Movie Updates

മലയാള സിനിമയിലെ യുവ താരങ്ങളിൽ ശ്രദ്ധേയനായ നടൻ ദുൽഖർ സൽമാൻ കേന്ദ്ര കഥാപാത്രമായി എത്തുന്ന ഏറ്റവും പുതിയ തെലുങ്ക് ചിത്രമാണ് സീതാ രാമം. ഈ തെലുങ്ക് ചിത്രം മൊഴിമാറ്റത്തോടെ മലയാളം, തമിഴ് ഭാഷകളിലും എത്തുന്നുണ്ട്. ഇതിനോടകം പുറത്തിറങ്ങിയ ഈ ചിത്രത്തിന്റെ പോസ്റ്ററുകൾ, പ്രൊമോ വീഡിയോ എന്നിവയെല്ലാം സോഷ്യൽ മീഡിയയിൽ വളരെയധികം ശ്രദ്ധ നേടിയിരുന്നു. ഇപ്പോഴിതാ ഈ ചിത്രത്തിലെ പുതിയ ഗാനത്തിന്റെ ഒരു ലിറിക്കൽ വീഡിയോ പുറത്തുവിട്ടിരിക്കുകയാണ്. ഈ ഗാനത്തിന്റെ മലയാള പതിപ്പിലെ വരികളാരംഭിക്കുന്നത് പെണ്പൂവേ തേൻവണ്ടേ എന്നാണ് . മലയാളത്തിൽ അരുൺ ആലാട്ട് ആണ് ഈ ഗാനത്തിന് വരികൾ രചിച്ചിരിക്കുന്നത്. വിശാൽ ചന്ദ്രശേഖറാണ് ഈ ഗാനത്തിന് ഈണം പകർന്നിരിക്കുന്നത് . മലയാളത്തിൽ ശരത്, നിത്യ മാമൻ എന്നിവരാണ് ഈ ഗാനം ആലപിച്ചിരിക്കുന്നത്. മനോഹരമായ ഈ പ്രണയഗാനം പുറത്തിറങ്ങി നിമിഷ നേരങ്ങൾക്കകം ആരാധകരുടെ ശ്രദ്ധ നേടിയെടുത്തു.

മൃണാൾ താക്കൂർ നായികയായെത്തുന്ന ഈ ചിത്രം ലെഫ്റ്റനന്റ് റാമിന്റെ പ്രണയകഥയാണ് പറയുന്നത്. ഈ ചിത്രത്തിലെ ഒരു നിർണ്ണായകമായ വേഷം ചെയ്യുന്നത് നടി രശ്മിക മന്ദാനയാണ്. ഈ ചിത്രം സംവിധാനം ചെയ്യുന്നത് ഹനു രാഘവപുടി ആണ്. സ്വപ്ന സിനിമ, വൈജയന്തി മൂവീസ് എന്നിവർ ചേർന്നാണ് ഈ ചിത്രം നിർമ്മിക്കുന്നത് . പി എസ് വിനോദ് ആണ് ചിത്രത്തിന്റെ ക്യാമറമാൻ . കോട്ടഗിരി വെങ്കിടേശ്വര റാവു ആണ് എഡിറ്റിംഗ് കൈകാര്യം ചെയ്തിരിക്കുന്നത്. ദുൽഖർ തെലുങ്കിൽ അരങ്ങേറ്റം കുറിച്ചത് കീർത്തി സുരേഷ് പ്രധാന വേഷത്തിൽ എത്തിയ മഹാനടി എന്ന ചിത്രത്തിൽ ജമിനി ഗണേശനായി അഭിനയിച്ചു കൊണ്ടാണ് . റോഷൻ ആൻഡ്രൂസ് ഒരുക്കിയ മലയാള ചിത്രമായ സല്യൂട്ടാണ് ദുൽഖറിന്റേതായി പുറത്തിറങ്ങിയ അവസാന ചിത്രം . ഇനി താരത്തിന്റേതായി റിലീസ് ചെയ്യാനുള്ളത് തെലുങ്കു ചിത്രമായ സീത രാമം, ഹിന്ദി ചിത്രം ചുപ്, നെറ്റ് ഫ്ലിക്സ് സീരിസ് ആയ ഗൺസ് ആൻഡ് ഗുലാബ്‌സ് എന്നിവയാണ്.

