Movie Updates

വെല്ലുവിളികൾ ഇഷ്ടപ്പെടുന്ന മനുഷ്യനായിരുന്നു പോലീസ് ഉദ്യോഗസ്ഥനായ മൗറോ പ്രോസ്പെരി . മാരത്തിന്നുകൾ ഇഷ്ടപ്പെടുകയും അതിൽ പങ്കെടുക്കുകയും ചെയ്യാറുള്ള പ്രോസ്പെരി , സഹാര മാരത്തണിനെ കുറിച്ച് കേട്ടപ്പോൾ അതൊരു വെല്ലുവിളിയായി ഏറ്റെടുത്തു. ആറ് ദിവസങ്ങളോളം നീളുന്ന 156 മൈലുകൾ ഉൾക്കൊള്ളുന്നതാണ് സഹാറ മാരത്തൺ . ഇതിൽ പങ്കടുക്കാനായി അദ്ദേഹം പരിശീലനം ആരംഭിക്കുകയും ചെയ്തു. ദിവസവും 25 മൈൽ വീതം ഓടി, വെള്ളത്തിന്റെ അളവ് കുറച്ചു . തീവ്രമായ തയ്യാറെടുപ്പകൾക്ക് ശേഷം അദ്ദേഹം മൊറോക്കയിൽ എത്തി. 1994 ലെ ആ ഇവന്റിൽ 134 മത്സരാർത്ഥികൾ മാത്രമേ ഉണ്ടായിരുന്നുള്ളു. ഓട്ടത്തിന്റെ നാലാം ദിവസം അദ്ദേഹത്തിന് പിഴവ് പറ്റി.

അന്നേ ദിവസത്തെ താപനില വളരെ ഉയർന്നതായിരുന്നു. കൂടാതെ ശക്തമായ മണൽക്കാറ്റും അദ്ദേഹത്തിന് നേരിടേണ്ടതായി വന്നു. പക്ഷേ ഏഴാം സ്ഥാനത്ത് എത്തിയ പ്രോസ്പെരി തന്റെ സ്ഥാനം നഷ്ടമാകരുതെന്ന് കരുതി , മണൽ കാറ്റ് തന്റെ കാഴ്ചയ്ക്ക് തടസമായപ്പോഴും ഓട്ടം തുടർന്നു. മണിക്കൂറുകൾ പിന്നിട്ട് മണൽകാറ്റ് ശമിച്ചപ്പോഴാണ് തനിക്ക് വഴി തെറ്റിയെന്ന കാര്യം അദ്ദേഹം മനസിലാക്കുന്നത്. അന്ന് എത്തിയ സ്ഥലത്ത് ടെന്റ് കെട്ടി താമസിച്ചു. പിറ്റേന്ന് അദ്ദേഹം ട്രാക്ക് തിരിഞ്ഞിറങ്ങി. പക്ഷേ നിരാശയായിരുന്നു ഫലം. കൈയ്യിൽ വളരെ കുറവ് വെള്ളവും ഭക്ഷണവും മാത്രമാണ് ഉണ്ടായിരുന്നത്. നടന്ന് തളർന്ന അദ്ദേഹം അവിടെ ഒരു വീട് കണ്ടെത്തി .

പക്ഷേ അത് ആൾ താമസമില്ലാതെ ഉപേക്ഷിച്ച നിലയിൽ ആയിരുന്നു. അതും അദ്ദേഹത്തിന് രക്ഷയായില്ല. ഈ മരുഭൂമിയിൽ തന്റെ ശരീരത്തിലെ ജലാംശം നിലനിർത്താൻ അദ്ദേഹം അവിടുത്തെ പാറകളിൽ നിന്നുള്ള പ്രഭാത മഞ്ഞു നക്കി , വവ്വാലുകളെ കൊന്ന് അവയുടെ രക്തം കുടിച്ചു , ചില ഘട്ടങ്ങളിൽ അദ്ദേഹം തന്റെ മൂത്രം തന്നെ കുടിച്ചു. തന്റെ ഭക്ഷണശേഖരം കഴിഞ്ഞപ്പോൾ പക്ഷി മുട്ടകളും , വണ്ടുകളും അദ്ദേഹം ഭക്ഷണമാക്കി. ഒരിക്കൽ തന്റെ മുകളിലൂടെ പറന്നു പോയ ഹെലികോപ്റ്ററും വിമാനവും അദ്ദേഹത്തെ വളരെ നിരാശനാക്കി. രക്ഷപ്പെടാൻ ഇനി ഒരു സാധ്യതയുമില്ല എന്ന് വിശ്വസിച്ച അദ്ദേഹം ആത്മഹത്യ ചെയ്യാൻ തീരുമാനിക്കുകയും തന്റെ കൈത്തണ്ട മുറിക്കുകയും ചെയ്തു. എന്നാൽ നിർജ്ജലീകരണം സംഭവിച്ചതിനാൽ രക്തം കട്ട പിടിക്കുകയും മരണം തടയുകയും ചെയ്തു.

അത് അദ്ദേഹത്തിന് രക്ഷപ്പെടാനുള്ള ഒരു ഊർജമായി മാറി. അദ്ദേഹം വീണ്ടും യാത്ര തുടരുകയും എട്ട് ദിവസങ്ങൾക്ക് ശേഷം മരുഭൂമിയിലെ മരപ്പച്ച കാണുകയും ചെയ്തു. പക്ഷേ നീരു വന്നു വീർത്ത അദ്ദേഹത്തിന് അതിൽ നിന്ന് വെള്ളം കുടിക്കുവാൻ സാധിച്ചില്ല. സമയമെടുത്ത് ഓരോ തുള്ളിയായി അദ്ദേഹം ദാഹം തീരുന്നതു വരെ അതിൽ നിന്നും വെള്ളം കുടിക്കുകയും തന്റെ കുപ്പിയിൽ നിറയ്ക്കുകയും ചെയ്തു. വീണ്ടും നടത്തം തുടർന്ന അദ്ദേഹം ഒടുവിൽ വഴിയിൽ കുറച്ച് ആട്ടിൻ കഷ്ഠം കണ്ടെത്തി. അതിനെ പിന്തുടർന്ന് നടന്ന അദ്ദേഹം എട്ട് വയസ്സ് പ്രായമുള്ള ഒരു പെൺകുട്ടിയെ കണ്ടെത്തുകയും അവളോട് സഹായമഭ്യർത്ഥിക്കുകയും ചെയ്തു. തുടർന്ന് ആ കുട്ടിയുടെ കുടുംബത്തിന്റെ സഹായത്തോടെ അദ്ദേഹം രക്ഷപ്പെട്ടു. വഴി തെറ്റിയ അദ്ദേഹം എത്തിയത് അൾജീരിയയിൽ ആയിരുന്നു. മാസങ്ങളോളം നീണ്ട ചികിത്സയ്ക്ക് ശേഷമാണ് അദ്ദേഹം പൂർണ സ്ഥിതി പ്രാപിച്ചത്. വളരെ അവിശ്വസിനീയമായ അതിജീവിന കഥയാണ് അദ്ദേഹത്തിന്റേത്.

