Movie Updates

നിവിൻ പോളി – ആസിഫ് അലി എന്നിവരെ കേന്ദ്ര കഥാപാത്രങ്ങളാക്കി എബ്രിഡ് ഷൈൻ ഒരുക്കുന്ന പുത്തൻ ചിത്രമാണ് മഹാവീര്യർ . ജൂലൈ 21 ന് ആഗോള തലത്തിൽ റിലീസിന് ഒരുങ്ങുന്ന ഈ ചിത്രത്തിന്റെ ട്രെയിലർ ഇപ്പോൾ പുറത്തു വിട്ടിരിക്കുകയാണ്. പുറത്തിറങ്ങി മണിക്കൂറുകൾ തികയും മുൻപേ ലക്ഷക്കണക്കിന് കാഴ്ചക്കാരെയും സ്വന്തമാക്കി ഈ ട്രൈലർ മുന്നേറുകയാണ് . വ്യത്യസ്തമാർന്ന ലുക്കിൽ എത്തിയ നിവിൻ പോളിയുടേയും ആസിഫ് അലിയുടേയും ഫസ്റ്റ് ലുക്ക് പോസ്റ്റുകൾ ഏറെ ശ്രദ്ധ നേടിയിരിന്നു. ഇപ്പോഴിതാ ഈ ട്രൈലറും പ്രേക്ഷകർക്കിടയിൽ തരംഗം സൃഷ്ടിക്കുകയാണ്.

ഒരു ഫാന്റസി ചിത്രമാണ് മഹാവീര്യർ എന്നതാണ് ട്രൈലറിൽ നിന്നും ലഭിക്കുന്ന സൂചന . ട്രൈം ട്രാവലറും ഫാന്റസിയും പ്രധാന ഘടകങ്ങളായ എത്തുമ്പോൾ നർമ്മ രംഗങ്ങളും വൈകാരിക രംഗങ്ങളും ചിത്രത്തിൽ ഉൾപ്പെടുത്തിയിട്ടുണ്ട് എന്ന് ട്രൈലറിൽ നിന്നും മനസ്സിലാക്കാം. പഴയ കാലത്തെ രാജ ഭരണം കാണിക്കുന്നതോടൊപ്പം ഇക്കാലത്തെ കോടതിയും നിയമ വ്യവസ്ഥകളും മറുവശത്ത് തുറന്ന് കാണിക്കുന്നു. പ്രേക്ഷകരെ വലയ്ക്കുന്ന ഒപ്പം പ്രേക്ഷകരിൽ ആകാംഷ ഉളവാക്കുന്ന ഒരു ട്രൈലറാണ് ഇത്.

നിവിൻ പോളി – ആസിഫ് അലി എന്നിവരെ കൂടാതെ സിദ്ദിഖ്, ലാൽ , ലാലു അലക്സ് , ഷാൻവി എന്നിവരും പ്രധാന വേഷങ്ങളിൽ എത്തുന്നു. പോളി ജൂനിയർ ഫിലിംസിന്റെ ബാനറിൽ നിവിൻ പോളി , പി.എസ് ഷംനാസ് , എബ്രിഡ് ഷൈൻ എന്നിവർ ചേർന്നാണ് ഈ ചിത്രം നിർമ്മിക്കുന്നത്. എം. മുകുന്ദൻ ആണ് കഥ തയ്യാറാക്കിയത്. ചന്ദ്രു സെൽവരാജ് ആണ് ചിത്രത്തിന്റെ ക്യാമറമാൻ . എഡിറ്റർ മനോജ് . ഇഷാൻ ചാബ്രാ ആണ് ചിത്രത്തിലെ ഗാനങ്ങൾ ഒരുക്കിയത്.

പ്രേക്ഷകരെ അമ്പരിപ്പിച്ചു കൊണ്ട് കുടുക്ക് 2025 എന്ന ചിത്രത്തിന്റെ ഒഫീഷ്യൽ ടീസർ ഇപ്പോൾ പ്രേക്ഷക ശ്രദ്ധ നേടുകയാണ് . നടൻ കൃഷ്ണ ശങ്കർ , ദുർഗ്ഗ കൃഷ്ണ എന്നിവരാണ് ചിത്രത്തിലെ കേന്ദ്ര കഥാപാത്രങ്ങളായി എത്തുന്നത്. കൃഷ്ണ ശങ്കറിന്റെ വേറിട്ട ഒരു കഥാപാത്രം തന്നെയാണ് ഈ ചിത്രത്തിൽ കാണാൻ സാധിക്കുക. മനുഷ്യന്റെ സ്വകാര്യതയാണ് ചിത്രത്തിന്റെ പ്രമേയം . വരും വർഷങ്ങളിൽ നടക്കുന്ന സംഭവങ്ങൾ എന്ന രീതിയിലാണ് ചിത്രം ഒരുക്കിയിരിക്കുന്നത് . അതായത് പേര് പോലെ തന്നെ 2025 ലെ കഥയാണ് ചിത്രം പറയുന്നത്.

