Movie Updates

തമിഴ് താരം ജയ് നായകനായി എത്തുന്ന പുത്തൻ ആക്ഷൻ ത്രില്ലർ തമിഴ് ചിത്രമാണ് യെന്നി തുനിഗ. നവാഗത സംവിധായകനായ എസ്. കെ വെട്രി സെൽവൻ അണിയിച്ചൊരുക്കുന്ന ഈ ചിത്രത്തിലെ പുത്തൻ വീഡിയോ ഗാനം ഇപ്പോൾ സോഷ്യൽ മീഡിയയിൽ വൈറലായി മാറുകയാണ്. ഈ ചിത്രത്തിലെ നായിക അതുല്യ രവിയും നടൻ ജയ്യും ചേർന്നുള്ള ഒരു മനോഹര ഗാനമാണ് ഇപ്പോൾ പുറത്തു വിട്ടിരിക്കുന്നത്.

യേനടി പെണ്ണേ എന്ന ഈ വീഡിയോ ഗാനത്തിൽ സോഷ്യൽ വർക്കറായ നായികയ്ക്ക് പിന്നാലെ പ്രണയാഭ്യർത്ഥനയുമായി നടക്കുന്ന നായകനെയാണ് കാണാൻ സാധിക്കുന്നത് . ഒരു ഐ.ടി എംപ്ലോയി ആയാണ് ചിത്രത്തിൽ ജയ് വേഷമിടുന്നത്. സാം സി. എസ് രചനയും സംഗീത സംവിധാനവും നിർവഹിച്ച ഈ ഗാനം ആലപിച്ചിരിക്കുന്നത് അഭിജിത്ത് റാവു ആണ്.

ജയ് , അതുല്യ രവി എന്നിവരെ കൂടാതെ വിദ്യ പ്രദീപ്, മാരിമുത്തു, സുനിൽ റെഡ്ഢി , അഞ്ജലി നായർ , വംശി കൃഷ്ണ,സുരേഷ് സുബ്രഹ്മണ്യൻ എന്നിവരും പ്രധാന വേഷങ്ങളിൽ എത്തുന്നു. ചിത്രത്തിന്റെ രചന നിർവഹിച്ചിരിക്കുന്നത് സംവിധായകൻ എസ്. കെ വെട്രി സെൽവൻ തന്നെയാണ്. ചിത്രത്തിന്റെ നിർമ്മാണം നിരവഹിക്കുന്നത് സുരേഷ് സുബ്രഹ്മണ്യനാണ്. ജെ ബി ദിനേഷ് കുമാർ ക്യാമറ കൈകാര്യം ചെയ്തിരിക്കുന്ന ഈ ചിത്രത്തിന്റെ എഡിറ്റർ വി ജെ സാബു ജോസഫ് ആണ്.

മലയാളത്തിലെ ശ്രദ്ധേയ താരമാണ് നടി സംയുക്ത മേനോൻ . താരത്തിന്റെ പുത്തൻ തെലുങ്ക് ചിത്രമാണ് നന്ദമൂരി കല്യാണ്‍ റാം നായകനായി എത്തുന്ന ബിംബിസാര. ഇപ്പോൾ സോഷ്യൽ മീഡിയയിൽ വൈറലാവുന്നത് ബിംബിസാര എന്ന ഈ ചിത്രത്തിലെ നടി സംയുക്തയുടെ കാരക്ടർ വീഡിയോയാണ് . വൈജയന്തി എന്ന കഥാപാത്രത്തെയാണ് ചിത്രത്തിൽ സംയുക്ത അവതരിപ്പിക്കുന്നത്. വളരെ ബോൾഡ് ലുക്കിലുള്ള ഒരു വേഷമായാണ് ഈ വീഡിയോയിൽ താരം പ്രത്യക്ഷപ്പെട്ടിരിക്കുന്നത്. വസിഷ്‍ഠിന്റെ സംവിധാന മികവിൽ ഒരുക്കുന്ന ഈ ചിത്രത്തിൽ നടി സംയുക്ത ചില ആക്ഷൻ സീനുകളും ചെയ്യുന്നുണ്ടെന്നാണ് പുറത്തു വന്ന റിപ്പോർട്ടുകൾ പറയുന്നത്.

നടി സംയുക തന്റെ ശരീര സൗന്ദര്യത്തിലും ഫിറ്റ്നസിലും ഏറെ ശ്രദ്ധ പുലർത്തുന്ന ഒരു താരമാണ് . താരത്തിന്റെ ജിം വർക്ക് ഔട്ട് വീഡിയോകൾ സാമൂഹ്യ മാധ്യമങ്ങളിൽ ശ്രദ്ധ നേടാറുണ്ട്. വരീന ഹുസൈന്‍, കാതറിന്‍ തെരേസ്, പ്രകാശ് രാജ്, വെണ്ണല കിഷോര്‍, ബ്രഹ്മാജി, ശ്രീനിവാസ റെഡ്ഢി തുടങ്ങിയവരും ഈ ചിത്രത്തിൽ വേഷമിടുന്നുണ്ട്. ഓഗസ്റ്റ് അഞ്ചിനാണ് ബിംബിസാര എന്ന ചിത്രം പ്രദർശനത്തിന് എത്തുന്നത്.