മുംബൈയിലെ കാമാത്തിപുര എന്ന സ്ഥലത്ത് ജനിച്ച ലൈംഗിക തൊഴിലാളിയായ ‘ഗംഗുഭായി കോതേവാലി’ എന്ന സ്ത്രീയുടെ ജീവിതം ആസ്പദമാക്കി ഒരുക്കുന്ന ചിത്രമാണ് ‘ഗംഗുഭായി കതിത്വവാദി’. സഞ്ജയ് ലീല ബൻസാലിയുടെ സംവിധാനത്തിൽ ഒരുങ്ങുന്ന ഈ പുത്തൻ ചിത്രത്തിന്റെ ട്രെയിലർ റിലീസ് ചെയ്തു. ചിത്രത്തിലെ പ്രധാന കഥാപാത്രമായ ഗംഗുഭായിയെ അവതരിപ്പിക്കുന്നത് ബോളിവുഡ് താരസുന്ദരിയായ ആലിയ ഭട്ടാണ്.

പദ്മാവതിന് ശേഷം സഞ്ജയ് ലീല ബൻസാലി ഒരുക്കുന്ന ചിത്രമാണിത്. പ്രേക്ഷകർക്കായി നിരവധി സൂപ്പർഹിറ്റുകൾ സമ്മാനിച്ചിട്ടുള്ള സഞ്ജയുടെ മറ്റൊരു ഹിറ്റ് ചിത്രമായിരിക്കും ഇതെന്ന് നമുക്ക് പ്രതീക്ഷിക്കാം. ട്രെയിലറിൽ ആലിയയുടെ തകർപ്പൻ പ്രകടനമാണ് കാഴ്ചവച്ചിരിക്കുന്നത്. മികച്ച അഭിനേത്രിയായ ആലിയ, ചിത്രത്തിന്റെ ട്രൈലറിൽ ആ കഥാപാത്രമായി അഭിനയിക്കുന്നതായല്ല , ജീവിക്കുന്നതായാണ് തോന്നുക. എസ് ഹുസൈൻ സായിദിയുടെ ‘മാഫിയ ക്വീൻ ഓഫ് മുംബൈ’ എന്ന പുസ്തകത്തിലെ ഗംഗുഭായി കോതേവാലിയുടെ ജീവിതകഥയെ ആസ്പദമാക്കിയാണ് സംവിധായകൻ സഞ്ജയ് ലീല ബൻസാലി ഈ ചിത്രത്തിന്റെ തിരക്കഥ രചിച്ചിരിക്കുന്നത്.

ഫെബ്രുവരി 25-നാണ് ഈ ചിത്രം പ്രദർശനത്തിനെത്തുന്നത്.
കേന്ദ്ര കഥാപാത്രമായ ആലിയയെ കൂടാതെ ശാന്തനു മഹേശ്വരി, വിജയ് റാസ്‌, ഇന്ദിര തിവാരി, സീമ പഹ്വ, വരുൺ കപൂർ എന്നീ താരങ്ങളും ഈ ചിത്രത്തിൽ വേഷമിടുന്നു. സിനിമയിൽ അതിഥി റോളിൽ എത്തുന്ന നടൻ അജയ് ദേവ് ഗൺ , മുംബൈയിലെ ഡോണയായിരുന്ന കരിം ലാലയെ ആണ് അവതരിപ്പിക്കുന്നത്. ഇദ്ദേഹത്തെ കൂടാതെ ബോളിവുഡ് നടി ഹുമ ഖുറേഷിയും ചിത്രത്തിൽ അതിഥി വേഷത്തിൽ എത്തുന്നു.

മാമാങ്കം എന്ന മമ്മൂട്ടിയുടെ ബിഗ് ബഡ്ജറ്റ് ചിത്രത്തിനും ജോജു ജോർജിന്റെ ജോസഫ് എന്ന ഹിറ്റ് ചിത്രത്തിനും ശേഷം എം പത്മകുമാർ ഒരുക്കുന്ന പത്താം വളവ് എന്ന ത്രില്ലർ ചിത്രം പ്രേക്ഷക സദസ്സിലേക്ക് എത്താൻ ഒരുങ്ങുകയാണ്. ഇതിന്റെ ആദ്യ ടീസർ പുറത്തു വിട്ടത്‌ കഴിഞ്ഞ ദിവസമാണ്. ഈ ചിത്രം പ്രേക്ഷകർക്ക് സമ്മാനിക്കുന്നത് വളരെ തീവ്രമായ അഭിനയ മുഹൂർത്തങ്ങളും കഥാ സന്ദർഭങ്ങളുമാണ് . ഇതിന്റെ ടീസറിൽ നിന്നും പത്താം വളവ് ഒരു സൂപ്പർ ത്രില്ലർ ആയി മാറുമെന്ന പ്രതീക്ഷയിലാണ് പ്രേക്ഷകർ .

ഇതിന്റേതായി പുറത്തു വന്ന പോസ്റ്ററുകളും ഇതിനോടകം സോഷ്യൽ മീഡിയ ശ്രദ്ധ നേടിയിരുന്നു. അഭിലാഷ് പിള്ളയാണ് ബിഗ് ബഡ്ജറ്റിൽ ഒരുക്കുന്ന ഈ ചിത്രത്തിന് തിരക്കഥ രചിച്ചിട്ടുള്ളത്. പ്രശസ്ത നടന്മാരായ സുരാജ് വെഞ്ഞാറമൂടും ഇന്ദ്രജിത്തുമാണ് ഈ ചിത്രത്തിൽ കേന്ദ്ര കഥാപാത്രങ്ങളെ അവതരിപ്പിക്കുന്നത്. അതിഥി രവിയും സ്വാസികയും ആണ് ചിത്രത്തിലെ നായികാ വേഷങ്ങൾ ചെയ്യുന്നത്.

