Movie Updates

മലയാളത്തിലെ ശ്രദ്ധേയ നടനും സംവിധായകനുമായ സൗബിൻ ഷാഹിറിനെ നായകനാക്കി സൂപ്പർ ഹിറ്റ് തിരക്കഥാകൃത്തായ ഷാഹി കബീറിന്റെ സംവിധാന മികവിൽ ആദ്യമായി ഒരുക്കുന്ന ചിത്രമാണ് ‘ഇലവീഴാപൂഞ്ചിറ’. ഈ ചിത്രത്തിന്റെ ഒഫീഷ്യൽ ട്രെയിലർ ഇന്നലെ റിലീസ് ചെയ്യുകയും സോഷ്യൽ മീഡിയയിൽ സൂപ്പർ ഹിറ്റായി മാറുകയും ചെയ്തിരിന്നു. അണിയറ പ്രവർത്തകർ ഇന്നലെ പുറത്ത് വിട്ടത് നിഗൂഡതകൾ നിറഞ്ഞ ഒരു ട്രെയിലറാണ് . ഈ ട്രയ്ലറിൽ കാണാൻ സാധിച്ചത് തുടർച്ചയായി സംഭവിക്കുന്ന കൊലപാതക പരമ്പരകളും അതിന്റെ തെളിവ് കണ്ടെത്താൻ ശ്രമിക്കുന്ന പോലീസ് ഓഫീസറെയുമാണ്. സൗബിൻ ഷാഹിർ ആണ് പോലീസ് കഥാപാത്രമായെത്തുന്നത്. തിരുവനന്തപുരത്ത് വെച്ച് ഇന്നലെ വൈകുന്നേരം 7 മണിക്ക് ആണ് ഈ ട്രെയ്‌ലർ റിലീസ് ചെയ്തത്. ഈ ട്രെയ്‌ലർ പുറത്തു വിട്ട ചടങ്ങിൽ സൗബിൻ ഷാഹിറിനോടൊപ്പം സഹതാരം സുധീ കോപ്പയും പങ്കെടുത്തിരുന്നു.

ഒട്ടേറെ പ്രേക്ഷകർ ഏറ്റെടുക്കുകയും നിരൂപക പ്രശംസ നേടിയെടുക്കുകയും ചെയ്ത കപ്പേള എന്ന സൂപ്പർ ഹിറ്റ് ചിത്രം ഒരുക്കിയ കഥാസ് അൺടോൾഡിൻ്റെ ബാനറിൽ വിഷ്ണു വേണുവാണ് ഇലവീഴാപൂഞ്ചിറ നിർമ്മിക്കുന്നത്. സൗബിൻ ഷാഹിർ, സുധീ കോപ്പ എന്നിവരോടൊപ്പം ജൂഡ്‌ ആന്റണി ജോസഫും ചിത്രത്തിൽ മറ്റൊരു പ്രധാന കഥാപാത്രത്തെ അവതരിപ്പിക്കുന്നു. ഈ സിനിമ ചിത്രീകരിച്ചിരിക്കുന്നത്‌.സമുദ്രനിരപ്പിൽ നിന്നും മൂവായിരത്തിലധികമടി ഉയരത്തിൽ നിലകൊള്ളുന്ന, ഒറ്റപ്പെട്ട വിനോദസഞ്ചാര മേഖലയായ ഇലവീഴാപൂഞ്ചിറയിലാണ്.

