Movie Updates

കേരളത്തിൽ വലിയ വിവാദം സൃഷ്ടിച്ച കോടതിയിൽ ഇപ്പോഴും കേസ് നിൽക്കുന്ന സംഭവമാണ് അട്ടപ്പാടി മധു കൊലക്കേസ് . ഭക്ഷണം മോഷ്ടിച്ചെന്ന് ആരോപിച്ച് അട്ടപ്പാടി സ്വദേശിയായ മധു എന്ന യുവാവിനെ ആൾക്കൂട്ടം മർദിച്ചു കൊലപ്പെടുത്തി. സമൂഹ മനസാക്ഷിയെ ഞെട്ടിച്ച ഈ സംഭവം അട്ടപ്പാടിയിൽ ഉണ്ടായത് ഏകദേശം നാലു വർഷത്തോളം മുൻപാണ്. ഇപ്പോഴിതാ ഈ സംഭവത്തെ ആസ്പദമാക്കി ഒരു സിനിമ ഒരുങ്ങുകയാണ്. വിശപ്പ് പ്രമേയമായി മുടുക ഗോത്ര ഭാഷയിൽ, ആദിവാസി ( ദി ബ്ലാക്ക് ഡെത്ത് ) എന്ന പേരിൽ ആണ് ഈ ചിത്രം നിർമ്മിക്കുന്നത്. ഈ ചിത്രത്തിന്റെ ആദ്യ ടീസർ ഇന്ന് പുറത്തുവിട്ടു.

ഈ ചിത്രം സംവിധാനം ചെയ്തിരിക്കുന്നത് വിജീഷ് മണി ആണ്. പ്രശസ്ത മലയാള നടനായ അപ്പാനി ശരത് ആണ് ചിത്രത്തിൽ മധു എന്ന കഥാപാത്രത്തെ അവതരിപ്പിക്കുന്നത്. ഈ ചിത്രം നിർമ്മിച്ചിരിക്കുന്നത് ഏരീസ് ഗ്രൂപ്പിന്റെ ബാനറിൽ കവിയും ഹോളിവുഡ് സംവിധായകനുമായ ഡോ. സോഹൻ റോയ് ആണ് . വിശപ്പും, വർണ്ണ വിവേചനവും, പരിസ്ഥിതി പ്രശ്നങ്ങളും, കാലാവസ്ഥ വ്യതിയാനവും ആണ് ഈ ചിത്രത്തിന്റെ ഇതിവൃത്തമാകുന്നത്. അനശ്വര ചാരിറ്റബിൾ ട്രസ്റ്റാണ് ഈ ചിത്രത്തിന്റെ പ്രൊഡക്ഷൻ ഹൗസ് . പി മുരുഗേശ്വരൻ ആണ് ചിത്രത്തിന്റെ ഛായാഗ്രഹണം നിർവഹിച്ചിരിക്കുന്നത്. ബി ലെനിനാണ് എഡിറ്റിംഗ് കൈകാര്യം ചെയ്തിരിക്കുന്നത്. എം. തങ്കരാജ് ആണ് സംഭാഷണങ്ങൾ ഒരുക്കിയിട്ടുള്ളത്.

സോഹൻ റോയ് , മധുവിന്റെ മരണത്തെ ആസ്പദമാക്കി യാത്രാമൊഴി എന്ന പേരിൽ എഴുതിയ കവിത വൈറൽ ആയി മാറിയിരുന്നു. ഈ ചിത്രം ഒരുക്കാൻ അദ്ദേഹത്തിന് പ്രചോദനമായതും അതു തന്നെയാണ്. ഓസ്കാർ ചുരുക്കപ്പട്ടികയിൽ ഇടം നേടുകയും ഒപ്പം പാരീസ് ഫിലിം ഫെസ്റ്റിവലിൽ മികച്ച ചിത്രം ഉൾപ്പെടെ നിരവധി അന്താരാഷ്ട്ര പുരസ്കാരങ്ങൾ നേടിയെടുക്കുകയും ചെയ്ത മ് മ് മ് ( സൗണ്ട് ഓഫ് പെയിൻ) എന്ന സിനിമയ്ക്ക് ശേഷം സോഹൻ റോയ്,വിജീഷ് മണി എന്നിവർ ഒന്നിക്കുന്ന ചിത്രമെന്ന പ്രത്യേകതയും ആദിവാസി എന്ന ചിത്രത്തിനുണ്ട്.

