Movie Updates

പ്രശസ്ത സംവിധായകൻ സന്തോഷ് ശിവൻ , മലയാള സിനിമയിലെ ശ്രദ്ധേയ നായിക മഞ്ജു വാര്യരെ കേന്ദ്ര കഥാപാത്രമാക്കി ഒരുക്കിയ ഏറ്റവും പുതിയ ചിത്രമാണ് ജാക്ക് ആൻഡ് ജിൽ. സയൻസ് ഫിക്ഷനും ഫാന്റസിയും ഹാസ്യവും ആക്ഷനും എല്ലാം ഒരുപോലെ ചേർത്ത് ഒരുക്കിയ ഈ ചിത്രം മെയ് ഇരുപതിന്‌ ആണ് ആഗോള റിലീസായി എത്തിയത്. ഈ ചിത്രത്തിന്റെ ടീസർ, ട്രൈലെർ എന്നിവ പ്രേക്ഷകർക്കിടയിൽ വലിയ രീതിയിൽ ശ്രദ്ധ നേടിയിരുന്നു. പക്ഷേ ചിത്രം നിരാശയാണ് പ്രേക്ഷകർക്ക് സമ്മാനിച്ചത്.

ഈ ചിത്രത്തിലെ ഗാനങ്ങൾ വളരെ മികച്ച പ്രേക്ഷക പ്രതികരണം നേടിയിരുന്നു. സ്വന്തമാക്കിയത്. ഇപ്പോഴിതാ പ്രേക്ഷകർക്കായി ഈ ചിത്രത്തിലെ കിം കിം എന്ന ഗാനത്തിന്റെ വീഡിയോ റിലീസ് ചെയ്തിരിക്കുകയാണ്. മഞ്ജു വാര്യർ ആലപിച്ച ഈ ഗാനത്തിന് വരികൾ രചിച്ചിരിക്കുന്നത് ബി.കെ ഹരിനാരായണൻ ആണ്. ഈ ഗാനത്തിന് ഈണം നൽകിയത് റാം സുരേന്ദർ ആണ്.

ശ്രീ ഗോകുലം മൂവീസിന്റെ ബാനറിൽ ഒരുങ്ങിയ ഈ ചിത്രം നിർമ്മിച്ചിരിക്കുന്നത് ഗോകുലം ഗോപാലൻ, എം പ്രശാന്ത് ദാസ് , സംവിധായകൻ സന്തോഷ് ശിവൻ, എന്നിവർ ചേർന്നാണ്. മഞ്ജു വാര്യർക്ക് ഒപ്പം ഈ ചിത്രത്തിൽ ചിത്രത്തിൽ സൗബിൻ ഷാഹിർ, കാളിദാസ് ജയറാം, അജു വർഗീസ്,ബേസിൽ ജോസഫ്, നെടുമുടി വേണു, ഇന്ദ്രൻസ്, സേതുലക്ഷ്‌മി, ഷായ്‌ലി കിഷൻ, എസ്ഥേർ അനിൽ എന്നിവരും പ്രധാന വേഷങ്ങളിൽ എത്തുന്നുണ്ട്. റാം സുരീന്ദറിനെ കൂടാതെ ഈ ചിത്രത്തിൽ ഗോപി സുന്ദർ, ജേക്സ് ബിജോയ് എന്നിവരും സംഗീത സംവിധാനം നിർവഹിച്ചിട്ടുണ്ട്. സന്തോഷ് ശിവൻ തന്നെയാണ് ചിത്രത്തിന്റെ ഛായാഗ്രഹണം കൈകാര്യം ചെയ്തിരിക്കുന്നതും . ചിത്രത്തിന്റെ രചന നിർവഹിച്ചിരിക്കുന്നത് സന്തോഷ് ശിവൻ, അജിൽ എസ് എം എന്നിവർ ചേർന്നാണ് .ഈ ചിത്രം എഡിറ്റ് ചെയ്തിരിക്കുന്നത് രഞ്ജിത്ത് ടച് റിവറാണ്.

