Movie Updates

മലയാളത്തിലെ ശ്രദ്ധേയനായ യുവതാരം നടൻ ദുൽഖർ സൽമാൻ കേന്ദ്ര കഥാപാത്രത്തെ അവതരിപ്പിക്കുന്ന പുത്തൻ ബോളിവുഡ് ചിത്രമാണ് ചുപ് . സെപ്തംബർ 23 ന് റിലീസിന് ഒരുങ്ങുന്ന ഈ ചിത്രത്തിന്റെ ഒഫീഷ്യൽ ട്രൈലർ ഇപ്പോൾ പുറത്തുവിട്ടിരിക്കുകയാണ്. രണ്ട് മിനുട്ട് ദൈർഘ്യമുളള ഈ ട്രൈലർ പെൻ മൂവീസിന്റെ യൂടൂബ് ചാനലിലൂടെയാണ് പ്രേക്ഷകരിലേക്ക് എത്തിയിരിക്കുന്നത്. ആർ ബാൽക്കി രചനയും സംവിധാനവും നിർവഹിക്കുന്ന ഈ ചിത്രം ഒരു റൊമാന്റിക് സൈക്കോളജിക്കൽ ത്രില്ലറാണ്. റിവഞ്ച് ഓഫ് ദി ആർട്ടിസ്റ്റ് എന്ന ടാഗ് ലൈനോട് കൂടിയാണ് ഈ ട്രൈലർ പുറത്തുവിട്ടിരിക്കുന്നത് . ദുൽഖർ സൽമാൻ , സണ്ണി ഡിയോൾ, ശ്രേയ ധന്വന്തരി, പൂജ ഭട്ട് എന്നിവരാണ് ഈ ട്രൈലർ രംഗങ്ങളിൽ നിറഞ്ഞു നിൽക്കുന്നത്.

ദുൽഖറിന്റേയും ശ്രേയയുടേയും അതി തീവ്ര പ്രണയ രംഗങ്ങൾക്കൊപ്പം ഒരു സീരിയൽ കില്ലിംഗിന്റെ ത്രില്ലർ രംഗങ്ങളും ഈ ട്രൈലറിൽ ഉൾപ്പെടുത്തിയിരിക്കുന്നു. ഓരോരുത്തർക്കും റേറ്റിംഗ് നൽകി കൊല്ലുന്ന കൊലയാളി , ഈ കൊലപാതക പരമ്പരയുടെ അന്വേഷകനായാണ് ചിത്രത്തിൽ സണ്ണി ഡിയോൾ എത്തുന്നത്. സംവിധായകൻ ആർ ബാൽക്കി, രാജസെൻ , ഋഷി വീർമണി എന്നിവർ ചേർന്നാണ് ചിത്രത്തിന്റെ തിരക്കഥയും സംഭാഷണവും തയ്യാറാക്കിയിരിക്കുന്നത്. വിശാൽ സിൻഹ ആണ് ചിത്രത്തിന്റെ ഛായാഗ്രാഹകൻ . എഡിറ്റിംഗ് നിർവഹിച്ചിരിക്കുന്നത് നയൻ എച്ച് കെ ഭദ്ര ആണ് .

സിബി മലയിൽ സംവിധാനം ചെയ്ത് ആസിഫ് അലി, റോഷൻ മാത്യു , നിഖില വിമൽ എന്നിവർ കേന്ദ്ര കഥാപാത്രങ്ങളായി എത്തുന്ന പുത്തൻ ചിത്രമാണ് കൊത്ത് . സെപ്തംബർ 23 ന് തിയറ്ററുകളിൽ പ്രദർശനത്തിന് എത്താൻ ഒരുങ്ങുന്ന ഈ ചിത്രത്തിന്റെ ഒഫീഷ്യൽ ട്രൈലർ ഇപ്പോൾ പുറത്തുവിട്ടിരിക്കുകയാണ്. വടക്കൻ കേരളത്തിലെ രാഷ്ട്രീയ പാർട്ടികളും അതിന്റെ പേരിൽ ഉണ്ടാകുന്ന രത പുഴകളുടേയും യഥാർത്ഥ ജീവിതമാണ് ഈ ചിത്രം പറയുന്നത് .

