Movie Updates

മാനഗരം, കൈദി, മാസ്റ്റർ തുടങ്ങി ബ്ലോക്ക്ബസ്റ്റർ ചിത്രങ്ങൾ പ്രേക്ഷകർക്ക് സമ്മാനിച്ച ലോകേഷ് കനകരാജിന്റെ മറ്റൊരു സൂപ്പർ ഹിറ്റ് ചിത്രമായിരുന്നു ഈ അടുത്ത് പുറത്തിറങ്ങിയ വിക്രം . ബ്രഹ്മാണ്ഡ വിജയം കരസ്ഥമാക്കിയ ഈ ചിത്രത്തിൽ കേന്ദ്ര കഥാപാത്രത്തെ അവതരിപ്പിച്ചത് ഉലകനായകൻ കമൽ ഹാസൻ ആയിരുന്നു . ആഗോള തലത്തിൽ ഈ ചിത്രം നാന്നൂറ് കോടി പിന്നിട്ടു എന്നാണ് റിപ്പോർട്ടുകൾ.

ഇപ്പോഴിതാ ഈ ചിത്രത്തിലെ ട്രെൻഡിംഗ് ആയി മാറിയ ഗാനത്തിന്റെ വീഡിയോ എത്തിയിരിക്കുയാണ് . പത്തല പത്തല എന്ന വരികളോടെ തുടങ്ങുന്ന ഈ ഗാനം ചിത്രം ഇറങ്ങുന്നതിന് മുൻപ് തന്നെ വൈറലായി മാറിയിരുന്നു. നായകൻ കമൽഹാസൻ തന്നെയാണ് ഈ ഗാനം രചിച്ചിരിക്കുന്നതും ആലപിച്ചിരിക്കുന്നതും . 70 മില്യൺ കാഴ്ചക്കാരെയാണ് ഈ ഗാനത്തിന്റെ ലെറിക്കൽ വീഡിയോ സ്വന്തമാക്കിയത്. പ്രശസ്ത സംഗീത സംവിധായകനും ഗായകനുമായ അനിരുദ്ധ് രവിചന്ദർ ആണ് ഈ ഗാനത്തിന് ഈണം പകർന്നത്.

കമൽഹാസനൊപ്പം ഒരു വമ്പൻ താരനിര തന്നെ ഈ ചിത്രത്തിൽ അണിനിരന്നിരുന്നു. അതിഥി വേഷത്തിൽ എത്തിയ നടിപ്പിന് നായകൻ സൂര്യ , മക്കൾ സെൽവൻ വിജയ് സേതുപതി എന്നിവർക്കൊപ്പം മലയാളത്തിലെ യുവതാരം ഫഹദ് ഫാസിൽ, നരേൻ , ചെമ്പൻ വിനോദ് എന്നിവരും വേഷമിട്ടിരുന്നു. രാജ് കമൽ ഇന്റർനാഷനലിന്റെ ബാനറിൽ ഒരുങ്ങിയ ഈ ചിത്രം നിർമ്മിച്ചത് താരം കമൽ ഹാസൻ തന്നെയാണ്. മലയാളിയായ ഗിരീഷ് ഗംഗാധരൻ ആണ് ഈ ചിത്രത്തിന്റെ ക്യാമറ കൈകാര്യം ചെയ്തത്. എഡിറ്റർ ഫിലോമിൻ രാജ് .

എൻ. ലിംഗുസാമി സംവിധാനം ചെയ്ത് ജൂലൈ പതിനാലിന് റീലീസിന് ഒരുങ്ങുന്ന പുത്തൻ തെലുങ്ക് ചിത്രമാണ് ദി വാരിയർ . റാം പൊത്തിനേനി കേന്ദ്ര കഥാപാത്രമായി എത്തുന്ന ഈ ചിത്രത്തിന്റെ ട്രൈലർ ഇപ്പോൾ റിലീസ് ചെയ്തിരിക്കുകയാണ്. ആദിത്യ മ്യൂസിക് എന്ന യൂടൂബ് ചാനലിലൂടെ റീലീസ് ചെയ്ത ഈ ട്രൈലർ വീഡിയോ ഇപ്പോൾ സോഷ്യൽ മീഡിയ കീഴടക്കുകയാണ് .