മാർട്ടിൻ പ്രക്കാട്ട് സംവിധാനം ചെയ്ത നായാട്ട്, എം പദ്മകുമാർ ഒരുക്കിയ ജോസഫ് എന്നീ ചിത്രങ്ങൾക്ക് തിരക്കഥ ഒരുക്കിയത് പോലീസ് ഉദ്യോഗസ്ഥനായി സേവനമനുഷ്ഠിച്ചിട്ടുള്ള ഈ ചിത്രത്തിന്റെ സംവിധായകൻ ഷാഹി കബീർ തന്നെയാണ്. ഈ ഇരു ചിത്രങ്ങളും വലിയ ജനപ്രീതി നേടിയ തോടൊപ്പം ദേശിയ-അന്തർദേശീയ തലത്തിൽ നിരൂപക പ്രശംസയും കരസ്ഥമാക്കിയിരുന്നു. ഷാഹി കബീർ ഈ വർഷത്തെ സംസ്ഥാന രചയിതാവ് പുരസ്കാരം സ്വന്തമാക്കിയിരുന്നു. അദ്ദേഹത്തിന്റെ ആദ്യ സംവിധാനവും ഒരു പോലീസ് കഥയെ ബന്ധപ്പെടുത്തി തന്നെയാണ്. മനേഷ്‌‌ മാധവൻ ആണ് ചിത്രത്തിന്റെ ക്യാമറമാൻ . കിരൺ ദാസ്‌ ആണ് എഡിറ്റർ. അനിൽ ജോൺസൺ ആണ് ഈ ചിത്രത്തിന് സംഗീതമൊരുക്കിയത്. ഈ ചിത്രം രചിച്ചിരിക്കുന്നത് നിധീഷ്, ഷാജി മാറാട് എന്നിവർ ചേർന്നാണ് .

2005 ൽ പുറത്തിറങ്ങിയ ബോയ് ഫ്രണ്ട് എന്ന ചിത്രത്തിലൂടെ മലയാള സിനിമയിലേക്ക് കടന്നു വന്ന് ഇപ്പോഴും സജീവമായി തുടരുന്ന താര സുന്ദരിയാണ് നടി ഹണി റോസ് . മലയാള സിനിമയിൽ തന്റെതായ സ്ഥാനം താരം നേടിയെടുത്തത് തന്റെ സൗന്ദര്യം കൊണ്ടും അഭിനയമികവ് കൊണ്ടും മാത്രമാണ്. ആദ്യ കാലങ്ങളിൽ അധികം ശോഭിക്കാൻ കഴിയാതിരുന്ന താരം പിന്നീട് അങ്ങോട്ട് മലയാളത്തിലെ വമ്പൻ നായകന്മാർക്കൊപ്പം എല്ലാം നായികയായി വേഷമിട്ടു. മലയാളത്തിൽ മാത്രമായിരുന്നില്ല താരം തന്റെ മികവ് പ്രകടിപ്പിച്ചത് തമിഴ്, തെലുങ്ക്, കന്നഡ എന്നീ ഭാഷ ചിത്രങ്ങളിലും താരം ശോഭിച്ചു.

അഭിനയരംഗത്ത് താരത്തിന് കൂടുൽ സ്വീകാര്യത നേടികൊടുത്തത് 2012 ൽ പുറത്തിറങ്ങിയ ട്രിവാൻഡ്രം ലോഡ്ജ് എന്ന ചിത്രമാണ്. കനൽ, ഇട്ടിമാണി മെയ്ഡ് ഇൻ ചൈന, ബിഗ് ബ്രദർ എന്നീ ചിത്രങ്ങളിലൂടെ മോഹൻലാലിന്റെ നായികയായും ദൈവത്തിന്റെ സ്വന്തം ക്ലീറ്റസ് എന്ന ചിത്രത്തിൽ മമ്മൂട്ടിയുടെ നായികയായും ശോഭിച്ച താരത്തിന്റെ മൂല്യം ഈ ചിത്രങ്ങൾക്ക് ശേഷം ഉയർന്നു. ജയറാം ,ദിലീപ് , ജയസൂര്യ , ആസിഫ് അലി തുടങ്ങി നായകൻമാർക്കൊപ്പവും താരം തിളങ്ങി. അക്വേറിയം എന്ന മലയാള ചിത്രമാണ് താരത്തിന്റെതായി പുറത്തിറങ്ങിയ അവസാന ചിത്രം . മലയാള ചിത്രമായ മോൺസ്റ്റർ, തെലുങ്ക് ചിത്രം എൻബികെ 107 എന്നിവ ചിത്രീകരണം പുരോഗമിച്ചു കൊണ്ടിരിക്കുന്ന താരത്തിന്റെ പുതിയ പ്രൊജക്ടുകൾ ആണ്.

