരിക്കുന് . പത്മപ്രിയ മലയാളത്തിലേക്ക് ഒരിടവേളയ്ക്ക് ശേഷം തിരിച്ചെത്തുന്ന ചിത്രം കൂടിയാണ് ഒരു തെക്കൻ തല്ല് കേസ്. 2006 ൽ റിലീസ് ചെയ്ത മോഹൻലാൽ ചിത്രം വടക്കും നാഥനിൽ ആണ് പത്മ പ്രിയയും ബിജു മേനോനും ഒന്നിച്ച് വേഷമിട്ടത് . അതിന് ശേഷം ഒരു തെക്കൻ തല്ല് കേസിലാണ് ഇരുവരും ഒന്നിച്ച് അഭിനയിക്കുന്നത്.

തിയേറ്ററുകളിൽ ആവേശം പടർത്തി വിജയകരമായി മുന്നേറുകയാണ് വിനയന്റെ സംവിധാന മികവിൽ അണിയിച്ചൊരുക്കിയ ‘പത്തൊൻപതാം നൂറ്റാണ്ട്’ എന്ന ബ്രഹ്മാണ്ഡ ചിത്രം . ഈ ചരിത്ര സിനിമയിൽ നായകനായി വേഷമിട്ടത് നടൻ സിജു വിൽസൺ ആണ്. ഈ ചിത്രത്തിന്റെ സംവിധായകൻ വിനയന്റെയും ചിത്രത്തിലെ നായകനായ സിജു വിൽസണിന്റെയും കരിയറിലെ ഏറ്റവും വലിയ ഹിറ്റായി മാറുകയാണ് . തിരുവോണ ദിനത്തിൽ പ്രേക്ഷകർക്ക് മുന്നിലെത്തിയ ഈ ചിത്രം ഇപ്പോൾ തിയറ്ററുകൾ കീഴടക്കി പ്രദർശനം തുടരുകയാണ്.

ഇപ്പോൾ സോഷ്യൽ മീഡിയയിൽ ശ്രദ്ധ നേടുന്നത് ചിത്രത്തിന്റെ ഒരു ബിഹൈൻഡ് ദി സീൻ വിഡിയോ ആണ്. സംവിധായകൻ വിനയൻ തന്നെയാണ് ഈ വീഡിയോ പ്രേക്ഷകർക്കായി പങ്കുവെച്ചത്. വിനയൻ പങ്കുവച്ച ഈ വീഡിയോയിൽ കാണാൻ സാധിക്കുന്നത് ചിത്രത്തിലെ നായകനായ സിജു വിൽസൺ കുതിരപ്പുറത്ത് വളരെ അനായാസമായി ചാടി കയറുന്നതാണ്. സിജുവിന് കുതിര സവാരി ഒട്ടും പരിചയമില്ലാത്ത കാര്യം ആയിരുന്നു എന്നും കഠിനാധ്വാനം നിറഞ്ഞ പരിശീലനത്തിലൂടെയാണ് താരം കുതിര പുറത്ത് കയറാനും സവാരി ചെയ്യാനും പഠിച്ചത് എന്നാണ് സംവിധായകൻ വിനയൻ പറയുന്നത്.

വിഡിയോ പങ്കുവെച്ചു കൊണ്ട് വിനയൻ തന്റെ ഫേസ്ബുക്കിൽ കുറിച്ചത് ഇങ്ങനെയാണ് “എന്നോട് മലയാളത്തിലെ ചില സംവിധായക സുഹൃത്തുക്കൾ ചോദിച്ചു ; കുതിരപ്പുറത്ത് സിജു വിൽസൺ കയറുന്നത് റോപ്പിന്റെ സഹായത്തോടെ ആണോ എന്ന്. സിജുവിന് കുതിര സവാരി ഒന്നും അറിയാത്തിട്ടും എങ്ങനെയാണ് അനായാസമായി ഇങ്ങനെ കുതിരപ്പുറത്ത് ചാടി കേറാനും അതിവേഗം അതിന്മേൽ സഞ്ചരിക്കാനും ഒക്കെ സാധിച്ചത് ? കഠിനാധ്വാനം നിറഞ്ഞ സിജുവിന്റെ പരിശീലനം കൊണ്ടാണ്. അതിന്റെ ഒരു വിജയം എന്നതുപോലെയാണ് സിജു വിൽസൺ എന്ന ആക്ഷൻ ഹീറോയെ കേരളജനത ഏകകണ്ഠമായി അംഗീകരിച്ചിരിക്കുന്നത്”-

നവോത്ഥാന നായകനായ ആറാട്ടുപുഴ വേലായുധപണിക്കരുടെ കഥ പറയുന്ന പത്തൊമ്പതാം നൂറ്റാണ്ട് എന്ന ഈ ചിത്രം ​ ​ഗോകുലം ​ഗോപാലനാണ് നിർമ്മിച്ചിരിക്കുന്നത്.ശ്രീ ​ഗോകുലം മൂവീസിന്റെ ബാനറിൽ ഒരുക്കിയ ഈ ചിത്രത്തിൽ മലയാള സിനിമയിലെ താരരാജക്കന്മാരായ മമ്മൂട്ടിയും മോഹൻലാലും ശബ്‌ദ സാന്നിധ്യമായി ഈ ചരിത്ര ചിത്രത്തിന്റെ ഭാഗമായി. ഒരു വമ്പൻ താരനിര തന്നെയാണ് ഈ ചിത്രത്തിൽ അണിയുന്നത്. മാധുരി, കയദു ലോഹർ, പൂനം ബജ്വ, ദീപ്തി സതി, അനൂപ് മേനോൻ , ചെമ്പൻ വിനോദ്, സുരേഷ് കൃഷ്ണ, സെന്തിൽ കുമാർ , ഗോകുലം ഗോപാലൻ, സുധീർ കരമന, ഇന്ദ്രൻസ് , മണികണ്ഠൻ ആചാരി , രാഘവൻ , സുദേവ് നായർ , സുനിൽ സുഗത എന്നിവരും ഈ ചിത്രത്തിൽ വേഷമിട്ടു.