രാഷ്ട്രീയത്തിന് വേണ്ടി ജീവിതം ഹോമിച്ചവർ അനുഭവിക്കേണ്ടി വരുന്ന സങ്കീർണ്ണതകളാണ് ഈ ചിത്രം പറയുന്നത്. ഒരു പൊളിറ്റിക്കൽ ത്രില്ലറായ ഈ ചിത്രത്തിൽ രഞ്ജിത്ത്, ശ്രീലക്ഷ്മി, സുദേവ് നായർ ,ശ്രീജിത്ത് രവി , വിജിലേഷ് കാര്യാട് , അതുൽ റാം കുമാർ , ശിവൻ സോപാനം, ദിനേഷ് ആലപ്പി , രാഹുൽ എന്നിവരും വേഷമിടുന്നു.

അയ്യപ്പനും കോശിയും , നായാട്ട് തുടങ്ങി ഹിറ്റ് ചിത്രങ്ങൾ നിർമ്മിച്ച ഗോൾഡ് കോയിൻ മോഷൻ പിക്ച്ചർ കമ്പനിയാണ് ഈ ചിത്രം ഒരുക്കുന്നത്. രഞ്ജിത്തും പി എം ശശിധരനുമാണ് ചിത്രത്തിന്റെ നിർമ്മാതാക്കൾ . ഹേമന്ത് കുമാർ ആണ് ഈ ചിത്രത്തിന്റെ രചന നിർവഹിച്ചിരിക്കുന്നത്. കൈലാസ് മേനോൻ ആണ് ചിത്രത്തിന്റെ സംഗീത സംവിധായകൻ. പ്രശാന്ത് രവീന്ദ്രൻ ഛായാഗ്രഹണം നിർവഹിച്ച ഈ ചിത്രത്തിന്റെ എഡിറ്റർ രതിൻ രാധാകൃഷ്ണൻ ആണ് .

മലയാളത്തിലെ യുവ താരങ്ങളിൽ ശ്രദ്ധേയനായ നടൻ നിവിൻ പോളിയെ നായകനാക്കി റോഷൻ ആൻഡ്രൂസ് സംവിധാനം ചെയ്യുന്ന പുതിയ ചിത്രത്തിന്റെ ടൈറ്റിൽ, ഫസ്റ്റ് ലുക്ക് പോസ്റ്റർ എന്നിവ ഏതാനും ദിവസങ്ങൾക്കു മുൻപ് പുറത്ത് വിടുകയും അവ വലിയ പ്രേക്ഷക ശ്രദ്ധ നേടുകയും ചെയ്തിരുന്നു. സാറ്റർഡേ നൈറ്റ് എന്ന പേരിൽ ഒരുക്കുന്ന ഈ ചിത്രത്തിൽ നിവിനെ കൂടാതെ അജു വർഗീസ്, സിജു വിൽസൺ, സൈജു കുറുപ്പ്, ഗ്രേസ് ആന്റണി, മാളവിക ശ്രീനാഥ്, സാനിയ ഇയ്യപ്പൻ എന്നിവരും പ്രധാന വേഷങ്ങളിൽ എത്തുന്നുണ്ട്. ഇതിനോടകം പുറത്തു വന്ന ഇതിന്റെ പോസ്റ്ററുകളിൽ നിന്ന് ഈ ചിത്രം ഒരു കോമഡി ത്രില്ലറായാണ് ഒരുക്കിയിരിക്കുന്നതെന്ന സൂചനയാണ് ലഭിക്കുന്നത്.

ഇതിന്റെ കളർഫുൾ പോസ്റ്ററുകൾ റിലീസ് ചെയ്തത് കിറുക്കനും കൂട്ടുകാരുമെന്ന ടാഗ്‌ലൈനോടെയാണ്. അതിന് ശേഷം ഇപ്പോഴിതാ പ്രേക്ഷകരുടെ പ്രതീക്ഷകൾക്ക് മങ്ങൽ ഏൽപ്പിക്കാതെ ഇതിന്റെ ആദ്യ ടീസർ റിലീസ് ചെയ്തിരിക്കുകയാണ്. ഈ ടീസർ വീഡിയോയിൽ കാണാൻ സാധിക്കുന്നത് സിജു വിൽസൺ അവതരിപ്പിക്കുന്ന കഥാപാത്രത്തിന്റെ വിവാഹ റിസപ്‌ഷൻ ഫോട്ടോ ഷൂട്ട് രംഗങ്ങളിലെ രസകരമായ കാഴ്ചകളാണ്.