തിരുവനന്തപുരം ലുലു മാളിൽ എത്തിയ ഹണി റോസിന്റെ വീഡിയോ ആണ് ഇപ്പോൾ സോഷ്യൽ മീഡിയയിൽ ശ്രദ്ധ നേടുന്നത്. ലുലു മാളിൽ ഒരുക്കിയ ഒരു ഫുഡ് ഫെസ്റ്റിന്റെ സമാപന ചടങ്ങിന് അതിഥിയായി എത്തിയതാണ് ഹണി റോസ് . ചടങ്ങിന് എത്തിയ താരത്തിന്റെ ലുക്കാണ് ഇപ്പോൾ ശ്രദ്ധ നേടുന്നത്. വളരെ സ്റ്റൈലിഷ് ആയും ബോൾഡ് ആയും ആണ് താരത്തെ ഈ വീഡിയോയിൽ കാണാൻ സാധിക്കുന്നത്. തന്റെ ആരാധകരെ അഭിസംബോധന ചെയ്ത് സംസാരിച്ച താരം ഫുഡ് ഫെസ്റ്റിനെ കുറിച്ചും ലുലു മാളിനെ കുറിച്ചും സംസാരിച്ചു. കൂട്ടത്തിൽ താരം കൊച്ചി ലുലുമാളിൽ മിക്കപ്പോഴും പോകുന്നതിനെ കുറിച്ചും പർദ്ദ ധരിച്ചാണ് താൻ പോകാറുള്ളത് എന്നും ആരാധകരോടായി പറഞ്ഞു.

ദി വാരിയർ എന്ന ചിത്രത്തിലെ വിസിൽ ഗാനം ഇപ്പോൾ സോഷ്യൽ മീഡിയയിൽ വൈറലായി മാറുകയാണ്. ലിംഗുസാമി സംവിധാനത്തിൽ ഒരേ സമയം തെലുങ്കിലും തമിഴിലും ചിത്രീകരിക്കുന്ന ഈ ചിത്രത്തിലെ ബുള്ളറ്റ് ഗാനം പ്രേക്ഷകർക്കിടയിൽ ട്രെൻഡിംഗ് ആയി മാറിയിരുന്നു . അതിന് പിന്നാലെയാണ് ഇപ്പോൾ ചിത്രത്തിലെ പുതിയൊരു ഗാനം കൂടി പ്രേക്ഷകരിലേക്ക എത്തിയത്. വിസിൽ ഗാനത്തിന്റെ ലെറിക്കൽ വീഡിയോ മാത്രമാണ് ഇപ്പോൾ റിലീസ് ചെയ്തിട്ടുള്ളത്. ഈ വീഡിയോ ഗാനം പുറത്തുവിട്ടിരിക്കുന്നത് ആദിത്യ മ്യൂസിക് എന്ന യൂട്യൂബ് ചാനലിലൂടെയാണ് . ലെറിക്കൽ വീഡിയോയ്ക്കൊപ്പം ഈ ഗാനത്തിന്റെ ചിത്രീകരണ രംഗങ്ങൾ കൂടി ഉൾപ്പെടുത്തിയിട്ടുണ്ട്. വിസിൽ ഗാനത്തിൽ ചിത്രത്തിലെ കേന്ദ്ര കഥാപാത്രങ്ങളായ റാം പോതിനേനിയുടേയും കൃതി ഷെട്ടിയുടേയും ഒരു പവർ പാക്ക് പെർഫോമൻസ് തന്നെയാണ് കാഴ്ചവച്ചിരിക്കുന്നത്. അത്യുഗ്രൻ ഡാൻസ് പെർഫോമൻസുമായാണ് ഇരുവരും എത്തുന്നത്.