അള്ള് രാമേന്ദ്രൻ എന്ന ചിത്രം ഒരുക്കിയ ബിലഹരി ആണ് കുടുക്ക് 2025 എന്ന ചിത്രം സംവിധാനം ചെയ്യുന്നത്. കൃഷ്ണ ശങ്കർ, ദുർഗ്ഗ കൃഷ്ണ എന്നിവരെ കൂടാതെ അജു വർഗ്ഗീസ് , ഷൈൻ ടോം ചാക്കോ എന്നിവരും പ്രധാന വേഷങ്ങളിൽ എത്തുന്നു. നടൻ എസ്.വി കൃഷ്ണ ശങ്കർ , സംവിധായകൻ ബിലഹരി, ദീപ്തി റാം എന്നിവർ ചേർന്നാണ് ഈ ചിത്രം നിർമ്മിക്കുന്നത്. വിക്കി ആണ് ചിത്രത്തിലെ ആക്ഷൻ രംഗങ്ങൾക്ക് പിന്നിൽ പ്രവർത്തിച്ചിരിക്കുന്നത് . ഭൂമി , മണികണ്ഠൻ അയ്യപ്പ എന്നിവരാണ് ചിത്രത്തിലെ ഗാനങ്ങൾ ഒരുക്കിയിരിക്കുന്നത്. അഭിമന്യു വിശ്വനാഥ് ആണ് ചിത്രത്തിന്റെ ഛായഗ്രാഹകൻ . എഡിറ്റിംഗ് കൈകാര്യം ചെയ്തിരിക്കുന്നത് കിരൺ ദാസ് ആണ്.

ഈ ചിത്രത്തിലെ ഗാനങ്ങൾ നേരത്തെ തന്നെ റിലീസ് ചെയ്തിരുന്നു. ആരാന്റെ കണ്ടത്തില് എന്ന ഗാനം സോഷ്യൽ മീഡിയയിൽ ട്രെൻഡിംഗ് ആയി മാറുകയും ചെയ്തിരുന്നു. ഇപ്പോൾ പുറത്തിറങ്ങിയ ടീസറും പ്രേക്ഷകർ ഏറ്റെടുത്തിരിക്കുകയാണ് . തിയറ്ററുകളിൽ പ്രേക്ഷകരെ ഇളക്കി മറിക്കാൻ ഈ ചിത്രത്തിന് സാധിക്കട്ടെ എന്നാണ് പല പ്രേക്ഷകരും ആശംസിക്കുന്നത് .

സായ് പല്ലവിയെ കേന്ദ്ര കഥാപാത്രമാക്കി ഗൗതം രാമചന്ദ്രൻ ഒരുക്കുന്ന പുത്തൻ തമിഴ് ചിത്രമാണ് ഗാർഗി . വ്യാഴാഴ്ച വൈകുന്നേരത്തിന് ഈ ചിത്രത്തിന്റെ ഒഫീഷ്യൽ ട്രൈലർ പുറത്തുവിട്ടു. ചിത്രത്തിന്റെ നായിക സായ് പല്ലവിയാണ് ഈ ട്രൈലർ അനാശ്ചാദനം ചെയ്തത്. സോണി മ്യൂസിക് സൗത്ത് എന്ന യൂട്യൂബ് ചാനലിലൂടെ പുറത്തിറങ്ങിയ ചിത്രത്തിന്റെ ട്രൈലർ ഇപ്പോൾ പ്രേക്ഷക ശ്രദ്ധ നേടുകയാണ്.

ചിത്രത്തിൽ ഒരു സ്കൂൾ ടീച്ചറുടെ വേഷമാണ് സായ് പല്ലവി അവതരിപ്പിക്കുന്നത്. തന്റെ പിതാവ് ഒരു കേസിൽ അകപ്പെടുന്നതും അതേ തുടർന്ന് ഗാർഗി അനുഭവിക്കുന്ന മാനസിക സംഘർഷങ്ങളും മറ്റുമാണ് ഈ ട്രൈലറിൽ ചിത്രീകരിച്ചിരിക്കുന്നത്. വളരെയധികം ഇമോഷണൽ രംഗങ്ങൾ നിറഞ്ഞ ഒരു ട്രൈലറാണ് ഇപ്പോൾ എത്തിയിരിക്കുന്നത്. സായ് പല്ലവിയുടെ അത്യുജ്ജ്വല പ്രകടനം തന്നെയാണ് ഈ ട്രൈലറിൽ കാണാൻ സാധിക്കുന്നത്.

