Movie Updates

മലയാള സിനിമയിൽ നടി സാനിയ ഇയ്യപ്പൻ അറിയപ്പെടുന്നത് ഫാഷൻ ക്വീൻ എന്നാണ് .സാനിയയ്ക്ക് അടുത്ത മാസം 20 വയസ്സ് തികയുകയാണ്. ഈ ചെറുപ്രായത്തിലേ സിനിമയിൽ വ്യക്തി മുദ്ര പതിപ്പിച്ച് ശ്രദ്ധേയയായി മാറാൻ സാനിയയ്ക്ക് കഴിഞ്ഞിട്ടുണ്ട്. ഒരു ഡാൻസ് റിയാലിറ്റി ഷോയിലൂടെയാണ് കുട്ടി സാനിയയെ പ്രേക്ഷകർക്ക് പരിചിതമായത്. ഇതിലൂടെ പ്രേക്ഷക ശ്രദ്ധ നേടിയ താരം പിന്നീട് ബാലതാരമായി മലയാള സിനിമയിൽ അരങ്ങേറ്റം കുറിച്ചു. ഒട്ടും വൈകാതെ നായിക നിരയിലേക്കും താരം ഉയർന്നു.

വളരെ ചെറിയ പ്രായത്തിൽ തന്നെ സിനിമ രംഗത്തേക്ക് എത്തിയത് കൊണ്ട് സാനിയയ്ക്ക് ഇനിയും വർഷങ്ങളോളം സിനിമയിൽ തുടരാൻ സാധിക്കും. സാനിയ ആദ്യമായി നായികയായി അഭിനയിക്കുന്നത് നവാഗതരെ പ്രധാന വേഷത്തിൽ അഭിനയിപ്പിച്ച ക്വീൻ എന്ന സൂപ്പർഹിറ്റ് ചിത്രത്തിലാണ് . ശേഷം കൈനിറയെ ചിത്രങ്ങളാണ് താരത്തിന് വന്നു കൊണ്ടിരുന്നത്. മലയാളത്തിൽ ഏറ്റവും കൂടുതൽ കളക്ഷൻ നേടിയ മോഹൻ ലാൽ ചിത്രം ലൂസിഫറിലും സാനിയ ഒരു പ്രധാന കഥാപാത്രത്തെ അവതരിപ്പിച്ചിരുന്നു.

സോഷ്യൽ മീഡിയയിൽ സാനിയ ഒരു സജീവ താരമാണ്. താരത്തിന്റെ ചെറിയ ചെറിയ ഫോട്ടോഷൂട്ടുകൾ ലോക്ക് ഡൗൺ നാളിൽ ശ്രദ്ധനേടുകയും പിന്നീട് താരം ഗ്ലാമറസ് വേഷങ്ങളിലെ ഷൂട്ടുകളിൽ ശ്രദ്ധിക്കപ്പെടുകയും ചെയ്തു. താരത്തിന്റെ പോസ്റ്റുകൾ എല്ലാം തന്നെ ആരാധകർ ഏറ്റെടുക്കുകയും വൈറലായി മാറുകയും ചെയ്തിട്ടുണ്ട്. സാനിയയ്ക്ക് ഏത് തരം ഡ്രെസ്സും ചേരും എന്നതാണ് മറ്റൊരു പ്രതേകത. ഫാഷൻ ക്വീൻ എന്നറിയപ്പെടുന്നതും അതുകൊണ്ട് തന്നെയാണ് .

ഇപ്പോഴിതാ സോഷ്യൽ മീഡിയയിൽ ശ്രദ്ധ നേടുന്നത് സാനിയയുടെ ഒരു ബിക്കിനി ഫോട്ടോഷൂട്ടാണ് . സാനിയയുടെ ബിക്കിനി ഷൂട്ട് ഇതിന് മുമ്പും സോഷ്യൽ മീഡിയ കീഴടക്കിയിട്ടുണ്ട്. താരത്തിന്റെ ചിത്രങ്ങൾ എടുത്തിരിക്കുന്നത് കിഷോർ രാധാകൃഷ്ണനാണ് . സ്റ്റൈലിംഗ് നിർവഹിച്ചിരിക്കുന്നത് സ്മിജി കെ.ടിയും മേക്കപ്പ് ഉണ്ണി പി.എസും ആണ്. സാനിയ ഇതിന്റെ ഒരു ബി.ടി.എസ് വീഡിയോയും ഇപ്പോൾ പങ്കുവച്ചിട്ടുണ്ട്.