അജ്മൽ അമീർ, അനീഷ് ജി മേനോൻ, സുധീർ കരമന, സോഹൻ സീനു ലാൽ, മേജർ രവി, രാജേഷ് ശർമ്മ, ഇടവേള ബാബു,നന്ദൻ ഉണ്ണി, ജയകൃഷ്ണൻ,ഷാജു ശ്രീധർ, നിസ്‌താർ അഹമ്മദ്‌,തുഷാര പിള്ള, അമ്പിളി തുടങ്ങിയവരും ഈ ചിത്രത്തിൽ വേഷമിടുന്നു. യു ജി എം പ്രൊഡക്ഷൻസിന്റെ ബാനറിൽ ഡോക്ടർ സക്കറിയ തോമസ്, ശ്രീജിത്ത് രാമചന്ദ്രൻ, ജിജോ കാവനാൽ, പ്രിൻസ് പോൾ എന്നിവർ ചേർന്നാണ് ഈ ചിത്രം നിർമ്മിക്കുന്നത്. മുംബൈ മൂവി സ്റ്റുഡിയോസ് എന്ന ബോളിവുഡ് നിർമ്മാണക്കമ്പനി ഈ ചിത്രത്തിലൂടെ ആദ്യമായി മലയാള സിനിമയിലേക്ക് എത്തുകയാണ്.

ത്രില്ലർ മൂഡിൽ കഥ പറയുന്ന പത്താം വളവിലൂടെ കുടുംബ ബന്ധങ്ങൾക്കും പ്രാധാന്യം ഉള്ള ഒരു കഥയാണ് അവതരിപ്പിക്കുന്നത്. രതീഷ് റാമാണ് ചിത്രത്തിന്റെ ക്യാമറമാൻ, എഡിറ്റിംഗ് കൈകാര്യം ചെയ്തിരിക്കുന്നത് ഷമീർ മുഹമ്മദാണ്. രെഞ്ജിൻ രാജാണ് ചിത്രത്തിന്റെ സംഗീതം.

പ്രശസ്ത തെന്നിന്ത്യൻ താരങ്ങളായ കുഞ്ചാക്കോ ബോബനും അരവിന്ദ് സ്വാമിയും ഒന്നിച്ചെത്തുന്ന പുത്തൻ ചിത്രമായ രണ്ടഗം എന്ന ചിത്രത്തിന്റെ ടീസര്‍ പുറത്തിറങ്ങി. ഇപ്പോൾ സോഷ്യൽ മീഡിയയിൽ വലിയ ശ്രദ്ധ നേടുന്നേറുകയാണ് ഈ ടീസർ . ടോവിനോ തോമസിനെ നായകനാക്കി ഒരുക്കിയ തീവണ്ടി എന്ന സിനിമയിലൂടെ ശ്രദ്ധ നേടിയ ടി.പി ഫെല്ലിനിയാണ് ഈ ചിത്രം ഒരുക്കുന്നത്. കുഞ്ചാക്കോ ബോബൻ ആദ്യമായി തമിഴിൽ വേഷമിടുന്നു എന്ന പ്രത്യേകതയുമുണ്ട് ഈ ചിത്രത്തിന്. മലയാളത്തിലും തമിഴിലും ഒരുക്കുന്ന ഈ ചിത്രം ഒറ്റ് എന്ന പേരിലാണ് മലയാളത്തിൽ റിലീസ് ചെയ്യുന്നത്.

അരവിന്ദ് സ്വാമി മലയാള സിനിമയില്‍ അഭിനയിക്കുന്നത് ഇരുപത്തിയഞ്ച് വര്‍ഷങ്ങളുടെ ഇടവേളയ്ക്ക് ശേഷമാണ് . ഒരു മാസ്സ് ത്രില്ലർ ആയാണ് രണ്ടാഗം പ്രേക്ഷകർക്ക് മുന്നിൽ എത്തുക എന്ന സൂചനയാണ് ഇതിന്റെ ടീസറിൽ നിന്നും മനസിലാകുന്നത്. ചിത്രത്തിൽ നായികയായി വേഷമിടുന്നത് ഈഷ റേബ ആണ്. രണ്ടഗത്തിൽ ബോളിവുഡ് താരം ജാക്കി ഷറോഫും ഒരു സുപ്രധാന കഥാപാത്രത്തെ അവതരിപ്പിക്കുന്നുണ്ട്.

ഈ ചിത്രം നിർമ്മിക്കുന്നത് തമിഴ് താരം ആര്യയും ഷാജി നടേശനും ചേര്‍ന്നാണ്. ദി ഷോ പീപ്പിള്‍ ന്റെ ബാനറിലും ഓഗസ്റ്റ് സിനിമാസിന്റെ ബാനറിലും ആണ് ഈ ചിത്രം പുറത്തിറങ്ങുന്നത്. ഈ ചിത്രത്തിന് സംഗീതം ഒരുക്കിയിരിക്കുന്നത് എ.എച്ച് കാശിഫ് ആണ് . വിജയ് ആണ് ചിത്രത്തിന്റെ ക്യാമറമാൻ. എഡിറ്റിംഗ് കൈകാര്യം ചെയ്തിരിക്കുന്നത് അപ്പു എൻ ഭട്ടതിരി ആണ് . മലയാളത്തിൽ അരവിന്ദ് സ്വാമി ഒടുവിലായി അഭിനയിച്ച ചിത്രം അന്തരിച്ചു പോയ സംവിധായകൻ ഭരതൻ ഒരുക്കി 1996ല്‍ പുറത്തിറങ്ങിയ ദേവരാഗമാണ് . രണ്ടകം കൂടുതലും ചിത്രീകരിച്ചത് ഗോവയിലും മംഗലാപുരത്തിലുമായാണ് . എസ്.സജീവാണ് ത്രില്ലര്‍ പശ്ചാത്തലത്തില്‍ ഒരുക്കിയ ഈ ചിത്രത്തിന്റെ തിരക്കഥ ഒരുക്കിയത് .

