Song

നിമിഷങ്ങൾ കൊണ്ട് ലക്ഷക്കണക്കിന് കാഴ്ചക്കാരെ നേടി ഇന്ത്യൻ 2 ഇൻ്ററോ ..! വീഡിയോ കാണാം..

1996ൽ പുറത്തിറങ്ങിയ ഇന്ത്യൻ എന്ന സിനിമയുടെ തുടർ ഭാഗമാണ് വരാനിരിക്കുന്ന വിജിലൻഡ് ആക്ഷൻ ചിത്രമായ ഇന്ത്യൻ 2 . അനൗൺസ് ചെയ്ത നാൾമുതൽ പ്രേക്ഷകർ ഏറെ ആകാംക്ഷയോടെ കാത്തിരിക്കുന്ന ചിത്രങ്ങളിൽ ഒന്നാണ് ഇന്ത്യൻ 2 . ഇപ്പോഴിതാ പ്രേക്ഷകരിലെ ആവേശം നിറച്ചുകൊണ്ട് ചിത്രത്തിൻറെ ഒരു വീഡിയോ പുറത്തിറങ്ങിയിരിക്കുകയാണ്. ഇന്ത്യൻ ടു ആൻ ഇൻട്രോ എന്ന പേരിൽ കം ബാക്ക് ഇന്ത്യൻ എന്ന ഗാനമാണ് സോണി മ്യൂസിക് സൗത്ത് യൂട്യൂബ് ചാനലിലൂടെ പുറത്തുവിട്ടിട്ടുള്ളത്. രണ്ടുമിനിറ്റ് ദൈർഘ്യമുള്ള വീഡിയോ പുറത്തിറങ്ങി നിമിഷങ്ങൾ കൊണ്ട് തന്നെ ലക്ഷക്കണക്കിന് കാഴ്ചക്കാരെയാണ് സ്വന്തമാക്കി കൊണ്ടിരിക്കുന്നത്.  അറിവ് വരികൾ രചിച്ച ഈ ഗാനത്തിന് ഈണം പകർന്നിരിക്കുന്നതും ആലപിച്ചിരിക്കുന്നതും അനിരുദ്ധ് രവിചന്ദർ ആണ്.

കുറ്റകൃത്യങ്ങൾക്കും അഴിമതിക്കും എതിരെ പോരാടുന്ന ഒരു പഴയ സ്വാതന്ത്ര്യ സമര സേനാനിയായ ഇന്ത്യൻ അഥവാ സേനാപതി എന്ന കഥാപാത്രത്തെ മുൻനിർത്തിയാണ് ചിത്രം അണിയിച്ചൊരുക്കുന്നത്. എവിടെ അഴിമതി നടന്നാലും ഞാൻ അവിടെയെത്തും ഇന്ത്യന് മരണമില്ല എന്ന തമിഴ് ഡയലോഗോട് കൂടിയാണ് വീഡിയോ ആരംഭിക്കുന്നത്. കമൽഹാസനാണ് ചിത്രത്തിലെ കേന്ദ്ര കഥാപാത്രത്തെ അവതരിപ്പിക്കുന്നത്. അദ്ദേഹത്തെ കൂടാതെ സിദ്ധാർത്ഥ്, എസ് ജെ സൂര്യ, കാജൽ അഗർവാൾ, രാകുൽ പ്രീത് സിംഗ്, കാളിദാസ് ജയറാം , നെടുമുടി വേണു, വിവേക്, പ്രിയ ഭവാനി ശങ്കർ , ഗുൽഷൻ ഗ്രോവർ, സമുദ്രക്കനി, ബോബി സിംഹ , ഗുരു സോമസുന്ദരം ദീപാഷ്നെ, മനോബാല തുടങ്ങി നിരവധി താരങ്ങൾ അണിനിരക്കുന്നുണ്ട്.

എസ് ജെ ശങ്കർ രചന നിർവഹിച്ചു സംവിധാനം ചെയ്യുന്ന ഈ ചിത്രം 250 കോടി ബഡ്ജറ്റിൽ ആണ് ഒരുക്കിയിട്ടുള്ളത്. ലൈക്ക പ്രൊഡക്ഷൻസ്, റെഡ് ജയന്റ് ഫിലിംസ് എന്നീ പ്രൊഡക്ഷൻ കമ്പനികൾ അണിയിച്ചൊരുക്കുന്ന ഈ ചിത്രത്തിൻറെ നിർമ്മാതാക്കൾ സുബാസ്കരൻ അല്ലിരാജ, ഉദയനിധി സ്റ്റാലിൻ എന്നിവരാണ് . ആർ രത്ന വേലു, രവിവർമ്മൻ എന്നിവർ ചേർന്ന് ക്യാമറ കൈകാര്യം ചെയ്ത ഈ ചിത്രത്തിൻറെ എഡിറ്റർ എ ശ്രീകർ പ്രസാദ് ആണ്. അനിരുദ്ധ് രവിചന്ദർ ആണ് ചിത്രത്തിലെ ഗാനങ്ങൾ ഒരുക്കിയിട്ടുള്ളത്. ബി ജയമോഹൻ , കപിലൻ , വൈര മുത്തു, ലക്ഷ്മി ശരവണ കുമാർ എന്നിവർ ചേർന്നാണ് സംഭാഷണങ്ങൾ തയ്യാറാക്കിയിട്ടുള്ളത്.

നിമിഷങ്ങൾ കൊണ്ട് ലക്ഷക്കണക്കിന് കാഴ്ചക്കാരെ നേടി ഇന്ത്യൻ 2 ഇൻ്ററോ ..! വീഡിയോ കാണാം.. Read More »

വിക്രം പ്രഭുവിനൊപ്പം  അനന്തിക തകർത്താടിയ റെയ്ഡ്.. ശ്രദ്ധ നേടിയ വീഡിയോ സോങ്ങ് കാണാം..