ചിത്രത്തിൽ കാലി വെങ്കട് , ആർ.എസ് ശിവജി , കലൈമാമണി ശരവണൻ ,ജയപ്രകാശ് , പ്രതാപ് , സുധ, ലിവിങ്സ്റ്റൺ , കവിതലയ കൃഷ്ണൻ , മലയാളി നായിക ഐശ്വര്യ ലക്ഷ്മി എന്നിവരും പ്രധാന വേഷങ്ങളിൽ എത്തുന്നു. ബ്ലാക്കി, ജീനി, മൈ ലെഫ്റ്റ് ഫൂട്ട് എന്നിവയുടെ ബാനറിൽ ഒരുങ്ങുന്ന ഈ ചിത്രം നിർമ്മിക്കുന്നത് രവിചന്ദ്രൻ രാമചന്ദ്രൻ , തോമസ് ജോർജ്ജ്, ഐശ്വര്യ ലക്ഷ്മി, വി ഗൗതം രാമചന്ദ്രൻ എന്നിവർ ചേർന്നാണ്.

ഐശ്വര്യ ലക്ഷ്മിയുടെ ആദ്യ നിർമ്മാണ സംരംഭം കൂടിയാണ് ഈ ചിത്രം. തമിഴിൽ ഈ ചിത്രം വിതരണം ചെയ്യുന്നത് 2D എന്റർടൈൻമെന്റ് ആണ്. കാർത്തിക്ക് നേത വരികൾ രചിച്ച ചിത്രത്തിലെ ഗാനങ്ങൾക്ക് ഈണം പകർന്നിരിക്കുന്നത് ഗോവിന്ദ് വസന്ത ആണ്. ശ്രേയന്തി, പ്രേം കൃഷ്ണ എന്നിവരാണ് ചിത്രത്തിന്റെ ഛായാഗ്രഹണം നിർവഹിച്ചിരിക്കുന്നത് . എഡിറ്റിംഗ് കൈകാര്യം ചെയ്തിരിക്കുന്നത് ഷഫീഖ് മുഹമ്മദ് അലി ആണ്.

കരൺ മൽഹോത്ര സംവിധാനം ചെയ്ത് ജൂലൈ 22 ന് പ്രദർശനത്തിന് എത്തുന്ന പുത്തൻ ബോളിവുഡ് ചിത്രമാണ് ഷംഷേര. ഈ ചിത്രത്തിലെ പുത്തൻ ഗാനം ഇപ്പോൾ സോഷ്യൽ മീഡിയയിൽ വൈറലാവുകയാണ്. വൈ ആർ എഫ് എന്ന യൂടൂബ് ചാനലിലൂടെ ഇപ്പോൾ പ്രേക്ഷകർക്ക് മുന്നിൽ എത്തിയിരിക്കുന്നത് ഫിത്തൂർ എന്ന ഗാനത്തിന്റെ വീഡിയോ ആണ്. രവീൺ കപൂറും വാണി കപൂറും തമ്മിലുള്ള അതി തീവ്ര പ്രണയ രംഗങ്ങൾ ഒരുക്കിയ ഒരു റൊമാന്റിക് ഗാനമാണ് ഇപ്പോൾ പ്രേക്ഷകർ ഏറ്റെടുത്തിരിക്കുന്നത്. അതീവ ഗ്ലാമറസായി നായിക വാണി കപൂർ ഈ ഗാന രംഗത്തിൽ എത്തുന്നു എന്നതും ശ്രദ്ധേയമാണ്. കരൺ മൽഹോത്ര വരികൾ രചിച്ച ഈ ഗാനത്തിന് മിത്തൂൻ ആണ് ഈണം നൽകിയിരിക്കുന്നത്. അർജിത്ത് സിങ്, നീതി മോഹൻ എന്നിവർ ചേർന്നാണ് ഈ ഗാനം ആലപിച്ചിരിക്കുന്നത്.