നെൽസൺ ദിലീപ്കുമാർ രചിച്ചു സംവിധാനം ചെയ്ത് ദളപതി വിജയ് നായകനായെത്തിയ ചിത്രമായിരുന്നു ബീസ്റ്റ്. ഏപ്രിൽ പതിമൂന്നിനാണ് ഈ ചിത്രം, ആഗോള റിലീസായെത്തിയത്. നിരൂപകരിൽ നിന്ന് വിമർശനവും പ്രേക്ഷകരിൽ നിന്ന് സമ്മിശ്ര പ്രതികരണവും നേടിയ ഈ വിജയ് ചിത്രം 250 കോടിയോളം രൂപയാണ് ബോക്‌സ് ഓഫീസിൽ നിന്ന് കരസ്ഥമാക്കിയത് . ഇപ്പോഴിതാ ഒറ്റിറ്റി പ്ലാറ്റ്‌ഫോമുകളായ നെറ്റ് ഫ്ലിക്‌സ്, സണ് നെക്സ്റ്റ് എന്നിവയിൽ മെയ് പതിനൊന്ന് മുതൽ ഈ ചിത്രം സ്ട്രീം ചെയ്ത് തുടങ്ങും. അതിനു മുൻപ് പ്രേക്ഷകർക്കായി ഈ ചിത്രത്തിലെ മെഗാ ഹിറ്റായ അറബിക് കുത്തു ഗാനത്തിന്റെ ഫുൾ വീഡിയോ പുറത്തു വിട്ടിരിക്കുകയാണ്. ദളപതി വിജയ്യുടേയും നായിക പൂജ ഹെഗ്‌ഡെയുടേയും അത്യുഗ്രൻ ഡാൻസ് പെർഫോമൻസ് തന്നെയാണ് ഈ ഗാനത്തിന്റെ ഹൈലൈറ്റ്. ഇതിന്റെ ലിറിക്കൽ വീഡിയോ നേരത്തെ തന്നെ റിലീസ് ചെയ്യുകയും യൂട്യൂബിൽ റെക്കോർഡുകൾ തകർത്താണ് മുന്നേറുകയും ചെയ്തിരുന്നു.

പാൻ വേൾഡ് സോങ് എന്ന ടൈറ്റിൽ നൽകി അറബിക് സ്റ്റൈൽ മ്യൂസിക്, വരികൾ എന്നിവക്കൊപ്പം തമിഴ് ബീറ്റുകൾ മിക്സ് ചെയ്തു കൊണ്ടാണ് ഈ ഗാനം റിലീസ് ചെയ്തത്. ഈ ഗാനത്തിന് വരികൾ രചിച്ചത് തമിഴിലെ യുവ സൂപ്പർ താരം ശിവകാർത്തികേയൻ ആണ്. അനിരുദ്ധ് രവിചന്ദരാണ് ഈ ഗാനത്തിന് ഈണം പകർന്നിരിക്കുന്നത് . ഈ ഗാനം പാടി മനോഹരമാക്കിയത് അനിരുദ്ധ് രവിചന്ദർ, ജോണിത ഗാന്ധി എന്നിവരാണ് . ഈ ബിഗ് ബഡ്ജറ്റ് ചിത്രം നിർമ്മിച്ചത് സൺ പിക്ചേഴ്സ് ആണ്. ഈ ചിത്രത്തിൽ സെൽവ രാഘവൻ, യോഗി ബാബു, ഷൈൻ ടോം ചാക്കോ, വിടിവി ഗണേഷ്, അപർണ്ണ ദാസ്, പുകഴ് എന്നിവരും വേഷമിട്ടിട്ടുണ്ട്. മനോജ് പരമഹംസ ആണ് ചിത്രത്തിന്റെ ക്യാമറമാൻ . ആർ നിർമ്മലാണ് ഈ ചിത്രം എഡിറ്റ് ചെയ്തിരിക്കുന്നത് .

പ്രശസ്ത ഛായാഗ്രാഹകനും സംവിധായകനുമായ സന്തോഷ് ശിവൻ അണിയിച്ചൊരുക്കിയ ഏറ്റവും പുതിയ ചിത്രമാണ് ജാക്ക് ആൻഡ് ജിൽ. മലയാളത്തിന്റെ ലേഡി സൂപ്പർ സ്റ്റാർ മഞ്ജു വാര്യർ ആണ് ഈ ചിത്രത്തിലെ കേന്ദ്ര കഥാപാത്രമായി എത്തുന്നത്. ഇതിനോടകം പുറത്തിറങ്ങിയ ഈ ചിത്രത്തിന്റെ ടീസർ, ട്രൈലെർ എന്നിവ സോഷ്യൽ മീഡിയയിൽ സൂപ്പർ ഹിറ്റായി മാറിയിരുന്നു. ഇതിന് പിന്നാലെ, ഇപ്പോഴിതാ ഈ ചിത്രത്തിലെ ഒരു ഗാനവും പുറത്തു വന്നിരിക്കുകയാണ്. നേരത്തെ തന്നെ ഈ ചിത്രത്തിലെ മഞ്ജു വാര്യർ ആലപിച്ച ഒരു ഗാനം റിലീസ് ചെയ്യുകയും അത് വൈറലായി മാറുകയും ചെയ്തിരുന്നു. എങ്ങനൊക്കെ എങ്ങനൊക്കെ എന്ന വരികളോടെ തുടങ്ങുന്ന ഗാനമാണ് ഇപ്പോൾ റിലീസ് ചെയ്തിരിക്കുന്നത് .

