Movie Updates

എബ്രിഡ് ഷൈനിന്റെ സംവിധാന മികവിൽ നിവിൻ പോളി, ആസിഫ് അലി എന്നിവർ പ്രധാന വേഷങ്ങളിൽ എത്തി , കേരളത്തിലെ തിയറ്ററുകളിൽ പ്രദർശനം തുടരുന്ന പുത്തൻ ചിത്രമാണ് മഹാവീര്യർ . നിവിന്‍ പോളി, പി. എസ്. ഷംനാസ് എന്നിവര്‍ ചേർന്ന് നിർമ്മാണം നിർവഹിച്ച ഈ ചിത്രം പോളി ജൂനിയര്‍ പിക്‌ചേഴ്‌സ്, ഇന്ത്യന്‍ മൂവി മേക്കേഴ്‌സ് എന്നിവയുടെ ബാനറുകളില്‍ ആണ് പുറത്തിറങ്ങിയത്. സംവിധായകൻ എബ്രിഡ് ഷൈൻ തന്നെ തിരക്കഥ രചിച്ച ഈ ചിത്രം എം മുകുന്ദന്റെ കഥയെ ആസ്പദമാക്കിയാണ് തയ്യാറാക്കിയത്.

ഇപ്പോഴും വിജയകരമായി പ്രദർശനം തുടരുന്ന ഈ ചിത്രം നിരൂപക പ്രശംസയും ഒപ്പം വലിയ പ്രേക്ഷക പ്രതികരണവും നേടി മുന്നേറുകയാണ്. ഈ ചിത്രം ശ്രദ്ധ നേടുന്നത് അസാധാരണമായ ഇതിന്റെ അവതരണ ശൈലി കൊണ്ടും ഒപ്പം ആഴമേറിയ പ്രമേയം ഉള്ളതു കൊണ്ടുമാണ് . മഹാവീര്യറിനെ ഒരു ക്ലാസിക് ആക്കി മാറ്റുന്നത് പ്രേക്ഷകർക്ക് ഇതുവരെ ലഭിക്കാത്ത ഒരു സിനിമാനുഭവം സമ്മാനിക്കാൻ ഈ ചിത്രത്തിന് സാധിക്കുന്നു എന്നുള്ളതാണ്. അഭിനേതാക്കളുടെ ഗംഭീര പ്രകടനവും ഉയർന്ന സാങ്കേതിക മികവും ഈ ചിത്രത്തിന്റെ മനോഹാരിത വർദ്ധിപ്പിച്ചു. ഇഷാൻ ഛബ്രയാണ് ഈ ചിത്രത്തിന് വേണ്ടി സംഗീതമൊരുക്കിയിരിക്കുന്നത് എന്നതും ശ്രദ്ധേയമാണ് .

അദ്ദേഹം ഈ ചിത്രത്തിന് വേണ്ടി മനോഹരമായ ഗാനങ്ങളും പശ്‌ചാത്തല സംഗീതവുമാണ് ഒരുക്കിയിരിക്കുന്നത്. ഇപ്പോഴിതാ ചിത്രത്തിലെ അതിമനോഹരമായ ഒരു ഗാനം പുറത്തു വിട്ടിരിക്കുകയാണ്. മഹാവീര്യറിലെ മധുകര എന്ന ഈ ഗാനം മലയാള സിനിമാ പ്രേമികളുടെ മനസ്സിൽ ഏറെ നാളുകൾക്കു ശേഷം മധുരം നിറക്കുന്ന ഒരു ക്ലാസിക്കൽ ഗാനമാണ് . ഇപ്പോൾ റിലീസ് ചെയ്തിരിക്കുന്നത് ഈ ഗാനത്തിന്റെ ഫുൾ വീഡിയോയാണ് .

ബി കെ ഹരിനാരായണൻ രചന നിർവഹിച്ച ഈ ഗാനം കെ എസ് ഹരിശങ്കർ ആണ് ആലപിച്ചിരിക്കുന്നത്. കാവ്യാത്മകമായ വരികൾക്ക് ഇഷാൻ ഛബ്രയുടെ സംഗീതവും ചേർന്നപ്പോൾ ഹരിശങ്കർ അതിലും മനോഹരമായി അത് ആലപിക്കുകയും ആസ്വാദകരുടെ ഹൃദയം തൊടുന്ന ഒരു ഗാനമായി ഇത് മാറുകയും ചെയ്തിട്ടുണ്ട്. എബ്രിഡ് ഷൈൻ ഈ ഗാനം മികച്ച രീതിയിലാണ് ചിത്രീകരിച്ചിരിക്കുന്നതും.