ചിത്രത്തിൽ റാം പൊത്തിനേനി ഒരു പോലീസ് കഥാപാത്രത്തെയാണ് അവതരിപ്പിക്കുന്നത്. കർണൂലിൽ ഡി എസ് പിയായി ചുമതലയേൽക്കുന്ന സത്യ എന്ന പോലീസ് ഉദ്യോഗസ്ഥനായാണ് റാം എത്തുന്നത്. ഗുരു എന്ന ഗുണ്ടാ നേതാവിനോടും അയാളുടെ സംഘത്തോടുമുള്ള പ്രശ്നങ്ങളാണ് ഈ ട്രൈലറിൽ കാണാൻ സാധിക്കുന്നത്. പോലീസും ഗുണ്ടാ സംഘവുമായുള്ള കിടിലൻ ആക്ഷൻ രംഗങ്ങളും ചിത്രത്തിൽ കാണാം. ഗുരു എന്ന വില്ലൻ കഥാപാത്രമായി എത്തുന്നത് നടൻ ആദി പിന്നിഷെട്ടി ആണ്. നദിയ മൊയ്തു , നായിക കൃതി ഷെട്ടി എന്നിവരേയും ട്രൈലർ രംഗങ്ങളിൽ കാണാം.

തമിഴിലും തെലുങ്കിലും ഒരേ സമയം ഈ ചിത്രം ഒരുക്കുന്നുണ്ട്. ശ്രീനീവാസ് സിൽവർ സ്ക്രീനിന്റെ ബാനറിൽ ശ്രീനിവാസാ ചിട്ടൂരി ആണ് ഈ ചിത്രം നിർമ്മിക്കുന്നത് . സോഷ്യൽ മീഡിയയിൽ ട്രെൻഡിംഗ് ആയി മാറിയ ഈ ചിത്രത്തിലെ ഗാനങ്ങൾ ഒരുക്കിയിട്ടുള്ളത് ദേവി ശ്രീ പ്രസാദ് ആണ്. സുജിത്ത് വാസുദേവ് ആണ് ഛായാഗ്രഹണം നിർവഹിച്ചിരിക്കുന്നത്. എഡിറ്റിംഗ് കൈകാര്യം ചെയ്തിരിക്കുന്നത് നവീൻ നൂലി ആണ്.

ജൂൺ പതിനേഴിന് തിയറ്ററുകളിൽ പ്രദർശനത്തിന് എത്തിയ തെലുങ്ക് ചിത്രമാണ് ” വിരാടപർവ്വം . വേണു ഉഡുഗുലയുടെ സംവിധാനത്തിൽ ഒരുങ്ങിയ ഈ ചിത്രം ഒട്ടേറെ പ്രശംസ പിടിച്ചു പറ്റിയെങ്കിലും ബോക്സ് ഓഫീസിൽ വലിയ വിജയം കാഴ്ച വയ്ക്കാൻ ചിത്രത്തിന് സാധിച്ചില്ല . റാണ ദഗുബതി , സായ് പല്ലവി എന്നിവർ കേന്ദ്ര കഥാപാത്രങ്ങളായി എത്തിയ ഈ ചിത്രം 1990 കളിൽ തെലുങ്കാന പ്രദേശത്ത് നടന്ന നക്സലൈറ്റ് മൂവ്മെന്റിനെ പശ്ചാത്തലമാക്കിയാണ് ഒരുക്കിയത്. നക്സലൈറ്റ് നേതാവിനെ പ്രണയിക്കുന്ന ഒരു പെൺകുട്ടിയുടെ വേഷമാണ് ചിത്രത്തിൽ സായ് പല്ലവി അവതരിപ്പിക്കുന്നത് . സഖാവ് രാവണ്ണ എന്ന ഈ നക്സലൈറ്റ് കഥാപാത്രമായി എത്തുന്നത് റാണ ദഗ്ഗുബതിയാണ്.

