Movie Updates

ഖാലിദ് റഹ്മാൻ സംവിധാനം ചെയ്ത് മലയാളത്തിന്റെ പ്രിയതാരം ടൊവിനോ തോമസ് നായകനായി എത്തുന്ന ഏറ്റവും പുതിയ ചിത്രമാണ് തല്ലുമാല . ഓഗസ്റ്റ് 12 ന് റിലീസിന് ഒരുങ്ങുന്ന ഈ ചിത്രത്തിന്റെ ഒഫീഷ്യൽ ട്രൈലർ ഇപ്പോൾ റിലീസ് ചെയ്തിരിക്കുകയാണ്. ഒരു കോമഡി ആക്ഷൻ ചിത്രമായ തല്ലുമാലയുടെ വളരെ രസകരമായ ഒരു ട്രൈലറാണ് ഇപ്പോൾ പുറത്തുവന്നിരിക്കുന്നത്. കോമഡി രംഗങ്ങൾക്കൊപ്പം അടിയോടടിയുമായി നടൻ ടൊവിനോയും എത്തുന്നു. മണവാളൻ വസീം എന്ന കഥാപാത്രമായാണ് ചിത്രത്തിൽ ടൊവിനോ എത്തുന്നത്.

താരത്തിന്റെ നായികയായി എത്തുന്നത് നടി കല്ല്യാണി പ്രിയദർശനുമാണ്. വ്ലാേഗർ ബീപാത്തു എന്ന കഥാപാത്രത്തെയാണ് കല്ല്യാണി അവതരിപ്പിക്കുന്നത്. നടൻ ഷൈൻ ടോം ചാക്കോയും ചിത്രത്തിൽ പ്രധാന വേഷത്തിൽ എത്തുന്നു. ഒരു പോലീസ് വേഷം കൈകാര്യം ചെയ്യുന്ന ഇദ്ദേഹം ഒരു ഹാസ്യ വേഷമാണ് അവതരിപ്പിക്കുന്നതെന്ന് ട്രൈലറിൽ നിന്നും മനസ്സിലാക്കാം .

ഇവരെ കൂടാതെ ഷറഫുദ്ദീൻ , ചെമ്പൻ വിനോദ്, ലുഖ്മാൻ അവറാൻ , സ്വാതി ദാസ് പ്രഭു, അദ്രി ജോ, തൻവി റാം, വിനീത് കുമാർ , ജോണി ആന്റണി, ബിനു പപ്പു , അസിം ജമാൽ എന്നിവരും പ്രധാന വേഷങ്ങളിൽ എത്തുന്നു. ആഷിഖ് ഉസ്മാൻ പ്രൊഡക്ഷൻസിന്റെ ബാനറിൽ ആഷിഖ് ഉസ്മാൻ ആണ് ഈ ചിത്രം നിർമ്മിക്കുന്നത്. ചിത്രത്തിന്റെ കഥ തയ്യാറാക്കിയത് മുഹ്സിൻ പരാരി ആണ് . വിഷ്ണു വിജയ് ആണ് ചിത്രത്തിലെ ഗാനങ്ങൾ തയ്യാറാക്കിയത് . ജിംഷി ഖാലിദ് ക്യാമറ കൈകാര്യം ചെയ്ത ചിത്രത്തിന്റെ എഡിറ്റർ നിഷാദ് യൂസഫ് ആണ്.

തിയറ്ററുകളിൽ ഇപ്പോഴും വിജയകരമായി പ്രദർശനം തുടരുന്ന ഷാജി കൈലാസ് – പൃഥ്വിരാജ് ചിത്രമാണ് കടുവ. ബോക്സ് ഓഫീസിൽ ഗംഭീരവിജയമാണ് ഈ ബിഗ് ബഡ്ജറ്റ് മാസ്സ് ആക്ഷൻ ത്രില്ലർ ചിത്രം കാഴ്ച വയ്ക്കുന്നത് . ഈ അടുത്ത് ചിത്രത്തിന്റെ വിജയത്തെ തുടർന്ന് ഒരു സക്സസ് ടീസറും തൊട്ടു പിന്നാലെ ചിത്രത്തിലെ ഒരു വീഡിയോ ഗാനവും അണിയറ പ്രവർത്തകർ പുറത്തുവിട്ടിരുന്നു. ഇപ്പോൾ സോഷ്യൽ മീഡിയയിൽ ശ്രദ്ധ നേടുന്നത് ചിത്രത്തിലെ കിടിലൻ ഫൈറ്റ് സീൻ വീഡിയോ ആണ് . മാജിക് ഫ്രെയിംസിന്റെ യൂടൂബ് ചാനലിലൂടെ ജയിലിലെ ഈ അത്യുഗ്രൻ ഫൈറ്റ് സീൻ രംഗം പുറത്തുവിട്ടിരിക്കുന്നത്. പൃഥ്വിരാജിന്റെ മാസ്സ് ആക്ഷൻ രംഗങ്ങൾക്കൊപ്പം ഇതിന്റെ ബിജിഎം ഏറെ ശ്രദ്ധ നേടുന്നുണ്ട്.

