Movie Updates

സൂപ്പർ ഹിറ്റ് തിരക്കഥാകൃത്ത്‌ ഷാഹി കബീർ സംവിധാനം ചെയ്ത് മലയാളത്തിലെ ശ്രദ്ധേയ താരം സൗബിൻ ഷാഹിർ കേന്ദ്ര കഥാപാത്രമായി എത്തുന്ന പുത്തൻ ചിത്രം ഇലവീഴാ പൂഞ്ചിറ റിലീസിന് ഒരുങ്ങുകയാണ്. ഷാഹി കബീറിന്റെ സംവിധാനത്തിലെ ആദ്യ ചുവടുവയ്പ്പാണിത്. നേരത്തെ തന്നെ പുറത്ത് വന്ന ഈ ചിത്രത്തിന്റെ ട്രൈലെർ സൂപ്പർ ഹിറ്റായി മാറിയിരുന്നു. ഒറ്റപ്പെട്ട വിനോദസഞ്ചാര മേഖലയായ , സമുദ്രനിരപ്പിൽ നിന്നും മൂവായിരത്തിലധികമടി ഉയരത്തിൽ നിലകൊള്ളുന്ന, ഇലവീഴാപൂഞ്ചിറയെന്ന ഈ മേഖലയിൽ തുടർച്ചയായി അരങ്ങേറുന്ന കൊലപാതകങ്ങളും അതിന്റെ ഭാഗമായി തെളിവ് കണ്ടെത്താൻ ശ്രമിക്കുന്ന പോലീസ് ഓഫീസറായാണ് സൗബിൻ ഷാഹിർ ഈ ചിത്രത്തിൽ എത്തുന്നത് എന്ന് ഇതിന്റെ ട്രൈലെർ നമ്മുക്ക് വ്യക്തമാക്കി തന്നിരുന്നു. ഈ ചിത്രത്തിന്റെ ഒരു ടീസർ കൂടി ഇപ്പോഴിതാ റിലീസ് ചെയ്തിരിക്കുകയാണ്. ഈ ടീസറിന്റെയും ഹൈലൈറ്റ് പ്രേക്ഷകരിൽ ആകാംഷ നിറക്കുന്ന ദൃശ്യങ്ങൾ തന്നെയാണ് .

സൗബിൻ ഇലവീഴാ പൂഞ്ചിറയിലെ വയർലെസ്സ് സ്റ്റേഷനിൽ ജോലി ചെയ്യുന്ന പോലീസ് കഥാപാത്രമാണ് വേഷമിടുന്നത്. ജൂലൈ പതിനഞ്ചിനാണ്‌ ഈ ക്രൈം – ത്രില്ലർ ചിത്രം റിലീസ് ചെയ്യാൻ പോകുന്നത്. ഈ സൗബിൻ ഷാഹിർ- ഷാഹി കബീർ ചിത്രം നിർമ്മിച്ചിരിക്കുന്നത് കഥാസ് അൺടോൾഡിൻ്റെ ബാനറിൽ വിഷ്ണു വേണുവാണ് .കപ്പേള എന്ന സൂപ്പർ ഹിറ്റ് ചിത്രത്തിന് ശേഷം ഇവർ നിർമ്മിക്കുന്ന പുത്തൻ ചിത്രമാണിത്. മനേഷ്‌‌ മാധവൻ ആണ് ക്യാമറമാൻ.

എഡിറ്റർ കിരൺ ദാസ്‌. അനിൽ ജോൺസൺ ആണ് ചിത്രത്തിന്റെ സംഗീത സംവിധായകൻ എന്നിവരാണ്. ഷാഹി കബീർ രചന നിർവഹിച്ച സൂപ്പർഹിറ്റ് ചിത്രങ്ങളാണ് മാർട്ടിൻ പ്രക്കാട്ട് സംവിധാനം ചെയ്ത നായാട്ട്, എം പദ്മകുമാർ ഒരുക്കിയ ജോസഫ് എന്നിവ. രചയിതാവായ അദ്ദേഹം ആദ്യമായി സംവിധാനം ചെയ്യുന്ന ഈ ചിത്രത്തിന് തിരക്കഥ തയ്യാറാക്കിയിട്ടുള്ളത് നിധീഷ്, ഷാജി മാറാട് എന്നിവർ ചേർന്നാണ്.

