Gallery

തമിഴിലെ ശ്രദ്ധേയ നായകനായ വിശാൽ കേന്ദ്ര കഥാപാത്രത്തെ അവതരിപ്പിക്കുന്ന ഏറ്റവും പുതിയ ചിത്രമാണ് ലാത്തി. നേരത്തെ പുറത്തിറങ്ങിയ ഈ ചിത്രത്തിന്റെ ടൈറ്റിൽ പോസ്റ്ററുകൾ വലിയ പ്രേക്ഷക ശ്രദ്ധ നേടിയിരുന്നു. മാത്രമല്ല അഞ്ച് ഭാഷകളിൽ റിലീസ് ചെയ്യാൻ ഒരുങ്ങുന്ന ചിത്രത്തിന്റെ ഫസ്റ്റ് ലുക്ക് പോസ്റ്ററും സാമൂഹ്യ മാധ്യമങ്ങൾ കീഴടക്കിയിരുന്നു. ഇവയ്ക്കെല്ലാം ശേഷം ഇപ്പോഴിതാ ചിത്രത്തിന്റെ ടീസർ റിലീസ് ചെയ്തിരിക്കുകയാണ്. ഈ ചിത്രത്തിൽ ഒരു പൊലീസുകാരനായാണ് വിശാൽ വേഷമിട്ടിരിക്കുന്നത്.

അദ്ദേഹത്തിന്റെ അത്യുഗ്രൻ ആക്ഷൻ രംഗങ്ങൾ ഈ ചിത്രത്തിൽ കാണാൻ സാധിക്കുമെന്ന സൂചനയാണ് ടീസർ നമ്മുക്ക് തരുന്നത്. ഈ ടീസറിന്റെ ഹൈലൈറ്റ് ആയി മാറിയിരിക്കുന്നത് വിശാലിന്റെ കിടിലൻ ആക്ഷൻ സീനുകൾ തന്നെയാണ് . മാത്രമല്ല മികച്ച മേക്കിങ്ങും ഈ ടീസറിന്റെ സവിശേഷതയാണ്. ലാത്തി എന്ന ഈ ചിത്രം വിശാലിന്റെ അഭിനയ ജീവിതത്തിലെ മുപ്പത്തിരണ്ടാമത്തെ ചിത്രമാണ് . നവാഗതനായ ഏ. വിനോദ് കുമാർ സംവിധാനം ചെയ്യുന്ന ഈ ചിത്രത്തിൽ നായികയായി എത്തുന്നത് തെലുങ്ക്- തമിഴ് സിനിമകളിലൂടെ ശ്രദ്ധിക്കപ്പെട്ട പ്രശസ്ത നടി സുനൈന ആണ്.

റാണാ പ്രൊഡക്ഷന്റെ ബാനറിൽ ഒരുങ്ങുന്ന ഈ ചിത്രം നിർമ്മിക്കുന്നത് തമിഴിലെ നായക നടന്മാരും ഉറ്റ സുഹൃത്തുക്കളുമായ രമണയും നന്ദയും ചേര്‍ന്നാണ് . ചിത്രത്തിന്റെ ഛായാഗ്രഹണം നിർവഹിച്ചിരിക്കുന്നത് ബാലസുബ്രഹ്മണ്യം, ബാലകൃഷ്ണ തോട്ട എന്നിവർ ചേർന്നാണ്. യുവാൻ ശങ്കർ രാജയാണ് ഈ ചിത്രത്തിലെ സംഗീതം ഒരുക്കിയിരിക്കുന്നത്. എഡിറ്റിംഗ് കൈകാര്യം ചെയ്തിരിക്കുന്നത് എൻ ബി ശ്രീകാന്ത് ത്തന് .

ദേശീയ അവാർഡ് ജേതാവായ പീറ്റർ ഹെയ്‌ൻ ആണ് ചിത്രത്തിലെ ആക്ഷൻ രംഗങ്ങൾ ഒരുക്കിയിരിക്കുന്നത്. ഈ ചിത്രത്തിന്റെ ആക്ഷൻ രംഗങ്ങൾ ചിത്രിക്കരിക്കുന്നതിനിടെ വിശാലിന് പരിക്ക് പറ്റിയതും വാർത്തകളിൽ ഇടം നേടിയിരുന്നു. ഈ ചിത്രം നിർമ്മിക്കുന്ന രമണയും നന്ദയും ജനപ്രിയ പരിപാടിയായിരുന്ന സണ്‍ ടിവിയിലെ നാം ഒരുവര്‍ നിര്‍മ്മിച്ച് മിനിസ്‌ക്രീൻ വിജയം നേടിയ നിർമ്മാതാക്കളാണ് .