ലിറിക് വിഡിയോ ആയാണ് ഈ ഗാനം പുറത്തു വന്നിരിക്കുന്നത്. ചിത്രത്തിന്റെ മേക്കിങ് ദൃശ്യങ്ങൾ കൂടി ഉൾപ്പെടുത്തി കൊണ്ടാണ് ഈ ഗാനത്തിന്റെ ലിറിക് വീഡിയോ പുറത്തുവന്നത്. ബി കെ ഹരിനാരായണൻ ആണ് ഇ ഗാനത്തിന് വരികളെഴുതിയത്. ശ്രീ നന്ദ, റാം സുരീന്ദർ എന്നിവർ ചേർന്നാണ് ഈ ഗാനം ആലപിച്ചത്.

ഈ ഗാനത്തിന് ഈണവും പകർന്നിരിക്കുന്നത് ഗായകൻ റാം സുരേന്ദര് തന്നെയാണ് . അദ്ദേഹം ഒരു നാടൻ പാട്ടിന്റെ ഈണത്തിലാണ് ഈ ഗാനം ഒരുക്കിയത്. സയൻസ് ഫിക്ഷനും ഫാന്റസിയും കോമഡിയും ആക്ഷനും ഒരുപോലെ കൂട്ടി കലർത്തിയാണ് ഈ ചിത്രമൊരുക്കിയിരിക്കുന്നതെന്ന് ഇതിന്റെ ടീസറിൽ നിന്നും ട്രെയ്ലറിൽ നിന്നും വ്യക്തമാണ്. ഈ ചിത്രത്തിൽ സൗബിൻ ഷാഹിർ,ബേസിൽ ജോസഫ്, കാളിദാസ് ജയറാം, അജു വർഗീസ് ,നെടുമുടി വേണു, ഇന്ദ്രൻസ്, , സേതുലക്ഷ്‌മി, ഷായ്‌ലി കിഷൻ, എസ്ഥേർ അനിൽ തുടങ്ങിയവർ പ്രധാന വേഷങ്ങളിൽ എത്തുന്നുണ്ട്. ശ്രീ ഗോകുലം മൂവീസിന്റെ ബാനറിൽ ഒരുക്കുന്ന ഈ ചിത്രം നിർമ്മിച്ചിരിക്കുന്നത് ഗോകുലം ഗോപാലൻ, എം പ്രശാന്ത് ദാസ് , സന്തോഷ് ശിവൻ, എന്നിവർ ചേർന്നാണ് . സന്തോഷ് ശിവൻ ആണ് ചിത്രത്തിന്റെ ക്യാമറമാൻ . രഞ്ജിത് ടച് റിവരാണ് ചിത്രം എഡിറ്റ് ചെയ്തിരിക്കുന്നത്. ഗോപി സുന്ദർ, ജേക്സ് ബിജോയ് എന്നീ സംഗീത സംവിധായകരും ഈ ചിത്രത്തിൽ ഗാനങ്ങളൊരുക്കിയിട്ടുണ്ട്. ഈ ചിത്രത്തിന്റെ തിരക്കഥ രചിച്ചിരിക്കുന്നത് സംവിധായകനായ സന്തോഷ് ശിവൻ, അജിൽ എസ് എം എന്നിവർ ചേർന്നാണ്.

നടി പാർവതി ജയറാം അതിഥിയായി എത്തിയ ഫാഷൻ ഷോ വീഡിയോ സോഷ്യൽ മീഡിയയിൽ തരംഗമാകുന്നു . 1986 ൽ ആണ് പാർവതി മലയാള സിനിമ രംഗത്തേക്ക് കടന്നു വരുന്നത്. അഭിനേത്രി എന്നതിന് പുറമേ നല്ലൊരു നർത്തകി കൂടിയാണ് പാർവതി. വളരെ ചുരുങ്ങിയ കാലയളവിൽ ഒട്ടേറെ മികച്ച ചിത്രങ്ങളുടെ ഭാഗമായി പ്രേക്ഷക മനസ്സിൽ ഇടം നേടാൻ താരത്തിന് സാധിച്ചിട്ടുണ്ട്. 1992 ൽ ആണ് നടൻ ജയറാം താരത്തെ വിവാഹം ചെയ്യുന്നത് . വിവാഹത്തോടെ താരം അഭിനയ രംഗത്തോട് വിട പറഞ്ഞു. ഇന്നും നിരവധി പ്രേക്ഷകരാണ് താരത്തിന്റെ തിരിച്ചു വരവിനായി കാത്തിരിക്കുന്നത് .

താരത്തിനോടുള്ള ആരാധന തന്നെയാണ് ഇപ്പോൾ വൈറലാകുന്ന വീഡിയോയ്ക്ക് പിന്നിലും കാണാൻ സാധിക്കുന്നത് . കേരള ഗെയിംസിന്റെ ഭാഗമായി തിരുവനന്തപുരത്തെ കനകക്കുന്ന് എന്ന സ്ഥലത്ത് സംഘടിപ്പിച്ച ഫാഷൻ ഷോയിലാണ് പാർവതി അതിഥിയായി എത്തിയത്. കേരളീയ സുന്ദരിയായി അതിമനോഹരമായി താരം റാംപിൽ ചുവടുവച്ചു. 250 ലേറെ മോഡലുകൾ കൈത്തറി വസ്ത്രങ്ങൾ അണിഞ്ഞ് ആ ഫാഷൻ ഷോയുടെ ഭാഗമായി.

