Teaser

മലയാളത്തിന്റെ ഒരു ശ്രദ്ധേയ യുവ താരനിര അണിനിരക്കുന്ന പുത്തൻ ചിത്രമാണ് ഖജരാഹോ ഡ്രീംസ്. ഒരു റോഡ് മൂവിയായി അണിയിച്ചെടുക്കുന്ന ഈ ചിത്രത്തിൻറെ ഫസ്റ്റ് പോസ്റ്റർ പുറത്തിറങ്ങിയപ്പോൾ തന്നെ വളരെയധികം ശ്രദ്ധ നേടിയിരുന്നു. അതിന് പിന്നാലെയായി ഇപ്പോഴിതാ ഖജരാഹോ ഡ്രീംസിന്റെ ഒഫീഷ്യൽ ടീസർ അണിയറ പ്രവർത്തകർ പുറത്ത് വിട്ടിരിക്കുകയാണ്. സരിഗമ മലയാളം യൂട്യൂബ് ചാനലിലൂടെയാണ് 2 മിനിറ്റ് ദൈർഘ്യമുള്ള ടീസർ വീഡിയോ പ്രേക്ഷകരിലേക്ക് എത്തിയിരിക്കുന്നത്.

മനോജ് വാസുദേവ് അണിയിച്ചൊരുക്കുന്ന ഈ ചിത്രത്തിൽ അർജുൻ അശോകൻ , ഷറഫുദ്ദീൻ, ശ്രീനാഥ് ഭാസി എന്നിവരാണ് പ്രധാന വേഷങ്ങളിൽ അണിനിരക്കുന്നത്. ഇവരെ കൂടാതെ ധ്രുവൻ , അതിഥി രവി , ചന്തുനാഥ്, രാജ് അർജുൻ , വർഷാ വിശ്വനാഥ്, നയന സർവർ എന്നിവരും ഈ ചിത്രത്തിൽ അണിനിരക്കുന്നുണ്ട്. ഇപ്പോൾ പുറത്തിറങ്ങിയ ടീസർ വീഡിയോയ്ക്ക് പ്രേക്ഷകരിൽ നിന്നും സമ്മിശ്ര പ്രതികരണമാണ് ലഭിക്കുന്നത്. മികച്ച ഒരു താരനിര അണിനിരക്കുന്നത് കൊണ്ട് തന്നെ ചിത്രത്തെക്കുറിച്ചുള്ള പ്രതീക്ഷകളും വർദ്ധിക്കുന്നുണ്ട്.

സേതു രചന നിർവഹിച്ച ഈ ചിത്രത്തിൻറെ നിർമ്മാണം നിർവഹിക്കുന്നത് എം കെ നാസർ ആണ് . ഗോപി സുന്ദർ ആണ് ചിത്രത്തിൻറെ സംഗീത സംവിധായകൻ. ഹരിനാരായണൻ ആണ് ചിത്രത്തിലെ ഗാനങ്ങൾക്ക് വരികൾ തയ്യാറാക്കിയിട്ടുള്ളത്. പ്രദീപ് നായർ കാമറ ചലിപ്പിച്ച ഖജരാഹോ ഡ്രീംസിന്റെ എഡിറ്റിംഗ് കൈകാര്യം ചെയ്തിരിക്കുന്നത് ലിജോ പോൾ ആണ് . ഗുഡ്‌ലൈൻ പ്രൊഡക്ഷൻസിന്റെ ബാനറിൽ ആണ് ചിത്രം പുറത്തിറങ്ങുന്നത്. കോസ്റ്റ്യൂം – ഡിസൈനർ അരുൺ മനോഹർ , മേക്കപ്പ് – സജി കാട്ടാക്കട, പ്രൊജക്റ്റ് ഡിസൈനർ – ബാദുഷ, സ്റ്റിൽസ് – ശ്രീജിത്ത് .

മലയാളത്തിന്റെ ശ്രദ്ധേയ താരം നടൻ ഫഹദ് ഫാസിലിനെ നായകനാക്കിക്കൊണ്ട് അഖിൽ സത്യൻ സംവിധാനം ചെയ്യുന്ന പുത്തൻ ചിത്രമാണ് പാച്ചുവും അത്ഭുതവിളക്കും . ഏപ്രിൽ 28 മുതൽ പ്രദർശനത്തിന് എത്താൻ ഒരുങ്ങുന്ന ഈ ചിത്രത്തിൻറെ ഒഫീഷ്യൽ ടീസർ ഇപ്പോൾ സോഷ്യൽ മീഡിയയിൽ ശ്രദ്ധ നേടുകയാണ്. ടി സീരീസ് മലയാളം യൂട്യൂബ് ചാനലിലൂടെ പുറത്തിറങ്ങിയ ഒന്നേകാൽ മിനിറ്റ് ദൈർഘ്യമുള്ള ഈ ചിത്രത്തിൻറെ ടീസർ വീഡിയോ ലക്ഷക്കണക്കിന് കാഴ്ചക്കാരെയാണ് നേടിയിട്ടുള്ളത്.