വസിഷ്ഠ് തന്നെ രചന നിർവഹിച്ച ഈ ചിത്രം നിർമ്മിച്ചിരിക്കുന്നത് ഹരികൃഷ്ണൻ കെ ആണ്. ഛോട്ടാ കെ നായിഡു ഛായാഗ്രഹണം നിർവഹിച്ച ഈ ചിത്രത്തിന്റെ എഡിറ്റർ തമ്മി രാജു ആണ്. എം എം കീരവാണി ആണ് ചിത്രത്തിന്റെ സംഗീത സംവിധാകൻ. സംയുക്തയുടേതായി ഈ അടുത്ത് റിലീസ് ചെയ്ത മലയാള ചിത്രം പൃഥ്വിരാജ് സുകുമാരൻ നായകനായി എത്തിയ കടുവയാണ് .

ഷാജി കൈലാസ് സംവിധാനം ചെയ്ത് കഴിഞ്ഞ മാസം പുറത്തിറങ്ങിയ ഈ ചിത്രം സൂപ്പർ ഹിറ്റായി മാറിയിരുന്നു. കടുവയുടെ ഒടിടി സ്ട്രീമിങ്ങ് ഇന്ന് മുതൽ ആരംഭിച്ചിട്ടുമുണ്ട്. ലിസ്റ്റിന്‍ സ്റ്റീഫന്‍റെ മാജിക് ഫ്രെയിംസും പൃഥ്വിരാജ് പ്രൊഡക്ഷന്‍സും ചേർന്നാണ് ഈ ചിത്രം അവതരിപ്പിച്ചത്. ഈ ചിത്രത്തിൽ സംയുക്ത അഭിനയിച്ചത് പൃഥ്വിരാജ് അവതരിപ്പിക്കുന്ന കഥാപാത്രത്തിന്റെ ഭാര്യയായാണ് .

തമിഴ് താരം കാർത്തി നായകനായി എത്തുന്ന പുത്തൻ ചിത്രമാണ് വിരുമൻ . ഓഗസ്റ്റ് 12 ന് പ്രദർശനത്തിന് എത്താൻ ഒരുങ്ങുന്ന ഈ ചിത്രത്തിന്റെ ഒഫീഷ്യൽ ട്രൈലർ ഇപ്പോൾ റിലീസ് ചെയ്തിരിക്കുകയാണ് . പ്രശസ്ത സംവിധായകൻ മുത്തയ്യയും കാർത്തിയും ഒന്നിക്കുന്ന ഈ ചിത്രം ഒരു ഗ്രാമീണ പശ്ചാത്തലത്തിൽ ആണ് ഒരുക്കിയിരിക്കുന്നത്. കുടുംബ ബന്ധങ്ങൾക്കും സ്നേഹത്തിനും മുൻതൂക്കം നൽകുന്ന ചിത്രമാണിത്. കാർത്തിയുടെ കിടിലൻ ആക്ഷൻ രംഗങ്ങൾ തന്നെയാണ് ട്രൈലറിൽ നിറഞ്ഞു നിൽക്കുന്നത്. ആക്ഷനും പ്രണയവും കുടുംബ ബന്ധങ്ങളും ഒപ്പം പരസ്പരം പോർവിളികളും നിറഞ്ഞ ഒരു കിടിലൻ ചിത്രമായിരിക്കും വിരുമൻ എന്നതാണ് ട്രൈലർ നൽകുന്ന സൂചന.

നവാഗത താരം അദിതി ശങ്കർ ആണ് ഈ ചിത്രത്തിൽ കാർത്തിയുടെ നായികയായി എത്തുന്നത്. കൂടാതെ പ്രകാശ് രാജ് , എസ്. ശങ്കർ , രാജ് കിരൺ , ശരണ്യ പൊൻവണ്ണൻ ,സൂരി മുത്തുച്ചാമി, മനോജ്‌ ഭാരതി രാജ, സിംഗം പുലി, കരുണാസ് എന്നിവരും ചിത്രത്തിൽ ശ്രദ്ധേയ വേഷത്തിൽ എത്തുന്നു. സോണി മ്യൂസിക് സൗത്തിന്റെ യൂട്യൂബ് ചാനലിലൂടെ പുറത്തിറങ്ങിയ വിരുമൻ ട്രൈലർ ഇപ്പോൾ സോഷ്യൽ മീഡിയയിൽ വൈറലായി മാറിയിരിക്കുകയാണ്.

