Trailer

ധോണി എന്റർടൈൻമെന്റ്സ് ബാനറിൽ ഇന്ത്യൻ ക്രിക്കറ്റ്‌ ടീമിന്റെ ക്യാപ്റ്റൻ എം എസ് ധോണിയുടെ ഭാര്യ സാക്ഷി സിംഗ് ധോണി നിർമ്മിക്കുന്ന പുതിയ ചലച്ചിത്രമാണ് എൽ എം ജി. ഇപ്പോൾ ഇതാ സിനിമയുടെ ട്രൈലെറാണ് സോഷ്യൽ മീഡിയയിൽ വൈറലായി മാറുന്നത്. രമേശ്‌ തമിൽമണിയുടെ സംവിധാനത്തിലാണ് സിനിമ പ്രേഷകർക്ക് മുന്നിൽ ഒരുങ്ങാൻ പോകുന്നത്. മലയാള നടി ഇവാന, ഹരീഷ് കല്യാൺ തുടങ്ങിയവരാണ് ചിത്രത്തിൽ പ്രധാന കഥാപാത്രമായി അഭിനയിക്കുന്നത്.

ഇവർക്ക് പുറമെ മലയാളികളുടെ പ്രിയ താരം നാദിയ മൊയ്തു, ആർ ജെ വിജയ്, യോഗി ബാബു തുടങ്ങിയവരാണ് മറ്റ് പ്രധാന കഥാപാത്രങ്ങളായി സിനിമയിൽ എത്തുന്നുണ്ട്. എൽജിഎം ഓഡിയോ ലാഞ്ചിങിനു ധോണിയും അദ്ദേഹത്തിന്റെ ഭാര്യയുമായ സാക്ഷി ധോണിയും പങ്കെടുത്തിരുന്നു. നിലവിൽ ധോണി ഭാര്യയുടെ കൂടെ ചെന്നൈയിലാണ് താമസം. ട്രൈലെർ ലോഞ്ചിനിടയിൽ താരം തന്റെ പ്രതികരണവും അറിയിച്ചിരുന്നു.

ധോണി പറഞ്ഞത് ഇങ്ങനെ “എന്റെ ടെസ്റ്റ്‌ ക്രിക്കറ്റ്‌ നടന്നത് ചെന്നൈയിൽ വെച്ചാണ്. ടെസ്റ്റിൽ ഞാൻ ഏറ്റവും കൂടുതൽ റൺ നേടിയത് ചെന്നൈയിൽ വെച്ചിട്ടായിരുന്നു. ഇപ്പോൾ ഇതാ ഞാൻ ആദ്യമായി നിർമ്മിക്കുന്ന ചലച്ചിത്രവും തമിഴിലാണ്. ചെന്നൈ എന്ന സ്ഥലം എനിക്ക് ഒരുപാട് ഓർമ്മകൾ സമ്മാനിച്ചതാണ്.

ഒരുപാട് നാളായി ഞാൻ ഇവിടെയാണ് ജീവിക്കുന്നത്. ഈ നാട് എന്നെ ഇതിനോടകം തന്നെ ദത്തെടുത്തു കഴിഞ്ഞു” എന്നാണ് എം എസ് ധോണി പറഞ്ഞത്. ഈ ജൂലൈയിൽ ഈ സിനിമ തീയേറ്ററുകളിൽ എത്തുമെന്നാണ് എം എസ് ധോണി കുറിച്ചത്. എന്തായാലും അദ്ദേഹത്തിന്റെ ആദ്യ നിർമ്മാണത്തിൽ എത്തുന്ന സിനിമയ്ക്ക് ഏറെ പ്രതീക്ഷയോടെയാണ് ആരാധകർ നോക്കി കാണുന്നത്.