സംയുക്ത മേനോൻ ആണ് ചിത്രത്തിൽ പൃഥ്വിരാജിന്റെ നായികയായി എത്തുന്നത്. കൂടാതെ അർജുൻ അശോകൻ, പ്രിയങ്ക , മീനാക്ഷി, സച്ചിൻ കടേക്കർ , അജു വർഗീസ്, സീമ, രാഹുൽ മാധവ്, സിദ്ദിഖ്, സുദേവ് നായർ,വിജയ രാഘവൻ, ദിലീഷ് പോത്തൻ, കലാഭവൻ ഷാജോൺ, വൃദ്ധി വിശാൽ, ജനാർദ്ദനൻ, റീന മാത്യൂസ്, ജൈസ് ജോസ്, കൊച്ചു പ്രേമൻ, അബു സലിം , അലൻസിയർ , സായി കുമാർ, ബൈജു എന്നിവരും ശ്രദ്ധേയ വേഷങ്ങളിൽ ചിത്രത്തിൽ അഭിനയിക്കുന്നുണ്ട് .

പൃഥ്വിരാജ് പ്രൊഡക്ഷൻസ്, മാജിക് ഫ്രെയിംസ് എന്നിവയുടെ ബാനറിൽ ഒരുക്കിയ ഈ ചിത്രത്തിന്റെ നിർമ്മാതാക്കൾ സുപ്രിയ മേനോനും ലിസ്റ്റിൻ സ്റ്റീഫനും ആണ്. ജേക്സ് ബിജോയ് ആണ് ചിത്രത്തിലെ സംഗീതം ഒരുക്കിയിട്ടുള്ളത്. ചിത്രത്തിലെ സംഭാഷണം തയ്യാറാക്കിയത് വൈഭവ് എം ആണ് . അഭിനന്ദൻ രാമാനുജൻ ആണ് ക്യാമറ കൈകാര്യം ചെയ്തിരിക്കുന്നത്. ഷമീർ മുഹമ്മദ് ആണ് ചിത്രത്തിന്റെ എഡിറ്റർ .

കല്യാൺ ജി ഗോഗനയുടെ സംവിധാന മികവിൽ ആദി സായ്കുമാറിനെ കേന്ദ്ര കഥാപാത്രമാക്കി ഒരുക്കുന്ന ഏറ്റവും പുതിയ ചിത്രമാണ് ടീസ് മാർ ഖാൻ . ഈ ആക്ഷൻ ഡ്രാമ ചിത്രത്തിന്റെ ആദ്യ ടീസർ പ്രേക്ഷകർ ഏറ്റെടുത്തിരുന്നു. ഇപ്പോഴിതാ ചിത്രത്തിന്റെ രണ്ടാമത്തെ ടീസറും പുറത്തു വിട്ടിരിക്കുകയാണ്. ആദിത്യ മ്യൂസിക് എന്ന യൂട്യൂബ് ചാനലിലൂടെ തന്നെയാണ് രണ്ടാം ടീസറും റിലീസ് ചെയ്തിരിക്കുന്നത്.

അത്യുഗ്രൻ മാസ്സ് രംഗങ്ങളും ആക്ഷനും പ്രണയ രംഗങ്ങളും ഉൾക്കൊള്ളിച്ചു കൊണ്ടുള്ള അതി ഗംഭീര ടീസറാണ് ഇപ്പോൾ റിലീസ് ചെയ്തിരിക്കുന്നത് . ഈ ചിത്രത്തിൽ ആദിയുടെ നായികയായി എത്തുന്നത് പായൽ രജ്പുത് ആണ് . ആദിയുടെ കഥാപാത്രം ചിത്രത്തിൽ മൂന്ന് ഭാവങ്ങളിൽ എത്തുന്നുണ്ട്. ആദ്യ ടീസറിൽ സ്റ്റുഡന്റ്, റൗഡി, പോലീസ് എന്നീ മൂന്ന് ഭാവങ്ങളിൽ എത്തുന്ന ആദിയെ കാണിച്ചിരുന്നു. പായൽ രജ്പുത് , ആദി സായ്കുമാർ എന്നിവർക്കൊപ്പം പൂർണ , സുനിൽ , കബീർ സിംഗ്, അനൂപ് സിംഗ് താക്കൂർ എന്നിവരും ചിത്രത്തിൽ പ്രധാന വേഷങ്ങളിൽ എത്തുന്നുണ്ട്.