സൂര്യ – ജ്യോതിക നിർമ്മാണ കമ്പനിയായ 2 D എന്റർടൈൻമെന്റ് ആണ് ഈ ചിത്രം നിർമ്മിക്കുന്നത്. ഈ ചിത്രത്തിന്റെ സഹ നിർമ്മാതാവാണ് രാജശേഖർ കർപ്പൂരസുന്ദരപാണ്ഡ്യൻ . ചിത്രത്തിന്റെ രചന നിർവഹിച്ചിരിക്കുന്നത് സംവിധായകൻ മുത്തയ്യ തന്നെയാണ്. യുവൻ ശങ്കർ രാജയാണ് ചിത്രത്തിലെ ഗാനങ്ങൾ ഒരുക്കിയിരിക്കുന്നത്. അനൽ അരസു ആണ് ചിത്രത്തിലെ കിടിലൻ സംഘട്ടന രംഗങ്ങൾക്ക് പിന്നിൽ പ്രവർത്തിച്ചിരിക്കുന്നത് . സെൽവ കുമാർ എസ്.കെ ആണ് ഈ ചിത്രത്തിന്റെ ക്യാമറമാൻ . എഡിറ്റിംഗ് കൈകാര്യം ചെയ്യുന്നത് വെങ്കടരാജൻ ആണ്.

സൗത്ത് ഇന്ത്യയിലും ഏറെ ആരാധകരുള്ള ഒരു താരമാണ് പ്രശസ്ത ബോളിവുഡ് നടി രാകുൽ പ്രീത് സിങ് . ബോളിവുഡിലെ സൂപ്പർ താരങ്ങൾക്കൊപ്പം നായികാ വേഷം ചെയ്തു പ്രേക്ഷക ശ്രദ്ധ നേടിയിട്ടുള്ള ഈ നടി തന്റെ അഭിനയ മികവ് കൊണ്ടും സൗന്ദര്യം കൊണ്ടും ആണ് ഏറെ ആരാധകരെ സ്വന്തമാക്കിയത്. മികച്ച നർത്തകി കൂടിയാണ് രാകുൽ പ്രീത് സിംഗ് . താരത്തിന്റെ ഏറ്റവും പുതിയ മ്യൂസിക് വീഡിയോ ഇപ്പോൾ വലിയ പ്രേക്ഷക ശ്രദ്ധ നേടുകയാണ്. ഈ മ്യൂസിക് വീഡിയോ റിലീസ് ചെയ്തത് ഈ കഴിഞ്ഞ ജൂലൈ ഇരുപത്തിയാറിനാണ് .

മഷൂക എന്ന ടൈറ്റിലിൽ നൽകിയാണ് ഈ ഗാനം റിലീസ് ചെയ്തിരിക്കുന്നത്. രാകുൽ പ്രീത് സിംഗിന്റെ ഗ്ലാമർ പ്രദർശനവും നൃത്ത ചുവടുകളുമാണ് ഈ ഗാനത്തിന്റെ ഹൈലൈറ്റായി മാറിയിട്ടുള്ളത്. ജസ്റ്റ് മ്യൂസിക്കിന്റെ യൂട്യൂബ് ചാനലിലൂടെ പ്രേക്ഷകരിലേക്ക് എത്തിയ ഈ വീഡിയോക്ക് ഒരു കോടിയിലേറെ കാഴ്ചക്കാരെയാണ് ചുരുങ്ങിയ ദിവസങ്ങൾ കൊണ്ട് ലഭിച്ചത് .

പ്രശസ്ത ബോളിവുഡ് സംഗീത സംവിധായകൻ തനിഷ്‌ക് ബാഗ്ചി ഈണം പകർന്ന ഈ ഗാനം ആലപിച്ചിരിക്കുന്നത് ദേവ് നേഗി, അസീസ് കൗർ എന്നിവർ ചേർന്നാണ്. വൈറസ് റാപ് മിക്സ് ചെയ്തിരിക്കുന്ന ഈ ഗാനത്തിന്റെ രചന നിർവഹിച്ചിരിക്കുന്നത് ഉള്ളുമനാട്ടി, യാഷ് നവരെകാർ എന്നിവർ ചേർന്നാണ്. ഈ ഗാനം ഹിന്ദി, തെലുങ്കു, തമിഴ് ഭാഷകളിലും റിലീസ് ചെയ്തിട്ടുണ്ട് എന്ന പ്രത്യേകതയുമുണ്ട്. രാകുൽ പ്രീത് സിങ് തെലുങ്ക്, തമിഴ്, കന്നഡ ഭാഷ ചിത്രങ്ങളിലും അഭിനയിച്ചിട്ടുണ്ട്. താരത്തിന്റേതായി ഇനി പുറത്തു വരാനുള്ളത് ഹിന്ദി ചിത്രങ്ങളായ താങ്ക് ഗോഡ്, മിഷൻ സിൻഡ്രേല്ല, ചത്രീവാലി, ഡോക്ടർ ജി എന്നിവയും തമിഴ് ചിത്രമായ അയാളൻ കൂടാതെ തമിഴ്- തെലുങ്ക് ദ്വിഭാഷാ ചിത്രമായ ഒക്ടോബർ 31 ലേഡീസ് നൈറ്റ് എന്ന ചിത്രവുമാണ്.