കാർത്തി സംവിധാനം ചെയ്യുന്ന ഒരു ആക്ഷൻ എന്റർടൈമെന്റ് ചിത്രമാണ് റെയ്ഡ്. കന്നഡ ബ്ലോക്ക് ബസ്റ്റർ ചിത്രമായ ടഗരുവിന്റെ റീമേക്കാണ് ഈ ചിത്രം എന്ന് പറയപ്പെടുന്നു. ദീപാവലിയോട് അനുബന്ധിച്ച് തിയറ്ററിൽ എത്താൻ ഒരുങ്ങുന്ന ഈ ചിത്രത്തിൻറെ ട്രെയിലർ ടീസർ വീഡിയോകൾ എല്ലാം തന്നെ സോഷ്യൽ മീഡിയയിൽ വലിയ രീതിയിൽ ശ്രദ്ധ പിടിച്ചുപറ്റിയിരുന്നു. അവയ്ക്ക് പിന്നാലെ ഇപ്പോഴിതാ ചിത്രത്തിലെ ഒരു ലിറിക്കൽ വീഡിയോ ഗാനം കൂടി പുറത്ത് വിട്ടിരിക്കുകയാണ്.

വിക്രം പ്രഭുവിനൊപ്പം ഈ ഗാനരംഗത്തിൽ വേഷമിട്ടിരിക്കുന്നത് അനന്തിക ആണ് . അയ്യോ ഹയോ എന്ന വരികളോടെ തുടങ്ങുന്ന ഗാനത്തിന്റെ ലിറിക്കൽ വീഡിയോ ആണ് സരിഗമ തമിഴ് യൂട്യൂബ് ചാനലിലൂടെ പ്രേക്ഷകർക്ക് മുൻപാകെ എത്തിയിരിക്കുന്നത്. മൂന്നര മിനിറ്റ് ദൈർഘ്യമുള്ള ഈ വീഡിയോ ഗാനത്തിൽ ഇതിൻറെ മേക്കിങ് രംഗങ്ങൾ കൂടി ഉൾപ്പെടുത്തിയിട്ടുണ്ട്. പ്രേക്ഷകരിൽ നിന്നും മികച്ച പ്രതികരണമാണ് ഈ വീഡിയോ ഗാനം സ്വന്തമാക്കി കൊണ്ടിരിക്കുന്നത്. വിക്രം പ്രഭുവിന്റെ സ്റ്റൈലിഷ് ലുക്കിനോടൊപ്പം അനന്തിക കിടിലൻ പ്രകടനവും പ്രേക്ഷക പ്രശംസ നേടുന്നുണ്ട്. സാം സി എസ് അണിയിച്ചൊരുക്കിയ ഈ ഗാനം ആലപിച്ചിരിക്കുന്നത് റാനിന റെഡ്ഡി ആണ്. മോഹൻ രാജൻ ആണ് ഗാനത്തിന്റെ രചയിതാവ്.

ഈ ചിത്രത്തിൽ വിക്രം പ്രഭുവിന്റെ നായികയായി വേഷമിടുന്നത് നടി ശ്രീദിവ്യ ആണ് . കൂടാതെ റിഷി റിത്വിക് , സൗന്ദരരാജ എന്നിവരും പ്രധാന വേഷങ്ങളിൽ എത്തുന്നുണ്ട്. വിക്രം പ്രഭു ഒരു പോലീസ് ഉദ്യോഗസ്ഥന്റെ വേഷമാണ് ഈ ചിത്രത്തിൽ കൈകാര്യം ചെയ്യുന്നത്.  കതിരവൻ ക്യാമറ കൈകാര്യം ചെയ്ത ഈ ചിത്രത്തിൻറെ എഡിറ്റർ മണിമാരൻ ആണ്. കല്യാൺ ആണ് കൊറിയോഗ്രാഫർ . ആക്ഷൻ ഡയറക്ടർ – കെ ഗണേഷ്, കലാസംവിധാനം – വീരമണി ഗണേശൻ എന്നിവരാണ് ചിത്രത്തിൻറെ അണിയറ പ്രവർത്തകർ.

വിക്രം പ്രഭുവിനൊപ്പം  അനന്തിക തകർത്താടിയ റെയ്ഡ്.. ശ്രദ്ധ നേടിയ വീഡിയോ സോങ്ങ് കാണാം.. Read More »

ഗ്ലാമറസ് ലുക്കിൽ കിടിലൻ നൃത്ത ചുവടുകളുമായി നടി തമന്ന… തമന്നയും ദിലീപും ഒന്നിക്കുന്ന ബാന്ദ്രയിലെ വീഡിയോ സോങ്ങ് കാണാം..

നവംബർ 10ന് റിലീസ് ചെയ്യാൻ ഒരുങ്ങുന്ന അരുൺ ഗോപി ചിത്രമാണ് ബാന്ദ്ര. ജനപ്രിയ നായകൻ ദിലീപ് പ്രധാന വേഷത്തിലെത്തുന്ന ഈ ചിത്രത്തിലെ നായിക നടി തമന്ന ഭാട്ടിയ ആണ്. തെന്നിന്ത്യൻ താരറാണി തമന്ന ആദ്യമായി മലയാളത്തിൽ വേഷമിടുകയാണ്. ഇപ്പോഴിതാ ബാന്ദ്രയിലെ പുത്തൻ വീഡിയോ ഗാനം പ്രേക്ഷകർക്കിടയിൽ തരംഗമായി മാറുകയാണ്. രക്ക രക്ക എന്ന വീഡിയോ ഗാനമാണ് ഇപ്പോൾ പുറത്തു വിട്ടിരിക്കുന്നത്. തമന്നയും ദിലീപും ഒന്നിച്ച് തകർത്താടിയ ഈ വീഡിയോ ഗാനത്തിന്റെ ഹൈലൈറ്റ് തമന്നയുടെ ഗ്ലാമറസ് നൃത്ത ചുവടുകളാണ്. സാം സി എസ് അണിയിച്ച് ഒരുക്കിയ ഈ ഗാനത്തിന്റെ വരികൾ തയ്യാറാക്കിയത് വിനായക് ശശികുമാറാണ്. ശങ്കർ മഹാദേവൻ , നക്ഷത്ര സന്തോഷ് എന്നിവർ ചേർന്നാണ് ഈ മനോഹര ഗാനം ആലപിച്ചത്.