മലയാളത്തിലെ യുവ താര സുന്ദരി നടി ഐശ്വര്യ ലക്ഷ്മി പ്രധാന വേഷത്തെ അവതരിപ്പിക്കുന്ന ഏറ്റവും പുതിയ ചിത്രമാണ് അർച്ചന 31 നോട്ട് ഔട്ട്. ഇപ്പോഴിതാ ഈ ചിത്രത്തിലെ ആദ്യത്തെ ഒഫീഷ്യൽ വീഡിയോ ഗാനം റിലീസ് ചെയ്തിരിക്കുകയാണ്. മലയാളത്തിന്റെ സൂപ്പർസ്റ്റാർ മമ്മൂട്ടി തന്റെ ഫേസ്ബുക്ക് പേജിലൂടെയാണ് ഈ വീഡിയോ ഗാനം പുറത്തുവിട്ടിട്ടുള്ളത്. മാത്തൻ, ജെയിംസ് പോൾ എന്നിവരാണ് ഈ ഗാനത്തിന്റെ വരികൾ രചിച്ചിരിക്കുന്നത്. മാത്തൻ തന്നെ സംഗീതം പകർന്ന ഈ ഗാനം പ്രശസ്‌ത നടനും സംവിധായകനുമായ രമേശ് പിഷാരടിയാണ് ആലപിച്ചിരിക്കുന്നത്.

മനസുനോ എന്നാരംഭിക്കുന്ന ഈ ഗാനം സൈന മ്യൂസിക് യൂട്യൂബ് ചാനലിലൂടെയാണ് പ്രേക്ഷകരിലേക്ക് എത്തിയത്. ഫെബ്രുവരി ആദ്യത്തിൽ തന്നെ അർച്ചന 31 നോട്ട് ഔട്ട് എന്ന ഈ ചിത്രം പ്രദർശനത്തിനെത്തിക്കും. നവാഗതനായ അഖില്‍ അനില്‍കുമാര്‍ ആണ് ഈ ചിത്രം സംവിധാനം ചെയ്തിരിക്കുന്നത്. അജയ് വിജയന്‍, വിവേക് ചന്ദ്രന്‍, ഒപ്പം സംവിധായകൻ അഖില്‍ അനില്‍കുമാറും ചേര്‍ന്നാണ് ഈ ചിത്രം രചിച്ചിരിക്കുന്നത്.

ദേവിക പ്‌ളസ് ടു ബയോളജി, അവിട്ടം എന്നീ ഷോര്‍ട്ട് ഫിലിമുകള്‍ സംവിധാനം ചെയ്തു പ്രേക്ഷക ശ്രദ്ധ നേടിയ സംവിധായകനാണ് അഖില്‍ അനില്‍കുമാര്‍. മാര്‍ട്ടിന്‍ പ്രക്കാട്ട് ഫിലിംസിന്റെ ബാനറില്‍ മാര്‍ട്ടിന്‍ പ്രക്കാട്ട്, സിബി ചാവറ, രഞ്ജിത് നായര്‍ എന്നിവരാണ് ഈ ചിത്രം നിർമ്മിച്ചിരിക്കുന്നത്. ജോയൽ ജോജി ആണ് ചിത്രത്തിന്റെ കാമറമാൻ. എഡിറ്റിംഗ് നിർവഹിച്ചിരിക്കുന്നത് മുഹ്‌സിൻ പി എം ആണ് .

ചിത്രത്തിൽ ഇന്ദ്രൻസ്, രമേശ് പിഷാരടി, സുനിൽ സുഗത, അഞ്ചു ജോസെഫ്, ലുക്മാൻ അവറാൻ, രാജേഷ് മാധവൻ, ഹകീം ഷാജഹാൻ, അസീസ് നെടുമങ്ങാട്, അഞ്ജന അപ്പുകുട്ടൻ, രഞ്ജിത് ശേഖർ നായർ, ശ്രുതി സുരേഷ്, മീനരാജ് പള്ളുരുത്തി, പുളിയനം പൗലോസ്, എസ് സുബ്രമണ്യം, ബാബുരാജ്, ആലീസ്, എസ് കെ മിനി, രമ്യ സുരേഷ്, ജെയിംസ് വർഗീസ്, ദിലീപ് മോഹൻ, വിനോദ് തോമസ്, അർച്ചന അനിൽകുമാർ, സ്നേഹ റെജി, തങ്കം മോഹൻ, ജോയ് പയ്യപ്പിള്ളി, ആർച്ച, ആരവ്, മനു പ്രസാദ്, സന്തോഷ് റാം, ഭാനുമതി, സുനിൽ മേലേപ്പുറം, പൊന്നു കുളപ്പുള്ളി, രമേശ് ബാബു, നയന , അഖിൽ പ്ലാക്കാട്ട്, താര, ബെൽവിൻ, വിനീത് വാസുദേവൻ, ആതിര പാലക്കാടു, ജയമോഹൻ, ഉദയകുമാർ രാജേന്ദ്രൻ, രഘുനാഥ്, ദീപക് സെൽവരാജ്, സരൺ പണിക്കർ, എന്നിവരും അണിനിരക്കുന്നു.