ചിത്രത്തിന്റെ പേരായ ഷംഷേര എന്ന കഥാപാത്രമായി വേഷമിടുന്നത് നടൻ റൺബീർ കപൂർ ആണ്. 1800 കളിൽ ബ്രീട്ടീഷ് ഭരണത്തിനും ചൂഷണത്തിനും എതിരെ ഡക്കോയിറ്റ് എന്ന ഗോത്ര വിഭാഗം നടത്തിയ പോരാട്ടമാണ് ഈ ചിത്രത്തിന്റെ പശ്ചാത്തലം. തമിഴ്, തെലുങ്ക് ഭാഷകളിലും ബോളിവുഡ് താരങ്ങൾ അണിനിരക്കുന്ന ഈ ചിത്രം റിലീസ് ചെയ്യും. റൺബീർ കപൂർ, വാണി കപൂർ എന്നിവർക്കൊപ്പം സഞ്ജയ് ദത്ത്, റോണിത് റോയ്, സൗരഭ് ശുക്ല , അശുതോഷ് റാണ, എന്നിവരും ഈ ചിത്രത്തിൽ പ്രധാന വേഷങ്ങളിൽ എത്തുന്നുണ്ട്.

നീലേഷ് മിശ്ര, ഖില ഭിഷ്ട് എന്നിവർ ചേർന്നാണ് ഈ ചിത്രത്തിന് കഥ തയ്യാറാക്കിയിരിക്കുന്നത്. കരൺ മൽഹോത്രയും എക്ത പതക് മൽഹോത്രയും ചേർന്നാണ് തിരക്കഥ ഒരുക്കിയത്. ചിത്രത്തിന്റെ എഡിറ്റർ ശിവകുമാർ വി പണിക്കർ ആണ് .

നടി ഐശ്വര്യ രാജേഷിനെ കേന്ദ്ര കഥാപാത്രമാക്കി പി കിൻസ്ലിൻ ഒരുക്കുന്ന പുതിയ ചിത്രമാണ് ഡ്രൈവർ ജമുന . തിങ്ക് മ്യൂസിക് ഇന്ത്യ എന്ന യൂട്യുബ് ചാനലിലൂടെ ഈ ചിത്രത്തിന്റെ ഒഫീഷ്യൽ മലയാളം ട്രൈലർ ഇപ്പോൾ പുറത്തുവിട്ടിരിക്കുകയാണ്. ചിത്രത്തിൽ ഒരു ക്യാബ് ഡ്രൈവറായാണ് ഐശ്വര്യ വേഷമിടുന്നത് . ദുരൂഹത നിറഞ്ഞ ഒരു ട്രൈലറാണ് ഇപ്പോൾ പ്രേക്ഷകർക്ക് മുന്നിലേക്ക് എത്തിയിരിക്കുന്നത് . നായിക കഥാപാത്രത്തിന് മുൻഗണന നൽകുന്ന ഈ ചിത്രം ക്യാബ് ഡ്രൈവറായ ഐശ്വര്യയെ ചുറ്റി പറ്റിയാണ് കഥ മുന്നോട്ട് പോകുന്നത്. ചിത്രത്തിൽ താരം നേരിടേണ്ടി വരുന്ന ഒരു വലിയ പ്രശ്നത്തെയും തുടർന്നുള്ള സംഭവ വികാസങ്ങളുമാണ് ഈ ട്രൈലറിൽ കാണിച്ചിരിക്കുന്നത്.

ഐശ്വര്യ രാജേഷിനൊപ്പം ആടുകളം നരേൻ , കവിതാ ഭാരതി , അഭിഷേക് കുമാർ , ഇളയ പാണ്ടി, മണികണ്ഠൻ രാജേഷ് എന്നിവരും പ്രധാന വേഷങ്ങളിൽ എത്തുന്നു. 18 റീൽസിന്റെ ബാനറിൽ ഒരുങ്ങുന്ന ഈ ചിത്രം നിർമ്മിക്കുന്നത് എസ്.പി ചൗധരി ആണ്.

സംവിധായകൻ പി കിൻസ്ലിൻ തന്നെയാണ് ചിത്രത്തിന്റെ രചന നിർവഹിച്ചിരിക്കുന്നത്. ഗിബ്ബ്രൻ ആണ് ആണ് ചിത്രത്തിലെ സംഗീതം ഒരുക്കിയിട്ടുള്ളത്. അനൽ അരസു ആണ് ആക്ഷൻ രംഗങ്ങൾ ഒരുക്കിയിരിക്കുന്നത്. ഗോകുൽ ബിനോയ് ആണ് ചിത്രത്തിന്റെ ഛായാഗ്രാഹകൻ . ആർ രാമർ ആണ് എഡിറ്റിംഗ് കൈകാര്യം ചെയ്തിരിക്കുന്നത്.

