Movie Updates

മലയാളത്തിലെ യുവതാരം ശ്രീനാഥ് ഭാസി നായകനാക്കി അഭിലാഷ് എസ് കുമാർ സംവിധാനം ചെയ്യുന്ന ഏറ്റവും പുതിയ ചിത്രമാണ് ചട്ടമ്പി. ഈ ചിത്രത്തിന്റെ ഒരു പ്രൊമോ ഗാനം ഇപ്പോൾ പുറത്തുവിട്ടിരിക്കുകയാണ്. ഇങ്ങട്ട് നോക്കൂ എന്ന ഗാനമാണ് ഇപ്പോൾ റിലീസ് ചെയ്തിരിക്കുന്നത്. ഈ പ്രൊമോ ഗാനത്തിൽ ചിത്രത്തിലെ ഒട്ടുമിക്ക കഥാപാത്രങ്ങളേയും കാണാൻ സാധിക്കും. മാത്രമല്ല പ്രധാന അഭിനേതാക്കളുടെ കഥാപാത്രങ്ങളുടെ പേരും കാണിക്കുന്നുണ്ട്. കറിയ എന്ന വേഷമാണ് ചിത്രത്തിൽ ശ്രീനാഥ് ഭാസി ചെയ്യുന്നത്. ഗ്രേസ് ആന്റണി, മൈഥിലി,ചെമ്പൻ വിനോദ് ജോസ് , ഗുരു സോമസുന്ദരം എന്നിവരെയും ഇ ഗാന രംഗത്തിൽ കാണാൻ സാധിക്കും.

കൃപേഷ് വരികൾ രചിച്ച ഈ ഗാനത്തിന് ഈണം പകരുന്നത് ശേഖർ മേനോൻ ആണ് . നടൻ ശ്രീനാഥ് ഭാസിയാണ് ഈ ഗാനം ആലപിച്ചിരിക്കുന്നത്.1994-95 കാലഘട്ടത്തിലെ കഥയാണ് ഈ ചിത്രം പറയുന്നത്. നേരത്തെ തന്നെ പുറത്തിറങ്ങിയ ടീസർ ഏറെ പ്രേക്ഷക ശ്രദ്ധ നേടിയിരുന്നു . ടീസറിൽ കാണാൻ സാധിച്ച പഴയ കാല വസ്ത്രധാരണവും സംഭാഷണ ശൈലിയും പ്രേക്ഷകർ ഏറ്റെടുത്തിരുന്നു. ഇപ്പോൾ പുറത്തിറങ്ങിയ ഗാനവും വൈറലായി മാറുകയാണ്.
നടൻ ശ്രീനാഥ് ഭാസിയുടെ മറ്റൊരു മികച്ച പ്രകടനം ഈ ചിത്രത്തിൽ കാണാം എന്ന പ്രതീക്ഷയിലാണ് ആരാധകർ.

ഡോൺ പാലത്തറ കഥ രചിച്ച ഈ ചിത്രത്തിന്റെ തിരക്കഥയും സംഭാഷണവും അലക്സ് ജോസഫ് ആണ് തയ്യാറാക്കിയിരിക്കുന്നത് . ആസിഫ് യോഗിയാണ് ചിത്രത്തിന്റെ നിർമ്മാതാവ്. ചിത്രത്തിന്റെ സഹ നിർമ്മാതാക്കൾ ആണ് സിറാജ്, സന്ദീപ്, ഷനിൽ, ജെസ്ന അഷിം എന്നിവർ . അലക്സ് ജോസഫ് ആണ് ചിത്രത്തിന്റെ ഛായാഗ്രാഹകൻ . ജോയൽ കവി ആണ് എഡിറ്റർ.