യൂത്ത് ഐക്കൺ ദുൽഖർ സൽമാൻ പ്രധാന വേഷത്തെ അവതരിപ്പിക്കുന്ന ഏറ്റവും പുതിയ തമിഴ് ചിത്രമാണ് ഹേ സിനാമിക. പ്രശസ്ത ഡാൻസ് കൊറിയോഗ്രഫർ ആയ ബ്രിന്ദ മാസ്റ്റർ ആദ്യമായി സംവിധാനം ചെയ്യുന്ന ഈ ചിത്രത്തിന്റെ രചന നിർവഹിച്ചിരിക്കുന്നത് മദൻ കർക്കി ആണ്. അടുത്ത മാസം ഫെബ്രുവരി 25 നു ആണ് ഹേ സിനാമിക തീയേറ്ററുകളിൽ പ്രദർശനത്തിന് എത്തുക . ഈ ചിത്രത്തിന്റെ പോസ്റ്ററുകളും ഒപ്പം ദുൽഖർ ആലപിച്ച ചിത്രത്തിലെ ഒരു ഗാനവും ഇതിനോടകം സൂപ്പർ ഹിറ്റുകളായി മാറിയവ ആണ്.

ദുൽഖർ പാടിയ ഗാനം റിലീസ് ചെയ്തത് തമിഴിലെ യുവ താരം ശിവകാർത്തികേയനും മോളിവുഡിലെ സൂപ്പർ താരം പൃഥ്വിരാജ് സുകുമാരനും ചേർന്നാണ് . ഈ ചിത്രത്തിന് തിരക്കഥ രചിച്ച മദൻ കർക്കി തന്നെയാണ് ദുൽഖർ ആലപിച്ച അച്ചമില്ലൈ എന്ന ആ ഗാനം രചിച്ചിരിക്കുന്നത്. ഈ ചിത്രത്തിന് വേണ്ടി സംഗീത സംവിധാനം നിർവഹിച്ചിരിക്കുന്നത് ഗോവിന്ദ് വസന്ത ആണ് .

ഇപ്പോഴിതാ ഈ ചിത്രത്തിലെ തോഴി എന്ന മറ്റൊരു ഗാനം കൂടി പ്രേക്ഷകർക്ക് മുന്നിലേക്ക് എത്തുകയാണ്. ഈ ഗാനം റിലീസ് ചെയ്യുന്നത് ജനുവരി ഇരുപത്തിയേഴിനു ആണ്. ദുൽഖർ, കാജൽ അഗർവാൾ എന്നിവർ എത്തുന്ന ഈ ഗാനത്തിന്റെ ടീസർ പുറത്തിറങ്ങി. ഈ ഗാനത്തിനും വരികൾ രചിച്ചിരിക്കുന്നത് മദൻ കർക്കി തന്നെയാണ്. ജിയോ സ്റ്റുഡിയോയും ഗ്ലോബൽ വൺ സ്റ്റുഡിയോയും ചേർന്നാണ് ഒരു റൊമാന്റിക് കോമഡി ചിത്രമായി ഒരുക്കിയ ഹേ സിനാമിക നിർമ്മിച്ചിരിക്കുന്നത്. കാജൽ അഗർവാളിനെ കൂടാതെ അദിതി റാവും ചിത്രത്തിലെ മറ്റൊരു നായികാ കഥാപാത്രത്തെ അവതരിപ്പിക്കുന്നു. ശ്യാം പ്രസാദും ഒരു പ്രധാന വേഷം ഈ ചിത്രത്തിൽ അവതരിപ്പിക്കുന്നുണ്ട്. ദുൽഖറിന്റെ മുപ്പത്തിമൂന്നാമതു ചിത്രമാണ് ഹേ സിനാമിക. പ്രീത ജയരാമനാണ് ചിത്രത്തിന് വേണ്ടി ക്യാമറ കൈകാര്യം ചെയ്തിരിക്കുന്നത്. രാധ ശ്രീധറാണ് എഡിറ്റർ.