നഗം തിരുപതി റെഡ്ഡി നിർമ്മിക്കുന്ന ഈ ചിത്രം വിഷൻ സിനിമാസിന്റെ ബാനറിൽ ആണ് ഒരുങ്ങുന്നത്. ചിത്രത്തിലെ ഗാനങ്ങൾ ഒരുക്കിയിരിക്കുന്നത് സായ് കാർത്തിക് ആണ് . ടീസ് മാർ ഖാൻ എന്ന ടൈറ്റിലിന് താഴെ സ്റ്റുഡന്റ്, റൗഡി, പോലീസ് എന്ന് കൂടി ചേർത്താണ് ടീസറിൽ ചിത്രത്തിന്റെ ടൈറ്റിൽ കാണിച്ചിരിക്കുന്നത് .

അതിജീവനത്തിന്റെ കഥ പറയുന്ന ഫഹദ് ഫാസിൽ ചിത്രം മലയൻ കുഞ്ഞിന്റെ ഒഫീഷ്യൽ ട്രൈലർ പുറത്തിറങ്ങി. ജൂലൈ 22 ന് പ്രദർശനത്തിന് എത്താൻ ഒരുങ്ങുകയാണ് ഈ ചിത്രം. ഫഹദ് ഫാസിലിന്റെ അതിഗംഭീര വേഷം തന്നെയാണ് ഈ ട്രൈലറിൽ കാണാൻ സാധിക്കുന്നത്. ഒരു സർവൈവൽ ത്രില്ലറായ ഈ ചിത്രം കേരളത്തിലെ ഹൈറേഞ്ചുകളിൽ സംഭവിച്ച യഥാർത്ഥ മണ്ണിടിച്ചലിനെ ആസ്പതമാക്കിയാണ് ഒരുക്കിയിരിക്കുന്നത്. മണ്ണിടിച്ചലിന്റെ തീവ്ര രംഗങ്ങളും രക്ഷപ്പെടാനും രക്ഷപ്പെടുത്തിനുമുള്ള പ്രയാണങ്ങളുമാണ് ട്രൈലറിൽ ഉൾക്കൊളളിച്ചിരിക്കുന്നത്.

ഒരു ഇലക്ട്രോണിക്സ് ടെക്നീഷ്യനായാണ് ഫഹദ് ഫാസിൽ ചിത്രത്തിൽ എത്തുന്നത്. ഒരു മിനുട്ട് ദൈർഘ്യമുള്ള ഈ ട്രൈലറിൽ അദ്ദേഹം അവതരിപ്പിക്കുന്ന അനിക്കുട്ടൻ എന്ന കഥാപാത്രത്തിന്റെ പല ഭാവങ്ങളും കാണാൻ സാധിക്കും. ട്രൈലർ രംഗത്തിൽ പ്രധാനമായും കാണിച്ചിരിക്കുന്നതും അദ്ദേഹത്തെയാണ് . അനിക്കുട്ടൻ എന്ന കഥാപാത്രത്തിന്റെ സ്വഭാവം ഈ ട്രൈലർ രംഗങ്ങളിൽ നിന്നും മനസ്സിലാക്കാം.

ഈ ചിത്രം സംവിധാനം ചെയ്യുന്നത് നവാഗതനായ സജിമോൻ പ്രഭാകർ ആണ് . ചിത്രത്തിന്റെ തിരക്കഥ ഒരുക്കിയിരിക്കുന്നത് മഹേഷ് നാരായണൻ ആണ്. പ്രശസ്ത നിർമ്മാതാവും ഫഹദിന്റെ പിതാവുമായ ഫാസിൽ ആണ് ഈ ചിത്രം നിർമ്മിക്കുന്നത്. വിനായക് ശശികുമാർ വരികൾ രചിച്ച ചിത്രത്തിലെ ഗാനങ്ങൾക്ക് സംഗീത മാന്ത്രികൻ എ ആർ റഹ്മാൻ ആണ് ഈണം പകർത്തിരിക്കുന്നത്. ഫഹദ് ഫാസിലിനെ കൂടാതെ രജീഷ വിജയൻ, ജാഫർ ഇടുക്കി, ഇന്ദ്രൻസ്, ദീപക് പറമ്പോൾ എന്നിവരും ചിത്രത്തിൽ പ്രധാന വേഷങ്ങളിൽ എത്തുന്നുണ്ട്. ഈ ചിത്രം ഒരുക്കുന്നത് ഫഹദ് ഫാസിൽ ആൻഡ് ഫ്രണ്ട്സ് എന്ന നിർമ്മാണ കമ്പനിയാണ്. സെഞ്ച്വറി റിലീസ് ആണ് ഈ ചിത്രത്തിന്റെ വിതരണം ഏറ്റെടുത്തിരിക്കുന്നത് .മഹേഷ് നാരായണൻ ആണ് ചിത്രത്തിന് വേണ്ടി ക്യാമറ കൈകാര്യം ചെയ്തിരിക്കുന്നത്. എഡിറ്റർ അർജുൻ ബെൻ ആണ് .