ഇപ്പോൾ സോഷ്യൽ മീഡിയയിൽ ട്രെൻഡിംഗ് ആയി മാറിയിരിക്കുന്നത് ന്നാ താൻ കേസ് കൊട് എന്ന ചാക്കോച്ചൻ ചിത്രത്തിൽ പുനരാവിഷ്കരിച്ച ദേവദൂതർ പാടി എന്ന ഗാനമാണ്. ഇപ്പോഴിതാ നടൻ ദുൽഖർ സൽമാൻ ഈ ട്രെൻഡിംഗ് ഗാനത്തിന് ചുവടുവചിരിക്കുകയാണ്. ഈ ഗാനരംഗത്തിൽ ചാക്കോച്ചന്റെ അതി ഗംഭീര പെർഫോമൻസാണ് ഈ ഗാനം ഇത്രയും ശ്രദ്ധ നേടിയതിന് കാരണം.

റീലീസിന് ഒരുങ്ങുന്ന ദുൽഖറിന്റെ പുത്തൻ തെലുങ്ക് ചിത്രമാണ് സീതാരാമം . ഈ ചിത്രത്തിന്റെ പ്രമോഷന്റെ ഭാഗമായി ദുൽഖറും ഈ ചിത്രത്തിന്റെ ടീമും കൊച്ചിയിൽ എത്തിയിരുന്നു. ലുലുമാളിൽ ഒത്തു ചേർന്ന ഇവർ അവിടെ എത്തി ചേർന്ന ആരാധകർക്ക് വേണ്ടി ദുൽഖർ ദേവദൂതർ ഗാനത്തിന് ചുവടു വയ്ക്കുകയായിരുന്നു. ന്നാ താൻ കേസ് കൊട് എന്ന ചിത്രത്തിലാണ് ഇത് പുനരവതരിപ്പിച്ചത് എങ്കിലും യഥാർത്ഥത്തിൽ ഇത് കാതോട് കാതോരം എന്ന ചിത്രത്തിലേതാണ്. 1985 ൽ പുറത്തിറങ്ങിയ ഈ ഗാനത്തിൽ അഭിനയിച്ചിരിക്കുന്നത് മെഗാസ്റ്റാർ മമ്മൂട്ടിയാണ്. ഇപ്പോൾ അദ്ദേഹത്തിന്റെ മകനും ഈ ഗാനത്തിന് ചുവടു വച്ചത് പ്രേക്ഷകർ ഏറ്റെടുത്തിരിക്കുകയാണ്.

പുനരാവിഷ്ക്കരിച്ച ഈ ഗാനം തന്റെ സോഷ്യൽ മീഡിയ പേജിലൂടെ പുറത്തുവിട്ടത് നടൻ മമ്മൂട്ടി തന്നെയാണ്. ഈ ഗാനവും ഗാനത്തിലെ ചാക്കോച്ചന്റെ പ്രകടനവും പ്രേക്ഷകർ ഇരു കൈയ്യും നീട്ടി സ്വീകരിച്ചിരിക്കുയാണ്. ചാക്കോച്ചന്റെ വേറിട്ടൊരു കഥാപാത്രത്തെ തന്നെയാണ് ഈ ചിത്രത്തിൽ കാണാൻ സാധിക്കുക.

സന്തോഷ് പി ജയകുമാർ സംവിധാനം ചെയ്ത് നടൻ പ്രഭുദേവ കേന്ദ്ര കഥാപാത്രമായി എത്തുന്ന പുത്തൻ തമിഴ് ചിത്രമാണ് പൊയ്ക്കാൻ കുതിരൈ . ഈ ചിത്രത്തിന്റെ ട്രൈലർ ഇപ്പോൾ പ്രേക്ഷക ശ്രദ്ധ നേടുകയാണ്. ചിത്രത്തിൽ ഒരു കാൽ ഇല്ലാത്തവനായാണ് പ്രഭുദേവ വേഷമിടുന്നത്. തന്റെ മകളുടെ ആഗ്രഹങ്ങളെല്ലാം സാധിച്ചു കൊടുക്കുന്ന ഒരു അച്ഛൻ വേഷമാണ് പ്രഭുദേവ ഈ ചിത്രത്തിൽ അവതരിപ്പിക്കുന്നത്.

ഇത്രയധികം മകളെ സ്നേഹിക്കുന്ന ഈ അച്ഛന് തന്റെ മകളെ നഷ്ടപ്പെടുകയും അതിനു വേണ്ടി തന്നാലാവും വിധം പോരാടി നിൽക്കുകയും ചെയ്യുന്ന രംഗങ്ങളാണ് ഈ ട്രൈലറിൽ കാണാൻ സാധിക്കുന്നത്. കിടിലൻ ആക്ഷൻ രംഗങ്ങളും പ്രതികാരവും എല്ലാം ഈ ടൈലറിൽ കാണാൻ സാധിക്കും.