കുഞ്ചാക്കോ ബോബനെ നായകനാക്കി ഒരുക്കുന്ന പുത്തൻ ചിത്രമാണ് “ന്നാ താൻ കേസ് കൊട് ” . രതീഷ് ബാലകൃഷ്ണൻ പൊതുവാൾ സംവിധാനം ചെയ്യുന്ന ഈ ചിത്രത്തിൽ വളരെ വ്യത്യസ്തമാർന്ന ലുക്കിലാണ് ചാക്കോച്ചൻ എത്തുന്നത്. താരത്തിന്റെ ഈ ഗെറ്റപ്പ് ഏറെ ശ്രദ്ധ നേടിയിരുന്നു . ചിത്രത്തിന്റെ ഒഫീഷ്യൽ ടീസർ നേരത്തെ തന്നെ റിലീസ് ചെയ്യുകയും ഏറെ പ്രേക്ഷക ശ്രദ്ധ നേടുകയും ചെയ്തിരുന്നു. ടീസറിൽ രൂപത്തിലും സംസാരത്തിലും ഏറെ വ്യത്യസ്തമായ ഒരു വേഷത്തിലാണ് ചാക്കോച്ചൻ എത്തിയത്. ഇപ്പോഴിതാ ഈ ചിത്രത്തിലെ ഒരു വീഡിയോ ഗാനം ഇപ്പോൾ റിലീസ് ചെയ്തിരിക്കുകയാണ്.

ആടലോടകം എന്ന ഗാനത്തിന്റെ വീഡിയോ ആണ് ഇപ്പോൾ പ്രേക്ഷക ശ്രദ്ധ നേടുന്നത്. ഗാനത്തിൽ കിണർ കുഴിക്കുന്ന ചാക്കോച്ചനെ കാണാൻ സാധിക്കും. ഇതുവരെ മലയാള സിനിമയിൽ ചോക്ലേറ്റ് ഹീറോ എന്നറിയപ്പെട്ട ചാക്കോച്ചന്റെ മറ്റൊരു വേഷമാണ് ഈ ചിത്രത്തിൽ കാണാൻ സാധിക്കുന്നത്. പ്രണയ രംഗങ്ങൾ നിറഞ്ഞ ഈ ഗാനത്തിൽ ചാക്കോച്ചനൊപ്പം തമിഴ് താരം ഗായത്രി ശങ്കറും എത്തുന്നു. വൈശാഖ് സുഗുണൻ വരികൾ രചിച്ച ഈ ഗാനത്തിന് ഈണം നൽകിയിരിക്കുന്നത് ഡൗൻ വിൻസെന്റ് ആണ്. ഷഹബാസ് അമൻ , സൗമ്യ രാമകൃഷ്ണൻ എന്നിവർ ചേർന്നാണ് ഈ ഗാനം ആലപിച്ചിരിക്കുന്നത്.

ചിത്രത്തിന്റെ രചനയും നിർവ്വഹിച്ചിരിക്കുന്നത് സംവിധായകൻ രതീഷ് ബാലകൃഷ്ണൻ പൊതുവാൾ തന്നെയാണ്. നായകൻ കുഞ്ചാക്കോ ബോബനും ഷെറിൻ റേച്ചൽ സന്തോഷും സന്തോഷ് ടി കുരുവിള നിർമ്മിക്കുന്ന ഈ ചിത്രത്തിന്റെ സഹ നിർമ്മാതക്കളാണ് . രാകേഷ് ഹരിദാസ് ആണ് ചിത്രത്തിന്റെ ക്യാമറ കൈകാര്യം ചെയ്തിരിക്കുന്നത്. എഡിറ്റർ മനോജ് കണ്ണോത്ത് ആണ് .

വിജയ് ദേവരകൊണ്ട നായകനായി എത്തുന്ന പുത്തൻ സ്പോർട്സ് ആക്ഷൻ ചിത്രമാണ് ലിഗർ . ഈ ചിത്രത്തിലെ ഒഫീഷ്യൽ മ്യൂസിക് വീഡിയോ ഇപ്പോൾ റിലീസ് ചെയ്തിരിക്കുകയാണ്. രണ്ട് മിനിട്ടോളം ദൈർഘ്യമുള്ള ഈ വീഡിയോ സോണി മ്യൂസിക് സൗത്ത് എന്ന യൂട്യൂബ് ചാനലിലൂടെയാണ് പുറത്തുവിട്ടിരിക്കുന്നത് . അക്കഡി പക്കഡി എന്ന ഈ ഫാസ്റ്റ് നമ്പർ ഗാനത്തിൽ ചിത്രത്തിലെ നായിക അനന്യ പാണ്ഡെയും നടൻ വിജയ് ദേവരകൊണ്ടയും കിടിലൻ നൃത്ത ചുവടുകളുമായി എത്തുന്നുണ്ട്.