എബ്രിഡ് ഷൈൻ – നിവിൻ പോളി കൂട്ടുകെട്ടിൽ ഒരുങ്ങിയ മഹാവീര്യർ എന്ന ചിത്രമാണ് ഇപ്പോൾ ഏവരുടെയും പ്രശംസ നേടിക്കൊണ്ട് തിയറ്ററുകളിൽ പ്രദർശനം തുടരുന്നത്. ചിത്രത്തിന്റെ ക്ളൈമാക്സ് മാറ്റിയ പ്രിന്റുകൾ കുറച്ചു ദിവസങ്ങൾക്കു മുൻപ് തീയേറ്ററുകളിലെത്തുകയും പ്രേക്ഷകർ ഇത് ഇരു കയ്യും നീട്ടി സ്വീകരിക്കുകയും ചെയ്തിരുന്നു. കുറച്ചു പ്രേക്ഷകർക്കെങ്കിലും ആദ്യത്തെ ക്ളൈമാക്സിൽ ചില ആശയകുഴപ്പം ഉണ്ടായതു കൊണ്ടാണ് പുതിയ ക്ളൈമാക്സ് ചിത്രത്തിൽ ചേർത്തത്.

നിവിൻ പോളി ക്കൊപ്പം നടൻ ആസിഫ് അലിയും ചിത്രത്തിൽ കേന്ദ്ര കഥാപാത്രത്തെ അവതരിപ്പിച്ചിരുന്നു. മലയാള സിനിമാ പ്രേക്ഷകർ ഇതുവരെ കാണാത്ത തരത്തിൽ കഥ പറയുന്ന ചിത്രമാണ് മഹാവീര്യർ . നർമ്മ രംഗങ്ങൾ ചേർത്തൊരുക്കിയ ഈ ചിത്രം ഫാന്റസിയും ടൈം ട്രാവലും ആഴമേറിയ ഒരു പ്രമേയവും ആണ് കൈകാര്യം ചെയ്യുന്നത്. ഒരു കോർട്ട് റൂം ഡ്രാമയായാണ് ഈ ചിത്രം ഒരുക്കിയിരിക്കുന്നത്. എബ്രിഡ് ഷൈന്‍ രചന നിർവഹിച്ച ഈ ചിത്രം എം മുകുന്ദന്‍റെ കഥയെ ആസ്പദമാക്കിയാണ് ഒരുക്കിയിരിക്കുന്നത്. ഇപ്പോൾ ചിത്രത്തിന്റെ അണിയറ പ്രവർത്തകർ ഈ ചിത്രത്തിലെ ഒരു ഡിലീറ്റഡ് സീൻ പുറത്തു വിട്ടിരിക്കുകയാണ് .

നിവിൻ പോളി അവതരിപ്പിക്കുന്ന കഥാപാത്രമായ സ്വാമി അപൂര്‍ണാനന്ദൻ , കേസില്‍ കുടുങ്ങുമ്പോള്‍ വക്കീലിന്‍റെ സഹായമില്ലാതെ സ്വന്തമായി വാദിക്കുന്ന രംഗമാണ് ഇപ്പോൾ പുറത്തു വിട്ടിരിക്കുന്നത്. ഈ സീനിൽ ശ്രീകാന്ത് മുരളി അവതരിപ്പിക്കുന്ന വില്ലേജ് ഓഫീസര്‍ കഥാപാത്രത്തേയും നമ്മുക്ക് കാണാൻ സാധിക്കും. നിവിൻ പോളി, പി എസ് ഷംനാസ് എന്നിവർ ചേർന്ന് നിർമ്മിച്ച മഹാവീര്യർ പോളി ജൂനിയർ പിക്ചർസ്‌, ഇന്ത്യൻ മൂവി മേക്കർസ് എന്നിവയുടെ ബാനറുകളിൽ ആണ് പുറത്തിറങ്ങിയത്.

ഈ ചിത്രത്തിൽ സിദ്ദിഖ്, ഷാൻവി ശ്രീവാസ്തവ, ലാൽ, ലാലു അലക്സ്, വിജയ് മേനോൻ, സുധീർ കരമന, കൃഷ്ണ പ്രസാദ്, മേജർ രവി, മല്ലിക സുകുമാരൻ, പദ്മരാജ് രതീഷ്, സുധീർ പറവൂർ, കലാഭവൻ പ്രജോദ്, ഷൈലജ പി അമ്പു, പ്രമോദ് വെളിയനാട് എന്നിവരും വേഷമിട്ടുണ്ട്. ഏതായാലും ഈ ചിത്രത്തിന് വലിയ അഭിനന്ദനമാണ് പ്രേക്ഷകരും നിരൂപകരും സിനിമാ പ്രവർത്തകരും നൽകുന്നത്.