നവാഗതയായ ഇന്ദു വി.എസ് സംവിധാനം ചെയ്യുന്ന പുത്തൻ മലയാള ചിത്രമാണ് 19(1)(എ) . മക്കൾ സെൽവൻ വിജയ് സേതുപതി , നിത്യാ മേനോൻ , ഇന്ദ്രജിത്ത് സുകുമാരൻ , ഇന്ദ്രൻസ് എന്നിവരാണ് ചിത്രത്തിൽ കേന്ദ്ര കഥാപാത്രങ്ങളായി എത്തുന്നത് . ഓൺലൈൻ പ്ലാറ്റ്ഫോമായ ഡിസ്നി പ്ലസ് ഹോട്ട് സ്റ്റാറിലൂടെ റിലീസിന് ഒരുങ്ങുന്ന ഈ ചിത്രത്തിന്റെ ഒഫീഷ്യൽ ടീസർ ഇപ്പോൾ പുറത്തുവിട്ടിരിക്കുകയാണ്. ഡിസ്നി പ്ലസ് ഹോട്ട് സ്റ്റാർ മലയാളം യൂട്യൂബ് ചാനലിലൂടെ ആണ് ഈ ടീസർ വീഡിയോ റിലീസ് ചെയ്തിരിക്കുന്നത്.

ടീസർ രംഗങ്ങളിൽ പ്രധാനമായും ഉൾക്കൊളളിച്ചിരിക്കുന്നത് വിജയ് സേതുപതി , നിത്യ മേനോൻ എന്നിവർ തമ്മിലുള്ള രംഗങ്ങളാണ്. ഒരു എഴുത്തുകാരനായാണ് ചിത്രത്തിൽ വിജയ് സേതുപതി എത്തുന്നത്. ഒരു സെറോക്സ് കട നടത്തുന്ന സ്ത്രീ ആയാണ് നിത്യ മേനോൻ വേഷമിടുന്നത്. ഇരു കഥാപാത്രങ്ങളും തമ്മിലുള്ള ബന്ധവും വിജയ് സേതുപതി എഴുതിയ ഒരു കഥ അവരിൽ എങ്ങനെ സ്വാധീനം ചെലുത്തുന്നു എന്നതും ആണ് ഈ ചിത്രത്തിൽ എന്നാണ് മനസ്സിലാക്കാൻ സാധിക്കുന്നത്.

മാർക്കോണി മത്തായി എന്ന ചിത്രത്തിന് ശേഷം വിജയ് സേതുപതി മലയാളത്തിലേക്ക് എത്തുന്ന രണ്ടാമത്തെ ചിത്രവും ഒപ്പം വിജയ് സേതുപതി കേന്ദ്ര കഥാപാത്രമായി എത്തുന്ന ആദ്യ മലയാള ചിത്രവുമാണ് 19(1)(എ). ഇന്ദു വി എസ് തന്നെ രചന നിർവഹിക്കുന്ന ഈ ചിത്രം നിർമ്മിക്കുന്നത് ആന്റോ ജോസഫ് ആണ്. മനേഷ് മാധവൻ ആണ് ചിത്രത്തിന്റെ ഛായാഗ്രാഹകൻ . ഗോവിന്ദ് വസന്ത ആണ് ചിത്രത്തിലെ ഗാനങ്ങൾ ഒരുക്കിയത്.

ലെജൻഡ് എന്ന ചിത്രത്തിലൂടെ ചെന്നൈ ആസ്ഥാനമായി പ്രവർത്തിക്കുന്ന ശരവണ സ്റ്റോഴ്സിന്റെ ഉടമ ശരവണൻ സിനിമ രംഗത്തേക്ക് ചുവടുവയ്ക്കുകയാണ്. ശരവണൻ കേന്ദ്ര കഥാപാത്രമായി എത്തുന്ന ഈ ചിത്രം നിർമ്മിക്കുന്നതും അദ്ദേഹം തന്നെയാണ്. ജൂലൈ 28 ന് പാൻ ഇന്ത്യൻ റിലീസ് ആയി ഈ ചിത്രം തിയറ്ററുകളിൽ പ്രദർശനത്തിന് എത്തും. ചിത്രത്തിലെ നായികയായി എത്തുന്നത് ബോളിവുഡ് നടി ഉർവ്വശി റൗട്ടേലയാണ് .