വിജയുടെ സ്‌റ്റൈലിഷ് ലുക്കിനെ പ്രശംസിച്ച് നിരവധി ആരാധകർ വീഡിയോയ്ക്ക് താഴെ കമന്റുകൾ നൽകിയിട്ടുണ്ട്. ഭാസ്കർ ഭട്ട്ല രവികുമാർ , മോഹ്സിൻ ഷെയ്ഖ് , അസീം ദയാനി എന്നിവർ ചേർന്നാണ് ഈ ഗാനം രചിച്ചിരിക്കുന്നത് . അനുരാഗ് കുൽക്കർണി , രമ്യ ബെഹറ എന്നിവർ ചേർന്ന് ആലപിച്ച ഈ ഗാനത്തിന് ഈണം പകർന്നിരിക്കുന്നത് ലിജോ ജോർജ് ആണ്.

പുരി ജഗന്നാഥ് സംവിധാനം ചെയ്യുന്ന ഈ ചിത്രത്തിൽ ഒരു ബോക്സറായാണ് വിജയ് എത്തുന്നത്. ഒരേ സമയം തെലുങ്കിലും ഹിന്ദിയിലും ഒരുക്കുന്ന ഈ ചിത്രം നടൻ വിജയ് ദേവരകൊണ്ടയുടെ ആദ്യ ഹിന്ദി ചിത്രവും നടി അനന്യ പാണ്ഡെയുടെ ആദ്യ തെലുങ്ക് ചിത്രവുമാണ്. ധർമ്മ പ്രൊഡക്ഷൻസ് , പുരി കണക്ട്സ് എന്നിവ ചേർന്നാണ് ഈ ചിത്രം നിർമ്മിക്കുന്നത് . ആഗസ്റ്റ് 25 ന് ആണ് ചിത്രം പ്രദർശനത്തിന് എത്തുന്നത്. ബോളിവുഡിലും വിജയ് തകർക്കുമെന്ന പ്രതീക്ഷയിലാണ് ആരാധകർ.

തിയറ്ററുകൾ കീഴടക്കി മുന്നേറുന്ന ഷാജി കൈലാസ് – പൃഥ്വിരാജ് ചിത്രമാണ് കടുവ. ഒരു ബിഗ് ബഡ്ജറ്റ് മാസ്സ് ആക്ഷൻ ത്രില്ലർ ചിത്രമായ കടുവ ബോക്സ് ഓഫീസിൽ ഗംഭീരവിജയമാണ് കാഴ്ച വയ്ക്കുന്നത് . ഇപ്പോഴിതാ ചിത്രത്തിന്റെ വിജയത്തെ തുടർന്ന് ഒരു സക്സസ് ടീസർ പുറത്തിറക്കിയിരിക്കുകയാണ് അണിയറ പ്രവർത്തകർ. മാജിക് ഫ്രെയിംസിന്റെ യൂടൂബ് ചാനലിലൂടെ പുറത്തിറങ്ങിയ ഈ വീഡിയോ ഇപ്പോൾ പ്രേക്ഷക ശ്രദ്ധ നേടുകയാണ്. പൃഥ്വിരാജിന്റെ മാസ്സ് ഡയലോഗുകളും കിടിലൻ ആക്ഷൻ രംഗങ്ങളും നിറഞ്ഞ ഒരു ടീസറാണ് ഇപ്പോൾ പ്രേക്ഷകർക്ക് മുന്നിലേക്ക് എത്തിയിരിക്കുന്നത് . കിടിലൻ ആക്ഷൻ മൂവി എന്നാണ് പ്രേക്ഷകർ ചിത്രത്തെ കുറിച്ച് പറഞ്ഞത്. പൃഥിരാജ് , വിവേക് ഒബ്രോയ്, സുധീർ കരമന എന്നിവരാണ് ഈ ടീസർ രംഗത്തിൽ ശ്രദ്ധ നേടുന്നത്.

ഇവരെ കൂടാതെ സംയുക്ത മേനോൻ , പ്രിയങ്ക , മീനാക്ഷി, അർജുൻ അശോകൻ, സച്ചിൻ കടേക്കർ , രാഹുൽ മാധവ്, സിദ്ദിഖ്, അജു വർഗീസ്,സീമ, സുദേവ് നായർ,വിജയ രാഘവൻ, ദിലീഷ് പോത്തൻ, സായി കുമാർ, കലാഭവൻ ഷാജോൺ, വൃദ്ധി വിശാൽ, ജനാർദ്ദനൻ, റീന മാത്യൂസ്, ജൈസ് ജോസ്, കൊച്ചു പ്രേമൻ, അബു സലിം , അലൻസിയർ , ബൈജു എന്നിവരും ശ്രദ്ധേയ വേഷങ്ങളിൽ എത്തുന്നുണ്ട്.