ഇപ്പോൾ സോഷ്യൽ മീഡിയയിൽ വൈറലായി മാറുന്നത് തമിഴ് ചിത്രമായ ഡോണിലെ ഏറ്റവും പുതിയ ഗാനമാണ്. ഇന്നലെ പുറത്തുവിട്ട ഈ ഗാനം 20 ലക്ഷത്തിലധികം കാഴ്ചക്കാരെയാണ് ഇതിനോടകം സ്വന്തമാക്കിയത്. ഈ ചിത്രത്തിന്റെ നായകനായ ശിവകാർത്തികേയൻ തന്നെയാണ് ഈ ചിത്രം നിർമ്മിച്ചിരിക്കുന്നതും. ഇപ്പോൾ സൂപ്പർ ഹിറ്റായി മാറുന്നത് ഈ ചിത്രത്തിന് വേണ്ടി അനിരുദ്ധ് രവിചന്ദർ ഈണമിട്ട ബേ, കണ്ണാലെ തിട്ടിടാതെ എന്ന വരികളോടെ ആരംഭിക്കുന്ന പ്രണയ ഗാനമാണ് . സോഷ്യൽ മീഡിയ കീഴടക്കിയ ഈ ഗാനത്തെ ക്കുറിച്ച് പ്രേക്ഷകർ അഭിപ്രായപ്പെടുന്നത് വീണ്ടും അനിരുദ്ധ് മാജിക് ആവർത്തിച്ചു എന്നാണ്. ശിവകാർത്തികേയന്റെ നായികായായി ഈ ചിത്രത്തിൽ വേഷമിടുന്നത് പ്രിയങ്ക മോഹൻ ആണ്.

ഇരുവരും ചേർന്നുള്ള പ്രണയ രംഗങ്ങൾ നിറഞ്ഞതാണ് ഇപ്പോൾ പുറത്തിറങ്ങിയ ഈ ഗാനം . യുവ പ്രേക്ഷകരുടെ മനസ്സ് കീഴടക്കി മുന്നേറുകയാണ് ഈ പ്രണയഗാനം. മാർച്ച് മാസം അവസാന വാരത്തോടെ ഡോൺ തീയേറ്ററുകളിൽ എത്തുമെന്നാണ് പറയുന്നത്.

ഈ പ്രണയ ഗാനത്തിന്റെ വരികൾ രചിച്ചിരിക്കുന്നത് പ്രശസ്ത സംവിധായകൻ വിഘ്‌നേശ് ശിവൻ ആണ് . ഈ ഗാനം മനോഹരമായി ആലപിച്ചിരിക്കുന്നത് ആദിത്യ ആർ കെ ആണ്. കേന്ദ്ര കഥാപാത്രങ്ങളെ കൂടാതെ എസ് ജെ സൂര്യ, സമുദ്രക്കനി, സൂരി എന്നിവരും ഈ ചിത്രത്തിൽ വേഷമിടുന്നു. ഈ ചിത്രത്തിന്റെ രചനയും സംവിധാനവും നിർവഹിക്കുന്നത് സിബി ചക്രവർത്തി ആണ്.

കെ എം ഭാസ്കരൻ ആണ് ചിത്രത്തിന്റെ ക്യാമറമാൻ . നാഗൂരൻ ആണ് ഈ ചിത്രത്തിന്റെ എഡിറ്റർ. സോണി മ്യൂസിക് സൗത്ത് യൂട്യൂബ് ചാനലിലൂടെയാണ് ഈ പുത്തൻ ഗാനം റിലീസ് ചെയ്തിരിക്കുന്നത് . ഇപ്പോൾ പുറത്തിറങ്ങിയ ചിത്രത്തിലെ ഗാനം കൂടി ശ്രദ്ധേയമായതോടെ ഈ ചിത്രത്തിനുമേലുള്ള പ്രേക്ഷക പ്രതീക്ഷകൾ കുതിച്ചുയർന്നിരിക്കുകയാണ്.

പ്രേക്ഷകരെ ആവേശം കൊള്ളിച്ചും പ്രതീക്ഷയുടെ മുൾമുനയിൽ നിർത്തിയും മലയാള സിനിമയിലെ താരാരാജാവ് മോഹൻലാൽ നായകനായ ആറാട്ട് എന്ന ചിത്രത്തിന്റെ ട്രൈലെർ റിലീസ് ചെയ്തിരിക്കുകയാണ്. മോഹൻലാൽ എന്ന സൂപ്പർ സ്റ്റാറിന്റെ പക്കാ മാസ്സ് ഷോ ആണ് ആറാട്ടിൽ എന്ന സൂചനയാണ് ഈ ട്രൈലെർ നൽകുന്നത്. ഈ ട്രൈലറിൽ നിന്നും ചിത്രം ആക്ഷനും, കോമഡിയും , ഡാൻസും , പാട്ടും, കിടിലൻ ഡയലോഗുകളും നിറഞ്ഞ ഒരു കംപ്ലീറ്റ് എന്റെർറ്റൈനെർ ആയിരിക്കും എന്ന് മനസിലാക്കാം. പ്രേക്ഷക മനസ്സുകൾ നിറക്കുന്ന ഒരു മാസ്സ് മസാല ചിത്രം മലയാളത്തിൽ വന്നിട്ട് ഒരുപാട് നാളായിട്ടുണ്ട്. അതിനാൽ തന്നെ ആറാട്ടിൽ നിന്നു പ്രേക്ഷകർ പ്രതീക്ഷിക്കുന്നത് അത്തരത്തിലുള്ള ഒരു വിഷ്വൽ ട്രീറ്റ് തന്നെയാണ്.