പ്രഭുദേവയോടൊപ്പം പ്രകാശ് രാജ്, വരലക്ഷ്മി ശരത്കുമാർ , റൈസ വിൽസൺ, ജഗൻ, ശ്യാം, ജോൺ കൊക്കൻ എന്നിവരും വേഷമിടുന്നു. സംവിധായകൻ സന്തോഷ് പി ജയകുമാർ തന്നെയാണ് ചിത്രത്തിന്റെ രചന നിർവ്വഹിച്ചിരിക്കുന്നത്. ആഗസ്റ്റ് അഞ്ചിന് ആഗോള തലത്തിൽ പ്രദർശനത്തിന് എത്തുന്ന ഈ ചിത്രം നിർമ്മിക്കുന്നത് എസ് വിനോദ് കുമാർ ആണ് . ഡി. ഇമ്മൻ ആണ് ചിത്രത്തിന്റെ സംഗീത സംവിധായകൻ. ആക്ഷൻ രംഗങ്ങൾക്ക് പിന്നിൽ പ്രവർത്തിച്ചിരിക്കുന്നത് ദിനേഷ് കാശി ആണ് . ബല്ലു ഛായാഗ്രഹണം നിർവഹിച്ച ഈ ചിത്രത്തിന്റെ എഡിറ്റിംഗ് കൈകാര്യം ചെയ്തിരിക്കുന്നത് പ്രീതി മോഹൻ ആണ്.

ആഗസ്റ്റ് 5 ന് തിയറ്ററുകളിൽ പ്രദർശനത്തിന് എത്തുന്ന ഒരു ടൈം ട്രാവലർ ഫാന്റസി ആക്ഷൻ ചിത്രമാണ് ബിംബിസാര . വസിഷ്ഠ് സംവിധാനം ചെയ്ത് നന്ദമുറി കല്യാൺ റാം നായകനായി എത്തുന്ന ഈ ചിത്രത്തിന്റെ റിലീസ് ട്രൈലർ ഇപ്പോൾ പുറത്തുവിട്ടിരിക്കുകയാണ്. റിലീസ് ചെയ്ത മണിക്കൂറുകൾ തികയും മുൻപേ ലക്ഷക്കണക്കിന് കാഴ്ചക്കാരെയാണ് ബിംബിസാരയുടെ ട്രൈലർ വീഡിയോ സ്വന്തമാക്കിയിരിക്കുന്നത്. ബിംബിസാര എന്നത് ബിസി അഞ്ചാം നൂറ്റാണ്ടിൽ മഗധ ഭരിച്ചിരുന്ന ഒരു രാജാവായിരുന്നു .

ചിത്രത്തിൽ നന്ദമുറി കല്യാൺ റാം ആണ് ബിംബിസാര എന്ന രാജാവിന്റെ കഥാപാത്രം അവതരിപ്പിക്കുന്നത് . ഈ ടൈം ട്രാവലർ ചിത്രം രണ്ട് കാലഘട്ടത്തെ കഥകൾ പറയുന്നുണ്ട്. ഒരു ഭാഗം ദുഷ്ടനും ക്രൂരനുമായ ഒരു രാജാവിനെയും മറു കഥയിൽ ശക്തനായ ഒരു യുവാവിനെ കാണിക്കുന്നു. ഇപ്പോൾ പുറത്തിറങ്ങിയ ട്രൈലറിലും നന്ദമുറി കല്യാൺ റാമിന്റെ ഈ രണ്ട് വേഷങ്ങളും കാണാൻ സാധിക്കും.

മലയാളി താരം സംയുക്ത മേനോൻ , കാതറിൻ തെരേസ , വാരിന ഹുസൈൻ, വെന്നല്ല കിഷോർ, ശ്രീനിവാസ റെഡ്ഢി , ബ്രഹ്മാജി എന്നിവരും ചിത്രത്തിൽ ശ്രദ്ധേയ വേഷങ്ങളിൽ എത്തുന്നുണ്ട്. ഹരി കൃഷ്ണ കെ നിർമ്മിക്കുന്ന ഈ ചിത്രം എൻ ടി ആർ പ്രെഡക്ഷൻസിന്റെ ബാനറിൽ ആണ് ഒരുങ്ങുന്നത്. വാസുദേവ് സംഭാഷണങ്ങൾ ഒരുക്കിയ ഈ ചിത്രത്തിന്റെ രചന നിർവഹിച്ചത് സംവിധായകൻ വസിഷ്ഠ് തന്നെയാണ്. ചിത്രത്തിന്റെ സംഗീത സംവിധായകൻ എം.എം കീരവാണി ആണ്. വെങ്കട്, റാം കൃഷ്ണ എന്നിവർ ചേർന്നാണ് ചിത്രത്തിലെ ആക്ഷൻ രംഗങ്ങൾ ഒരുക്കിയിട്ടുള്ളത്. ചിത്രത്തിന്റെ ഛായഗ്രാഹകൻ ഛോട്ട കെ നായിഡു ആണ് . തമ്മി രാജു ആണ് എഡിറ്റിംഗ് കൈകാര്യം ചെയ്തിരിക്കുന്നത് .