ഈ ചിത്രത്തിലെ ആദ്യ വീഡിയോ ഗാനം ഇപ്പോൾ സോഷ്യൽ മീഡിയ ശ്രദ്ധ നേടുകയാണ്. ഈ ഗാനത്തിന് ഈണം നൽകുന്നത് ഹാരിസ് ജയരാജാണ്.
കേരളത്തിലെ തിയറ്ററുകളിൽ മാജിക് ഫ്രെയിംസിന്റെ ബാനറിൽ ഒരുങ്ങുന്ന ഈ ചിത്രം എത്തിക്കുന്നത് ലിസ്റ്റിൻ സ്റ്റീഫൻ ആണ്. ചിത്രത്തിന്റെ സംവിധാനം നിർവഹിക്കുന്നത് ജെ.ഡി ആന്റ് ജെറി എന്നിവർ ചേർന്നാണ്. ജെ.ഡി ആന്റ് ജെറി എന്ന സംവിധായകർ ശ്രദ്ധേയരായത് അജിത്ത് നായകനായ ഉല്ലാസം എന്ന ചിത്രത്തിലൂടെ ആണ് . അമിതാഭ് ബച്ചനായിരുന്നു 1997 ൽ പുറത്തിറങ്ങിയ ഉല്ലാസം എന്ന ചിത്രം നിർമിച്ചത് .

പ്രഭു, വിവേക്, വിജയകുമാർ, നാസർ, കോവൈ സരള , ഗീതിക , യോഗി ബാബു എന്നിവരും ദി ലെജന്റിൽ പ്രധാന വേഷങ്ങളിൽ എത്തുന്നുണ്ട്. കോമഡി , റൊമാൻസ് , ആക്ഷൻ എന്നിവയെല്ലാം ഒന്നിച്ചു ചേർത്ത ഒരു മാസ്സ് ചിത്രമായിരിക്കും ശരവണൻ എന്ന് നേരത്തെ തന്നെ പുറത്തിറങ്ങിയ ചിത്രത്തിന്റെ ടീസറിൽ നിന്നും ട്രൈലറിൽ നിന്നും മനസ്സിലാക്കാം.

സെൽവകുമാർ ചെല്ലപാണ്ഡ്യൻ സംവിധാനം ചെയ്യുന്ന പുത്തൻ തമിഴ് ചിത്രമാണ് വാർഡ് 126. ഒരു ക്രൈം ത്രില്ലർ ചിത്രമായ വാർഡ് 126 ന്റെ ഒഫീഷ്യൽ ട്രൈലർ ഇപ്പോൾ പ്രേക്ഷക ശ്രദ്ധ നേടുകയാണ്. സ്ത്രീ കഥാപാത്രങ്ങൾക്ക് മുൻതൂക്കം നൽകി ഒരുക്കുന്ന ഈ ചിത്രത്തിൽ നാല് സ്ത്രീകളാണ് കേന്ദ്ര കഥാപാത്രങ്ങൾ . പ്രേക്ഷകരെ ആകാംഷയുടെ മുൾ മുനയിൽ നിർത്തുന്ന ഒരു ട്രൈലറാണ് സരിഗമ തമിഴ് എന്ന യൂടൂബ് ചാനലിലൂടെ പുറത്തുവിട്ടത്. പ്രണയ രംഗങ്ങളും ഒപ്പം ഒട്ടേറെ കുറ്റകൃത്യങ്ങളും ഉൾക്കൊള്ളിച്ചാണ് ഈ ട്രൈലർ പുറത്തു വിട്ടിക്കുന്നത്. ട്രൈലറിൽ ഉടനീളം ഒരു ദുരൂഹത തുടരുന്നുണ്ട്.

സോണിയ അഗർവാൾ, മൈക്കിൾ തങ്കദുരൈ , ജിഷ്ണു മേനോൻ , സെൽവകുമാർ ചെല്ലപാണ്ഡ്യൻ , ശ്രിത ശിവദാസ് , ചാന്ദിനി തമിഴരസൻ , വിദ്യ പ്രദീപ് , ശ്രുതി രാമകൃഷ്ണൻ , ശ്രീമാൻ , നിഷാന്ത്, വിനോദ് സാഗർ, അമരേന്ദ്രൻ , കലൈറാണി, ദീപ ശങ്കർ എന്നിവരാണ് ചിത്രത്തിൽ പ്രധാന വേഷങ്ങളിൽ എത്തുന്നത് . വരുൺ സുനിൽ ആണ് ചിത്രത്തിലെ ഗാനങ്ങൾ ഒരുക്കിയിരിക്കുന്നത്.