ഈ ചിത്രത്തിന്റെ സംവിധാനവും നിർമ്മാണവും നിർവഹിച്ചിരിക്കുന്നത് ബി ഉണ്ണികൃഷ്ണനാണ്. രചന നിർവഹിച്ചിരിക്കുന്നത് ഉദയ കൃഷ്ണ ആണ്. ചിത്രത്തിൽ നെയ്യാറ്റിൻകര ഗോപൻ എന്ന വേഷമാണ് മോഹൻലാൽ അവതരിപ്പിക്കുന്നത്. ചിത്രത്തിൽ ആണ് ശ്രദ്ധ ശ്രീനാഥ് നായികാ വേഷം കൈകാര്യം ചെയ്യുന്നത്. കൂടാതെ നെടുമുടി വേണു, സായ്കുമാര്‍, സിദ്ദിഖ്, വിജയരാഘവന്‍, ജോണി ആന്റണി, ഇന്ദ്രന്‍സ്, രാഘവന്‍, നന്ദു, ബിജു പപ്പന്‍, ഷീല, സ്വാസിക, മാളവിക, രചന നാരായണന്‍കുട്ടി തുടങ്ങി ഒരു വലിയ താരനിര തന്നെ ഈ ചിത്രത്തിൽ അണിനിരക്കുന്നുണ്ട്.

ഈ ചിത്രത്തിൽ അതിഥി വേഷത്തിൽ സംഗീത മാന്ത്രികൻ എ ആർ റഹ്മാൻ എത്തുന്നുണ്ട്. ചിത്രത്തിന്റെ സംഗീതം ഒരുക്കിയത് രാഹുൽ രാജ് ആണ്. എഡിറ്റിംഗ് കൈകാര്യം ചെയ്തത് ഷമീർ മുഹമ്മദും ചിത്രത്തിന് വേണ്ടി ക്യാമറ ചലപ്പിച്ചത് വിജയ് ഉലഗനാഥും ആണ്. പ്രേക്ഷകരെ ആവേശത്തിലാത്തിയ ഈ ചിത്രത്തിന്റെ റിലീസ് ഡേറ്റ് ഉടൻ പുറത്തു വിടും എന്നാണ് സൂചന.

തെലുങ്ക് സൂപ്പർ സ്റ്റാറുകളിൽ ശ്രദ്ധേയനായ രവി തേജയെ നായകനാക്കി ഒരുക്കുന്ന പുത്തൻ ചിത്രമാണ് ഖിലാഡി. പോസ്റ്റ് പ്രൊഡക്ഷൻ സ്റ്റേജിൽ എത്തി നിൽക്കുന്ന ഈ ചിത്രം സംവിധാനം ചെയ്യുന്നത് രമേശ് വർമ്മ ആണ്. സത്യനാരായണ കൊനേരു, രമേശ് വർമ്മ എന്നിവർ ചേർന്ന് നിർമ്മിക്കുന്ന ഈ ചിത്രം ഒരുങ്ങുന്നത് എ സ്റ്റുഡിയോയുടെ ബാനറിൽ ആണ്.

മീനാക്ഷി ചൗധരി, ഡിംപിൾ ഹയാത്തി എന്നിവരാണ് ഈ ചിത്രത്തിലെ നായികമാരായി എത്തുന്നത് . ഇപ്പോൾ ഈ ചിത്രത്തിലെ ഒരു ഗാനത്തിന്റെ ലിറിക്കൽ വീഡിയോ പുറത്തുവിട്ടിരിക്കുകയാണ്.

ഈ ഗാനത്തിന്റെ ദൃശ്യങ്ങളും ഉൾപ്പെടുത്തി കൊണ്ടാണ് ഈ ലെറിക്കൽ വീഡിയോ എത്തിയിട്ടുള്ളത്. ഇപ്പോൾ പുറത്തിറങ്ങിയ ഈ ഗാനത്തിന്റെ ഹൈലൈറ്റ് ആയി മാറിയിരിക്കുന്നത് നായികാ ഡിംപിൾ ഹയാത്തിയുടെ ത്രസിപ്പിക്കുന്ന നൃത്തം തന്നെയാണ് . ഡിംപിളിനൊപ്പം രവി തേജയും ചുവടുകൾ വയ്ക്കുന്നുണ്ട്. ഫുൾ കിക്ക്‌ എന്ന വരികളോടെ ആരംഭിക്കുന്ന ഈ അടിപൊളി ഗാനത്തിന്റെ രചന നിർവഹിച്ചിരിക്കുന്നത് ശ്രീമണി ആണ്.

പ്രശസ്ത സംഗീത സംവിധായകനായ ദേവി ശ്രീ പ്രസാദ് ഈണം നൽകിയ ഈ ഗാനം ആലപിച്ചിരിക്കുന്നത് സാഗർ, മമത ശർമ്മ എന്നിവർ ചേർന്നാണ്. വളരെ കളർഫുൾ ആയാണ് ഈ കിടിലൻ ഗാനം ഒരുക്കിയിരിക്കുന്നത്. ഈ ചിത്രത്തിന്റെ ദൃശ്യങ്ങൾ പകർത്തിയ ക്യാമറാമാൻ മലയാളിയായ സുജിത് വാസുദേവ്, ജെ കെ വിഷ്ണു എന്നിവരാണ്. ഈ ചിത്രത്തിന്റെ എഡിറ്റിംഗ് കൈകാര്യം ചെയ്തിരിക്കുന്നത് അമർ റെഡ്‌ഡി കുടുമുള്ള ആണ് . രവി തേജ ആരാധകർ ഏറെ പ്രതീക്ഷയോടെ കാത്തിരിക്കുന്ന ചിത്രങ്ങളിൽ ഒന്നാണ് ഒരു മാസ്സ് എന്ററൈനെർ ആയി ഒരുക്കിയിരിക്കുന്ന ഖിലാഡി . ഇപ്പോൾ പുറത്തു വന്നിട്ടുള്ള ലിറിക്കൽ വീഡിയോയിൽ ഈ ഗാനത്തിന്റെ മേക്കിങ് വീഡിയോയും ഉൾപ്പെടുത്തിയിട്ടുണ്ട്.