ഈ ആക്ഷൻ ത്രില്ലർ ചിത്രത്തിൽ ദിലീപ്, തമന്ന എന്നിവരെ കൂടാതെ ഡിനോ മോറിയ , ലെന, മംമ്ത മോഹൻദാസ് , കലാഭവൻ ഷാജോൺ , ആർ ശരത് കുമാർ , രാജ്‌ വീർ അങ്കുർ സിങ്, ദരാസിംഗ് ഖുറാന, അമിത് തിവാരി, ഈശ്വരി റാവു എന്നിവരും പ്രധാന വേഷങ്ങളിൽ എത്തുന്നുണ്ട്. ഉദയ് കൃഷ്ണ ആണ് ചിത്രത്തിന്റെ രചയിതാവ്. അജിത് വിനായക ഫിലിംസ് വിതരണം ചെയ്യുന്ന ഈ ചിത്രത്തിന്റെ നിർമ്മാതാവ് വിനായക അജിത്ത് ആണ്. ഷാജി കുമാർ ക്യാമറ കൈകാര്യം ചെയ്ത ചിത്രത്തിന്റെ എഡിറ്റിംഗ് നിർവഹിച്ചിരിക്കുന്നത് വിവേക് ഹർഷൻ ആണ്. പ്രസന്ന മാസ്റ്റർ, ദിനേഷ് മാസ്റ്റർ എന്നിവരാണ് കൊറിയോഗ്രഫേഴ്സ് . ആക്ഷൻ രംഗങ്ങൾ ഒരുക്കിയത് അൻപറിവ് ആണ്.

ഗ്ലാമറസ് ലുക്കിൽ കിടിലൻ നൃത്ത ചുവടുകളുമായി നടി തമന്ന… തമന്നയും ദിലീപും ഒന്നിക്കുന്ന ബാന്ദ്രയിലെ വീഡിയോ സോങ്ങ് കാണാം.. Read More »

സോഷ്യൽ മീഡിയയിൽ ശ്രദ്ധ നേടി രവി തേജ ചിത്രം ടൈഗർ നാഗേശ്വര റാവു.. വീഡിയോ സോങ്ങ് കാണാം..

വരാനിരിക്കുന്ന തെലുങ്ക് ഭാഷ ചിത്രമാണ് ടൈഗർ നാഗേശ്വര റാവു . ഒക്ടോബർ 20നാണ് ഈ ചിത്രം പ്രദർശനത്തിന് എത്തുന്നത്. ഇപ്പോൾ ഇതാ സോഷ്യൽ മീഡിയയിൽ ഈ ചിത്രത്തിലെ ലിറിക്കൽ വീഡിയോ ഗാനം ശ്രദ്ധ നേടുകയാണ്. സരിഗമ മലയാളം യൂട്യൂബ് ചാനലിലൂടെ ചിത്രത്തിൻറെ മലയാളം ലിറിക്കൽ വീഡിയോയും പ്രേക്ഷകർക്ക് മുൻപാകെ എത്തിയിരിക്കുകയാണ്. എന്നെ നിനക്കായി ഞാൻ എന്ന വരികളോടെ തുടങ്ങുന്ന ലെറിക്കൽ ഗാന വീഡിയോ ആണ് ഇപ്പോൾ പുറത്തുവിട്ടിരിക്കുന്നത്.

രവി തേജയും ഗായത്രി ഭരദ്വജുമാണ് ഈ ഗാനരംഗത്തിൽ വേഷമിട്ടിരിക്കുന്നത്. ദീപ രാമകൃഷ്ണൻ വരികൾ തയ്യാറാക്കിയ ഈ ഗാനത്തിന് ഈണം നൽകിയിരിക്കുന്നത് ജീവി പ്രകാശ് കുമാറാണ് . സിന്ധൂരി ആണ് ഈ ഗാനം ആലപിച്ചിരിക്കുന്നത്. ഈ മലയാള ഗാനരംഗത്തിന് പ്രേക്ഷകരിൽ നിന്നും മികച്ച സ്വീകാര്യതയാണ് ലഭിക്കുന്നത്. തെലുങ്കിനു പുറമേ കന്നട ഹിന്ദി തമിഴ് മലയാളം ഭാഷകളിലേക്ക് ഈ ചിത്രം ഡബ്ബ് ചെയ്തു റിലീസ് ചെയ്യും.