ഇപ്പോൾ ഈ ചിത്രത്തിലെ പുതിയൊരു വീഡിയോ ഗാനം റീലീസ് ചെയ്തിരിക്കുകയാണ്. കൊലു കൊലു എന്ന ഈ ഗാനരംഗത്തിൽ നടി സായ് പല്ലവിയെ ആണ് കാണാൻ സാധിക്കുന്നത്. പ്രണയം മനസ്സിൽ നിറഞ്ഞു നിൽക്കുന്ന ഒരു പെൺകുട്ടിയെ ആണ് ഈ ഗാന രംഗത്തിൽ സായ് പല്ലവി അവതരിപ്പിക്കുന്നത് . നിരവധി പ്രേക്ഷകരാണ് സായ് പല്ലവിയുടെ അഭിനയത്തെ പ്രശംസിച്ച് കൊണ്ട് കമന്റുകൾ നൽകിയിട്ടുള്ളത്.

ഡാൻസ് ചെയ്ത പ്രേക്ഷകരെ അത്ഭുതപ്പെടുത്താറുള്ള താരം ഇത്തവണ അഭിനയ മികവ് കൊണ്ട് ആരാധകരെ അതിശയിപ്പിച്ചിരിക്കുകയാണ്. ചന്ദ്രബോസ് വരികൾ രചിച്ച ഈ ഗാനത്തിന് ഈണം നൽകിയിരിക്കുന്നത് സുരേഷ് ബൊബ്ലിയാണ്. ദിവ്യ മല്ലിക , സുരേഷ് ബൊബ്ലി എന്നിവർ ചേർന്നാണ് ഈ ഗാനം ആലപിച്ചിരിക്കുന്നത്.

അല്ലരി നരേഷ് കേന്ദ്ര കഥാപാത്രമായി എത്തുന്ന പുത്തൻ ചിത്രമാണ് “ഇറ്റ്ലു മാറേഡുമില്ലി പ്രജനീകം ” . അല്ലരി നരേഷിന്റെ ജന്മദിനത്തോടനുബന്ധിച്ച് ഈ ചിത്രത്തിന്റെ ഒഫീഷ്യൽ ടീസർ റിലീസ് ചെയ്തിരിക്കുകയാണ്. സീ സ്റ്റുഡിയോസ് എന്ന യൂട്യൂബ് ചാനലിലൂടെയാണ് ഈ വീഡിയോ പുറത്തു വിട്ടിരിക്കുന്നത് . ഒരു ഡ്രാമ പറ്റേണിൽ ഒരുക്കിയ ഈ ചിത്രം ആദിവാസി ജനങ്ങളുടെ കഥയാണ് പറയുന്നത്. സ്വയം വോട്ടർമാരായി രജിസ്റ്റർ ചെയ്യാൻ മാറേടുമില്ലി മേഖലയിലെ ആദിവാസി ജനങ്ങളോട് ആവശ്യപ്പെടാൻ സർക്കാർ അയക്കുന്ന ഉദ്യോഗസ്ഥന്റെ വേഷമാണ് അല്ലരി നരേഷ് ഈ ചിത്രത്തിൽ അവതരിപ്പിക്കുന്നത്. അദ്ദേഹം ആ ഗ്രാമത്തിൽ എത്തിയതിന് ശേഷം നടക്കുന്ന സംഭവവികാസങ്ങളാണ് ഈ ചിത്രത്തിൽ കാണിച്ചിരിക്കുന്നത്.

അല്ലരി നരേഷിനെ കൂടാതെ ആനന്ദി, വെണല കിഷോർ, പ്രവീൺ, സമ്പത്ത് രാജ് എന്നിവരും പ്രധാന വേഷങ്ങളിൽ എത്തുന്നു. ഈ ചിത്രത്തിന്റെ രചനയും സംവിധാനവും നിർവഹിക്കുന്നത് എ ആർ മോഹൻ ആണ്. അബ്ബുറി രവിയാണ് സംഭാഷണങ്ങൾ തയ്യാറാക്കിയത്.