അരയന്നങ്ങളുടെ വീട് എന്ന മമ്മൂട്ടി ചിത്രത്തിൽ അദ്ദേഹത്തിന്റെ നായികയായി സിനിമരംഗത്ത് അരങ്ങേറ്റ് കുറിച്ച താരമാണ് ലക്ഷ്മി ഗോപാലസ്വാമി. മലയാളി അല്ലാത്ത ലക്ഷ്മി പ്രേക്ഷക ശ്രദ്ധ നേടിയത് മലയാള ചിത്രങ്ങളിലുടെ ആണ്. മലയാളത്തിലെ താരരാജക്കന്മാരായ മമ്മൂട്ടിയുടേയും മോഹൻലാലിന്റേയും കൂടെ ലക്ഷ്മി അഭിനയിച്ചിട്ടുണ്ട്. അമ്പത്തിയൊന്ന് വയസ്സ് പിന്നിട്ട താരം ഇതുവരേയും വിവാഹം കഴിച്ചട്ടില്ല. എന്നാൽ തന്റെ വിവാഹത്തെക്കുറിച്ച് ലക്ഷ്മി പറയുന്നത് “താൻ വിവാഹം കഴിക്കാതെ ഇരുന്നത് അല്ല , തനിക്ക് പറ്റിയ ആളെ ഇതുവരെ കണ്ടുമുട്ടിയില്ല ” എന്നതാണ്. 1970 ൽ ജനിച്ച ലക്ഷ്മി അഭിനേത്രി എന്നതിന് പുറമേ നല്ലൊരു നർത്തകി കൂടിയാണ്. വിവാഹ സ്വപ്‌നങ്ങൾ എന്നും തനിക്ക് കൂട്ടായി ഉണ്ടായി , എന്നാൽ വിവാഹ ഭാഗ്യം തനിക്ക് ലഭിച്ചില്ല എന്നും താരം പറയുന്നു.ഇപ്പോൾ ഒരു അഭിമുഖത്തിൽ താരം വെളിപ്പെടുത്തിയത് വിവാഹം കഴിക്കാൻ തനിക്ക് തോന്നി എന്നും അതിനുള്ള കാരണവും ആണ്. കോവിഡ് മഹാമാരി വന്നതോടെ കാലം തന്റെ തിരക്കുകൾ കുറഞ്ഞുവെന്നും, ജീവിതം കുറച്ച് പതുക്കെ ആയത് പോലെയും അനുഭവപ്പെട്ടു. ആ സന്ദർഭത്തിൽ തോന്നിപ്പോയി ഒരു കംപാനിയൻ ഉണ്ടായിരുന്നു എങ്കിൽ എന്ന് . പ്രകൃതി നമുക്ക് വേണ്ടി എന്തോ ഒരുക്കി വെച്ചിട്ടുണ്ട് അതിലൂടെ നമ്മൾ ജീവിക്കണം. ഈ ജീവിതത്തിലും ഞാൻ സന്തോഷവതിയാണ്.

ഇപ്പോൾ ഒരു അഭിമുഖത്തിൽ താരം വെളിപ്പെടുത്തിയത് വിവാഹം കഴിക്കാൻ തനിക്ക് തോന്നി എന്നും അതിനുള്ള കാരണവും ആണ്. കോവിഡ് മഹാമാരി വന്നതോടെ കാലം തന്റെ തിരക്കുകൾ കുറഞ്ഞുവെന്നും, ജീവിതം കുറച്ച് പതുക്കെ ആയത് പോലെയും അനുഭവപ്പെട്ടു. ആ സന്ദർഭത്തിൽ തോന്നിപ്പോയി ഒരു കംപാനിയൻ ഉണ്ടായിരുന്നു എങ്കിൽ എന്ന് . പ്രകൃതി നമുക്ക് വേണ്ടി എന്തോ ഒരുക്കി വെച്ചിട്ടുണ്ട് അതിലൂടെ നമ്മൾ ജീവിക്കണം. ഈ ജീവിതത്തിലും ഞാൻ സന്തോഷവതിയാണ്.

ചിലർ തന്നോട് സ്നേഹത്തോടെ വിവാഹം കഴിക്കുന്നതിനെ കുറിച്ച് ചോദിക്കും. അപ്പോൾ ഒക്കെ ഞാൻ ചിന്തിക്കും ഇത് ഇത്ര വലിയ കാര്യമാണോ എന്ന് . വിവാഹം കഴിച്ചാലും ഇല്ലെങ്കിലും ജീവിതത്തിൽ ഒട്ടേറെ പ്രശ്നങ്ങൾ ഉണ്ടാകും. അത് നമ്മൾ സ്വയം നേരിടുകയും വേണം. ഒന്ന് മറ്റൊന്നിനേക്കാൾ മികച്ചതാണ് എന്ന് തോന്നുന്നില്ല. വിവാഹം എന്നാ കാര്യത്തിൽ തനിക്ക് യാതൊരു വിധ അലർജിയുമില്ല. പറ്റിയ ആൾ ഇതുവരെ ജീവിതത്തിലേക്ക് വന്നില്ല എന്ന് ലക്ഷ്മി പറയുന്നു. മാത്രമല്ല താൻ അയാൾക്ക് വേണ്ടി വെയ്റ്റ് ചെയ്യുകയാണെന്നും ലക്ഷ്മി കൂട്ടി ചേർത്തു.

അഭിനയത്തോടൊപ്പം തന്നെ ജീവിതത്തിൽ പല ലക്ഷ്യങ്ങളുമായി താൻ അലഞ്ഞപ്പോൾ തന്നോട് അതിയായ ഇഷ്ടവുമായി ഒരാൾ വരും എന്നായിരുന്നു. എന്നാൽ അങ്ങനെ ഒന്നും തന്റെ ജീവിതത്തിൽ സംഭവിച്ചില്ല. ഇതെല്ലാം ഒരു വിധിയായി കരുതുന്നു. വിവാഹം എന്നതിനോട് തനിക്ക് എതിര്‍പ്പില്ലെന്നും രൂപഭാവങ്ങളിലും കാഴ്ചപ്പാടുകളിലും അഭിരുചിയിലും എല്ലാം പരസ്പരം യോജിപ്പുള്ള ഒരു ആളായിരിക്കണം ജീവിത പങ്കാളിയെന്നുമുള്ളതാണ് തന്റെ സങ്കല്‍പ്പം എന്ന് ലക്ഷ്മി പറഞ്ഞു. ഇതെല്ലാം ഒത്തിണങ്ങിയ ഒരാളെ കണ്ടെത്താൻ സാധിച്ചാൽ ഏത് നിമിഷവും വിവാഹത്തിന് താൻ തയ്യാറാണെന്നും താരം തുറന്നു പറഞ്ഞു. ഇതുവരെയും അത്തരത്തിൽ പറ്റിയ ഒരാളെ കണ്ടില്ലേ എന്ന് ചോദിച്ചാല്‍ ? ചിലപ്പോള്‍ കണ്ടുമുട്ടിയിട്ടുണ്ടാകും എനിക്ക് തിരിച്ചറിയാന്‍ കഴിയാതെ പോയതായിരിക്കും. അല്ലെങ്കില്‍ ഇനിയാകും ജീവിതത്തിലേക്ക് അയാൾ വരാൻ പോകുന്നത് ലക്ഷ്മി ഗോപാലസ്വാമി പറഞ്ഞു. ” പ്രായം കൂടി പോയത് കൊണ്ട് വേഗം കല്യാണം കഴിക്കണം , പെട്ടെന്ന് തന്നെ കുട്ടികള്‍ വേണം, അത്തരത്തിലുള്ള ഐഡിയോളജിയില്‍ തനിക്ക് വിശ്വാസം ഇല്ല .