ചിത്രത്തിലെ ആക്ഷൻ രംഗങ്ങൾ ഒരുക്കിയിരിക്കുന്നത് ഡേയ്ഞ്ചർ മണി ആണ്. എസ് കെ സുരേഷ് കുമാർ ആണ് ചിത്രത്തിന്റെ ഛായാഗ്രാഹകൻ . എഡിറ്റിംഗ് നിർവഹിച്ചിരിക്കുന്നത് തിയഗു ആണ്. എസ് എസ് ബി ടോക്കീസ് ത്തണ് ചിത്രം നിർമ്മിക്കുന്നത്.

ജൂലൈ 22 ന് പ്രദർശനത്തിന് എത്താൻ ഒരുങ്ങുന്ന ഫഹദ് ഫാസിൽ ചിത്രമാണ് മലയൻ കുഞ്ഞ് . അതിജീവനത്തിന്റെ കഥ പറയുന്ന ഈ ചിത്രം ഒരുക്കുന്നത് നവാഗതനായ സജിമോൻ പ്രഭാകർ ആണ് . കേരളത്തിലെ ഹൈറേഞ്ചുകളിൽ സംഭവിച്ച യഥാർത്ഥ മണ്ണിടിച്ചലിനെ ആസ്പതമാക്കി ഒരുക്കുന്ന ഒരു സർവൈവൽ ത്രില്ലറാണ് ഈ ചിത്രം . ഈ അടുത്താണ് മലയൻ കുഞ്ഞിന്റെ ഒഫീഷ്യൽ ട്രൈലർ പുറത്തുവിട്ടത്. മണ്ണിടിച്ചലിന്റെ തീവ്ര രംഗങ്ങളും അതിൽ നിന്ന് രക്ഷപ്പെടാൻ സാധിക്കുന്ന നടൻ ഫഹദ് ഫാസിലിനേയുമാണ് ഈ ട്രൈലർ രംഗങ്ങളിൽ കാണാൻ സാധിച്ചത്. എന്നാൽ ഇപ്പോഴിതാ ചിത്രത്തിന്റെ പിന്നാമ്പുറ കാഴ്ചകൾ ഒരുക്കിയ ഒരു വീഡിയോ പുറത്തുവിട്ടിരിക്കുയാണ്.

രണ്ടര മിനുട്ടോളം ദൈർഘ്യമുള്ള ഈ വീഡിയോയിൽ ചിത്രത്തിലെ മണ്ണിടിച്ചൽ രംഗങ്ങളുടെ ഭാഗമാണ് കാണിച്ചിരിക്കുന്നത് . നിരവധി പേരാണ് ഇതിന് പിന്നിൽ പ്രവർത്തിച്ചിരിക്കുന്നത്. പാറക്കെട്ടുകൾ തയ്യാറാക്കുന്നതും മൃഗങ്ങളെയും ഉണ്ടാക്കിയെടുക്കുന്നതുമെല്ലാം നമുക്ക് ഈ വീഡിയോയിൽ കാണാൻ സാധിക്കും. ഒട്ടേറെ അണിയറ പ്രവർത്തകരുടെ കഠിനാധ്വാനവും ഒപ്പം നടൻ ഫഹദ് ഫാസിലിന്റെ അഭിനയത്തോടുള്ള ആത്മാർത്ഥയും ഈ വീഡിയോയിൽ കാണാം.

മഹേഷ് നാരായണൻ ആണ് ചിത്രത്തിന്റെ തിരക്കഥ ഒരുക്കിയിരിക്കുന്നത് . ഈ ചിത്രം നിർമ്മിക്കുന്നത് ഫഹദിന്റെ പിതാവും പ്രശസ്ത നിർമ്മാതാവുമായ ഫാസിൽ ആണ് . സംഗീത മാന്ത്രികൻ എ ആർ റഹ്മാൻ ആണ് ചിത്രത്തിലെ ഗാനങ്ങൾ ഒരുക്കിയിരിക്കുന്നത് . രജീഷ വിജയൻ, ജാഫർ ഇടുക്കി, ഇന്ദ്രൻസ്, ദീപക് പറമ്പോൾ എന്നിവരും ചിത്രത്തിൽ ശ്രദ്ധേയ വേഷങ്ങളിൽ എത്തുന്നുണ്ട്. മഹേഷ് നാരായണൻ ആണ് ചിത്രത്തിന്റെ ഛായാഗ്രാഹകൻ . എഡിറ്റിംഗ് നിർവഹിക്കുന്നത് അർജുൻ ബെൻ ആണ് .