2015 ൽ പുറത്തിറങ്ങിയ പോപ്പ് കോൺ എന്ന മലയാള ചിത്രത്തിൽ സഹ നടിയായി അരങ്ങേറ്റം കുറിച്ച താരമാണ് സംയുക്ത മേനോൻ . പക്ഷേ ഈ ചിത്രം ബോക്സ് ഓഫീസിൽ വൻ പരാജയമായി മാറി . നവാഗതനായ ഫെല്ലിനി സംവിധാനം ചെയ്ത തീവണ്ടി എന്ന ചിത്രത്തിലൂടെയാണ് സംയുക്ത മലയാളി പ്രേക്ഷകർക്ക് സുപരിചിതയാകുന്നത്. ടൊവിനോയുടെ നായികയായി എത്തിയ താരം മികച്ച പ്രകടനമാണ് ചിത്രത്തിൽ കാഴ്ചവച്ചത്.

തുടർന്ന് ഒട്ടേറെ അവസരങ്ങൾ ഈ താരസുന്ദരിയെ തേടിയെത്തി. ഇപ്പോൾ മലയാളം കൂടാതെ തമിഴ്, തെലുങ്ക്, കന്നഡ ചിത്രങ്ങളിലും താരം സജീവമായി തുടരുന്നു. ഭീലനായക്, ബിംബിസാര, കടുവ, സർ, വാത്തി എന്നിവയാണ് താരത്തിന്റെ വരാനിരിക്കുന്ന ചിത്രങ്ങൾ.

മറ്റ് സിനിമാതാരങ്ങളെ പോലെ സംയുക്തയും സോഷ്യൽ മീഡിയയിൽ സജീവമാണ്. താരത്തിന്റെ പുതിയ ചിത്രമാണ് ഇപ്പോൾ സോഷ്യൽ മീഡിയ ശ്രദ്ധ നേടുന്നത്. “നിലവിലെ അവസ്ഥ : ഒരു ദൗത്യത്തിൽ ” എന്ന ക്യാപ്ഷനോടയാണ് താരം തന്റെ ചിത്രം പങ്കുവച്ചിട്ടുളത്. ഫ്ലാറ്റിൽ നിന്നുള്ള ഈ ചിത്രത്തിൽ വളരെ സിംപിൾ ലുക്കിലാണ് താരം പ്രത്യക്ഷപ്പെട്ടിട്ടുള്ളത്. കൂടുതലായും ഹോട്ട് ലൂക്കിലും ഗ്ലാമറസ് ലുക്കിലും എത്താറുള്ള സംയുക്തയുടെ ഈ സിംപിൾ ലുക്ക് ഏറ്റെടുത്തിരിക്കുകയാണ് ആരാധകർ . ഒട്ടേറെ ആരാധകരാണ് താരത്തിന്റെ ചിത്രത്തിന് താഴെ കമന്റുകൾ രേഖപ്പെടുത്തിയിട്ടുള്ളത്.

മയൂഖം എന്ന ചിത്രത്തിലൂടെ തന്റെ അഭിനയ ജീവിതം ആരംഭിച്ച് ഇന്ന് മലയാള സിനിമയിലെ മുൻനിര നായികമാരിൽ ഒരാളായി മാറിയ താരമാണ് നടി മംത മോഹൻദാസ്. താരത്തിന്റെ ഏറ്റവും വലിയ പ്രതേകതകളിൽ ഒന്ന് ഹാസ്യ റോളുകളും താരത്തിന് എളുപ്പം വഴങ്ങും എന്നുള്ളതാണ്. മറ്റു നായികമാർ അതിനായി പ്രയാസപ്പെടുമ്പോൾ മംതയ്ക്ക് അത് അനായാസം ചെയ്യാൻ സാധിക്കുന്നു.

ഏത് റോളും മമ്ത എന്ന താരത്തിന്റെ കൈകളിൽ ഭദ്രമാണ്. താരം 16 വർഷത്തിൽ അധികമായി സിനിമയിൽ എത്തിയിട്ട്. ഇപ്പോഴുള്ള യുവനടിമാരെക്കാൾ ലുക്കിലാണ് 37-കാരിയായ മംതയെ സിനിമകളിൽ കാണാൻ സാധിക്കുന്നത്. അഭിനേത്രി മാത്രമല്ല , സിനിമയിൽ പിന്നണി ഗായികയായും മംത തിളങ്ങിയിട്ടുണ്ട്. കാൻസറിനോട് പൊരുതി ജയിച്ച് വന്ന ഒരാളുകൂടിയാണ് മംമ്ത. ഇപ്പോഴും സിനിമയിൽ നായികാ പ്രാധാന്യമുള്ള ഒട്ടേറെ റോളുകൾ മംതയെ തേടിയെത്താറുണ്ട്.