സുരേന്ദർ റെഡ്ഡി സംവിധാനം ചെയ്യുന്ന പുത്തൻ തെലുങ്ക് ഭാഷ ചിത്രമാണ് ഏജന്റ് . മലയാളത്തിന്റെ മെഗാസ്റ്റാർ മമ്മൂട്ടിയും ചിത്രത്തിൽ ഒരു പ്രധാന വേഷം കൈകാര്യം ചെയ്യുന്നു. അഖിൽ അക്കിനേനി, സാക്ഷി വൈദ്യ എന്നിവരാണ് മറ്റ് കേന്ദ്ര കഥാപാത്രങ്ങൾ . ചിത്രത്തിന്റെ ഫസ്റ്റ് ലുക്ക് പോസ്റ്ററുകൾ ഏറെ ശ്രദ്ധ നേടിയിരുന്നു. ഇപ്പോഴിതാ എ കെ എന്റർടൈൻമെന്റ്സിന്റെ യൂട്യൂബ് ചാനലിലൂടെ ചിത്രത്തിന്റെ ആദ്യ ടീസർ റിലീസ് ചെയ്തിരിക്കുകയാണ്. അതി ഗംഭീരം എന്ന് തന്നെ വിശേഷിപ്പിക്കാം ഈ ടീസറിനെ . മാസ്സ് ഡയലോഗുകളുമായി മമ്മൂട്ടിയും അത്യുഗ്രൻ ആക്ഷൻ രംഗങ്ങളിൽ എത്തുന്ന അഖിൽ അക്കിനേനിയേയും ചിത്രത്തിന്റെ ടീസറിൽ കാണാം. ഒരു മാസ്സ് സ്‌പൈ ത്രില്ലർ ചിത്രമായിരിക്കും ഏജന്റ് എന്നാണ് ടീസറിൽ നിന്നും മനസ്സിലാക്കാൻ സാധിക്കുന്നത്.

2020 ൽ പ്രഖ്യാപിച്ച ഈ ചിത്രം കോവിഡ് പ്രതിസന്ധിയെ തുടർന്ന് ചിത്രീകരണം നീണ്ടു പോവുകയായിരുന്നു. നിലവിൽ ആഗസ്റ്റ് 12 ന് ആഗോള തലത്തിൽ ചിത്രം റിലീസ് ചെയ്യും എന്നാണ് അറിയാൻ സാധിക്കുന്നത്. തെലുങ്കിന് പുറമേ മലയാളം, തമിഴ്, ഹിന്ദി, കന്നഡ ഭാഷ യിലും ചിത്രം റിലീസ് ചെയ്യും. എ കെ എന്റർടൈൻമെന്റ്സ് , സുരേന്ദർ 2 സിനിമ എന്നിവയുടെ ബാനറിൽ രാമഭ്രമം സുൻകര നിർമ്മിക്കുന്ന ഈ ചിത്രത്തിന്റെ സഹ നിർമ്മാതക്കളാണ് അജയ് സുൻകര, പാതി ദീപ റെഡ്ഢി എന്നിവർ . വകന്തം വംശിയാണ് ചിത്രത്തിന് കഥ തയ്യാറാക്കിയിരിക്കുന്നത്. റസൂൽ എല്ലൂരി ആണ് ക്യാമറ കൈകാര്യം ചെയ്തിരിക്കുന്നത്. എഡിറ്റർ നവീൻ നൂലി.

ഒരു മണിക്കൂർ കൊണ്ട് ഏഴ് ലക്ഷത്തിലധികം കാഴ്ച്ചക്കാരെയാണ് ഈ ടീസർ വീഡിയോ സ്വന്തമാക്കിയത്. ചിത്രത്തിന്മേലുള്ള പ്രേക്ഷക പ്രതീക്ഷകൾ വാനോളമുയർത്തി കൊണ്ടാണ് ഈ ടീസർ ഇപ്പോൾ പ്രേക്ഷകരിലേക്ക് എത്തിയിരിക്കുന്നു. ഒരു വമ്പൻ ചിത്രമായി മാറട്ടേ എന്നാണ് ആരാധകർ കമന്റുകൾ നൽകിയിരിക്കുന്നത്.