തിയറ്ററുകളിൽ പ്രേക്ഷകരെ ആവേശത്തിലാഴ്ത്തിയ തമിഴ് ആക്ഷൻ ചിത്രം വിക്രം ഡിസ്നി പ്ലസ് ഹോട്ട് സ്റ്റാറിൽ ജൂലൈ 8 മുതൽ സ്ട്രീമിംഗ് ആരംഭിക്കുകയാണ്. ഇത് അറിയിച്ചു കൊണ്ടുള്ള ഒരു പ്രൊമോ വീഡിയോ നേരത്തെ റിലീസ് ചെയ്തിരുന്നു. ഇപ്പോഴിതാ മറ്റൊരു വീഡിയോ കൂടി ഡിസ്നി പ്ലസ് ഹോട്ട് സ്റ്റാർ മലയാളം എന്ന യൂട്യൂബ് ചാനലിലൂടെ പുറത്തുവിട്ടിരിക്കുകയാണ്. ഈ ചിത്രം മലയാളത്തിലും എത്തുന്നു എന്നറിയിച്ചു കൊണ്ടുള്ള ഒരു കിടിലൻ വീഡിയോ ആണ് ഇപ്പോൾ പ്രേക്ഷകർക്ക് മുന്നിലേക്ക് എത്തിയിരിക്കുന്നത് .

ഈ ബ്രഹ്മാണ്ഡ ആക്ഷൻ ചിത്രത്തിന്റെ മേക്കിങ് വീഡിയോ ആണ് ഇപ്പോൾ കാണാനാവുന്നത്. ഈ വീഡിയോയിൽ കേന്ദ്ര കഥാപാത്രമായ ഉലക നായകൻ കമൽ ഹാസൻ , മക്കൾ സെൽവൻ വിജയ് സേതുപതി , മലയാളത്തിലെ യുവ താരം ഫഹദ് ഫാസിൽ എന്നിവരെ കാണാൻ സാധിക്കും. ഒപ്പം ചിത്രത്തിലെ അണിയറ പ്രവർത്തകരേയും.

ലോകേഷ് കനകരാജ് സംവിധാനം ചെയ്ത ഈ സൂപ്പർ ഹിറ്റ് ആക്ഷൻ ത്രില്ലർ ചിത്രം ജൂൺ മൂന്നിന് ആണ് തിയറ്ററുകളിൽ പ്രദർശനത്തിന് എത്തിയത്. രാജ് കമൽ ഇന്റർനാഷ്ണലിന്റെ ബാനറിൽ നടൻ കമൽ ഹാസൻ ആയിരുന്നു ഈ ചിത്രം നിർമ്മിച്ചത്. അൻബറിവാണ് ചിത്രത്തിലെ ആക്ഷൻ രംഗങ്ങൾക്ക് പിന്നിൽ പ്രവർത്തിച്ചിരിക്കുന്നത്. അനിരുദ്ധ് രവിചന്ദറാണ് ചിത്രത്തിലെ ഗാനങ്ങൾ ഒരുക്കിയിരിക്കുന്നത്. പ്രേക്ഷകർ ഏവരും ചിത്രത്തിനായി കാത്തിരിക്കുകയാണ് .

മോഹൻലാലിനെ നായകനാക്കി പൃഥ്വിരാജ് സംവിധാനം ചെയ്ത് 2019 ൽ പുറത്തിറങ്ങിയ സൂപ്പർ ഹിറ്റ് ചിത്രമാണ് ലൂസിഫർ . ഗോഡ്ഫാദർ എന്ന പേരിൽ ഈ ചിത്രത്തിന്റെ തെലുങ്ക് റിമേക്ക് ഒരുക്കുകയാണ് . ഗോഡ്ഫാദറിന്റെ ഫസ്റ്റ് ലുക്ക് പോസ്റ്റർ ഇപ്പോൾ പുറത്തുവിട്ടിരിക്കുകയാണ് . തെലുങ്ക് സൂപ്പർ സ്റ്റാർ ചിരഞ്ജീവിയാണ് ചിത്രത്തിൽ സ്റ്റീഫൻ നെടുമ്പള്ളിയായി വേക്ഷമിടുന്നത്. അണിയറ പ്രവർത്തകർ ഇപ്പോൾ പുറത്തുവിട്ടിരിക്കുന്നത് ചിരഞ്ജീവിയുടെ ഇൻട്രൊ സീൻ ആണ് . ഈ തെലുങ്ക് ചിത്രം ഒരുക്കുന്നത് തമിഴിലെ സൂപ്പർ ഹിറ്റ് സംവിധായകനായ മോഹൻ രാജ ആണ്. ചിത്രത്തിലെ സംഗീതം ഒരുക്കുന്നത് തമൻ ആണ്. ലൂസിഫറിൽ മഞ്ജു വാര്യർ അവതരിപ്പിച്ച പ്രിയദർശിനി എന്ന കഥാപാത്രത്തെ തെലുങ്കിൽ അവതരിപ്പിക്കുന്നത് തമിഴിലെ ലേഡി സൂപ്പർസ്റ്റാർ നയൻതാരയാണ്.