അൽഫോൻസ് പുത്രന്റെ സംവിധാനത്തിൽ ഒരുങ്ങിയ സൂപ്പർ ഹിറ്റ് ചിത്രങ്ങളായ നേരം, പ്രേമം എന്നിവയ്ക്ക ശേഷം അദ്ദേഹം അണിയിച്ചൊരുക്കുന്ന ഏറ്റവും പുതിയ ചിത്രമാണ് ഗോൾഡ്. പ്രേക്ഷകരുടെ മുന്നിലേക്ക് ഒരു അൽഫോൻസ് പുത്രൻ ചിത്രം എത്താൻ പോകുന്നത് ഏഴു വർഷത്തെ ഇടവേളയ്ക്കു ശേഷമാണ് എന്ന കാര്യം എടുത്തു പറയേണം. ഈ ചിത്രത്തിൽ നടൻ പൃഥ്വിരാജ് സുകുമാരൻ ആണ് നായകനായി എത്തുന്നത്. ഈ ചിത്രത്തിന്റെ ആദ്യ ടീസർ ഇന്ന് റിലീസ് ചെയ്തിരിക്കുകയാണ്. ഈ ടീസർ പുറത്തു വിട്ടിരിക്കുന്നത് മാജിക് ഫ്രെയിംസിന്റെ യൂട്യൂബ് ചാനലിലൂടെയാണ് .

തീയേറ്ററുകളിൽ മാർച്ച് 25 വെള്ളിയാഴ്ച മുതൽ ഈ ടീസർ പ്രദർശിപ്പിച്ചു തുടങ്ങും. ഇന്ന് വന്ന ടീസർ ഏതു തരത്തിൽ ഉള്ളതായിരിക്കും എന്നഗോൾഡ് എന്ന ചിത്രം എന്നുള്ള ഒരു സൂചനയാണ് തരുന്നത്. ചിത്രത്തിൽ നായികാ വേഷം അവതരിപ്പിക്കുന്നത് തമിഴിലെ ലേഡി സൂപ്പർ സ്റ്റാർ നയൻ താര ആണ്. പൃഥ്വിരാജ് സുകുമാരനും മാജിക് ഫ്രെയിംസിന്റെ ബാനറിൽ ലിസ്റ്റിൻ സ്റ്റീഫനും ചേർന്നാണ് ഈ ചിത്രം നിർമ്മിക്കുന്നത്.

അൽഫോൻസ് പുത്രൻ തന്നെയാണ് ചിത്രത്തിന്റെ രചന നിർവ്വഹിച്ചിരിക്കുന്നത്. ചിത്രത്തിൽ കേന്ദ്ര കഥാപാത്രങ്ങളായ നയൻ താരയേയും പൃഥിരാജിനേയും കൂടാതെ ശബരീഷ് വർമ്മ, ലാലു അലക്സ്, പ്രേം കുമാർ, സൈജു കുറുപ്പ്മല്ലിക സുകുമാരൻ, അജ്മൽ അമീർ, തെസ്നി ഖാൻ, ബാബുരാജ്, ജഗദീഷ്, കൃഷ്ണ ശങ്കർ, , ഷമ്മി തിലകൻ, ശാന്തി കൃഷ്ണ, ചെമ്പൻ വിനോദ്, എന്നിവരും അണിനിരക്കുന്നുണ്ട്.

ഏതായാലും ടീസറിൽ നിന്നും ഒരു കോമഡി ത്രില്ലർ ആയിരിക്കും ഗോൾഡ് എന്ന സൂചനയാണ് ലഭിക്കുന്നത്. രാജേഷ് മുരുഗേശൻ ആണ് ചിത്രത്തിന് വേണ്ടി സംഗീതം ഒരുക്കിയിരിക്കുന്നത്. അൽഫോൻസ് പുത്രൻ തന്നെയാണ് എഡിറ്റിംഗും കൈകാര്യം ചെയ്തിരിക്കുന്നത്. ആനന്ദ് സി ചന്ദ്രൻ ആണ് ക്യാമറമാൻ . അൽഫോൻസ് പുത്രൻ തന്നെയാണ് ഈ ചിത്രത്തിന്റെ സംഘട്ടന സംവിധാനം, കളർ ഗ്രേഡിംഗ് എന്നിവ നിർവഹിച്ചിട്ടുള്ളതും. പൃഥ്വിരാജ് , ജോഷി എന്ന കഥാപാത്രത്തെയാണ് ചിത്രത്തിൽ അവതരിപ്പിക്കുന്നത്. നയൻ താര എത്തുന്നത് സുമംഗലി എന്ന കഥാപാത്രം ആയാണ് .

കെ ജി എഫ് എന്ന ചിത്രം കന്നഡ സിനിമയുടെ തലവര മാറ്റി എഴുതിയ ഒരു ചിത്രമാണ്. ഈ ചിത്രത്തിന്റെ രണ്ടാം ഭാഗം ഇപ്പോൾ റിലീസിനായി ഒരുങ്ങുകയാണ്. പ്രേക്ഷകർക്ക് മുന്നിലേക്ക് ഏപ്രിൽ പതിനാലിന് ആണ് കെ ജി എഫ് രണ്ടാം ഭാഗം എത്തുന്നത്. ഈ ചിത്രം കന്നഡയിൽ മാത്രമല്ല മലയാളം, തമിഴ്, തെലുങ്കു, ഹിന്ദി ഭാഷകളിലും എത്തുന്നുണ്ട്. ഇപ്പോൾ ഈ ചിത്രത്തിലെ ആദ്യ ലിറിക്കൽ വീഡിയോ സോങ് പുറത്തു വിട്ടിരിക്കുകയാണ്. ഇപ്പോൾ സോഷ്യൽ മീഡിയയിൽ കൊടുങ്കാറ്റു പോലെയാണ് വീശിയടിക്കുന്ന ഈ ഗാനത്തിന് തൂഫാൻ എന്നാണ് പേരിട്ടിരിക്കുന്നത്. ഈ ഗാനം വമ്പൻ പ്രേക്ഷക പ്രശംസയാണ് നേടി .