സോഷ്യൽ മീഡിയയിൽ പ്രേക്ഷക ശ്രദ്ധ നേടി എലോൺ ചിത്രത്തിന്റെ ടീസർ . മലയാളത്തിന്റെ താര രാജാവ് നടൻ മോഹൻലാൽ നായകനായി എത്തുന്ന ഈ ചിത്രം സംവിധാനം ചെയ്തിരിക്കുന്നത് ഷാജി കൈലാസ് ആണ്. മോഹൻലാലിന്റെ പിറന്നാൾ ദിനത്തിൽ തന്നെയാണ് ഈ ടീസർ പുറത്തുവിട്ടിരിക്കുന്നത് . 45 സെക്കന്റ് മാത്രം ദൈർഘ്യമുള്ള ഒരു ടീസറാണ് ഇപ്പോൾ പുറത്തുവിട്ടിട്ടുള്ളത്.

വീഡിയോയിൽ മോഹൻലാലിനെ മാത്രമാണ് കാണാൻ സാധിക്കുന്നത്. “യഥാർത്ഥ നായകന്മാർ എല്ലായ്പ്പോഴും തനിച്ചാണ് ” എന്ന ഡയലോഗോടു കൂടിയാണ് ടീസർ ആരംഭിക്കുന്നത് . പന്ത്രണ്ട് വർഷത്തിന് ശേഷമാണ് മോഹൻലാൽ – ഷാജി കൈലാസ് കൂട്ടുകെട്ടിൽ ഒരു ചിത്രം ഒരുങ്ങുന്നത്. ആശീർവാദ് സിനിമാസിന്റെ ഒരുങ്ങുന്ന ഈ ചിത്രം നിർമ്മിക്കുന്നത് ആന്റണി പെരുമ്പാവൂരാണ് . ആശീർവാദ് സിനിമാസിന്റെ മുപ്പതാംമത് ചിത്രമാണിത്.

ഈ ചിത്രത്തിന്റെ തിരക്കഥ ഒരുക്കുന്നത് രാജേഷ് ജയറാമാണ്. ഛായഗ്രഹണം നിർവഹിച്ചിരിക്കുന്നത് അഭിനന്ദൻ രാമാനുജനാണ്. ചിത്രത്തിന് സംഗീതം ഒരുക്കിയിരിക്കുന്നത് ജേക്സ് ബിജോയ് ആണ്. ഡോൺ മാക്സ് ആണ് ചിത്രം എഡിറ്റിംഗ് ചെയ്തിരിക്കുന്നത്.

2009 ൽ പുറത്തിറങ്ങിയ റെഡ് ചില്ലീസ് എന്ന ചിത്രമാണ് ഷാജി കൈലാസ് – മോഹൻലാൽ കൂട്ടുകെട്ടിൽ പിറന്ന അവസാന ചിത്രം . അതിന് ശേഷം 2022 ൽ ആണ് ഇരുവരും ഒന്നിക്കുന്നത് . പ്രേക്ഷകർ ആകാംഷയോടെ കാത്തിരിക്കുകയാണ് എലോൺ എന്ന ചിത്രത്തിനായി .

ശ്യാം മോഹൻ സംവിധാനം ചെയ്യുന്ന ഏറ്റവും പുതിയ ചിത്രമാണ് കൊച്ചാൾ . ജൂൺ പത്ത് മുതൽ തിയറ്ററുകളിൽ പ്രദർശനത്തിന് എത്തുന്ന ഈ ചിത്രത്തിന്റെ രണ്ടാമത്തെ ടീസർ കൂടി ഇപ്പോൾ പുറത്തുവിട്ടിരിക്കുകയാണ്. ഈ അടുത്താണ് ആദ്യ ടീസർ പുറത്തിറങ്ങിയത് . ഇന്ദ്രൻസ് , കൃഷ്ണ ശങ്കർ എന്നിവർ ഒന്നിച്ചെത്തിയ ആദ്യ ടീസർ വളരെയധികം പ്രേക്ഷക ശ്രദ്ധ നേടിയിരുന്നു . നടൻ കൃഷ്ണശങ്കറാണ് ചിത്രത്തിൽ നായക വേഷം ചെയ്യുന്നത്. ചിത്രത്തിന്റെ പേരായ കൊച്ചാൾ എന്ന കഥാപാത്രമായി എത്തുന്നത് കൃഷ്ണശങ്കറാണ് . ആദ്യ ടീസർ സോഷ്യൽ മീഡിയ ശ്രദ്ധ നേടി കൊണ്ടിരിക്കേയാണ് ചിത്രത്തിന്റെ രണ്ടാമത്തെ ടീസറും ഇപ്പോൾ പുറത്തുവിട്ടിരിക്കുന്നത് .

