Movie Updates

സോഷ്യൽ മീഡിയയിൽ തരംഗം സൃഷ്ടിക്കാൻ പൃഥ്വിരാജ് ചിത്രം കടുവയിലെ പ്രെമോ ഗാനം. ഷാജി കൈലാസ് ഒരുക്കുന്ന ഈ ചിത്രത്തിലെ പാല പള്ളി എന്ന വരികളോടെ തുടങ്ങുന്ന ഗാനമാണ് ഇപ്പോൾ പുറത്തുവിട്ടിരിക്കുന്നത് . പ്രേക്ഷകരെ ആവേശത്തിലാഴ്ത്തുകയും പാട്ടിനൊപ്പം ചുവടു വയ്ക്കാൻ പ്രേരിപ്പിക്കുകയും ചെയ്യുന്ന ഒരു കിടിലൻ മാസ്സ് ഗാനമാണ് ഈ പ്രെമോ സോങ്ങ് .

പൃഥ്വിരാജിന്റെ അത്യുഗ്രൻ ആക്ഷൻ സീനുകളും തകർപ്പൻ സ്റ്റിൽസും ഉൾക്കൊളിച്ചാണ് ഈ ഗാനം പുറത്തു വിട്ടിരിക്കുന്നത്. വില്ലൻ വേഷം ചെയ്യുന്ന നടൻ വിവേക് ഒബ്‌റോയും ഈ ഗാനരംഗത്തിൽ ഉണ്ട്. സന്തോഷ് വർമ്മ , ശ്രീഹരി തറയിൽ എന്നിവർ ചേർന്ന് വരികൾ രചിച്ച ഈ ഗാനം ജേക്സ് ബിജോയ് ആണ് ഒരുക്കിയിരിക്കുന്നത്. അതുൽ നറുകറയാണ് ഈ ഗാനം ആലപിച്ചിരിക്കുന്നത്.

ജൂലൈ 7 ന് പ്രദർശനത്തിന് എത്തുന്ന ഈ ചിത്രത്തിൽ നടി സംയുക്ത മേനോനാണ് നായിക വേഷം ചെയ്യുന്നത്. കൂടാതെ സുദേവ് നായർ,വിജയ രാഘവൻ, സിദ്ദിഖ്, അജു വർഗീസ്, ദിലീഷ് പോത്തൻ, സായി കുമാർ, സീമ,കലാഭവൻ ഷാജോൺ, മീനാക്ഷി, വൃദ്ധി വിശാൽ, അർജുൻ അശോകൻ, ജനാർദ്ദനൻ, പ്രിയങ്ക നായർ, ജൈസ് ജോസ്, കൊച്ചു പ്രേമൻ, രാഹുൽ മാധവ്, റീന മാത്യൂസ്, സച്ചിൻ കടേക്കർ എന്നിവരും പ്രധാന വേഷങ്ങളിൽ എത്തുന്നുണ്ട്.

സുപ്രിയ മേനോനും ലിസ്റ്റിൻ സ്റ്റീഫനും ചേർന്ന് ഒരുക്കുന്ന ഈ ചിത്രം പൃഥ്വിരാജ് പ്രൊഡക്ഷൻസ്, മാജിക് ഫ്രെയിംസ് എന്നിവയുടെ ബാനറിൽ ആണ് അവതരിപ്പിക്കുന്നത്. ഈ ചിത്രത്തിന്റെ രചന ജിനു വി എബ്രഹാം ആണ് നിർവഹിച്ചത്. ഇപ്പോൾ പുറത്തിറങ്ങിയ പ്രെമോ ഗാനം ടീസറിനേയും ട്രൈലറിനേയും കടത്തി വെട്ടി മുന്നേറുകയാണ്. പ്രേക്ഷകർ ആകാംഷയോടെ ചിത്രത്തിനായി കാത്തിരിക്കുകയാണ്.