വിശാൽ നായകനായി എത്തുന്ന പുത്തൻ ചിത്രം വീരമേ വാഗൈ സൂടും എന്ന ആക്ഷൻ ചിത്രത്തിന്റെ ട്രൈലർ സോഷ്യൽ മീഡിയയിൽ ശ്രദ്ധേയമാകുന്നു …….

തമിഴ് താരനിരയിലെ ശ്രദ്ധേയനായ വിശാൽ കേന്ദ്ര കഥാപാത്രത്തെ അവതരിപ്പിക്കുന്ന ഏറ്റവും പുതിയ ചിത്രമാണ് വീരമേ വാഗൈ സൂടും. തുപ ശരവണൻ സംവിധാനം ചെയ്തിരിക്കുന്ന ഈ ചിത്രം വിശാൽ തന്നെയാണ് നിർമ്മാണം നിർവഹിച്ചിരിക്കുന്നത്. വമ്പൻ താരനിരയിൽ ഒരുക്കുന്ന ഈ ആക്ഷൻ ചിത്രത്തിന്റെ ട്രൈലെർ ആണ് ഇപ്പോൾ സോഷ്യൽ മീഡിയയിൽ ശ്രദ്ധ നേടുന്നത്. ഈ അടുത്ത് റിലീസ് ചെയ്ത ഈ ചിത്രത്തിന്റെ ട്രൈലെർ ഇപ്പോൾ തന്നെ ഇരുപതു ലക്ഷത്തിലധികം കാഴ്ചക്കാരെയാണ് നേടിയെടുത്തു.

യുവാൻ ശങ്കർ രാജ സംഗീത സംവിധാനം നിർവഹിച്ചിരിക്കുന്ന ഈ ചിത്രത്തിന്റെ ഛായാഗ്രഹണം കൈകാര്യം ചെയ്തിരിക്കുന്നത് കാവിൻ രാജ് ആണ്. തകർപ്പൻ ആക്ഷൻ രംഗങ്ങൾ തന്നെയാണ് ഈ ട്രെയ്ലറിന്റെ ഏറ്റവും വലിയ ഹൈലൈറ്റ് ആയി മാറിയിരിക്കുന്നതും. എനിമി എന്ന സൂപ്പർ ഹിറ്റ് ചിത്രത്തിന് ശേഷം വിശാലിന്റെ ആക്ഷൻ രംഗങ്ങൾ മനോഹരമായി ഒരുക്കിയ ചിത്രം കൂടിയാണിതെന്ന് ട്രൈലെറിൽ നിന്നും മനസിലാക്കാം.

മലയാള താരം ബാബുരാജ് ആണ് ചിത്രത്തിലെ പ്രധാന വില്ലൻ കഥാപാത്രത്തെ അവതരിപ്പിക്കുന്നത്. ഡിംപിൾ ഹയാത്തി ആണ് വിശാലിന്റെ നായികയായി അഭിനയിക്കുന്നത്. ഇവരെ കൂടാതെ യോഗി ബാബു, കുമരവേൽ, രവീണ രവി, മാരിമുത്തു, ആർ എൻ ആർ മനോഹർ, കവിത ഭാരതി, തുളസി, അഖിലൻ എസ പി ആർ എന്നിവരും ചിത്രത്തിൽ അണിനിരക്കുന്നു. വിശാൽ വീണ്ടും പോലീസ് വേഷത്തിൽ എത്തുന്നു എന്നതും ഈ ചിത്രത്തിന്റെ പ്രത്യേകത ആണ്. എൻ ബി ശ്രീകാന്ത് ആണ് എഡിറ്റിംഗ് നിർവഹിച്ചിരിക്കുന്നത്. മലയാളി താരം ബാബുരാജ് വളരെ സ്റ്റൈലിഷ് ആയ മാസ്സ് വേഷത്തിൽ ആണ് എത്തുന്നത് എന്ന് ട്രൈലെർ നമുക്ക് കാണിച്ചു തരുന്നു. ഏതായാലും വീരമേ വാഗൈ സൂടും എന്ന ചിത്രത്തിന്റേ ഇപ്പോൾ പുറത്തിറങ്ങിയ ട്രൈലർ പ്രേക്ഷക പ്രതീക്ഷകൾ വളരെയധികം വർധിപ്പിക്കുന്ന ഒന്നു തന്നെയാണ്.