വംശി കൃഷ്ണ അകെല്ല സംവിധാനം ചെയ്യുന്ന ഈ ചിത്രത്തിൽ അനുപം ഖേർ , നൂപുർ സനോൻ , രേണു ദേശായി, ജിഷു സെൻഗുപ്ത, മുരളി ശർമ്മ, ഹരീഷ് പേരടി, സുദേവ് നായർ , അനുക്രീതി വാസ് , നാസർ, ആടുകളം നരേൻ , പ്രദീപ് റാവത്ത് എന്നിവരും പ്രധാന വേഷങ്ങളിൽ എത്തുന്നുണ്ട്. ശ്രീകാന്ത് ആണ് ചിത്രത്തിലെ സംഭാഷണങ്ങൾ ഒരുക്കിയിട്ടുള്ളത്. അഭിഷേക് അഗർവാൾ ആർട്സ് പ്രൊഡക്ഷൻ കമ്പനി അണിയിച്ചൊരുക്കുന്ന ഈ ചിത്രത്തിൻറെ നിർമ്മാതാവ് അഭിഷേക് അഗർവാൾ ആണ് . ആർ മാധി ക്യാമറ കൈകാര്യം ചെയ്ത ഈ ചിത്രത്തിൻറെ എഡിറ്റിംഗ് നിർവഹിച്ചിരിക്കുന്നത് കോത്തഗിരി വെങ്കിടേശ്വര റാവു ആണ് .

സോഷ്യൽ മീഡിയയിൽ ശ്രദ്ധ നേടി രവി തേജ ചിത്രം ടൈഗർ നാഗേശ്വര റാവു.. വീഡിയോ സോങ്ങ് കാണാം.. Read More »

പാൻ ഇന്ത്യൻ ഹൊറർ ചിത്രം ചൊവ്വാഴ്ച്ച.. പ്രേക്ഷക ശ്രദ്ധ നേടിയ വീഡിയോ സോങ്ങ് കാണാം..

ഏറെ ശ്രദ്ധ നേടിയ തെലുങ്ക് ചിത്രം ആർ എക്സ് 100 ന്റെ സംവിധായകൻ അജയ് ഭൂപതി അണിയിച്ച് ഒരുക്കുന്ന പാൻ ഇന്ത്യൻ ആക്ഷൻ ഹൊറർ ചിത്രമാണ് ചൊവ്വാഴ്ച്ച . ഇപ്പോഴിതാ ഈ ചിത്രത്തിലെ പുത്തൻ ലെറിക്കൽ വീഡിയോ ഗാനം ഏറെ ശ്രദ്ധ നേടുകയാണ്. നീയേയുള്ളൂ എന്നുമെൻ എന്ന ഗാനമാണ് സരിഗമ മലയാളം യൂടൂബ് ചാനലിലൂടെ പ്രേക്ഷകർക്ക് മുൻപാകെ എത്തിയത്.

കാന്താര ഫെയിം അജനീഷ് ലോകനാഥിന്റെ സംഗീത മികവിൽ അണിയിച്ചൊരുക്കിയ ഈ ഗാനത്തിന് വരികൾ തയ്യാറാക്കിയത് സന്തോഷ് വർമ്മയാണ്. മെറിൻ ഗ്രിഗറിയാണ് ഈ റൊമാന്റിക് ഗാനം ആലപിച്ചിരിക്കുന്നത്. അജ്മൽ , പായൽ രജ്പുത് എന്നിവരാണ് ഈ റൊമാന്റിക് ഗാന രംഗത്തിൽ വേഷമിട്ടിരിക്കുന്നത്.

ചൈതന്യ കൃഷ്ണ, അജയ് ഘോഷ്, ലക്ഷ്മൺ തുടങ്ങിയവരാണ് ചിത്രത്തിലെ മറ്റ് പ്രധാന വേഷങ്ങൾ കൈകാര്യം ചെയ്യുന്നത്. ദാശരധി ശിവേന്ദ്ര ഛായാഗ്രഹണം നിർവഹിക്കുന്ന ഈ ചിത്രത്തിന്റെ എഡിറ്റർ മാധവ് കുമാർ ഗുല്ലപല്ലി ആണ്. നവംബർ 17ന് റിലീസ് ചെയ്യാൻ ഒരുങ്ങുന്ന ഈ ചിത്രത്തിൻറെ നിർമ്മാതാക്കൾ സ്വാതി റെഡ്ഡി ഗുണപതി, സുരേഷ് വർമ എം എന്നിവരാണ്. മുദ്ര മീഡിയ വർക്ക്സ്, എ ക്രിയേറ്റീവ് വർക്ക് എന്നിവയുടെ ബാനറിൽ ആണ് ഈ ചിത്രം പുറത്തിറങ്ങുന്നത്.

അജയ് ഭൂപതി ആണ് ചിത്രത്തിന്റെ കഥയും തിരക്കഥയും ഒരുക്കുന്നത്. കണ്ണിലെ ഭയം എന്ന ടാഗ്‌ലൈനോട് കൂടി എത്തിയ ചിത്രത്തിന്റെ ടീസർ വീഡിയോ മികച്ച പ്രേക്ഷക ശ്രദ്ധ നേടിയിരുന്നു. ഗംഭീരമായ ദൃശ്യമികവിന് ഒപ്പം അജനീഷ് ലോകനാഥിന്റെ പശ്ചാത്തല സംഗീതവും പ്രത്യേക പ്രശംസ നേടിയിരുന്നു. കൊറിയോഗ്രഫർ – ഭാനു, പ്രൊഡക്ഷൻ ഡിസൈനർ – രഘു കുൽക്കർണി , കോസ്റ്റ്യും ഡിസൈനർ – മുദാസർ മുഹമ്മദ്, ഫൈറ്റ് മാസ്റ്റർ – റിയൽ സതീഷ് , പൃഥ്വി എന്നിവരാണ് ചിത്രത്തിന്റെ മറ്റ് അണിയറ പ്രവർത്തകർ.

പാൻ ഇന്ത്യൻ ഹൊറർ ചിത്രം ചൊവ്വാഴ്ച്ച.. പ്രേക്ഷക ശ്രദ്ധ നേടിയ വീഡിയോ സോങ്ങ് കാണാം.. Read More »

ധ്യാൻ ശ്രീനിവാസൻ നായകനായി എത്തുന്ന “നദികളിൽ സുന്ദരി യമുന” പ്രേക്ഷക ശ്രദ്ധ നേടിയ വീഡിയോ സോങ്ങ് കാണാം..