സുപ്രിയ മേനോനും ലിസ്റ്റിൻ സ്റ്റീഫനും ചേർന്ന് നിർമ്മിച്ച ഈ ചിത്രം പൃഥ്വിരാജ് പ്രൊഡക്ഷൻസ്, മാജിക് ഫ്രെയിംസ് എന്നിവയുടെ ബാനറിൽ ആണ് പുറത്തിറങ്ങിയത്. ജിനു വി എബ്രഹാം ആണ് ചിത്രത്തിന്റെ രചയിതാവ്. ജേക്സ് ബിജോയ് ആണ് സംഗീത സംവിധായകൻ. വൈഭവ് എം ആണ് ചിത്രത്തിലെ സംഭാഷണം തയ്യാറാക്കിയത്. ഛായാഗ്രാഹകൻ അഭിനന്ദൻ രാമാനുജൻ ആണ്. എഡിറ്റർ ഷമീർ മുഹമ്മദ്.

കിലരു നവീൻ സംവിധാനം ചെയ്ത് ഒരുക്കുന്ന പുതിയ ചിത്രമാണ് മറോ പ്രപഞ്ചം . ഈ ചിത്രത്തിന്റെ ട്രൈലർ ഇപ്പോൾ റിലീസ് ചെയ്തിരിക്കുകയാണ്. ആദിത്യ മ്യൂസിക് യൂട്യൂബ് ചാനലിലൂടെ പുറത്തുവിട്ട ഈ ട്രൈലർ വീഡിയോ ആരാധകരെ അമ്പരപ്പിച്ചിരിക്കുകയാണ്. ഒരു ഫാന്റസി പാറ്റേണിൽ ഒരുങ്ങുന്ന ഈ ചിത്രം പ്രേക്ഷകരിലെ അതിശയവും ആകാംഷയും വർദ്ധിപ്പിക്കുന്നു. അവിശ്വസനീയമായ പല കഥാ സന്ദർഭങ്ങളും ഒരുക്കി കൊണ്ടാണ് ഈ ട്രൈലർ പുറത്തു വിട്ടിരിക്കുന്നത്. അതുകൊണ്ട് തന്നെ ഒട്ടേറെ പോസ്റ്റീവും നെഗറ്റീവുമായ കമന്റുകൾ ഈ ട്രൈലറിന് ലഭിക്കുന്നുണ്ട്.

വെങ്കട് കിരൺ കോക , സൂര്യ പ്രവീൺ, യാമിൻ റാസ്, അക്ഷിക വിദ്വേദ് , ശ്രീനിവാസ് സാഗർ എന്നിവരാണ് ചിത്രത്തിലെg കേന്ദ്ര കഥാപാത്രങ്ങളായി എത്തുന്നത്. ചക്ര ഇൻഫോടെൻമെന്റിന്റെ ബാനറിൽ വെങ്കട രത്നം ആണ് ഈ ചിത്രം നിർമ്മിക്കുന്നത്. സാൻഡി അഡങ്കി ആണ് ചിത്രത്തിലെ ഗാനങ്ങൾ ഒരുക്കുന്നത്. എഡിറ്റിംഗും വി എഫ് എക്സും കൈകാര്യം ചെയ്തിരിക്കുന്നത് മണിരത്നം പെൻഡ്യാല ആണ്.

രാമാ കൃഷ്ണ ആണ് ആക്ഷൻ രംഗങ്ങൾ ഒരുക്കിയത്. സി. പ്രശാന്ത് ചിത്രത്തിന്റെ സഹ സംവിധായകൻ ആണ്. ക്യാമറ കൈകാര്യം ചെയ്തിരിക്കുന്നത് ഗുഡല രാജശേഖർ, നിമ്മാക്കയാല കല്യാൺ എന്നിവരാണ് .