എ ബി സി ഡി, അനുരാഗ കരിക്കിൻ വെള്ളം തുടങ്ങി ഹിറ്റ് ചിത്രങ്ങൾ രചിച്ച നവീൻ ഭാസ്കർ ആണ് ഈ ചിത്രത്തിന്റെ തിരക്കഥ തയ്യാറാക്കിയിരിക്കുന്നത്. വിനായക ഫിലിംസിന്റെ ബാനറിൽ ഒരുക്കുന്ന ഈ ചിത്രം നിർമ്മിച്ചിരിക്കുന്നത് അജിത് വിനായകയാണ് . അസ്‌ലം കെ പുരയിൽ ഛായാഗ്രഹണം നിർവഹിച്ച ഈ ചിത്രത്തിന്റെ എഡിറ്റർ ടി ശിവാനന്ദേശ്വരൻ. ഈ ചിത്രത്തിന് ജേക്സ് ബിജോയ് ആണ് സംഗീതമൊരുക്കിയിരിക്കുന്നത്. സൂപ്പർ ഹിറ്റായി മാറിയ കായംകുളം കൊച്ചുണ്ണി എന്ന ചിത്രത്തിന് ശേഷം നിവിൻ പോളി – റോഷൻ ആൻഡ്രൂസ് കൂട്ടുകെട്ടിൽ ഒരുക്കുന്ന സാറ്റർഡേ നൈറ്റ് പൂജ റിലീസായാണ് പ്രേക്ഷകരുടെ മുന്നിലെത്തുന്നത്. നിവിൻ പോളി പ്രേക്ഷകർക്ക് മുന്നിലേക്ക് ഒരു കംപ്ലീറ്റ് ഫൺ ചിത്രവുമായി എത്തുന്നത് ഒരു ഇടവേളയ്ക്കു ശേഷമാണ്. അതുകൊണ്ട് തന്നെ ഈ ചിത്രത്തിനായുള്ള കാത്തിരിപ്പിലാണ് ആരാധകർ.

മലയാളത്തിന്റെ മെഗാ സ്റ്റാർ മമ്മൂട്ടിയെ കേന്ദ്ര കഥാപാത്രമാക്കി ഒരുക്കുന്ന ഏറ്റവും പുതിയ ചിത്രങ്ങളിലൊന്നാണ് റോഷാക്. പ്രേക്ഷകർക്കിടയിൽ ഏറെ സ്വീകാര്യത ലഭിച്ച ആസിഫ് അലിയുടെ സൂപ്പർ ഹിറ്റ് ചിത്രം കെട്ട്യോളാണെന്റെ മാലാഖ ഒരുക്കിയ സംവിധായകൻ നിസാം ബഷീർ ആണ് ഈ ചിത്രം സംവിധാനം ചെയ്യുന്നത്. പൂജ റിലീസായി പ്ലാൻ ചെയ്യുന്ന റോഷാക് ഇപ്പോഴതിന്റെ പോസ്റ്റ് പ്രൊഡക്ഷൻ സ്റ്റേജിലാണ്. നേരത്തെ തന്നെ പുറത്തിറങ്ങിയ ചിത്രത്തിന്റെ ഫസ്റ്റ് ലുക്ക് പോസ്റ്റർ, സെക്കന്റ് ലുക്ക് പോസ്റ്റർ , കൂടാതെ ഫസ്റ്റ് ലുക്ക് പോസ്റ്ററിന്റെ മേക്കിങ് വീഡിയോ ഇവയെല്ലാം തന്നെ വളരെയധികം പ്രേക്ഷക പ്രശംസ നേടിയിരുന്നു. ഇപ്പോഴിതാ പ്രേക്ഷകർക്ക് മുന്നിൽ എത്തിയിരിക്കുന്നത് ഈ ചിത്രത്തിന്റെ മേക്കിങ് വീഡിയോയാണ് .

