സഹന മൂർത്തി എസ് സംവിധാനം ചെയ്ത് വിക്രം രവിചന്ദ്രൻ നായകനായി എത്തുന്ന ഏറ്റവും പുതിയ കന്നഡ ചിത്രമാണ് ത്രിവിക്രമ. ഒരു റൊമാന്റിക് ഡ്രാമ പാറ്റേണിൽ ഒരുങ്ങുന്ന ഈ ചിത്രം ജൂൺ 24 ന് ആണ് പ്രദർശനത്തിന് എത്തുന്നത്. ഇപ്പോൾ സോഷ്യൽ മീഡിയയിൽ വൈറലായി മാറുന്നത് ഈ ചിത്രത്തിലെ ഒരു ഗംഭീര വീഡിയോ ഗാനം ആണ്. ഈ വീഡിയോ ഗാനം റിലീസ് ചെയ്തിരിക്കുന്നത് എ ടു മ്യൂസിക് എന്ന യൂട്യൂബ് ചാനലിലൂടെയാണ് .

ഇപ്പോൾ യൂട്യൂബിൽ തരംഗമാകുന്നത് ശകുന്തള ഷെയ്ക്ക് യുവർ ബോഡി പ്ലീസ് എന്ന ത്രിവിക്രമയിലെ വീഡിയോ ഗാനമാണ് . ഈ വീഡിയോ ഗാനരംഗത്തിൽ കാണാൻ സാധിക്കുന്നത് നടൻ വിക്രം രവിചന്ദറിന്റെയും നടി അകാൻക്ഷ ശർമ്മയുടെയും കിടിലൻ പെർഫോമൻസ് ആണ്. ഈ വീഡിയോ ഗാനത്തിന്റെ ഹൈലൈറ്റ് ആയി മാറിയിരിക്കുന്നത് ഗ്ലാമറസ് കോസ്റ്റ്യൂമിൽ ത്രസിപ്പിക്കുന്ന നൃത്തം കാഴ്ചവയ്ക്കുന്ന അകാൻക്ഷ തന്നെയാണ് . വിക്രം രവിചന്ദ്രനും അകാൻക്ഷയ്ക്കൊപ്പം കിടിലൻ ഡാൻസ് പെർഫോമൻസുമായി ശ്രദ്ധ നേടുന്നുണ്ട്.

യോഗരാജ് ഭട്ട് ആണ് ഈ ഗാനത്തിന് വരികൾ തയ്യാറാക്കിയത് . സംഗീത സംവിധാനം നിർവഹിച്ചിരിക്കുന്നത് അർജുൻ ജന്യ ആണ്. നകാഷ് അസീസും ഐശ്വര്യ രംഗരാജനും ചേർന്നാണ് ഈ ഗാനം മനോഹരമായി ആലപിച്ചിരിക്കുന്നത് . ഗൗരി എന്റർടൈനേഴ്സിന്റെ ബാനറിൽ ഒരുങ്ങുന്ന ഈ ചിത്രം നിർമ്മിക്കുന്നത് സൊമന്ന ആണ് . ഗാനരംഗത്തിൽ പ്രത്യക്ഷപ്പെട്ട വിക്രം രവിചന്ദ്രൻ , അക്കാൻക്ഷ ശർമ്മ എന്നിവർക്കൊപ്പം ഈ ചിത്രത്തിൽ അക്ഷര ഗൗഡ, സധു കോകില , ചിക്കണ്ണ എന്നിവരും പ്രധാന വേഷങ്ങളിൽ അഭിനയിക്കുന്നുണ്ട്.

തെലുങ്ക് ചിത്രം സർക്കാർ വാരി പാടയിലെ പുത്തൻ വീഡിയോ ഗാനത്തിലാണ് ഇപ്പോൾ സോഷ്യൽ മീഡിയയിൽ വൈറലായി മാറുന്നത്. കീർത്തി സുരേഷ് , മഹേഷ് ബാബു എന്നിവർ കേന്ദ്ര കഥാപാത്രങ്ങളായി എത്തിയ ഈ ചിത്രത്തിന്റെ രചനയും സംവിധാനവും പരശുറാം ആണ് നിർവഹിച്ചിരിക്കുന്നത്. ഈ ചിത്രത്തിലെ മുരാരി വാ… എന്ന വീഡിയോ ഗാനം ഈ അടുത്ത് റിലീസ് ചെയ്തിരുന്നു. പ്രേക്ഷകർ ഏറ്റെടുത്ത ഈ ഗാനത്തിൽ നടി കീർത്തിയുടെ ഗ്ലാമറസ് നൃത്ത ചുവടുകളും ഉണ്ടായിരുന്നു. ഇപ്പോൾ ഈ ചിത്രത്തിലെ മറ്റൊരു ഗാനത്തിന്റെ വീഡിയോ കൂടി റിലീസ് ചെയ്തിരിക്കുകയാണ്.