മലയാളത്തിന്റെ മെഗാ സ്റ്റാർ മമ്മൂട്ടിയെ നായകനാക്കി , ശ്രദ്ധേയ സംവിധായകൻ ലിജോ ജോസ് പെല്ലിശ്ശേരി ഒരുക്കുന്ന ചിത്രമാണ് നൻ പകൽ നേരത്ത് മയക്കം. പ്രേക്ഷകർ ഏറെ ആകാംഷയോടെ കാത്തിരിക്കുന്ന ഇതിന്റെ ആദ്യ ടീസർ വലിയ ശ്രദ്ധ നേടിയിരുന്നു. ലോക ഉറക്ക ദിനത്തിൽ ആയിരുന്നു ഈ ടീസർ പുറത്ത് വിട്ടത് . ആ ടീസറിൽ .സിനിമയിലെ കഥാപാത്രങ്ങൾ എല്ലാവരും കിടന്നുറങ്ങുന്ന ഏതാനും ചില ദൃശ്യങ്ങൾ ആണ് ഉൾപ്പെടുത്തിയിരുന്നത്. ഇത് പ്രേക്ഷകരിൽ ഏറെ കൗതുകം സൃഷ്ടിച്ചു. ഈ ചിത്രത്തിന്റെ പുതിയ ടീസർ ഇപ്പോഴിതാ റിലീസ് ചെയ്തിരിക്കുകയാണ് . ഇന്ന് പുറത്തുവിട്ട ഈ ടീസർ ചിത്രത്തെ കുറിച്ചുള്ള ആകാംഷകൾ വർദ്ധിപ്പിക്കുകയാണ് .

ഇന്ന് വന്ന ടീസറിൽ കാണാൻ കഴിയുന്നത് , പ്രേക്ഷകർക്ക് ചിത്രത്തിൽ മമ്മൂട്ടി അവതരിപ്പിക്കുന്ന കഥാപാത്രത്തെ കുറച്ചു കൂടി മനസ്സിലാക്കി കൊടുക്കാനുള്ള ശ്രമമാണ് നടത്തിയിരിക്കുന്നതിന്നാണ്. കഴിഞ്ഞ ഡിസംബറിൽ ഷൂട്ടിംഗ് പൂർത്തിയാക്കിയ ഈ ചിത്രത്തിന്റെ രചന പ്രശസ്ത രചയിതാവ് എസ് ഹരീഷ് ആണ് നിർവഹിച്ചിരിക്കുന്നത്.

പഴനിയിൽ കൂടുതലും ചിത്രീകരിച്ചിരിക്കുന്ന ഈ ചിത്രം തമിഴിലും മലയാളത്തിലുമായി പുറത്തിറങ്ങും. മമ്മൂട്ടി ഇതിൽ അവതരിപ്പിച്ചിരിക്കുന്നത് പകൽ സമയത്തു സൈക്കിൾ മെക്കാനിക്കും രാത്രി സമയത്തു മോഷ്ടാവുമായി ജീവിക്കുന്ന വേലൻ അഥവാ നകുലൻ എന്ന കഥാപാത്രത്തെ ആണ് എന്നാണ് പുറത്തു വരുന്ന റിപ്പോർട്ടുകൾ . നടി രമ്യ പാണ്ഢ്യനും നടൻ അശോകനും മമ്മൂട്ടിയ്ക്കൊപ്പം ചിത്രത്തിൽ പ്രധാന വേഷങ്ങൾ ചെയ്തിട്ടുണ്ട്. കോട്ടയം രമേശ്, ബിറ്റോ ഡേവിസ്, കൈനകരി തങ്കരാജ്, രാജേഷ് ശർമ്മ, ടി സുരേഷ് ബാബു, ചേതൻ ജയലാൽ എന്നിവരും ചിത്രത്തിന്റെ ഭാഗമായിട്ടുണ്ട്. തേനി ഈശ്വർ ആണ് ചിത്രത്തിന്റെ ക്യാമറാമാൻ . മമ്മൂട്ടിയുടെ പുതിയ നിർമ്മാണ കമ്പനിയായ മമ്മൂട്ടി കമ്പനിയുടെ ബാനറിൽ ആണ് ഈ ചിത്രം നിർമ്മിച്ചിരിക്കുന്നത്. ദീപു ജോസഫാണ് ഈ ചിത്രം എഡിറ്റ് ചെയ്തിരിക്കുന്നത് .