അക്ഷയ് കുമാർ നായകനാകുന്ന ഏറ്റവും പുതിയ ചലച്ചിത്രമാണ് ഒഎംജി 2വിന്റെ ടീസർ റിലീസ് ചെയ്തിരിക്കുകയാണ്. മുമ്പ് റിപ്പോർട്ട്‌ വന്നിരുന്നത് ഡയറക്റ്റ് ഒടിടി റിലീസ് ചെയ്യുമെന്നാണ്. എന്നാൽ അതിനു ശേഷം നിർമ്മാതാക്കൾ തന്നെ തീയേറ്ററുകളിൽ റിലീസ് ചെയ്യുമെന്നാണ് അറിയിച്ചത്. ഓഗസ്റ്റ് 11നാണ് സിനിമ തീയേറ്ററുകളിൽ റിലീസ് ചെയ്യാൻ തീരുമാനിച്ചിരിക്കുന്നത്. ഉമേഷ്‌ ശുക്ലയുടെ സംവിധാനത്തിൽ 2012ൽ റിലീസ് ചെയ്ത ചലച്ചിത്രമായിരുന്നു ഒഎംജി – ഒ മൈ ഗോഡിന്റെ രണ്ടാം ഭാഗമാണ് പുതിയ സിനിമ.

അമിത് റായ് ആണ് സിനിമ സംവിധാനം ചെയ്യുന്നത്. ആഷേപ തരത്തിലാണ് സിനിമ ഒരുക്കിരിക്കുന്നത്. 2021 സെപ്റ്റംബറിലാണ് സിനിമയുടെ ചിത്രീകരണം ആരംഭിച്ചത്. സിനിമയിൽ നായികയായി എത്തുന്നത് യാമി ഗൗതമാണ്. പങ്കജ് ത്രിപാഠിയാണ് സിനിമയിൽ മറ്റൊരു പ്രധാന കഥാപാത്രമായി അവതരിപ്പിക്കുന്നത്. ആദ്യ ഭാഗത്തിൽ നിന്നും വളരെ വ്യത്യസ്തമായതും രസകരമായ ചില രംഗങ്ങളായിരിക്കും രണ്ടാം ഭാഗത്തിൽ കാണാൻ കഴിയുന്നത്.

ആദ്യ ഭാഗത്തിൽ മതമായിരുന്നു വിഷയമെങ്കിൽ രണ്ടാം ഭാഗത്തിൽ വിദ്യാഭ്യാസമാണ് പ്രധാന വിഷയം. പരെഷ് റാവൽ പ്രധാന കഥാപാത്രമായും, ഭഗവാൻ കൃഷ്ണനായി അക്ഷയ് കുമറാണ് ആദ്യ ഭാഗത്തിൽ അഭിനയിച്ചപ്പോൾ രണ്ടാം ഭാഗത്തിൽ ഭഗവാൻ ശിവനായിട്ട് അക്ഷയ് കുമറാണ് അഭിനയിക്കുന്നത്.

ബോളിവുഡിൽ ഏറ്റവും കൂടുതൽ വിജയങ്ങൾ വാരികൂട്ടിയ നടനാണ് അക്ഷയ് കുമാർ. താൻ അഭിനയിച്ച ഒട്ടുമിക്ക സിനിമകളും വളരെ പെട്ടെന്നാണ് ബോക്സോഫിസുകളിൽ തരംഗമായി കൊണ്ടിരിക്കുകയാണ്. എന്നാൽ കോവിഡിന് ശേഷം ആകെ ഒരു സിനിമ മാത്രമാണ് വിജയം കാണാൻ കഴിഞ്ഞത്. ആകെ വിജയം കണ്ടത് രോഹിത് ഷെട്ടിയുടെ സൂര്യവൻശിയായിരുന്നു. എന്തായാലും അക്ഷയ് കുമാറിന്റെ ഏറ്റവും പുതിയ സിനിമയ്ക്ക് വേണ്ടി കാത്തിരിക്കുകയാണ് ബോളിവുഡ് സിനിമ പ്രേമികൾ.