ലെറിക്കൽ വീഡിയോ ഇറങ്ങിയപ്പോൾ തന്നെ ട്രെൻഡിംഗ് ആയി മാറിയ കലാവതി എന്ന ഗാനത്തിന്റെ വീഡിയോ ആണ് ഇപ്പോൾ പുറത്തുവന്നിരിക്കുന്നത് . മനോഹരമായ ഈ ഗാനരംഗത്തിൽ പ്രണയം നിറഞ്ഞൊഴുകുന്ന കാമുകനേയും അത് മുതലെടുത്ത് ചീറ്റിംഗ് ചെയുന്ന നായികയെയും ആണ് കാണാൻ സാധിക്കുന്നത് . ഒപ്പം മനോഹരമായ നൃത്ത ചുവടുകളും ഉൾകൊള്ളിച്ചിട്ടുണ്ട് .

അനന്ത ശ്രീറാം വരികൾ രചിച്ച ഈ ഗാനം ആലപിച്ചിരിക്കുന്നത് സിദ് ശ്രീറാം ആണ്. തമൻ എസ് ആണ് സംഗീതം നൽകിയിരിക്കുന്നത്. സരിഗമ തെലുങ്കു എന്ന യൂടൂബ് ചാനലിലൂടെയാണ് ഈ വീഡിയോ ഗാനം ഇപ്പോൾ പുറത്തു വിട്ടിരിക്കുന്നത് . ഈ ചിത്രത്തിലെ എല്ലാ ഗാനങ്ങളും പ്രേക്ഷകർ ഏറ്റെടുത്തിരുന്നു എങ്കിലും ഏവരിലും ഒരു ഓളം സൃഷ്ടിച്ച ഗാനമാണ് കലാവതി.

നവാഗതനായ വിഷ്ണു ജി. രാഘവിന്റെ സംവിധാനത്തിൽ ടൊവിനോ തോമസ് – കീർത്തി സുരേഷ് എന്നിവരെ കേന്ദ്ര കഥാപാത്രങ്ങളാക്കി ഒരുക്കുന്ന ഏറ്റവും പുതിയ ചിത്രമാണ് വാശി. ഈ ചിത്രത്തിന്റെ ഒഫീഷ്യൽ ട്രൈലർ ഇപ്പോൾ റിലീസ് ചെയ്തിരിക്കുകയാണ്. ഈ ചിത്രത്തിന്റെ ഫസ്റ്റ് ലുക്ക് പോസ്റ്റർ, ടീസർ , ചിത്രത്തിലെ ഒരു ഗാനം എന്നിവയെല്ലാം സോഷ്യൽ മീഡിയയിൽ ഏറെ ശ്രദ്ധ നേടിയിരുന്നു . ഇപ്പോഴിതാ ആകാംഷയോടെ കാത്തിരുന്ന പ്രേക്ഷകർക്കായി ചിത്രത്തിന്റെ ട്രൈലർ റിലീസ് ചെയ്തിരിക്കുകയാണ്.

വക്കീൽ കഥാപാത്രങ്ങളെയാണ് ചിത്രത്തിൽ ടോവിനോയും കീർത്തിയും എത്തുന്നത്. അഡ്വ. മാധവി , അഡ്വ. എബിന്‍ എന്നീ വേഷങ്ങളിൽ തകർത്തഭിനയിക്കുന്ന താരങ്ങളെയാണ് ട്രൈലറിൽ കാണാൻ സാധിക്കുന്നത്. വക്കീൽ ജോലിയിൽ ശോഭിച്ചു കൊണ്ടിരിക്കുന്ന ഇരുവരും ഒരേ കേസിൽ പരസ്പരം വാദിക്കാൻ എത്തുന്നതും ഇരുവർക്കും ഇടയിൽ ഉണ്ടാകുന്ന വാശിയും അതേ തുടർന്നുള്ള സംഭവങ്ങളുമാണ് ചിത്രം പറയുന്നതെന്ന് ട്രൈലറിൽ നിന്നും മനസിലാക്കാം.

സംവിധായകൻ വിഷ്ണു ജി. രാഘവ് തന്നെയാണ് ചിത്രത്തിന്റെ രചന നിർവഹിച്ചിരിക്കുന്നത്. ജി സുരേഷ് കുമാർ , മേനക സുരേഷ് കുമാർ എന്നിവർ ചേർന്ന് ഒരുക്കുന്ന ഈ ചിത്രം രേവതി കലാമന്ദിറിന്റെ ബാനറിൽ ആണ് പുറത്തിറങ്ങുന്നത് . കൈലാസ് ആണ് ചിത്രത്തിലെ ഗാനങ്ങൾ ഒരുക്കിയിരിക്കുന്നത് . എഡിറ്റിംഗ് കൈകാര്യം ചെയ്തിരിക്കുന്നത് അർജു ബെൻ ആണ്. ജൂൺ പതിനേഴിനാണ് ചിത്രം പ്രദർശനത്തിന് എത്തുന്നത്.