സീ സ്റ്റുഡിയോസ് , ഹാസ്യ മൂവീസ് എന്നിവയുടെ ബാനറിൽ റസേഷ് ദണ്ഡ ആണ് ഈ ചിത്രം നിർമ്മിക്കുന്നത്. ബാലജി ഗുട്ട ചിത്രത്തിന്റെ സഹ നിർമ്മാതാവ് ആണ്. പൃഥ്വി ആണ് ചിത്രത്തിലെ ആക്ഷൻ രംഗങ്ങൾ ഒരുക്കിയിരിക്കുന്നത് . റാം റെഡ്ഡി ആണ് ചിത്രത്തിന്റെ ക്യാമറമാൻ . എഡിറ്റിംഗ് കൈകാര്യം ചെയ്തിരിക്കുന്നത് ഛോട്ട കെ പ്രസദ് ആണ്. അല്ലരി നരേഷിന്റെ മറ്റൊരു ബ്ലോക്ക് ബസ്റ്ററായി ഈ ചിത്രം മാറും എന്ന പ്രതീക്ഷയിലാണ് ആരാധകർ.

ജൂലൈ ഒന്നിന് തിയറ്ററുകളിൽ പ്രദർശനത്തിന് എത്തിയ ഒരു ആക്ഷൻ കോമഡി തെലുങ്ക് ചിത്രമാണ് പക്കാ കൊമേഴ്ഷ്യൽ . ഇപ്പോൾ സോഷ്യൽ മീഡിയയിൽ ശ്രദ്ധ നേടുന്നത് ഈ ചിത്രത്തിന്റെ ഒരു ട്രൈലർ വീഡിയോ ആണ്. മാരുതി സംവിധാനം ചെയ്യുന്ന ഈ ചിത്രത്തിൽ ഗോപി ചന്ദ്, റാഷി ഖന്ന എന്നിവരാണ് കേന്ദ്ര കഥാപാത്രങ്ങളായി എത്തുന്നത്. ഇപ്പോൾ പ്രേക്ഷകർ ഏറ്റെടുത്തിരിക്കുന് ഈ ചിത്രത്തിന്റെ ഒരു കിടിലൻ ട്രൈലറാണ് . ആക്ഷൻ സീനുകളും കോമഡി സീനുകളും നിറഞ്ഞ ഒരു പക്കാ മാസ്സ് ട്രൈലറാണ് ഇപ്പോൾ പുറത്തിറങ്ങിയിരിക്കുന്നത് . ഈ ട്രൈലറിന്റെ ഹൈലൈറ്റായി മാറുന്നത് നടൻ ഗോപി ചന്ദിന്റെ മാസ്സ് സ്‌റ്റൈലിഷ് ലുക്കിലുള്ള ആക്ഷൻ രംഗങ്ങൾ തന്നെയാണ് .

ഗോപി ചന്ദ്, റാഷി ഖന്ന എന്നിവരോടൊപ്പം വരലക്ഷ്മി ശരത്കുമാർ , റാവു രമേശ്, അജയ് ഘോഷ്, അനസൂയ ഭരദ്വാജ്, കിരൺ തലസില , സപ്തഗിരി സായ് കൃഷ്ണ, രമണ റെഡ്ഢി എന്നിവരും ചിത്രത്തിലെ പ്രധാന കഥാപാത്രങ്ങളെ അവതരിപ്പിക്കുന്നുണ്ട്. ബണ്ണി വാസ് നിർമ്മിക്കുന്ന ഈ ചിത്രം യുവി ക്രിയേഷ്സ് , ജി എ ടു പിക്ച്ചേഴ്സ് എന്നിവയുടെ ബാനറിൽ ആണ് ഒരുങ്ങുന്നത്.

ഈ ചിത്രത്തിന്റെ വിതരണാവകാശം അല്ലു അരവിനന്ദിനാണ്. ഈ ചിത്രത്തിന്റെ രചന നിർവഹിച്ചിരിക്കുന്നത് സംവിധായകൻ മാരുതി തന്നെയാണ് . ചിത്രത്തിലെ ഗാനങ്ങൾ ഒരുക്കിയിരിക്കുന്നത് ജേക്സ് ബിജോയ് ആണ് . കർമ്മ ചൗള ഛായഗ്രഹണം നിർവഹിച്ച ഈ ചിത്രത്തിന്റെ എഡിറ്റിംഗ് കൈകാര്യം ചെയ്തിരിക്കുന്നത് എസ് ബി ഉദ്ദവ് ആണ് .