പ്രെഫഷ്ണൽ മോഡലുകൾക്കൊപ്പം കുട്ടികളും, വീട്ടമ്മമാരും, ഭിന്നശേഷിക്കാരും , ട്രാൻസ് ജെൻഡേഴ്സും ഈ ഫാഷൻ ഷോയുടെ ഭാഗമായി. പാർവ്വതിയ്ക്കൊപ്പം വേദിയിൽ ഒരു വൃദ്ധ ദമ്പതികളും, ബുള്ളിലൂടെ ശ്രദ്ധ നേടിയ ഷൈനിയും ഉണ്ടായിരുന്നു . ഏറ്റവും കൂടുതൽ മോഡലുകൾ പങ്കെടുത്ത് റെക്കോർഡ് നേടാനും ഈ ഫാഷൻ ഷോയ്ക്ക് സാധിച്ചു.

തെലുങ്കു സൂപ്പർ താരം മഹേഷ് ബാബുവിനെ നായകനാക്കി പ്രശസ്ത സംവിധായകൻ പരശുറാം പെട്‌ല ഒരുക്കുന്ന ഏറ്റവും പുതിയ ചിത്രമാണ് സര്‍ക്കാരു വാരി പാട്ട. ഏതാനും ദിവസം മുൻപ് ഈ ചിത്രത്തിൻ്റെ ട്രെയിലർ റിലീസ് ചെയ്യുകയും അത് സോഷ്യൽ മീഡിയയിൽ സൂപ്പർ ഹിറ്റായി മാറുകയും ചെയ്തിരുന്നു. മെയ് 12ന് ലോകമെമ്പാടും റിലീസ് ചെയ്യാൻ ഒരുങ്ങി നിൽകുന്ന ഈ ചിത്രത്തിലെ നായിക വേഷം അവതരിപ്പിക്കുന്നത് നടി കീർത്തി സുരേഷ് ആണ്. ഇപ്പോഴിതാ ഈ ചിത്രത്തിലെ മറ്റൊരു ഗാനത്തിന്റെ ലിറിക് വീഡിയോ റിലീസ് ചെയ്തിരിക്കുകയാണ്. മാ മാ മഹേശാ എന്ന വരികളോടെ ആരംഭിക്കുന്ന ഈ ഗാനം ശ്രീ കൃഷ്ണ, ജോണിത ഗാന്ധി എന്നിവർ ചേർന്നാണ് ആലപിച്ചിരിക്കുന്നത്.

അനന്ത ശ്രീറാം രചന നിർവഹിച്ച ഈ ഗാനത്തിന് ഈണം പകർന്നിരിക്കുന്നത് സൂപ്പർ ഹിറ്റ് ഗാനങ്ങൾ പ്രേക്ഷകർക്ക് സമ്മാനിച്ച തമൻ എസ് ആണ്. ഗാന രംഗത്തിൽ മഹേഷ് ബാബു, കീർത്തി സുരേഷ് എന്നിവരുടെ കിടിലൻ നൃത്ത രംഗങ്ങൾ കാണാം .കീർത്തി സുരേഷിന്റെ ഗ്ലാമറസ് ലുക്കാണ് ഈ ഗാനത്തിന്റെ ഏറ്റവും വലിയ ഹൈലൈറ്റ്, . കീർത്തി ഈ ഗാനത്തിൽ അതീവ ഗ്ലാമറസായാണ് പ്രത്യക്ഷപ്പെട്ടിരിക്കുന്നത്.

സംവിധായകൻ പരശുറാം പെട്‌ല തന്നെയാണ് ഈ ചിത്രത്തിൻ്റെ കഥ തയ്യാറാക്കിയിരിക്കുന്നത്. മൈത്രി മൂവി മേക്കേഴ്‌സ്, ജി.എം.ബി എന്റര്‍ടൈന്‍മെന്റ്, 14 റീല്‍സ് പ്ലസ് എന്നിവയുടെ ബാനറില്‍ ഒരുങ്ങുന്ന ഈ ചിത്രം നിർമ്മിക്കുന്നത് നവീന്‍ യെര്‍നേനി, രാം അജന്ത, വൈ. രവിശങ്കര്‍, ഗോപിചന്ദ് അജന്ത എന്നിവര്‍ ചേര്‍ന്നാണ് . കേന്ദ്ര കഥാപാത്രങ്ങളെ കൂടാതെ വെണ്ണല കിഷോർ, സുബ്ബരാജു എന്നിവരും ഈ ചിത്രത്തിൽ വേഷമിട്ടിരിക്കുന്നു . ഈ ചിത്രത്തിലെ കലാവതി എന്ന ഗാനം നേരത്തെ തന്നെ റിലീസ് ചെയ്യുകയും സൂപ്പർ ഹിറ്റായി മാറുകയും ചെയ്തിട്ടുണ്ട്. സോഷ്യൽ മീഡിയയിൽ ട്രെൻഡിങ്ങായി മാറിയ ഈ ഗാനം സിദ് ശ്രീറാം ആണ് ആലപിച്ചിരിക്കുന്നത് . മാര്‍ത്താണ്ഡ് കെ വെങ്കിടേഷ് ആണ് എഡിറ്റിംഗ് കൈകാര്യം ചെയ്തിരിക്കുന്നത്. ഈ ചിത്രത്തിന്റെ ഛായാഗ്രഹണം നിർവഹിച്ചിരിക്കുന്നത് ആര്‍. മാധിയാണ് .