പ്രശാന്ത് നീൽ സംവിധാനം ചെയ്തിരിക്കുന്ന ഈ ചിത്രത്തിൽ റോക്കിങ് സ്റ്റാർ യാഷ് ആണ് നായകനായി എത്തുന്നത്. ഹോമബിൾ ഫിലിംസിന്റെ ബാനറിൽ വിജയ് കിരുഗണ്ടുർ നിർമ്മിച്ചിരിക്കുന്ന ഈ ചിത്രം കോലാർ സ്വർണ്ണ ഖനിയുടെ കഥാ പശ്ചാത്തലത്തിൽ ആണ് ഒരുക്കിയിട്ടുള്ളത് .

ഈ ചിത്രത്തിൽ ബോളിവുഡ് സൂപ്പർ താരം സഞ്ജയ് ദത് ആണ് വില്ലൻ വേഷത്തിൽ എത്തുന്നത്. പൃഥ്വിരാജ് പ്രൊഡക്ഷൻസ് ആണ് ഈ ചിത്രം കേരളത്തിൽ റിലീസ് ചെയ്യുന്നത് . ഈ ചിത്രത്തിന്റെ ഫസ്റ്റ് ലുക്ക് പോസ്റ്റർ, കാരക്ടർ പോസ്റ്ററുകൾ, ആദ്യ ടീസർ, മേക്കിങ് വീഡിയോ എന്നിവ പ്രേക്ഷകർക്കിടയിൽ തരംഗം സൃഷ്ടിച്ചിരുന്നു. ചിത്രത്തിൽ രവീണ ടണ്ഠൻ, പ്രകാശ് രാജ്, അച്യുത് കുമാർ, ശ്രീനിധി ഷെട്ടി എന്നിവരും വേഷമിടുന്നു. രവി ബസ്രുറു ആണ് ഈ ചിത്രത്തിന് സംഗീതം ഒരുക്കിയിരിക്കുന്നത്. എഡിറ്റിംഗ് കൈകാര്യം ചെയ്തിരിക്കുന്നത് ശ്രീകാന്ത് ആണ്. ഭുവൻ ഗൗഡ ആണ് ചിത്രത്തിന്റെ ക്യാമറമാൻ . കെ ജി എഫ് ഒന്നാം ഭാഗം ഇരുനൂറു കോടിക്ക് മുകളിൽ ആണ് ബോക്സ് ഓഫീസിൽ നിന്നും നേടിയത്.

മലയാളത്തിലെ ശ്രദ്ധേയ സംവിധായകനായ ലിജോ ജോസ് പെല്ലിശ്ശേരി, മലയാളത്തിന്റെ പ്രിയതാരം മെഗാ സ്റ്റാർ മമ്മൂട്ടിയെ നായകനാക്കി ആദ്യമായി ഒരുക്കിയ ചിത്രമാണ് നൻപകൽ നേരത്തു മയക്കം. ഡിസംബറിൽ ഷൂട്ടിംഗ് പൂർത്തികരിച്ച ഈ ചിത്രം തമിഴിലും മലയാളത്തിലുമായാണ് ഒരുക്കിയിട്ടുള്ളത്. കഴിഞ്ഞ നവംബറിൽ നടന്ന ചിത്രീകരണത്തിൽ ഏറിയ പങ്കും ചിത്രീകരിച്ചത് പഴനിയിൽ ആയിരുന്നു. ഈ ചിത്രത്തിന്റെ രചന നിർവഹിച്ചിരിക്കുന്നത് പ്രശസ്ത രചയിതാവ് എസ് ഹരീഷ് ആണ്.

ഇന്ന് ഈ ചിത്രത്തിന്റെ കൗതുകകരമായ ഒരു ടീസർ പുറത്തുവിട്ടു. ഈ ടീസറിൽ ചിത്രത്തിലെ കഥാപാത്രങ്ങൾ എല്ലാവരും കിടന്നു ഉറങ്ങുന്ന ഏതാനും ചില ദൃശ്യങ്ങൾ ആണ് ഉൾപ്പെടുത്തിയിരിക്കുന്നത്. മമ്മൂട്ടി ഈ ചിത്രത്തിൽ അവതരിപ്പിക്കുന്നത് പകൽ സമയത്തു സൈക്കിൾ മെക്കാനിക്കും രാത്രി സമയത്തു മോഷ്ടാവുമായി ജീവിക്കുന്ന വേലൻ അഥവാ നകുലൻ എന്ന കഥാപാത്രത്തെയാണ് എന്നതാണ് പുറത്തു വരുന്ന റിപ്പോർട്ടുകൾ സൂചിപ്പിക്കുന്നത്.