ധ്യാൻ ശ്രീനിവാസൻ – അജു വർഗീസ് കോംബോയിൽ സെപ്റ്റംബർ 15ന് തിയേറ്ററുകളിൽ പ്രദർശനത്തിന് എത്തിയ ഒരു കോമഡി ഡ്രാമ ചിത്രമാണ് നദികളിൽ സുന്ദരി യമുന. പ്രേക്ഷകരിൽ നിന്നും സമ്മിശ്ര പ്രതികരണം നേടിയ ഈ ചിത്രത്തിലെ ഒരു വീഡിയോ ഗാനം ഇപ്പോൾ സോഷ്യൽ മീഡിയയിൽ ശ്രദ്ധ നേടുകയാണ്. കായാം പൂവിൻ കണ്ണിൽ എന്ന വരികളോടെ തുടങ്ങുന്ന വീഡിയോ ഗാനമാണ് ഇപ്പോൾ പ്രേക്ഷകർക്ക് മുൻപാകെ എത്തിയിരിക്കുന്നത്. മൂന്നു മിനിറ്റ് ദൈർഘ്യമുള്ള ഈ വീഡിയോ ഗാനം സരിഗമ മലയാളം യൂട്യൂബ് ചാനലിലൂടെയാണ് എത്തിയിട്ടുള്ളത്.

അരുൺ മുരളീധരൻ സംഗീത സംവിധാനം നിർവഹിച്ച ഈ ഗാനം ആലപിച്ചിരിക്കുന്നത് അരവിന്ദ് വേണുഗോപാലും ഗായത്രി രാജീവും ചേർന്നാണ്. ബി കെ ഹരിനാരായണനാണ് ഈ ഗാനത്തിന്റെ വരികൾ തയ്യാറാക്കിയിട്ടുള്ളത്. ചിത്രത്തിലെ നായകൻ ധ്യാൻ ശ്രീനിവാസനും നടി പ്രജ്ഞാ നഗ്രയുമാണ് ഈ ഗാനരംഗത്തിൽ അഭിനയിച്ചിരിക്കുന്നത്. പ്രേക്ഷകരിൽ നിന്നും മികച്ച പ്രതികരണമാണ് ഈ വീഡിയോ ഗാനം സ്വന്തമാക്കുന്നത്.

കണ്ണൂരിന്റെ ദൃശ്യ ഭംഗിയിൽ അണിയിച്ച് ഒരുക്കിയിട്ടുള്ള ഈ ചിത്രത്തിൽ ധ്യാൻ, അജു, പ്രജ്ഞാ എന്നിവരെ കൂടാതെ സുധീഷ് , നിർമ്മൽ പാലാഴി, കലാഭവൻ ഷാജോൺ, സോഹൻ സീനുലാൽ , അനീഷ് ഗോപാൽ, നവാസ് വള്ളിക്കുന്ന്, ഉണ്ണിരാജ്, ആമി, വിസ്മയ ശശി കുമാർ , ദേവരാജ് , രാജേഷ് അഴീക്കോട്,  കിരൺ രമേഷ്, ശരത് ലാൽ എന്നിവരും പ്രധാന വേഷങ്ങൾ കൈകാര്യം ചെയ്യുന്നുണ്ട്.

വിജേഷ് പണത്തൂർ , ഉണ്ണി വെള്ളോറ എന്നീ നവാഗത സംവിധായകരാണ് ഈ ചിത്രം അണിയിച്ചൊരുക്കിയിട്ടുള്ളത്. സിനിമാറ്റിക് ഫിലിംസിന്റെ ബാനറിൽ പുറത്തിറങ്ങിയ ഈ ചിത്രത്തിൻറെ നിർമ്മാതാവ് മുരളി ആണ് . ഫൈസൽ അലി ആണ് ഛായാഗ്രാഹകൻ . എഡിറ്റർ രതിൻ രാധാകൃഷ്ണൻ. ചിത്രത്തിലെ പശ്ചാത്തല സംഗീതം അണിയിച്ച് ഒരുക്കിയിരിക്കുന്നത് ശങ്കർ ശർമയാണ്.

ധ്യാൻ ശ്രീനിവാസൻ നായകനായി എത്തുന്ന “നദികളിൽ സുന്ദരി യമുന” പ്രേക്ഷക ശ്രദ്ധ നേടിയ വീഡിയോ സോങ്ങ് കാണാം.. Read More »

വിജയ് ദേവരകൊണ്ടയും സാമന്തയും ഒന്നിച്ച ഖുഷിയിലെ മനോഹര ഗാനം കാണാം..

വിജയ് ദേവരകൊണ്ട, സാമന്ത റൂത്ത് പ്രഭു എന്നിവർ പ്രധാന വേഷങ്ങളിലെത്തിയ റൊമാൻറിക് കോമഡി തെലുങ്ക്  ചിത്രമാണ് ഖുഷി. സെപ്റ്റംബർ ഒന്നു മുതൽ പ്രദർശനത്തിന് എത്തിയ ഈ ചിത്രം പ്രേക്ഷകരിൽ നിന്ന് സമ്മിശ്ര പ്രതികരണം നേടുകയും ബോക്സ് ഓഫീസിൽ വിജയം തീർക്കുകയും ചെയ്തു. ഇപ്പോഴിതാ സോഷ്യൽ മീഡിയയിൽ ഈ ചിത്രത്തിലെ ആരാധ്യ എന്ന മലയാള വീഡിയോ ഗാനം ഏറെ ശ്രദ്ധ നേടുകയാണ്.