ആദ്യ ടീസറിൽ ശ്രദ്ധ നേടിയത് നായകൻ കൃഷ്ണ ശങ്കർ ആണെങ്കിൽ രണ്ടാം ടീസർ പരിചയപ്പെടുത്തുന്നത് നടൻ ഷൈൻ ടോം ചാക്കോയുടെ കഥാപാത്രത്തെയാണ്. ചിത്രത്തിൽ നെഗറ്റീവ് റോളിലാണ് താരം എത്തുന്നത് എന്നാണ് ടീസറിൽ നിന്നും വ്യക്തമാകുന്നത്. സത്യം വീഡിയോസിന്റെ യൂട്യൂബ് ചാനലിലൂടെയാണ് ഈ ടീസറും പുറത്തുവിട്ടിരിക്കുന്നത്.

കൃഷ്ണ ശങ്കർ , ഷൈൻ ടോം ചാക്കോ , ഇന്ദ്രൻസ് എന്നീ കേന്ദ്ര കഥാപാത്രങ്ങളെ കൂടാതെ ഷറഫുദ്ദീൻ, വിജയരാഘവൻ ,രഞ്ജിപണിക്കർ, മുരളി ഗോപി , കൊച്ചുപ്രേമൻ , ചൈതന്യ, സേതു ലക്ഷ്മി, ശ്രീലക്ഷ്മി, കലാരഞ്ജിനി , ആര്യ സലീം തുടങ്ങിയവരും പ്രധാന വേഷങ്ങളിൽ എത്തുന്നു. സിയാറ ടാക്കീസിന്റെ ബാനറിൽ ഒരുങ്ങുന്ന ഈ ചിത്രം നിർമ്മിക്കുന്നത് ദീപ് നാഗ്ഡ ആണ് . മിഥുൻപി മദനൻ , പ്രജിത്ത് കെ. പുരുഷൾ എന്നിവർ ചേർന്നാണ് ചിത്രത്തിന്റെ തിരക്കഥ , സംഭാഷണം എന്നിവ തയ്യാറാക്കിയത്. ചിത്രത്തിന്റെ ഛായഗ്രഹണം നിർവഹിക്കുന്നത് ജോമോൻ തോമസ്സ് ആണ് .

നടി നിഖില വിമൽ , യുവതാരങ്ങളായ മാത്യൂ തോമസ്, നസീലൻ കെ. ഗഫൂർ എന്നിവരെ കേന്ദ്ര കഥാപാത്രങ്ങളാക്കി നവഗതനായ അരുൺ ഡി ജോസ് സംവിധാനം ചെയ്ത ഏറ്റവും പുതിയ ചിത്രമാണ് ജോ ആൻഡ് ജോ. മികച്ച ഒരു കോമഡി എന്റർടൈനറായ ഈ ചിത്രം മെയ് പതിമൂന്നിനാണ് റിലീസ് ചെയ്തത്. മികച്ച പ്രേക്ഷക പ്രതികരണം നേടി മുന്നേറുന്ന ഈ ചിത്രത്തിലെ ഒരു ഗാനം ഇപ്പോൾ സോഷ്യൽ മീഡിയയിലൂടെ പുറത്തുവിട്ടിരിക്കുന്നത്. ചിത്രത്തിലെ ആരാണ് അത് ആരാണ് അത് എന്ന ഗാനമാണ് സരിഗമ മലയാളം എന്ന യൂട്യൂബ് ചാനലിലൂടെ റിലീസ് ചെയ്തിരിക്കുന്നത്.

ടിറ്റോ പി തങ്കച്ചൻ വരികൾ ഈ ഗാനം ഒരുക്കിയിരിക്കുന്നതും ആലപിച്ചിരിക്കുന്നതും ഗോവിന്ദ് വസന്ത ആണ് . നർമ്മം നിറഞ്ഞ ഈ ഗാന രംഗത്തിൽ നിഖില വിമൽ , മാത്യൂ തോമസ്, നസീലൻ കെ. ഗഫൂർ , ഗോവിന്ദ് വസന്ത എന്നിവരുടെ മികച്ച അഭിനയ പ്രകടനം കാണാം. നിരവധി ആളുകളാണ് വീഡിയോയ്ക്ക് താഴെ കമന്റുകൾ രേഖപ്പെടുത്തിയിരിക്കുന്നത്. തണ്ണീർ മത്തൻ ദിനങ്ങൾ എന്ന ചിത്രത്തിൽ ഒന്നിച്ചെത്തിയ മാത്യൂവിന്റെയും നസീലന്റെയും മറ്റൊരു മികച്ച പ്രകടനമാണ് ഈ ചിത്രത്തിൽ കാഴ്ച വച്ചിരിക്കുന്നത് .