ജൂൺ 24 ന് തിയറ്ററുകളിൽ പ്രദർശനത്തിന് എത്തിയ ഒരു ഫീൽ ഗുഡ് ഫാമിലി എന്റർടൈനർ ചിത്രമാണ് പ്രിയൻ ഓട്ടത്തിലാണ്. ആന്റണി സോണിയുടെ സംവിധാന മികവിൽ നടൻ ഷറഫുദ്ദീനെ നായകനാക്കി ഒരുക്കിയ ഈ ചിത്രത്തിലെ ഒരു വീഡിയോ ഗാനം ഇപ്പോൾ സോഷ്യൽ മീഡിയ ശ്രദ്ധ നേടുകയാണ്. ചേക്കുട്ടൻ എന്ന വീഡിയോ ഗാനം സരിഗമ മലയാളം എന്ന യൂടൂബ് ചാനലിലൂടെയാണ് ഇപ്പോൾ പുറത്തു വിട്ടിരിക്കുന്നത് . ചിത്രം ഏറ്റെടുത്തതു പോലെ പ്രേക്ഷകർ ഈ ഗാനവും ഇപ്പോൾ ഏറ്റെടുത്തിരിക്കുകയാണ്.

ഷറഫുദ്ദീൻ അവതരിപ്പിക്കുന്ന പ്രിയദർശൻ എന്ന കഥാപാത്രത്തിന്റെ തിരക്കിട്ട ജീവിതവും സഹായ മനസ്സും ഈ ഗാനരംഗത്തിൽ കാണാൻ സാധിക്കും. കൂടാതെ നടൻ ബിജു സോപാനത്തിന്റെ രസകരമായ നർമ്മ രംഗങ്ങളും ഈ ഗാനത്തിൽ ഉൾപ്പെടുത്തിയിട്ടുണ്ട്. ശബരീഷ് വർമ്മ വരികൾ രചിച്ച ഈ ഗാനത്തിന് ഈണം നൽകിയത് ലിജിൻ ബാംബിനോ ആണ്. ജാസി ഗിഫ്റ്റ്, അഭിജിത്ത് ദാമോദരൻ, ലിജിൻ ബാംബിനോ എന്നിവർ ചേർന്നാണ് ഈ ഗാനം ആലപിച്ചിരിക്കുന്നത്. അപർണദാസ്,നൈല ഉഷ എന്നിവരേയും ഈ ഗാനരംഗത്തിൽ കാണാൻ സാധിക്കും.

ഈ ചിത്രത്തിന്റെ കഥ, തിരക്കഥ രചിച്ചിരിക്കുന്നത് അഭയ കുമാർ കെ , അനിൽ കുര്യൻ എന്നിവർ ചേർന്നാണ്. സന്തോഷ് ത്രിവിക്രമൻ ചിത്രത്തിന്റെ നിർമ്മാതാവ് . ശബരീഷ് വർമ്മയെ കൂടാതെ വിനായക് ശശികുമാർ , പ്രജീഷ് പ്രേം എന്നിവരും ഈ ചിത്രത്തിലെ ഗാനങ്ങൾക്ക് വരികൾ രചിച്ചിട്ടുണ്ട്. എഡിറ്റിംഗ് കൈകാര്യം ചെയ്തിരിക്കുന്നത് ജോയൽ കവി ആണ് .

എം.എസ്. രാജശേഖർ റെഡ്ഢി രചനയും സംവിധാനവും നിർവഹിക്കുന്ന പുത്തൻ തെലുങ്ക് ചിത്രമാണ് മച്ചേർല നിയോജകവർഗ്ഗം. നിതിൻ, കൃതി ഷെട്ടി, കാതറിൻ എന്നിവരാണ് ചിത്രത്തിലെ കേന്ദ്ര കഥാപാത്രങ്ങളായി എത്തുന്നത്. ഇപ്പോഴിതാ ഈ ചിത്രത്തിലെ പുതിയൊരു ഗാനം റിലീസ് ചെയ്തിരിക്കുകയാണ്. രാ രാ റെഡ്ഢി , ഐം റെഡി എന്ന ഗാനത്തിന്റെ ലെറിക്കൽ വീഡിയോ ആണ് ഇപ്പോൾ റിലീസ് ചെയ്തിരിക്കുന്നത്. ഈ ലെറിക്കൽ വീഡിയോയിൽ നടൻ നിതിനൊപ്പം ചുവടു വയ്ക്കുന്നത് നടി അഞ്ജലിയാണ്. ഒരു ഐറ്റം ഡാൻസറായാണ് താരം ഈ ഗാനത്തിൽ എത്തുന്നത് .

ലെറിക്കൽ വീഡിയോയിൽ ഗ്ലാമറസായ അഞ്ജലിയുടെ സ്റ്റിൽസും ഒപ്പം നടൻ നിതിന്റെ സ്റ്റിൽസും ഉൾപ്പെടുത്തിയിട്ടുണ്ട്. നായകന്റെ കിടിലൻ നൃത്ത രംഗങ്ങൾ ശ്രദ്ധ നേടുമ്പോഴും ഹൈലൈറ്റായി മാറുന്നത് അഞ്ജലിയുടെ ഗ്ലാമറസ് നൃത്തം തന്നെയാണ് .