വിഷ്ണു ഉണ്ണികൃഷ്ണനെ നായകനാക്കി കെ.ആർ പ്രവീൺ ഒരുക്കുന്ന ഒരു ഫാമിലി ചിത്രമാണ് കുറി. ഈ ചിത്രത്തിന്റെ ഒഫീഷ്യൽ ട്രൈലർ ഇപ്പോൾ റിലീസ് ചെയ്തിരിക്കുകയാണ്. സത്യം വീഡിയോസ് എന്ന യൂട്യൂബ് ചാനലിലൂടെയാണ് കുറി എന്ന ചിത്രത്തിന്റെ ഒഫീഷ്യൽ ട്രൈലർ പ്രേക്ഷകരിലേക്ക് എത്തിയിരിക്കുന്നത്. ചിത്രത്തിൽ ഒരു പോലീസ് കഥാപാത്രത്തെയാണ് വിഷ്ണു അവതരിപ്പിക്കുന്നത് .

പാസ്പ്പോർട്ട് വെരിഫിക്കേഷന് ഒരു വീട്ടിൽ എത്തുന്ന പോലീസുകാരൻ ആ വീട്ടിൽ അരങ്ങേറുന്ന അപകടം മനസ്സിലാക്കുകയും തുടർന്നുള്ള സംഭവങ്ങളും ആണ് ട്രൈലറിൽ ഉൾപ്പെടുത്തിയിരിക്കുന്നത്. മൊത്തത്തിൽ ഒരു ദുരൂഹത നിലനിർത്തി കൊണ്ടാണ് ഈ ട്രൈലർ പുറത്തുവിട്ടിരിക്കുന്നത് . പ്രേക്ഷകർ ആകാംഷയോടെ ചിത്രത്തിനായി കാത്തിരിക്കുന്നു എന്നാണ് വീഡിയോയ്ക്ക് താഴെ കമന്റുകൾ നൽകിയിട്ടുള്ളത്.

വിഷ്ണു ഉണ്ണികൃഷ്ണനെ കൂടാതെ അതിഥി രവി , സുരഭി ലക്ഷ്മി, വിഷ്ണു ഗോവിന്ദ്, വിനോദ് തോമസ് സാഗർ സൂര്യ, അവർത്തന കുഞ്ചു എന്നിവരും ചിത്രത്തിൽ പ്രധാന വേഷത്തിൽ എത്തുന്നുണ്ട്. സംവിധായകൻ കെ.ആർ പ്രവീൺ തന്നെയാണ് ചിത്രത്തിന്റെ രചനയും നിർവച്ചിരിക്കുന്നത്. ബി കെ ഹരി നാരായണൻ വരികൾ രചിച്ച ചിത്രത്തിലെ ഗാനങ്ങൾക്ക് ഈണം നൽകിയിട്ടുള്ളത വിനു തോമസ് ആണ് .

കോക്കേഴ്സ് മീഡിയ എന്റർടൈൻമെന്റ് അവതരിപ്പിക്കുന്ന ജനിത്രം നിമ്മിക്കുന്നതും കോക്കേഴ്സ് മീഡിയ എന്റർടൈൻമെന്റ് ആണ്. സന്തോഷ് സി പിള്ളൈ ആണ് ചിത്രത്തിന്റെ ക്യാമറമാൻ . എഡിറ്റിംഗ് കൈകാര്യം ചെയ്തിരിക്കുന്നത് റഷിൻ അഹമ്മദ് ആണ്.

ആൻഡ്രോയിഡ് കുഞ്ഞപ്പൻ , കനകം കാമിനി കലഹം തുടങ്ങി ശ്രദ്ധേയ ചിത്രങ്ങൾ മലയാളികൾക്ക് സമ്മാനിച്ച രതീഷ് ബാലകൃഷ്ണൻ പൊതുവാൾ ഒരുക്കുന്ന പുതിയ ചിത്രമാണ് “ന്നാ താൻ കേസ് കൊട് ” . കുഞ്ചാക്കോ ബോബൻ കേന്ദ്ര കഥാപാത്രമായി എത്തുന്ന ഈ ചിത്രത്തിന്റെ ഒഫീഷ്യൽ ടീസർ ഇപ്പോൾ റിലീസ് ചെയ്തിരിക്കുകയാണ്. ഒരു മിനുട്ടിലധികം ദൈർഘ്യമുള്ള ഈ ടീസറിൽ ചാക്കോച്ചന്റെ വ്യത്യസ്തമായ ഒരു ലുക്കാണ് ഇതിൽ കാണാൻ സാധിക്കുന്നത്.