ഗോഡ്ഫാദർ, ലൂസിഫറിന്റെ തെലുങ്ക് പതിപ്പ് ആണെങ്കിലും ഒട്ടേറെ മാറ്റങ്ങളോടെയാണ് ഈ ചിത്രം എത്തുന്നതെന്ന് സംവിധായകൻ മോഹൻ രാജ പറഞ്ഞിരുന്നു. മലയാളത്തിൽ നിന്ന് ഏറെ വ്യത്യസ്തമായാണ് സ്റ്റീഫൻ നെടുമ്പള്ളിയുടെ ഭൂതകാലം അവതരിപ്പിക്കുന്നതെന്നും റിപ്പോർട്ടുകൾ വന്നിരുന്നു. നടൻ സൽമാൻ ഖാൻ ആണ് സയീദ് മസൂദ് എന്ന പൃഥ്വിരാജ് അവതരിപ്പിച്ച കഥാപാത്രത്തെ തെലുങ്കിൽ അവതരിപ്പിക്കുന്നത്. എന്നാൽ തെലുങ്കിൽ ഈ കഥാപാത്രത്തിനും ചില മാറ്റങ്ങൾ ഉണ്ടാകും എന്ന് പറയപ്പെടുന്നു.

ഇന്ത്യയ്ക്ക് പുറത്ത് ഖുറേഷി അബ്രാം എന്ന ഡോൺ ആയി വിലസുകയും കേരളത്തിൽ സ്റ്റീഫൻ നെടുമ്പള്ളി എന്ന രാഷ്ട്രീയക്കാരനായി അറിയപ്പെടുകയും ചെയ്യുന്ന ഒരു കഥാപാത്രത്തെയാണ് മോഹൻലാൽ കൈകാര്യം ചെയ്തത്. ഒരു കിടില്ലൻ പൊളിറ്റിക്കൽ ത്രില്ലർ ആയിരുന്നു ലൂസിഫർ . എന്നാൽ തെലുങ്കിൽ സ്റ്റീഫൻ നെടുമ്പള്ളി എന്ന കഥാപാത്രം മലയാളത്തിൽ നിന്നും വ്യത്യസ്തമായി ഒരു റൊമാന്റിക് ട്രാക്കിലൂടേയും സഞ്ചരിക്കും എന്ന് പറയപ്പെടുന്നു.

ഈ ചിത്രത്തിൽ സത്യദേവ് കഞ്ചരണ ഒരു പ്രധാന വേഷത്തെ അവതരിപ്പിക്കുന്നുണ്ട്. നിരവ് ഷാ ആണ് ഛായാഗ്രാഹകൻ . എഡിറ്റിംഗ് കൈകാര്യം ചെയ്തിരിക്കുന്നത് ശ്രീകർ പ്രസാദ് ആണ്. നാസർ, പുരി ജഗന്നാഥ്, ഹരീഷ് ഉത്തമൻ , സച്ചിൻ ഖഡേക്കർ എന്നീ താരങ്ങളും ചിത്രത്തിൽ അണിനിരക്കുന്നു. ഈ തെലുങ്ക് ചിത്രം നിർമ്മിക്കുന്നത് കൊനിഡേല പ്രൊഡക്ഷൻ കമ്പനിയും മെഗാ സൂപ്പർ ഗുഡ് ഫിലിംസും ചേർന്നാണ്.

ജൂൺ 17 ന് തിയറ്ററുകളിൽ പ്രദർശനത്തിന് എത്തിയ തെലുങ്ക് ചിത്രമാണ് വിരാടപർവ്വം . വേണു ഉഡുഗുല സംവിധാനം ചെയ്ത ഈ ചിത്രത്തിൽ റാണ ദഗ്ഗുബതി , സായ് പല്ലവി എന്നിവരാണ് കേന്ദ്ര കഥാപാത്രങ്ങളായി എത്തിയത്. ഇപ്പോഴിതാ ഈ ചിത്രത്തിലെ നഗാദാരിലോ എന്ന വരികളോടെ തുടങ്ങുന്ന ഗാനത്തിന്റെ വീഡിയോ റിലീസ് ചെയ്തിരിക്കുകയാണ് . ഈ ഗാനത്തിന്റെ ലെറിക്കൽ വീഡിയോ പുറത്തിറങ്ങിയപ്പോൾ തന്നെ വളരെയധികം പ്രേക്ഷക ശ്രദ്ധ നേടിയിരുന്നു.
ഈ ഗാനത്തിന്റെ ഫുൾ വീഡിയോ ലഹാരി മ്യൂസിക് ടി – സീരീസ് എന്ന യൂടൂബ് ചാനലിലൂടെയാണ് റിലീസ് ചെയ്തിരിക്കുന്നത്.