വിവാഹമെന്നത് ഓര്‍ഗാനിക്കായി സംഭവിക്കണം എന്ന് വിശ്വസിക്കുന്ന ഒരാളാണ് താൻ എന്നും താരം കൂട്ടിചേർത്തു. എനിക്ക് തോന്നണം ഈ ആളാണ് എന്റെ ജീവിതപങ്കാളിയെന്ന് . ഒറ്റപ്പെട്ട് ജീവിക്കുന്നത് ബുദ്ധിമുട്ടുള്ള ഒരു കാര്യമല്ല . എന്റെ സുഹൃത്തുക്കളിൽ ഒരുപാട് പേർ അത്തരത്തിൽ ഒറ്റയ്ക്ക് ജീവിക്കുന്നുണ്ട്. കല്യാണം കഴിക്കാതെ ഒറ്റപ്പെട്ടവരും അല്ലെങ്കിൽ മക്കൾ ഉപേക്ഷിച്ചു ഒറ്റപ്പെട്ടവരും ഉണ്ട് അതുകൊണ്ടു അതിൽ എനിക്ക് ആശങ്കയില്ല” . കുട്ടികൾ വലുതാകുമ്പോഴാണ് വര്‍ഷങ്ങളുടെ വേഗം തിരിച്ചറിയുന്നത്. താരം ഇക്കാര്യം ചിന്തിച്ചത് ദുല്‍ഖര്‍ സല്‍മാനൊപ്പം സല്യൂട്ട് എന്ന ചിത്രത്തില്‍ അഭിനയിക്കാന്‍ എത്തിയപ്പോഴാണ്. മമ്മൂട്ടിയുടെ നായികയായി അരയന്നങ്ങളുടെ വീട് എന്ന ചിത്രത്തിൽ ഇരുപത് വര്‍ഷം മുന്‍പാണ് ലക്ഷ്മി അഭിനയിക്കുന്നത്. അന്ന് കണ്ട ദുല്‍ഖര്‍ ഇതാ വലിയ ചെക്കനായി തന്റെ മുന്നില്‍ നില്‍ക്കുന്നു. സോഷ്യല്‍ മീഡിയയില്‍ ദുല്‍ഖറിനൊപ്പമുള്ള ഫോട്ടോ പോസ്റ്റ് ചെയ്ത് കൊണ്ട് നടി പറഞ്ഞത് ഇങ്ങനെയായിരുന്നു.

മലയാളി പ്രേക്ഷകർക്കിടയിൽ തരംഗമായി മറ്റൊരു യൂട്യൂബ് ഹൃസ്വ ചിത്രം കൂടി . ഈ കഴിഞ്ഞ ജനുവരി ഇരുപത്തിയേഴിനു യൂട്യൂബിൽ റിലീസ് ചെയ്ത ട്രയാംഗിൾ- എ ഫ്‌ളവർ സ്റ്റോറി എന്ന ഹ്രസ്വ ചിത്രമാണ് ഇപ്പോൾ പ്രേക്ഷക ശ്രദ്ധ നേടുന്നത്. ആറു ലക്ഷത്തിലധികം കാഴ്ചക്കാരെയാണ് ഇതിനോടകം ഈ ഹൃസ്വ ചിത്രം നേടിയെടുത്തത്. ഈ ചിത്രത്തിലെ പ്രധാന കഥാപാത്രങ്ങളെ അവതരിപ്പിച്ചിരിക്കുന്നത് ആഷിക അശോകൻ, അശ്വതി നായർ, മക്ബൂൽ സൽമാൻ, സന്ജ സോമനാഥ്, സാനിഫ്, കെ ജയകൃഷ്ണൻ, ആൻസു മരിയ എന്നിവരാണ് . ഈ ഹൃസ്വ ചിത്രത്തിന്റെ രചനയും സംവിധാനവും നിർവഹിച്ചിരിക്കുന്നത് മിഥുൻ ബോസ് ആണ്. ഇതിന്റെ കഥ രചിച്ചിരിക്കുന്നത് വിബിൻ വിശ്വനാഥ് ആണ് . ഈ ചിത്രം നിർമ്മിച്ചത് ഷാജൻ ജോസ് ആണ്.

റിയാസ് ശരീഫ് ആണ് ചിത്രത്തിന്റെ ക്യാമറമാൻ . അരുൺ രാജ് ആണ് ഈ ചിത്രത്തിന് സംഗീതം നൽകിയിരിക്കുന്നത് . എഡിറ്റിംഗ് കൈകാര്യം ചെയ്തിരിക്കുന്നത് സനൽ രാജ് ആണ് . ഗാന രചന സന്ദീപ് സുധ ആണ്. അർജുൻ ഉണ്ണികൃഷ്ണൻ ആണ് ആലാപനം. വൈകാരികമായ ഒട്ടേറെ രംഗങ്ങൾകൊണ്ട് സമൃദ്ധമാണ് ഒരു ത്രികോണ പ്രണയ കഥ പറയുന്ന ഈ ഹ്രസ്വ ചിത്രം .

പ്രണയത്തിന്റെ സന്തോഷ നിമിഷങ്ങളും വേർപിരിയലിന്റെ വിങ്ങലും പ്രണയിച്ച ആൾ മരണപ്പെടുന്നതിന്റെ വേദനയുമെല്ലാം അതി മനോഹരമായി സംവിധായകൻ ഈ ചിത്രത്തിലൂടെ അവതരിപ്പിക്കുന്നുണ്ട്. സാങ്കേതിക പൂർണ്ണതയോടെ വ്യത്യസ്തമായ ഒരു കഥയ്ക്ക് മികച്ച രീതിയിൽ ദൃശ്യ ഭാഷ ഒരുക്കാൻ സംവിധായകന് ഈ ചിത്രത്തിൽ സാധിച്ചിട്ടുണ്ട്. ഈ ഹൃസ്വ ചിത്രം എസ് ജെ വിഷ്വൽ മീഡിയ എന്ന യൂട്യൂബ് ചാനലിലൂടെയാണ് പുറത്തു വിട്ടിട്ടുള്ളത്.