തന്റെ പുതിയ നിർമ്മാണ കമ്പനിയായ മമ്മൂട്ടി കമ്പനിയുടെ ബാനറിൽ മമ്മൂട്ടി തന്നെയാണ് ഈ ചിത്രം നിർമ്മിക്കുന്നത്. ചിത്രം ഇപ്പോൾ അതിന്റെ പോസ്റ്റ് പ്രൊഡക്ഷൻ സ്റ്റേജിലാണ്. തേനി ഈശ്വർ ആണ് ചിത്രത്തിന്റെ കാമറമാൻ. നടി രമ്യ പാണ്ഢ്യനും നടൻ അശോകനും ഈ ചിത്രത്തിൽ വേഷമിടുന്നുണ്ട്. നൻപകൽ നേരത്തു മയക്കം ഏറെ കാലത്തിനു ശേഷം അശോകൻ മമ്മൂട്ടിക്കൊപ്പം അഭിനയിക്കുന്ന ചിത്രം കൂടിയാണ് .

മമ്മൂട്ടിയുടെ ഭാര്യ ആയാണ് രമ്യ പാണ്ഡ്യൻ എത്തുന്നത് എന്നാണ് സൂചന. സ്ഥിരീകരിക്കാത്ത റിപ്പോർട്ടുകൾ പ്രകാരം ഒടിടി റിലീസ് ആയിരിക്കും ചെറിയ കാൻവാസിൽ ഒരുക്കിയ ഈ ചിത്രം എന്നാണ് സൂചന . എഡിറ്റിംഗ് കൈകാര്യം ചെയ്തിരിക്കുന്നത് ദീപു ജോസെഫ് ആണ് . ഈ ചിത്രത്തിന്റെ ടീസർ റീലീസ് ചെയ്തിരിക്കുന്നത് ദുൽക്കർ സൽമാന്റെ ഒഫീഷ്യൽ യൂട്യൂബ് ചാനലിൽ ആണ് .

എം പത്മകുമാറിന്റെ ജോസഫ് എന്ന സൂപ്പർ ഹിറ്റ് ചിത്രത്തിന് ശേഷം അദ്ദേഹം അണിയിച്ചൊരുക്കുന്ന പുത്തൻ ചിത്രമാണ് പത്താംവളവ്. റിലീസിന് ഒരുങ്ങി നിൽക്കുകയാണ് ഈ ത്രില്ലർ ചിത്രം. ഒരു മാസം മുൻപ് ആണ് ഈ ചിത്രത്തിന്റെ ടീസർ റിലീസ് ചെയ്തത്. ഈ ടീസർ പ്രേക്ഷകർക്കിടയിൽ ശ്രദ്ധേയമായി മാറിയിരുന്നു . ഇപ്പോഴിതാ പ്രേക്ഷകർക്ക് മുന്നിലേക്ക് ചിത്രത്തിന്റെ ട്രൈലെർ കൂടി റിലീസ് ചെയ്തിരിക്കുകയാണ്. ഇപ്പോൾ സോഷ്യൽ മീഡിയ കീഴടക്കി മുന്നേറുകയാണ് ഈ ട്രൈലെർ.

ടീസറിന് മുന്നേ ഇറങ്ങിയ ചിത്രത്തിന്റെ പോസ്റ്ററുകളും വളരെയധികം പ്രേക്ഷക ശ്രദ്ധ നേടിയെടുത്തിരുന്നു. കഡാവർ, നൈറ്റ് ഡ്രൈവ് എന്നീ ചിത്രങ്ങൾക്ക് തിരക്കഥ രചിച്ച അഭിലാഷ് പിള്ള ആണ് ഒരു ബിഗ് ബഡ്ജറ്റ് ചിത്രമായ പത്താം വളവിന്റെയും തിരക്കഥ ഒരുക്കിയിരിക്കുന്നത്. മലയാളത്തിന്റെ സൂപ്പർ താരങ്ങളായ സുരാജ് വെഞ്ഞാറമൂടും ഇന്ദ്രജിത്ത് സുകുമാരനുമാണ് ഈ ത്രില്ലർ ചിത്രത്തിന്റെ കേന്ദ്ര കഥാപാത്രങ്ങളായി എത്തുന്നത്. ഈ ചിത്രത്തിൽ കുടുംബ ബന്ധങ്ങൾക്കും പ്രാധാന്യം ഉണ്ടെന്നു വെളിപ്പെടുത്തി കൊണ്ടാണ് ത്രില്ലർ മൂഡിൽ ഒരുങ്ങുന്ന ഈ ചിത്രത്തിന്റെ കഥ പറയുന്നതെന്ന് ട്രൈലറിൽ നിന്നും മനസിലാക്കാം.