ജിജോ ആന്റണിയുടെ സംവിധാന മികവിൽ ഒരുക്കുന്ന ഏറ്റവും പുതിയ ചിത്രമാണ് അടിത്തട്ട്. ഈ ചിത്രത്തിന്റെ ട്രൈലർ ഇപ്പോൾ റിലീസ് ചെയ്തിരിക്കുകയാണ് . ഒരു ആക്ഷൻ ത്രില്ലർ പാറ്റേണിൽ ഒരുങ്ങുന്ന ഈ ചിത്രം പൂർണ്ണമായും ആഴക്കടലിൽ ആണ് ചിത്രീകരിച്ചിരിക്കുന്നത്. മത്സ്യബന്ധന തൊഴിലാളികളുടെ ജീവിതവും അവരുടെ പ്രശ്നങ്ങളും ഉൾക്കൊള്ളിച്ച് ഒരുക്കിയ ചിത്രമാണ് അടിത്തട്ട്. ഒരു മിനുട്ടിലധികം ദൈർഘ്യമുള്ള ഈ ട്രൈലർ രംഗവും കടലിലുള്ള ബോട്ടിലെ ദൃശ്യങ്ങളാണ് ഉൾക്കൊള്ളിച്ചിരിക്കുന്നത് . അടിപിടി രംഗങ്ങളുമായി എത്തിയ ഈ ട്രൈലർ ഇപ്പോൾ പ്രേക്ഷക ശ്രദ്ധ നേടുകയാണ്.

സണ്ണി വെയ്ൻ, ഷൈൻ ടോം ചാക്കോ എന്നിവർ കേന്ദ്ര കഥാപാത്രങ്ങളായി എത്തുന്ന ഈ ചിത്രത്തിൽ ജയപാലൻ, അലക്സാണ്ടർ പ്രശാന്ത്, മുരുഗൻ മാർട്ടിൻ , ജോസഫ് യേശുദാസ്, സാബുമോൻ അബ്ദുസമദ് എന്നിവരും പ്രധാന വേഷങ്ങളിൽ എത്തുന്നു. സൂസൻ ജോസഫ് , സിൻ ട്രീസ എന്നിവരാണ് ഈ ചിത്രം നിർമ്മിക്കുന്നത്. ഖൈസ് മില്ലൻ ആണ് ഈ ചിത്രത്തിന്റെ രചയിതാവ്. നെസർ അഹമ്മദ് ആണ് ചിത്രത്തിലെ ഗാനങ്ങൾ ഒരുക്കിയിട്ടുള്ളത്. എഡിറ്റിംഗ് കൈകാര്യം ചെയ്തിരിക്കുന്നത് നൗഫൽ അഹമ്മദ് ആണ്. ഫിയോനിക്സ് പ്രഭു ആണ് ചിത്രത്തിലെ ആക്ഷൻ രംഗങ്ങൾ ഒരുക്കിയിട്ടുള്ളത്.

മിഡിൽ മാർച്ച് സ്റ്റുഡിയോസ് എന്ന യൂട്യൂബ് ചാനലിലൂടെ പുറത്തിറങ്ങിയ ഈ ട്രൈലർ വീഡിയോ ഇപ്പോൾ പ്രേക്ഷക ശ്രദ്ധ നേടുകയാണ്. ഒട്ടേറെ ആരാധകരാണ് വീഡിയോയ്ക്ക് താഴെ കമന്റുകൾ നൽകിയിട്ടുള്ളത്. സണ്ണി വെയ്ന്റെ മറ്റൊരു ബ്ലോക്ക് ബസ്റ്റർ എന്നാണ് ആരാധകർ ഈ ചിത്രത്തെ വിശേഷിപ്പിക്കുന്നത്.