ഓഗസ്റ്റ് 12 ന് റിലീസിന് ഒരുങ്ങുന്ന തമിഴ് താരം കാർത്തിയുടെ പുത്തൻ ചിത്രമാണ് വിരുമൻ . കൊമ്പൻ എന്ന ചിത്രത്തിന് ശേഷം സംവിധായകൻ മുത്തയ്യയും കാർത്തിയും ഒന്നിക്കുന്ന ചിത്രം കൂടിയാണിത്. അദിതി ശങ്കർ ആണ് ചിത്രത്തിൽ നായികയായി വേഷമിടുന്നത്. സോണി മ്യൂസിക് സൗത്തിന്റെ യൂട്യൂബ് ചാനലിലൂടെ വിരുമനിലെ ഒരു വീഡിയോ ഗാനത്തിന്റെ പ്രെമോ റിലീസ് ചെയ്തിരിക്കുകയാണ്. മധുര വീരൻ എന്ന ഗാനത്തിന്റെ 53 സെക്കന്റ് മാത്രം ദൈർഘ്യമുള്ള ഒരു പ്രെമോ വീഡിയോ ആണ് ഇപ്പോൾ പുറത്തു വിട്ടിരിക്കുന്നത്. കാർത്തി – അദിതി താരജോടികളെയാണ് ഈ ഗാനരംഗത്തിൽ കാണാൻ സാധിക്കുന്നത്. അദിതിയുടെ കിടിലൻ നൃത്ത ചുവടുകളും ഈ വീഡിയോയിൽ കാണാൻ സാധിക്കും .

രാജു മുരുകൻ വരികൾ രചിച്ച ഈ ഗാനം ആലപിച്ചിരിക്കുന്നത് യുവൻ ശങ്കർ രാജയും അദിതി ശങ്കറും ചേർന്നാണ്. സൂര്യയാണ് ഈ ചിത്രം നിർമ്മിക്കുന്നത്. രാജശേഖർ കർപ്പൂരസുന്ദരപാണ്ഡ്യൻ ചിത്രത്തിന്റെ സഹ നിർമ്മാതാവാണ്. സംവിധായകൻ മുത്തയ്യ തന്നെയാണ് ഈ ചിത്രത്തിന്റെ രചന നിർവഹിച്ചിരിക്കുന്നത് . യുവൻ ശങ്കർ രാജയാണ് ചിത്രത്തിന്റെ സംഗീത സംവിധായകൻ . അനൽ അരസു ആണ് ചിത്രത്തിലെ സംഘട്ടന രംഗങ്ങൾ ഒരുക്കിയിരിക്കുന്നത് . സെൽവ കുമാർ എസ്.കെ ഛായാഗ്രഹണം നിർവഹിക്കുന്ന ഈ ചിത്രത്തിന്റെ എഡിറ്റർ വെങ്കടരാജൻ ആണ്.

കാർത്തി , അദിതി എന്നിവരെ കൂടാതെ എസ്. ശങ്കർ , പ്രകാശ് രാജ് , രാജ് കിരൺ , ശരണ്യ പൊൻവണ്ണൻ ,സൂരി മുത്തുച്ചാമി, മനോജ്‌ ഭാരതി രാജ, സിംഗം പുലി, കരുണാസ് എന്നിവരും ചിത്രത്തിൽ പ്രധാന വേഷത്തിൽ എത്തുന്നു.

അനശ്വര രാജനെ കേന്ദ്ര കഥാപാത്രമാക്കി വിഷ്ണു ശിവപ്രസാദ് സംവിധാനം ചെയ്യുന്ന പുത്തൻ ചിത്രമാണ് മൈക്ക്. ഓഗസ്റ്റ് 19 ന് തിയറ്ററുകളിൽ എത്താൻ ഒരുങ്ങുന്ന ഈ ചിത്രത്തിന്റെ ട്രൈലർ ഇപ്പോൾ റിലീസ് ചെയ്തിരിക്കുകയാണ്. സാറ എന്ന കഥാപാത്രത്തെയാണ് ചിത്രത്തിൽ അനശ്വര അവതരിപ്പിക്കുന്നത് . ഒരു ആൺകുട്ടിയായി മാറാൻ ആഗ്രഹിക്കുന്ന കഥാപാത്രമാണ് സാറയുടേത്. അതിനാൽ തന്നെ ക്രോപ് ഹെയറും ജീൻസും ടോപ്പും ഒക്കെയാണ് സാറയുടെ വേഷം. ആൺകുട്ടികൾക്ക് മാത്രമാണ് എല്ലാ കാര്യങ്ങൾക്കും സ്വാതന്ത്ര്യമുള്ളതെന്ന് പറഞ്ഞു കൊണ്ടാണ് ഈ ട്രൈലർ വീഡിയോ ആരംഭിക്കുന്നത്.

പെൺകുട്ടിയായ സാറ ആൺകുട്ടിയായി മാറാൻ ശ്രമിക്കുമ്പോൾ അവൾ സ്വയം കണ്ടെത്തുന്ന പേരാണ് മൈക്ക് എന്നത് . മൈക്കും ആന്റണിയും തമ്മിലുള്ള സൗഹൃദമാണ് ഈ ചിത്രത്തിൽ കാണാൻ സാധിക്കുക. കിടിലൻ ആക്ഷൻ രംഗങ്ങളും ഉൾപ്പെടുത്തി കൊണ്ടാന്ന് രണ്ടര മിനുട്ടോളം ദൈർഘ്യമുള്ള ഈ വീഡിയോ പുറത്തു വിട്ടിരിക്കുന്നത്. അനശ്വരയുടെ വ്യത്യസ്തമായ ഒരു വേഷം തന്നെയാണ് ഈ ചിത്രത്തിൽ കാണാൻ സാധിക്കുക.