താര വിവാഹങ്ങൾ ഏറെ കൊട്ടിഘോഷിക്കപ്പെടുന്നവയാണ്. എന്നാൽ അതിൽ പല ദാമ്പത്യത്തിനും അധികം ആയുസ്സ് ഉണ്ടാകുകയില്ല. പരസ്പരം മനസ്സിലാക്കാൻ കഴിയാത്തതാണ് ഏതൊരു ദാമ്പത്യ തകർച്ചയുടേയും പ്രധാന കാരണം. അത്തരത്തിൽ ദാമ്പത്യ ജീവിതം തകർന്നു പോയ പത്ത് സിനിമാ താരങ്ങൾ .

ജഗതി ശ്രീകുമാർ – മല്ലിക ആയിരത്തി അഞ്ഞൂറോളം മലയാള ചിത്രങ്ങളിൽ അഭിനയിച്ച ഹാസ്യ സാമ്രാട്ട് എന്നറിയപ്പെടുന്ന നടനാണ് ജഗതി ശ്രീകുമാർ . 1974 മുതൽ മലയാള സിനിമാലോകത്ത് നടിയായും സഹ നടിയായും തിളങ്ങിയ താരമാണ് മല്ലിക. ഒരേ കാലഘട്ടങ്ങളിൽ ശോഭിച്ച ഇവർ അക്കാലത്തെ ഒട്ടേറെ ചിത്രങ്ങളിൽ ഒന്നിച്ച് അഭിനയിച്ചിരുന്നു. പരസ്പരം പ്രണയത്തിലായ ഇരുവരും 1976 ൽ വിവാഹിതരായി. എന്നാൽ മൂന്ന് വർഷം മാത്രമേ ഈ ദാമ്പത്യ ജീവിതം നില നിന്നുള്ളു. അങ്ങനെ 1979 ൽ ഇവർ വേർപിരിഞ്ഞു. തുടർന്ന് ഇരുവരും മറ്റൊരു ജീവിത പങ്കാളിയെ കണ്ടെത്തുകയും ചെയ്തു.

ശ്രീനാഥ് – ശാന്തി കൃഷ്ണ 1978 ൽ അഭിനയ ജീവിതം ആരംഭിച്ച നടനാണ് ശ്രീനാഥ് . നടനായും സഹ നടനായും താരം സിനിമകളിൽ ശ്രദ്ധിക്കപ്പെട്ടു. 1980 കളിൽ മലയാളം, തമിഴ് ചിത്രങ്ങളിൽ സജീവമായ നടിയായിരുന്നു ശാന്തികൃഷ്ണ . ഇരുവരും അഭിനയ രംഗത്ത് ശോഭിച്ച് നിന്ന സമയത്തായിരുന്നു പ്രണയവും വിവാഹവും. 1984 ൽ ഇവർ വിവാഹിതരായി. പിന്നീട് ശാന്തി കൃഷ്ണ അഞ്ച് വർഷത്തോളം അഭിനയ ജീവിതത്തിൽ നിന്ന് മാറി നിന്നു. വ്യക്തിപരമായ കാരണങ്ങളാൽ ഇരുവരും 1995 ൽ വേർപിരിഞ്ഞു. പിന്നീട് 1999 ൽ ഇരുവരും വെറെ വിവാഹം കഴിച്ചു . 2010 ൽ ശ്രീനാഥ് മരണപ്പെട്ടു. ഒരു സ്വകാര്യ ലോഡ്ജിൽ ഇദ്ദേഹത്തെ മരിച്ച നിലയിൽ കണ്ടെത്തുകയായിരുന്നു.

രഘുവരൻ – രോഹിണി തമിഴ്, തെലുങ്കു , മലയാളം, ഹിന്ദി സിനിമകളിൽ അവിസ്മരണീയ വേഷങ്ങൾ ചെയ്ത് ശ്രദ്ധേയനായ നടനാണ് രഘുവരൻ. നായകന് മുകളിൽ നിൽക്കുന്ന വില്ലൻ എന്നാണ് അദ്ദേഹത്തെ പലരും വിശേഷിപ്പിച്ചത്. മലയാളം ഉൾപ്പെടെ ഒട്ടുമിക്ക ദക്ഷിണേന്ത്യൻ ഭാഷകളിലും വ്യക്തിമുദ്ര പതിപ്പിച്ച നടിയാണ് രോഹിണി. 1996 ൽ ആണ് ഇരുവരും വിവാഹിതരാകുന്നത്. എന്നാൽ എട്ട് വർഷം മാത്രമേ ആ ദാമ്പത്യ ജീവിതം നില നിന്നുള്ളു. 2004 ൽ ഇവർ വിവാഹമോചിതരായി. ഇവരുടെ ഏക മകനാണ് ഋഷി. രഘുവരൻ 2008 ൽ ഹൃദയാഘാതത്തെ തുടർന്ന് മരിച്ചു.

അനിൽകുമാർ – കൽപ്പന 1989 മുതൽ മലയാള സിനിമയിൽ സജീവമായി തുടരുന്ന സംവിധായകൻ ആണ് അനിൽകുമാർ. ഹാസ്യ കഥാപാത്രങ്ങളിലൂടെ പ്രേക്ഷക ശ്രദ്ധ നേടി മുന്നൂറോളം ചിത്രങ്ങളിൽ അഭിനയിച്ച താരമാണ് നടി കൽപ്പന. 1998 ൽ ആണ് അനിൽ കുമാർ കൽപ്പനയെ വിവാഹം ചെയ്യുന്നത്. 2012 ൽ ഇവർ വിവാഹ മോചിതരായി. ഇവരുടെ ഏക മകളാണ് ശ്രീമയി. 2016 ൽ ഹൃദയാഘാതത്തെ തുടർന്ന് കൽപന മരണപ്പെട്ടു.