ഇപ്പോൾ സോഷ്യൽ മീഡിയയിൽ ശ്രദ്ധ നേടുന്നത് പുതിയൊരു മ്യൂസിക് വീഡിയോ ആണ്. മലയാള സിനിമയിലൂടെ ശ്രദ്ധ നേടിയ അഞ്ജു കുര്യനും തമിഴ് ടെലിവിഷൻ താരം അശ്വിൻ കുമാർ ലക്ഷ്മികാന്തനുമാണ് ഈ വീഡിയോ ഗാനത്തിലെ പ്രധാന കഥാപാത്രങ്ങൾ . തിങ്ക് മ്യൂസിക് ഇന്ത്യ എന്ന യൂടൂബ് ചാനലിലൂടെയാണ് ഈ വീഡിയോ പുറത്തുവിട്ടത്. വാടി വാടി എന്ന വരികളോടെ തുടങ്ങുന്ന ഈ ഗാനം മനോഹരമായ പ്രണയ രംഗങ്ങൾ കൊണ്ടാണ് ഒരുക്കിയിരിക്കുന്നത്. അഞ്ജു കുര്യൻ വളരെ ഗ്ലാമറസായി ഈ വീഡിയോയിൽ എത്തിയിരിക്കുന്നു എന്നതും ശ്രദ്ധേയമാണ്. ഇരുവരും തമ്മിലുള്ള കിടിലൻ റൊമാന്റിക് രംഗങ്ങൾ തന്നെയാണ് ഈ വീഡിയോയുടെ ഹൈലൈറ്റ്.

കാർത്തിക് അരസകുമാർ ആണ് ഈ മ്യൂസിക് വീഡിയോയുടെ സംവിധായകൻ. ഹാരിസ് ജയരാജ് ആണ് ഈ വീഡിയോ ഗാനം ഒരുക്കിയിരിക്കുന്നത്. വിവേക വരികൾ രചിച്ച ഈ ഗാനം ആലപിച്ചിരിക്കുന്നത് രവി ജി , നിക്കോളസ് സാമുവൽ , സുനിത സാരഥി എന്നിവർ ചേർന്നാണ്. രാജശേഖർ ആണ് ഈ ഗാനത്തിന്റെ ക്യാമറമാൻ . എഡിറ്റിംഗ് കൈകാര്യം ചെയ്തിരിക്കുന്നത് അന്തോണി ആണ്.

ബീച്ചിന്റെ മനോഹാരിതയിൽ ഒരുക്കിയ ഈ പ്രണയ ഗാനം ഇതിനോടകം നിരവധി കാഴ്ചക്കാരെയാണ് സ്വന്തമാക്കിയത്. ഒട്ടേറെ പ്രേക്ഷകരാണ് ഈ പ്രണയ ഗാനത്തിന് താഴെ കമന്റുകൾ നൽകിയിട്ടുള്ളത്. അഞ്ജു കുര്യൻ എന്ന താരത്തിന്റെ ഏറെ വ്യത്യസ്തവും സ്റ്റൈലിഷും ആയ ഒരു ലുക്ക് തന്നെയാണ് ഈ വീഡിയോയിൽ കാണാൻ സാധിക്കുന്നത്.

ആന്റണി സോണിയുടെ സംവിധാന മികവിൽ നടൻ ഷറഫുദ്ദീനെ നായകനാക്കി ഒരുക്കിയ ഒരു ഫീൽ ഗുഡ് ഫാമിലി എന്റർടൈനർ ചിത്രമാണ് പ്രിയൻ ഓട്ടത്തിലാണ്. ജൂൺ 24 ന് തിയറ്ററുകളിൽ പ്രദർശനത്തിന് എത്തിയ ഈ ചിത്രം ഇപ്പോഴും മികച്ച പ്രതികരണം നേടി മുന്നേറുകയാണ്. ഇപ്പോൾ ഈ ചിത്രത്തിലെ ഒരു റീലീസ് ടീസർ വീഡിയോ ആണ് സോഷ്യൽ മീഡിയയിൽ ശ്രദ്ധ നേടുന്നത്. സരിഗമ മലയാളം എന്ന യൂടൂബ് ചാനലിലൂടെയാണ് ഈ വീഡിയോ പുറത്തു വിട്ടിരിക്കുന്നത് .