രൂപത്തിലും സംസാരത്തിലും ഏറെ വ്യത്യസ്തം. ചിത്രത്തിന്റെ ഫസ്റ്റ് ലുക്ക് പോസ്റ്ററുകൾ തന്നെ ഏറെ ശ്രദ്ധ നേടിയിരുന്നു. ഇതുവരെ കാണാത്ത ഒരു ഗെറ്റപ്പിൽ ചാക്കോച്ചനെ കാണുന്ന ഒരു ആകാംക്ഷയും പ്രേക്ഷകരിൽ ഉണ്ട്. ഏതായാലും ചിത്രത്തിന്റെ ടീസറും ഇപ്പോൾ പ്രേക്ഷകർ ഏറ്റെടുത്തിയാണ്.

തമിഴ് താരം ഗായത്രി ശങ്കർ ആണ് ചിത്രത്തിൽ നായികയായി എത്തുന്നത്. താരത്തിന്റെ ആദ്യ മലയാള ചിത്രം കൂടിയാണിത്. സംവിധായകൻ രതീഷ് ബാലകൃഷ്ണൻ പൊതുവാൾ തന്നെയാണ് ചിത്രത്തിന്റെ രചനയും നിർവ്വഹിച്ചിരിക്കുന്നത്. സന്തോഷ് ടി കുരുവിള നിർമ്മിക്കുന്ന ഈ ചിത്രത്തിന്റെ സഹ നിർമ്മാതക്കളാണ് നായകൻ കുഞ്ചാക്കോ ബോബനും ഷെറിൻ റേച്ചൽ സന്തോഷും . ഡൗൻ വിൻസെന്റ് ആണ് ചിത്രത്തിലെ സംഗീതം ഒരുക്കിയിട്ടുള്ളത്. രാകേഷ് ഹരിദാസ് ആണ് ചിത്രത്തിന്റെ ഛായഗ്രാഹകൻ . മനോജ് കണ്ണോത്ത് ആണ് എഡിറ്റിംഗ് കൈകാര്യം ചെയ്തിരിക്കുന്നത് .

നന്ദമുറി കല്യാൺ റാമിനെ കേന്ദ്ര കഥാപാത്രമാക്കി വസിഷ്ഠ് സംവിധാനം ചെയ്യുന്ന ഒരു ടൈം ട്രാവലർ ഫാന്റസി ആക്ഷൻ ചിത്രമാണ് ബിംബിസാര . നന്ദമുറി കല്യാണിന്റെ ജന്മദിനത്തോടനുബന്ധിച്ച് ഈ ചിത്രത്തിന്റെ ട്രൈലർ റിലീസ് ചെയ്തിരിക്കുകയാണ്. പ്രേക്ഷകരിൽ ആകാംഷ ഉണർത്തുന്ന ഒരു കിടിലൻ ട്രൈറാണ് ഇപ്പോൾ പുറത്തുവന്നിരിക്കുന്നത്. ബിസി അഞ്ചാം നൂറ്റാണ്ടിൽ മഗധ ഭരിച്ചിരുന്ന ഒരു രാജാവായിരുന്നു ബിംബിസാര .

ബിംബിസാര എന്ന രാജാവിന്റെ കഥാപാത്രം അവതരിപ്പിക്കുന്നത് നന്ദമുറി കല്യാൺ റാം ആണ്. ട്രൈലറിൽ രണ്ട് കാലഘട്ടങ്ങൾ ആണ് കാണിക്കുന്നത്. ഒപ്പം നായകന്റെ രണ്ട് വേഷങ്ങളും. ആദ്യ ഭാഗത്തിൽ ദുഷ്ടനും ക്രൂരനുമായ ഒരു രാജാവിനെ കാണിക്കുമ്പോൾ പുതിയ കാലത്തെ ശക്തനായ ഒരു ചെറുപ്പക്കാരനെയാണ് രണ്ടാം ഭാഗത്ത് കാണുന്നത്. നന്ദമുറി കല്യാൺ റാമിന്റെ വളരെ വ്യത്യസ്തമാർന്ന ഒരു ലുക്ക് തന്നെയാണ് ഈ ട്രൈലറിൽ കാണാൻ സാധിക്കുന്നത്.