ഗോകുൽ സുരേഷ് നായകനായി എത്തുന്ന ഏറ്റവും പുതിയ ചിത്രമാണ് സായാഹ്ന വാർത്തകൾ . ഈ ചിത്രത്തിന്റെ ഒഫീഷ്യൽ ട്രൈലർ ഇപ്പോൾ പുറത്തുവിട്ടിരിക്കുകയാണ്. അരുൺ ചന്തു സംവിധാനം ചെയ്യുന്ന ഈ ചിത്രം ഒരു സോഷ്യോ – പൊളിറ്റിക്കൽ ത്രില്ലർ ചിത്രമാണ്. സൂര്യ ടി വി എ യൂടൂബ് ചാനലിലൂടെയാണ് ഈ ട്രൈലർ പുറത്തുവിട്ടിരിക്കുന്നത്.

വളരെ രസകരമായ ഒരു ട്രൈലറാണ് ഇപ്പോൾ പുറത്തുവന്നിരിക്കുന്നത്. ഏറെ വ്യത്യസ്ഥതയാർന്ന കഥാപാത്രമായാണ് ഗോകുൽ ഈ ചിത്രത്തിൽ എത്തുന്നത്. രവി എന്ന കഥാപാത്രത്തെയാണ് ഗോകുൽ അവതരിപ്പിക്കുന്നത്. ഈ ട്രൈലറിൽ നിറഞ്ഞ് നിൽക്കുന്നതും രവി എന്ന കഥാപാത്രമാണ്. ഗോകുലിനെ കൂടാതെ ധ്യാൻ ശ്രീനിവാസൻ , അജു വർഗീസ്, ഇന്ദ്രൻസ് , മകരന്ദ് ദേശ്പാണ്ഡെ, ശരണ്യ ശർമ, ആനന്ദ് മൻമദൻ എന്നിവരും പ്രധാന വേഷങ്ങളിൽ എത്തുന്നു.

ഡി 14 എന്റർടൈൻമെന്റ്സിന്റെ ബാനറിൽ ഒരുങ്ങുന്ന ഈ ചിത്രം നിർമിക്കുന്നത് മഹ്ഫൂസ് എം ഡി , നൗഷാദ് ടി എന്നിവർ ചേർന്നാണ്. സംവിധായകൻ അരുൺ ചന്തു, സച്ചിൻ ആർ. ചന്ദ്രൻ എന്നിവർ ചേർന്നാണ് ചിത്രത്തിന്റെ രചന നിർവ്വഹിച്ചതും തിരക്കഥ, സംഭാഷണം എന്നിവ ഒരുക്കിയതും. ചിത്രത്തിലെ ഗാനങ്ങൾ ഒരുങ്ങിയിരിക്കുന്നത് പ്രശാന്ത് പിള്ളൈ, ശങ്കർ ശർമ എന്നിവർ ചേർന്നാണ്. ശരത്ത് ഷാജിയാണ് ചിത്രത്തിന്റെ ക്യാമറമാൻ . എഡിറ്റിംഗ് കൈകാര്യം ചെയ്തിരിക്കുന്നത് അരവിന്ദ് മൻമദൻ ആണ്.

മലയാളികളുടെ പ്രിയതാരം പൃഥ്വിരാജ് സുകുമാരൻ പ്രധാന വേഷത്തിൽ എത്തുന്ന ഏറ്റവും പുതിയ ചിത്രമാണ് കടുവ. ഒരിടവേളക്ക് ശേഷം ഷാജി കൈലാസ് സംവിധാന മികവിൽ ഒരുങ്ങുന്ന ഒരു പക്കാ മാസ്സ് ആക്ഷൻ ത്രില്ലർ ചിത്രമാണ് കടുവ. ഈ വരുന്ന ജൂൺ മുപ്പതിനാണ് ഈ ചിത്രം പ്രദർശനത്തിന് എത്തുന്നത്. ഈ ചിത്രത്തിന്റെ പോസ്റ്ററുകളും ആദ്യ ടീസറും സോഷ്യൽ മീഡിയയിൽ വലിയ ശ്രദ്ധ നേടിയെടുത്തിരുന്നു. ഇപ്പോഴിതാ കടുവയുടെ രണ്ടാം ടീസർ റിലീസ് ചെയ്തിരിക്കുകയാണ്.