സുരേഷ് ഗോപിയെ നായകനാക്കി സംവിധായകൻ ജോഷി അണിയിച്ചൊരുക്കുന്ന പുത്തൻ ചിത്രമാണ് പാപ്പൻ. ജൂലൈ 29 ന് റിലീസിന് തയ്യാറെടുക്കുന്ന ഈ ചിത്രത്തിലെ ഒരു ഗാനം ഇപ്പോൾ പുറത്തുവിട്ടിരിക്കുകയാണ്. നീയിന്നൊരാളിൽ എന്ന വരികളോടെ തുടങ്ങുന്ന മനോഹര ഗാനത്തിന്റെ ലെറിക്കൽ വീഡിയോ ആണ് സൈന മ്യൂസിക് യൂടുബ് ചാനലിലൂടെ പുറത്തുവന്നിരിക്കുന്നത് .

ഈ ലെറിക്കൽ വീഡിയോയിൽ നടൻ സുരേഷ് ഗോപിയുടെയും നായിക നൈല ഉഷയുടേയും സ്റ്റിൽ ഉൾപ്പെടുത്തിയിട്ടുണ്ട്. ഈ ഗാനത്തെ പ്രശംസിച്ച് കൊണ്ട് നിരവധി പ്രേക്ഷകരാണ് വീഡിയോയ്ക്ക് താഴെ കമന്റുകൾ നൽകിയിട്ടുള്ളത്. ജ്യോതിഷ് ടി കാശി വരികൾ രചിച്ച ഈ ഗാനത്തിന് ഈണം പകർന്നിരിക്കുന്നത് ജേക്സ് ബിജോയും ആലപിച്ചിരിക്കുന്നത് വിജയ് യേശുദാസും ചേർന്നാണ്.

ആർ.ജെ ഷാൻ രചന നിർവഹിച്ച പാപ്പൻ ഒരു ക്രൈം ത്രില്ലർ ഡ്രാമ ചിത്രമാണ്. ക്രൈം ബ്രാഞ്ചിൽ നിന്ന് വിരമിച്ച ഒരു ഉദ്യോഗസ്ഥൻ ഏറെ നാളായി നീണ്ടു നിൽക്കുന്ന ഒരു കേസ് അന്വേഷണത്തിന് വീണ്ടും ജോലിയിലേക്ക് തിരിച്ചെത്തുകയാണ്. എബ്രഹാം മാത്യു മാത്തൻ എന്ന ഈ ഉദ്യോഗസ്ഥനായി എത്തുന്നത് നടൻ സുരേഷ് ഗോപിയാണ്. ഗോകുൽ സുരേഷ് , നീത പിള്ള , ആശ ശരത്ത്, കനിഹ, വിജയരാഘവൻ , ഷമ്മി തിലകൻ , ജനാർദ്ദനൻ , രാഹുൽ മാധവ് , ചന്ദു നാഥ് , മാല പാർവതി, ശ്രീജിത്ത് രവി എന്നിവരും ചിത്രത്തിൽ പ്രധാന വേഷങ്ങളിൽ എത്തുന്നു. ശ്രീ ഗോകുലം ഗോപാലൻ, ഡേവിഡ് കാച്ചാപ്പിളളി , റാഫി മധീര എന്നിവർ ചേർന്നാണ് ഈ ചിത്രം നിർമ്മിക്കുന്നത്. അജയ് ഡേവിഡ് കച്ചാപ്പിള്ളി ക്യാമറ കൈകാര്യം ചെയ്യുന്ന ഇന ചിത്രത്തിന്റെ എഡിറ്റർ ശ്യാം ശശിധരൻ ആണ്.

ജീവ നായകനായി എത്തിയ ഒരു കോമഡി, റൊമാന്റിക് ചിത്രമായിരുന്നു വരലരു മുക്കിയം. ഈ ചിത്രത്തിലെ മല്ലു ഗേൾ എന്ന ഗാനത്തിന്റെ ലെറിക്കൽ വീഡിയോ ഇപ്പോൾ സാമൂഹ്യ മാധ്യമങ്ങളിൽ ശ്രദ്ധ നേടുകയാണ്. നടി കാശ്മീര പരദേശി ആണ് ചിത്രത്തിൽ നായികയായി എത്തിയത്. ഈ ലെറിക്കൽ വീഡിയോയിലും ജീവ- കാശ്മീര താരജോടികളെയാണ് കാണാൻ സാധിക്കുന്നത്. ഇരുവരുടേയും സ്റ്റിൽസും കിടിലൻ നൃത്ത ചുവടുകളും ഒപ്പം ഗാനത്തിന്റെ മേക്കിങ് രംഗങ്ങളും ഉൾപ്പെടുത്തി കൊണ്ടുള്ള ഒരു ലെറിക്കൽ വീഡിയോ ഗാനമാണ് ഇത്.