അക്ഷയ് രാധകൃഷ്ണൻ, നന്ദന രാജൻ, ടി ജി രവി, ഇർഷാദ് അലി എന്നിവർ പ്രധാന കഥാപാത്രത്തിലെത്തുന്ന ഏറ്റവും പുതിയ ചലച്ചിത്രമാണ് ഭഗവാൻ ദാസന്റെ രാമരാജ്യം. ഇപ്പോൾ ഇതാ ടീസറുടെ ഔദ്യോഗിക ടീസറാണ് യൂട്യൂബിൽ റിലീസ് ചെയ്തിരിക്കുന്നത്. റോബിൻ റീൽസ് പ്രൊഡക്ഷൻ ബാനറിൽ റെയ്സൺ കല്ലട നിർമ്മിക്കുന്ന ഏറ്റവും പുതിയ സിനിമയാണ് ഭഗവാൻ ദാസന്റെ രാമരാജ്യം. റഷീദ് പറമ്പിലാണ് സിനിമയുടെ സംവിധാനം നിർവഹിക്കുന്നത്. ഒരുപാട് ഹ്വസ ചിത്രങ്ങളിൽ സംവിധാനം നിർവഹിച്ച ഒരു വ്യക്തി കൂടിയാണ് റഷീദ് പറമ്പിൽ.

കഥയും തിരക്കഥയും ഫെബിൻ സിദ്ധാർത്ഥനാണ് തയ്യാറാക്കിരിക്കുന്നത്. പ്രശാന്ത് മുരളി, മണികണ്ഠൻ പട്ടാമ്പി, വശിഷ്ട് വാസു, റോഷ്‌ന ആൻ റോയ്, നിയാസ് ബക്കർ, വരുൺ ധാര, വിനോദ് തോമസ് തുടങ്ങിയവർ പ്രധാന കഥാപാത്രത്തിൽ അഭിനയിക്കുന്നുണ്ട്.

രാഷ്‌ട്രീയ ജാതി മതത്തിനെതിരെ വിരൽ ചൂടുന്ന തരത്തിലാണ് സിനിമയുടെ കഥ. ചലച്ചിത്രത്തിന്റെ സംഗീതം തയ്യാറാക്കിയത് വിഷ്ണു ശിവശങ്കറാണ്. കെ ആർ മിഥുൻ എഡിറ്റിംഗ് കൈകാര്യം ചെയ്യുമ്പോൾ ജിജോയ് ജോർജാണ് ലിറിക്സ് ഒരുക്കിയത്. രാജീവ്‌ പിള്ളത്ത് എക്സിക്യൂട്ടീവ് പ്രൊഡ്യൂസർ, പ്രൊഡക്ഷൻ കൺട്രോളർ രജീഷ് പത്തംകുളം, ആർട്ട് ഡയറക്ടർ സജി കോടനാട്, ഫെബിന ജബ്ബാർ കോസ്റ്റും, നരസിംഹ സ്വാമി മേക്കപ്പും, ചീഫ് അസോസിയേറ്റ് ഡയറക്ടർ ദിനിൽ ബാബു, അസോസിയേറ്റ് ഡയറക്ടർ വിശാൽ വിശ്വനാദ് എന്നിവരാണ് അണിയറ പ്രവർത്തകരായി ഉള്ളത്.

ഇത്തരം സിനിമകൾക്ക് വേണ്ടിയാണ് മലയാള സിനിമ പ്രേമികൾ കാത്തിരിക്കുന്നത്. ഇത്തരം സിനിമകൾ തീയേറ്ററുകളിൽ റിലീസ് ചെയ്യുമ്പോൾ മികച്ച വിജയം തന്നെ കൈവരിക്കുമെന്ന കാര്യത്തിൽ യാതൊരു സംശയവുമില്ല എന്നതാണ് സത്യം. എന്തായാലും മലയാളികൾ സിനിമയ്ക്ക് വേണ്ടി കാത്തിരിക്കുകയാണ്.