കാതറിൻ തെരേസ , മലയാളി താരം സംയുക്ത മേനോൻ , വാരിന ഹുസൈൻ, വെന്നല്ല കിഷോർ, ബ്രഹ്മാജി , ശ്രീനിവാസ റെഡ്ഢി എന്നിവരും ചിത്രത്തിൽ പ്രധാന വേഷങ്ങളിൽ എത്തുന്നു. എൻ ടി ആർ പ്രെഡക്ഷൻസിന്റെ ബാനറിൽ ഒരുങ്ങുന്ന ഈ ചിത്രം നിർമ്മിക്കുന്നത് ഹരി കൃഷ്ണ കെ ആണ്. സംവിധായകൻ വസിഷ്ഠ് തന്നെ രചന നിർവഹിച്ച ഈ ചിത്രത്തിന്റെ സംഭാഷണങ്ങൾ ഒരുക്കിയത് വാസുദേവ് ആണ്. എം.എം കീരവാണി ആണ് ചിത്രത്തിന്റെ സംഗീത സംവിധായകൻ. ചിത്രത്തിലെ ആക്ഷൻ രംഗങ്ങൾ ഒരുക്കിയിട്ടുള്ളത് വെങ്കട്, റാം കൃഷ്ണ എന്നിവർ ചേർന്നാണ്. ഛോട്ട കെ നായിഡു ആണ് ചിത്രത്തിന്റെ ഛായഗ്രാഹകൻ . എഡിറ്റിംഗ് കൈകാര്യം ചെയ്തിരിക്കുന്നത് തമ്മി രാജു ആണ്.

ജൂലൈ 8 ന് റിലീസിന് ഒരുങ്ങുന്ന ഒരു തമിഴ് ഹാസ്യ ചിത്രമാണ് പന്നിക്കുട്ടി. ഈ ചിത്രത്തിന്റെ ഒഫീഷ്യൽ ട്രൈലർ ഇപ്പോൾ പ്രേക്ഷ ശ്രദ്ധ നേടുകയാണ്. യോഗി ബാബു , കരുണാകരൻ എന്നിവരാണ് ചിത്രത്തിലെ കേന്ദ്ര കഥാപാത്രങ്ങളായി എത്തുന്നത്. തുടക്കം മുതൽ ഒടുക്കം വരെ തമാശകൾ മാത്രം കോർത്തിണക്കിയ ഒരു ചിത്രമായിരിക്കും ഇതെന്ന സൂചനയാണ് ട്രൈലറിൽ നിന്നും ലഭിക്കുന്നത്. യോഗി ബാബു , കരുണാകരൻ എന്നിവരുടെ രസകരമായ അഭിനയ പ്രകടനം കാഴ്ച വച്ച ഒരു ട്രൈലറാണ് ഇത് . ലൈക്ക മ്യൂസിക് എന്ന യൂടൂബ് ചാനലിലൂടെയാണ് ഈ വീഡിയോ പുറത്തുവിട്ടത് .

അനുചരൻ മുരുഗയ്യൻ സംവിധാനം ചെയ്യുന്ന ഈ ചിത്രത്തിൽ യോഗി ബാബു
കരുണാകരൻ എന്നിവരെ കൂടാതെ ലക്ഷ്മിപ്രിയയും പ്രധാന വേഷത്തിൽ എത്തുന്നു . ചിത്രത്തിലെ ഗാനങ്ങൾ ഒരുക്കിയിട്ടുള്ളത് കെ ആണ് . സൂപ്പർ ടോക്കീസിന്റെ ബാനറിൽ സമീർ ഭരത് റാം ആണ് ഈ ചിത്രം നിർമ്മിക്കുന്നത്.

രവി മുരുഗയ്യ കഥ തയ്യാറാക്കിയ ഈ ചിത്രത്തിന്റെ തിരക്കഥ ഒരുക്കിയത് സംവിധായകൻ അനുചരൻ മുരുഗയ്യയും രവി മുരുഗയ്യയും ചേർന്നാണ്. ഫയർ കാർത്തിക് ആണ് ചിത്രത്തിലെ ആക്ഷൻ രംഗങ്ങൾ ഒരുക്കിയത്. സതീഷ് മുരുകൻ എൻ ആണ് ചിത്രത്തിന്റെ ഛായഗ്രാഹകൻ . എഡിറ്റിംഗ് കൈകാര്യം ചെയ്തിരിക്കുന്നതും സംവിധായകൻ അനുചരൻ തന്നെയാണ്.