ജീവയുടെ അത്യുഗ്രൻ ഡാൻസ് പെർഫോമൻസ് ഏറെ ശ്രദ്ധ നേടുന്നുണ്ട്. ബ്രിദ്ധ മാസ്റ്റർ ആണ് ഡാൻസ് കൊറിയോഗ്രാഫർ . കർക്കി വരികൾ രചിച്ച ഈ ഗാനത്തിന് ഈണം പകർന്നിരിക്കുന്നത് ഷാൻ റഹ്മാൻ ആണ്. ആതിര എ നായർ , സംഗീത സംവിധായകൻ ഷാൻ റഹ്മാൻ എന്നിവർ ചേർന്നാണ് ഈ ഗാനം ആലവിളിരിക്കുന്നത്.

ജീവ, കാശ്മീര പരദേശി എന്നിവരെ കൂടാതെ പ്രഗ്യ നഗ്ര, ഗണേഷ്, കെ.എസ് രവികുമാർ , മൊട്ട രാജേന്ദ്രൻ , സാറ ശരണ്യ, സിദ്ദിഖ് എന്നിവരും പ്രധാന വേഷങ്ങളിൽ എത്തുന്നു. നവാഗതനായ സന്തോഷ് രാജൻ ആണ് ഈ ചിത്രം സംവിധാനം ചെയ്തത്. സൂപ്പർ ഗുഡ് ഫിലിംസിന്റെ ബാനറിൽ ആർ ബി ചൗധരി ആണ് ഈ ചിത്രം നിർച്ചിച്ചത്. ശക്തി ശരവണൻ ആണ് ചിത്രത്തിലെ ആക്ഷൻ രംഗങ്ങൾ ഒരുക്കിയിരിക്കുന്നത്. ഇദ്ദേഹം തന്നെയാണ് ചിത്രത്തിന്റെ ഛായാഗ്രഹണം നിർവഹിച്ചിരിക്കുന്നതും. എഡിറ്റിംഗ് കൈകാര്യം ചെയ്തിരിക്കുന്നത് ശ്രീകാന്ത് എൻ.ബി ആണ്.

ജോജു ജോർജ് നായകനായി എത്തുന്ന ഏറ്റവും പുതിയ ചിത്രമാണ് സോളമന്റെ തേനീച്ചകൾ . ലാൽ ജോസ് സംവിധാനം ചെയ്യുന്ന ഈ ചിത്രത്തിന്റെ ഒരു ക്യാരക്ടർ ടീസർ ഇപ്പോൾ റിലീസ് ചെയ്തിരിക്കുകയാണ്. ചിത്രത്തിൽ സോളമൻ എന്ന കഥാപാത്രമായി വേഷമിടുന്നത് ജോജു ജോർജ് ആണ്. സോളമന്റെ കഥാപാത്രത്തെ കുറിച്ചുള്ള ഒരു ടീസറാണ് ഇപ്പോൾ പുറത്തിറങ്ങിയിരിക്കുന്നത്.

ഒരു റൊമാന്റിക് ത്രില്ലർ ചിത്രമായ സോളമന്റെ തേനീച്ചകളിൽ വളരെ ശക്തമായ ഒരു കഥാപാത്രമായാണ് ജോജു എത്തുന്നതെന്ന് ഈ ടീസറിൽ നിന്നും വ്യക്തമാണ്. ചിത്രത്തിന്റെ ക്യാരക്ടർ പോസ്റ്ററും ഈ അടുത്ത് റിലീസ് ചെയ്തിരുന്നു. ആഗസ്റ്റ് 18 ന് ആണ് ചിത്രം തിയറ്ററുകളിൽ പ്രദർശനത്തിന് എത്തുന്നത്. തിയറ്ററുകളിൽ വീണ്ടുമൊരു ലാൽ ജോസ് മാജിക് കാണാം എന്ന പ്രതീക്ഷയിലാണ് പ്രേക്ഷകർ.