കടുവാക്കുന്നേൽ കുറുവച്ചൻ എന്ന കഥാപാത്രത്തെയാണ് പൃഥ്വിരാജ് ഈ ചിത്രത്തിൽ അവതരിപ്പിക്കുന്നത്. അദ്ദേഹത്തിന്റെ കിടിലൻ ഡയലോഗും ആവേശകരമായ സംഘട്ടന രംഗങ്ങളുമാണ് ഇപ്പോൾ പുറത്തിറങ്ങിയ ടീസറിന്റെ ഹൈലൈറ്റ്. ജിനു എബ്രഹാം ചിത്രത്തിന് തിരക്കഥ രചിച്ചിരിക്കുന്നത്. സുപ്രിയ മേനോൻ, ലിസ്റ്റിൻ സ്റ്റീഫൻ എന്നിവർ ചേർന്ന് നിർമ്മിച്ചിരിക്കുന്ന ഈ ചിത്രം പൃഥ്വിരാജ് പ്രൊഡക്ഷൻസ്, മാജിക് ഫ്രെയിംസ് എന്നിവയുടെ ബാനറിൽ ആണ് പുറത്തിറങ്ങുന്നത്.

ലൂസിഫർ എന്ന ചിത്രത്തിലൂടെ മലയാളികൾക്ക് സുപരിചിതനായ ബോളിവുഡ് താരം വിവേക് ഒബ്‌റോയ് ആണ് ഈ ചിത്രത്തിൽ വില്ലൻ വേഷം ചെയ്യുന്നത്. സംയുക്ത മേനോനാണ് ഈ ചിത്രത്തിലെ നായികയായി എത്തുന്നത് . ഇവരെ കൂടാതെ അജു വർഗീസ്, സുദേവ് നായർ,സിദ്ദിഖ്, വിജയ രാഘവൻ, കലാഭവൻ ഷാജോൺ, സായി കുമാർ, സീമ, അർജുൻ അശോകൻ, ജനാർദ്ദനൻ, രാഹുൽ മാധവ്, റീന മാത്യൂസ്, ദിലീഷ് പോത്തൻ, പ്രിയങ്ക നായർ, കൊച്ചു പ്രേമൻ, മീനാക്ഷി, വൃദ്ധി വിശാൽ, ജൈസ് ജോസ്, സച്ചിൻ കടേക്കർ എന്നിവരും പ്രധാന വേഷങ്ങളിൽ എത്തുന്നുണ്ട്. സുജിത് വാസുദേവ്, അഭിനന്ദം രാമാനുജൻ എന്നിവരാണ് കടുവക്കു വേണ്ടി ദൃശ്യങ്ങളൊരുക്കിയിട്ടുള്ളത്. ജേക്സ് ബിജോയി ആണ് ചിത്രത്തിന്റെ സംഗീത സംവിധായകൻ. എഡിറ്റിംഗ് കൈകാര്യം ചെയ്തിരിക്കുന്നത് ഷമീർ മുഹമ്മദാണ്. ഒരിടവേളയ്ക്ക് ശേഷം എത്തുന്ന ഷാജി കൈലാസ് ഈ ചിത്രം കൂടാതെ മോഹൻലാലിനെ നായകനാക്കി ഒരുക്കുന്ന എലോൺ, പൃഥ്വിരാജ്- ആസിഫ് അലി കൂട്ടുക്കെട്ടിൽ ഒരുങ്ങുന്ന കാപ്പ, സ്ത്രീ പ്രാധാന്യമുള്ള പിങ്ക് പോലീസ് എന്നി ചിത്രങ്ങളും പ്രേക്ഷകരുടെ മുന്നിലെത്തിക്കാൻ തയ്യാറെടുക്കുകയാണ്.

മലയാളത്തിലെ യുവ താരങ്ങളിൽ ശ്രദ്ധേയനായ നടൻ ഷെയിൻ നിഗം നായകനായി എത്തുന്ന ഏറ്റവും പുതിയ ചിത്രമാണ് ഉല്ലാസം. ഈ ചിത്രത്തിന്റെ ഫസ്റ്റ് ലുക്ക് പോസ്റ്റർ, ടീസർ, ട്രൈലെർ എന്നിവയെല്ലാം സാമൂഹ്യ മാധ്യമങ്ങളിൽ സൂപ്പർ ഹിറ്റായി മാറിയിരുന്നു. ഇതിന്റെ പോസ്റ്റർ, ട്രൈലെർ എന്നിവയെല്ലാം പുറത്തു വിട്ടത് മലയാളത്തിലെ താര രാജാക്കന്മാരായ മോഹൻലാൽ , മമ്മൂട്ടി എന്നിവരാണ് . ഇപ്പോഴിതാ പ്രേമികർക്കായി ഈ ചിത്രത്തിന്റെ ആദ്യ ഗാനം പുറത്തു വിട്ടിരിക്കുകയാണ്. പെണ്ണെ പെണ്ണെ എന്ന വരികളോടെ തുടങ്ങുന്ന ഒരു ഗാനമാണ് ഇപ്പോൾ റിലീസ് ചെയ്തിരിക്കുന്നത്. ഷാൻ റഹ്മാനാണ് ഈ ഗാനത്തിന് സംഗീതം പകർന്നിരിക്കുന്നത് .