സരിഗമ മലയാളം യൂട്യൂബ് ചാനലിലൂടെയാണ് അഞ്ചു മിനിട്ട് ദൈർഘ്യമുള്ള ഈ വീഡിയോ ഗാനം പ്രേക്ഷകർക്കും മുൻപാകെ എത്തിയത്. സാമന്തയും വിജയ് ദേവരകൊണ്ടയും തമ്മിലുള്ള മനോഹരമായ പ്രണയ രംഗങ്ങളിലൂടെയാണ് ഈ വീഡിയോ ഗാനം ചിത്രീകരിച്ചിട്ടുള്ളത്. ഹൃദയം എന്ന ചിത്രത്തിലൂടെ പ്രേക്ഷകഹൃദയങ്ങളിൽ വലിയൊരു സ്ഥാനം നേടിയ സംഗീത സംവിധായകൻ ഹിഷാം അബ്ദുൽ വഹാബ് ആണ് ഈ ചിത്രത്തിലെ ഗാനങ്ങൾ ഒരുക്കിയിട്ടുള്ളത്. അരുൺ ആലാട്ട് ആണ് വരികൾ തയ്യാറാക്കിയത്. ഇതിലെ ഇംഗ്ലീഷ് വരികൾ ഒരുക്കിയിരിക്കുന്നത് ഷിയാസ് അബ്ദുൽ വഹാബ് ആണ് . കെ എസ് ഹരിശങ്കറും ശ്വേതാ മോഹനനും ചേർന്നാണ് ഈ ഗാനം ആലപിച്ചിരിക്കുന്നത്. കൊറിയോഗ്രഫി നിർവാണ , പോണി വർമ എന്നിവരുടേതാണ്.

ഈ റൊമാൻറിക് ചിത്രത്തിന്റെ തിരക്കഥ തയ്യാറാക്കിയത് ശിവ നിർവാണ ആണ് . സാമന്ത വിജയ് എന്നിവരെ കൂടാതെ സച്ചിൻ ഖേദകർ , ശരണ്യ പൊൻവണ്ണൻ , മുരളി ശർമ്മ, ലക്ഷ്മി, രോഹിണി, ജയറാം , വെണ്ണല കിഷോർ, രാഹുൽ രാമകൃഷ്ണ , ശ്രീകാന്ത് അയ്യങ്കാർ എന്നിവരും ചിത്രത്തിൽ ശ്രദ്ധേയ വേഷങ്ങൾ കൈകാര്യം ചെയ്യുന്നു. മുരളി ജി ക്യാമറ കൈകാര്യം ചെയ്ത ഈ ചിത്രത്തിൻറെ എഡിറ്റർ പ്രവിൻ പുഡി ആണ്. മൈത്രി മൂവി മേക്കേഴ്സ് അണിയിച്ച് ഒരുക്കിയ ഈ ചിത്രത്തിൻറെ നിർമ്മാതാക്കൾ നവീൻ യേർനേനി, വൈ രവിശങ്കർ എന്നിവരാണ് .

വിജയ് ദേവരകൊണ്ടയും സാമന്തയും ഒന്നിച്ച ഖുഷിയിലെ മനോഹര ഗാനം കാണാം.. Read More »

തിയേറ്റർ പൂര പറമ്പാക്കിയ കിംഗ് ഓഫ് കൊത്തയിലെ കലാപക്കാരാ..! ഫുൾ വീഡിയൊ കാണാം..

സിനിമ റിലീസ് ചെയ്യുന്നതിന് മുൻപ് തന്നെ ചിത്രത്തിലെ ഗാനങ്ങൾ പുറത്തുവിടുന്നതും സോഷ്യൽ മീഡിയ പ്ലാറ്റ്ഫോമുകളിൽ വൈറലായി മാറുന്നതും ഒരു പതിവ് കാഴ്ചയാണ്. അത്തരത്തിൽ ഏറെ ട്രെൻഡിങ് ആയി മാറിയ ഗാനമായിരുന്നു ദുൽഖർ സൽമാന്റെ കിംഗ് ഓഫ് കൊത്തയിലെ കലാപക്കാരാ ഗാനം. ഇൻസ്റ്റഗ്രാം റീൽസുകളിൽ ഈ ഗാനവും ഇതിലെ ട്രെൻഡിങ് സ്റ്റെപ്പും എല്ലാം നിറഞ്ഞു നിന്നിരുന്നു.

ഇപ്പോഴിതാ ഏറെ ട്രെൻഡിങ് ആയി മാറിയ ഈ ഗാനത്തിന്റെ വീഡിയോ പ്രേക്ഷകർക്ക് മുൻപാകെ എത്തിയിരിക്കുകയാണ്. സോണി മ്യൂസിക് സൗത്ത് യൂട്യൂബ് ചാനലിലൂടെയാണ് നാലേകാൽ മിനിറ്റ് ദൈർഘ്യമുള്ള ഈ വീഡിയോ ഗാനം പോസ്റ്റ് ചെയ്തിട്ടുള്ളത്. ജേക്സ് ബിജോയ് ഈണം പകർന്ന ഈ ഗാനത്തിലെ വരികൾ തയ്യാറാക്കിയത് ജോ പോൾ ആണ് . ജേക്സ് ബിജോയ്, ശ്രേയ ഘോഷാൽ, ബെന്നി ദയാൽ എന്നിവരാണ് കലാപക്കാരാ ഗാനം പാടിയിരിക്കുന്നത്.