പ്രേക്ഷകർക്ക് കെട്ട്യോളാണ് എന്റെ മാലാഖ എന്ന ചിത്രത്തിലൂടെ സുപരിചിതയായ താരമാണ് നടി വീണ നന്ദകുമാർ . ചിത്രത്തിൽ ആസിഫ് അലിയുടെ നായികയായി എത്തിയ താരം ഏറെ പ്രേക്ഷക ശ്രദ്ധ നേടി. ചിത്രം ഹിറ്റായത് പോലെ ചിത്രത്തിലെ നായിക വീണ നന്ദകുമാറും ഹിറ്റായി മാറി. ഈ ചിത്രവും ചിത്രത്തിലെ റിൻസി എന്ന കഥാപാത്രവും താരത്തിന്റെ അഭിനയജീവിതത്തിൽ വലിയ വഴിത്തിരിവായി മാറി.

വീണ അരങ്ങേറ്റം കുറിച്ചത് കോഴിപ്പോര് എന്ന ചിത്രത്തിലൂടെ ആണ് എങ്കിലും വീണ എന്ന താരത്തെ പ്രേക്ഷകർ അറിഞ്ഞത് കെട്ട്യോളാണ് എന്റെ മാലാഖ എന്ന ചിത്രത്തിൽ എത്തിയപ്പോഴാണ് . ബ്രഹ്മാണ്ഡ ചിത്രമായ മരക്കാർ അറബിക്കടലിന്റെ സിംഹം എന്ന സിനിമയിലും ചെറിയൊരു വേഷം ചെയ്ത് വീണ എത്തിയിരുന്നു. അമൽ നീരദ് സംവിധാനം ചെയ്ത് മമ്മൂട്ടി കേന്ദ്ര കഥാപാത്രമായി എത്തിയ ഭീഷ്മ പർവ്വം ആണ് താരത്തിന്റേതായി പുറത്തിറങ്ങിയ അവസാന ചിത്രം . ഈ ചിത്രത്തിൽ നടൻ ഷൈൻ ടോം ചാക്കോയുടെ ഭാര്യയുടെ കഥാപാത്രമാണ് വീണ അവതരിപ്പിച്ചത്. ഒട്ടേറെ താരങ്ങൾ അണിനിരന്ന ഈ ചിത്രത്തിൽ വളരെ മികച്ച റോൾ തന്നെ താരത്തിന് ലഭിച്ചിരുന്നു.

സോഷ്യൽ മീഡിയയിലെ സജീവ താരമാണ് വീണ നന്ദകുമാർ. ഒട്ടേറെ ആരാധകരുള്ള താരം തന്റെ പുത്തൻ ഫോട്ടോസും വീഡിയോസും ആരാധകരമായി പങ്കു വയ്ക്കാറുണ്ട്. വീണ തന്റെ ഇൻസ്റ്റഗ്രാം പേജിൽ പങ്കുവച്ച പുത്തൻ വീഡിയോ ആണ് ഇപ്പോൾ പ്രേക്ഷക ശ്രദ്ധ നേടുന്നത്. വെള്ള കളർ സാരി ധരിച്ച് മുല്ലപ്പൂ ചൂടി , കുളത്തിൽ നീന്തി തുടിക്കുന്ന താരത്തിന്റെ വീഡിയോ ആണ് ഇപ്പോൾ ആരാധകർ ഏറ്റെടുത്തിരിക്കുന്നത് . സാരിയിൽ ഗ്ലാമറസ് ആയാണ് താരം എത്തിയിരിക്കുന്നത് . വാട്ടർ ലില്ലിയുടെ സൈന്റിഫിക് പേരായ നിംഫിയ എന്ന ക്യാപ്ഷനോടെയാണ് താരം ഈ വീഡിയോ പങ്കുവച്ചിക്കുന്നത് . വഫാറ ആണ് താരത്തിന്റെ ഈ കിടിലൻ ചിത്രങ്ങൾ പകർത്തിയിട്ടുള്ളത്. സ്റ്റൈലിംഗ് നിർവഹിച്ചിരിക്കുന്നത് അസനിയ നസ്രിൻ ആണ് .