ഈ ഗാനത്തിന് വരികൾ രചിച്ചിരിക്കുന്നത് സഹിതി ആണ് . ദേവി ശ്രീ പ്രസാദ് ഈണം നൽകിയ ഈ ഗാനം പാടിയിരിക്കുന്നത് അന്തോണി ദാസൻ , ശ്രീനിഷ ജയശീലൻ എന്നിവർ ചേർന്നാണ്. ഗാനത്തിന്റെ കൊറിയോഗ്രാഫർ ജാനി മാസ്റ്റർ ആണ്. ഈ ആക്ഷൻ കോമഡി ചിത്രം ജൂലൈ പതിനാലിന് ആണ് പ്രേക്ഷകർക്ക് മുന്നിലേക്ക് എത്തുന്നത് . ചിത്രത്തിലെ ശ്രദ്ധേയ കഥാപാത്രങ്ങളായ റാം പോതിനേനി, കൃതി ഷെട്ടി എന്നിവർക്കൊപ്പം ആദി പിനിസെട്ടി, അക്ഷര ഗൗഡ, നദിയ , ചിരാഗ് ജാനി , റെഡിൻ കിംഗ്‌സ്ലി, ഭാരതി രാജ, ബ്രഹ്മാജി എന്നിവരും പ്രധാന വേഷങ്ങളിൽ എത്തുന്നുണ്ട്.

എം.എസ്. രാജുവിന്റെ സംവിധാന മികവിൽ ജൂൺ 24 ന് പുറത്തിറങ്ങിയ തെലുങ്ക് ചിത്രമാണ് സെവൻ ഡേയ്സ് സിക്സ് നൈറ്റ്സ് . ഒരു അഡൾട്ട് റൊമാന്റിക് ഡ്രാമ ചിത്രമായ സെവൻ ഡേയ്സ് സിക്സ് നൈറ്റ്സിലെ ഒരു വീഡിയോ ഗാനം ഇപ്പോൾ റിലീസ് ചെയ്തിരിക്കുകയാണ്. സരിഗമ തെലുങ്ക് എന്ന യൂട്യൂബ് ചാനലിലൂടെ പുറത്തിറങ്ങിയ ഈ ഗാനം ഇപ്പോൾ സോഷ്യൽ മീഡിയ ശ്രദ്ധ നേടുകയാണ്.

ലെറ്റ് മി ഗോ ദേർ എന്ന ഗാനത്തിന്റെ വീഡിയോയാണ് ശ്രദ്ധിക്കപ്പെടുന്നത് . ചിത്രത്തിലെ കേന്ദ്ര കഥാപാത്രങ്ങളായ സുമന്ത് അശ്വിൻ, മെഹർ ചഹൽ, റോഹൻ , കൃതിക ഷെട്ടി എന്നിവരാണ് ഗാനരംഗത്തിൽ കാണാൻ സാധിക്കുന്നത്. പ്രണയവും സൗഹൃദവും തുറന്നു കാണിക്കുകയാണ് ഈ ഗാന്റംഗത്തിലൂടെ . ഈ വീഡിയോ ഗാനത്തിന്റെ ഹൈലൈറ്റായി മാറ്റിയിരിക്കുന്നത് ബിക്കിനിയിൽ എത്തുന്ന നായികമാരാണ്. നിരവധി ആരാധകരാണ് ഈ വീഡിയോ ഗാനത്തിന് താഴെ കമന്റുകൾ നൽകിയിരിക്കുന്നത് .

കൃഷ്ണ കാന്ത്, സമർത്ത് ഗൊല്ലാപുഡി എന്നിവർ ചേർന്ന് വരികൾ രചിച്ച ഈ ഗാനത്തിന് ഈണം പകർന്നിരിക്കുന്നത് സമർത്ത് ഗൊല്ലാപുഡിയാണ്. അദ്ദേഹവും നുട്ടന മോഹനും ചേർന്നാണ് ഈ ഗാനം ആലപിച്ചിരിക്കുന്നത്. വൈൽഡ് ഹണി പ്രൊഡക്ഷന്റെ ബാനറിൽ ഒരുങ്ങിയ ഈ ചിത്രം നിർമ്മിച്ചിരിക്കുന്നത് എം സുമന്ത് രാജു ആണ്.