ഇന്ത്യൻ സിനിമയിലെ രണ്ട് മെഗാതാരങ്ങളാണ് തെലുങ്ക് സൂപ്പർ സ്റ്റാർ ചിരഞ്ജീവിയും ബോളിവുഡ് താരം സൽമാൻ ഖാനും. ഇരുവരും ആദ്യമായി ഒന്നിക്കുന്ന തെലുങ്ക് ചിത്രമാണ് ഗോഡ്ഫാദർ. മോഹൻ രാജയുടെ സംവിധാന മികവിൽ അണിയിച്ചൊരുക്കുന്ന ഈ ചിത്രം ബ്ലോക്ക്ബസ്റ്റർ മലയാളം ചിത്രമായ ലൂസിഫറിന്റെ തെലുങ്ക് പതിപ്പാണ്. യുവ സൂപ്പർ താരം പൃഥ്വിരാജ് സുകുമാരൻ സംവിധാനം ചെയ്ത ലൂസിഫറിൽ കംപ്ലീറ്റ് ആക്ടർ മോഹൻലാൽ ആണ് നായകനായി എത്തിയത്. മോഹൻലാൽ, പൃഥ്വിരാജ് എന്നിവർ ലൂസിഫറിൽ അവതരിപ്പിച്ച കഥാപാത്രങ്ങൾ, തെലുങ്ക് റീമേക്കിൽ അവതരിപ്പിക്കുന്നത് ചിരഞ്ജീവിയും സൽമാൻ ഖാനും ആണ്.

കുറച്ചു നാളുകൾക്കു മുൻപാണ് ഇതിന്റെ ടീസർ റിലീസ് ചെയ്തത്. ഇപ്പോഴിതാ ഈ ചിത്രത്തിലെ ഒരു ഗാനത്തിന്റെ പ്രോമോ ടീസർ കൂടി ഇന്ന് പുറത്തുവിട്ടിരിക്കുകയാണ്. നാളെയാണ് ഈ ഗാനം റിലീസ് ചെയ്യുന്നത്. താർ മാർ തക്കർ മാർ എന്ന വരികളോടെ ആരംഭിക്കുന്ന ഈ ഫാസ്റ്റ് നമ്പർ ഗാനത്തിന് വരികൾ രചിച്ചത് അനന്ത ശ്രീരാം ആണ് . ഈ ഗാനം ആലപിച്ചിരിക്കുന്നത് ഏവരുടേയും പ്രിയ ഗായിക ശ്രേയ ഘോഷാലും . തമൻ എസ് ആണ് ഗോഡ് ഫാദറിലെ ഗാനങ്ങൾ ഒരുക്കിയത്.

ചിത്രത്തിലെ രണ്ട് വമ്പൻ താരങ്ങളായ ചിരഞ്ജീവിയും സൽമാൻ ഖാനും നൃത്ത ചുവട് വെക്കുന്ന ഈ ഗാനത്തിന് പ്രഭുദേവയാണ് ഡാൻസ് കൊറിയോഗ്രഫി ചെയ്തിരിക്കുന്നത്. ഈ ചിത്രത്തിന്റെ ടീസർ റിലീസ് ചെയ്തപ്പോൾ സോഷ്യൽ മീഡിയയിൽ നിന്നും വലിയ വിമർശനമാണ് ഈ ചിത്രം നേരിട്ടത്‌. ഏതായാലും നാളെ റിലീസ് ചെയ്യുന്ന ഈ പുത്തൻ ഗാനം പ്രേക്ഷകർ എപ്രകാരമാണ് സ്വീകരിക്കുന്നത് എന്നറിയാനുള്ള ആകാംഷയിലാണ് നിരവധി സിനിമ പ്രേമികൾ . ലൂസിഫറിൽ മഞ്ജുവാര്യർ അവതരിപ്പിച്ച പ്രിയദർശിനി എന്ന കഥാപാത്രത്തെ തെലുങ്കിൽ പകർന്നാടുന്നത് ലേഡി സൂപ്പർ സ്റ്റാർ നയൻ താര ആണ്. കൂടാതെ ഈ ചിത്രത്തിൽ പുരി ജഗന്നാഥ്, സത്യ ദേവ്, ഹാരിഷ് ഉത്തമൻ, ജയപ്രകാശ്, സച്ചിൻ കടേക്കർ, വംശി കൃഷ്ണ, നാസർ എന്നിവരും പ്രധാന സഹ കഥാപാത്രങ്ങളെ അവതരിപ്പിക്കുന്നുണ്ട് . ലൂസിഫറിന്റെ ഈ തെലുങ്ക് റീമേക് നിർമ്മിച്ചിരിക്കുന്നത് കോണിഡാല പ്രൊഡക്ഷൻ കമ്പനിയും സൂപ്പർ ഗുഡ് ഫിലിംസും ചേർന്നാണ് .