View this post on Instagram

A post shared by Vaffara (@vaffara_)

ഇപ്പോൾ സോഷ്യൽ മീഡിയയിൽ ശ്രദ്ധ നേടുന്നത് ജുഗ് ജുഗ് ജീയോ എന്ന ഹിന്ദി ചിത്രത്തിലെ പുതിയൊരു വീഡിയോ ഗാനമാണ്. ഒട്ടേറെ ഗാനങ്ങളുള്ള ഈ ചിത്രത്തിലെ ദുപ്പട്ട എന്ന ഗാനത്തിന്റെ വീഡിയോ ആണ് ഇപ്പോൾ റിലീസ് ചെയ്തിരിക്കുന്നത്. നായകന്മാരുടെ കിടിലൻ നൃത്ത ചുവടുകൾക്കൊപ്പം ഡാൻസ് ബാറിലെ ഗ്ലാമറസ് നൃത്തരംഗവും ഏറെ ശ്രദ്ധ നേടുന്നുണ്ട്.

1994 ൽ പുറത്തിറങ്ങിയ ഹിറ്റ് പഞ്ചാബി ഗാനമായ ദുപ്പട്ട തേരാ സത്രംഗ് ദയ എന്ന ഗാനത്തെ പുനർ നിർമ്മിച്ചതാണ് ജുഗ് ജുഗ് ജീയോയിലെ ഈ ദുപ്പട്ട ഗാനം. ശ്രേയ ശർമ്മ , ഡൈസ്ബി എന്നിവർ ചേർന്നാണ് ഈ ഗാനം ആലപിച്ചിരിക്കുന്നത്. ഗാന രംഗത്തിൽ അതിസുന്ദരിയായി നായിക കിയാര അദ്യാനിയേയും കാണാൻ സാധിക്കും.

ജൂൺ 24 ന് പുറത്തിറങ്ങിയ ഈ ചിത്രം പ്രേക്ഷകരിൽ നിന്നും മികച്ച പ്രതികരണമാണ് നേടിയത്. രാജ് മേത്ത സംവിധാനം ചെയ്ത ഈ ചിത്രത്തിൽ കിയാരയെ കൂടാതെ അനിൽ കപൂർ, വരുൺ ധവാൻ, നീതു കപൂർ, മനീഷ് പോൾ, പ്രജക്ത കോലി, ടിസ്ക ച്രോപ്ര എന്നിവരും പ്രധാന വേഷങ്ങളിൽ എത്തുന്നുണ്ട്. ഒരു ഫാമിലി കോമഡി ഡ്രാമ പാറ്റേണിൽ ഒരുക്കിയ ഈ ചിത്രം നിർമ്മിച്ചിരിക്കുന്നത് ധർമ്മ പ്രൊഡക്ഷൻസും വിയാകോം 18 സ്റ്റുഡിയോസും ചേർന്നാണ്. ജയ് ഐ പട്ടേൽ ആണ് ചിത്രത്തിന്റെ ഛായഗ്രഹണം നിർവഹിച്ചിരിക്കുന്നത് . മനീഷ് മോർ ആണ് എഡിറ്റർ.

ആരാധകർ സ്നേഹപൂർവം കുഞ്ഞിക്ക എന്ന് വിശേഷിപ്പിക്കുന്ന പ്രിയതാരം ദുൽഖർ സൽമാൻ നായകനായി എത്തുന്ന രണ്ടാമത്തെ തെലുങ്ക് ചിത്രമാണ് സീത രാമം. ഈ ചിത്രത്തിലെ ലെറിക്കൽ വീഡിയോ ഗാനത്തിന്റെ രണ്ടാമത് പ്രെമോ ഇപ്പോൾ റിലീസ് ചെയ്തിരിക്കുകയാണ്. ജൂലൈ നാലിന് ആണ് ഈ ഗാനം റിലീസ് ചെയ്യുന്നത് . വെറും സെക്കന്റുകൾ മാത്രം ദൈർഘ്യമുള്ള ഈ പ്രെമോ വീഡിയോയിൽ നായിക മൃണാൾ താക്കൂറിനെയാണ് കാണാൻ സാധിക്കുന്നത്. സോണി മ്യൂസിക് സൗത്ത് എന്ന യൂടൂബ് ചാനലിലൂടെയാണ് ഈ വീഡിയോ പുറത്തു വിട്ടത്. മൃണാൾ താക്കൂറിനെ പ്രശംസിച്ച് നിരവധി ആരാധകരാണ് കമന്റുകൾ നൽകിയിട്ടുള്ളത്.