ഈ മേക്കിങ് വീഡിയോ നമ്മുക്ക് നൽകുന്നത് , പ്രേക്ഷകരെ ഞെട്ടിക്കാൻ സാധ്യതയുള്ള ഒരു ത്രില്ലറായിരിക്കും റോഷാക് എന്ന സൂചനയാണ്. പ്രേക്ഷകനെ ത്രില്ലടിപ്പിക്കുന്ന ആക്ഷൻ രംഗങ്ങളോട് കൂടിയ ഒരു സൈക്കോളജിക്കൽ ത്രില്ലറായിരിക്കും റോഷാക്കെന്നാണ് ഇപ്പോൾ പുറത്തുവന്ന റിപ്പോർട്ടുകൾ പറയുന്നത്.

മമ്മൂട്ടിയോടൊപ്പം ഈ ചിത്രത്തിൽ ഷറഫുദ്ധീൻ, ജഗദീഷ്, ഗ്രേസ് ആന്റണി, ബിന്ദു പണിക്കർ, സഞ്ജു ശിവറാം, കോട്ടയം നസീർ തുടങ്ങിയവരും വേഷമിടുണ്ട്. ഈ ചിത്രത്തിൽ ആസിഫ് അലി അതിഥി വേഷം ചെയ്യുന്നുണ്ട് എന്ന സ്ഥിരീകരിക്കാത്ത റിപ്പോർട്ടുകൾ പുറത്തു വന്നിരുന്നു. ഈ ചിത്രം നിർമ്മിക്കുന്നത് മെഗാസ്റ്റാർ മമ്മൂക്ക തന്നെയാണ്. മമ്മൂട്ടി കമ്പനി എന്ന തന്റെ ഏറ്റവും പുതിയ നിർമ്മാണ കമ്പനിയുടെ ബാനറിൽ നിർമ്മിക്കുന്ന രണ്ടാമത്തെ ചിത്രമാണ് റോഷാക്. സമീർ അബ്ദുൽ ആണ് ചിത്രത്തിന്റെ രചയിതാവ് . ബാദുഷ ഈ ചിത്രത്തിന്റെ സഹനിർമ്മാതാവ് ആണ്. നിമിഷ് രവി ക്യാമറ കൈകാര്യം ചെയ്യുന്ന ഈ ചിത്രത്തിന്റെ ചിത്ര സംയോജനം കിരൺ ദാസ് ആണ് നിർവഹിച്ചത്. മിഥുൻ മുകുന്ദൻ ആണ് ഈ ചിത്രത്തിന് സംഗീതമൊരുക്കുന്നത്. മമ്മൂട്ടി ആരാധകർ ഏതായാലും വലിയ പ്രതീക്ഷകളോടെയാണ് ഈ ചിത്രത്തെ കാത്തിരിക്കുന്നത്.

മലയാളത്തിലെ ശ്രദ്ധേയ നടനും ദേശീയ അവാർഡ് ജേതാവുമായ നടൻ ബിജു മേനോൻ കേന്ദ്ര കഥാപാത്രമായി എത്തുന്ന ഏറ്റവും പുതിയ ചിത്രമായ ഒരു തെക്കൻ തല്ല് കേസ്. അമ്മിണിപ്പിള്ള വെട്ടുകേസ് ജി.ആർ. ഇന്ദുഗോപൻ രചിച്ച പുസ്തകത്തെ ആസ്പദമാക്കി രാജേഷ് പിന്നാടൻ ആണ് ഈ ചിത്രത്തിന്റെ തിരക്കഥ തയ്യാറാക്കിയിരിക്കുന്നത്. നവാഗതനായ ശ്രീജിത്ത് എൻ ആണ് ഈ ചിത്രത്തിന്റെ സംവിധായകൻ. നേരത്തെ തന്നെ റിലീസ് ചെയ്ത ഇതിന്റെ ടീസർ, ഗാനങ്ങൾ എന്നിവ സോഷ്യൽ മീഡിയയിൽ സൂപ്പർ ഹിറ്റായി മാറിയിരുന്നു. ഇപ്പോഴിതാ ഈ ചിത്രത്തിന്റെ ട്രൈലെർ പുറത്തുവിട്ടിരിക്കുകയാണ്.