ജൂലൈ 22 ന് തിയറ്ററുകളിൽ പ്രദർശനത്തിന് എത്തിയ ഫഹദ് ഫാസിൽ ചിത്രമാണ് മലയൻ കുഞ്ഞ് . അതിജീവനത്തിന്റെ കഥ പറയുന്ന ഈ ചിത്രം മികച്ച വിജയം കാഴ്ചവച്ച് തിയറ്ററുകളിൽ മുന്നേറുകയാണ്. ഇപ്പോഴിതാ ചിത്രത്തിന്റെ വിജയത്തെ തുടർന്ന് ചിത്രത്തിലെ ഒരു വീഡിയോ പുറത്തു വിട്ടിരിക്കുകയാണ്. 30 സെക്കന്റ് മാത്രം ദൈർഘ്യമുള്ള ഈ വീഡിയോയിൽ നടൻ ഫഹദ് ഫാസിലിനെയാണ് കാണാൻ സാധിക്കുന്നത്. ചിത്രത്തിലെ ഫഹദിന്റെ സ്വഭാവത്തെ വെളിപ്പെടുത്തുന്ന ഒരു വീഡിയോ ആണിത്.

ഒരു സർവൈവൽ ത്രില്ലറായ ഈ ചിത്രം ഒരു യഥാർത്ഥ സംഭവത്തെ ആസ്പതമാക്കിയാണ് ഒരുക്കിയിരിക്കുന്നത്. കേരളത്തിലെ ഹൈറേഞ്ചുകളിൽ സംഭവിച്ച മണ്ണിടിച്ചലും അതിന്റെ പ്രത്യാഘാതങ്ങളുമാണ് ചിത്രത്തിന്റെ പ്രമേയം . തിരിച്ചറിവിന്റെ ചിത്രം എന്നാണ് പ്രേക്ഷകർ ഇതിനെ വിശേഷിപ്പിച്ചിക്കുന്നത് . നടൻ ഫഹദ് ഫാസിലിന്റെ മറ്റൊരു മികച്ച വേഷമാണ് ഈ ചിത്രത്തിൽ കാണാൻ സാധിക്കുന്നത്. ഈ ചിത്രത്തിന്റെ മേക്കിങ് വീഡിയോ , ട്രൈലർ എന്നിവയെല്ലാം വളരെയധികം ശ്രദ്ധ നേടിയിരുന്നു.

നവാഗതനായ സജിമോൻ പ്രഭാകർ സംവിധാനം ചെയ്യുന്ന ഈ ചിത്രത്തിന്റെ തിരക്കഥ ഒരുക്കിയിരിക്കുന്നത് മഹേഷ് നാരായണൻ ആണ് . പ്രശസ്ത നിർമ്മാതാവുമായ ഫാസിൽ ആണ് ഈ ചിത്രം നിർമ്മിക്കുന്നത് . സംഗീത മാന്ത്രികൻ എ ആർ റഹ്മാൻ ആണ് ഈ ചിത്രത്തിലെ ഗാനങ്ങൾ ഒരുക്കിയിരിക്കുന്നത് എന്നതാണ് മറ്റൊരു പ്രത്യേകത . ഫഹദിനൊപ്പം രജീഷ വിജയൻ, ജാഫർ ഇടുക്കി, ഇന്ദ്രൻസ്, ദീപക് പറമ്പോൾ എന്നിവരും ചിത്രത്തിൽ പ്രധാന വേഷങ്ങളിൽ എത്തുന്നു. മഹേഷ് നാരായണൻ ആണ് ചിത്രത്തിന്റെ വേണ്ടി ക്യാമറ ചലിപ്പിച്ചിരിക്കുന്നത് . അർജുൻ ബെൻ ആണ് എഡിറ്റർ .

മലയാളത്തിന്റെ ചോക്ലേറ്റ് ഹീറോ എന്ന് വിശേഷിപ്പിക്കുന്ന നടൻ കുഞ്ചാക്കോ ബോബനെ നായകനാക്കി സംവിധായകൻ രതീഷ് ബാലകൃഷ്ണ പൊതുവാള്‍ ഒരുക്കുന്ന പുത്തൻ ചിത്രമാണ് ന്നാ താന്‍ കേസ് കൊട്. തന്റെ കരിയറിലെ ഏറ്റവും വ്യത്യസ്തമായ ഒരു ലുക്കിൽ ചാക്കോച്ചൻ എത്തുന്ന ഈ ചിത്രത്തിലെ പുതിയ ഗാനം റിലീസ് ചെയ്തത് ഈ അടുത്താണ്. മമ്മൂട്ടിയെ നായകനാക്കി ഭരതന്റെ സംവിധാന മികവിൽ 1985ല്‍ പുറത്തുവന്ന കാതോട് കാതോരം എന്ന ചിത്രത്തിലെ ദേവദൂതര്‍ പാടി എന്ന ഗാനത്തിന്റെ പുനരാവിഷ്‌ക്കാരമാണ് ന്നാ താന്‍ കേസ് കൊട് എന്ന ചിത്രത്തിലെ ഈ പുത്തൻ ഗാനം .