വളരെ മനോഹരമായി ഒരുക്കിയിരിക്കുന്ന ഈ ഗാനത്തിന്റെ ഹൈലൈറ്റ് ആയി മാറിയിരിക്കുന്നത് ഷെയിൻ നിഗമിന്റെ കിടിലൻ പ്രകടനം തന്നെയാണ്. ഇതുവരെ ഷെയിൻ അവതരിപ്പിച്ച കഥാപാതകളിൽ നിന്നും വ്യത്യസ്തമായി മറ്റൊരു ഗെറ്റപ്പിലാണ് ഈ ചിത്രത്തിൽ ഷൈൻ എത്തുന്നത് എന്ന് ഇതിന്റെ ടീസർ, ട്രൈലെർ, ഇപ്പോൾ പുറത്തു വന്നിരിക്കുന്ന ഗാനം എന്നിവ സൂചിപ്പിക്കുന്നുണ്ട്.

ഈ ചിത്രം ഒരുക്കുന്നത് നവാഗത സംവിധായകൻ ആയ ജീവൻ ജോജോ ആണ്. കുറച്ചു നാൾ മുൻപ് ആണ് ഈ ചിത്രത്തിന്റെ സെൻസറിങ് കഴിഞ്ഞ് ഇതിനു ക്ലീൻ യു സർട്ടിഫിക്കറ്റ് ലഭിച്ചത്. ഒരു കംപ്ലീറ്റ് എന്റർടൈനറായ ഈ ചിത്രത്തിൽ അജു വർഗീസ്, രഞ്ജി പണിക്കർ, ദീപക് പരമ്പൊൾ, ബേസിൽ ജോസെഫ് എന്നിവരും പ്രധാന വേഷങ്ങളിൽ എത്തുന്നുണ്ട്. പ്രണയവും ആക്ഷനും കോമെഡിയുമെല്ലാം ഒരുപോലെ കലർത്തിയാണ് ഈ ചിത്രം ഒരുക്കിയിരിക്കുന്നത്. പവിത്ര ലക്ഷ്മിയാണ് ഈ ചിത്രത്തിൽ നായികയായി എത്തുന്നത്. ജോ കൈതമറ്റം, ക്രിസ്റ്റി കൈതമറ്റം എന്നിവർ ചേർന്നാണ് ഈ ചിത്രം നിർമ്മിച്ചിരിക്കുന്നത്. പ്രവീൺ ബാലകൃഷ്ണൻ ആണ് ഈ ചിത്രത്തിന്റെ രചന നിർവ്വഹിച്ചിരിക്കുന്നത്. സ്വരൂപ് ഫിലിപ്പാണ് ചിത്രത്തിന്റെ ക്യാമറമാൻ , എഡിറ്റർ ജോൺ കുട്ടി .

മലയാള സിനിമയിലെ ശ്രദ്ധേയ നടനും സംവിധായകനുമായ ധ്യാൻ ശ്രീനിവാസന്റെ രചനയിൽ ഒരുങ്ങുന്ന ഏറ്റവും പുതിയ ചിത്രമാണ് പ്രകാശൻ പറക്കട്ടെ. നേരത്തെ തന്നെ റിലീസ് ചെയ്ത ഈ ചിത്രത്തിന്റെ ടീസർ, ഇതിലെ ഒരു ഗാനം എന്നിവയെല്ലാം സൂപ്പർ ഹിറ്റായി മാറിയിരുന്നു. ഇവയ്ക്കെല്ലാം ശേഷം ഇപ്പോഴിതാ അതീവ രസകരമായ ഈ ചിത്രത്തിന്റെ ഒരു ട്രൈലെർ കൂടി പുറത്തുവിട്ടിരിക്കുകയാണ്. ഇന്ന് റിലീസ് ചെയ്ത ഇതിന്റെ ട്രൈലറിൽ നിന്നും ഈ ചിത്രം ഒരു ചിരി വിരുന്ന് ഒരുക്കി ആദ്യാവസാനം വരെ പ്രേക്ഷകരെ പൊട്ടിച്ചിരിപ്പിക്കും എന്ന സൂചനയാണ് നൽകുന്നത്.