ദുൽഖർ സൽമാനോടൊപ്പം ഈ ഗാന രംഗത്തിൽ അഭിനയിച്ചിരിക്കുന്നത് തെന്നിന്ത്യൻ താരം ഋതിക സിംഗ് ആണ് . ഒരു സ്പോർട്സ് താരം കൂടിയായ റിതികയുടെ ആദ്യ മലയാള ചിത്രം കൂടിയാണ് ഇത്. ഈ ഗാനരംഗത്തിൽ മാത്രമാണ് റിതിക വേഷമിട്ടത്. പ്രസന്ന, ഷബീർ കല്ലറയ്ക്കൽ, ഗോകുൽ സുരേഷ്, ഐശ്വര്യ ലക്ഷ്മി , ശരൺ ശക്തി , ചെമ്പൻ വിനോദ് ജോസ് , ഷമ്മി തിലകൻ , അനിഖ സുരേന്ദ്രൻ , നൈല ഉഷ, ശാന്തി കൃഷ്ണ എന്നിവരാണ് ചിത്രത്തിലെ മറ്റ് പ്രധാന വേഷങ്ങൾ കൈകാര്യം ചെയ്തത്.

ഓഗസ്റ്റ് 24ന് പ്രദർശനത്തിന് എത്തിയ ഈ ചിത്രം സമ്മിശ്ര പ്രതികരണമാണ് നേടിയത്. 50 കോടി മുതൽമുടക്കിൽ ഒരുക്കിയ ഈ ചിത്രം ഇതിനോടകം സ്വന്തമാക്കിയ ബോക്സ് ഓഫീസ് കളക്ഷൻ 38 കോടിയാണ്. അഭിലാഷ് ജോഷി സംവിധാനം ചെയ്ത ഈ ചിത്രത്തിന്റെ നിർമാണം നിർവഹിച്ചത് ദുൽഖർ സൽമാനും സി സ്റ്റുഡിയോസും ചേർന്നാണ് . അഭിലാഷ് എൻ ചന്ദ്രനാണ് ചിത്രത്തിൻറെ രചന നിർവഹിച്ചത്.

തിയേറ്റർ പൂര പറമ്പാക്കിയ കിംഗ് ഓഫ് കൊത്തയിലെ കലാപക്കാരാ..! ഫുൾ വീഡിയൊ കാണാം.. Read More »

പ്രേക്ഷക ശ്രദ്ധ നേടിയ കിംഗ് ഓഫ് കൊത്തയിലെ മനോഹര വീഡിയോ സോങ്ങ് കാണാം..

നിരവധി താരങ്ങൾ അണിനിരക്കുന്ന മലയാളത്തിലെ പുത്തൻ ചിത്രമാണ് കിംഗ് ഓഫ് കൊത്ത . വമ്പൻ പ്രൊമോഷനുകളുമായി എത്തുന്ന ഈ ചിത്രം ഓണത്തിനാണ് പ്രേക്ഷകർക്ക് മുൻപാകെ എത്തുന്നത്. മലയാളത്തിൽ ഒരുക്കുന്ന ഈ ചിത്രം തമിഴ് തെലുങ്ക് ഹിന്ദി കന്നട ഭാഷാ പതിപ്പുകളിലും മൊഴിമാറ്റി റിലീസ് ചെയ്യുന്നുണ്ട്. അന്യഭാഷകളിലെ ചിത്രത്തിന്റെ ട്രെയിലർ , ടീസർ വീഡിയോകൾ എല്ലാം വൻ പ്രേക്ഷക സ്വീകാര്യതയാണ് നേടിയത്. ഇപ്പോഴിതാ ചിത്രത്തിലെ രണ്ടാമത്തെ വീഡിയോ ഗാനം കൂടി അണിയറ പ്രവർത്തകർ പുറത്ത് വിട്ടിരിക്കുകയാണ്. സോണി മ്യൂസിക് സൗത്ത് യൂട്യൂബ് ചാനലിലൂടെ ഇപ്പോൾ പ്രേക്ഷകർക്കും മുൻപാകെ എത്തിയിരിക്കുന്നത് എൻ ഉയിരേ എന്ന തമിഴ് വീഡിയോ ഗാനമാണ്.

നാലു മിനിറ്റ് ദൈർഘ്യമുള്ള ഈ വീഡിയോ ഗാനത്തിൽ അഭിനയിച്ചിരിക്കുന്നത് ദുൽഖർ സൽമാനും നടി ഐശ്വര്യ ലക്ഷ്മിയുമാണ്. ഇരുവരും അവതരിപ്പിക്കുന്ന കഥാപാത്രങ്ങൾക്കിടയിലെ മനോഹരമായ പ്രണയ നിമിഷങ്ങളെ അവതരിപ്പിച്ചിരിക്കുകയാണ് ഈ ഗാനത്തിൽ . മണിക്കൂറുകൾ കൊണ്ട് ലക്ഷക്കണക്കിന് കാഴ്ചക്കാരെയാണ് ഈ വീഡിയോ ഗാനം സ്വന്തമാക്കിയത്. പ്രേക്ഷകരിൽ നിന്ന് മികച്ച പ്രതികരണമാണ് ചിത്രത്തിലെ ഈ വീഡിയോ ഗാനവും സ്വന്തമാക്കുന്നത്.

ഷാൻ റഹ്മാൻ അണിയിച്ചൊരുക്കിയ ഈ ഗാനത്തിന് വരികൾ തയ്യാറാക്കിയത് മണി അമുദവനാണ് . ഗാനം ആലപിച്ചിരിക്കുന്നത് സത്യപ്രകാശ് ആണ്.അഭിലാഷ് ജോഷിയുടെ ആദ്യ സംവിധാന സംരംഭമായ ഈ ചിത്രം പ്രദർശനത്തിന് എത്തുന്നത് ഓഗസ്റ്റ് 24നാണ്. ദുൽഖർ, ഐശ്വര്യ ലക്ഷ്മി എന്നിവരെ കൂടാതെ ചെമ്പൻ വിനോദ് ജോസ് , ഷബീർ കല്ലറയ്ക്കൽ, പ്രസന്ന, നൈല ഉഷ , ഗോകുൽ സുരേഷ്, ശരൺ ശക്തി , ഷമ്മി തിലകൻ , അനിഖ സുരേന്ദ്രൻ , ശാന്തികൃഷ്ണ , സെന്തിൽ കൃഷ്ണ, ടി ജി രവി , രാജേഷ് ശർമ, സുധി കോപ്പ എന്നിവരും വേഷമിടുന്നു. ജേക്സ് ബിജോയ് ആണ് കിംഗ് ഓഫ് കൊത്തയിലെ പശ്ചാത്തല സംഗീതം ഒരുക്കുന്നത്.