ആക്ഷന്റെ പൊടിപൂരമാണ് ഈ ട്രൈലെർ പ്രേക്ഷകർക്ക് സമ്മാനിക്കുന്നത്. ആദ്യാവസാനം വരെ അത്യുഗ്രൻ ആക്ഷൻ രംഗങ്ങളും ആകാംഷ നിറഞ്ഞ രംഗങ്ങളുമായാണ് ഒരു തെക്കൻ തല്ല് കേസ് എന്ന ചിത്രം എത്തുന്നതെന്ന സൂചനയാണ് ഈ ട്രൈലെർ നൽകുന്നത്. ട്രെയിലറിലെ രംഗങ്ങളിൽ നിന്ന് ആക്ഷനൊപ്പം തന്നെ ഈ മാസ്സ് ചിത്രത്തിൽ പ്രണയത്തിനും പ്രാധാന്യമുണ്ടെന്ന് മനസ്സിലാക്കാം.

ബിജു മേനോൻ ഈ ചിത്രത്തിൽ അമ്മിണി എന്ന് വിളിപ്പേരുള്ള അമ്മിണിപ്പിള്ളയെന്ന കഥാപാത്രമായാണ് എത്തുന്നത്. റോഷൻ മാത്യു, പത്മപ്രിയ, നിമിഷ സജയൻ, പ്രമോദ് വെളിയനാട്, പ്രശാന്ത് മുരളി, അച്യുതാന്ദൻ, ശശി വാളൂരാൻ, നീരജ രാജേന്ദ്രൻ,അഖിൽ കവലയൂർ, അശ്വത് ലാൽ, റിജു ശിവദാസ്, അരുൺ പാവുമ്പ, അസീസ് നെടുമങ്ങാട്, ജയരാജ് എന്നിവരും ഈ ചിത്രത്തിൽ വേഷമിട്ടിരിക്കുന്നു. മധു നീലകണ്ഠൻ ആണ് ഈ ചിത്രത്തിന്റെ ഛായാഗ്രാഹകൻ . എഡിറ്റർ- മനോജ് കണ്ണോത് .

ചിത്രത്തിന് സംഗീതമൊരുക്കിയത് ജസ്റ്റിൻ വർഗീസ് ആണ്. ഇ ഫോർ എന്റർടെയ്ൻമെന്റിന്റെ ബാനറിലും ന്യൂ സൂര്യ ഫിലിംസിന്റെ ബാനറിലും ഒരുങ്ങുന്ന ഈ ചിത്രം നിർമ്മിക്കുന്നത് മുകേഷ് ആർ. മേത്ത , സി.വി. സാരഥി, സുനിൽ എ കെ എന്നിവർ ചേർന്നാണ്. ന്യൂ സൂര്യ ഫിലിംസാണ് ഈ ചിത്രം ഇവിടെ വിതരണം ചെയ്യാൻ ഒരുങ്ങുന്നത് . ഈ ചിത്രം ഓണം റിലീസായി സെപ്റ്റംബർ എട്ടിനാണ് പ്രേക്ഷകരിലേക്ക് എത്തുന്നത്.

മലയാള സിനിമയിലെ ശ്രദ്ധേയ നടനും, കുഞ്ഞി രാമായണം, ഗോദ, മിന്നൽ മുരളി തുടങ്ങിയ സൂപ്പർ ഹിറ്റ് ചിത്രങ്ങൾ മലയാളികൾക്ക് സമ്മാനിച്ച പ്രശസ്ത സംവിധായകനുമായ ബേസിൽ ജോസഫ് കേന്ദ്ര കഥാപാത്രത്തെ അവതരിപ്പിക്കുന്ന ഏറ്റവും പുതിയ ചിത്രമാണ് പാൽത്തു ജാൻവർ. ഫഹദ് ഫാസിൽ, ദിലീഷ് പോത്തൻ, ശ്യാം പുഷ്കരൻ എന്നിവർ ചേർന്ന് നിർമ്മിക്കുന്ന ഈ ചിത്രം ഫഹദ് ഫാസിൽ ആൻഡ് ഫ്രണ്ട്‌സ്, ഭാവന സ്റ്റുഡിയോസ്, വർക്കിംഗ് ക്ലാസ് ഹീറോ എന്നീ ബാനറുകളിൽ ആണ് പുറത്തിറങ്ങുന്നത്. നവാഗതനായ സംഗീത് പി രാജനാണ് ഈ ചിത്രത്തിന്റെ സംവിധായകൻ.