തെലുങ്കിന് പുറമേ മലയാളം, തമിഴ് ഭാഷകളിലായും ഈ ചിത്രം പ്രദർശനത്തിന് എത്തുന്നുണ്ട്. ലെഫ്റ്റനന്റ് റാമിന്റെ പ്രണയകഥപറയുന്ന ഈ ചിത്രത്തിൽ ലെഫ്റ്റനന്റ് റാം എന്ന കഥാപാത്രമായി എത്തുന്നത് നടൻ ദുൽഖർ ആണ്. ഈ ചിത്രത്തിന്റെ സംവിധായകൻ ഹനു രാഘവപുടിയാണ് .

ഈ ചിത്രത്തിന്റെ നിർമ്മാണം ഏറ്റെടുത്തിരിക്കുന്നത് വൈജയന്തി മൂവീസ് , സ്വപ്ന സിനിമ എന്നിവർ ചേർന്നാണ്. വിശാൽ ചന്ദ്ര ശേഖറാണ് ചിത്രത്തിലെ ഗാനങ്ങൾ ഒരുക്കുന്നത്. തെന്നിന്ത്യൻ താരസുന്ദരി രശ്‌മിക മന്ദാനയും ഈ ചിത്രത്തിന്റെ ഭാഗമാകുന്നുണ്ട്. പി എസ് വിനോദ് , ശ്രേയസ് കൃഷ്ണ എന്നിവരാണ് ചിത്രത്തിന്റെ ക്യാമറ കൈകാര്യം ചെയ്തിരിക്കുന്നത്. കോട്ടഗിരി വെങ്കിടേശ്വര റാവു ആണ് ചിത്രത്തിന്റെ എഡിറ്റർ.

ബബിത , റിൻ എന്നിവർ ചേർന്ന് രചനയും സംവിധാനവും നിർവഹിക്കുന്ന പുത്തൻ മലയാളം ഡ്രാമ ചിത്രമാണ് പ്യാലി . ഈ ചിത്രത്തിന്റെ ഒഫീഷ്യൽ ട്രൈലർ ഇപ്പോൾ ദുൽഖർ സൽമാൻ പുറത്തുവിട്ടിരിക്കുകയാണ് . കാശ്മീരി വംശജരായ സഹോദരങ്ങൾ കേരളത്തിലെ ഒരു ചേരിയിൽ ജീവിക്കാൻ കഷ്ടപ്പെടുന്നതും അവരുടെ സഹോദര സ്നേഹവുമാണ് ഈ ട്രൈലർറിൽ കാണിക്കുന്നത്.

തന്റെ കൊച്ചു സഹോദരിയെ സംരക്ഷിക്കുന്ന സഹോദരനാണ് ഈ ട്രൈലറിലെ ഹൈലൈറ്റ്. ജോർജ് ജേക്കബ്, ബാർബി ശർമ്മ എന്നിവരാണ് ചിത്രത്തിലെ കേന്ദ്ര കഥാപാത്രങ്ങളായി എത്തുന്നത്. ഇവരെ കൂടാതെ ശ്രീനിവാസൻ , മാമുക്കോയ, ശരത്ത് കുമാർ , റാഫി , അൽത്താഫ് സലിം, അതും മുരുകദോസ് , സുജിത്ത് ശങ്കർ എന്നിവരും ചിത്രത്തിൽ കേന്ദ്ര കഥാപാത്രങ്ങളെ അവതരിപ്പിക്കുന്നു .