ഇമാജിൻ സിനിമാസ് ആൻഡ് സിഗ്‌നേച്ചർ സ്റ്റുഡിയോസ് എന്നിവ ഒരുക്കുന്ന ഈ ചിത്രം നിർമ്മിച്ചിരിക്കുന്നത് ഹാരിസ് ദേശം , ആദർശ് നാരായൺ , പി.ബി അനീഷ്, അനുമോദ് ബോസ് എന്നിവർ ചേർന്നാണ് . ചാമൻ ചാക്കോ ആണ് ചിത്രത്തിന്റെ എഡിറ്റർ . തിരക്കഥ , സംഭാഷണം എന്നിവ ഒരുക്കിയിരിക്കുന്നത് സംവിധായകൻ അരുണും രവീഷ് നാഥും ചേർന്നാണ്.

ഏപ്രിൽ 14 ന് ലോകമൊട്ടാകെ പ്രദർശനത്തിന് എത്തിയ കന്നഡ ചിത്രമാണ് കെ ജി എഫ് ടു . പ്രശാന്ത് നീൽ സംവിധാനം ചെയ്ത് യാഷ് നായകനായി എത്തിയ ഈ ചിത്രം ബോക്സ് ഓഫീസിൽ ചരിത്ര നേട്ടം കുറിച്ചു. രണ്ട് ഭാഗങ്ങളിലായി ഒരുക്കിയ ഈ ചിത്രത്തിന്റെ ആദ്യ ഭാഗം റിലീസ് ചെയ്തത് 2018 ൽ ആണ്. യാഷിനെ കൂടാതെ സഞ്ജയ്ദത്ത്, രവീണ ടണ്ടൻ, ശ്രീനിധി ഷെട്ടി, പ്രകാശ് രാജ് എന്നിവരാണ് ചിത്രത്തിലെ മറ്റ് പ്രധാന അഭിനേതാക്കൾ .

കന്നഡ ചിത്രത്തിന്റെ റിലീസിനൊപ്പം മലയാളം, തമിഴ്, ഹിന്ദി, തെലുങ്ക് എന്നീ ഭാഷകളിലും ഈ ചിത്രം ഡബ്ബ് ചെയ്ത് പുറത്തിറക്കി. കിടിലൻ ആക്ഷൻ രംഗങ്ങളും കോരിത്തരിപ്പിക്കുന്ന ഡയലോഗുകളും തിയറ്റുകൾ ഇളക്കി മറിച്ചു. റോക്കി എന്ന നായക വേഷത്തിൽ യാഷ് തിളങ്ങിയപ്പോൾ അധീര എന്ന വില്ലൻ കഥാപാത്രമായി സഞ്ജയ് ദത്തും കൂടെ പിടിച്ചു. എക്കാലത്തേയും വരുമാനം നേടിയ കന്നഡ ചിത്രമായി ഇത് മാറി.

ഇപ്പോൾ സോഷ്യൽ മീഡിയയിൽ ശ്രദ്ധ നേടുന്നത് ഈ ചിത്രത്തിന് പിന്നിലെ അണിയറ രംഗങ്ങൾ കോർത്തിണക്കിയ ഒരു വീഡിയോ ആണ്. പത്ത് മിനുട്ടോളം ദൈർഘ്യമുള്ള ഈ വീഡിയോയിൽ ചിത്രത്തിലെ ആക്ഷൻ രംഗങ്ങളും കഥാപാത്രങ്ങളെ ഒരുക്കുന്ന രംഗങ്ങളും എല്ലാം ചേർത്തിട്ടുണ്ട്. 800 ൽ പരം ജൂനിയർ ആർട്ടിസ്റ്റുകൾ ഈ ചിത്രത്തിന്റെ ഭാഗമായിട്ടുണ്ട്. മൈ ട്രെൻഡ്സ് എന്ന യൂട്യൂബ് ചാനലിലൂടെയാണ് ഈ വീഡിയോ പുറത്തുവിട്ടിരിക്കുന്നത്.