സോഷ്യൽ മീഡിയ പേജിലൂടെ ഈ ഗാനം റിലീസ് ചെയ്തത് മെഗാ സ്റ്റാർ മമ്മൂട്ടിയാണ് . പുറത്തിറങ്ങി നിമിഷങ്ങൾകകം ഈ ഗാനം സോഷ്യൽ മീഡിയയിൽ ട്രെൻഡിങ് ആയി മാറിയിരിക്കുകയാണ്. ഈ ഗാന രംഗത്തിൽ നടൻ ചാക്കോച്ചൻ കാഴ്ചവയ്ക്കുന്ന ഡാൻസ് ആണ് ഇപ്പോൾ പ്രേക്ഷകർ ഏറ്റെടുത്തിരിക്കുന്നത്. ഈ ചിത്രത്തിൽ കുഞ്ചാക്കോ ബോബൻ പ്രത്യക്ഷപ്പെടുന്നത് മുൻപെങ്ങും പ്രേക്ഷകർ കാണാത്ത രൂപത്തിലും ഭാവത്തിലും ആണ്. രൂപം പോലെ തന്നെ ഈ ഗാനത്തിൽ അദ്ദേഹം കാഴ്ചവയ്ക്കുന്ന നൃത്ത ചുവടുകൾക്കും ഏറെ പ്രത്യേകതകൾ ഉണ്ട്.

ഏതായാലും ഇരുകയ്യും നീട്ടി പ്രേക്ഷകർ ഈ വീഡിയോ സ്വീകരിച്ചു കഴിഞ്ഞു. ഇപ്പോൾ ഇതാ ട്രെൻഡിംഗ് ആയ ഈ ഗാനത്തിന് സംഗീത സംവിധായകൻ ഔസേപ്പച്ചൻ കുറിച്ച വാക്കുകളും സാമൂഹ്യ മാധ്യമങ്ങളിൽ ശ്രദ്ധ നേടുകയാണ്. മുപ്പത്തിയേഴു വർഷം മുൻപ് ഈ ഗാനത്തിന് ഈണം നൽകിയത് ഔസേപ്പച്ചൻ ആണ്.

“ചാക്കോച്ചാ പൊളിച്ചൂടാ മോനെ പൊളിച്ചു. ഞാൻ വയലിൻ വായിച്ചു കൊണ്ട് കണ്ടക്റ്റ് ചെയ്ത 37 വർഷം മുന്നേ ഉള്ള ഈ ഗാനം ഇന്നും ട്രെൻഡിങ് ആയതിൽ സന്തോഷം . കീബോർഡ് എ .ആർ.റഹ്മാൻ, ഗിറ്റാർ ജോൺ ആന്റണി, ഡ്രംസ് ശിവമണി എന്നിവർ ആയിരുന്നു അന്ന് ഓർക്കസ്ട്രയിൽ ഒപ്പം ഉണ്ടായിരുന്നത് . അത് ഓർമപ്പെടുത്തുന്ന രീതിയിൽ പുനർ സൃഷ്ടിച്ച ഓർക്കസ്‌ട്രേഷനൊപ്പം ഹൃദയത്തിൽ തൊടുന്ന ആബിജു നാരായണന്റെ ആലാപനവും ഒത്തുചേർന്നപ്പോൾ ഗംഭീരമായി”. തന്റെ ഫേസ്ബുക് പേജിൽ ഔസേപ്പച്ചൻ കുറിച്ചത് ഇങ്ങനെയായിരുന്നു.

ഒ.എന്‍.വി കുറുപ്പ് രചന നിർവഹിച്ച് ഔസേപ്പച്ചന്‍ സംഗീതം പകർന്ന ഈ ഗാനം ആദ്യം ആലപിച്ചത് ഗാന ഗന്ധർവ്വൻ യേശുദാസ് ആണ്. ന്നാ താന്‍ കേസ് കൊട് എന്ന ചിത്രത്തിൽ കൊഴുമ്മല്‍ രാജീവന്‍ എന്ന കഥാപാത്രത്തെയാണ് കുഞ്ചാക്കോ ബോബൻ അവതരിപ്പിക്കുന്നത്. രതീഷ് പൊതുവാൾ ഒരുക്കിയ മികച്ച ചിത്രങ്ങളായ ആൻഡ്രോയിഡ് കുഞ്ഞപ്പൻ, കനകം കാമിനി കലഹം എന്നീ സിനിമകൾക്കു ശേഷം അദ്ദേഹം ഒരുക്കുന്ന ഈ ചിത്രം നിർമ്മിക്കുന്നത് സന്തോഷ് ടി കുരുവിള, കുഞ്ചാക്കോ ബോബൻ എന്നിവർ ചേർന്നാണ്.