മലയാളത്തിന്റെ യൂത്ത് ഐക്കൺ ദുൽഖർ സൽമാൻ കേന്ദ്ര കഥാപാത്രമായി എത്തുന്ന രണ്ടാമത്തെ തെലുങ്ക് ചിത്രമാണ് സീത രാമം. കീർത്തി സുരേഷിനൊപ്പം വേഷമിട്ട മഹാനടിയാണ് ദുൽഖറിന്റെ ആദ്യ തെലുങ്ക് ചിത്രം . ആഗസ്ത് മാസം പതിനഞ്ചിനാണ്‌ ഇദ്ദേഹത്തിന്റെ രണ്ടാമത്തെ തെലുങ്ക് ചിത്രമായ സീത രാമം റിലീസ് ചെയ്യാൻ പോകുന്നത്. തെലുങ്കിന് പുറമേ മലയാളം, തമിഴ് ഭാഷകളിലായും ഈ ചിത്രം മൊഴിമാറ്റിയെത്തുന്നുണ്ട്. ഈ ചിത്രത്തിന്റെ പോസ്റ്ററുകൾ, പ്രൊമോ വീഡിയോ എന്നിവയെല്ലാം വമ്പിച്ച ശ്രദ്ധ നേടിയിരുന്നു.

കൂടാതെ ചിത്രത്തിലെ ഒരു ഗാനവും റിലീസ് ചെയ്ത ഉടൻ പ്രേക്ഷക ശ്രദ്ധ നേടിയിരുന്നു. വിശാൽ ചന്ദ്രശേഖർ ഈണം നൽകിയ ഈ ഗാനത്തിന്റെ മലയാളം പതിപ്പ് ശരത്, നിത്യ മാമൻ എന്നിവർ ചേർന്നാണ് പാടിയത്. ഇപ്പോഴിതാ പ്രേക്ഷകർക്ക് മുന്നിലേക്ക് ഈ ചിത്രത്തിന്റെ ആദ്യ ടീസർ കൂടി എത്തിയിരിക്കുകയാണ്. ചിത്രത്തെ കുറിച്ചുള്ള പ്രതീക്ഷകൾ വാനോളമുയർത്തി ഈ ടീസർ ഇപ്പോൾ മികച്ച പ്രേക്ഷക പ്രതികരണം നേടുകയാണ്.

മൃണാൾ താക്കൂ ർ നായികാ വേഷം ചെയ്യുന്ന ഈ ചിത്രം ലെഫ്റ്റനന്റ് റാമിന്റെ പ്രണയകഥയാണ് പറയുന്നത്. ഹനു രാഘവപുടിയാണ് ചിത്രത്തിന്റെ സംവിധായകൻ. വൈജയന്തി മൂവീസ് , സ്വപ്ന സിനിമഎന്നിവർ ചേർന്നാണ് ഈ ചിത്രത്തിന്റെ നിർമ്മാണം നിർവഹിക്കുന്നത്. തെന്നിന്ത്യൻ താരസുന്ദരി രശ്‌മിക മന്ദാനയും ഇതിൽ ഒരു നിർണ്ണായക കഥാപാത്രത്തെ അവതരിപ്പിക്കുന്നുണ്ട്. പി എസ് വിനോദ് ആണ് ചിത്രത്തിന്റെ ക്യാമറമാൻ . എഡിറ്റർ കോട്ടഗിരി വെങ്കിടേശ്വര റാവു ആണ്. സീത രാമത്തിന് പുറമേ ദുൽഖറിന്റെ ഇനി വരാനുള്ള ചിത്രങ്ങൾ നെറ്റ്ഫ്ലിസ് സീരിസായ ഗൺസ് ആൻഡ് ഗുലാബ്‌സ് , ഹിന്ദി ചിത്രമായ ചുപ് എന്നിവയാണ്.