നവാഗതനായ ഉണ്ണി ഗേവിന്ദരാജ് സംവിധാനം ചെയ്ത് നടൻ സുരാജ് വെഞ്ഞാറമ്മൂട് കേന്ദ്രകഥാപാത്രത്തെ അവതരിപ്പിക്കുന്ന പുത്തൻ ചിത്രമാണ് ഹെവന്‍. ഈ ചിത്രത്തിന്റെ ടീസര്‍ ഇപ്പോൾ പുറത്തിറങ്ങി. സുരാജ് ഈ ചിത്രത്തില്‍ പൊലീസ് വേഷത്തിലാണ് എത്തുന്നത്. ടീസര്‍ നല്‍കുന്ന സൂചന പ്രകാരം ഹെവൻ ഒരു സസ്‌പെന്‍സ് ത്രില്ലറാണ് ചിത്രമാകാനാണ് സാധ്യത . സൂരാജിനെ കൂടാതെ ചിത്രത്തിന്റെ ടീസറില്‍ ജാഫര്‍ ഇടുക്കി, ജോയ് മാത്യു, അഭിജ, സുധീഷ് തുടങ്ങിയവരേയും കാണാൻ സാധിക്കും.

ചിത്രത്തിന്റെ ഫസ്റ്റ് ലുക്ക് പോസ്റ്റര്‍ നേരത്തേ തന്നെ പുറത്തിറങ്ങുകയു വളരെയധികം പ്രേക്ഷക ശ്രദ്ധ പിടിച്ചുപറ്റുകയും ചെയ്തിരുന്നു. ആദ്യം പുറത്തിറങ്ങിയ പോസ്റ്ററില്‍ കത്തിമുനയിലിരിക്കുന്ന സുരാജിനെ ആയിരുന്നു പ്രേക്ഷകർക്ക് കാണാൻ സാധിച്ചത് . ചിത്രത്തിന്റെ രചന നിര്‍വഹിച്ചിരിക്കുന്നത് ഉണ്ണി ഗോവിന്ദ്‌രാജ്, പി എസ് സുബ്രഹ്‌മണ്യന്‍ എന്നിവര്‍ ചേര്‍ന്നാണ് . ഈ ചിത്രം നിർമ്മിച്ചിരിക്കുന്നത് എ ഡി ശ്രീകുമാര്‍, രമ ശ്രീകുമാര്‍, കെ കൃഷ്ണന്‍, ടി ആര്‍ രഘുരാജ് എന്നിവര്‍ ചേര്‍ന്നാണ് . വിനോദ് ഇല്ലംപള്ളി ഛായാഗ്രഹണവും ടോബി ജോൺ എഡിറ്റിംഗും നിര്‍വഹിച്ചിരിക്കുന്നു.

ഗോപി സുന്ദർ സംഗീതം പകർന്ന ഈ ചിത്രത്തിലെ ഗാനങ്ങൾ രചിച്ചിരിക്കുന്നത് അൻവർ അലിയാണ്. എം.ആർ രാജാകൃഷ്ണൻ ആണ് ഓഡിയോഗ്രഫി. ജിത്തു പയ്യന്നൂർ മേക്കപ്പും സുജിത്ത് മട്ടന്നൂർ വസ്ത്രാലങ്കാരവും കൈകാര്യം ചെയ്തിരിക്കുന്നു. സംഘട്ടന രംഗങ്ങൾ ഒരുക്കിട്ടുള്ളത് മാഫിയ ശശി ആണ്. വിക്കി, കിഷൻ എന്നിവരാണ് സൗണ്ട് ഡിസൈൻ. ബേബി പണിക്കരാണ് ചീഫ് അസോസിയേറ്റ് ഡയറക്ടർ. ഈ വരുന്ന ജൂൺ മാസത്തിൽ ചിത്രം തിയറ്ററുകളിൽ പ്രദർശനത്തിന് എത്തും.

അനിൽ രവിപുഡി സംവിധാനം ചെയ്യുന്ന ഏറ്റവും പുതിയ തെലുങ്ക് ചിത്രമാണ് എഫ് ത്രീ. മെയ് 27 ന് ആഗോള റിലീസ് ആയി എത്തുന്ന ഈ ചിത്രത്തിൽ വെങ്കടേഷ്, വരുൺ തേജ്, തമന്ന ഭാട്ടിയ , മെഹ്റിൻ പിർസാദ, പൂജ ഹെഗ്ഡെ എന്നിവരാണ് പ്രധാന വേഷങ്ങളിൽ എത്തുന്നത് . ഈ ചിത്രത്തിലെ ഒരു ഗാനത്തിന്റെ വീഡിയോ ഇപ്പോൾ റിലീസ് ചെയ്തിരിക്കുകയാണ്. ആദിത്യ മ്യൂസിക്ക് എന്ന യൂട്യൂബ് ചാനലിലൂടെയാണ് ഈ ലെറിക്കൽ വീഡിയോ പുറത്തുവിട്ടിരിക്കുന്നത്.