ചുരുക്കം ചില ചിത്രങ്ങൾ കൊണ്ട് തന്നെ മലയാളി പ്രേക്ഷകരുടെ മനസ്സിൽ ഇടം നേടിയ യുവ നടിയാണ് ദുർഗ കൃഷ്ണ. പൃഥ്വിരാജ് നായകനായി എത്തിയ വിമാനം എന്ന സിനിമയിലൂടെ അഭിനയരംഗത്തേക്ക് കടന്നു വന്ന താരമാണ് ദുർഗ. തുടർന്ന് പ്രേതം 2, കുട്ടിമാമ, ലവ് ആക്ഷൻ ഡ്രാമ, കോൺഫെഷൻ ഓഫ് കുക്കൂ തുടങ്ങിയ സിനിമകളിൽ താരം അഭിനയിച്ചിട്ടുണ്ട്. ഇപ്പോഴിതാ ദുർഗ അഭിനയിച്ച ആദ്യ കന്നഡ ചിത്രത്തിന്റെ ട്രെയിലർ ഇപ്പൊൾ റിലീസ് ചെയ്തിരിക്കുകയാണ്.
കന്നഡയിൽ താരം തൻ്റെ ചുവടുറപ്പിക്കുന്നത് 21 അവേഴ്സ്’ എന്ന സിനിമയിലൂടെയാണ്. കന്നഡ നടൻ ധനഞ്ജയുടെ നായികയായിട്ടാണ് ദുർഗ അഭിനയിക്കുന്നത്. ജയശങ്കർ പണ്ഡിറ്റ് ആണ് ഈ ചിത്രം സംവിധാനം ചെയ്യുന്നത്. അഹം കൺസെപ്റ്റമിന്റെ ബാനറിൽ ഒരുങ്ങുന്ന ഈ ചിത്രം നിർമിക്കുന്നത് എൻ.എസ ബാലകൃഷ്ണ, അഭിഷേക്, സുനിൽ ഗൗഡ, പ്രവീൺ മഹാദേവ എന്നിവർ ചേർന്നാണ്.

മലയാളി താരമായ സുദേവ് നായരും ഈ ചിത്രത്തിൽ ഒരു പ്രധാന വേഷത്തെ അവതരിപ്പിക്കുന്നുണ്ട്. ഈ സിനിമയുടെ ട്രെയിലറിൽ സുദേവ് ഒരു സീനിൽ മലയാളത്തിൽ തന്നെയാണ് സംസാരിക്കുന്നതും. ദുർഗയെ പോലെ തന്നെ സുദേവിന്റെയും കന്നഡയിലെ ആദ്യ ചിത്രമാണിത്. ദുർഗയുടെ ഹോട്ട് രംഗങ്ങളും ഉൾക്കൊള്ളിച്ചുകൊണ്ടുള്ള ഒരു ട്രെയിലർ ആണ് ഇപ്പൊൾ പുറത്ത് വിട്ടിരിക്കുന്നത്. മലയാള ചിത്രം ഉടൽ എന്ന സിനിമയുടെ ഈ അടുത്തിടെ പുറത്തിറങ്ങിയ ട്രൈലറിലും അത്തരം ഒരു രംഗമുണ്ടായിരുന്നു.
ട്രെയിലറിൽ നിന്ന് ഒരു ത്രില്ലർ ചിത്രമായിരിക്കും ഇതെന്ന് വ്യക്തമാണ്. ദുർഗ ഇതുവരെ മലയാളത്തിൽ മാത്രം അഭിനയിച്ചിട്ടുള്ള താരമാണ് .

അതുകൊണ്ട് തന്നെ പ്രേക്ഷകർ ഏറെ പ്രതീക്ഷയോടെയാണ് താരത്തിന്റെ ആദ്യ അന്യഭാഷ സിനിമയ്ക്ക് വേണ്ടി കാത്തിരിക്കുന്നത്. ഈ സിനിമ തിയേറ്ററുകളിൽ റിലീസിന് ഒരുങ്ങുന്നത് മെയ് ഇരുപത്തിനാണ്. താരത്തിൻ്റെതായി റിലീസ് ചെയ്യാനുള്ള പുത്തൻ ചിത്രങ്ങൾ ആണ് കിംഗ് ഫിഷ്, കുടുക്ക് 2025 എന്നിവ.