ഫഹദ് ഫാസിൽ എന്ന താരത്തിന്റെ മറ്റൊരു അത്യുജ്വല പ്രകടനം തന്നെയാണ് ഈ ചിത്രത്തിൽ കാണാൻ സാധിക്കുക എന്ന കാര്യം ഇതിൻറെ ഇപ്പോൾ പുറത്തിറങ്ങിയ ടീസർ വീഡിയോയിൽ നിന്നും വ്യക്തമാണ്. മുംബൈയിൽ താമസമാക്കിയ ഒരു മിഡിൽ ക്ലാസ് യുവാവിന്റെ കേരളത്തിലേക്കുള്ള യാത്രയിലെ സംഭവവികാസങ്ങളാണ് ഈ ചിത്രം പറയുന്നത്. ഒരു കോമഡി എന്റർടൈനർ ആയിരിക്കും ചിത്രം എന്ന സൂചനയാണ് ഈ ടീസർ നൽകുന്നത്. വീഡിയോയ്ക്ക് താഴെ ഫഹദ് ഫാസിൽ ആരാധകരുടെ കമന്റുകൾ നിറയുകയാണ്. ഓരോ ചിത്രം കഴിയുംതോറും താരത്തിന്റെ അഭിനയമികവ് കൂടിക്കൂടി വരികയാണ് എന്നാണ് ആരാധകർ അഭിപ്രായപ്പെടുന്നത് .

ഫഹദ് ഫാസിലിന്നോടൊപ്പം വിജി വെങ്കിടേഷ്, അഞ്ജന ജയപ്രകാശ്, ധ്വനി രാജേഷ്, മുകേഷ്, ഇന്നസെൻറ് , വിനീത്, ഇന്ദ്രൻസ് , അൽത്താഫ് സലീം, മോഹൻ അഗാഷേ , പിയുഷ് കുമാർ, അഭിരാം, രാധാകൃഷ്ണൻ, അവ്യുക്ത് മേനോൻ തുടങ്ങി താരങ്ങൾ പ്രധാന വേഷങ്ങൾ ചെയ്യുന്നു.

ഫുൾ മൂൺ സിനിമ ബാനറിൽ ആണ് ഈ ചിത്രം ഒരുങ്ങുന്നത്. സംവിധായകൻ അഖിൽ തന്നെയാണ് ചിത്രത്തിൻ്റെ രചനയും എഡിറ്റിങ്ങും നിർവഹിച്ചത്. രാജ് ശേഖർ , മനൂ മഞ്ജിത് എന്നിവർ വരികൾ രചിച്ച ഈ ചിത്രത്തിലെ ഗാനങ്ങൾക്ക് ഈണം പകരുന്നത് ജസ്റ്റിൻ പ്രഭാകരൻ ആണ്. ശരൺ വേലായുധൻ ആണ് ചിത്രത്തിന് വേണ്ടി ക്യാമറ കൈകാര്യം ചെയ്തത്.

ബി ഉണ്ണികൃഷ്ണന്റെ സംവിധാന മികവിൽ മെഗാസ്റ്റാർ മമ്മൂട്ടിയെ നായകനാക്കി ഒരുക്കുന്ന പുത്തൻ മലയാള ചിത്രമാണ് ക്രിസ്റ്റഫർ . ഒരു ആക്ഷൻ ത്രില്ലറായി അണിയിച്ചൊരുക്കുന്ന ഈ ചിത്രത്തിൻറെ വീഡിയോകൾ സോഷ്യൽ മീഡിയയിൽ വൈറലായി മാറിയിരുന്നു. അവയ്ക്ക് ശേഷം ഇപ്പോഴിതാ ഒരു പ്രീ റിലീസ് ടീസർ വീഡിയോ പുറത്തുവിട്ടിരിക്കുകയാണ് അണിയറ പ്രവർത്തകർ. മമ്മൂട്ടി കമ്പനി എന്ന യൂട്യൂബ് ചാനലിലൂടെ മണിക്കൂറുകൾ മുൻപ് പുറത്തിറങ്ങിയ ഈ വീഡിയോ ലക്ഷകണക്കിന് കാഴ്ചക്കാരെയാണ് ഇതിനോടകം സ്വന്തമാക്കിയത്. 34 സെക്കൻഡുകൾ മാത്രം ദൈർഘ്യമുള്ള ഒരു റിലീസ് ടീസർ ആണ് ഇപ്പോൾ പ്രേക്ഷകർക്കും മുന്നിലേക്ക് എത്തിയിരിക്കുന്നത്.