ലൈഫ് അൺട്ടെലാ വുണ്ടാലാ എന്ന വരികളോടെ ആരംഭിക്കുന്ന ഈ ലെറിക്കൽ വീഡിയോ ഗാനത്തിൽ വെങ്കടേഷ്, വരുൺ തേജ്, പൂജ ഹെഗ്‌ഡെ എന്നിവരാണ് ഉള്ളത്. ഈ ഗാനത്തിന്റെ മേക്കിങ് വീഡിയോ കൂടി ഉൾപ്പെടുത്തി കൊണ്ടാണ് ഈ ലെറിക്കൽ വീഡിയോ പുറത്തുവിട്ടിരിക്കുന്നത്. നായകന്മാരുടെ കിടിലൻ നൃത്ത ചുവടുകൾക്കൊപ്പം ഗ്ലാമറസ് ലുക്കിൽ ത്രസിപ്പിക്കുന്ന നൃത്ത ചുവടുകളുമായി നടി പൂജയും എത്തുന്നുണ്ട്. കസർല ശ്യാം വരികൾ രചിച്ച ഈ ഗാനത്തിന് ഈണം നൽകിയത് ദേവി ശ്രീപ്രസാദ് ആണ്. രാഹുൽ , ഗീതാമാധുരി എന്നിവർ ചേർന്നാണ് ഈ ഗാനം ആലപിച്ചിരിക്കുന്നത്.

ഈ ചിത്രത്തിന്റെ ട്രൈലറും തമന്ന ഭാട്ടിയ , മെഹ്റിൻ പിർസാദ, എന്നീ നായകമാർക്ക് ഒപ്പമുള്ള മറ്റൊരു ഗാനവും നേരത്തെ തന്നെ റിലീസ് ചെയ്യുകയും സോഷ്യൽ മീഡിയയിൽ വളരെയധികം ശ്രദ്ധ നേടുകയും ചെയ്തിരുന്നു. ഇപ്പോൾ പുറത്തിറങ്ങിയ ഗാനവും വൈറലായി മാറി കൊണ്ടിരിക്കുകയാണ് . ശ്രീ വെങ്കടേശ്വര ക്രിയേഷൻസിന്റെ ബാനറിൽ ഒരുങ്ങുന്ന ഈ ചിത്രം നിർമ്മിക്കുന്നത് ശ്രീരീഷ് ആണ്. ചിത്രത്തിന്റെ എഡിറ്റിംഗ് കൈകാര്യം ചെയ്തിരിക്കുന്നത് തമ്മിരാജു ആണ്.

മലയാളി പ്രേക്ഷകർ ഒന്നടങ്കം ഇരുകൈയ്യും നീട്ടി സ്വീകരിച്ച ചിത്രമാണ് ജനുവരി 21 ന് പുറത്തിറങ്ങിയ ഹൃദയം എന്ന ചിത്രം . നടൻ വിനീത് ശ്രീനീവാസൻ രചനയും സംവിധാനവും നിർവഹിച്ച ഈ ചിത്രത്തിൽ പ്രണവ് മോഹൻലാൽ , കല്യാണി പ്രിയദർശൻ , ദർശന രാജേന്ദൻ എന്നിവരായിരുന്നു കേന്ദ്ര കഥാപാത്രങ്ങളായി എത്തിയത്.

പതിനഞ്ചിൽ പരം ഗാനങ്ങൾ ഉള്ള ഈ ചിത്രത്തിലെ “ഒണക്ക മുന്തിരി ” എന്ന ഗാനത്തിന്റെ വീഡിയോ ഇപ്പോൾ പുറത്തുവിട്ടിരിക്കുകയാണ്. തിങ്ക് മ്യൂസിക്ക് ഇന്ത്യ എന്ന യൂട്യൂബ് ചാനലിലൂടെ ആണ് ഈ വീഡിയോ ഗാനം റിലീസ് ചെയ്തിരിക്കുന്നത്. വിനീത് ശ്രീനിവാസൻ വരികൾ രചിച്ച ഈ ഗാനത്തിന് ഈണം പകർന്നിരിക്കുന്നത് നവാഗതനായ ഹിഷാം അബ്ദുൽ വഹാബ് ആണ് . വിനീത് ശ്രീനിവാസന്റെ ഭാര്യ ദിവ്യയാണ് ഈ ഗാനം ആലപിച്ചിരിക്കുന്നത്. ഗാനരംഗത്തിൽ നിറഞ്ഞു നിൽക്കുന്നത് നടൻ പ്രണവ് മോഹൻലാലും നായിക കല്യാണിയും തന്നെയാണ്.