വേഫാറർ ഫിലിംസ് , എൻ.എഫ് വർഗീസ് പിക്ച്ചേഴ്സ് എന്നിവയുടെ ബാനറിൽ ഒരുങ്ങുന്ന ഈ ചിത്രം നിർമ്മിക്കുന്നത് സോഫിയ വർഗ്ഗീസ് ആണ്. പ്രശാന്ത് പിള്ളയാണ് ചിത്രത്തിലെ ഗാനങ്ങൾ ഒരുക്കിയിരിക്കുന്നത്. ജിജു സണ്ണി ക്യാമറ കൈകാര്യം ചെയ്തിരിക്കുന്നു. ദീപു ജോസഫ് ആണ് ചിത്രത്തിന്റെ എഡിറ്റർ. ജൂലൈ എട്ടിന് പ്രദർശനത്തിന് എത്തുന്ന ഈ ചിത്രത്തിനായുള്ള കാത്തിരിപ്പിലാണ് പ്രേക്ഷകർ. ചിത്രത്തിന് ആശംസകൾ അറിയിച്ചുകൊണ്ട് നിരവധിപ്പേരാണ് വീഡിയോയ്ക്ക് താഴെ കമന്റുകൾ നൽകിയിട്ടുള്ളത്.

ശരത്ത് മാണ്ഡവ സംവിധാനം ചെയ്ത് ജൂലൈ 29 ന് റിലീസിന് ഒരുങ്ങുന്ന തെലുങ്ക് ചിത്രമാണ് രാമറാവു ഓൺഡ്യൂട്ടി . രവി തേജ നായകനായി എത്തുന്ന ഈ ചിത്രത്തിലെ ഒരു ഐറ്റം സോങ്ങിന്റെ ലെറിക്കൽ വീഡിയോ ഇപ്പോൾ റിലീസ് ചെയ്തിരിക്കുകയാണ്. നാ പേരു സീസ എന്ന ഈ ഗാന രംഗത്തിൽ രവി തേജയ്ക്കൊപ്പം സീസ എന്ന ബാർ നർത്തകിയായി നടി അൻവേഷി ജയിനും എത്തുന്നു. അൻവേഷിയുടെ ത്രസിപ്പിക്കുന്ന നൃത്ത ചുവടുകളും ഉൾക്കൊള്ളിച്ചുള്ള ലെറിക്കൽ വീഡിയോ ആണ് ഇപ്പോൾ പുറത്തുവിട്ടിരിക്കുന്നത്. ആരാധകരെ മയക്കുന്ന നായികയുടെ ഗ്ലാമറസ് നൃത്തത്തിനൊപ്പം രവി തേജയും ചുവടുവയ്ക്കുന്നുണ്ട്.

ചന്ദ്രബോസ് രചന നിർവഹിച്ച ഈ ഗാനത്തിന് ഈണം നൽകിയിരിക്കുന്നത് സാം സി എസ് ആണ്. ശ്രേയ ഘോഷാലും സാം സി എ സും ചേർന്നാണ് ഈ ഗാനം ആലപിച്ചിരിക്കുന്നത്. ഗാനം ആലപിക്കുന്ന രംഗങ്ങളും ഈ ലെറിക്കൽ വീഡിയോയിൽ കാണാൻ സാധിക്കും. രവി തേജയെ കൂടാതെ ദിവ്യാഷ കൗഷിക്, രജിഷ വിജയൻ , വേണു തൊട്ടെംപുഡി , നാസ്സർ , നരേഷ് , പവിത്ര ലോകേഷ് , ജോൺ വിജയ് , ചൈതന്യ കൃഷ്ണ എന്നിവരും ചിത്രത്തിൽ പ്രധാന വേഷങ്ങളിൽ എത്തുന്നുണ്ട്.

സംവിധായകൻ ശരത്ത് മാണ്ഡവ തന്നെയാണ് ചിത്രത്തിന്റെ രചനയും നിർവഹിച്ചിരിക്കുന്നത്. എസ്. എൽ. വി സിനിമാസ് എൽ എൽ പി , ആർ ട്ടി ടീം വർക്ക്സ് എന്നിവയുടെ ബാനറിൽ ഒരുങ്ങുന്ന ഈ ചിത്രം നിർമ്മിക്കുന്നത് സുധാകർ ചെറുകുറിയാണ്. പീറ്റർ സ്റ്റെയിൻ , ശിവ എന്നിവർ ചേർന്നാണ് ചിത്രത്തിലെ ആക്ഷൻ രംഗങ്ങൾ ഒരുക്കിയിട്ടുള്ളത്. സത്യൻ സൂര്യൻ ആണ് ചിത്രത്തിന്റെ ക്യാമറമാൻ . എഡിറ്റിംഗ് കൈകാര്യം ചെയ്തിരിക്കുന്നത് പ്രവീൺ കെ.എൽ ആണ്.