ഇപ്പോൾ സോഷ്യൽ മീഡിയ ശ്രദ്ധ നേടുന്നത് ഏറ്റവും പുതിയ മലയാള ചിത്രമായ കീടത്തിൻ്റെ ട്രെയിലർ ആണ്. രജീഷ വിജയന്‍, ശ്രീനിവാസന്‍ എന്നിവരാണ് ഈ ചിത്രത്തിൽ കേന്ദ്ര കഥാപാത്രങ്ങളായെത്തുന്നത്. ഒരു ത്രില്ലർ പാറ്റേണിലാണ് ഈ ചിത്രത്തിൻ്റെ കഥ ഒരുക്കിയിട്ടുള്ളത്. ഫോണില്‍ ശല്യപ്പെടുത്തുന്നയാളെ നേരിടുന്ന നായിക കഥാപാത്രത്തെയാണ് രജീഷ ഈ ചിത്രത്തിൽ അവതരിപ്പിക്കുന്നത് എന്ന് ഇപ്പൊൾ പുറത്തിറങ്ങിയ ഇതിന്റെ ട്രൈലെറിൽ നിന്നും നമുക്ക് മനസ്സിലാക്കാം . പ്രേക്ഷക മനസ്സുകളെ ത്രില്ലടിപ്പിക്കുന്ന കിടിലൻ രംഗങ്ങൾ കോർത്തിണക്കിയാണ് ഈ ട്രൈലെർ ഒരുക്കിയിട്ടുള്ളത് . സരിഗമ മലയാളം എന്ന യൂട്യൂബ് ചാനലിലൂടെയാണ് ഈ വീഡിയോ പുറത്തുവിട്ടിരിക്കുന്നത്. പ്രേക്ഷകരുടെ മുന്നിൽ നായികാ പ്രാധാന്യമുള്ള ഒരുപിടി ചിത്രങ്ങളിൽ അഭിനയിച്ച് ഞെട്ടിച്ചിട്ടുള്ള രജീഷ, ഒരിക്കൽ കൂടി പ്രേക്ഷകർക്ക് മുന്നിൽ മറ്റൊരു ശ്കതമായ സ്ത്രീകഥാപാത്രമായെത്തുന്ന ചിത്രമാണ് കീടം. രാഹുല്‍ റിജി സംവിധാനം ചെയ്ത ഖോ ഖോ എന്ന ചിത്രത്തിന് ശേഷം അദ്ദേഹം ഒരുക്കുന്ന പുത്തൻ ചിത്രം കൂടിയാണ് കീടം.

സുജിത് വാരിയര്‍, ലിജോ ജോസഫ്, രഞ്ചന്‍ എന്നിവര്‍ ചേർന്ന് നിർമ്മിച്ചിരിക്കുന്ന ഈ ചിത്രം ഫസ്റ്റ് പ്രിന്റ് സ്റ്റുഡിയോസിന്റെ ബാനറില്‍ ആണ് ഒരുക്കിയിട്ടുള്ളത്. ഈ ചിത്രത്തിൻ്റെ തിരക്കഥ രചിച്ചിരിക്കുന്നത് സംവിധായകന്‍ രാഹുല്‍ റിജി നായര്‍ തന്നെയാണ് . രാകേഷ് ധരന്‍ ആണ് ചിത്രത്തിൻ്റെ ക്യാമറമാൻ. ക്രിസ്റ്റി സെബാസ്റ്റിയൻ ആണ് ഈ ചിത്രം എഡിറ്റ് ചെയ്തിരിക്കുന്നത് .

സിദ്ധാർത്ഥ പ്രദീപ് ആണ് ഈ ചിത്രത്തിന് സംഗീതമൊരുക്കിയിട്ടുള്ളത്. രജിഷയെ കൂടാതെ വിജയ് ബാബു, രഞ്ജിത് ശേഖര്‍ നായര്‍, മണികണ്ഠന്‍ പട്ടാമ്പി, ആനന്ദ് മന്‍മധന്‍, മഹേഷ് എം നായര്‍ എന്നിവരാണ് ഈ ചിത്രത്തിലെ മറ്റു പ്രധാന കഥാപാത്രങ്ങളെ അവതരിപ്പിച്ചിട്ടുള്ളത്. വിനീത് വേണു, ജോമ് ജോയ്, ഷിന്റോ കെ എസ് എന്നിവര്‍ ഈ ചിത്രത്തിൻ്റെ സഹ നിർമ്മാതാക്കൾ ആണ്. പ്രണവ് പി. പിള്ളയാണ് ചിത്രത്തിന്റെ എക്സികുട്ടീവ് പ്രൊഡ്യൂസർ . കീടം തീയേറ്ററുകളിലെത്തുന്നത് മെയ് ഇരുപതിനാണ്. ഈ ചിത്രം പാൻ ഇന്ത്യ ലെവലിൽ റിലീസ് ചെയ്യാൻ പോകുന്നത് ക്യാപിറ്റൽ സ്റ്റുഡിയോസാണ് .