ഈ ചിത്രം ഒരുക്കിയിരിക്കുന്നത് കേരള മനസാക്ഷിയെ ഞെട്ടിച്ച വർഷങ്ങൾക്കു മുമ്പ് നടന്ന ഒരു യഥാർത്ഥ സംഭവത്തെ ആസ്പദമാക്കിയാണ് എന്നാണ് ലഭിക്കുന്ന റിപ്പോർട്ടുകൾ സൂചിപ്പിക്കുന്നത്. ചിത്രത്തിൽ അദിതി രവിയും സ്വാസിക വിജയുമാണ് നായികമാരായി എത്തുന്നത്. ഡോക്ടർ സക്കറിയ തോമസ്, ശ്രീജിത്ത് രാമചന്ദ്രൻ, ജിജോ കാവനാൽ, പ്രിൻസ് പോൾ എന്നിവർ ചേർന്ന് നിർമ്മിക്കുന്ന ഈ ചിത്രം യു ജി എം പ്രൊഡക്ഷൻസിന്റെ ബാനറിൽ ആണ് ഒരുങ്ങുന്നത്. ഈ ചിത്രത്തിന്റെ സഹനിർമ്മാതാക്കൾ ആണ് ബോളിവുഡ് നിർമ്മാണക്കമ്പനിയായ മുംബൈ മൂവി സ്റ്റുഡിയോസ് .

കേന്ദ്ര കഥാപാത്രങ്ങളെ കൂടാതെ അജ്മൽ അമീർ, മേജർ രവി, സുധീർ കരമന, അനീഷ് ജി മേനോൻ, സോഹൻ സീനു ലാൽ, രാജേഷ് ശർമ്മ, ഇടവേള ബാബു, നന്ദൻ ഉണ്ണി, ജയകൃഷ്ണൻ,ഷാജു ശ്രീധർ, നിസ്‌താർ അഹമ്മദ്‌, തുഷാര പിള്ള, അമ്പിളി തുടങ്ങിയവരും ഈ ചിത്രത്തിന്റെ ഭാഗമാകുന്നുണ്ട്. രതീഷ് റാം ആണ് ഈ ചിത്രത്തിന് വേണ്ടി കാമറ ചലിപ്പിപ്പിചിരിക്കുന്നത്. ജോസഫ്, കാവൽ, നൈറ്റ് ഡ്രൈവ് എന്നീ ചിത്രങ്ങളിലൂടെ ശ്രദ്ധ നേടിയ രെഞ്ജിൻ രാജു ആണ് ഈ ചിത്രത്തിന് സംഗീതമൊരുക്കിയത്. ഷമീർ മുഹമ്മദ് ആണ് എഡിറ്റിംഗ് കൈകാര്യം ചെയ്തിരിക്കുന്നത് .

ദളപതി വിജയെ നായകനായി നെൽസൺ ദിലീപ് കുമാർ അണിയിച്ചൊരുക്കുന്ന ഏറ്റവും പുതിയ ചിത്രമാണ് ബീസ്റ്റ്. ഇപ്പോൾ പുറത്തു വന്നിരിക്കുന്നത് ഏപ്രിൽ മാസത്തിൽ റിലീസിന് ഒരുങ്ങിനിൽക്കുന്ന ഈ ചിത്രത്തിലെ പുതിയ അപ്‌ഡേറ്റ് ആണ് . അണിയറ പ്രവർത്തകർ ഇപ്പോൾ പുറത്തു വിട്ടിരിക്കുന്നത് മാർച്ച് പത്തൊൻപതിനു ഈ ചിത്രത്തിലെ രണ്ടാമത്തെ ഗാനം പുറത്തിറങ്ങും എന്ന വിവരമാണ് . ഈ ഗാനം ആലപിച്ചിരിക്കുന്നത് നായകൻ ദളപതി വിജയ് ആണ് എന്ന പ്രത്യേകതയും ഉണ്ട്.

ഈ ഗാനത്തിന് വരികൾ രചിച്ചിരിക്കുന്നത് കാർത്തിക്കും ഈണം നൽകിയിരിക്കുന്നത് അനിരുദ്ധ് രവിചന്ദറും ആണ്. ചിത്രത്തിലെ രണ്ടാം ഗാനം എത്തുന്നു എന്ന് പറഞ്ഞു കൊണ്ട് ഒരു പ്രോമോ വീഡിയോ റിലീസ് ചെയ്തിരുന്നു. ദളപതി വിജയ്, അനിരുദ്ധ് രവിചന്ദർ, നായിക പൂജ ഹെഗ്‌ഡെ, സംവിധായകൻ നെൽസൺ ദിലീപ്കുമാർ എന്നിവരാണ് ഈ വീഡിയോയിൽ പ്രത്യക്ഷപ്പെട്ടിട്ടുള്ളത്. ഈ ഗാനം ആരംഭിക്കുന്നത് ജോളിയാ ജിംഖാന എന്ന വരികളോടെയാണ് .