നാടൻ വേഷത്തിൽ ആണെങ്കിലും മോഡേൺ വേഷത്തിൽ ആണെങ്കിലും തന്റേതായ സ്റ്റൈൽ വരുത്തുന്ന താരമാണ് പൂർണിമ ഇന്ദ്രജിത്തിന് . അതുകൊണ്ട് തന്നെ ഏവരിൽ നിന്നും വസ്ത്രധാരണത്തിലും ലുക്കിലും അൽപ്പം വ്യത്യസ്തതയിൽ ആയിരിക്കും പൂർണിമ ഇന്ദ്രജിത്ത് പ്രത്യക്ഷപ്പെടാറുള്ളത്. വ്യത്യസ്തതയാർന്ന ഫോട്ടോ ഷൂട്ടുകളിലൂടെ പ്രേക്ഷക ശ്രദ്ധ പിടിച്ചു പറ്റാറുണ്ട താരം’ ഇപ്പോഴിതാ പൂർണിമയുടെ വ്യത്യസ്തതയാർന്ന മറ്റൊരു ഫോട്ടോ ഷൂട്ടാണ് ആരാധകർക്ക് ഇടയിൽ വൈറലായി മാറുന്നത്. ഗൃഹലക്ഷ്‌മി മാഗസിന് വേണ്ടിയുള്ള ഈ ഫോട്ടോഷൂട്ടിൽ വർക്ക്ഔട്ട് ഗെറ്റപ്പിലാണ് താരം എത്തിയിട്ടുള്ളത്. അഞ്ജന അന്നയാണ് താരത്തിന്റെ ഈ മനോഹര ചിത്രങ്ങൾ പകർത്തിയിട്ടുള്ളത്.

മലയാള സിനിമയിൽ വിരലിൽ എണ്ണാവുന്ന ചിത്രങ്ങളിൽ മാത്രമാണ് പൂർണിമ അഭിനയിച്ചിട്ടുള്ളത്. പക്ഷേ താരം അഭിനയിച്ച ചിത്രങ്ങളും അതിലെ താരത്തിന്റെ കഥാപാത്രങ്ങളും വളരെ മികച്ചതാവുകയും പ്രേക്ഷക മനസ്സിൽ താരം ഇടം നേടുകയും ചെയ്തിരുന്നു. സോഷ്യൽ മീഡിയയിൽ നിറസാന്നിധ്യമായ താരം തന്റെ എല്ലാ വിശേഷങ്ങളും ചിത്രങ്ങളും ആരാധകരുമായി പങ്കുവെയ്ക്കാറുണ്ട്. പൂർണിമ – ഇന്ദ്രജിത്ത് ദമ്പതികളുടെ മൂത്ത മകളായ പ്രാർത്ഥന ഇന്ദ്രജിത്തും സോഷ്യൽ മീഡിയയിലെ സജീവ വ്യക്തിയാണ്. പൂർണിമ തന്റെ മക്കൾക്കൊപ്പമുള്ള ഫോട്ടോകളും വീഡിയോകളും സോഷ്യൽ മീഡിയയിൽ പോസ്റ്റ് ചെയ്യാറുണ്ട്. കഴിഞ്ഞയിടെ സൈമ അവാർഡിന് പോയപ്പോൾ താരം പങ്കുവെച്ച ചിത്രങ്ങൾ എല്ലാം സോഷ്യൽ മീഡിയയിൽ തരംഗമായിരുന്നു. മകൾ പ്രാർത്ഥനയും അന്ന് താരത്തിനൊപ്പം ഉണ്ടായിരുന്നു.

അഭിനേത്രി, അവതാരക എന്നീ നിലകളിൽ ശോഭിച്ച താരം ഇപ്പോൾ ഫാഷൻ ഡിസൈനിംഗിലും തന്റെ മികവ് പ്രകടിപ്പിക്കുന്നുണ്ട്. വർണ്ണക്കാഴ്ചകൾ എന്ന ചിത്രത്തിലാണ് പൂർണിമ അരങ്ങേറ്റം കുറിക്കുന്നത്. മേഘമൽഹാർ എന്ന ചിത്രത്തിലെ അഭിനയത്തിന് പൂർണിമയ്ക്ക് മികച്ച സഹനടിക്കുള്ള അവാർഡ് ലഭിച്ചിരുന്നു. നല്ലൊരു നർത്തകി കൂടിയാണ് താരം. ഫാഷൻ ഡിസൈനർ ആയ താരത്തിന് പ്രാണ എന്ന ഫാഷൻ ഡിസൈനിങ് സ്ഥാപനം ഉണ്ട് .