മലയാളികളുടെ പ്രിയതാരം ദുൽഖർ സൽമാൻ നായകനായി എത്തുന്ന രണ്ടാമത്തെ തെലുങ്ക് ചിത്രമാണ് സീത രാമം . വരുന്ന ഓഗസ്റ്റ് അഞ്ചിന് ഈ ചിത്രം ആഗോള റിലീസായി എത്തുകയാണ്. തെലുങ്കിന് പുറമേ മലയാളം, തമിഴ് ഭാഷകളിലും ഈ ചിത്രം മൊഴി മാറ്റിയെത്തുന്നുണ്ട്. ഇതുവരെ പുറത്തിറങ്ങിയ ഈ ചിത്രത്തിന്റെ പോസ്റ്ററുകൾ, പ്രെമോ വീഡിയോ, ഗാനങ്ങൾ, ടീസർ എന്നിവയെല്ലാം സോഷ്യൽ മീഡിയയിൽ വളരെയധികം ശ്രദ്ധ നേടിയിരുന്നു. ഇവയ്ക്കെല്ലാം ശേഷം ഇപ്പോഴിതി ഈ ചിത്രത്തിന്റെ ട്രൈലെർ റിലീസ് ചെയ്തിരിക്കുകയാണ്.

ചിത്രത്തിൽ ദുൽഖർ സൽമാൻ ലെഫ്റ്റനെന്റ് റാം എന്ന കഥാപാത്രമായി വേഷമിടുന്നു. പട്ടാളക്കാരനായ ഈ കഥാപാത്രത്തിന്റെ പ്രണയകഥയാണ് ഈ ചിത്രത്തിൽ പറയുന്നത്. മൃണാൾ താക്കുർ ആണ് ചിത്രത്തിൽ ദുൽഖറിന്റെ നായികയായി എത്തുന്നത്. പ്രണയ കഥ പറയുന്ന ഈ ചിത്രം പ്രണയത്തിന് പുറമേ അതി തീവ്ര വൈകാരിക മുഹൂർത്തങ്ങൾക്കും പ്രധാന്യം നൽകുന്നു എന്നത് ഇതിന്റെ ട്രൈലെറിൽ നിന്നും മനസ്സിലാക്കാം. തെന്നിന്ത്യൻ താര സുന്ദരി നടി രശ്‌മിക മന്ദാനയും ഈ ചിത്രത്തിൽ ഒരു നിർണ്ണായക വേഷം ചെയ്യുന്നുണ്ട്. ഹനു രാഘവപുടിയാണ് ഈ ചിത്രം സംവിധാനം ചെയ്യുന്നത്. ട്രൈലെറിൽ നിന്നും ഈ ചിത്രം 1960 കളിൽ നടക്കുന്ന ഒരു പീരീഡ് ഡ്രാമയാണ് എന്ന സൂചനയും ലഭിക്കുന്നുണ്ട്.

വൈജയന്തി മൂവീസ്, സ്വപ്ന സിനിമ, എന്നിവയാണ് ഈ ചിത്രത്തിന്റെ നിർമ്മാണം നിർവഹിച്ചിരിക്കുന്നത്. പി എസ് വിനോദ് ആണ് ചിത്രത്തിന്റെ ഛായാഗ്രഹണം നിർവഹിച്ചിരിക്കുന്നത്. കോട്ടഗിരി വെങ്കിടേശ്വര റാവു ആണ് ചിത്രത്തിന്റെ എഡിറ്റർ. ഇതിനോടകം സൂപ്പർ ഹിറ്റുകളായി മാറിയ ഈ ചിത്രത്തിലെ ഗാനങ്ങൾ ഒരുക്കിയിരിക്കുന്നത് വിശാൽ ചന്ദ്രശേഖർ ആണ് . പ്രകാശ് രാജ്, ഗൗതം വാസുദേവ് മേനോൻ,ഭൂമിക ചൗള, വെണ്ണല കിഷോർ, സുമന്ത്, മുരളി ശർമ്മ, തരുൺ ഭാസ്കർ, സച്ചിൻ ഖേദകർ, വെണ്ണല കിഷോർ, സുമന്ത്, രുക്മിണി വിജയ് കുമാർ എന്നിവരും ഈ ചിത്രത്തിന്റെ ഭാഗമാകുന്നുണ്ട്. കീർത്തി സുരേഷിനൊപ്പം വേഷമിട്ട മഹാനടി ആണ് ദുൽഖറിന്റെ ആദ്യ തെലുങ്കു ചിത്രം .

സൂപ്പർഹിറ്റ് തമിഴ് സംവിധായകൻ വെട്രിമാരൻ മികച്ച നടനുള്ള ദേശീയ അവാർഡ് കരസ്ഥമാക്കിയ തെന്നിന്ത്യൻ സൂപ്പർ താരം സൂര്യയെ നായകനാക്കി ഒരുക്കുന്ന പുത്തൻ ചിത്രമാണ് വാടിവാസൽ . ജെല്ലിക്കെട്ടിന്റെ പശ്ചാത്തലത്തിലൊരുങ്ങുന്ന ഈ ചിത്രത്തിന് വേണ്ടി സിനിമാ പ്രേമികളും സൂര്യ ആരാധകരും ഏറെ പ്രതീക്ഷകളോടെയാണ് കാത്തിരിക്കുന്നത്. ബിഹൈൻഡ് വുഡ്‌സ് പുരസ്കാര വേദിയിൽ അവാർഡ് സ്വീകരിക്കാൻ എത്തിയ സംവിധായകൻ വെട്രിമാരൻ ഈ ചിത്രത്തെ കുറിച്ച് പറഞ്ഞിരുന്നു.