നടൻ അനൂപ് മേനോൻ രചനയും സംവിധാനവും നിർവഹിക്കുന്ന പുത്തൻ ചിത്രമാണ് പത്മ. അദ്ദേഹം തന്നെ കേന്ദ്ര കഥാപാത്രമായി എത്തുന്ന ഈ ചിത്രത്തിന്റെ ഒഫീഷ്യൽ ട്രൈലർ ഇപ്പോൾ റിലീസ് ചെയ്തിരിക്കുകയാണ്. ചിത്രത്തിൽ നായികയായി എത്തുന്നത് നടി സുരഭി ലക്ഷ്മിയാണ് . ഒരു കുടുംബിനിയുടെ കഥ പറയുന്ന ചിത്രമാണ് പത്മ. പത്മ എന്ന കഥാപാത്രത്തെയാണ് സുരഭി ചിത്രത്തിൽ അവതരിപ്പിക്കുന്നത്. രസകരമായ നിമിഷങ്ങളിലൂടെ ആരംഭിക്കുന്ന ഈ ട്രൈലർ വൈകാരിക മുഹൂർത്തങ്ങൾക്കും സാക്ഷ്യം വഹിക്കുന്നു. പത്മ എന്ന കുടുംബിനിയുടെ കഥ പറയുന്ന ഈ ചിത്രത്തിന് പ്രേക്ഷകർ ആകാംഷയോടെ കാത്തിരിക്കുകയാണ്.

സുരഭി ലക്ഷ്മി, അനൂപ് മേനോൻ എന്നിവരെ കൂടാതെ മാല പാർവ്വതി, ശങ്കർ രാമകൃഷ്ണൻ , ശ്രുതി രജനികാന്ത് എന്നിവരും പ്രധാന വേഷങ്ങളിൽ എത്തുന്നു. നിജോയ് വർഗ്ഗീസ് ആണ് ചിത്രത്തിലെ ഗാനങ്ങൾ ഒരുക്കിയിട്ടുള്ളത്. മാധവൻ തമ്പി ക്യാമറ ചലിപ്പിച്ച ഈ ചിത്രം എഡിറ്റ് ചെയ്തിരിക്കുന്നത് സിയാൻ ശ്രീകാന്ത് ആണ്.

അനൂപ് മേനോന്റെ സംവിധാന മികവിൽ ഒരുങ്ങുന്ന ഈ ചിത്രത്തിനായുള്ള കാത്തിരിപ്പിലാണ് ആരാധകർ. പ്രേക്ഷകർ ഏവരും ചിത്രത്തിന് ആശംസകൾ അറിയിച്ചിരിക്കുകയാണ് . ഈ അടുത്ത് റിലീസ് ചെയ്ത സി.ബി.ഐ 5 ദി ബ്രെയിൻ , 21 ഗ്രാംസ് എന്നീ ചിത്രങ്ങളിൽ ശ്രദ്ധേയ വേഷങ്ങളിൽ അനൂപ് മേനോൻ എത്തിയിരുന്നു . സി.ബി.ഐ 5 ദി ബ്രെയിനിൽ മികച്ച വില്ലനായി വേഷമിട്ടപ്പോൾ 21 ഗ്രാംസിൽ അതിഗംഭീര നായകവേഷം ചെയ്തു. ഇവയിൽ നിന്നെല്ലാം ഏറെ വ്യത്യസ്തമായ ഒരു വേഷമായാണ് അദ്ദേഹം പദ്മയിൽ എത്തുന്നതെന്ന് പ്രതീക്ഷിക്കുന്നു. ഏതായാലും സുരഭി ലക്ഷ്മി – അനൂപ് മേനോൻ കോമ്പോയ്ക്കായി കാത്തിരിക്കുകയാണ് പ്രേക്ഷകർ .

തിയറ്ററുകളിൽ വേട്ട തുടർന്നു കൊണ്ടിരിക്കുന്ന ബ്ലോക്ക് ബസ്റ്റർ ചിത്രമാണ് ഷാജി കൈലാസ് – പൃഥ്വിരാജ് കൂട്ടുകെട്ടിൽ ഒരുങ്ങിയ കടുവ. ബോക്സ് ഓഫീസിൽ ഗംഭീരവിജയമാണ് കാഴ്ച വച്ച് മുന്നേറുകയാണ് ഈ ബിഗ് ബഡ്ജറ്റ് മാസ്സ് ആക്ഷൻ ത്രില്ലർ ചിത്രം . ചിത്രത്തിന്റെ വിജയത്തെ തുടർന്ന് ഒരു സക്സസ് ടീസർ ഈ അടുത്ത് ചിത്രത്തിന്റെ അണിയറ പ്രവർത്തകർ റിലീസ് ചെയ്തിരിന്നു. ഇപ്പോഴിതാ അതിന് തൊട്ട് പിന്നാലെ ആയി ചിത്രത്തിലെ ഒരു മനോഹര ഗാനവും റിലീസ് ചെയ്തിരിക്കുകയാണ് .