ഉലക നായകൻ കമൽ ഹാസനെ നായകനാക്കി ലോകേഷ് കനകരാജ് ഒരുക്കിയ സൂപ്പർ ഹിറ്റ് ആക്ഷൻ ത്രില്ലർ ചിത്രമാണ് വിക്രം . ജൂൺ മൂന്നിന് റിലീസ് ചെയ്ത ഈ ചിത്രം ഇപ്പോൾ തമിഴിലെ പുതിയ ഇൻഡസ്ട്രി ഹിറ്റായി മാറിക്കഴിഞ്ഞു. നാനൂറു കോടി ആഗോള ഗ്രോസ് എന്ന നേട്ടത്തിലേക്ക് കുതിക്കുന്ന ഈ ചിത്രത്തിലെ പുതിയൊരു ഗാനം ഇപ്പോൾ റിലീസ് ചെയ്തിരിക്കുകയാണ്. സോണി മ്യൂസിക് സൗത്ത് എന്ന യൂടൂബ് ചാനലിലൂടെയാണ് ഈ വീഡിയോ ഗാനം റിലീസ് ചെയ്തിരിക്കുന്നത്.

പോർക്കണ്ട സിംഗം എന്ന ഈ ഗാന രംഗത്തിൽ കമൽഹാസനെയാണ് കാണാൻ സാധിക്കുന്നത്. ഈ ഗാനരംഗത്തിൽ കിടിലൻ ഷൂട്ടിംഗ് രംഗങ്ങളാണ് ഉൾപ്പെടുത്തിയിരിക്കുന്നത്. വിഷ്ണു എടവൻ വരികൾ രചിച്ച ഈ ഗാനം ആലപിചിരിക്കുന്നതും ഇതിന് ഈണം പകർത്തിരിക്കുന്നതും അനിരുദ്ധ് രവിചന്ദൻ ആണ്. പുറത്തിറങ്ങി നിമിഷ നേരം കൊണ്ട് ലക്ഷക്കണക്കിന് കാഴ്ചക്കാരെയാണ് ഈ വീഡിയോ സ്വന്തമാക്കിയത്. ഈ ചിത്രത്തിന്റെതായി പുറത്തിറങ്ങുന്ന സ്നീക്ക് പീക്ക് വീഡിയോസിനും ചിത്രത്തിലെ ആദ്യ ഗാനത്തിനും വളരെയധികം സ്വീകാര്യത ലഭിച്ചിരുന്നു.

കമൽ ഹാസൻ തന്നെ നിർമ്മിച്ച ഈ മാത്രം രാജ് കമൽ ഫിലിംസ് ഇന്റർനാഷനലിന്റെ ബാനറിൽ ആണ് പുറത്തിറങ്ങിയത്. കമൽഹാസനൊപ്പം ഒരു വമ്പൻ താരനിര തന്നെ ഈ ചിത്രത്തിൽ അണിനിരന്നിരുന്നു. മലയാളത്തിന്റെ പ്രിയനടൻ ഫഹദ് ഫാസിൽ, മക്കൾ സെൽവൻ വിജയ് സേതുപതി, നരേൻ , അതിഥി വേഷത്തിൽ തമിഴിലെ പ്രിയതാരം സൂര്യ എന്നിവരും ഈ ചിത്രത്തിന്റെ ഭാഗമായി. ലോകേഷ് കനകരാജ്- രത്‌നകുമാർ എന്നിവർ ചേർന്ന് രചന നിർവഹിച്ച ഈ ചിത്രം ലോകേഷ് സിനിമാറ്റിക് യൂണിവേഴ്സിന് തുടക്കം കുറിച്ച ചിത്രം കൂടിയാണ്.