ഷഹദ് സംവിധാനം ചെയ്യുന്ന ഈ ചിത്രത്തിൽ മാത്യു തോമസ്, ധ്യാൻ ശ്രീനിവാസൻ , അജു വർഗീസ്, സൈജു കുറുപ്പ്, ദിലീഷ് പോത്തൻ എന്നിവരാണ് പ്രധാന വേഷങ്ങളിൽ എത്തുന്നത്. കണ്ണു കൊണ്ടു നുള്ളി എന്ന ഈ ചിത്രത്തിലെ മനോഹര ഗാനം വലിയ പ്രേക്ഷക ശ്രദ്ധ നേടിയിരുന്നു. ഈ ചിത്രത്തിന്റെ സംഗീത സംവിധാനം നിർവ്വഹിച്ചിരിക്കുന്നത് ഷാൻ റഹ്മാൻ ആണ്.

ഈ ചിത്രത്തിൽ നായികയായി എത്തുന്നത് പുതുമുഖ താരം മാളവിക മനോജ് ആണ്. ഗോവിന്ദ് വി. പെെ, നിഷാ സാരംഗ്, സ്മിനു സിജോ, ശ്രീജിത്ത് രവി എന്നിവരും ശ്രീജിത്ത് രവിയുടെ മകന്‍ മാസ്റ്റര്‍ ഋതുണ്‍ ജയ് ശ്രീജിത്ത് രവിയും ഈ ചിത്രത്തിൽ അഭിനയിക്കുന്നുണ്ട്. ഈ ചിത്രം റിലീസ് ചെയ്യുന്നത് ജൂൺ പതിനേഴിനാണ്. സംവിധായകൻ ഷഹദ് , ധ്യാന്‍ ശ്രീനിവാസന്റെ അസ്സോസിയേറ്റ് ഡയറക്ടറായിരുന്നു , ഇദ്ദേഹത്തിന്റെ ആദ്യ സംവിധാന സംരംഭമാണ് പ്രകാശൻ പറക്കട്ടെ. വിശാഖ് സുബ്രഹ്മണ്യം, ടിനു തോമസ്, അജു വർഗീസ് എന്നിവർ ചേർന്ന് നിർമ്മിക്കുന്ന ഈ ചിത്രം ഹിറ്റ് മേക്കേഴ്സ് എന്റര്‍ടെെയ്മെന്റ്, ഫന്റാസ്റ്റിക് ഫിലിംസ് എന്നീ ബാനറിൽ ആണ് ഒരുങ്ങുന്നത്. ഗുരു പ്രസാദ് ആണ് ചിത്രത്തിന്റെ ക്യാമറമാൻ. എഡിറ്റിംഗ് കൈകാര്യം ചെയ്തിരിക്കുന്നത് രതിൻ രാധാകൃഷ്ണൻ ആണ്.

ജയൻ രവി നായനായി എത്തുന്ന പുത്തൻ ചിത്രത്തിന്റെ ഒഫീഷ്യൽ ടീസർ പുറത്തിറങ്ങി. എൻ. കല്യാൺ കൃഷ്ണയുടെ സംവിധാനത്തിൽ ഒരുങ്ങുന്ന ഈ ചിത്രത്തിന്റെ പേര് അഗിലൻ എന്നാണ്. സെപ്തംബർ പതിനഞ്ചിനാണ് ഈ ചിത്രം റിലീസ് ചെയ്യുന്നത്. ഈ അടുത്താണ് ഈ ചിത്രത്തിന്റെ ഒരു സ്നീക്ക് പീക്ക് വീഡിയോ പുറത്തുവിട്ടത്. തൊട്ടു പിന്നാലെയായി ഇതാ ചിത്രത്തിന്റെ ടീസറും എത്തിയിരിക്കുന്നു.

ഒന്നര മിനുട്ടോളം ദൈർഘ്യമുള്ള ഒരു ടീസർ വീഡിയോ ആണ് തിങ്ക് മ്യൂസിക് ഇന്ത്യ എന്ന യൂടൂബ് ചാനലിലൂടെ ഇപ്പോൾ പുറത്തുവിട്ടിരിക്കുന്നത്. ഒരു ഹാർബറിനെ ചുറ്റിപറ്റിയാണ് കഥ മുന്നോട്ട് പോകുന്നത് എന്നാണ് ടീസർ നൽകുന്ന സൂചന. ജയം രവിയുടെ ആക്ഷൻ രംഗങ്ങൾ കൊണ്ടും മാസ്റ്റ് രംഗങ്ങൾ കൊണ്ടും നിറഞ്ഞ ഒരു ടീസറാണ് ഇപ്പോൾ പുറത്തുവിട്ടിരിക്കുന്നത്. പുറത്തിറങ്ങി മണിക്കൂറുകൾ പിന്നീടുമ്പോഴേക്കും ലക്ഷക്കണക്കിന് കാഴ്ചക്കാരെയാണ് വീഡിയോ സ്വന്തമാക്കിയത്.