റാണ ദഗ്ഗുബതി , സായ് പല്ലവി, പ്രിയാമണി എന്നിവരാണ് ഈ ഗാനരംഗത്തിൽ നിറഞ്ഞ് നിൽക്കുന്നത് . കാടിനുള്ളിലെ നക്സൽ സംഘത്തിലേക്ക് സായ് പല്ലവി വന്നു ചേരുന്നതും , പുതിയ അംഗത്തെ ട്രെയ്ൻ ചെയ്യിപ്പിക്കുന്നതുമായ രംഗങ്ങളാണ് വീഡിയോയിൽ കാണിച്ചിരിക്കുന്നത്. ഒപ്പം റാണ ദഗ്ഗുബതിയുടേയും സായ് പല്ലവിയുടേയും കഥാപാത്രങ്ങൾ തമ്മിലുള്ള സ്നേഹബന്ധവും ഈ ഗാനത്തിൽ നമുക്ക് കാണാൻ സാധിക്കും.

ദ്യാവരി നരേന്ദർ റെഡ്ഡി, സഹാപതി എന്നിവരാണ് ഈ ഗാനത്തിന് വരികൾ രചിച്ചിരിക്കുന്നത്. സുരേഷ് ബൊബ്ബിലി ആണ് സംഗീത സംവിധായകൻ. വരം ആണ് ഈ ഗാനം ആലപിച്ചരിക്കുന്നത് . സംവിധായകൻ വേണു ഉഡുഗുല തന്നെയാണ് ഈ ചിത്രത്തിന്റെ രചന നിർവഹിച്ചിരിക്കുന്നത് . ഈ ചിത്രം സംവിധായകൻ ഒരുക്കിയിരിക്കുന്നത് തെലങ്കാന മേഖലയിലെ നെക്സലൈറ്റ് പ്രസ്ഥാനത്തിന്റെ പശ്ചാത്തലത്തിലാണ്.

ജൂലൈ 8 ന് റിലീസിന് ഒരുങ്ങുന്ന തെലുങ്ക് ചിത്രമായ ഹാപ്പി ബെർത്ത്ഡേയിലെ ഒരു പുത്തൻ ഗാനം ഇപ്പോൾ സോഷ്യൽ മീഡിയ ശ്രദ്ധ നേടുകയാണ്. പാർട്ടി സോങ് എന്ന പേരുള്ള ഈ ഗാനത്തിന്റെ ലെറിക്കൽ വീഡിയോ ആണ് റിലീസ് ചെയ്തിരിക്കുന്നത്. സോണി മ്യൂസിക് സൗത്ത് എന്ന യൂടൂബ് ചാനലിലൂടെ പുറത്തുവിട്ട ഈ ഗാനത്തിൽ നടി ലാവണ്യ തൃപ്തിയുടെ ത്രസിപ്പിക്കുന്ന നൃത്ത രംഗങ്ങളും കാണാൻ സാധിക്കും. കിട്ടു വിശപ്രകട വരികൾ രചിച്ച ഈ ഗാനം ആലപിച്ചിരിക്കുന്നത് ദാമിനി ഭട്ട്ല ആണ് .

ഈ അടുത്ത് ചിത്രത്തിന്റെ ട്രൈലറ്റും റിലീസ് ചെയ്തിരുന്നു. എസ്. എസ് രാജമൗലി പുറത്തുവിട്ട ഈ ട്രൈലർ ഏറെ പ്രേക്ഷക ശ്രദ്ധ നേടിയിരുന്നു. ഈ ചിത്രം കാഴ്ചവയ്ക്കുന്നത് അവിശ്വസനീയവും മെനഞ്ഞെടുത്തതുമായ ചില കാഴ്ചപാടുകളിലൂടെയും രസകരമായ ഹാസ്യ രംഗങ്ങളുമാണ്. ചിത്രത്തിന്റെ ട്രൈലറിൽ ഇത്തരം രംഗങ്ങൾ നമ്മൾ കണ്ടതും ആണ്. ട്രൈലറിന് പിന്നാലെ എത്തിയ ഈ കിടിലൻ പാർട്ടി ഗാനവും പ്രേക്ഷകർ ഏറ്റെടുത്തിരിക്കുകയാണ്.