വെങ്കട് രാഘവൻ രചനയും സംവിധാനവും നിർവഹിച്ച് എസ്.ജെ സൂര്യ , യാഷിക ആനന്ദ് എന്നിവർ കേന്ദ്ര കഥാപാത്രങ്ങളായി എത്തുന്ന പുത്തൻ തമിഴ് ചിത്രമാണ് കടമൈ സെയ്. ഈ ചിത്രത്തിന്റെ ഒഫീഷ്യൽ ട്രൈലർ ഇപ്പോൾ പുറത്തു വിട്ടിരിക്കുകയാണ്. വസി മ്യൂസിക് എന്റർടൈൻമെന്റ് എന്ന യൂടൂബ് ചാനലിലൂടെ ആണ് ഈ വീഡിയോ റീലീസ് ചെയ്തിരിക്കുന്നത്.

ഒരു കോമഡി ആക്ഷൻ ഡ്രാമ ചിത്രമായാണ് വെങ്കട് രാഘവൻ ഈ ചിത്രം ഒരുക്കിയിട്ടുള്ളത്. മികച്ച നർമ്മ മുഹൂർത്തങ്ങളും ആക്ഷൻ രംഗങ്ങളും നിറഞ്ഞ ഒരു ട്രൈലറാണ് ഇപ്പോൾ പുറത്തു വന്നിരിക്കുന്നത്. റിലീസ് ചെയ്ത് മണിക്കൂറുകൾ പിന്നീടുമ്പോഴേക്കും നിരവധി കാഴ്ചക്കാരെയാണ് ഈ വീഡിയോ സ്വന്തമാക്കിയത്.

കേന്ദ്ര കഥാപാത്രങ്ങളായ എസ്.ജെ സൂര്യ , യാഷിക ആനന്ദ് എന്നിവരെ കൂടാതെ ചിത്രത്തിൽ മൊട്ടൈ രാജേന്ദ്രൻ , വിൻസെന്റ് അശോകൻ , ചാൾസ് വിനോദ്, സേഷു, രാജസിംഹൻ എന്നിവരും പ്രധാന വേഷത്തിൽ എത്തുന്നു . ടി . ആർ രമേഷ് , എസ്. സഹീർ ഹുസൈൻ എന്നിവർ ചേർന്നാണ് ഈ ചിത്രം നിർമ്മിക്കുന്നത്. അരുൺ ഭാരതി വരികൾ രചിച്ച ചിത്രത്തിലെ ഗാനങ്ങൾക്ക് സംഗീതം നൽകിയിരിക്കുന്നത് അരുൺ രാജ് ആണ്. ചിത്രത്തിലെ സംഘട്ടന രംഗങ്ങൾ ഒരുക്കിയിട്ടുള്ളത് പ്രദീപ് ദിനേഷ് ആണ്. ചിത്രത്തിന്റെ എഡിറ്റിംഗ് കൈകാര്യം ചെയ്തിരിക്കുന്നത് ശ്രീകാന്ത് എൻ.ബി ആണ് .

മലയാള സിനിമയിലെ ശ്രദ്ധേയ നടനും രചയിതാവുമായ അനൂപ് മേനോൻ സംവിധാനം ചെയ്ത പുതിയ ചിത്രമാണ് പദ്മ. അനൂപ് മേനോനൊരുക്കിയ കിംഗ് ഫിഷ് എന്ന ചിത്രത്തിന് ശേഷം റിലീസിനൊരുങ്ങി നിൽക്കുന്ന അദ്ദേഹത്തിന്റെ പുത്തൻ ചിത്രമാണിത്. ഇപ്പോഴിതാ റിലീസിന് തൊട്ടു മുൻപായി ഈ ചിത്രത്തിലെ പുതിയ ഗാനം പ്രേക്ഷകർക്കായി പുറത്തുവിട്ടു. പവിഴ മന്താര എന്ന് തുടങ്ങുന്ന ഗാനമാണിപ്പോൾ പ്രേക്ഷകരിലേക്ക് എത്തിയിരിക്കുന്നത്. അനൂപ് മേനോൻ തന്നെയാണ് ഈ ഗാനത്തിന് വരികളെഴുതിയത്. നിനോയ് വർഗീസ് സംഗീതം നൽകിയ ഈ ഗാനം ആലപിച്ചിരിക്കുന്നത് രാജ്‌കുമാർ രാധാകൃഷ്ണൻ ആണ്.

അനൂപ് മേനോൻ തന്നെ നിർമ്മിക്കുന്ന ഈ ചിത്രം അനൂപ് മേനോൻ സ്റ്റോറീസിന്റെ ബാനറിൽ ആണ് പുറത്തിറങ്ങുന്നത്. ഈ ചിത്രത്തിലെ പ്രധാന വേഷങ്ങളിൽ എത്തിയിരിക്കുന്നത് ദേശീയ അവാർഡ് ജേതാവായ നടി സുരഭി ലക്ഷ്മിയും അനൂപ് മേനോനും ആണ്. ഇന്ന് വന്ന പുതിയ ഗാനം മ്യൂസിക് 24 x 7 ന്റെ യൂട്യൂബ് ചാനലിലൂടെയാണ് പുറത്തുവിട്ടത്.