ഇപ്പോൾ 182 മില്യൺ കാഴ്ചക്കാരെ നേടി യൂട്യൂബിൽ റെക്കോർഡുകൾ സൃഷ്ടിച്ചു മുന്നേറുകയാണ് ഈ ചിത്രത്തിലെ ആദ്യ ഗാനമായ അറബിക് കുത്ത് ലിറിക് വീഡിയോ . ഈ ഗാനത്തിന്റെ രചന നിർവഹിച്ചത് തമിഴ് താരം ശിവകാർത്തികേയൻ ആയിരുന്നു. അനിരുദ്ധ് ഈണം പകർന്ന ഈ ഗാനം അദ്ദേഹവും ജോണിത ഗാന്ധിയും ചേർന്നാണ് ആലപിച്ചത്.
ഈ ചിത്രത്തിന്റെ രചന നിർവഹിച്ചിരിക്കുന്നത് സംവിധായകൻ നെൽസൺ ദിലീപ്കുമാർ തന്നെയാണ് .

സൺ പിക്ചേഴ്സ് ആണ് ഈ ചിത്രം നിർമ്മിച്ചിരിക്കുന്നത്. യോഗി ബാബു, വിടിവി ഗണേഷ്, ഷൈൻ ടോം ചാക്കോ, അപർണ്ണ ദാസ്, പുകഴ് എന്നിവരും ഈ ചിത്രത്തിന്റെ താരനിരയിൽ അണിനിരക്കുന്നു . മനോജ് പരമഹംസയാണ് ചിത്രത്തിന് വേണ്ടി ക്യാമറ ചലിപ്പിച്ചിരിക്കുന്നത് . എഡിറ്റിംഗ് കൈകാര്യം ചെയ്തിരിക്കുന്നത് ആർ നിർമ്മൽ ആണ്. ലഭിക്കുന്ന റിപ്പോർട്ടുകൾ പ്രകാരം ഏപ്രിൽ പതിനാലിന് ചിത്രം പ്രദർശനത്തിന് എത്തും എന്നാണ് പറയുന്നത്.

മിഥുൻ മാനുവൽ തോമസ്- കുഞ്ചാക്കോ ബോബൻ കൂട്ടുകെട്ടിൽ പിറന്ന സൂപ്പർ ഹിറ്റ്‌ ചിത്രം അഞ്ചാം പാതിരയ്ക്ക് ശേഷം മറ്റൊരു ഇൻവെസ്റ്റിഗേഷൻ ത്രില്ലർ കൂടി മലയാളി പ്രേക്ഷകരെ ത്രില്ലടിപ്പിക്കാൻ വരികയാണ്. ബിബിൻ കൃഷ്ണ എന്ന നവാഗത സംവിധായകൻ രചനയും സംവിധാനവും നിർവഹിക്കുന്ന ഏറ്റവും പുതിയ ഇൻവെസ്റ്റിഗേഷൻ ത്രില്ലർ ചിത്രമാണ് ’21 ഗ്രാംസ്’. സോഷ്യൽ മീഡിയയിൽ വലിയ ഹിറ്റായി മാറിയതാണ് ഈ ചിത്രത്തിന്റെ ട്രൈലർ, ടീസർ എന്നിവ. പ്രേക്ഷകർ ആകാംഷയോടെ കാത്തിരിക്കുന്ന ഈ ചിത്രം ഈ വരുന്ന മാർച്ച്‌ 18 ന് തീയേറ്ററുകളിൽ പ്രദർശനത്തിന് എത്താൻ ഒരുങ്ങുകയാണ്. ടീസർ, ട്രൈലർ എന്നിവയ്ക്ക് ശേഷം ഈ ചിത്രത്തിലെ ഒരു ഗാനവും ഇപ്പോൾ പ്രേക്ഷക ശ്രദ്ധ നേടുകയാണ്.

പ്രേക്ഷകരെ ആകാംഷയുടെ മുൾമുനയിൽ നിർത്തുന്ന സീനുകൾക്കൊപ്പം ദീപക് ദേവിന്റെ ഒരുക്കിയ പശ്ചാത്തല സംഗീതവും ചേർന്നപ്പോൾ ട്രൈലർ കിടിലൻ ഫീൽ ആയിരിക്കയാണ് . ഇതിലെ നായക കഥാപാത്രം , ഒരു കൊലപാതകത്തെ തുടർന്ന് അത് അന്വേഷിക്കാൻ വരുന്ന ഉദ്യോഗസ്ഥൻ ആണ് .

ചിത്രത്തിൽ ആ കഥാപാത്രത്തെ അവതരിപ്പിക്കുന്നത് നടൻ അനൂപ് മേനോൻ ആണ്. കേന്ദ്ര കഥാപാത്രമായ അദ്ദേഹത്തെ കൂടാതെ ലിയോണ ലിഷോയ്, രഞ്ജി പണിക്കർ, രഞ്ജിത്, ലെന, നന്ദു, അനു മോഹൻ, ജീവ ജോസഫ്, മാനസ രാധാകൃഷ്ണൻ, പ്രശാന്ത് അലക്സാണ്ടർ, മറീന മൈക്കിൾ, ബിനീഷ് ബാസ്റ്റിൻ തുടങ്ങിയവരും ഈ ചിത്രത്തിൽ പ്രധാന വേഷങ്ങളിൽ എത്തുന്നുണ്ട്.