മംത പലപ്പോഴും ആരാധകരെ ഞെട്ടിച്ചിട്ടുള്ള മേക്കോവർ ഫോട്ടോഷൂട്ടുകൾ നടത്താറുണ്ട്. ഇപ്പോഴിതാ സോഷ്യൽ മീഡിയയിൽ വൈറലായി മാറുന്നത് ഗ്ലാമറസ് ലുക്കിലുള്ള മംതയുടെ ഫോട്ടോഷൂട്ടാണ്. ഈ ചിത്രങ്ങളിൽ നീല ജീൻസും ഒരു ക്രോപ് ടോപ്പും ധരിച്ച് കിടിലം ലുക്കിലാണ് മംത പ്രത്യക്ഷപ്പെട്ടിട്ടുള്ളത്. മംത പോസ് ചെയ്യുന്നത് ഒരു വലിയ കണ്ണാടിക്ക് മുന്നിൽ നിന്നാണ് .

താരത്തിന്റെ ഈ സ്റ്റൈലിഷ് ചിത്രങ്ങൾ പകർത്തിയിട്ടുള്ളത് സിബി ചീരനാണ് . സ്റ്റൈലിംഗ് നിർവഹിച്ചിരിക്കുന്നത് മംത തന്നെയാണ്. താരത്തെ മേക്കപ്പ് ചെയ്തിരിക്കുന്നത് ഷിനു വി ബാലനാണ് . മംതയുടേതായി 10-ൽ അധികം സിനിമകളാണ് ഇനി പുറത്തുവരാനുള്ളത്. അതിൽ ഷൂട്ടിംഗ് പൂർത്തിയാക്കിയവയും അഭിനയിച്ചു കൊണ്ടിരിക്കുന്നവയും ഉണ്ട്. മംതയുടെ ഈ അടുത്തിറങ്ങിയ ചിത്രങ്ങളാണ് തമിഴ് ചിത്രമായ എനേമി, ലാൽജോസ് ചിത്രമായ മ്യാവു എന്നിവ.

മലയാളത്തിലെ യുവതാര സുന്ദരിമാരിൽ ശ്രദ്ധേയയാണ് നടി നിരഞ്ജന അനൂപ്. രഞ്ജിത്ത് സംവിധാനം ചെയ്ത ലോഹം എന്ന മോഹൻലാൽ ചിത്രത്തിലൂടെയാണ് താരം മലയാള സിനിമ ലോകത്തേക്ക് കടന്നു വരുന്നത്. പിന്നീട് ഒട്ടേറെ അവസരങ്ങൾ ഈ താര സുന്ദരിയെ തേടിയെത്തി. കെയർ ഓഫ് സൈറ ബാനു, ഗൂഢാലോചന, പുത്തൻ പണം, ബി.ടെക്, ഇര , കല വിപ്ലവം പ്രണയം, ലളിതം സുന്ദരം എന്നി ചിത്രങ്ങളുടെ ഭാഗമാകുവാൻ താരത്തിന് സാധിച്ചു.

കിംഗ് ഫിഷ്, ബെർമുഡ, ദി സീക്രെട്ട് ഓഫ് വുമൺ എന്നിവയാണ് താരത്തിന്റെ പുത്തൻ ചിത്രങ്ങൾ. അഭിനേത്രിയായ താരം നല്ലൊരു നർത്തകി കൂടിയാണ് . ചെറുപ്പം മുതലേ താരം നൃത്തം അഭ്യസിക്കുന്നുണ്ട്.
മറ്റു താരങ്ങളെ പോലെ തന്നെ സോഷ്യൽ മീഡിയയിൽ വളരെ സജീവമാണ്‌ നിരഞ്ജനയും . തന്റെ ഫോട്ടോസും വീഡിയോകളും താരം ആരാധകരുമായി പങ്കുവയ്ക്കാറുണ്ട്. ഇപ്പോൾ സോഷ്യൽ മീഡിയ ശ്രദ്ധ നേടുന്നത് താരം പങ്കു വച്ച പുത്തൻ ചിത്രങ്ങളാണ്.

സൂര്യ രശ്മികളിൽ ശോഭിച്ച് നിൽക്കുന്ന താരത്തിന്റെ ചിത്രങ്ങളാണ് ഇപ്പോൾ ആരാധകർ ഏറ്റെടുത്തിട്ടുള്ളത്. അതി സുന്ദരിയായി സ്റ്റെലിഷ് ലുക്കിൽ മുഖത്ത് നല്ലൊരു പുഞ്ചിരിയുമായാണ് താരം ചിത്രങ്ങളിൽ പ്രത്യക്ഷപ്പെട്ടിട്ടുള്ളത്. ഒട്ടേറെ ആരാധകരാണ് ചിത്രത്തിന് താഴെ കമന്റുകൾ രേഖപ്പെടുത്തിയിട്ടുള്ളത്.