അഭിലാഷ് ജോഷിയുടെ ആദ്യ സംവിധാന സംരംഭമായ ഈ ചിത്രം പ്രദർശനത്തിന് എത്തുന്നത് ഓഗസ്റ്റ് 24നാണ്. ദുൽഖർ, ഐശ്വര്യ ലക്ഷ്മി എന്നിവരെ കൂടാതെ ചെമ്പൻ വിനോദ് ജോസ് , ഷബീർ കല്ലറയ്ക്കൽ, പ്രസന്ന, നൈല ഉഷ , ഗോകുൽ സുരേഷ്, ശരൺ ശക്തി , ഷമ്മി തിലകൻ , അനിഖ സുരേന്ദ്രൻ , ശാന്തികൃഷ്ണ , സെന്തിൽ കൃഷ്ണ, ടി ജി രവി , രാജേഷ് ശർമ, സുധി കോപ്പ എന്നിവരും വേഷമിടുന്നു. ജേക്സ് ബിജോയ് ആണ് കിംഗ് ഓഫ് കൊത്തയിലെ പശ്ചാത്തല സംഗീതം ഒരുക്കുന്നത്.

പ്രേക്ഷക ശ്രദ്ധ നേടിയ കിംഗ് ഓഫ് കൊത്തയിലെ മനോഹര വീഡിയോ സോങ്ങ് കാണാം.. Read More »

പ്രേക്ഷക ശ്രദ്ധ നേടിയ തെലുങ്ക് ചിത്രം ബ്രോ..വീഡിയോ സോങ്ങ് കാണാം..

ജൂലൈ 28ന് പ്രദർശനത്തിനെത്തിയ ഒരു അമാനുഷിക ഫാന്റസി കോമഡി ചിത്രമായിരുന്നു ബ്രോ . സമുദ്രക്കനി സംവിധാനം ചെയ്ത ഈ ചിത്രത്തിൽ പവൻ കല്യാൺ, സായ് ധരം തേജ്, കേതിക ശർമ്മ , പ്രിയ വാര്യർ എന്നിവർ പ്രധാന വേഷങ്ങളിൽ എത്തിയിരുന്നു. വേണ്ടത്ര വിജയം കൈവരിക്കാൻ സാധിക്കാതിരുന്ന ഈ ചിത്രത്തിലെ ഒരു വീഡിയോ ഗാനമാണ് ഇപ്പോൾ സോഷ്യൽ മീഡിയയിൽ ശ്രദ്ധ നേടുന്നത്. ജാനാവുലേ എന്ന വീഡിയോ ഗാനമാണ് മാഗോ മ്യൂസിക് യൂട്യൂബ് ചാനലിലൂടെ ഇപ്പോൾ പ്രേക്ഷകർക്കും മുൻപാകെ എത്തിയിട്ടുള്ളത്.

കേതിക ശർമയും സായ് ധരം തേജും ആണ് ഈ ഗാനരംഗത്തിൽ അഭിനയിച്ചിരിക്കുന്നത്. ഇരുവർക്കും ഇടയിലെ പ്രണയരംഗങ്ങളും അതി മനോഹരമായ നൃത്ത ചുവടുകളും ആണ് ഈ വീഡിയോയുടെ ഹൈലൈറ്റ് ആയി മാറുന്നത്. കസർല ശ്യാം വരികൾ രചിച്ച ഈ ഗാനത്തിന് ഈണം പകർന്നിരിക്കുന്നത് തമൻ എസ് ആണ്. അദ്ദേഹവും പ്രണതിയും ചേർന്നാണ് ഈ ഗാനം ആലപിച്ചിരിക്കുന്നത്.

ബ്രഹ്മാനന്ദം, സുബ്ബരാജു , വെണ്ണല കിഷോർ, അലി റെസ , രോഹിണി , തനിക്കെല്ല ഭരണി, സൂര്യ ശ്രീനിവാസ് , ഉർവശി റൗട്ടേല എന്നിവരും ഈ ചിത്രത്തിൽ വേഷമിട്ടിരുന്നു. ത്രിവിക്രം ശ്രീനിവാസാണ് ഈ ചിത്രത്തിൻറെ തിരക്കഥ തയ്യാറാക്കിയത്. പീപ്പിൾ മീഡിയ ഫാക്ടറി , സീ സ്റ്റുഡിയോസ് എന്നിവ ചേർന്ന് നിർമ്മിച്ച ഈ ചിത്രത്തിന്റെ നിർമ്മാതാക്കൾ ടി ജി വിശ്വപ്രസാദ്, വിവേക്, കുച്ചി ബോട്ല എന്നിവരാണ് . സുജിത്ത് വാസുദേവായിരുന്നു ചിത്രത്തിന്റെ ക്യാമറാമാൻ . എഡിറ്റർ നവീൻ നൂലിയും .

പ്രേക്ഷക ശ്രദ്ധ നേടിയ തെലുങ്ക് ചിത്രം ബ്രോ..വീഡിയോ സോങ്ങ് കാണാം.. Read More »

Scroll to Top