ഓണം റിലീസായി പ്രേക്ഷകരുടെ മുന്നിലെത്തുന്ന ഈ ചിത്രം ഈ വരുന്ന സെപ്റ്റംബർ രണ്ടിന് പുറത്തിറങ്ങും. നേരത്തെ തന്നെ റിലീസ് ചെയ്ത ഈ ചിത്രത്തിന്റെ പോസ്റ്ററുകൾ ഗാനങ്ങൾ, പ്രോമോ സോങ് വീഡിയോ എന്നിവയെല്ലാം വലിയ പ്രേക്ഷക ശ്രദ്ധയാണ് നേടിയെടുത്തിരുന്നു. ഇപ്പോഴിതാ ചിത്രത്തിന്റെ ട്രൈലറും പ്രേക്ഷകർക്ക് മുന്നിലേക്ക് എത്തിയിരിക്കുകയാണ്. ബേസിൽ ജോസഫ് ഈ ചിത്രത്തിൽ വേഷമിട്ടിരിക്കുന് തെരുവക്കുന്ന് എന്ന പഞ്ചായത്തിൽ എത്തുന്ന പ്രസൂൺ എന്ന് പേരുള്ള ലൈവ് സ്റ്റോക്ക് ഇൻസ്പെക്ടറായാണ് .

പ്രേക്ഷകർക്ക് ആദ്യാവസാനം വരെ നിർത്താതെ ചിരിപ്പിക്കുന്ന ആകാംഷ നിറഞ്ഞ ഒരു ഫീൽ ഗുഡ് ഫാമിലി കോമഡി എന്റർടൈനറായിരിക്കും ഈ ചിത്രമെന്ന സൂചനയാണ് ഇതിന്റെ ട്രൈലെറിൽ നിന്നും മനസിലാക്കാൻ സാധിക്കുന്നത് . ട്രൈലെർ രംഗങ്ങൾ കാണുമ്പോൾ വൈകാരിക മുഹൂർത്തങ്ങൾക്കും ചിത്രത്തിൽ സ്ഥാനമുണ്ടെന്ന് തുറന്നു കാണിക്കുന്നു. വിനയ് തോമസ്, അനീഷ് അഞ്ജലി എന്നിവരാണ് ചിത്രത്തിന്റെ രചയിതാക്കൾ . സ്റ്റാർസ് ഹോളിഡേ ഫിലിംസാണ്‌ ഈ ചിത്രം വിദേശത്ത് വിതരണം ചെയ്യുന്നത് . സ്റ്റാർസ് ഹോളിഡേ ഫിലിംസ് ഈ ചിത്രം വിദേശത്തു റിലീസ് ചെയ്യുന്നത് പ്ലേ ഫിലിംസുമായി ചേർന്നാണ് .

ബേസിൽ ജോസഫിനെ കൂടാതെ ജോണി ആന്റണി, ഷമ്മി തിലകൻ, ഇന്ദ്രന്‍സ്, ദിലീഷ് പോത്തന്‍, ശ്രുതി സുരേഷ്, സ്റ്റെഫി സണ്ണി, വിജയകുമാര്‍, സിബി തോമസ്, ജയ കുറുപ്പ്, ആതിര ഹരികുമാര്‍, തങ്കം മോഹന്‍, ജോജി ജോണ്‍ എന്നിവരും, മോളിക്കുട്ടി എന്ന പശുവും ഈ ചിത്രത്തിന്റെ ഭാഗമായുന്നുണ്ട്. ജസ്റ്റിൻ വർഗീസ് ആണ് ഈ ചിത്രത്തിന് സംഗീതമൊരുക്കിയത് . എഡിറ്റർ – കിരൺ ദാസ് , മായാഗ്രാഹകൻ – റെനടിവെ .