ഷാജി കൈലാസ് – പൃഥ്വിരാജ് കൂട്ടുകെട്ടിൽ ഒരുങ്ങുന്ന പുത്തൻ ചിത്രമാണ് കടുവ. ഒരു ബിഗ് ബഡ്ജറ്റ് മാസ്സ് ആക്ഷൻ ത്രില്ലർ ചിത്രമായ കടുവയുടെ കന്നഡ ടീസർ ഇപ്പോൾ പ്രേക്ഷക ശ്രദ്ധ നേടുകയാണ്. ജൂൺ മുപ്പതിന് ആണ് ഈ ചിത്രം പ്രദർശനത്തിന് എത്തുന്നത്. മാജിക് ഫ്രെയിംസ് എന്ന യൂട്യൂബ് ചാനലിലൂടെയാണ് ഈ ടീസർ വീഡിയോ ഇപ്പോൾ റിലീസ് ചെയ്തിരിക്കുന്നത് . ഒരു മിനുട്ടിലധികം ദൈർഘ്യമുള്ള ഈ വീഡിയോയിൽ പൃഥ്വിരാജിന്റെ മാസ്സ് ആക്ഷൻ രംഗങ്ങളാണ് ഹൈലൈറ്റ്. ബോളിവുഡ് താരം വിവേക് ഒബ്‌റോയും ചിത്രത്തിൽ പ്രധാന വേഷത്തിൽ എത്തുന്നുണ്ട്. പോലീസ് വേഷത്തിൽ എത്തുന്ന അദ്ദേഹത്തേയും ഈ ടീസറിൽ കാണാൻ സാധിക്കും.

ചിത്രത്തിലെ നായികയായി എത്തുന്നത് നടി സംയുക്ത മേനോനാണ്. ഇവർക്ക് പുറമേ സിദ്ദിഖ്, അജു വർഗീസ്, സുദേവ് നായർ,വിജയ രാഘവൻ, ദിലീഷ് പോത്തൻ, സായി കുമാർ, സീമ,കലാഭവൻ ഷാജോൺ, മീനാക്ഷി, വൃദ്ധി വിശാൽ, അർജുൻ അശോകൻ, ജനാർദ്ദനൻ, രാഹുൽ മാധവ്, റീന മാത്യൂസ്, പ്രിയങ്ക നായർ, ജൈസ് ജോസ്, കൊച്ചു പ്രേമൻ, സച്ചിൻ കടേക്കർ എന്നിവരും ശ്രദ്ധേയ വേഷങ്ങൾ കൈകാര്യം ചെയ്യുന്നുണ്ട്.

പൃഥ്വിരാജ് പ്രൊഡക്ഷൻസ്, മാജിക് ഫ്രെയിംസ് എന്നിവയുടെ ബാനറിൽ ഒരുങ്ങുന്ന ഈ ചിത്രം സുപ്രിയ മേനോനും ലിസ്റ്റിൻ സ്റ്റീഫനും ചേർന്നാണ് നിർമ്മിക്കുന്നത്. ഈ ചിത്രത്തിന്റെ രചന നിർവ്വഹിച്ചിരിക്കുന്നത് ജിനു വി എബ്രഹാം ആണ്. ചിത്രത്തിലെ ഗാനങ്ങൾ ഒരുക്കിയിരിക്കുന്നത് ജേക്സ് ബിജോയ് ആണ്. വൈഭവ് എം സംഭാഷണം തയ്യാറാക്കിയ ഈ ചിത്രത്തിന്റെ ഡബ്ബിംഗ് ഡയറക്ടർ ആർ.പി ബാലയാണ് . ചിത്രത്തിന്റെ ക്യാമറ കൈകാര്യം ചെയ്തിരിക്കുന്നത് അഭിനന്ദൻ രാമാനുജൻ ആണ്. എഡിറ്റിംഗ് നിർവഹിച്ചിരിക്കുന്നത് ഷമീർ മുഹമ്മദാണ്.