സംവിധായൻ എൻ. കല്യാൺ കൃഷ്ണ തന്നെയാണ് ചിത്രത്തിന്റെ രചയിതാവ്. ജയൻ രവിയോടൊപ്പം പ്രിയ ഭാവ്നി ശങ്കർ, ഹരീഷ് ഉത്തമൻ, തന്യ രവിചന്ദ്രൻ എന്നിവരും പ്രധാന വേഷങ്ങളിൽ എത്തുന്നുണ്ട്. വിവേക് വരികൾ രചിച്ച ചിത്രത്തിലെ ഗാനങ്ങൾ തയ്യാറാക്കിയത് സാം സി എസ് ആണ് . ചിത്രത്തിലെ സംഘട്ടന രംഗങ്ങൾ ഒരുക്കിയിരിക്കുന്നത് മൈക്കിൾ ആണ്. സ്ക്രീൻ സീൻ മീഡിയ എന്റർടൈൻമെന്റ് പ്രൈവറ്റ് ലിമിറ്റഡ് ആണ് ഈ ചിത്രം നിർമ്മിക്കുന്നത്. വിവേക് ആനന്ദ് ക്യാമറ ചലിപ്പിച്ച ഈ ചിത്രത്തിന്റെ എഡിറ്റർ എൻ.ഗണേഷ് കുമാർ ആണ്.

ദ വാരിയർ എന്ന ചിത്രത്തിലെ ബുള്ളറ്റ് ഗാനമാണ് ഇപ്പോൾ സോഷ്യൽ മീഡിയ കീഴടക്കുന്നത്. ശ്രീമണി വരികൾ രചിച്ച ദേവി ശ്രീ പ്രസാദ് ഈണം നൽകിയ ഈ ഗാനം ആലപിച്ചിരിക്കുന്നത് സിലമ്പരസൻ , ഹരിപ്രിയ എന്നിവർ ചേർന്നാണ്. സോഷ്യൽ മീഡിയയിൽ താരങ്ങൾ ഉൾപ്പെടെ നിരവധി പേരാണ് ഈ ഗാനത്തിന് ചുവടുവയ്ക്കുന്നത്.

ഇപ്പോൾ സോഷ്യൽ മീഡിയ ശ്രദ്ധ നേടുന്നത് ബുള്ളറ്റ് ഗാനത്തിന് ചുവടുവയ്ക്കുന്ന നടി അനസൂയ ഭരദ്വജിന്റെ വീഡിയോയാണ്. സ്റ്റാർ മാ ചാനലിൽ സംപ്രേക്ഷണം ചെയ്യുന്ന സൂപ്പർ സിംഗർ ജൂനിയർ എന്ന ഷോയിലാണ് താരം ഡാൻസ് പെർഫോമൻസ് കാഴ്ചവച്ചിരിക്കുന്നത്. ആദ്യത്യ മ്യൂസിക് എന്ന യൂട്യൂബ് ചാനലിലൂടെയാണ് ഈ വീഡിയോ പുറത്തുവിട്ടിരിക്കുന്നത്. ഡാൻസ് പെർഫോമൻസിന്റെ ഒരു മിനുട്ട് ദൈർഘ്യമുള്ള ചെറിയൊരു വീഡിയോയാണിത്. വയലറ്റ് കളർ ലെഹങ്കയിൽ ഗ്ലാമറസായാണ് താരം ഈ ഡാൻസ് പെർഫോമൻസിനായി എത്തിയിരിക്കുന്നത്.

അനസൂയ ഭരദ്വാജ് എന്ന താരം ഇപ്പോൾ മലയാളികൾക്കും സുപരിചിതയാണ്. മമ്മൂട്ടി നായകനായി എത്തിയ ഭീഷ്മ പർവ്വം എന്ന ചിത്രത്തിൽ അദ്ദേഹത്തിന്റെ നായികയായി എത്തിയത് നടി അനസൂയ ഭരദ്വാജ് ആണ്. ചിത്രത്തിൽ ആലീസ് എന്ന കഥാപാത്രമായാണ് താരം വേഷമിട്ടത്. വളരെ മികച്ച പ്രകടനം തന്നെയാണ് താരം ചിത്രത്തിൽ കാഴ്ചവച്ചത്.