ഈ ചിത്രം അതിന്റെ പ്രാരംഭ ഘട്ട ജോലിയിലാണെന്നും അതിനോടനുബന്ധിച്ച് 2 ദിവസത്തെ ടെസ്റ്റ് ഷൂട്ട് തങ്ങൾ നടത്തി നോക്കിയെന്നും അദ്ദേഹം ആ വേദിയിൽ പറഞ്ഞു . ഇപ്പോഴിതാ, ചിത്രത്തിന്റെ അണിയറ പ്രവർത്തകർ കഴിഞ്ഞ ദിവസം നടന്ന സൂര്യയുടെ ജന്മദിനാഘോഷത്തിൽ ആശംസകൾ നേർന്നു കൊണ്ട് ആ ടെസ്റ്റ് ഷൂട്ട് വീഡിയോ പുറത്തു വിട്ടിരിക്കുകയാണ് . വെറും ഒരു മിനിറ്റും നാല് സെക്കന്റും മാത്രം ദൈര്‍ഘ്യമുള്ള ഈ വീഡിയോ ഇപ്പോൾ സാമൂഹ്യ മാധ്യമങ്ങളിൽ വൈറലായി മാറുകയാണ്.

ഇപ്പോഴിതാ നടൻ സൂര്യ സ്വന്തമായി രണ്ട് ജെല്ലിക്കെട്ട് കാളകളെ വാങ്ങി പരിശീലനം നടത്തുകയാണ്. ഈ പരിശീലനം ചിത്രത്തിൽ കാളയുമായുള്ള സംഘട്ടനങ്ങൾ പരിചയമാകുന്നതിനു വേണ്ടിയാണ് . സൂര്യ ആ കാളകളെ പരിപാലിക്കുന്നത് തന്റെ വീട്ടിൽ നിർത്തിയാണ് മാത്രമല്ല ജെല്ലിക്കെട്ടിൽ പരിചയസമ്പന്നരായ ആളുകളുടെ സഹായത്തോടെ താരം സംഘട്ടനത്തിനായ പരിശീലിക്കുന്നതുമെന്നും സംവിധായകൻ വെട്രിമാരൻ പറഞ്ഞിരുന്നു.

ഈ ബിഗ് ബഡ്ജറ്റ് ചിത്രം നിർമ്മിക്കുന്നത് വെട്രിമാരൻ ഒരുക്കിയ വമ്പൻ ചിത്രങ്ങളായ അസുരൻ, കർണ്ണൻ തുടങ്ങിയവ നിർമ്മിച്ച കലൈപുലി എസ് താണു ആണ് . സി.എസ്. ചെല്ലപ്പയുടെ ജെല്ലിക്കെട്ട് പശ്ചാത്തലമായുള്ള വടിവാസൽ എന്ന നോവലിനെ ആസ്പദമാക്കിയുള്ളതാണ് ഈ ചിത്രം. ഈ ചിത്രം ചർച്ച ചെയ്യുന്നത് വളരെ വെല്ലുവിളി നിറഞ്ഞ ഒരു പ്രമേയമാണ് എന്നും സംവിധായകൻ വെളിപ്പെടുത്തിയിരുന്നു. ഇപ്പോൾ സൂര്യ ചെയ്തു കൊണ്ടിരിക്കുന്നത് ബാല സംവിധാനം ചെയ്യുന്ന വണങ്കാന്‍ എന്ന ചിത്രമാണ് .

വിഷ്ണു വിശാലിനെ കേന്ദ്ര കഥാപാത്രമാക്കി മുരളി കാർത്തിക് ഒരുക്കുന്ന ചിത്രമാണ് മോഹൻദാസ് . വിഷ്ണുവിന്റെ ജന്മദിനത്തോടനുബന്ധിച്ച് ചിത്രത്തിന്റെ ഒരു വീഡിയോ അണിയറ പ്രവർത്തകർ പുറത്തുവിട്ടിരുന്നു. ഈ വീഡിയോ ഇപ്പോൾ സോഷ്യൽ മീഡിയയിൽ ശ്രദ്ധിക്കപ്പെടുകയാണ്. വിഷ്ണു വിശാലിന്റെ മറ്റൊരു ശ്രദ്ധേയ വേഷമാണ് ഈ വീഡിയോ രംഗത്തിൽ കാണാൻ സാധിക്കുന്നത്. ഒരു പക ഉള്ളിൽ സൂക്ഷിച്ചുകൊണ്ട് തന്റെ പ്രതികാരം തീർക്കുന്ന ഒരു കഥാപാത്രത്തെയാണ് വിഷ്ണു ഈ ചിത്രത്തിൽ അവതരിപ്പിക്കുന്നത്.