ഇപ്പോൾ സോഷ്യൽ മീഡിയയിൽ വൈറലായി മാറുന്നത് പ്രശസ്ത മലയാളി നടി മാളവിക മോഹനന്റെ ഏറ്റവും പുതിയ വീഡിയോ ഗാനമാണ് . തൗബ എന്ന ഗാനത്തിന്റെ വീഡിയോ ആണ് ഇപ്പോൾ പുറത്തു വിട്ടിരിക്കുന്നത് പ്രശസ്ത ഗായകൻ ബാദ്ഷക്കൊപ്പമുള്ള ഈ ഗാനരംഗത്തിൽ നടി മാളവിക മോഹനൻ അതീവ ഗ്ലാമറസായി നൃത്തം വെക്കുന്ന രംഗങ്ങൾ കാണാം. പായൽ ദേവും ബാദ്ഷയും ചേർന്ന് ആലപിച്ച ഈ ഗാനത്തിന് ഈണം പകർത്തിരിക്കുന്നത് പായൽ ദേവ് ആണ്.

ഇവർ ഇരുവരും ചേർന്ന് ആലപിച്ച ഈ ഗാനത്തിന്റെ രചന നിർവഹിച്ചിരിക്കുന്നതും ഇവരാണ്. പുനീത് ജെ പാഥക് സംവിധാനം ചെയ്യുന്ന ഈ വീഡിയോ ഗാനം നിർമ്മിച്ചത് നീരജ് ശർമ്മ ആണ്. ഈ ഗാനത്തിന് നൃത്ത സംവിധാനം നിർവ്വഹിച്ചതും പുനീത് ജെ പാഥക് തന്നെയാണ്. പട്ടം പോലെ എന്ന ചിത്രത്തിലൂടെ ദുൽഖർ സൽമാന്റെ നായികയായി എത്തി മലയാള സിനിമാ പ്രേമികൾക്ക് സുപരിചിതയായ നടിയാണ് മാളവിക മോഹനൻ.

മാളവിക മലയാളി ഛായാഗ്രാഹകന്‍ കെ.യു മോഹനന്റെ മകളാണ്. താരത്തിന്റെ അഭിനയ ജീവിതത്തിൽ വഴിത്തിരിവായി മാറിയത് ദളപതി വിജയ്‌യുടെ നായികയായി തമിഴിൽ അരങ്ങേറിയപ്പോഴാണ്. ലോകേഷ് കനകരാജിന്റെ സംവിധാനത്തിൽ ഒരുങ്ങിയ മാസ്റ്റർ എന്ന ചിത്രത്തിലാണ് താരം ദളപതി വിജയ്‌യുടെ നായികയായി വേഷമിട്ടത്. മാളവിക അവസാനമായി മലയാളത്തിൽ അഭിനയിച്ചത് മമ്മൂട്ടി നായകനായി എത്തി ഹനീഫ് അദനി ഒരുക്കിയ ദി ഗ്രേറ്റ് ഫാദർ എന്ന ചിത്രത്തിലാണ്. മാസ്റ്റർ എന്ന ചിത്രത്തിൽ ശോഭിച്ച താരം പിന്നീട് ധനുഷിന്റെ നായികയായി മാരൻ എന്ന ചിത്രത്തിലും വേഷമിട്ടു. മാളവികയുടെ ഗ്ലാമർ ഫോട്ടോ ഷൂട്ട് ചിത്രങ്ങളും വീഡിയോകളും സോഷ്യൽ മീഡിയയിൽ വൈറലായി മാറാറുണ്ട് . താരം തന്റെ ഗ്ലാമർ ചിത്രങ്ങളാണ് സോഷ്യൽ മീഡിയയിൽ ആരാധകരുമായി പങ്കുവയ്ക്കാറുള്ളത്. ഹിന്ദി ചിത്രമായ യുധ്രയിൽ നായികയായി എത്തുന്നത് മാളവികയാണ്.