റിതേഷ് റാണയാണ് ഈ ചിത്രത്തിന്റെ രചനയും സംവിധാനവും നിർവഹിക്കുന്നത്. ലാവണ്യ തൃപ്തിയെ കൂടാതെ ചിത്രത്തിൽ നരേഷ് അഗസ്ത്യ, ഗുണ്ടു സുധർശൻ , സത്യ, വെന്നല കിഷോർ, രാഹുൽ രാമകൃഷ്ണ , ഗെറ്റപ്പ് ശ്രീനു, പ്രിവിജ്, വിവ ഹർഷ , വിദ്യു ലേഖ രാമൻ, രവിതേജ നന്നിമല എന്നിവരും പ്രധാന വേഷങ്ങളിൽ എത്തുന്നുണ്ട്. കാലഭൈരവ ആണ് ചിത്രത്തിന്റെ സംഗീത സംവിധായകൻ. ഛായഗ്രഹണം നിർവഹിച്ചിരിക്കുന്നത് സുരേഷ് സരംഗം ആണ്. എഡിറ്റിംഗ് കൈകാര്യം ചെയ്യുന്നത് കാർത്തിക ശ്രീനിവാസ് ആണ് . ക്ലാപ്പ് എന്റർടൈൻമെന്റിലെ ബാനറിൽ ഒരുങ്ങുന്ന ഈ ചിത്രം നിർമ്മിക്കുന്നത് ചിരഞ്ജീവി , ഹേമലത പെടമല്ലു എന്നിവരാണ്. നവീൻ യേർനേനി , രവി ശങ്കർ എന്നിവർ മൈത്രി മൂവി മേക്കേഴ്സിന്റെ ബാനറിൽ ഈ ചിത്രം അവതരിപ്പിക്കുന്നു.

2022 മാർച്ചിൽ എസ്.എസ്. രാജമൗലിയുടെ സംവിധാനത്തിൽ പുറത്തിറങ്ങിയ ബ്രഹ്മാണ്ഡ ചിത്രമാണ് ആർ. ആർ. ആർ. ചിത്രത്തിൽ പ്രധാന കഥാപാത്രങ്ങളെ അവതരിപ്പിച്ചത് ജൂനിയർ എൻ. ടി. ആറും രാം ചരണും ആയിരുന്നു. ഡി വി വി ദനയ്യ നിർമ്മിച്ച ഈ ചിത്രം ഡി വി വി എന്റെർടൈൻമെന്റിന്റെ ബാനറിൽ ആണ് പുറത്തിറങ്ങിയത്. ഈ ചിത്രം കാഴ്ച്ച വച്ചത് രണ്ട് ഇന്ത്യൻ വിപ്ലവകാരികളായ അല്ലൂരി സീത രാമ രാജു , കൊമരു ഭീം എന്നിവരുടെ പോരാട്ടത്തെ കുറിച്ചുള്ള ഒരു സാങ്കൽപിക കഥയാണ്.

പ്രേക്ഷകർ ഏറ്റെടുത്ത ഈ ചിത്രത്തിലെ ഒരു വിഷ്വൽ ഇഫക്ട്സ് വീഡിയോ ആണ് ഇപ്പോൾ പ്രേക്ഷക ശ്രദ്ധ നേടുന്നത്. അണിയറ പ്രവർത്തകർ ഇപ്പോൾ പുറത്തു വിട്ടിരിക്കുന്നത് വനത്തിൽ വച്ച് നടക്കുന്ന ചിത്രത്തിന്റെ ക്ലൈമാക്സ് സംഘട്ടന രംഗത്തിന്റെ വി എഫ് എക്സ് വീഡിയോ ആണ്. ഇതിന് മുൻപ് ചിത്രത്തിലെ തീവണ്ടി അപകടത്തിന്റെ ഏറ്റവും ശ്രദ്ധേയമായ രംഗങ്ങൾ ഒരുക്കിയ വി എഫ് എക്സ് വീഡിയോയും പുറത്തുവിട്ടിരുന്നു.

ചിത്രത്തിന്റെ വി എഫ് എക്സ് ചുമതല നിർവഹിച്ചത് വി ശ്രീനിവാസ് മോഹൻ ആണ്. സാബു സിറിൽ ആണ് പ്രൊഡക്ഷൻ ഡിസൈനർ . വി എഫ് എക്സിന് പിന്നിൽ വിദേശത്ത് നിന്നുള്ള ഒരു സംഘവും കൈ കോർത്തിരുന്നു.