വിഷ്ണു വിശാലിന്റെ കഥാപാത്രം ഒരു സൈക്കോ പോലെ പെരുമാറുകയും ആളുകളെ മൃഗീയമായി കൊല്ലുകയും ചെയ്യുന്ന രംഗങ്ങൾ ഈ വീഡിയോയിൽ കാണാം. നടി ഐശ്വര്യ രാജേഷ് ആണ് ചിത്രത്തിലെ നായിക വേഷം ചെയ്യുന്നത്. മലയാളി താരം ഇന്ദ്രജിത്ത് സുകുമാരനും ചിത്രത്തിൽ ഒരു പ്രധാന വേഷം കൈകാര്യം ചെയ്യുന്നുണ്ട്. ഇവരെ കൂടാതെ കരുണാകരൻ, ലല്ലു, പ്രകാശ് രാഘവൻ , ഷരീഖ് ഹസ്സൻ എന്നിവരും ചിത്രത്തിൽ വേഷമിടുന്നുണ്ട്.

കാർത്തിക് നേത വരികൾ രചിച്ച ചിത്രത്തിലെ ഗാനങ്ങൾക്ക് ഈണം ഒരുക്കുന്നത് ഗിബ്രൻ ആണ്. സംവിധായകൻ മുരളി കാർത്തിക് തന്നെ രചന നിർവഹിച്ച ഈ ചിത്രത്തിലെ സംഭാഷണങ്ങൾ ഒരുക്കിയിരിക്കുന്നത് അദ്ദേഹവും അരവിന്ദ് മുരളിയും ചേർന്നാണ്. വിഘ്നേഷ് രാജഗോപാലൻ ഛായാഗ്രഹണം നിർവഹിക്കുന്ന ചിത്രത്തിന്റെ എഡിറ്റിംഗ് കൈകാര്യം ചെയ്യുന്നത് സാൻ ലോകേഷ് ആണ്.

നവാഗത സംവിധായകനായ എസ്. കെ വെട്രി സെൽവൻ അണിയിച്ചൊരുക്കുന്ന പുത്തൻ ആക്ഷൻ ത്രില്ലർ തമിഴ് ചിത്രമാണ് യെന്നി തുനിഗ. റിലീസിന് ഒരുങ്ങുന്ന യെന്നി തുനിഗയുടെ ഒഫീഷ്യൽ ട്രൈലർ ഇപ്പോൾ റിലീസ് ചെയ്തിരിക്കുകയാണ്. തമിഴ് താരം ജയ് നായകനായി എത്തുന്ന ഈ ചിത്രത്തിൽ അതുല്യ രവിയാണ് നായിക വേഷം ചെയ്യുന്നത്. ചിത്രത്തിൽ ഒരു ഐ.ടി എംപ്ലോയി ആയാണ് ജയ് വേഷമിടുന്നത്. നായകന്റെ പ്രണയ രംഗങ്ങളും ഒപ്പം പ്രതികാര രംഗങ്ങളും ഈ ട്രൈലറിൽ കാണാൻ സാധിക്കും. കിടിലൻ ആക്ഷൻ രംഗങ്ങൾ നിറഞ്ഞ ഒരു ട്രൈലറാണ് പ്രേക്ഷകരിലേക്ക് എത്തിയിക്കുന്നത്.

ജയ് , അതുല്യ രവി എന്നിവർക്കൊപ്പം അഞ്ജലി നായർ , വംശി കൃഷ്ണ, വിദ്യ പ്രദീപ്, മാരിമുത്തു, സുനിൽ റെഡ്ഢി , സുരേഷ് സുബ്രഹ്മണ്യൻ എന്നിവരും വേഷമിടുന്നു. സംവിധായകൻ എസ്. കെ വെട്രി സെൽവൻ തന്നെയാണ് ചിത്രത്തിന്റെ രചന നിർവഹിച്ചിരിക്കുന്നത് . ചിത്രത്തിലെ ഗാനങ്ങൾക്ക് ഈണം പകർന്നിരിക്കുന്നത് സാം സി എസ് ആണ് . സുരേഷ് സുബ്രഹ്മണ്യനാണ് ചിത്രത്തിന്റെ നിർമ്മാണം നിരവഹിക്കുന്നത്. ജെ ബി ദിനേഷ് കുമാർ ഛായാഗ്രഹണം നിർവഹിക്കുന്ന ചിത്രത്തിന്റെ എഡിറ്റിംഗ് കൈകാര്യം ചെയ്തിരിക്കുന്നത് വി ജെ സാബു ജോസഫ് ആണ്.

നടൻ ജയ് യുടെ ഈ തിരിച്ചു വരവിൽ ഏറെ സന്തോഷത്തിലാണ് ആരാധകർ. ട്രൈലർ കണ്ട പ്രേക്ഷകർ ഇതൊരു സൂപ്പർ ഹിറ്റ് ചിത്രമായി മാറും എന്ന പ്രതീക്ഷയിലാണ്. ഒട്ടേറെ പ്രേക്ഷകരാണ് വീഡിയോയ്ക്ക് താഴെ കമന്റുകൾ നൽകിയിരിക്കുന്നത് .