ജോജു ജോർജിനെ കൂടാതെ വിൻസി അലോഷ്യസ് , ജോണി അന്തോണി , ശംഭു മേനോൻ , ആഡിസ് ആന്റണി, ദർശന എസ് നായർ , മണികണ്ഠൻ, ഷാജു ശ്രീധർ എന്നിവരും പ്രധാന വേഷങ്ങളിൽ എത്തുന്നുണ്ട് . പി.ജി പ്രഗീഷ് ആണ് ചിത്രത്തിന്റെ രചന നിർവ്വഹിച്ചിരിക്കുന്നത്. വിനായക് ശശികുമാർ , വയലാർ ശരത്ചന്ദ്ര വർമ്മ എന്നിവർ വരികൾ രചിച്ച ചിത്രത്തിലെ ഗാനങ്ങൾക്ക് ഈണം പകരുന്നത് വിദ്യാസാഗർ ആണ്. എൽ ജെ ഫിലിംസ് ആണ് ചിത്രം നിർമ്മിക്കുന്നത്. അജ്മൽ സാബു ആണ് ചിത്രത്തിന്റെ ക്യാമറമാൻ . എഡിറ്റിംഗ് നിർവഹിച്ചിരിക്കുന്നത് രഞ്ജൻ എബ്രഹാം ആണ്.

ജൂലൈ 29 ന് റിലീസിന് ഒരുങ്ങുന്ന രാമറാവു ഓൺഡ്യൂട്ടി എന്ന തെലുങ്ക് ചിത്രത്തിന്റെ ട്രൈലർ ഇപ്പോൾ സോഷ്യൽ മീഡിയയിൽ തരംഗമാകുകയാണ് . ശരത്ത് മാണ്ഡവ സംവിധാനം ചെയ്യുന്ന ഈ ചിത്രത്തിൽ നടൻ രവി തേജ ആണ് നായകനായി വേഷമിടുന്നത്. ഈ ആക്ഷൻ ത്രില്ലർ ചിത്രത്തിൽ ജനങ്ങൾക്ക് വേണ്ടി നിലകൊള്ളുന്ന ബി രാമറാവു എന്ന സത്യസന്ധനായ ഒരു ഉദ്യോഗസ്ഥനെയാണ് രവി തേജ അവതരിപ്പിക്കുന്നത്. കിടിലൻ ആക്ഷൻ രംഗങ്ങളും റൊമാൻസും മാസ്സ് ഡയലോഗുകളും എല്ലാം ഉൾക്കൊള്ളിച്ച ഒരു ട്രൈലറാണ് ഇപ്പോൾ പുറത്തു വിട്ടിരിക്കുന്നത് . എന്നാൽ ചില ദുരൂഹതകളും ഇതിൽ ഉൾക്കൊള്ളുന്നുണ്ട് എന്നാണ് ട്രൈലറിൽ നിന്ന് മനസ്സിലാക്കാൻ സാധിക്കുന്നത്.

രവി തേജ യോടൊപ്പം ദിവ്യാഷ കൗഷിക്, രജിഷ വിജയൻ , വേണു തൊട്ടെംപുഡി , ശ്രീ , സുരേഖ വാണി, നാസ്സർ , നരേഷ് , പവിത്ര ലോകേഷ് , ജോൺ വിജയ് , ചൈതന്യ കൃഷ്ണ , തനിക്കെല്ല ഭരണി, രാഹുൽ രാമകൃഷ്ണ , മധുസൂധനൻ റാവു, അൻഷി ജെയിൽ എന്നിവരും ഈ ചിത്രത്തിൽ വേഷമിടുന്നുണ്ട്.