ആരാധകർ ഏറെ കാത്തിരിക്കുന്ന തെലുങ്കു ചിത്രങ്ങളിലൊന്നാണ് തെലുങ്കു സൂപ്പർ താരം നന്ദമുറി ബാലകൃഷ്ണ എന്ന ബാലയ്യയുടെ നൂറ്റിയേഴാം ചിത്രം . ഈ ചിത്രത്തിന്റെ ഫസ്റ്റ് ലുക്ക് പോസ്റ്റർ നേരത്തെ തന്നെ പുറത്തു വരികയും പ്രേക്ഷകർക്കിടയിൽ തരംഗം സൃഷ്ടിക്കുകയും ചെയ്തിരുന്നു. ഇപ്പോഴിതാ, ഇതിന്റെ അണിയറ പ്രവർത്തകർ ഈ ചിത്രത്തിന്റെ ആദ്യ ടീസർ പുറത്തു വിട്ടിരിക്കുകയാണ് . ഇതുവരെയും പേര് നൽകാത്ത ഈ ചിത്രം ഇപ്പോൾ അറിയപ്പെടുന്നത് എൻ ബി കെ 107 എന്ന പേരിലാണ്. ഈ ചിത്രത്തിന്റെ ഒരു കിടിലൻ മാസ്സ് ടീസറാണ് പുറത്തു വന്നിരിക്കുന്നത് , മരണ മാസ്സ് ലുക്കിൽ ബാലയ്യ എത്തുന്നു എന്നതും ശ്രദ്ധേയമാണ് .

ബാലയ്യയുടെ ജന്മദിനം പ്രമാണിച്ചാണ് പുറത്തു വിട്ടിരിക്കുന്ന ഈ ടീസറിൽ പക്കാ മാസ് ആക്ഷൻ രംഗങ്ങളും പഞ്ച് ഡയലോഗുകളുമായി ബാലയ്യ നിറഞ്ഞു നിൽക്കുകയാണ്. ബാലയ്യ ഈ ചിത്രത്തിൽ നരച്ച താടിയും പിരിച്ചു വെച്ച മീശയും കൂളിംഗ് ഗ്ലാസും അണിഞ്ഞു, കറുത്ത ഷർട്ടും മുണ്ടും ഉടുത്ത് ഗാഭീര്യമേറിയ ഒരു ലുക്കിലാണ് എത്തിയിരിക്കുന്നത്. മൈത്രി മൂവി മേക്കേഴ്‌സ് ആണ് ഈ ചിത്രം നിർമ്മിക്കുന്നത്. ശ്രുതി ഹാസനാണ് ഈ ചിത്രത്തിലെ നായികയായി എത്തുന്നത്. ഈ ചിത്രത്തിൽ ഒരു പ്രധാന വേഷത്തിൽ വരലക്ഷ്മി ശരത്കുമാറും എത്തുന്നുണ്ട്.

ഈ ചിത്രത്തിന്റെ സംവിധായകനായ ഗോപിചന്ദ് മല്ലിനേനി ആണ് ചിത്രത്തിന്റെ കഥയും തിരക്കഥയും തയ്യാറാക്കിയിരിക്കുന്നത്. ഗോപിചന്ദ് മല്ലിനേനി തൊട്ടു മുൻപ് സംവിധാനം ചെയ്ത ചിത്രം രവി തേജ നായകനായി എത്തിയ ക്രാക്ക് എന്ന സൂപ്പർ ഹിറ്റ് ചിത്രം ആയിരുന്നു . തമൻ എസ് ആണ് ചിത്രത്തിന് വേണ്ടി സംഗീതമൊരുക്കിയിരിക്കുന്നത്. ഋഷി പഞ്ചാബിയാണ് ചിത്രത്തിന്റെ ക്യാമറമാൻ. ശിവ, റാം- ലക്ഷ്മൺ ടീം എന്നിവരാണ് ചിത്രത്തിലെ അത്യുഗ്രൻ സംഘട്ടന രംഗങ്ങൾ ഒരുക്കിയിരിക്കുന്നത്. നവീൻ നൂലിയാണ് എഡിറ്റർ. ബാലയ്യയുടെ തൊട്ടു മുൻപത്തെ റിലീസ് ചിത്രം , കരിയറിലെ ആദ്യത്തെ നൂറു കോടി ഗ്രോസ് നേടിയ അഖണ്ഡ എന്ന ചിത്രമായിരുന്നു . ആ ചിത്രത്തിന്റെ സംവിധായകനായ ബോയപ്പട്ടി ശ്രീനുവിനോടൊപ്പം താരം വീണ്ടും ഒന്നിക്കാൻ ഒരുങ്ങുന്നു എന്ന വാർത്തകളും ഇപ്പോൾ വരുന്നുണ്ട്.