കസർല ശ്യാം വരികൾ രചിച്ച ഈ ഗാനത്തിന് ഈണം നൽകിയിരിക്കുന്നത് മഹതി സ്വര സാഗർ ആണ്. ലിപ്സിക ആണ് ഈ ഗാനം ആലപിച്ചിരിക്കുന്നത്. ശ്രേഷ്ഠ് മൂവീസിന്റെ ബാനറിൽ ഒരുങ്ങുന്ന ഈ ചിത്രം നിർമ്മിക്കുന്നത് സുധാകർ റെഡ്ഢി , നിഖിത റെഡ്ഢി എന്നിവർ ചേർന്നാണ്. രാജ്കുമാർ അക്കേല ആണ് ഈ ചിത്രത്തിന്റെ വിതരണം ഏറ്റെടുത്തിരിക്കുന്നത് . മമിഡല തിരുപതി ആണ് സംഭാഷണങ്ങൾ തയ്യാറാക്കിയത് . പ്രസാദ് മുരെല്ല ഛായാഗ്രഹണം നിർവഹിച്ച ഈ ചിത്രത്തിന്റെ എഡിറ്റിംഗ് കൈകാര്യം ചെയ്തിരിക്കുന്നത് കോട്ടഗിരി വെങ്കടേശ്വര റാവു ആണ്.

ഇപ്പോൾ സോഷ്യൽ മീഡിയയിൽ ശ്രദ്ധ നേടുന്നത് മണി രത്‌നം സംവിധാനം ചെയ്യുന്ന പുത്തൻ ചിത്രമായ പൊന്നിയിൻ സെൽവൻ എന്ന ചിത്രത്തിന്റെ തമിഴ് ടീസറാണ്. ടിപ്സ് തമിഴ് എന്ന യൂടൂബ് ചാനൽ പുറത്തുവിട്ട ഈ ടീസർ ഇപ്പോൾ പ്രേക്ഷകർ ഏറ്റെടുത്തിരിക്കയാണ്. തമിഴ് താരം നടൻ സൂര്യയാണ് ഈ ടീസർ അനാശ്ചാദനം ചെയ്തത്. ഈ ബ്രഹ്മാണ്ഡ ചിത്രത്തിന്റെ അതി ഗംഭീര ടീസറാണ് ഇപ്പോൾ പ്രേക്ഷകർക്ക് മുന്നിലേക്ക് എത്തിയിരിക്കുന്നത് . ചിയാൻ വിക്രം , ഐശ്വര്യ റായ്, തൃഷ, കാർത്തി , ഐശ്വര്യ ലക്ഷ്മി, ജയറാം , പാർത്ഥിപൻ, എന്നിവരെ ടീസറിൽ കാണാൻ സാധിക്കും . കൽക്കി രചിച്ച പൊന്നിയൻ സെൽവൻ എന്ന നോവലിനെ അടിസ്ഥാനമാക്കിയാണ് ഈ ചിത്രം ഒരുക്കിയിരിക്കുന്നത് . രണ്ട് ഭാഗങ്ങളായി ഒരുക്കുന്ന ഈ ചിത്രത്തിന്റെ ആദ്യ ഭാഗം പുറത്തിറക്കുന്നത് സെപ്തംബർ 30 ന് ആണ്.

സംവിധായകൻ മണിരത്നവും ശുഭാസ്ക്കരനും ചേർന്ന് നിർമ്മിക്കുന്ന ഈ ചിത്രം ലൈക്ക പ്രൊഡക്ഷൻസ്, മദ്രാസ് ടാക്കീസ് എന്നിവയുടെ ബാനറിൽ ആണ് ഒരുങ്ങുന്നത്. ജയം രവി, ശോഭിത ദുലീപല , പ്രഭു, ആർ ശരത്ത് കുമാർ , വിക്രം പ്രഭു, പ്രകാശ് രാജ്, റഹ്മാൻ എന്നിവരും ചിത്രത്തിൽ പ്രധാന വേഷങളിൽ എത്തുന്നു. സംഗീത മാന്ത്രികൻ എ.ആർ റഹ്മാൻ ആണ് ഈ ചിത്രത്തിന് സംഗീതം ഒരുക്കുന്നത്. മണി ര്തനവും ഇളങ്കോ കുമാരവേലുമാണ് ഈ ചിത്രത്തിന്റെ രചയിതാക്കൾ . രവി വർമ്മൻ ആണ് ചിത്രത്തിന്റെ ഛായാഗ്രാഹകൻ . എസിറ്റിംഗ് കൈകാര്യം ചെയ്തിരിക്കുന്നത് ശ്രീകർ പ്രസാദ് ആണ്.