അനശ്വരയ്ക്ക് പുറമേ രഞ്ജിത്ത് സജീവ്, രോഹിണി, ജിനു ജോസഫ് , അക്ഷയ് രാധാകൃഷ്ണൻ , അഭിറാം രാധാകൃഷ്ണൻ , ഡയാന ഹമീദ്, കാർത്തിക് മണികണ്ഠൻ, രാകേഷ് മുരളി, രാഹുൽ , നേഹൻ , റോഷൻ , ചന്ദ്ര, വെട്ടുകിളി പ്രകാശ്, സിനി എബ്രഹാം എന്നിവരും ചിത്രത്തിന്റെ ഭാഗമാകുന്നു. ആഷിഖ് അക്ബർ അലി രചന നിർവഹിച്ച ഈ ചിത്രം നിർമ്മിക്കുന്നത് ജോൺ എബ്രഹാം ആണ്. ജെഎ എന്റെ ടൈൻമെന്റ് മലയാളത്തിൽ നിർമ്മിക്കുന്ന ആദ്യ ചിത്രമാണിത്. ഹെഷാം അബ്ദുൾ വഹാബ് ആണ് ഈ ചിത്രത്തിന്റെ സംഗീത സംവിധായകൻ. രണദിവെ ഛായാഗ്രഹണം നിർവഹിച്ച ഈ ചിത്രത്തിന്റെ എഡിറ്റിംഗ് കൈകാര്യം ചെയ്തിരിക്കുന്നത് വിവേക് ഹർഷൻ ആണ്.

വ്യത്യസ്തമായ ഒരു കഥാപശ്ചാത്തലവുമായി എത്തിയ തെലുങ്ക് ചിത്രമായിരുന്നു ഗാന്ധർവ . അപ്സർ സംവിധാനം ചെയ്ത ഈ ചിത്രം ജൂലൈ 8 ന് ആണ് പ്രദർശനത്തിന് എത്തിയത്. ഇപ്പോഴിതാ ആദിത്യ മ്യൂസിക് യൂട്യൂബ് ചാനലിൽ ഈ ചിത്രത്തിലെ ഒരു വീഡിയോ ഗാനം എത്തിയിരിക്കുകയാണ്. ഇമയിൻണ്ടോ ഇമോ എന്ന ഗാനമാണ് ഇപ്പോൾ പ്രേക്ഷക ശ്രദ്ധ നേടുന്നത്. ഭഷ്യ ശ്രീ വരികൾ രചിച്ച ഈ ഗാനത്തിന് ഈണം നൽകിയിരിക്കുന്നത് റാപ് റോക്ക് ഷക്കീൽ ആണ്. ഹെമ ചന്ദ്ര, സുനീത എന്നിവർ ചേർന്നാണ് ഈ ഗാനം ആലപിച്ചിരിക്കുന്നത് .

സന്ദീപ് മാധവ് , ശീതൾ ഭട്ട് എന്നിവരാണ് ഈ ഗാനത്തിൽ അഭിനയിച്ചിരിക്കുന്നത് എങ്കിലും ഗാനം ആരംഭിക്കുമ്പോൾ മലയാളി താരം ഗായത്രി സുരേഷിനേയും നമുക്ക് ഈ വീഡിയോയിൽ കാണാൻ സാധിക്കും. വളരെ വ്യത്യസ്തമാർന്ന ഗെറ്റപ്പിലാണ് ഗായത്രിയെ കാണാൻ സാധിക്കുന്നത്. സന്ദീപ് മാധവ് , ശീതൾ ഭട്ട് എന്നിവരുടെ പ്രണയ രംഗങ്ങളാണ് ഈ വീഡിയോയിൽ നിറഞ്ഞ് നിൽക്കുന്നത് . ശീതളിന്റെ ഗ്ലാമറസ്സ് നൃത്തവും ഈ ഗാനത്തിന്റെ ഹൈലൈറ്റായി മാറുന്നുണ്ട്.

ഫണി ഫോക്സ് എന്റർടൈൻമെന്റിന്റെ ബാനറിൽ ഒരുങ്ങിയ ഈ ചിത്രം നിർമ്മിച്ചത് എം.എൻ മധു ആണ് . ഗായത്രിയെ കൂടാതെ അക്ഷത് ശ്രീനിവാസും ചിത്രത്തിൽ നായികയായി എത്തുന്നുണ്ട്. ജവഹർ റെഡ്ഡി ഛായാഗ്രഹണം നിർവഹിച്ച ഈ ചിത്രം എഡിറ്റ് ചെയ്തിരിക്കുന്നത് ബസ്വ പ്യഡി റെഡ്ഡി ആണ്.