ഷറഫുദ്ദീൻ, അപർണദാസ്, ബിജു സോപാനം എന്നിവർ ഒന്നിച്ചെത്തുന്ന ഒരു രംഗമാണ് ഈ വീഡിയോയിൽ കാണിച്ചിരിക്കുന്നത്. ബിജു സോപാനത്തിന്റെ വളരെ മികച്ചൊരു അഭിനയ പ്രകടനം തന്നെയാണ് ഈ ടീസർ വീഡിയോയിൽ കാണാൻ സാധിക്കുന്നത് . ഷറഫുദ്ദീൻ, അപർണദാസ് എന്നിവരെ കൂടാതെ നടി നൈല ഉഷയും ചിത്രത്തിൽ ഒരു പ്രധാന വേഷത്തെ അവതരിപ്പിക്കുന്നു. മറ്റുള്ളവരുടെ ആവശ്യങ്ങൾക്കായി ഓടി നടക്കുന്ന ഒരു ചെറുപ്പക്കാരന്റെ കഥയാണ് ഈ ചിത്രത്തിൽ കാണിക്കുന്നത്. പ്രേക്ഷകർ ഈ ഫാമിലി മൂവി ഇരുകൈയ്യും നീട്ടി സ്വീകരിച്ചിരിക്കുകയാണ്.

അഭയ കുമാർ കെ , അനിൽ കുര്യൻ എന്നിവർ ചേർന്നാണ് ഈ ചിത്രത്തിന്റെ കഥ, തിരക്കഥ രചന നിർവ്വഹിച്ചിരിക്കുന്നത്. സന്തോഷ് ത്രിവിക്രമൻ ആണ് ഈ ചിത്രം നിർമ്മിച്ചിരിക്കുന്നത് . ശബരീഷ് വർമ്മ, വിനായക് ശശികുമാർ , പ്രജീഷ് പ്രേം എന്നിവർ ചേർന്ന് വരികൾ രചിച്ച ഈ ചിത്രത്തിലെ ഗാനങ്ങൾക്ക് ഈണം പകർന്നിരിക്കുന്നത് ലിജിൻ ബാംബിനോ ആണ്. ജോയൽ കവി ആണ് ചിത്രത്തിന്റെ എഡിറ്റർ.

ജൂലൈ 8 ന് തിയറ്ററുകളിൽ പ്രദർശനത്തിന് എത്താൻ ഒരുങ്ങുന്ന തെലുങ്ക് ചിത്രമാണ് ഹാപ്പി ബെർത്ത്ഡേ . ഈ ചിത്രത്തിന്റെ ട്രൈലർ ഇപ്പോൾ റിലീസ് ചെയ്തിരിക്കുകയാണ്. എസ്. എസ് രാജമൗലിയാണ് ഈ ട്രൈലർ പുറത്തുവിട്ടത്. സോണി മ്യൂസിക് സൗത്ത് എന്ന യൂട്യൂബ് ചാനലിലൂടെയാണ് ഈ വീഡിയോ റിലീസ് ചെയ്തിരിക്കുന്നത് . വളരെ രസകരമായ ഒരു ട്രൈലർ വീഡിയോ ആണ് ഇപ്പോൾ പ്രേക്ഷകരിലേക്ക് എത്തുന്നത്. സർറിയൽ എന്ന് കാണിച്ചു കൊണ്ടാണ് ഈ വീഡിയോ ആരംഭിക്കുന്നത് തന്നെ . അതായത് അവിശ്വസനീയവും മെനഞ്ഞെടുത്തതുമായ കാഴ്ചപാടുകളിലൂടെയും തമാശകളിലൂടെയുമാണ് ഈ കഥ മുന്നോട്ട് പോകുന്നത്. ട്രൈലറിൽ തന്നെ നമുക്ക് കാണാം തോക്ക് കൈകളിൽ ഇല്ലാത്ത ആരും തന്നെയില്ല. എല്ലാവർക്കും തോക്ക് കൈവശം വയ്ക്കാൻ പറ്റിയാൽ എന്താകും അവസ്ഥ ? ഇതെല്ലാം വളരെ രസകരമായി അവതരിപ്പിച്ചു കൊണ്ടുള്ള ട്രൈലറാണ് ഇപ്പോൾ പുറത്തുവന്നിരിക്കുന്നത്.