നേരത്തെ ഈ ചിത്രത്തിലെ വിജയ് യേശുദാസ് പാടിയ കനൽകാറ്റിലെങ്ങോ എന്ന ഗാനവും, ഹരിശങ്കർ പാടിയ കാണാതെ കണ്ണിനുള്ളില്‍ എന്ന ഗാനവും പുറത്തിറങ്ങുകയും മികച്ച പ്രേക്ഷക ശ്രദ്ധ നേടുകയും ചെയ്തിരുന്നു. ഈ ചിത്രത്തിൽ ശങ്കര്‍ രാമകൃഷ്ണന്‍, ശ്രുതി രജനീകാന്ത്, മെറീന മൈക്കിള്‍ തുടങ്ങിയ താരങ്ങളും പ്രധാന കഥാപാത്രങ്ങളെ അവതരിപ്പിക്കുന്നു. ഇവരെ കൂടാതെ ഒട്ടേറെ പുതുമുഖങ്ങളും ഈ ചിത്രത്തിൽ വേഷമിടുന്നുണ്ട്. ചിത്രത്തിന്റെ ഛായഗ്രഹണം നിർവഹിച്ചിരിക്കുന്നത് മഹാദേവന്‍ തമ്പിയും എഡിറ്റിംഗ് നിർവഹിച്ചിരിക്കുന്നത് സിയാനുമാണ്. നടൻ അനുപ് മേനോൻ തന്നെയാണ് ഈ ചിത്രത്തിന്റെ കഥ, തിരക്കഥ, സംഭാഷണം എന്നിവയൊരുക്കിയിരിക്കുന്നത്. ഇതിനോടകം പുറത്തിറങ്ങിയ ചിത്രത്തിന്റെ ടീസറുകളും പോസ്റ്ററുകളും കൂടാതെ ശ്രുതി രജനികാന്തിന്റെ ടിക് ടോക് ഡാന്‍സ് ഉള്‍പ്പെടുത്തിയ വീഡിയോയും ഏറെ പ്രേക്ഷക ശ്രദ്ധ നേടിയിരുന്നു.

മലയാളത്തിന്റെ പ്രിയതാരം സൗബിൻ ഷാഹിറിനെ കേന്ദ്ര കഥാപാത്രമാക്കി സിദ്ധാർത്ഥ് ഭരതൻ സംവിധാനം ചെയ്ത ഏറ്റവും പുതിയ ചിത്രമാണ് ജിന്ന് . ഈ ചിത്രത്തിന്റെ ഒഫീഷ്യൽ ട്രൈലർ ഇപ്പോൾ റിലീസ് ചെയ്തിരിക്കുകയാണ്. സൗബിന്റെ മികച്ച അഭിനയ മുഹൂർത്തങ്ങളാണ് ഈ ട്രൈലറിൽ നമുക്ക് കാണാൻ സാധിക്കുന്നത്. മാനസിക വിഭ്രാന്തിയും ആത്മഹത്യാ പ്രവണതയുമുള്ള ഒരു കഥാപാത്രത്തെയാണ് ചിത്രത്തിൽ സൗബിൻ അവതരിപ്പിക്കുന്നതെന്ന് ട്രൈലറിൽ നിന്ന് വ്യക്തമാണ്. സരിഗമ മലയാളം എന്ന യൂട്യൂബ് ചാനലിലൂടെയാണ് ഈ ട്രൈലർ പുറത്തുവിട്ടിട്ടുള്ളത്.

കേന്ദ്ര കഥാപാത്രമായ സൗബിനെ കൂടാതെ ശാന്തി ബാലചന്ദ്രൻ , ഷറഫുദ്ദീൻ, ഷൈൻ ടോം ചാക്കോ , സാബുമോൻ , ലിയോണ ലിഷോയ്, കെ.പി.എ.സി ലളിത, ജാഫർ ഇടുക്കി, നിഷാന്ത് സാഗർ എന്നിവരും ചിത്രത്തിൽ പ്രധാന വേഷങ്ങളെ അവതരിപ്പിക്കുന്നു. ചിത്രത്തിന്റെ തിരക്കഥയും സംഭാക്ഷണവും രചിച്ചിരിക്കുന്നത് രാജേഷ് ഗോപിനാഥൻ ആണ്. ചിത്രത്തിന് വേണ്ടി സംഗീതം ഒരുക്കിയിട്ടുള്ളത് പ്രശാന്ത് പിള്ളയാണ്. സ്ട്രൈറ്റ്‌ലൈൻ സിനിമാസിന്റെ ബാനറിൽ സുധീർ വി.കെ, മനുവലിയ വീട്ടിൽ എന്നിവരാണ് ഈ ചിത്രം നിർമ്മിക്കുന്നത്. മൃദുൽ വി നാഥ് , ചിത്രാംഗത കുറുപ്പ്, നദീം പി.കെ, ജോഷ്വിൻ ജോയ് എന്നിവർ ഈ ചിത്രത്തിന്റെ സഹ നിർമ്മാതാക്കൾ ആണ്. എഡിറ്റിംഗ് കൈകാര്യം ചെയ്തിരിക്കുന്നത് ദീപു ജോസഫ് ആണ്.