നമ്പി നാരായണൻ ആ പേരുകേൾക്കാത്ത മലയാളി ഉണ്ടാവില്ല. കുപ്രസിദ്ധമായ ഇസ്രോ ചാരക്കേസിന്റെ ഏറ്റവും വലിയ ഇരയായിരുന്നു ആ മഹാനായ ശാസ്ത്രജ്ഞൻ . ഒരു പക്ഷെ പുതു തലമുറ ആ മഹാനായ ശാസ്ത്രജ്ഞനെ അറിയുന്നതും, പോലീസ് ഉം രാഷ്ട്രീയക്കാരും ചേർന്ന് നടത്തിയ നാടകീയ സംഭവങ്ങളെ മനസിലാക്കുന്നതും ഈ അടുത്ത് പുറത്തുവന്ന സിനിമയിലൂടെ തന്നെ ആവണം. റോക്കറ്ററി ദി നമ്പി എഫക്ട് എന്നായിരുന്നു ശ്രി മാധവൻ ആദ്യമായി സംവിധാനം ചെയ്ത ആ സിനിമയുടെ പേര്. നമ്പി നാരായണന്റെ ജീവിതത്തെ അടിസ്ഥാനമാക്കി നിർമ്മിക്കപ്പെട്ട പ്രസ്തുത സിനിമ ഇറങ്ങിയതോടെയാണ് പുതുതലമുറയിലെ പലരും ആ പേരുതന്നെ കേൾക്കുന്നത് എന്നത് തികച്ചും സ്വാഭാവികമായ ഒരു കാര്യമായും മാറിയിരിക്കുകയാണ്.

എന്നിരുന്നാലും സിനിമ നമ്പി നാരായണന്റെ ജീവിതത്തോട് നീതി പുലർത്തുകയും അദ്ദേഹം അനുഭവിച്ച ത്യാഗങ്ങളെയും നേരിട്ട പോലീസ് മർദ്ധനങ്ങളെയും പ്രതിപാതിക്കുന്നതോടൊപ്പം തന്നെ പ്രേക്ഷക ആസ്വാദനത്തിനു വേണ്ടി സിനിമാറ്റിക് എലെമെന്റുകൾക്ക് പ്രാധാന്യം നൽകുന്നുണ്ട്. സിനിമയും യഥാർത്ഥ ജീവിതവും തമ്മിൽ പലപ്പോഴും വ്യത്യാസങ്ങൾ ഉണ്ടാവുന്നത് തികച്ചും സ്വാഭാവികമായതിനാൽ , ഈ സിനിമ കണ്ട പലരും യഥാർത്ത സംഭവങ്ങളും പഴയ കേസ് ഉം എല്ലാം തപ്പി നടക്കുകയാണിപ്പോൾ.

ഈ സമയത്ത് തന്നെ യഥാർത്ത സംഭവ കഥകൾ മലയാളികൾക്ക് പറഞ്ഞു കൊടുക്കുന്ന യൂട്യൂബ് ചാനലുകളും പ്രതീക്ഷിച്ച നിലവാരത്തിൽ വിഡിയോകൾ ചെയ്യുന്നുണ്ട്. ഏവരും പ്രതീക്ഷിച്ചതുപോലെ അനുരാഗ് ടോക്സ് ( Anurag Talks ) എന്ന യൂട്യൂബ് ചാനൽ വഴിയഥാർത്ത കഥയിലേക്കും , ഇസ്രോ ചാരക്കേസിലേക്കും വെളിച്ചം വീശുകയാണ് അനുരാഗ് എന്ന യൗറ്റുബെറും.

ഇസ്രോ ചാരക്കേസിന്റെ കഥ മാത്രമല്ല നമ്പി നാരായണന്റെ ജനനം തൊട്ടുള്ള കാര്യങ്ങൾ വളരെ ചുരുക്കി ആസ്വാദ്യമായ രീതിയിൽ അവതരിപ്പിക്കുകയാണ് ഈ ചാനൽ ഇത് ചെയ്തിട്ടുള്ളത്. ഇന്ത്യൻ, ലോക ചരിത്രങ്ങളും , ലോകത്തിന്റെ വിവിധഭാഗങ്ങളിൽ നടന്ന യഥാർത്ത കഥകളും ആസ്വാദന മികവ് ഒട്ടും ചോരാതെ ഏല്ലാ സമയത്തും അവതരിപ്പിച്ചിട്ടുള്ള ഈ ചാനല് , പ്രസ്തുത വിഷയത്തിലും പ്രേക്ഷകരെ നിരാശപ്പെടുത്തിയില്ല എന്നതും ശ്രദ്ധേയമാണ്. സിനിമയിലൂടെ മാത്രമല്ല, എല്ലാ മാധ്യമങ്ങളിലൂടെയും എക്കാലവും ഓർത്തിരിക്കേണ്ട ഇന്ത്യ കണ്ട എക്കാലത്തെയും മികച്ച രാജ്യസ്നേഹിയും ശാസ്ത്രജ്ഞനുമായ നമ്പി നാരായൺ സർ ന്റെ കഥ ഈ ലേഖനത്തോടൊപ്പം കൊടിത്തിരിക്കുന്നു. വീഡിയോ പൂര്ണ്ണമായും കാണാൻ കുട്ടികളും മുതിർന്നവരും ശ്രമിക്കുമെന്ന് ലേഖകൻ പ്രതീക്ഷിക്കുന്നു.