കുടമാറ്റം പള്ളി എന്ന ഗാനത്തിന്റെ വീഡിയോ ആണ് മാജിക് ഫ്രെയിംസ് മ്യൂസിക് എന്ന യൂടൂബ് ചാനലിലൂടെ ഇപ്പോൾ പുറത്തുവിട്ടത്. ആക്ഷൻ രംഗങ്ങളിൽ നിറഞ്ഞ് നിന്ന നായകൻ കടുവാക്കുന്നേൽ കുര്യാച്ചന്റെ മറ്റൊരു മുഖമാണ് ഈ ഗാന രംഗത്തിൽ കാണാൻ സാധിച്ചത്. കുടുംബത്തോടൊപ്പം വളരെ സ്നേഹത്തിൽ കഴിയുന്ന ഒരു നായകനെയാണ് ഈ ഗാനത്തിൽ ചിത്രീകരിച്ചിരിക്കുന്നത് . പൃഥ്വിരാജിന്റെ ഭാര്യയായി നടി സംയുക്ത മേനോനും വൃദ്ധി വിശാൽ , റഹ്മത്ത് , ആരിഷ് അനൂപ് എന്നിവർ മക്കളായും വേഷമിടുന്നു. ഇവരെയെല്ലാം ആണ് ഈ ഗാന രംഗത്ത് ഉൾപ്പെടുത്തിയിരിക്കുന്നത്. സന്തോഷ് വർമ്മ രചന നിർവഹിച്ച ഈ ഗാനത്തിന് ഈണം നൽകിയിരിക്കുന്നത് ജേക്സ് ബിജോയി ആണ് . വിജയ് യേശുദാസ് , ശ്വേത അശോക്, സച്ചിൻ രാജ് എന്നിവർ ചേർന്നാണ് ഈ ഗാനം ആലപിച്ചിരിക്കുന്നത്.

വിവേക് ഒബ്റോയ് , അർജുൻ അശോകൻ, പ്രിയങ്ക , മീനാക്ഷി, സച്ചിൻ കടേക്കർ , രാഹുൽ മാധവ്, സിദ്ദിഖ്, അജു വർഗീസ്,സീമ, സുദേവ് നായർ,വിജയ രാഘവൻ, ദിലീഷ് പോത്തൻ, സായി കുമാർ, കലാഭവൻ ഷാജോൺ, ജനാർദ്ദനൻ, ഇന്നസെന്റ്, റീന മാത്യൂസ്, ജൈസ് ജോസ്, കൊച്ചു പ്രേമൻ, അബു സലിം , അലൻസിയർ , ബൈജു എന്നിവരും ശ്രദ്ധേയ വേഷങ്ങളിൽ ഈ ചിത്രത്തിൽ എത്തുന്നുണ്ട്.

തമിഴിലെ സൂപ്പർ താരം ധനുഷ് വേഷമിടുന്ന പുത്തൻ ഹോളിവുഡ് ചിത്രമാണ് ദി ഗ്രേ മാൻ. ജൂലൈ 22 ന് ഒറ്റിറ്റി പ്ലാറ്റ്‌ഫോമായ നെറ്റ്ഫ്ളിക്സിൽ ആണ് ഈ ചിത്രം റിലീസ് ചെയ്യുന്നത്. റൂസോ സഹോദരന്മാ൪ എന്നറിയപ്പെടുന്ന, സൂപ്പർ ഹിറ്റ് ഹോളിവുഡ്‌ ചിത്രങ്ങളുടെ സംവിധായകരായ, ആന്റണി, ജോ റൂസോ എന്നിവർ ചേർന്നാണ് ഈ ചിത്രം സംവിധാനം ചെയ്തിരിക്കുന്നത്. ഈ മെഗാ ബഡ്ജറ്റ് ആക്ഷൻ ചിത്രം മാ൪ക്ക് ഗ്രീനിയുടെ ” ദ ഗ്രേ മാ൯ ” എന്ന പുസ്തക പരമ്പരയെ അടിസ്ഥാനമാക്കിയാണ് ഒരുക്കിയിരിക്കുന്നത്. ചിത്രത്തിന്റെ തിരക്കഥ രചിച്ചത് സ്റ്റീഫ൯ മക്ഫീലി, ജോ റൂസോ, ക്രിസ്റ്റഫ൪ മാ൪ക്കസ് എന്നിവ൪ ചേ൪ന്നാണ്.