ചിത്രത്തിൽ മമ്മൂട്ടി വേഷമിടുന്നത് ക്രിസ്റ്റഫർ എന്ന പോലീസ് ഉദ്യോഗസ്ഥനാണ് . ക്രിസ്റ്റഫർ എന്ന കഥാപാത്രത്തിന്റെ മാസ് മനസ്സിലാക്കിത്തരുന്ന ഒരു കിടിലൻ ടീസറാണ് ഇപ്പോൾ പുറത്തുവന്നിട്ടുള്ളത്. മനോഹരമായ ഒരു ആക്ഷൻ ത്രില്ലറാണ് പ്രേക്ഷകർക്ക് മുന്നിലേക്ക് എത്താൻ ഒരുങ്ങുന്നത് എന്ന് ഇതിനോടകം പുറത്ത് വന്ന വീഡിയോകളിൽ നിന്ന് വ്യക്തമാണ്. മമ്മൂട്ടിയുടെ മറ്റൊരു മാസ് ചിത്രത്തിനായി കാത്തിരിക്കുകയാണ് ആരാധകർ.

ഈ ചിത്രത്തിൻറെ രചയിതാവ് ഉദയകൃഷ്ണയാണ് . മമ്മൂട്ടിയുടെ കേന്ദ്ര കഥാപാത്രത്തെ കൂടാതെ ശരത് കുമാർ , സിദ്ദിഖ് , തമിഴ് താരം സ്നേഹ, വിനയ് റായ്, അമല പോൾ, ഐശ്വര്യ ലക്ഷ്മി, ഷൈൻ ടോം ചാക്കോ , ജിനു ജോസഫ് , ദിലീഷ് പോത്തൻ, ദീപക് പറമ്പോൾ , അതിഥി രവി , വിനീത കോശി , രമ്യ സുരേഷ് , വാസന്തി , കലേഷ്, ഷഹീൻ സിദ്ദിഖ്, അമൽരാജ്, ദിലീപ്, രാജേഷ് ശർമ തുടങ്ങിയ താരങ്ങളും ഈ ചിത്രത്തിൽ പ്രധാന വേഷങ്ങളിൽ എത്തുന്നുണ്ട്.

ക്രിസ്റ്റഫറിൻറെ നിർമ്മാണം നിർവഹിക്കുന്നത് ആർ ഡി ഇലിമിനേഷൻസ് ആണ് . ഫെയ്സ് സിദ്ദിഖ് ക്യാമറ ചലിപ്പിച്ച ഈ ചിത്രത്തിൻറെ എഡിറ്റിംഗ് നിർവഹിച്ചിരിക്കുന്നത് മനോജ് ആണ് . ചിത്രത്തിലെ സംഗീതസംവിധാനം ജസ്റ്റിൻ വർഗീസ് ആണ് നിർവഹിച്ചിരിക്കുന്നത്. സുപ്രീം സുന്ദർ, മാഫിയ ശശി , വിക്കി എന്നിവരാണ് ചിത്രത്തിലെ ആക്ഷൻ രംഗങ്ങൾക്ക് പിന്നിൽ പ്രവർത്തിച്ചിരിക്കുന്നത് . മേക്കപ്പ് – ജിതേഷ് പൊയ്യ ,പി ആർ ഓ – പി ശിവപ്രസാദ് നിയാസ് നൗഷാദ്, ചീഫ് അസോസിയേറ്റ് ഡയറക്ടർ സുജിത് സുരേഷ്, കോസ്റ്റ്യൂം – പ്രവീൺ വർമ്മ, സ്റ്റിൽസ് – നവീൻ മുരളി, സൗണ്ട് ഡിസൈൻ നിതിൻ ലൂക്കോസ്, സൗണ്ട് മിക്സിങ് രാജകൃഷ്ണൻ എന്നിവർ കൈകാര്യം ചെയ്തിരിക്കുന്നു.