മലയാളത്തിലെ ശ്രദ്ധേയ നടനും സൂപ്പർ ഹിറ്റ് രചയിതാവുമായ വിഷ്ണു ഉണ്ണികൃഷ്ണനും നടനും പ്രശസ്ത സംവിധായകനുമായ ജോണി ആന്റണിയും പ്രധാനവേഷങ്ങളിൽ എത്തുന്ന പുത്തൻ ചിത്രമാണ് സബാഷ് ചന്ദ്രബോസ്. ദേശീയ അവാർഡ് ജേതാവായ സംവിധായകൻ വി സി അഭിലാഷ് ആണ് ഈ ചിത്രം സംവിധാനം ചെയ്യുന്നത്. ഓഗസ്റ്റ് അഞ്ചിന് തീയേറ്ററുകളിൽ പ്രദർശനത്തിന് എത്താൻ ഒരുങ്ങുന്ന ഈ ചിത്രത്തിന്റെ ട്രൈലെർ ഇപ്പോൾ പുറത്തുവിട്ടിരിക്കുകയാണ്. ട്രൈലെർ രംഗങ്ങളിൽ ആദ്യാവസാനം പ്രേക്ഷകനെ പൊട്ടി ചിരിപ്പിക്കുന്നതിനാൽ ഈ ചിത്രം ഒരു വലിയ ചിരി വിരുന്നു തന്നെയാവും പ്രേക്ഷകർക്ക് സമ്മാനിക്കുക എന്നത് മനസ്സിലാക്കാം.

കുറച്ചു നാൾ മുൻപ് നടൻ ജയസൂര്യ ഈ ചിത്രത്തിന്റെ മോഷൻ പോസ്റ്റർ പുറത്തുവിടുകയും അത് വലിയ പ്രേക്ഷക ശ്രദ്ധ നേടുകയും ചെയ്തിരുന്നു . ചിത്രത്തിലെ പാട്ടുകളും ടീസറും പ്രേക്ഷകർ ഏറ്റെടുത്തിരുന്നു. ജോളി ലോനപ്പൻ നിർമ്മിക്കുന്ന ഈ ചിത്രം ജോളിവുഡ്‌ മൂവീസിന്റെ ബാനറിൽ ആണ് ഒരുങ്ങുന്നത്.

സംവിധായകൻ വിസി അഭിലാഷ് തന്നെ രചന നിർവഹിച്ച ഈ ചിത്രം 1980 കളിലെ തെക്കൻ കേരളത്തിൻ്റെ കഥയാണ് പറയുന്നത്. ഈ ചിത്രത്തിന്റെ പ്രമേയമായി എത്തുന്നത് ഒരു കളർ ടിവിയുണ്ടാക്കുന്ന പ്രശ്‌നമാണ് എന്ന സൂചനയും ഇതിന്റെ ട്രൈലെർ നൽകുന്നുണ്ട്. സജിത്ത് പുരുഷൻ ആണ് ചിത്രത്തിന്റെ ഛായാഗ്രാഹകൻ . ശ്രീനാഥ് ശിവശങ്കരൻ ആണ് ഈ ചിത്രത്തിന് വേണ്ടി സംഗീതമൊരുക്കിയിരിക്കുന്നത്. സ്റ്റീഫൻ മാത്യു ആണ് ചിത്രത്തിന്റെ എഡിറ്റിംഗ് കൈകകാര്യം ചെയ്തിരിക്കുന്നത്.

ചിത്രത്തിൽ ധർമജൻ, ജാഫർ ഇടുക്കി, ഇർഷാദ്, സുധി കോപ്പ, സ്നേഹ, അദിതി, ബാലു, കോട്ടയം രമേശ്, രമ്യ സുരേഷ്, ശ്രീജ ദാസ്, സഫ്‌വാൻ എന്നിവരും വേഷമിടുന്നുണ്ട്. ഇതിന്റെ ട്രൈലെറിൽ നിന്നും ഹാസ്യം മാത്രമല്ല പ്രണയവും ഈ ചിത്രത്തിലുണ്ടെന്ന് കാണിച്ചു തരുന്നുണ്ട്. വി സി അഭിലാഷ് ഒരുക്കിയ ആദ്യ ചിത്രമാണ് ആളൊരുക്കം. ഈ ചിത്രത്തിലെ പ്രകടനത്തിനാണ് നടൻ ഇന്ദ്രൻസ് മികച്ച നടനുള്ള സംസ്ഥാന ചലച്ചിത്ര പുരസ്‍കാരം കരസ്ഥമാക്കിയത്.