ധനുഷിനെ കൂടാതെ ഈ ചിത്രത്തിൽ ഹോളിവുഡ് സൂപ്പർ താരങ്ങളായ ക്രിസ് ഇവാ൯സ്, റയാ൯ ഗോസ്ലിംഗ്, അന്ന ഡി അ൪മാസ് എന്നിവരും വാഗ്നെ൪ മൗറ, ബില്ലി ബോബ് തോൺടൺ, ജെസീക്ക ഹെ൯വിക്ക്, ആൽഫ്രെ വൂഡാ൪ഡ്, റെഗെ ജീ൯ പേജ്, ജൂലിയ ബട്ടേഴ്സ്, സ്കോട്ട് ഹേസ്, എമി ഇക്വാക്ക൪ എന്നിവരും ചിത്രത്തിന്റെ താരനിരയിൽ ഉണ്ട്. ഇപ്പോഴിതാ നെറ്റ്ഫ്ലിക്സിൽ ഈ ചിത്രത്തിലെ ഒരു കിടിലൻ സംഘട്ടന രംഗം പുറത്ത് വിട്ടിരിക്കുകയാണ്.

ഈ രംഗത്തിന്റെ റയാ൯ ഗോസ്ലിംഗ്, അന്ന ഡി അ൪മാസ് എന്നിവരുമായി ധനുഷ് നടത്തുന്ന കിടിലൻ സംഘട്ടനമാണ് കാണാൻ സാധിക്കുന്നത്. ധനുഷ് ഈ സംഘട്ടന രംഗത്തിൽ അതിഗംഭീരമായാണ് പെർഫോം ചെയ്തിരിക്കുന്നത്. ദ ഗ്രേ മാന്റെ പ്രീമിയറിനായി മുംബൈയിൽ ജൂലൈ 20 ന് നടക്കുന്ന ചടങ്ങിൽ ഇന്ത്യയിലേക്ക് ചിത്രത്തിന്റെ സംവിധായകരായ റൂസോ സഹോദരന്മാർ എത്തുന്നുണ്ട്. റൂസോ സഹോദരന്മാർ ഇതേ കുറിച്ച് പറയുന്ന വീഡിയോ ഇപ്പോൾ സോഷ്യൽ മീഡിയ ശ്രദ്ധ നേടുകയാണ്. തങ്ങളുടെ സുഹൃത്ത് ധനുഷിനെ കാണാനായും ചിത്രത്തിന്റെ പ്രചാരണത്തിനായും, ഇന്ത്യയിലേക്ക് എത്തുന്നതിൽ വലിയ സന്തോഷമുണ്ടെന്നാണ് ഈ വീഡിയോയിൽ അവർ പറയുന്നത്. ഇതിനു മുൻപ്, ഹോളിവുഡ് ചിത്രമായ ദി എക്സ്ട്രാ ഓർഡിനറി ജേർണി ഓഫ് ദി ഫകീറിലും ധനുഷ് അഭിനയിച്ചിരുന്നു. ആ ചിത്രം പ്രദർശനത്തിന് എത്തിയത് 2018 ലാണ് .

ജൂലൈ 22 ന് പ്രദർശനത്തിന് എത്തുന്ന തെലുങ്ക് ചിത്രമാണ് കാർത്തികേയ 2 . നിഖിൽ സിദ്ധാർത്ഥ, അനുപമ പരമേശ്വരൻ എന്നിവർ ഒന്നിക്കുന്ന ഈ ചിത്രത്തിലെ ഒരു വീഡിയോ ഗാനം ഇപ്പോൾ പുറത്തുവിട്ടിരിക്കുകയാണ്. നാനൂ നേനു അഡിഗാ എന്ന ഗാനത്തിന്റെ വീഡിയോ ആണ് സീ മ്യൂസിക് സൗത്ത് എന്ന യൂട്യൂബ് ചാനലിലൂടെ റിലീസ് ചെയ്തിരിക്കുന്നത്.

മനോഹരമായ ഈ ഗാനരംഗത്തിൽ നിഖിൽ , അനുപമ പരമേശ്വരൻ എന്നിവർ തമ്മിലുള്ള പ്രണയ രംഗങ്ങളും ഉൾക്കൊള്ളിച്ചിരിക്കുന്നു. ചിത്രത്തിൽ ഡോക്ടർ കാർത്തികേയ എന്ന കഥാപാത്രമായി നിഖിലും മുഗ്ധ എന്ന കഥാപാത്രമായി അനുപമ പരമേശ്വരനും എത്തുന്നു. കൃഷ്ണ മധിനേനി വരികൾ രചിച്ച ഈ ഗാനത്തിന് ഈണം നൽകുന്നത് കാല ഭൈരവ ആണ്. ഇന്നൊ ഗംഗ ആണ് ഈ ഗാനം ആലപിച്ചത്.