കേന്ദ്ര കഥാപാത്രങ്ങളെ കൂടാതെ അജു വർഗ്ഗീസ്, വിജയ രാഘവൻ , അന്നു ആന്റണി, അരുൺ കുര്യൻ, അശ്വത് ലാൽ , മേഘ തോമസ്, അഭിഷേക്, കലേഷ് രമാനന്ദ്, ജോണി ആന്റണി, എന്നിവരും പ്രധാന വേഷത്തിൽ എത്തിയിരുന്നു. മെരിലാൻഡ് സിനിമാസിന് വേണ്ടി വൈശാഖ് സുബ്രഹ്മണ്യനാണ് ഈ ചിത്രം നിർമ്മിച്ചത്.

മോഹൻലാൽ നായകനായി എത്തിയ സാഗർ ഏലിയാസ് ജാക്കി റിലോഡഡ് എന്ന ചിത്രത്തിലൂടെ വളരെ ചെറിയ ഒരു വേഷം അവതരിപ്പിച്ചു കൊണ്ട് മലയാള സിനിമയിലേക്ക് കടന്നു വരുന്ന താര സുന്ദരിയാണ് പ്രയാഗ മാർട്ടിൻ. 2009 മുതൽ മലയാള സിനിമയിൽ സജീവമായ താരം ഒരു മുറൈ വന്ത് പാർത്തായ എന്ന ചിത്രത്തിലൂടെയാണ് പ്രേക്ഷക ശ്രദ്ധ നേടുന്നത്. തുടർന്ന് ഒട്ടേറെ അവസരങ്ങൾ തിരത്തിന് ലഭിച്ചു. 2020 ൽ പുറത്തിറങ്ങിയ ഭൂമിയിലെ മനോഹര സ്വകാര്യം എന്ന ചിത്രമാണ് താരം അവസാനം അഭിനയിച്ച മലയാള ചിത്രം . മലയാള സിനിമയിൽ മാത്രമല്ല തമിഴിലും താരം ശോഭിച്ചിട്ടുണ്ട്.

നടിപ്പിൻ നായകൻ സൂര്യയ്ക്കൊപ്പം നെറ്റ്ഫ്ലിക്സ് ആന്തോളജി ചിത്രം നവരസയിലെ ഗിത്താർ കമ്പി മേലെ നിൻഡ്ര് എന്ന തമിഴ് ചിത്രത്തിൽ പ്രയാഗ നായികയായി ശോഭിച്ചു. ജമാലിന്റെ പുഞ്ചിരി , ബുള്ളറ്റ് ഡയറീസ് എന്നീ ചിത്രങ്ങളാണ് മലയാളത്തിൽ താരത്തിന്റേതായി പുറത്തുവരാനുള്ള പുതിയ പ്രൊജക്ടുകൾ.

താരത്തിന്റെ ഒരു വീഡിയോ ആണ് ഇപ്പോൾ സോഷ്യൽ മീഡിയ കീഴടക്കുന്നത് . കോഴിക്കോട് വച്ച് നടത്തിയ ഒരു സ്വകാര്യ ഫാഷൻ ഷോയിൽ പങ്കെടുക്കുന്ന പ്രയാഗയുടെ വീഡിയോയാണ് ഇപ്പോൾ പ്രേക്ഷക ശ്രദ്ധ നേടുന്നത് . ഈ ഫാഷൻ ഷോയിൽ ഗ്ലാമറസ്സ് ലുക്കിൽ എത്തിയ താരം നോർത്ത് ഇന്ത്യൻ ലുക്കിൽ അതി സുന്ദരിയായാണ് കാണപ്പെട്ടത്. ഈ ഫാഷൻ ഷോയിൽ ഗ്ലാമറസ് ലുക്കിൽ റാംപ് വാക്ക് ചെയ്യുന്ന താരത്തിന്റെ വീഡിയോ ആണ് വൈറലായി മാറുന്നത്.