റിതേഷ് റാണ രചനയും സംവിധാനവും നിർവഹിക്കുന്ന ഈ ചിത്രത്തിൽ ലാവണ്യ തൃപ്തി, നരേഷ് അഗസ്ത്യ, സത്യ, വെന്നല കിഷോർ എന്നിവരാണ് പ്രധാന വേഷങ്ങളിൽ എത്തുന്നത്. ചിത്രത്തിന്റെ സംഗീത സംവിധാനം ഒരുക്കുന്നത് കാലഭൈരവ ആണ്. ക്യാമറ കൈകാര്യം ചെയ്തിരിക്കുന്നത് സുരേഷ് സരംഗം ആണ്. എഡിറ്റർ കാർത്തിക ശ്രീനിവാസ് . ക്ലാപ്പ് എന്റർടൈൻമെന്റിലെ ബാനറിൽ ചിരഞ്ജീവി , ഹേമലത പെടമല്ലു എന്നിവരാണ് ഈ ചിത്രം നിർമ്മിക്കുന്നത് . മൈത്രി മൂവി മേക്കേഴ്സിന്റെ ബാനറിൽ നവീൻ യേർനേനി , രവി ശങ്കർ എന്നിവരാണ് ഈ ചിത്രം അവതരിപ്പിക്കുന്നത്.

തിയറ്ററുകളിൽ പ്രേക്ഷകരെ ഇളക്കിമറിച്ച തമിഴ് ചിത്രം വിക്രം ജൂലൈ 8 മുതൽ ഡിസ്നി പ്ലസ് ഹോട്ട് സ്റ്റാറിൽ സ്ട്രീമിംഗ് ആരംഭിക്കുന്നു. ഇത് അറിയിച്ചു കൊണ്ടുള്ള ഒരു പ്രൊമോ വീഡിയോ ഇപ്പോൾ പുറത്തിറങ്ങിയിരിക്കുകയാണ്. ചിത്രത്തിലെ കേന്ദ്ര കഥാപാത്രമായ ഉലക നായകൻ കമൽ ഹാസൻ തന്നെയാണ് ഈ പ്രെമോ വീഡിയോയിൽ പ്രത്യക്ഷപ്പെട്ടിരിക്കുന്നത്. ഡിസ്നി പ്ലസ് ഹോട്ട്സ്റ്റാർ തമിഴ് എന്ന യൂട്യൂബ് ചാനലിലൂടെയാണ് ഈ വീഡിയോ റിലീസ് ചെയ്തിരിക്കുന്നത് . ലോകേഷ് കനകരാജിന്റെ സംവിധാന മികവിൽ ഒരുങ്ങിയ ഈ സൂപ്പർ ഹിറ്റ് ആക്ഷൻ ത്രില്ലർ ചിത്രം ജൂൺ മൂന്നിന് ആണ് തിയറ്ററുകളിൽ റിലീസ് ചെയ്തത്. തമിഴ് സിനിമാ മേഖലയിലെ പുത്തൻ ഹിറ്റായി മാറി കഴിഞ്ഞു ഈ ചിത്രം.

മികച്ച ആക്ഷൻ രംഗങ്ങൾക്കൊണ്ട് സമ്പന്നമായ ഈ ചിത്രത്തിന്റെ ഏറ്റവും വലിയ പ്രത്യേകത ഒരു വലിയ താരനിര തന്നെ ഈ ചിത്രത്തിൽ അണിനിരന്നു എന്നുള്ളതാണ്.

മലയാളി താരങ്ങളായ ഫഹദ് ഫാസിൽ, ചെമ്പൻ വിനോദ്, നരേൻ ഒപ്പം മക്കൾ സെൽവൻ വിജയ് സേതുപതിയും അണിച്ചേർന്ന് ചിത്രത്തിന്റെ മാറ്റ് കൂട്ടിയപ്പോൾ തമിഴിലെ പ്രിയതാരം സൂര്യ അതിഥി വേഷത്തിൽ എത്തി പ്രേക്ഷക മനസ്സ് കീഴടക്കി.രാജ് കമൽ ഫിലിംസ് ഇന്റർനാഷനലിന്റെ ബാനറിൽ ഒരുങ്ങിയ ഈ ചിത്രം നിർമ്മിച്ചത് നടൻ കമൽ ഹാസൻ തന്നെയാണ്. ലോകേഷ് കനകരാജ്- രത്‌നകുമാർ എന്നിവർ ചേർന്നാണ് ചിത്രത്തിന്റെ രചന നിർവഹിച്ചത്.