തമിഴിന് പുറമെ മലയാളം, ഹിന്ദി, തെലുങ്ക്, കന്നഡ ഭാഷകളിലും ഈ ചിത്രം പുറത്തിറങ്ങുന്നുണ്ട്. മലയാള ടീസർ അനാശ്ചാദനം ചെയ്തത് നടൻ മോഹൻലാൽ ആണ്. പ്രേക്ഷകന് വേറിട്ട ഒരു ദൃശ്യ വിസ്മയം ഒരുക്കുന്ന ഈ ചിത്രം അഞ്ഞൂറ് കോടി മുതൽ മുടക്കിൽ ആണ് നിർമ്മിക്കുന്നത് . ചിത്രത്തിന്റെ ഫസ്റ്റ് ലുക്ക് പോസ്റ്റുകളും ഇപ്പോൾ പുറത്തിറങ്ങിയ ടീസറും പ്രേക്ഷകർ ഇരു കൈയ്യും നീട്ടിയാണ് സ്വീകരിച്ചത്.

മലയാളത്തിന്റെ ആക്ഷൻ ഹീറോ ബാബു ആന്റണിയെ നായനാക്കി ഒമർ ലുലു സംവിധാനം ചെയ്യുന്ന പുത്തൻ ചിത്രമാണ് പവർസ്റ്റാർ. ഈ ചിത്രത്തിന്റെ പ്രെമോഷണൽ ട്രൈലർ ഇപ്പോൾ റിലീസ് ചെയ്തിരിക്കുകയാണ്. ഏറെ കാലങ്ങൾക്ക് ശേഷമാണ് നായകവേഷത്തിൽ നടൻ ബാബു ആന്റണി സ്ക്രീനിൽ എത്തുന്നത്. ഒരു കംപ്ലീറ്റ് ആക്ഷൻ പാറ്റേണിൽ ഒരുങ്ങുന്ന ഈ ചിത്രം കേരളത്തിലെ മയക്കുമരുന്ന് ബിസിനസ്സുമായി ബന്ധപ്പെട്ടതാണെന്ന് ട്രൈലർ സൂചിപ്പിക്കുന്നു. ബാബു ആന്റണിയ്ക്ക് ഒരു കിടിലൻ മാസ്സ് ഇൻട്രോ ഒരുക്കിയാണ് ഈ ട്രൈലർ എത്തിയിരിക്കുന്നത്. നടൻ അബു സലീമും ചിത്രത്തിൽ പ്രധാന വേഷത്തിൽ എത്തുന്നു.

സംവിധായകൻ ഒമർ ലുലു ആദ്യമായി സംഗീത സംവിധാനം നിർവഹിക്കുന്നു എന്നതും ശ്രദ്ധേയമാണ് . ഈ ചിത്രത്തിന് വേണ്ടി സംഗീതം ഒരുക്കുന്നത് ഒമർ ലുലു ആണ്. ഡെന്നിസ് ജോസഫ് ആണ് ഈ ചിത്രത്തിന് തിരക്കഥ ഒരുക്കിയത്. ക്യാമറ കൈകാര്യം ചെയ്തിരിക്കുന്നത് സിനു സിദ്ധാർത്ഥ് ആണ്. എഡിറ്റിംഗ് ജോൺ കുട്ടി . കാസ്റ്റിംഗ് ഡയറക്ടർ വൈശാഖ് പി.വി. ദിനേശ് കാശി ആണ് ചിത്രത്തിലെ ആക്ഷൻ രംഗങ്ങൾ ഒരുക്കിയിരിക്കുന്നത്.

പഴയ കാല ആക്ഷൻ കിംഗിനെ വീണ്ടും സ്ക്രീനിൽ കാണാൻ സാധിക്കുന്നതിന്റെ ആകാംഷയിലാണ് പ്രേക്ഷകർ . നിരവധി പേരാണ് വീഡിയോയ്ക്ക് താഴെ കമന്റുകൾ നൽകിയിരിക്കുന്നത്. ബാബു ആന്റണി എന്ന താരത്തിന്റെ ഗംഭീര തിരിച്ചു വരവ് ആകട്ടെ എന്നാണ് പ്രേക്ഷകർ ആശംസിക്കുന്നത് .