പ്രശസ്ത സംവിധായകനായ സന്തോഷ് ശിവൻ ഒരുക്കുന്ന ഏറ്റവും പുതിയ മലയാള ചിത്രമായ ജാക്ക് ആൻഡ് ജിൽ ഇപ്പോഴിതാ തമിഴിലും പുറത്തിറങ്ങുന്നു എന്ന വിവരം ഇതിനോടകം പ്രേക്ഷകരുടെ മുന്നിലെത്തിയതാണ്. ഈ സയൻസ് ഫിക്ഷൻ കോമഡി ചിത്രം ഒരേ സമയം മലയാളത്തിലും തമിഴിലുമായൊരുക്കിയ പുറത്തിറക്കുകയാണ്. തമിഴിൽ ഈ ചിത്രത്തിന്റെ പേര് സെന്റിമീറ്റർ എന്നാണ്. ഏതാനും ദിവസങ്ങൾക്കു മുൻപ് തമിഴ് പതിപ്പിന്റെ ട്രൈലെർ പുറത്ത് വരികയും വലിയ പ്രേക്ഷക ശ്രദ്ധ നേടുകയും ചെയ്തിരുന്നു. ജാക്ക് ആൻഡ് ജില്ലിൽ നടൻ സൗബിൻ ഷാഹിർ അവതരിപ്പിക്കുന്ന കഥാപാത്രം തമിഴ് പതിപ്പിൽ അവതരിപ്പിക്കുന്നത് പ്രശസ്ത തമിഴ് ഹാസ്യ നടൻ യോഗി ബാബുവാണ്. ഇത് തന്നെയാണ് തമിഴ് പതിപ്പിന്റേയും മലയാളം പതിപ്പിന്റേയും പ്രധാന വ്യത്യാസം. മലയാള ചിത്രത്തിന്റെ എഡിറ്റിംഗ് കൈകാര്യം ചെയ്തിരിക്കുന്നത് രഞ്ജിത്ത് ടച് റിവറും തമിഴ് വേർഷനിൽ എഡിറ്റിംഗ് കൈകാര്യം ചെയ്തിരിക്കുന്നത് ലോറൻസ് കിഷോറുമാണ്.

മലയാളത്തിൽ സൂപ്പർ ഹിറ്റായി മാറിയ ഈ ചിത്രത്തിലെ കിം കിം എന്ന ഗാനത്തിന്റെ തമിഴ് വേർഷൻ ഇപ്പോഴിതാ പുറത്തു വിട്ടിരിക്കുകയാണ്. മഞ്ജു വാര്യർ ആലപിച്ച ഈ ഗാനം തമിഴിലും ആലപിച്ചിരിക്കുന്നത് മഞ്ജു തന്നെയാണ് . ലളിതാനന്ദാണ് ഈ ഗാനത്തിന് വരികൾ തയ്യാറാക്കിയത് . ഈ ഗാനത്തിന് ഈണം പകർന്നിരിക്കുന്നത് റാം സുരീന്ദർ ആണ്. മഞ്ജു വാര്യർ, യോഗി ബാബു എന്നിവരോടൊപ്പം കാളിദാസ് ജയറാം, ബേസിൽ ജോസഫ്, അജു വർഗീസ്,നെടുമുടി വേണു, ഇന്ദ്രൻസ്, സേതുലക്ഷ്‌മി, ഷായ്‌ലി കിഷൻ, എസ്ഥേർ അനിൽ എന്നിവരും ഈ ചിത്രത്തിൽ പ്രധാന വേഷങ്ങളിൽ എത്തുന്നു.

ഇപ്പോൾ പുറത്തുവന്നിരിക്കുന്ന കിം കിം തമിഴ് വേർഷൻ ഗാന രംഗത്തിൽ മഞ്ജു വാര്യർക്കൊപ്പം ആടിപ്പാടുന്ന നടൻ യോഗി ബാബുവിനെയും കാണാം. ശ്രീ ഗോകുലം മൂവീസിന്റെ ബാനറിൽ ഒരുങ്ങുന്ന ഈ ചിത്രം നിർമ്മിക്കുന്നത് ഗോകുലം ഗോപാലൻ, സംവിധായകൻ സന്തോഷ് ശിവൻ, എം പ്രശാന്ത് ദാസ് എന്നിവർ ചേർന്നാണ് . സന്തോഷ് ശിവൻ, അജിൽ എന്നിവർ ചേർന്നാണ് ഈ ചിത്രത്തിന് തിരക്കഥ രചിച്ചിരിക്കുന്നത്.