ഈ ചിത്രത്തിന്റെ നിർമ്മാണം നിർവഹിച്ചിരിക്കുന്നത് റിനീഷ് കെ എൻ ആണ്. ജിത്തു ദാമോദർ ഛായാഗ്രഹണവും അപ്പു എൻ ഭട്ടതിരി ചിത്രസംയോജനവും കൈകാര്യം ചെയ്തിരിക്കുന്നു. വിനായക് ശശികുമാർ ആണ് ഈ ചിത്രത്തിലെ ഗാനങ്ങൾക്ക് വരികൾ രചിച്ചിരിക്കുന്നത .

മലയാളത്തിൽ ഹിറ്റായി മാറിയ പ്രേമം എന്ന ക്യാമ്പസ് ചിത്രത്തിലൂടെ പ്രേക്ഷകർക്കിടയിൽ ശ്രദ്ധേയായ താരമാണ് നടി സായി പല്ലവി. താരമിപ്പോൾ തെന്നിന്ത്യയിലെ ഏറ്റവും മികച്ച നടിമാരിൽ ഒരാളായി മാറിയിരിക്കുന്നു. നിങ്കളിൽ യാര് അടുത്ത പ്രഭുദേവ എന്ന ഒരു ഡാൻസ് റിയാലിറ്റി ഷോയിലൂടെയാണ് സായി പല്ലവി അഭിനയ രംഗത്തേക്ക് എത്തുന്നത് . ഈ റിയാലിറ്റി ഷോയെ തുടർന്ന് ചില തമിഴ് ചിത്രങ്ങളിൽ അഭിനയിക്കുന്നതിന് താരത്തിന് അവസരം ലഭിച്ചു . അൽഫോൻസ് പുത്രൻ സംവിധാനം ചെയ്ത മലയാള ചിത്രം പ്രേമത്തിൽ നിവിൻ പോളിയുടെ നായികയായി സായി പല്ലവി എത്തിയത് താരത്തിന്റെ കരിയറിൽ വലിയ വഴിത്തിരിവ് ആയി മാറി.

സായ് പല്ലവി അഭിനേത്രി മാത്രമല്ല ഒരു ഡോക്ടർ കൂടിയാണ്. അതുകൊണ്ട് തന്നെ പഠന ആവശ്യത്തിനായി അഭിനയരംഗത്ത് നിന്ന് താരം ഒരു ഇടവേള എടുത്തിരുന്നു. പിന്നീട് ശക്തമായ തിരിച്ചു വരവ് നടത്തുകയും തെന്നിന്ത്യയിലെ സജീവ താരമായി തകർക്കുകയും ചെയ്യുന്നു. പ്രേമം എന്ന ചിത്രത്തിലെ ഡാൻസ് പ്രകടനത്തിലൂടെ താരം നല്ലൊരു നർത്തകി കൂടിയാണെന്ന് എല്ലാ പ്രേക്ഷകർക്കും അറിയാം. ഓരോ ചിത്രത്തിലും ഗംഭീരമായ ഒരു ഡാൻസ് പെർഫോമൻസ് താരം കാഴ്ചവയ്ക്കാറുണ്ട് . മനോഹരമായ ക്ലാസ്സിക്കൽ നൃത്തമാണ് ഈ അടുത്ത് പുറത്തിറങ്ങിയ ചിത്രത്തിൽ താരം കാഴ്ചവച്ചത്. ഒരു ഗ്രൂപ്പ് പെർഫോമൻസിൽ സായി പല്ലവി ഒപ്പം നൃത്തം ചെയ്യുന്നവരെ ശ്രദ്ധിക്കാൻ തോന്നിപ്പിക്കാത്ത വിധം അതിഗംഭീര പ്രകടനമാണ് കാഴ്ച്ച വച്ചിരിക്കുന്നത്.

സായ് പല്ലവിയെ ഏറ്റവും മെയ് വഴക്കമുള്ള തെന്നിന്ത്യൻ താരം എന്നാണ് ഏവരും വിശേഷിപ്പിക്കുന്നത്. ഓരോ സിനിമകളിലേയും നൃത്ത രംഗങ്ങൾ കൊണ്ട് താരം ഇത് പ്രേക്ഷകർക്ക് തെളിയിച്ചു കാണിച്ചു തരികയാണ്. ദൈവത്തെ പോലെയാണ് സായി പല്ലവി നൃത്തത്തെ ആരാധിക്കുന്നത് . എന്നും നൃത്തം അഭ്യസിക്കാനും നൃത്തത്തെ ആരാധിക്കാനും സായ് പല്ലവി മറക്കാറില്ല. തങ്ങളുടെ ശരീര സൗന്ദര്യം നിലനിർത്താൻ വേണ്ടി ഒട്ടുമിക്ക നായികമാരും മണിക്കൂറുകളോളം ചില വഴിക്കുന്നത് ജിമ്മിൽ വർക്ക് ഔട്ട് ചെയ്തു കൊണ്ടും യോഗ അഭ്യസിച്ചു കൊണ്ടുമെല്ലാം ആണ്. എന്നാൽ ഇതിനൊന്നും മുതിരാത്ത സായി പല്ലവി അത്തരം നടിമാർക്ക് ഒരു വെല്ലുവിളി തന്നെയാണ് എന്ന് പറയാം.