ചിത്രത്തിന്റെ രചനയും നിർവഹിച്ചിരിക്കുന്നത് സംവിധായകൻ ശരത്ത് മാണ്ഡവ തന്നെയാണ് . സുധാകർ ചെറുകുറി നിർമ്മിക്കുന്ന ഈ ചിത്രം എസ്. എൽ. വി സിനിമാസ് എൽ എൽ പി , ആർ ട്ടി ടീം വർക്ക്സ് എന്നിവയുടെ ബാനറിൽ ആണ് ഒരുങ്ങുന്നത്. ചിത്രത്തിലെ ആക്ഷൻ രംഗങ്ങൾക്ക് പിന്നിൽ പ്രവർത്തിയിരിക്കുന്നത് പീറ്റർ സ്റ്റെയിൻ , ശിവ എന്നിവരാണ്. സത്യൻ സൂര്യൻ ആണ് ചിത്രത്തിന്റെ ഛായാഗ്രഹണം നിർവഹിക്കുന്നത്. എഡിറ്റർ പ്രവീൺ കെ.എൽ ആണ്.

എൻ. രാഘവൻ സംവിധാനം ചെയ്ത് പ്രഭുദേവ, മാസ്റ്റർ അശ്വന്ത് അശോക് കുമാർ , രമ്യ നമ്പീശൻ എന്നിവർ കേന്ദ്ര കഥാപാത്രങ്ങളായി എത്തി ഈ അടുത്ത് പുറത്തിറങ്ങിയ തമിഴ് ചിത്രമാണ് മൈ ഡിയർ ഭൂതം. മൈ ഡിയർ ഭൂതം എന്ന ഈ ചിത്രത്തിന്റെ ഒരു സ്നീക്ക് പീക്ക് വീഡിയോ ഇപ്പോൾ സോഷ്യൽ മീഡിയയിൽ വൈറലാവുകയാണ്. പ്രഭുദേവയും മാസ്റ്റർ അശ്വന്ത് അശോകും ചേർന്നുള്ള ഒരു രസകരമായ രംഗമാണ് ഇപ്പോൾ പുറത്തുവിട്ടിരിക്കുന്നത്. ചിത്രത്തിൽ ഭൂതമായാണ് പ്രഭുദേവ എത്തുന്നത്. അശ്വന്ത് അശോകിന്റെ അമ്മയായി വേഷമിടുന്നത് രമ്യ നമ്പീശനാണ്.

ഈ വീഡിയോയിൽ അശ്വന്ത് അവതരിപ്പിക്കുന്ന കഥാപാത്രത്തോട് ഭൂതം പറയുന്നുണ്ട് ശിലയിൽ തറച്ചിരുന്ന തന്നെ മോചിപ്പിച്ചത് താൻ ആണെന്നും അതുകൊണ്ട് നമ്മൾ ഇനി ഫ്രണ്ട്സ് ആണെന്നും . എന്നാൽ ഈ രൂപത്തിൽ കാണുമ്പോൾ ഭയം തോന്നുന്നു എന്ന് പറയുന്ന കുട്ടിയ്ക്ക് മുന്നിൽ അവനെ രസിപ്പിക്കുന്ന രീതിയിൽ പല വേഷത്തിലും എത്തുന്ന ഭൂതത്തെ കാണാം. വളരെ രസകരമായ ഒരു സ്നീക്ക് പീക്ക് വീഡിയോ ആണ് പുറത്തു വന്നിരിക്കുന്നത്. കുട്ടികൾക്കും മുതിർന്നവർക്കും ഒരുപോലെ ഇഷ്ടപ്പെടാൻ സാധിക്കും. അശ്വന്ത് അവതരിപ്പിക്കുന്ന ബാല കഥാപാത്രത്തെ ചുറ്റി പറ്റിയാണ് ചിത്രത്തിന്റെ കഥ മുന്നോട്ട് പോകുന്നത്.

സംവിധായകൻ എൻ. രാഘവൻ തന്നെയാണ് ചിത്രത്തിന്റെ രചന നിർവഹിക്കുന്നതും. അഭിഷേക് ഫിലിംസിന്റെ ബാനറിൽ രമേഷ് പി പിള്ളൈ ആണ് ഈ ചിത്രം നിർമ്മിക്കുന്നത്. യുഗ ഭാരതി വരികൾ രചിച്ച ചിത്രത്തിലെ ഗാനങ്ങൾ ഒരുക്കിയിട്ടുള്ളത് ഡി. ഇമ്മൻ ആണ് . ഛായാഗ്രഹണം നിർവഹിച്ചിരിക്കുന്നത് യു കെ സെന്തിൽ കുമാർ ആണ്. സാൻ ലോകേഷ് ആണ് എഡിറ്റർ.