ഒരു സൂപ്പർ നാച്ചുറൽ മിസ്റ്റീരിയസ് ത്രില്ലർ ചിത്രമായ കാർത്തികേയ 2 സംവിധാനം ചെയ്യുന്നത് ചന്ദോ മൊഡേട്ടി ആണ്. നിഖിൽ സിദ്ധാർത്ഥ , അനുപമ പരമേശ്വരൻ എന്നിവരെ കൂടാതെ അനുപം ഖേർ , ആദിത്യ മേനോൻ , ശ്രീധർ , ശ്രീനിവാസ് റെഡ്ഢി , സത്യ, പ്രവീൺ, ഹർഷ ചെമഡു എന്നിവരും പ്രധാന വേഷങ്ങളിൽ എത്തുന്നു. ടി.ജി വിശ്വ പ്രസാദ്, അഭിഷേക് അഗർവാൾ എന്നിവർ ചേർന്നാണ് ഈ ചിത്രം നിർമ്മിക്കുന്നത്. വിവേക് കുച്ചി ബോട്ട്ല ചിത്രത്തിന്റെ സഹ നിർമ്മാതാവാണ്. ശ്രീജന്മണി ആണ് ചിതത്തിലെ സംഭാഷണങ്ങൾ ഒരുക്കിയിട്ടുള്ളത്. കാർത്തിക് ഗട്ടംനേനിയാണ് ക്യാമറ കൈകാര്യം ചെയ്തിരിക്കുന്നത്.

ഫഹദ് ഫാസിൽ നായകനായി എത്തുന്ന പുത്തൻ ചിത്രമാണ് മലയൻ കുഞ്ഞ് . ജൂലൈ 22 ന് പ്രദർശനത്തിന് ഒരുങ്ങുന്ന ഈ ചിത്രത്തിലെ പുതിയൊരു ഗാനം ഇപ്പോൾ പുറത്തുവിട്ടിരിക്കുകയാണ്. ചോലപ്പെണ്ണെ എന്ന ഗാനമാണ് ഇപ്പോൾ പുറത്തുവിട്ടിരിക്കുന്നത്. ഏറ്റവും ശ്രദ്ധേയമായ കാര്യം സംഗീതത്തിലെ മാന്ത്രികൻ എ ആർ റഹ്മാൻ ആണ് ഈ ചിത്രത്തിലെ ഗാനങ്ങൾ ഒരുക്കിയിട്ടുള്ളത്. വിനായക് ശശികുമാർ വരികൾ രചിച്ച ഈ മനോഹര ഗാനം ആലപിച്ചിരിക്കുന്നത് വിജയ് യേശുദാസ് ആണ്.

എ ആർ റഹ്മാന്റെ സംഗീതവും വിജയ് യേശുദാസിന്റെ ശബ്ദ മാധുര്യവും ഈ ഗാനത്തിന്റെ മനോഹാരിത വർദ്ധിപ്പിക്കുന്നു. ഫഹദ് ഫാസിൽ , രജീഷ വിജയൻ എന്നിവരെയാണ് ഈ ഗാനരംഗത്തിൽ പ്രധാനമായും കാണിച്ചിരിക്കുന്നത് . കല്യാണ തലേന്നുള്ള ഒരുക്കങ്ങളും ആഘോഷങ്ങളുമാണ് ഈ ഗാനത്തിൽ . ഏറെ വർഷങ്ങൾക്ക് ശേഷം എ.ആർ റഹ്മാൻ മലയാളത്തിൽ വീണ്ടും ഒരു ഗാനം ഒരുക്കിയിരിക്കുകയാണ്. അതിനാൽ തന്നെ ഈ ഗാനം പ്രേക്ഷകർക്കിടയിൽ വൈറലായി മാറുകയാണ്.

നവാഗതനായ സജിമോൻ പ്രഭാകർ ആണ് ഈ ചിത്രം സംവിധാനം ചെയ്യുന്നത്. മഹേഷ് നാരായണൻ ആണ് തിരക്കഥ ഒരുക്കിയിരിക്കുന്നത് . ഈ ചിത്രം നിർമ്മിക്കുന്നത് പ്രശസ്ത നിർമ്മാതാവ് ഫാസിൽ ആണ്. ഫഹദ് ഫാസിൽ , രജീഷ വിജയൻ എന്നിവരെ കൂടാതെ ഇന്ദ്രൻസ്, ജാഫർ ഇടുക്കി, ദീപക് പറമ്പോൾ എന്നിവരും പ്രധാന വേഷങ്ങളിൽ എത്തുന്നു. ഫഹദ് ഫാസിൽ ആൻഡ് ഫ്രണ്ട്സ് എന്ന നിർമ്മാണ കമ്പനി ഒരുക്കുന്ന ഈ ചിത്രം വിതരണം ചെയ്യുന്നത് സെഞ്ച്വറി റിലീസ് ആണ്. ഛായാഗ്രഹണം നിർവഹിക്കുന്നത് മഹേഷ് നാരായണൻ ആണ്. അർജുൻ ബെൻ ആണ് എഡിറ്റിംഗ് കൈകാര്യം ചെയ്തിരിക്കുന്നത്.