കാരണം സായി പല്ലവി തന്റെ ശരീര സൗന്ദര്യം കാത്തു സൂക്ഷിക്കാൻ ഒരിക്കൽ പോലും ജിമ്മിൽ പോയിട്ടില്ല . മാത്രമല്ല ഇതിനായി താരം തന്റെ ഇഷ്ട ഭക്ഷണം ഒഴിവാക്കുകയോ ഡയറ്റ് ചെയ്യുകയോ ഒന്നും തന്നെ ചെയ്യുന്നും ഇല്ല. ഡാൻസ് കൊണ്ട് മാത്രമാണ് സായ് പല്ലവി തന്റെ ശരീര സൗന്ദര്യം നിലനിർത്തുന്നത്.

തെലുങ്ക് ഇൻഡസ്ട്രിയിൽ വളരെ കുറവ് ചിത്രങ്ങൾ കൊണ്ട് മാത്രം തന്റെതായ സ്ഥാനമുണ്ടാക്കി പ്രേക്ഷക ശ്രദ്ധ നേടിയ താര സുന്ദരിയാണ് നടി സാമന്ത റൂത്ത് പ്രഭു. അഭിനയ രംഗത്തേക്ക് താരം എത്തുന്നത് താരത്തിന്റെ പഠനത്തിനു ശേഷമാണ്. സാമന്ത ആദ്യമായി ബിഗ്സ്ക്രീനിൽ എത്തുന്നത് 2010ലാണ്. ഗൗതം വാസുദേവ് മേനോൻ ഒരുക്കിയ റൊമാന്റിക് ചലചിത്രമായ ഐ മായ ചീസവേ എന്ന ചിത്രത്തിലൂടെയാണ് സാമന്ത തന്റെ അരങ്ങേറ്റം കുറിക്കുന്നത്.

തെലുങ്ക് ഇൻഡസ്ട്രിയിൽ അരങ്ങേറ്റം കുറിച്ച ആദ്യ ചിത്രത്തിലൂടെ തന്നെ മികച്ച അഭിനയം കാഴ്ചവച്ച് ഒട്ടേറെ ആരാധകരെ സ്വന്തമക്കാൻ കഴിഞ്ഞു താരത്തിന് . ആ വർഷത്തെ ഫിലിംഫയർ അവാർഡ് ആദ്യ സിനിമയിലെ മികച്ച അഭിനയത്തിന് സാമന്ത കരസ്ഥമാക്കി. ലഭിച്ച വേഷങ്ങൾ എല്ലാം തന്നെ താരം മനോഹരമാക്കുകയും അഭിനയിച്ച ചിത്രങ്ങൾ വൻ വിജയം കൈവരിക്കുകയും ചെയ്തു. അതോടെ സാമന്തയുടെ താരമൂല്യവും ഉയർന്നു.
ഇന്ന് തെന്നിന്ത്യയിലെ ഏറ്റവും ഉയർന്ന പ്രതിഫലം കൈപറ്റുന്ന നടിമാരുടെ ലിസ്റ്റിൽ മുൻ നിരയിലുള്ള ഒരാളായി മാറി കഴിഞ്ഞിരിക്കുകയാണ് സാമന്ത.

താരത്തിന്റെ അഭിനയ മികവും സൗന്ദര്യവും ആണ് താരത്തെ ഈ നിലയിൽ എത്തിച്ചത്. അഭിനയ ജീവിതത്തിൽ ഒരുപാട് നേട്ടങ്ങൾ കൈവരിച്ചു കൊണ്ടിരിക്കെ ആയിരുന്നു താരത്തിന്റെ വിവാഹം കഴിഞ്ഞത്. താരം ജീവിത പങ്കാളിയാക്കിയത് തെലുങ്ക് സൂപ്പർ സ്റ്റാർ നാഗചൈതന്യയെ ആയിരുന്നു . പിന്നീട്
ഇരുവരും വേർപിരിയുകയായിരുന്നു .

തുടർന്നും സാമന്ത അഭിനയ ജീവിതത്തിൽ സജീവമായി തുടർന്നു. ഇപ്പോൾ സോഷ്യൽ മീഡിയയിൽ ശ്രദ്ധനേടുന്നത് താരത്തിന്റെ പുത്തൻ ചിത്രങ്ങളാണ്. അതീവ ഗ്ലാമർസായി ആയാണ് താരം ചിത്രത്തിൽ പ്രത്യക്ഷപ്പെട്ടിട്ടുള്ളത് . ആരാധകർ ഈ ചിത്രങ്ങൾ ഏറ്റെടുത്തു കഴിഞ്ഞു.